КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

2021-жылдын 7-июну ПЖ № 257

Кыргыз Республикасынын Президентинин 2017-жылдын 31-январындагы "Кыргыз Республикасынын Мамлекеттик жана муниципалдык кызмат орундарынын реестрин бекитүү жөнүндө" Жарлыгына өзгөртүүлөрдү киргизүү тууралуу

Кыргыз Республикасынын Конституциясынын 71-беренесине ылайык токтом кылам:

1. Кыргыз Республикасынын Президентинин 2017-жылдын 31-январындагы № 17 "Кыргыз Республикасынын Мамлекеттик жана муниципалдык кызмат орундарынын реестрин бекитүү жөнүндө" Жарлыгына төмөнкүдөй өзгөртүүлөр киргизилсин:

жогоруда аталган Жарлык менен бекитилген Кыргыз Республикасынын Мамлекеттик жана муниципалдык кызмат орундарынын реестринде:

- I бөлүмдүн "Саясий мамлекеттик кызмат орундары" деген 1-главасы төмөнкүдөй мазмундагы он тогузунчу жана жыйырманчы абзацтар менен толукталсын:

"Президенттин кеңешчиси;

Президенттин жардамчысы.";

- II бөлүмдүн "Административдик мамлекеттик кызмат орундары" деген 4-главасынын 4.11-пунктунда:

"Ж-А" категориясынын биринчи абзацы күчүн жоготту деп табылсын;

"Жогорку кызмат орду" тобунун "Ж-Б" категориясы күчүн жоготту деп табылсын;

"Улук кызмат орду" тобунун "У-А" категориясынын алтынчы абзацы төмөнкүдөй редакцияда берилсин:

"Кыргыз Республикасынын Президентинин Администрациясынын Жетекчисинин биринчи орун басарынын жардамчысы".

2. Бул Жарлык расмий жарыяланган күндөн баштап күчүнө кирет.

"Эркин Тоо" газетасынын 2021-жылдын 11-июнундагы № 69 (3248) жарыяланды