Тиркеме 7

“Химиялык зыяндуу заттарды камтыган инженердик курулмаларды текшерүү жана мындай курулмаларды пайдаланган жеке жана юридикалык жактардын табыштамалары боюнча корутундуларды берүү” мамлекеттик кызмат көрсөтүүнүн бирдиктүү реестри (тизмеги), 5-главасынын 41-пункту

1. Жалпы жоболор

1. Ушул мамлекеттик кызмат көрсөтүү төмөнкүлөр тарабынан ишке ашырылат:

Кыргыз Республикасынын Өзгөчө кырдаалдар министрлигинин Тоо кырсыгынан куткаруу кызматы (КР ӨКМ ТККК).

2. Ушул кызмат көрсөтүүнүн административдик регламенти Кыргыз Республикасынын Өкмөтүнүн 2014-жылдын 25-ноябрындагы № 675 токтому менен бекитилген кызмат көрсөтүүнүн тиешелүү стандартынын талаптарына шайкеш келет.

3. Кызмат көрсөтүү стандарттарында берилген негизги параметрлер:

(1) Кызмат көрсөтүүнүн жалпы убактысы: 1 күн;

(2) Кызмат алуу үчүн зарыл болгон документтердин тизмеси:        

а) жеке жактан - арыз ээсинин өзүнүн колу коюлган, эркин формада жазылган арызы паспортунун көчүрмөсүн тиркөө менен, юридикалык жактан - фирмалык бланкта;

б) жазуу жүзүндөгү суроо-талапты факс, электрондук почта аркылуу жана жеке байланышта берүүгө болот;

в) юридикалык жактын реквизиттери (анын ичинде почталык (юридикалык жактын дареги, турган жери) жана банк реквизиттери (алыш-бериш эсебинин номери, банктын аталышы, салык төлөөчүнүн идентификациялык номери - СИН);

г) арыз ээси кызмат көрсөтүү жөнүндө келишимге кол коёт жана текшерүү үчүн акыны келишимде көрсөтүлгөн тартипте, расмий прейскурантка ылайык КР ӨКМдин Тоо кырсыгынан куткаруу кызматынын алыш-бериш эсебине төлөйт;

д) Чет өлкөлүк жарандар мамлекеттик кызмат көрсөтүүнү алуу үчүн керектүү документтердин топтомун (мамлекеттик же расмий тилде) легалдаштырылган түрдө берет. Документтердин бардык көчүрмөлөрү нотариус тарабынан күбөлөндүрүлүшү керек.

(3) Кызмат көрсөтүүнүн өз наркы (эгерде ал бекер көрсөтүлсө) же анын кызмат баасы (эгерде ал акы төлөнүүчү болсо): Мамлекеттик кызмат көрсөтүү- акы төлөнүүчү болот, кызматтын баасы Монополияга каршы жөнгө салуу уюму менен макулдашылган (2020 – жылдын 29 – майындагы №12 буйругу тиркеме №1) бул Регламенттин  бөлүнбөс бөлүгү болгон расмий баа прейскурантына ылайык  коюлат.

4) Кызмат көрсөтүүнүн жыйынтыгы:  Инженердик курулмалардагы химиялык уулу заттарды текшерүү жана аларга карата жеке жана юридикалык жактарга туура чечим чыгарып берүү маалыматтарды  фирмалык бланкта директордун жана анын орун басарынын колу менен берүү.

2. Кызмат көрсөтүү процессинде аткарылуучу жол-жоболордун тизмеги

4. Кызмат көрсөтүү өндүрүшү төмөнкү жол-жоболорду өзүнө камтыйт:

1 - таблица

3. Жол-жоболордун өз ара байланышынын блок-схемасы

5. Кызмат көрсөтүү өндүрүшүндө аткарылуучу жол-жоболордун логикалык тартиби төмөнкү блок-схемада көрсөтүлгөн:

4. Жол-жоболорду жана алардын мүнөздөмөлөрүн баяндоо

2-таблица

5. 1, 2, 3 ж.б. жол-жоболордун схемасы (алгоритмдери)

(Мамлекеттик кызмат көрсөтүүлөрдү аткаруучулар тарабынан толтурулат)  

1-Жол-жоболорду аткаруу схемасы (алгоритми) 

     2-Жол-жоболорду аткаруу схемасы (алгоритми)

3-Жол-жоболорду аткаруу схемасы (алгоритми)

6. Административдик регламенттин талаптарынын аткарылышын контролдоо

6. Административдик регламенттин талаптарынын аткарылышына ички жана тышкы контроль жүргүзүлөт.

