КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2005-жылдын 17-июну № 233

Кара-Буура мамлекеттик жаратылыш паркын түзүү жөнүндө

(КР Өкмөтүнүн 2012-жылдын 11-декабрындагы № 822, 2017-жылдын 29-мартындагы № 186 токтомдорунун  редакциясына ылайык)

Батыш Тянь-Шандын кайталангыс өзгөчөлүктүү бөксө тоолорундагы керүүлөрдүн, альпы жана субальпы шалбааларын жана биологиялык түрлөрүн сактап калуу, жаныбарлар жана өсүмдүктөр дүйнөсүнүн сейрек жана жок болуу коркунучунда калган түрлөрүн коргоо, өзгөчө корголуучу жаратылыштык аймактардын тармагын кеңейтүү максатында Кыргыз Республикасынын Өкмөтү

ТОКТОМ КЫЛАТ:

1. Талас облусунун Кара-Буура районунда жалпы аянты 59293 га болгон Кара-Буура мамлекеттик жаратылыш паркы түзүлсүн.

(КР Өкмөтүнүн 2017-жылдын 29-мартындагы № 186 токтомунун редакциясына ылайык)

2. "Кара-Буура" мамлекеттик жаратылыш паркынын жеринин экспликациясы жана чек арасынын баяндамасы ушул токтомдун 1 жана 2-тиркемелерине ылайык бекитилсин.

(КР Өкмөтүнүн 2017-жылдын 29-мартындагы № 186 токтомунун редакциясына ылайык)

3. № 1 тиркеменин 2-пунктунда көрсөтүлгөн жерлер "Өзгөчө корголуучу жаратылыштык аймактардын жерлери" категориясына которулсун.

4. Кыргыз Республикасынын Мамлекеттик токой кызматы Кара-Буура мамлекеттик жаратылыш паркын уюштурууга байланыштуу чыгымдарды Кыргыз Республикасынын 2005-жылга республикалык бюджетинде Кыргыз Республикасынын Мамлекеттик токой кызматына каралган каражаттардын чегинде каржыласын.

5. Талас облусунун мамлекеттик администрациясы жер кадастрына тийиштүү өзгөртүүлөрдү киргизсин.

6. Бул токтомдун аткарылышын контролдоо Кыргыз Республикасынын Премьер-министринин Аппаратынын агроөнөр жай комплексин өнүктүрүү жана жаратылышты пайдалануу бөлүмүнө жүктөлсүн.

Кара-Буура мамлекеттик жаратылыш паркына өткөрүп берилчү жерлердин экспликациясы

(КР Өкмөтүнүн 2017-жылдын 29-мартындагы № 186 токтомунун редакциясына ылайык)

"Кара-Буура" мамлекеттик жаратылыш паркынын чек араларынын БАЯНДАМАСЫ

(КР Өкмөтүнүн 2017-жылдын 29-мартындагы № 186 токтомунун редакциясына ылайык)

№ 1 "Негизги" участок

Чек араны баяндап жазуунун башталышы катары Кыргыз Республикасы менен Казахстан Республикасынын чек аралары тогошкон жердеги 3967,1 метр бийиктик белгисинде жайгашкан № 1 чекит алынды.

Чек ара бул жерден түз сызык боюнча каксоо жер менен: түштүк-чыгышты карай - 2005 м (№ 2 чекит); түндүк-чыгышка - 3760 м (№ 3 чекит), 1650 м жана 1400 м (№ 4 чекит), 1700 м (№ 5 чекит), 650 м (№ 6 чекит); түштүк-чыгышка - 3100 м (№ 7 чекит), түндүк-чыгышка - 1400 м (№ 8 чекит), 700 м (№ 9 чекит); түштүк-чыгышка - 400 м (№ 10 чекит), 1570 м (№ 11 чекит); түндүк-чыгышка - 420 м (№ 12 чекит); түштүк-чыгышка - 720 м (№ 13 чекит); түндүк-чыгышка - 210 м барып, Акташлы суусуна № 14 чекитке чыгат. Чек ара бул чекиттен Акташлы суусу боюнча түштүк-чыгыш багытына карай 1800 м аралыкка (түз) өтүп, бул суу тоодогу жол - № 15 чекит менен кесилишкенге чейин барат. Андан ары чек ара түндүк-чыгыш багытында 1060 м аралыктагы жолду өтүп, жолдун аты жок арык менен кесилишиндеги № 16 чекитке чейин барат.

