КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2022-жылдын 12-январы № 10-VII

Кыргыз Республикасынын Жогорку Кеңешинин түзүмүн бекитүү жөнүндө

"Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамынын 9-беренесинин 1-бөлүгүнүн 4-пунктуна ылайык Кыргыз Республикасынын Жогорку Кеңеши токтом кылат:

1. VII чакырылыштагы Кыргыз Республикасынын Жогорку Кеңешинин төмөнкүдөй түзүмү бекитилсин:

Кыргыз Республикасынын Жогорку Кеңешинин Төрагасы;

Кыргыз Республикасынын Жогорку Кеңешинин Төрагасынын 3 орун басары;

Кыргыз Республикасынын Жогорку Кеңешинин 8 комитети.

2. Кыргыз Республикасынын Жогорку Кеңешинин төмөнкүдөй комитеттери түзүлсүн:

1) Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитет;

2) Эл аралык иштер, коргоо, коопсуздук жана миграция боюнча комитет;

3) Агрардык саясат, суу ресурстары, экология жана регионалдык өнүктүрүү боюнча комитет;

4) Социалдык саясат боюнча комитет;

5) Отун-энергетикалык комплекс, жер казынасын пайдалануу жана өнөр жай саясаты боюнча комитет;

6) Транспорт, коммуникациялар, архитектура жана курулуш боюнча комитет;

7) Бюджет, экономикалык жана фискалдык саясат боюнча комитет;

8) Укук тартиби, кылмыштуулук менен күрөшүү жана коррупцияга каршы аракеттенүү боюнча комитет.

3. Кыргыз Республикасынын Жогорку Кеңешинин төмөнкүдөй токтомдору күчүн жоготту деп таанылсын:

"Кыргыз Республикасынын Жогорку Кеңешинин түзүмүн бекитүү жөнүндө" 2005-жылдын 30-мартындагы № 20-III;

"2005-жылдын 30-мартындагы № 20-III "Кыргыз Республикасынын Жогорку Кеңешинин түзүмүн бекитүү жөнүндө" Кыргыз Республикасынын Жогорку Кеңешинин токтомуна өзгөртүү киргизүү жөнүндө" 2006-жылдын 19-июнундагы № 1152-III;

"2005-жылдын 30-мартындагы № 20-III "Кыргыз Республикасынын Жогорку Кеңешинин түзүмүн бекитүү жөнүндө" Кыргыз Республикасынын Жогорку Кеңешинин токтомуна өзгөртүүлөр киргизүү тууралуу" 2006-жылдын 8-декабрындагы № 1427-III;

"Кыргыз Республикасынын Жогорку Кеңешинин түзүмүн бекитүү жөнүндө" 2015-жылдын 6-ноябрындагы № 14-VI;

"2015-жылдын 6-ноябрындагы № 14-VI "Кыргыз Республикасынын Жогорку Кеңешинин түзүмүн бекитүү жөнүндө" Кыргыз Республикасынын Жогорку Кеңешинин токтомуна өзгөртүү киргизүү тууралуу" 2016-жылдын 29-июнундагы № 824-VI.

4. Ушул токтом кабыл алынган күндөн тартып күчүнө кирет.