“Мамлекеттик эмес (штаттан сырткары ) кырсыктан куткаруу түзүмдөрүнүн куткаруучуларын даярдоо, кайра даярдоо жана квалификациясын жогорулатуу” Мамлекеттик кызмат көрсөтүүнүн бирдиктүү реестри (тизмеги), 1-глава, 122-пункт

Жалпы жоболор

1. Ушул мамлекеттик кызмат көрсөтүү төмөнкүлөр тарабынан ишке ашырылат:

Кыргыз Республикасынын Өзгөчө кырдаалдар министрлигинин Куткаруучуларды даярдоочу мамлекеттик борбору (КДМБ).

2. Ушул кызмат көрсөтүүнүн административдик регламенти Кыргыз Республикасынын Өкмөтүнүн 2014-жылдын 25-ноябрындагы № 675 токтому менен бекитилген кызмат көрсөтүү стандартынын талаптарына шайкеш келет.

3. Кызмат көрсөтүү стандарттарында берилген негизги параметрлер:

(1) Кызмат көрсөтүүнүн жалпы убактысы: 12 күн;

(2) Кызмат алуу үчүн зарыл болгон документтердин тизмеси:        

а) арыз ээсинин өз колу коюлган, эркин формада жазылган арызы;

б) белгиленген формадагы медициналык маалымкат;

в) арыз ээсинин паспортунун көчүрмөсү;

г) 3x4 өлчөмүндөгү түстүү сүрөт (4 даана);

д) юридикалык жактын реквизиттери (анын ичинде почталык (юридикалык жактын дареги, турган жери) жана банк реквизиттери (алыш-бериш эсебинин номери, банктын аталышы, салык төлөөчүнүн идентификациялык номери - СИН);

е) кесиптик квалификациясын ырастоочу документтер (спортчунун даражасы жөнүндө күбөлүк, адистиги боюнча класстык квалификациянын бар экендигин ырастоочу күбөлүктөр).

(3) Кызмат көрсөтүүнүн өз наркы (эгерде ал бекер көрсөтүлсө) жэ анын кызмат баасы акы төлонүүчү болсо; Мамлекеттик кызмат көрсөтүү акы төлөнүүчү болот. Анын кызмат баасы Монополияга каршы жөнгө салуу уюму менен макулдашылган (2013 – жылдын 24 – апрелинде № 50 буйругу тиркеме №1) бул регламенттин бөлүнбөс бөлүгү болгон расмий баа прейскурантына ылайык коюлат.

4) Кызмат көрсөтүүнүн жыйынтыгы:

Белгиленген үлгүдөгү куткаруучунун сертификаты жана күбөлүгү.

2. Кызмат көрсөтүү процессинде аткарылуучу жол-жоболордун тизмеги

4. Кызмат көрсөтүү өндүрүшү төмөнкү жол-жоболорду өзүнө камтыйт:

1-таблица

3. Жол-жоболордун өз ара байланышынын блок-схемасы

4. Жол-жоболорду жана алардын мүнөздөмөлөрүн баяндоо

2-таблица

5. 1, 2, 3, ж.б. жол – жоболордун  схемасы (алгоритмдери)

(Мамлекеттик кызмат көрсөтүүлөрдү аткаруучулар тарабынан толтурулат)

6. Административдик регламенттин талаптарынын аткарылышын контролдоо

6. Административдик регламенттин талаптарынын аткарылышына ички жана тышкы контроль жүргүзүлөт.

1) Ички контролду жүргүзүүчү Кыргыз Республикасынын Өзгөчө кырдаалдар министрлигинин Куткаруучуларды даярдоочу мамлекеттик борборунун башчысы.

2) Ички контроль кызмат адамдары жана кызматкерлер тарабынан административдик регламенттин жоболорунун, ошондой эле кызмат көрсөтүү процессинде кабыл алынган чечимдердин аткарылышын жана сакталышын үзгүлтүксүз текшерүү жолу менен жүргүзүлөт.

3) Текшерүүнү жүргүзүүнүн мезгилдүүлүгү: мамлекеттик кызмат көрсөтүү процессинде жума сайын.

4) Текшерүүнүн жыйынтыгы боюнча кызмат көрсөтүүнүн административдик регламентинин талаптарынын табылган бузууларын четтетүү боюнча чаралар кабыл алынат, ошондой эле Кыргыз Республикасынын мыйзамдарына ылайык күнөөлүү адамдардын жоопкерчилиги жөнүндө маселе каралат.

7. Административдик регламенттин талаптарын аткарууга тышкы контролду Кыргыз Республикасынын Өзгөчө кырдаалдар министрлигинин чечими менен уюштурулган комиссия ишке ашырат.

1) Комиссиянын ишинин жыйынтыгы маалымкат түрүндө таризделет, ага административдик регламентти өзгөртүү боюнча сунуш киргизилиши мүмкүн.

2) Маалымкат кол коюлгандан тартып 3 жумуш күндүн аралыгында бул кызматты көрсөтүүчү мекемеге жиберилет.

Маалымкат келип түшкөн күндөн тартып бир айлык мөөнөттө табылган бузууларды жана кемчиликтерди четтетүү боюнча чаралар, бул бузууларга жол берген кызмат адамдарына жана кызматкерлерге карата тартиптик жана административдик чаралар кабыл алынууга тийиш.

Зарылчылыгына жараша, ошондой эле белгиленген тартипте административдик регламентке өзгөртүүлөрдү киргизүү демилгеленет.

3) Административдик регламенттин талаптарын аткарууга тышкы контроль 1 жылда 1 жолу жүргүзүлөт.

7. Административдик регламенттин талаптарын бузгандыгы үчүн кызмат адамдарынын жоопкерчилиги

8. Административдик регламенттин талаптарын бузгандыгы үчүн Кыргыз Республикасынын Өзгөчө кырдаалдар министрлигинин Куткаруучуларды даярдоочу мамлекеттик борборунун кызмат адамдары Кыргыз Республикасынын бузуулар жөнүндө кодексине жана Кыргыз Республикасынын эмгек мыйзамдарына ылайык жоопкерчилик тартышат.

9. Кызмат көрсөтүү же анын жарым-жартылайы аутсорсингге жеке жактарга же/жана юридикалык жактарга аткарууга өткөрүлүп берилген учурда кызмат көрсөтүүнүн административдик талаптарынын сакталышына жоопкерчилик бул кызматтарды көрсөтүүгө жооптуу мекемеде сакталат.

8. Корутунду жоболор

10. Административдик регламент Кызмат көрсөтүү стандартын кайра кароо менен бир мезгилде жана зарылчылыгына жараша кайра каралууга тийиш.

9. Административдик регламентти иштеп чыгуучулар

Куткуруучуларды даярдоочу мамлекеттик борборунун башчысынын орун басары – окуу бөлүмүнүн башчысы подполковник У.Т.Узбеков.

2. Куткаруучуларды даярдоочу мамлекеттик борборунун окуу бөлүмүнүн куткаруучуларды даярдоо кафедрасынын башчысы майор Н.О.Мырзаев.