КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 13-октябры № 480-б

Кыргыз Республикасынын Президентинин «2010-жылдын 6-7-апрелинде Талас жана Бишкек шаарларында, ошондой эле 2010-жылдын 13-14-майында Жалал-Абад шаарында курман болгондордун жана жабыр тарткандардын туугандарын социалдык колдоону координациялоо боюнча мамлекеттик комиссиянын курамын жана Жобосун бекитүү жөнүндө» 2011-жылдын 21-февралындагы ПЖ №39 Жарлыгы менен бекитилген «2010-жылдын 6-7-апрелинде Талас жана Бишкек шаарларында, ошондой эле 2010-жылдын 13-14-майында Жалал-Абад шаарында курман болгондордун жана жабыр тарткандардын туугандарына социалдык колдоо көрсөтүүнү координациялоо боюнча Мамлекеттик комиссия жөнүндө Жобого» (мындан ары-Мамлекеттик комиссия), жана Мамлекеттик комиссиянын 2011-жылдын 13-сентябрындагы № 22 чечимине ылайык:

1. Кыргыз Республикасынын Финансы министрлиги 2010-жылдын 6-8-апрелинде Талас областындагы окуялардын катышуучуларына эстелик орнотуу үчүн атайын эсептен 2 000 000 (эки миллион) сом бөлсүн.

2. Мамлекеттик комиссия 2010-жылдын 6-8-апрелинде Талас областындагы окуялардын катышуучуларына эстелик орнотуу боюнча ишти уюштурсун.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү жана маданият бөлүмүнө жүктөлсүн.