КР Убактылуу Өкмөтүнүн 2010-жылдын 10-июнундагы УӨ №77 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 12-февралы №99

"Кыргыз Республикасынын Өкмөтүнө караштуу Маданият мамлекеттик агенттиги жөнүндө" Кыргыз Республикасынын Өкмөтүнүн 2009-жылдын 24-ноябрындагы № 715 токтомуна өзгөртүүлөрдү жана толуктоолорду киргизүү тууралуу

"Кыргыз Республикасынын Мамлекеттик тышкы иштер министрлиги жөнүндө" Кыргыз Республикасынын Президентинин 2009-жылдын 24-декабрындагы № 605 Жарлыгына ылайык Кыргыз Республикасынын Өкмөтү

ТОКТОМ КЫЛАТ:

1. "Кыргыз Республикасынын Өкмөтүнө караштуу Маданият мамлекеттик агенттиги жөнүндө" Кыргыз Республикасынын Өкмөтүнүн 2009-жылдын 24-ноябрындагы №715 токтомуна төмөнкүдөй өзгөртүүлөр жана толуктоолор киргизилсин:

3-пункттун үчүнчү абзацы күчүн жоготту деп табылсын;

жогоруда аталган токтом менен бекитилген Кыргыз Республикасынын Өкмөтүнө караштуу Маданият мамлекеттик агенттиги жөнүндө жободо:

6-пунктта:

"а" пунктчасынын үчүнчү абзацындагы "иштеп чыгат жана" деген сөздөр алып салынсын:

"а" пунктчасынын жетинчи абзацындагы "Мамлекеттик агенттиктин компетенциясына кирген маселелер боюнча" деген сөздөр "маданият жана искусство чөйрөсүндөгү" деген сөздөр менен алмаштырылсын;

"а" пунктчасынын сегизинчи абзацы күчүн жоготту деп табылсын;

"б" пунктчасынын тогузунчу абзацы күчүн жоготту деп табылсын;

10-пункт, он экинчи абзацындагы "эмгек акы төлөө фондунун белгиленген чегинде" деген сөздөрдөн кийин "Мамлекеттик агенттиктин борбордук аппаратынын, ведомстволук бөлүмчөлөрдүн жана" деген сөздөр менен толукталсын;

10-пункт төмөнкүдөй мазмундагы абзац менен толукталсын:

"- Кыргыз Республикасынын Тышкы иштер мамлекеттик министрлигине караштуу Кыргыз Республикасынын ЮНЕСКОнун иштери боюнча Комиссиясында катышат.".

2. Кыргыз Республикасынын Өкмөтүнүн 1999-жылдын 8-июнундагы № 319 "Кыргыз Республикасынын Президентинин 1999-жылдын 18-мартындагы № 75 "Кыргыз Республикасынын Мамлекеттик китеп палатасын Кыргыз Республикасынын Улуттук китеп палатасы деп кайра түзүү жөнүндө" Жарлыгын ишке ашыруу тууралуу" токтому күчүн жоготту деп табылсын.