КЫРГЫЗ РЕСПУБЛИКАСЫНЫН ПРЕЗИДЕНТИНИН

ЖАРЛЫГЫ

2010-жылдын 26-январы ПЖ №13

Кыргыз Республикасынын судьяларына квалификациялык класстарды берүү тартиби жөнүндө Жобого өзгөртүүлөрдү киргизүү тууралу

Кыргыз Республикасынын Президенти мурда кабыл алган чечимдерди 2010-жылдын 19-январындагы №6 "Кыргыз Республикасынын судьяларынын статусу жөнүндөгү" Кыргыз Республикасынын Конституциялык мыйзамына ылайык келтирүү максатында

ТОКТОМ КЫЛАМ:

1. Кыргыз Республикасынын Президентинин 2008-жылдын 10-сентябрындагы № 328 "Кыргыз Республикасынын судьяларына квалификациялык класстарды берүү тартиби жөнүндө Жобону бекитүү тууралу" Жарлыгы менен бекитилген Кыргыз Республикасынын судьяларына квалификациялык класстарды берүү тартиби жөнүндө Жобого төмөнкүдөй өзгөртүүлөр киргизилсин:

- 4-пункттун төртүнчү абзацындагы "биринчи жана жогорку квалификациялык класстар берилиши мүмкүн." деген сөздөр "биринчи квалификациялык класс берилиши мүмкүн." деген сөздөр менен алмаштырылсын.

2. Бул Жарлык кол коюлган күндөн тартып күчүнө кирет.