КР Өкмөтүнүн

2014-жылдын 18-ноябрындагы № 656 токтомуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 22-июлу №468

"Айылдык товар өндүрүүчүлөргө мамлекеттик кредиттерди товардык-материалдык ресурстар түрүндө бөлүштүрүү жана берүү тартиби жөнүндө жобону бекитүү тууралуу" Кыргыз Республикасынын Өкмөтүнүн 2008-жылдын 14-апрелиндеги № 147 токтомуна өзгөртүү жана толуктоо киргизүү жөнүндө

Товардык кредитти айылдык товар өндүрүүчүлөргө оперативдүү бөлүштүрүү максатында Кыргыз Республикасынын Өкмөтү

ТОКТОМ КЫЛАТ:

1. "Айылдык товар өндүрүүчүлөргө мамлекеттик кредиттерди товардык-материалдык ресурстар түрүндө бөлүштүрүү жана берүү тартиби жөнүндө жобону бекитүү тууралуу" Кыргыз Республикасынын Өкмөтүнүн 2008-жылдын 14-апрелиндеги № 147 токтому менен бекитилген Айылдык товар өндүрүүчүлөргө мамлекеттик кредиттерди товардык-материалдык ресурстар түрүндө бөлүштүрүү жана берүү тартиби жөнүндө жобого төмөнкүдөй өзгөртүү жана толуктоо киргизилсин:

- 4.3-пункт төмөнкүдөй редакцияда берилсин:

"4.3. Товардык кредиттерди бөлүштүрүү боюнча республикалык мамлекеттик комиссия Кыргыз Республикасынын Айыл, суу чарба жана кайра иштетүү өнөр жай министрлигинин сунуштарына ылайык Кыргыз Республикасынын Өкмөтүнүн чечими менен бөлүштүрүлүүчү айыл чарба техникасын кошпогондо товардык кредиттерди облустар боюнча бөлүштүрөт.";

- 4.8-пункт "ресурстардын калдыктарын" деген сөздөрдөн кийин "Кыргыз Республикасынын Айыл, суу чарба жана кайра иштетүү өнөр жай министрлигинин сунушу боюнча гана кайра бөлүштүрүлүүчү кылкандуу дандын суперэлита жана элита, ошондой эле башка айыл чарба өсүмдүктөрүнүн үрөнүнүн сортун жаңыртуу жана сортун алмаштыруу максатында республиканын үрөнчүлүк чарбаларына бөлүнгөндөрдү кошпогондо," деген сөздөр менен толукталсын.

2. Бул токтом кол коюлган күндөн тартып күчүнө кирет.