Чек ара бул жерден өзөн боюнча түштүк-чыгышты карай 3200 м өтүп № 17 чекитке чейин барат. Андан ары чек ара ийри-муйру сызык боюнча (жайыттардын контурунун чек арасы боюнча) каксоо жер менен жалпы түндүк-чыгыш багытында 1200 м аралыкка барып, Дандыр өзөнүндөгү № 18 чекитке чыгат. Чек ара № 18 чекиттен Дандыр өзөнү боюнча түштүк-чыгыш багытында 400 м аралыкта № 18 чекитке, андан ары түндүк-чыгыш багытында, адегенде каксоо жер (жайыттардын контуру боюнча), анан аты жок өзөн менен жалпысынан 1250 м аралыкка (түз) барып, № 19 чекитке чыгат. Чек ара бул чекиттен ийри-муйру сызык боюнча (жайыттардын контуру боюнча) каксоо жер менен жалпы түндүк-чыгыш багытында 2320 м (түз) барып, № 20 чекиттеги өзөнгө чыгат.

Чек ара бул жерден ийри-муйру сызык боюнча адегенде суу менен, анан каксоо жер менен (жайыттардын контуру боюнча), анан кайра өзөн боюнча, андан ары каксоо жер менен (жайыттардын контуру боюнча) жалпы түштүк-чыгыш багытында 1800 м (түз) аралыкка барып, Буктегерек өзөнүндөгү № 21 чекитке чыгат.

Чек ара № 21 чекиттен түштүк-батыш багытында адегенде Буктегерек өзөнү, анан тоо жолу боюнча экинчи жол менен кесилишкенге чейин барып, № 22 чекитке жетет. Чек ара ал чекиттен түндүк-чыгыш багытында аты жок ашуу аркылуу (2782 м) барып, түштүк-чыгышка бурулуп, № 23 чекитке - Кегенди суусу менен жолдун кесилишине чыгат.

Чек ара бул жерден жол боюнча түштүк-чыгыш багытында 3600 м барып, Кызыл-Бел ашуусуна чыгат (№ 24 чекит), андан ары 5500 м аралыкта Чоң-Кызыл-Бел ашуусуна (№ 25 чекит), андан ары 1600 м аралыкта жолдун Шилбилисай суусу менен кесилишкен чекитине - № 26 чекитке чыгат. Чек ара № 26 чекиттен түндүк-чыгыш багытында Шилбилисай суусу боюнча 85,0 м барып, анан түз сызык боюнча каксоо жер менен түндүк-батышка 80 м түз жүрүп № 27 чекитке чыгат.

Андан ары чек ара түз сызык боюнча каксоо менен жалпысынан түндүк-чыгыш багытында 3200 м, 6720 м, 1580 м аралыкта № 28 чекитке чейин созулат, андан кийин Шилбилисай капчыгайы аркылуу ийри-муйру кара жол менен өтөт: түштүккө карай - 3375 м, андан кийин ошол эле багытта түз сызык боюнча каксоо жер менен 2000 м өтүп, Шилбилисай суусунун бурулушундагы № 29 чекитке жетет, андан кийин Шилбилисай суусу аркылуу батыш багытта - 2600 м өтүп, аты жок сайдагы № 30 чекитке жетет.

Андан ары аты жок сай боюнча түштүк багытта - 2800 м өтүп, № 31 чекитке чейин жетет. Андан соң ийри-муйру сызык менен түндүк-чыгыш багытында 1000 м аралыктан кийин аты жок сайдагы № 32 чекитке чыгат. Андан кийин сай аркылуу түштүк-батышка карай 800 м өтүп, тоо кыркасындагы № 33 чекитке чыгат, андан ары кырка менен түштүк-чыгыш багытында 1400 м өтүп, № 34 чекитке чыгат, андан ары аты жок сай аркылуу түндүк-чыгыш багытында - 1600 м басып Корум-Төр капчыгайындагы № 35 чекитке чыгат, анан Корум-Төр капчыгайы аркылуу түштүк багытта 1500 м өтүп № 36 чекитке чыгат, андан кийин ийри-муйру каксоо жер аркылуу түндүк-чыгыш багытында - 2200 м өтүп, аты жок сайдагы № 37 чекитке чыгат.

Андан ары аты жок сай аркылуу түндүк-батыш багытында - 1500 м өтүп, чыйыр жолдогу № 38 чекитке чыгат, андан ары каксоо жер менен түндүк багытта - 7700 м басып, аты жок сайдагы № 39 чекитке чыгат, андан кийин түз каксоо жер менен түндүк-чыгыш багытында - 1100 м өтүп, аты жок сайдагы № 40 чекитке чыгат.