1) Ички контролду жүргүзүүчү Тоо-кен кырсыгынан куткаруу кызматынын башкы инженери Т.Б.Маматов

2) Ички контроль кызмат адамдары жана кызматкерлер тарабынан административдик регламенттин жоболорунун, ошондой эле кызмат көрсөтүү процессинде кабыл алынган чечимдердин аткарылышын жана сакталышын үзгүлтүксүз текшерүү жолу менен жүргүзүлөт.

3) Текшерүүнү жүргүзүүнүн мезгилдүүлүгү: жарым жылда 1 жолу түзөт. Пландаштырылбаган текшерүүлөр кызмат көрсөтүүлөрдүн керектөөчүлөрүнүн арызы боюнча өткөрүлөт.

4) Текшерүүнүн жыйынтыгы боюнча кызмат көрсөтүүнүн административдик регламентинин талаптарынын табылган бузууларын четтетүү боюнча чаралар кабыл алынат, ошондой эле Кыргыз Республикасынын мыйзамдарына ылайык күнөөлүү адамдардын жоопкерчилиги жөнүндө маселе каралат.

7. Административдик регламенттин талаптарын аткарууга тышкы контролду Кыргыз Республикасынын Өзгөчө кырдаалдар министрлигинин чечими менен уюштурулган комиссия ишке ашырат.

1) Комиссиянын ишинин жыйынтыгы маалымкат түрүндө таризделет, ага административдик регламентти өзгөртүү боюнча сунуш киргизилиши мүмкүн.

2) Маалымкат келип түшкөн күндөн тартып бир айлык мөөнөттө табылган бузууларды жана кемчиликтерди четтетүү боюнча чаралар, бул бузууларга жол берген кызмат адамдарына жана кызматкерлерге карата тартиптик жана административдик чаралар кабыл алынууга тийиш.

Зарылчылыгына жараша, ошондой эле белгиленген тартипте административдик регламентке өзгөртүүлөрдү киргизүү демилгеленет.

3) Административдик регламенттин талаптарын аткарууга тышкы контроль 1 жылда 1 жолу жүргүзүлөт.

7. Административдик регламенттин талаптарын бузгандыгы үчүн кызмат адамдарынын жоопкерчилиги

8. Административдик регламенттин талаптарын бузгандыгы үчүн Кыргыз Республикасынын Өзгөчө кырдаалдар министрлигинин Тоо кырсыгынан куткаруу кызматынын кызмат адамдары Кыргыз Республикасынын бузуулар жөнүндө кодексине жана Кыргыз Республикасынын эмгек мыйзамдарына ылайык жоопкерчилик тартышат.

9. Кызмат көрсөтүү же анын жарым-жартылайы аутсорсингге жеке жактарга же/жана юридикалык жактарга аткарууга өткөрүлүп берилген учурда кызмат көрсөтүүнүн административдик талаптарынын сакталышына жоопкерчилик бул кызматтарды көрсөтүүгө жооптуу мекемеде сакталат.

8. Корутунду жоболор

10. Административдик регламент Кызмат көрсөтүү стандартын кайра кароо менен бир мезгилде жана зарылчылыгына жараша кайра каралууга тийиш.

9. Административдик регламентти иштеп чыгуучулар

1. Маматов Тынычбек Бердибекович – Тоо-кен жана тоо кырсыгынан куткаруу иштери бөлүмүнүн башкы инженери;

2. Яценко Владимир Алексеевич - Тоо-кен жана тоо кырсыгынан куткаруу иштери бөлүмүнүн башкы технологу.