Кыргыз Республикасынын Адилет министрлигинде 2008-жылдын

2-октябрында каттоодон өткөн. Каттоо номери 122-08

Кыргыз Республикасынын банкнотторунун жана монеталарынын төлөө күчүнүн белгилери жана аларды алмаштыруу эрежелери жөнүндө ЖОБО

 (КР Улуттук банк Башкармасынын 2013-жылдын 31-январындагы № 2/1 токтомунун редакциясына ылайык)

I бөлүк. Жалпы жоболор

II бөлүк. Банкнотторду жана монеталарды экспертизага кабыл

алуунун тартиби

1-тиркеме. Арыз

2-тиркеме. Квитанция

3-тиркеме. Кыргыз Республикасынын банкнотторунун/монеталарынын

төлөөгө жөндөмдүүлүгүн аныктоо

4-тиркеме. Билдирүү

5-тиркеме. Арыз

6-тиркеме. Квитанция

Кыргыз Республикасынын "Кыргыз Республикасынын Улуттук банкы жөнүндө" мыйзамынын 18-статьясынын негизинде бул жободо Кыргыз Республикасынын банкнотторунун жана монеталарынын төлөө күчүнүн белгилери жана аларды алмаштыруу эрежелери белгиленген.

I бөлүк

Жалпы жоболор

1. Кыргыз Республикасынын аймагында мыйзамдуу төлөм каражаты статусуна ээ (анын ичинде жүгүртүүдөн алынуучулар), жасалма белгилерин камтыбаган, зыян келтирилбеген, бирок төмөнкүдөй жагдайларга дуушар болгон банкноттор жана монеталар Кыргыз Республикасынын төлөө күчүндөгү банкноттору жана монеталары болуп саналат.

а) кир чалган, эскирген, айрылган, сүрүлүп калган, көзөнөкчө болуп бир аз тешилген, чекелерине жазылып, так түшкөн, штамптардын оттисктери коюлган, бурчу, чети тытылган, бирок банкноттун аянтынын 50 пайызынан көбү сакталып калган банкноттор;

б) айрым бир зыянга учураганы менен алдынкы, арткы бетиндеги (аверс/реверс) сүрөттөлүштөрү жана баштапкы калыбы жана салмагынын кеминде 80 пайыздан сакталып калган монеталар.

2. Төлөө күчүндөгү банкноттор/монеталар эсептешүүлөрдө жана төлөөлөрдө бардык юридикалык жактар жана жеке адамдар тарабынан эч кандай чектөөлөрсүз кабыл алынууга тийиш.

3. Кыргыз Республикасынын аймагындагы коммерциялык банктарда алмаштырууга болот:

3.1. Жасалма экендигин көрсөткөн белгилерди камтыбаган, төмөнкүдөй жагдайларга дуушар болгон банкнотторду алмаштырууга болот:

а) фрагменттерин негизинен жоготкон (анын ичинде күйүп калган, мүнөздөмөлөрүн жоготууга алып келген таасирлерге туш болгон, эскилиги жеткен) бирок аянтынын кеминде 80 пайызы сакталып калган банкноттор;

б) бир банкнотко тиешелүү болгон бир же бир нече фрагменттерди чаптоо аркылуу (фрагменттердин санын эсепке албаганда) банкноттун баштапкы аянтынын кеминде 80 пайызын түзгөндөй болуп кураштырылган банкноттор;

в) түсү өзгөргөн, бирок жарыкка салып кароодо сүрөттөлүштөрү так көрүнгөн банкноттор;

г) даярдоочунун бракка жол берүүсү.

3.2. Жасалма экендигин көрсөткөн белгилер камтылбаган, бирок төмөнкүдөй жагдайларга дуушар болгон монеталар:

а) баштапкы формасынын өзгөрүшү (ийилип, мырыйган, өгөлгөн) бирок аверсинде жана реверсинде сүрөттөлүшү сакталган;

б) жогорку температуранын жана башка алардын өзгөрүшүнө түрткү берген кесепеттүү жагдайлардын таасири (эритилген, оюлуп калган, түсүн өзгөрткөн);

в) даярдоочунун бракка жол берүүсү.

