КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 12-декабры № 828

"Коргоо министрлигинин Аскердик спорт клубу" мамлекеттик мекемесин түзүү жөнүндө

(КР Өкмөтүнүн 2016-жылдын 27-апрелиндеги № 217, КР Министрлер Кабинетинин 2023-жылдын 10-февралындагы № 68 токтомдорунун редакциясына ылайык)

Кыргыз Республикасынын Куралдуу Күчтөрүндө дене тарбия жана күжүрмөн даярдыкты өркүндөтүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 25-беренесинин 5-бөлүгүнө ылайык Кыргыз Республикасынын Өкмөтү

ТОКТОМ КЫЛАТ:

1. "Коргоо министрлигинин Аскердик спорт клубу" мамлекеттик мекемеси түзүлсүн (мындан ары - Кыргыз Республикасынын Коргоо иштери боюнча мамлекеттик комитетинин Аскердик спорт клубу).

(КР Министрлер Кабинетинин 2023-жылдын 10-февралындагы № 68 токтомунун редакциясына ылайык)

2. Коргоо министрлигинин Аскердик спорт клубу жөнүндө жобо тиркемеге ылайык бекитилсин.

(КР Министрлер Кабинетинин 2023-жылдын 10-февралындагы № 68 токтомунун редакциясына ылайык)

3. (КР Министрлер Кабинетинин 2023-жылдын 10-февралындагы № 68 токтомуна ылайык күчүн жоготту)

4. Бул токтом расмий жарыяланган күндөн баштап күчүнө кирет.