Кыргыз Республикасынын Жогорку Кеңешинин 2023-жылдын 26-октябрындагы № 1549-VII токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2016-жылдын 29-июнундагы № 829-VI

Кыргыз Республикасынын Жогорку Кеңешинин депутаттарынын жана кызматкерлеринин кызматтык иш сапарлары жөнүндө жобону бекитүү тууралуу

Иш сапарына жиберүү менен байланышкан чыгымдардын ченемдерин актуалдаштыруу, отчеттуулукту берүүнү оптималдаштыруу жана жөнөкөйлөтүү максатында Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Жогорку Кеңешинин депутаттарынын жана кызматкерлеринин кызматтык иш сапарлары жөнүндө жобо бекитилсин (тиркелет).

2. Төмөнкүлөр күчүн жоготту деп таанылсын:

- 2011-жылдын 28-январындагы № 128-V "Кыргыз Республикасынын Жогорку Кеңешинин депутаттарынын, Кыргыз Республикасынын Жогорку Кеңешинин жетекчилигинин жана депутаттарынын ишин камсыз кылган кызматкерлердин, ошондой эле Кыргыз Республикасынын Жогорку Кеңешинин Аппаратынын, Иш башкармалыгынын жана Иш башкармалыгынын Автотранспорт ишканасынын кызматкерлеринин кызматтык иш сапарлары жөнүндө жобону бекитүү тууралуу" Кыргыз Республикасынын Жогорку Кеңешинин токтому;

- 2011-жылдын 30-июнундагы № 897-V "Кыргыз Республикасынын Жогорку Кеңешинин депутаттарынын, Кыргыз Республикасынын Жогорку Кеңешинин жетекчилигинин жана депутаттарынын ишин камсыз кылган кызматкерлердин, ошондой эле Кыргыз Республикасынын Жогорку Кеңешинин Аппаратынын, Иш башкармалыгынын кызматкерлеринин кызматтык иш сапарлары жөнүндө жобону бекитүү тууралуу" Кыргыз Республикасынын Жогорку Кеңешинин токтомуна жана Кыргыз Республикасынын Жогорку Кеңешинин 2011-жылдын 28-январындагы № 128-V токтому менен бекитилген Кыргыз Республикасынын Жогорку Кеңешинин депутаттарынын, Кыргыз Республикасынын Жогорку Кеңешинин жетекчилигинин жана депутаттарынын ишин камсыз кылган кызматкерлердин, ошондой эле Кыргыз Республикасынын Жогорку Кеңешинин Аппаратынын жана Иш башкармалыгынын кызматкерлеринин кызматтык иш сапарлары жөнүндө жобого өзгөртүүлөр жана толуктоолор киргизүү тууралуу";

- 2013-жылдын 28-мартындагы № 2915-V "Кыргыз Республикасынын Жогорку Кеңешинин айрым ченемдик укуктук актыларына өзгөртүүлөрдү киргизүү жөнүндө" Кыргыз Республикасынын Жогорку Кеңешинин токтомунун 1-пункту.

3. 2017-жылдын 1-январынан тартып күчүнө кире турган, ушул токтом менен бекитилген жобонун 1.2-пунктунун төртүнчү жана бешинчи абзацтарын кошпогондо, ушул токтом жарыяланган күндөн тартып күчүнө кирет.