КР Президентинин 2011-жылдын 18-октябрындагы ПЖ №256 Жарлыгына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2009-жылдын 14-декабры ПЖ № 577

Кыргыз Республикасынын жергиликтүү сотунун судьясынын кызмат ордуна талапкерлердин окутуудан өтүшү жөнүндө Жобону бекитүү тууралу

(КР Президентинин 2011-жылдын 20-январындагы ПЖ №13 Жарлыгынын редакциясына ылайык)

Кыргыз Республикасынын сот системасынын кадрдык потенциалын натыйжалуу калыптандыруу жана "Кыргыз Республикасынын судьяларынын статусу жөнүндө" Кыргыз Республикасынын Конституциялык мыйзамынын 17-беренесин турмушка ашыруу максатында

ТОКТОМ КЫЛАМ:

1. Кыргыз Республикасынын жергиликтүү сотунун судьясынын кызмат ордуна талапкерлердин окутуудан өтүшү жөнүндө тиркелген Жобо бекитилсин.

2. Кыргыз Республикасынын Жогорку Соту, Кыргыз Республикасынын Судьялар кеңеши окутуу менен байланышкан уюштуруу, финансылык, материалдык-техникалык жана башка маселелерди эки айлык мөөнөттө чечсин.

3. Бул Жарлыктын аткарылышына контролдук кылуу милдети Кыргыз Республикасынын Президентинин Аппаратынын сот органдары менен эриш-аркак аракеттенүү боюнча бөлүмүнө жүктөлсүн.

        (КР Президентинин 2011-жылдын 20-январындагы ПЖ №13 Жарлыгынын редакциясына ылайык)

4. Бул Жарлык кол коюлган күндөн тартып күчүнө кирет.