ТоктомКүчүн жоготту

Кыргыз Республикасынын Өкмөтүнүн 2007-жылдын 30-июнундагы № 255 «Кыргыз Республикасынын чет өлкөдө иштеп жүргөн мезгилинде кайтыш болгон жарандарынын сөөгүн мекенине жеткирүү менен байланышкан чыгымдарды компенсациялоо жөнүндө»

Редакция
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КР Өкмөтүнүн 2018-жылдын 16-майындагы № 236 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2007-жылдын 30-июну № 255

Кыргыз Республикасынын чет өлкөдө иштеп жүргөн мезгилинде кайтыш болгон жарандарынын сөөгүн мекенине жеткирүү менен байланышкан чыгымдарды компенсациялоо жөнүндө

(КР Өкмөтүнүн 2011-жылдын 11-февралындагы № 40, 2012-жылдын 3-декабрындагы № 810, 2014-жылдын 6-августу № 450 токтомдорунун редакцияларына ылайык)

Тышкы эмгек миграциясынын чөйрөсү кыргызстандыктардын кыйла бөлүгүн иш менен камсыз кылат жана калктын жашоо-турмуш абалын колдоодо зор социалдык мааниге ээ. Бирок Кыргыз Республикасынын эмгекчи-мигранттарынын көпчүлүгүнүн эмгек ишмердиктери социалдык жана укуктук кепилдиксиз жүзөгө ашырылат жана көп учурда алардын денсоолугу жана өмүрү үчүн тобокелдик менен коштолгон. Эмгекчи-мигранттар кайтыш болгон учурлар да бар. Кайтыш болгондордун сөөгүн улуттук жана диний салттар боюнча мекенине жеткирүү зарылчылыгы келип чыгат.

Кыргыз Республикасынын чет өлкөдө иштеп жүргөн мезгилинде кайтыш болгон жарандарынын сөөктөрүн мекенине жеткирүү максатында, Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Эмгек, миграция жана жаштар министрлигинин алдындагы Кыргыз Республикасынын жарандарын ишке орноштуруу борбору:

- Кыргыз Республикасынын чет өлкөлөрдө кайтыш болгон жарандарынын сөөктөрүн аба, темир жол, суу жана кургак жер транспорту менен ташып жеткирүү үчүн чыгымдарды компенсациялоону документтер менен ырасталган чыгымдардын 100 проценти өлчөмүндө Кыргыз Республикасынын Жаштар, эмгек жана иш менен камсыз кылуу министрлигинин алдындагы Кыргыз Республикасынын жарандарын ишке орноштуруу борборунун атайын жана бюджеттик каражаттарынын эсебинен жүзөгө ашырсын;

- (КР Өкмөтүнүн 2011-жылдын 11-февралындагы № 40 токтомуна ылайык күчүн жоготту)

2. (КР Өкмөтүнүн 2011-жылдын 11-февралындагы № 40 токтомуна ылайык күчүн жоготту)

3. Бул токтом расмий жарыяланган күндөн тартып күчүнө кирет.

 

Кыргыз Республикасынын

Премьер-министри

 

А. Атамбаев