4. Коммерциялык банктар ушул жобонун 3-пунктунда келтирилген банкнотторду/монеталарды алмаштырууну, эгерде аныктыгы эч кандай шектенүүнү туудурбаса, аларды түздөн-түз кабыл алгандан кийин, жарактуу(1) банкноттун жана монетанын эквиваленттүү суммасын жеке адамдарга же юридикалык жактарга берүү же банк эсебине чегерүү жолу менен жүзөгө ашырышат. Эгерде банкнот/монета шектенүүнү жаратса, анда мындай банкнот/монета алар Кыргыз Республикасынын Улуттук банкына экспертизага жөнөтүлүп жана Улуттук банк аларды алмаштырган учурда гана алмаштырылат.

5. Кыргыз Республикасынын Улуттук банкынын мекемелеринде (мындан ары Улуттук банк) төмөнкүлөр алмаштырылып берилүүгө тийиш:

5.1. Жасалма экендигин көрсөткөн белгилер камтылбаган, бирок төмөнкүдөй жагдайларга туш болгон банкнотторду 100 пайыз суммасында алмаштырууга болот:

а) олуттуу фрагментин жоготкон (анын ичинде күйүп калган, мүнөздөмөлөрүн жоготууга алып келген таасирлерге туш болгон, эскилиги жеткен) бирок аянтынын кеминде 51 пайызы сакталып калган банкноттор;

б) бир банкнотко тиешелүү болгон бир же бир нече фрагменттерди чаптоо аркылуу (фрагменттердин санын эсепке албаганда) банкноттун баштапкы аянтынын кеминде 51 пайызын түзгөндөй болуп кураштырылган банкноттор;

в) түсү өзгөргөн, бирок жарыкка салып кароодо сүрөттөлүштөрү так көрүнгөн банкноттор;

г) даярдоочунун бракка жол берүүсү;

укук коргоо органдары тарабынан ар түрдүү атайын операцияларды

жүргүзүү үчүн пайдаланылган банкнотторду ультракызгылтым нурга салып кароодо штамптын тагы же атайы коюлган белгилер.

(КР Улуттук банк Башкармасынын 2013-жылдын 31-январындагы № 2/1 токтомунун редакциясына ылайык)

5.2. Жасалма экендигин көрсөткөн белгилер камтылбаган, баштапкы аянтынын 50 пайызын сактап калган (анын ичинде күйүп калган, мүнөздөмөлөрүн жоготууга алып келген таасирлерге туш болгон, эскилиги жеткен) банкноттордун номиналынан 50 пайыз суммасында. Аянтынын 50 пайызга жетпегени сакталып калган банкноттор кабыл алынбайт жана алмаштырылбайт.

5.3. Жасалма экендигин көрсөткөн белгилер камтылбаган, салмагынын 80 пайызы сакталган шартта аверсинде жана реверсинде сүрөттөлүшү калган жана төмөнкүдөй жагдайларга туш болгон монеталардын номиналынын 100 пайыз суммасында:

а) баштапкы формасы өзгөрүп калган (ийрейген, мыйрылган, өгөөлөнгөн) бирок аверсинде жана реверсинде сүрөттөлүшү сакталган;

б) жогорку температуранын жана башка алардын өзгөрүшүнө түрткү берген кесепеттүү жагдайлардын таасири (эритилген, оюлуп калган, түсүн өзгөрткөн);

в) даярдоочунун бракка жол берүүсү.

Зыянга учураган, аянтынын 80 пайызынан азы сакталып калган монеталар кабыл алынбайт жана алмаштырылбайт.

6. Улуттук банк ушул жобонун 5-пунктунда келтирилген банкнотторду жана монеталарды алмаштырууну, эгерде алардын аныктыгы эч кандай шектенүүнү туудурбаса, аларды экспертизага кабыл алгандан кийин, жарактуу банкноттун жана монетанын эквиваленттүү суммасын жеке адамдарга же юридикалык жактарга берүү же коммерциялык банктардын биринде ачылган алардын банк эсебине чегерүү жолу менен жүзөгө ашырат.

