КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

2022-жылдын 5-ноябры ПЖ № 366

Кыргыз Республикасынын Президентинин 2017-жылдын 31-январындагы № 17 "Кыргыз Республикасынын Мамлекеттик жана муниципалдык кызмат орундарынын реестрин бекитүү жөнүндө" Жарлыгына өзгөртүүлөрдү киргизүү тууралуу

Кыргыз Республикасынын Конституциясынын 71-беренесине ылайык токтом кылам:

1. Кыргыз Республикасынын Президентинин 2017-жылдын 31-январындагы № 17 "Кыргыз Республикасынын Мамлекеттик жана муниципалдык кызмат орундарынын реестрин бекитүү жөнүндө" Жарлыгына төмөнкүдөй өзгөртүүлөр киргизилсин:

жогоруда аталган Жарлык менен бекитилген Кыргыз Республикасынын Мамлекеттик жана муниципалдык кызмат орундарынын реестринде:

II бөлүмүнүн 4-главасынын 6-пунктунун "Министрликтер, мамлекеттик комитеттер" графасында:

- "Жогорку кызмат орду" тобунун "Ж-Б" категориясы төмөнкүдөй редакцияда баяндалсын:

"Министрликтин чет өлкөлөрдөгү өкүлчүлүгүнүн жетекчиси(*)";

- "Башкы кызмат орду" тобунун "Б-А" категориясы төмөнкүдөй мазмундагы төртүнчү абзац менен толукталсын:

"Министрликтин чет өлкөлөрдөгү өкүлчүлүгүнүн жетекчисинин орун басары".

2. Бул Жарлык расмий жарыяланган күндөн тартып күчүнө кирет.

"Эркин Тоо" газетасынын 2022-жылдын 11-ноябрындагы № 98 жарыяланды