КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2013-жылдын 7-марты ПЖ №49

Кыргыз Республикасынын жергиликтүү сотторунун айрым судьяларын бошотуу жөнүндө

"Кыргыз Республикасынын Конституциясын колдонууга киргизүү жөнүндө" Кыргыз Республикасынын Мыйзамынын 1-беренесинин 8-бөлүгүнө ылайык Кыргыз Республикасынын жергиликтүү сотторунун судьясы болуп дайындалгандыгына жана жергиликтүү соттордун судьяларынын ыйгарым укуктарын жүргүзүү үчүн Жалал-Абад облустук сотуна жиберилгендигине байланыштуу, ошондой эле Кыргыз Республикасынын Президентинин кээ бир чечимдерин тактоо максатында

ТОКТОМ КЫЛАМ:

1. Төмөнкүлөр 2013-жылдын 7-мартына баштап мөөнөтүнөн мурда бошотулсун:

- Алаев Мухамед Абдивалиевич - Кыргыз Республикасынын жергиликтүү сотунун судьясынын кызматынан жана Жалал-Абад облусунун Райондор аралык сотунун төрагасынын ыйгарым укуктарын жүргүзүүдөн;

- Джапакбаев Кадырали Джоробекович - Кыргыз Республикасынын жергиликтүү сотунун судьясынын кызматынан жана Жалал-Абад облусунун Жалал-Абад шаардык сотунун төрагасынын ыйгарым укуктарын жүргүзүүдөн;

- Камбаров Шаршенбек Кашкарлыкович - Кыргыз Республикасынын жергиликтүү сотунун судьясынын кызматынан жана Жалал-Абад облусунун Ноокен райондук сотунун судьясынын ыйгарым укуктарын жүргүзүүдөн;

- Токтогулова Гульзада Токторбаевна - Кыргыз Республикасынын жергиликтүү сотунун судьясынын кызматынан жана Баткен облустук сотунун судьясынын ыйгарым укуктарын жүргүзүүдөн.

2. Кыргыз Республикасынын Президентинин 2013-жылдын 5-мартындагы №40 "Жергиликтүү соттун судьясынын кызмат ордунан бошотуу жөнүндө" Жарлыгына төмөнкүдөй өзгөртүү киргизилсин:

- 1-пунктта "төрагасынын" деген сөз "төрагасынын орун басарынын" деген сөздөргө алмаштырылсын.

3. Кыргыз Республикасынын Президентинин 2013-жылдын 5-мартындагы №41 "Жергиликтүү соттордун айрым судьяларын кызматынан бошотуу жөнүндө" Жарлыгына төмөнкүдөй өзгөртүү киргизилсин:

- 1-пункттун төртүнчү абзацында "судьясынын ыйгарым укуктарын жүргүзүүдөн" деген сөздөр "төрагасынын орун басарынын ыйгарым укуктарын жүргүзүүдөн" деген сөздөр менен алмаштырылсын.

4. Бул Жарлык кол коюлган күндөн баштап күчүнө кирет.