II бөлүк

Банкнотторду жана монеталарды экспертизага

кабыл алуунун тартиби

7. Банкноттор жана монеталар алмаштырууга жана экспертизага анын аныктыгын жана төлөөгө жөндөмдүүлүгүн текшерүүгө жана экспертизанын жыйынтыгы жөнүндө анда белгилөөгө боло тургандай түрдө берилүүгө тийиш.

8. Банкноттун күйүп калгандан кийинки үбөлөнгөн чети, ошондой эле химикаттар менен иштетилген банкноттор экспертизаны жана алмашууну жүзөгө ашырууда купюралардын бөлүгүн жоготуп албоо үчүн скотч же желим менен чапталууга тийиш.

9. Жуулган жана нымдалып калган банкноттор, ошондой эле үзүндү фрагменттерден турган банкноттор жука кагаздын бетине бириктирилип чапталган түрүндө берилет. Эгерде банкнот ар кандай банкноттордун бөлүгүнөн түзүлсө, анда ал бир нече өзүнчө банкнот катары каралат.

10. Жугуштуу оорулар тараган жерден түшкөн банкноттор экспертизага кабыл алынбайт жана Кыргызстандагы каратумоого (чумага) каршы станциянын адистери дезинфекциялык тазалоодон өткөрүүгө тийиш. Тазаланып жана ал боюнча тиешелүү корутунду алынгандан кийин, дезинфекцияланган банкноттор экспертизага кабыл алынышы мүмкүн.

11. Банктын кассири зыянга учураган банкнотту/монетаны өтүнүч каттын негизинде алмашууга кабыл алат (1-тиркеме). Өтүнүч менен кайрылган адамга экспертизага кабыл алынган банкноттун/монетанын суммасын жана санын көрсөтүү менен квитанция берилет (2-тиркеме). Эгерде банкнот/монета экспертизадан өткөртүүнү талап кылбаса, банктын кассири эскилиги жеткен(2) банкнотту/монетаны жарактуусуна алмаштырып берет, мында эч кандай документтер толтурулбайт.

12. Аянтынын 80 пайызынан көбүрөөгү сакталып калган банкноттор коммерциялык банктарга алмашууга өткөрүлөт. Ал эми аянтынын 50 пайызынан 80 пайызына чейин сакталган банкноттор Улуттук банкка экспертизага берилет. Аянтынын 50 пайызынан азы сакталып калган банкноттор кабыл алынбайт жана алмаштырылбайт.

13. Банкноттун/монетанын төлөө күчүнө экспертиза Улуттук банк тарабынан беш жумуш күнүнөн ашпаган мөөнөттө жүргүзүлөт. Экспертизанын жыйынтыгы боюнча Протокол түзүлүп, ага экспертиза жүргүзгөн адам кол коет (3-тиркеме). Банкнотту экспертизадан өткөрүү Протокол башкы документ болуп саналат жана анын негизинде банкнотторду алмашуу же андан баш тартуу тууралуу акыркы корутунду чыгарылат.

14. Банкноттун/монетанын төлөө күчү аныкталгандан кийин өтүнүч менен кайрылган адамга экспертизанын жыйынтыгы менен таанышуу үчүн банкнот жана монета көрсөтүлөт. Экспертизанын жыйынтыгы менен таанышкандан кийин, өтүнүч менен кайрылган адам экспертизага кабыл алынгандыгы жөнүндө квитанцияны кайтарып берүүгө жана арызга кол коюуга тийиш. Бетине "АЛМАШТЫРЫЛСЫН" же "АЛМАШТЫРУУДАН БАШ ТАРТЫЛГАН" деген штамп коюлган банкноттор жана зыянга учураган монеталар кардарга кайтарылып берилбейт.

15. Экспертиза жүргүзүлгөндөн кийин, аламаштырылып берилүүгө тийиш болгон банкноттун/монетанын суммасы банкнотту жөнөткөн банктын эсебине чегерилет. Акчанын чегерилиши жөнүндө маалымат банкноту түздөн-түз жөнөткөн банкка же анын филиалына маалымдалат (4-тиркеме).

16. Ушул жобонун 2 жана 3-пункттарында келтирилген зыянга учураган банкнотту/монетаны жарактуу банкнотко алмаштыруу, ошондой эле бир нарктагы банкнотту/монетаны экинчисине алмаштыруу Улуттук банкта суммаларда чектөөлөрсүз жана көрсөткөн кызмат үчүн акы өндүрүп алуусуз жүргүзүлөт.

