КР Өкмөтүнүн 2010-жылдын 8-декабрындагы №312 токтомунун  редакциясына ылайык

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ 

2009-жылдын 25-декабры № 804

Кыргыз Республикасынын Өкмөтүнүн 2002-жылдын 16-январындагы № 29 "Жер бөлүп берүүгө байланыштуу маселелер боюнча республикалык комиссия жөнүндө жобону бекитүү тууралуу" токтомуна өзгөртүүлөрдү киргизүү жөнүндө

Кыргыз Республикасынын Өкмөтү

ТОКТОМ КЫЛАТ:

Кыргыз Республикасынын Өкмөтүнүн 2002-жылдын 16-январындагы № 29 "Жер бөлүп берүүгө байланыштуу маселелер боюнча республикалык комиссия жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

- 3-пункттагы "Кыргыз Республикасынын Премьер-министринин агроөнөр жай комплекси жана жаратылышты пайдалануу бөлүмү" деген сөздөр "Кыргыз Республикасынын Өкмөтүнө караштуу Мамлекеттик каттоо кызматы" деген сөздөргө алмаштырылсын;

- аталган токтом менен бекитилген Жер бөлүп берүүгө байланыштуу маселелер боюнча республикалык комиссия жөнүндө жободо:

2-пункт төмөнкүдөй редакцияда берилсин:

"2. Комиссиянын курамына кызматы боюнча төмөнкүлөр кирет:

Кыргыз Республикасынын биринчи вице-премьер-министри - ЕврАзЭСтин атайын өкүлү, Комиссиянын төрагасы;

Кыргыз Республикасынын Өкмөтүнө караштуу Мамлекеттик каттоо кызматынын төрагасы, Комиссиянын төрагасынын орун басары;

Кыргыз Республикасынын экономикалык тескөө министри;

Кыргыз Республикасынын юстиция министринин орун басары;

Кыргыз Республикасынын айыл чарба министринин орун басары;

Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин директору;

Кыргыз Республикасынын Өкмөтүнө караштуу Архитектура жана курулуш мамлекеттик агенттигинин директору;

Кыргыз Республикасынын жаратылыш ресурстары министринин орун басары.";

3-1-пункттагы "Кыргыз Республикасынын Өкмөтүнө караштуу Кыймылсыз мүлккө укуктарды каттоо боюнча мамлекеттик агенттик" деген сөздөр "Кыргыз Республикасынын Өкмөтүнө караштуу Мамлекеттик каттоо кызматы" деген сөздөргө алмаштырылсын.