КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 15-февралы № 96

Кыргыз Республикасынын Өкмөтүнө караштуу Дене тарбия жана спорт мамлекеттик агенттигинин алдында Кыргыз Республикасында Спорттун улуттук түрлөрүн өнүктүрүү боюнча республикалык борбор түзүү жөнүндө

(КР Ѳкмѳтγнγн 2015-жылдын 2-декабры № 820 токтомдун редакциясына ылайык)

"Спорттун улуттук түрлөрү жөнүндө" Кыргыз Республикасынын Мыйзамын аткаруу, сергек жашоо мүнөзүн пропагандалоо, ошондой эле кыргыз элинин тарыхый-маданий мурастарын сактап калуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Дене тарбия жана спорт мамлекеттик агенттигинин алдында Кыргыз Республикасында Спорттун улуттук түрлөрүн өнүктүрүү боюнча республикалык борбор түзүлсүн.

2. (КР Ѳкмѳтγнγн 2015-жылдын 2-декабры № 820 токтомуна ылайык кγчγн жоготту)

3. Кыргыз Республикасынын Өкмөтүнүн 2011-жылдын 19-январындагы №17 "Дене тарбия жана спорт мекемелеринин кызматкерлерине эмгек акы төлөө шарттары жөнүндө" токтомуна төмөнкүдөй өзгөртүү жана толуктоо киргизилсин:

- 1-пунктунун экинчи абзацындагы "олимпиялык даярдоо борборунун" деген сөздөрдөн кийин "жана Кыргыз Республикасында Спорттун улуттук түрлөрүн өнүктүрүү боюнча республикалык борборунун" деген сөздөр менен толукталсын;

- 1-тиркеменин аталышы "даярдоо борборунун" деген сөздөрдөн кийин ", өнүктүрүүнүн республикалык борборлорунун" деген сөздөр менен толукталсын.

4. Кыргыз Республикасынын Өкмөтүнө караштуу Дене тарбия жана спорт мамлекеттик агенттиги:

- бекитилген бюджеттин чегинде Кыргыз Республикасынын Өкмөтүнө караштуу Дене тарбия жана спорт мамлекеттик агенттигинин алдында Кыргыз Республикасында Спорттун улуттук түрлөрүн өнүктүрүү боюнча республикалык борбор ачууга каражат карасын;

- бир айлык мөөнөттө өзүнүн чечимдерин ушул токтомго ылайык келтирсин.

5. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык жана гуманитардык өнүктүрүү бөлүмүнө жүктөлсүн.

6. Бул токтом расмий жарыяланган күндөн тартып күчүнө кирет.