(КР Улуттук банк Башкармасынын 2013-жылдын 31-январындагы № 2/1 токтомунун редакциясына ылайык)

17. Жасалма белгилери камтылбаган, ушул жобонун 2 жана 3-пункттарында белгиленген зыянга учуроого дуушар болгон, жүгүртүүдөн алуучу, бирок алмаштырылып берилүүгө тийиш болгон банкноттор жана монеталар, эгерде Кыргыз Республикасынын мыйзамдарында башкасы белгиленбесе, ушул жобонун 2 жана 3-пункттарында каралган тартипте алмаштырылып берилет.

18. Кыргыз Республикасынын аймагында мыйзамдуу төлөм каражаты статусуна ээ болбогон, же жасалма акча белгилерин камтыган же ушул жобонун 2 жана 3-пункттарында көрсөтүлбөгөн зыяндарга учураган банкноттор жана монеталар (анын ичинде ортосунан бөлүп айрылып, башка банкнот менен толукталып чапталган, бетинде "ҮЛГҮ" деген сөз жазылган банкноттор), ошондой эле аянтынын 50 пайызга жетпегени сакталып калган банкноттор жана баштапкы салмагынын 80 пайызынан азы сакталган монеталар төлөөгө жөндөмсүз болуп саналат жана алмаштырылып берилбейт.

19. Жеке адамдардан жана юридикалык жактардан нак акча кабыл алууда шектенүүнү жараткан(3) (жасалма)(4) банкнот/монета табылган учурда, мындай банкнот/монета алынып салынууга тийиш. Шектүү банкнотаны/монетаны алып коюуда арыз жазылып (5-тиркеме), кардарга квитанция берилет (6-тиркеме).

Шектүү банкнот/монета экспертизадан өткөрүлүүгө тийиш, эгерде экспертизанын жыйынтыгы алардын аныктыгын тастыктаса, анда кардарга мурда алынып коюлган банкноттун/монетанын суммасы кайтарылып берилет. Мында кардар ага берилген квитанцияны кайтарууга тийиш. Жасалма банкнот/монета аныкталган учурда кассирдин андан ары аракет көрүүсү Кыргыз Республикасынын Улуттук банк Башкармасы тарабынан 2011-жылдын 10-августунда № 44/3 токтому менен бекитилген "Улуттук валютанын шектүү банкноттору жана монеталары менен иш алып баруу жөнүндө" нускоодо аныкталган.

(КР Улуттук банк Башкармасынын 2013-жылдын 31-январындагы № 2/1 токтомунун редакциясына ылайык)

Ушул жободо колдонулган терминдер:

1. Жарактуу банкноттор жана монеталар - банкнотко баа берүү боюнча бекитилген критерийлердин чегинен чыкпаган, бир аз эле зыянга учураган анык банкноттор жана монеталар.

2. Эскилиги жеткен банкноттор - банкнотко баа берүү боюнча бекитилген критерийлердин чегинен чыккан, зыянга учурашынан улам накталай акча жүгүртүлүшү үчүн жараксыз болгон анык банкноттор.

3. Шектенүүнү жараткан банкноттор жана монеталар - бир катар техникалык мүнөздөмөлөрү, алар Улуттук банк тарабынан эмитирленгендигинен шектенүүнү жараткан банкноттор жана монеталар.

4. Жасалма банкноттор жана монеталар - банкноттордун жана монеталардын техникалык мүнөздөмөлөрүнө ылайык келбеген жана экспертизанын жыйынтыгы боюнча жасалма катары таанылган банкноттор жана монеталар.