Андан ары тоо кыркасы боюнча түштүк-чыгыш багытында 2457 м болгон бийиктик чекитине чыгат, андан кийин аты жок сай аркылуу Кайыңды суусундагы № 41 чекитке чыгат, андан ары Кайыңды суусу менен түштүк-чыгыш багытында - 1300 м өтүп, аты жок сайдагы № 42 чекитке барат, андан ары ийри-муйру каксоо жер менен түштүк-чыгыш багытында 1900 м созулуп, тоо кыркасындагы № 43 чекитке чыгат, андан кийин ийри-муйру каксоо жер аркылуу төмөндөгү багыттар боюнча: түштүк-батышты карай 300 м, түштүк-чыгышты карай 800 м, 900 м жана түштүккө карай 1800 м өтүп № 44 чекитке барат.

Андан ары чек ара түз сызык боюнча каксоо жер менен батыш багытында 400 м өтүп, Кайыңды суусуна чыгат. Андан ары Кайыңды суусу аркылуу түштүк багытта тоонун чокусундагы № 45 чекитке чыгат.

Андан ары чек ара тоо кыркасы аркылуу түштүк-батыш багытында 4000,0 м созулуп, Чакмак ашуусундагы № 46 чекитке чыгат. Андан ары Чакмак ашуусунан түштүк-чыгыш багытында 1900 м Чакмак суусу менен № 47 чекитке чейин жетет. Андан кийин чек ара каксоо жер менен түндүк-чыгыш багытында 1650 м созулуп, № 48 чекитке барат, андан ары чек ара каксоо жер менен түндүк-чыгыш багытында 7000 м аралыкта № 49 чекитке жетет, андан ары чек ара каксоо жер менен түштүк-чыгыш багытында 3200 м созулуп, Кара-Буура суусундагы № 50 чекитке чыгат.

Андан ары Кара-Буура суусу аркылуу түндүк-чыгыш багытында 350 м өтүп, № 51 чекитке чыгат, андан ары ийри-муйру каксоо жер менен түштүк-чыгыш багытында 3200 м созулуп, № 52 чекитке барат, андан ары чек ара каксоо жер менен түндүк-чыгыш багытында 2700 м созулуп, № 53 чекитке жетет, андан кийин чек ара каксоо жер менен түштүк-чыгыш багытында 2600 м өтүп, № 54 чекитке барат.

№ 54 чекиттен тартып чек ара Чаткал району менен чектешип № 55 чекитке барат.

№ 55 чекиттен тартып чек ара кыргыз-өзбек мамлекеттик чек арасы аркылуу чек араларды баяндап жазуунун башталышы болгон № 1 чекитке келет.

№ 2 "Шекер токойчулугу" участогу

Чек араны баяндап жазуунун башталышы катары № 1 чекит алынды. Чек ара бул чекиттен түз сызык боюнча каксоо жер менен төмөнкүдөй багыттарда: түштүк-чыгышка 240 м аралык (№ 2 чекит), түштүк-батышка - 1160 м (№ 3 чекит), түндүк-батышка - 240 м (№ 4 чекит), түндүк-чыгышка - 1160 м аралыкка барып, № 1 чекитке - чек араны баяндап жазуунун башталышына чыгат.

№ 3 "Кара-Буура токойчулугу" участогу

Чек араны баяндап жазуунун башталышы катары № 1 чекит алынды. Бул чекиттен чек ара түз сызык боюнча каксоо жер менен чыгышты карай 1340 м барып, Шилбилисай суусундагы № 2 чекитке жетет. Чек ара ал жерден суу боюнча түштүк-батыш багытында 4740 м (түз) аралыкты басат. Андан ары чек ара түз сызык боюнча каксоо жер менен түштүк-батышка 1140 м (№ 4 чекит), түндүк-чыгышка 5000 м аралык барып, № 1 чекитке - чек араны баяндап жазуунун башталышына чыгат.

№ 4 "Кара-Буура токойчулугу" участогу

Чек араны баяндап жазуунун башталышы катары Тайты өзөнү менен райондук маанидеги жол кесилишкен жердеги № 1 чекит алынды. Чек ара бул чекиттен түндүк-чыгышты карай Тайты өзөнү менен 6200 м (түз), Эгизсай өзөнү менен кесилишкен № 2 чекитке чейин барат. Андан ары чек ара Эгизсай өзөнү боюнча түштүк-чыгыш багытында 2000 м - № 3 чекитке чейин барат.

Чек ара № 3 чекиттен түз сызык боюнча каксоо жер менен түндүк-батыш багытында 2440 м барып, Ачик өзөнүндө жайгашкан № 4 чекитке чыгып, андан ары түштүк-батыш багытында 3600 м жүрүп, райондук маанидеги жолго - № 5 чекитке чыгат. Чек ара № 5 чекиттен райондук маанидеги жол боюнча түндүк-батыш багытында 940 м (түз) № 1 чекитке - чек араны баяндап жазуунун башталышына чейин барат.