КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2017-жылдын 9-февралы ПЖ № 26

Мамлекеттик жарандык кызмат чөйрөсүндөгү кээ бир маселелер жөнүндө

"Мамлекеттик жарандык кызмат жана муниципалдык кызмат жөнүндө" Кыргыз Республикасынын Мыйзамынын 24-беренесине ылайык

ТОКТОМ КЫЛАМ:

1. Төмөнкүлөр бекитилсин:

- Кыргыз Республикасынын Президентинин Аппаратында жана Кыргыз Республикасынын Президентинин карамагында турган мамлекеттик органдарда административдик мамлекеттик кызмат орундарына өзгөчө (конкурстан тышкары) тартипте кирүү эрежелери 1-тиркемеге ылайык;

- Кыргыз Республикасынын Президентинин жана Өкмөтүнүн Иш башкармасында административдик мамлекеттик кызмат орундарына өзгөчө (конкурстан тышкары) тартипте кирүү эрежелери 2-тиркемеге ылайык.

2. Бул Жарлыктын аткарылышын контролдоо Кыргыз Республикасынын Президентинин Аппаратынын мамлекеттик жана аймактык башкаруу жана кадрдык иш бөлүмүнө жүктөлсүн.

3. Бул Жарлык кол коюлган күндөн баштап күчүнө кирет.