Дареги ___________________________________________________________ _______________________________________________________________________

(уюмдун аталышы же өтүнүч менен кайрылган жактын аты-жөнү)

Арыз

Улуттук валютанын зыянга учураган банкнотторун/монеталарын экспертизага кабыл алууңузду өтүнөм:

┌───┬─────────────────────┬─────────────────────┬─────────────────────┐

│ № │       Номиналы      │ Сериясы жана номери │   Чыгарылган жылы   │

├───┼─────────────────────┼─────────────────────┼─────────────────────┤

├───┼─────────────────────┼─────────────────────┼─────────────────────┤

├───┼─────────────────────┼─────────────────────┼─────────────────────┤

└───┴─────────────────────┴─────────────────────┴─────────────────────┘

__________________________________________________________ алынган

(кардар кандай жагдайда банкнотту/монетаны алган)

200__-жылдын "__" ________ Арыз ээсинин колтамгасы _________

Улуттук банктын 200_-жылдын _____ № __ экспертизасынын корутундусу

__________________________________________________________________

(Улуттук банктын экспертизага банкнотторду/монеталарды кабыл алган

мекемесинин аталышы)

┌──────────────────────┬──────────────────────┬───────────────────────┐

│   100% номиналында   │    50% номиналында   │     Алмаштырылууга    │

│  алмаштырыла турган  │  алмаштырыла турган  │     жатпаган турган   │

│ банкноттор/монеталар │ банкноттор/монеталар │  банкноттор/монеталар │

├──────────────────────┼──────────────────────┼───────────────────────┤

├──────────────────────┼──────────────────────┼───────────────────────┤

├──────────────────────┼──────────────────────┼───────────────────────┤

└──────────────────────┴──────────────────────┴───────────────────────┘

Алмаштыруу _________________ сом ____ тыйын суммасында жүргүзүлөт.

Экспертизанын корутундусу менен тааныштым; берилүүгө тийиш болгон сумма алынды.

200__-жыл "__" _________ Арыз ээсинин колтамгасы __________

__________________________________________________________________

(банкнотту/монетаны экспертизага кабыл алган мекеменин аталышы)

200__-жылдын "__" ________ № ___ арызга карата

Квитанция

Экспертизага ____________________________________ сом _______тыйын

(цифра жана жазуу менен)

суммасында ____________ даана зыянга учураган банкнот/монета кабыл алынды.

Банкноттордун сериялык номерлери: ________________________________ _______________________________________________________________________ _______________________________________________________________________ _______________________________________________________________________ _______________________________________________________________________ _______________________________________________________________________ _______________________________________________________________________ _______________________________________________________________________

Кошумча маалыматтар: _____________________________________________ _______________________________________________________________________ _______________________________________________________________________ _______________________________________________________________________ _______________________________________________________________________

Банкнотту/монетаны кабыл алган адамдын аты-жөнү, ээлеген кызматы жана кол тамгасы ______________________________________________________ _______________________________________________________________________ _______________________________________________________________________ _______________________________________________________________________

200__-жылдын "__" ________

(Экспертизасынын корутундусу менен таанышкандан кийин

квитанцияны кайтарып берүүнү өтүнөбүз!)

__________________________________________________________________

(Кыргыз Республикасынын Улуттук банкынын экспертизаны жүзөгө

ашырган мекемесинин аталышы)

200__-жылдын "__" _______ № ___ протоколу

Кыргыз Республикасынын банкнотторунун/монеталарынын

төлөөгө жөндөмдүүлүгүн аныктоо

____________________________________________________ келип түшкөн.

Иликтөөнүн натыйжасында төмөндөгүлөр аныкталды:

┌──┬─────────────────┬────────────┬────────────────┬──────────────────┐

│№ │ Банкнот/монета  │   Аянты %  │Ячейка тилкелери│ Алмашуу жөнүндө  │

│  │жөнүндө маалымат │    менен   │                │                  │

│  ├───┬────┬────┬───┼────┬───┬───┼────┬──────┬────┼────┬──────┬──────┤

│  │Но-│Чык-│ Се-│Но-│50% │50%│50%│97  │97-103│103 │ Ал-│ 50%  │ 100% │

│  │ми-│кан │рия-│ме-│жет-│   │аш-│аш- │      │тил-│маш-│алмаш-│алмаш-│

│  │нал│жылы│ сы │ри │ пе-│   │кан│па- │      │ ке-│ ты-│ тыры-│ тыры-│

│  │   │    │    │   │ген │   │   │ган │      │ден │рыл-│ лат  │ лат  │

│  │   │    │    │   │    │   │   │    │      │ашык│байт│      │      │

├──┼───┼────┼────┼───┼────┼───┼───┼────┼──────┼────┼────┼──────┼──────┤

├──┼───┼────┼────┼───┼────┼───┼───┼────┼──────┼────┼────┼──────┼──────┤

├──┼───┼────┼────┼───┼────┼───┼───┼────┼──────┼────┼────┼──────┼──────┤

└──┴───┴────┴────┴───┴────┴───┴───┴────┴──────┴────┴────┴──────┴──────┘

_______________________________________________ _______________

(Экспертизаны жүзөгө ашырган адамдын аты-жөнү) (колтамгасы)

Билдирүү

Кыргыз Республикасынын Улуттук банкынын Накталай акча менен иш алып баруу башкармалыгы Сиз жөнөткөн улуттук валютанын зыянга учураган ____________ сом _________ тыйын суммасындагы банкнотторун/монеталарын экспертизадан өткөрдү жана аларды ____________ сом _________ тыйын суммасына алмаштырды.

Көрсөтүлгөн сумма банктын ________________________________________ __________________________________________ эсептешүү эсебине чегерилди.

Акчаны алуу үчүн Сиз паспортуңузду же Ким экендигин тастыктаган документтериңизди алуу менен __________________________________________ _______________________________ дареги боюнча жайгашкан мекемеге кайрылуу зарыл.

Накталай акча менен иш алып

баруу башкармалыгынын начальниги

__________________________________________________________________

(уюмдун аталышы жана дареги)

__________________________________________________________________

(банкнотту экспертизага тапшырып жаткан адамдын аты-жөнү)

__________________________________________________________________

(паспорттук маалыматтары жана каттоодо турган дареги)

№ ____ Арыз

Шектенүүнү жараткан төмөнкү банкнотторду экспертизага кабыл алууну өтүнөм:

┌─────────┬──────────┬────────┬───────────────────────────┬───────────┐

│Номиналы │Чыгарылган│Сериялык│      Табылган жагдай      │ Эскертүү  │

│         │   жылы   │ номери │                           │           │

├─────────┼──────────┼────────┼───────────────────────────┼───────────┤

├─────────┼──────────┼────────┼───────────────────────────┼───────────┤

├─────────┼──────────┼────────┼───────────────────────────┼───────────┤

└─────────┴──────────┴────────┴───────────────────────────┴───────────┘

200__-жылдын "__" ________ Кол тамга _______________________

(арыз ээсинин аты-жөнү

жана кол тамгасы)

200__-жылдын "__" ________ ЭКСПЕРТИЗАНЫН КОРУТУНДУСУ № ___

__________________________________________________________________

(Улуттук банктын экспертизаны жүзөгө ашырган мекемесинин аталышы)

_______________________________________________________________________ _______________________________________________________________________

Экспертиза _____________________________________________ тарабынан

(экспертизаны жүзөгө ашырган адамдын аты-жөнү

жана кол тамгасы)

жүргүзүлдү.

Накталай акча менен иш алып баруу башкармалыгынын Эксперттик бөлүмүнүн (же Улуттук банктын областтык башкармалыгынын акча менен иш алып баруу бөлүмүнүн) начальниги ______________________________________

(Аты-жөнү жана кол тамгасы)

Экспертизанын корутундусу менен тааныштым: _______________________

(кардардын аты-жөнү

жана кол тамгасы)

(Бардык пункттарды таза жана түшүнүктүү толтурууну өтүнөбүз!)

200__-жылдын "__" _________ № ___ арызга карата

Квитанция

Экспертизага _________________________ сом ______ тыйын суммасында

(цифра жана жазуу менен)

____________________ даана шектенүүнү жараткан банкноттор кабыл алынды.

Банкноттордун сериялык номерлери:

_______________________________________________________________________ _______________________________________________________________________ _______________________________________________________________________ _______________________________________________________________________

Банкнотту кабыл алган адамдын аты-жөнү, ээлеген кызматы жана колтамгасы _______________________________________________________________ _______________________________________________________________________ _______________________________________________________________________

(мекеменин аталышы)

200__-жылдын "__" ________

(Улуттук банктын экспертизасынын корутундусу менен

таанышкандан кийин квитанцияны кайтарып берүүнү өтүнөбүз!)