Дарыкана кампаларында баңги каражаттарды, психотроптук заттарды жана прекурсорлорду сактоо, эсепке алуу жана берүү ЭРЕЖЕЛЕРИ

1. I, II тизмектердеги баңги каражаттардын жана II тизмектеги психотроптук заттардын ишенимдүү сакталышын камсыз кылуу үчүн алар сейфтерде сакталышы керек, III тизмектеги баңги каражаттар жана III, IV тизмектердеги психотроптук заттар жана прекурсорлор кулпу салынып жабылган шкафтарда же техникалык чыңдалышы жана өрткө каршы сигналдаштыруу каражаттары менен жабдылышы боюнча талаптарга жооп берген, ушул максат үчүн атайын бөлүнгөн бөлмөлөрдөгү атайын жабдылган текчелерде сакталат.

2. Баңги каражаттарды, психотроптук заттарды жана прекурсорлорду сактоо үчүн бөлмөлөр иш бүткөндө кулптанат жана мөөр басып чапталат же пломбаланат, ал эми ачкыч, мөөр жана пломбир баңги каражаттарды, психотроптук заттарды жана прекурсорлорду сактоо үчүн материалдык жооптуу адамда болуш керек.

3. Туура сактоону уюштурууга, баңги каражаттардын, психотроптук

заттардын жана прекурсорлордун сакталышына жоопкерчилик дарыкана кампасынын башчысына жүктөлөт.

4. Баңги каражаттар, психотроптук заттар жана прекурсорлор сакталган бөлмөгө кирүүгө алар менен түздөн түз иштеген, кампа жетекчисинин буйругу менен таризделген адамга гана уруксат берилет.

5. Баңги каражаттар, психотроптук заттар жана прекурсорлор келип түшкөндө кампа башчысы же анын орун басары алынган өлчөмдүн коштомо документтерге шайкештигин текшерүүгө милдеттүү.

6. Баңги каражаттар, психотроптук заттар жана прекурсорлор кампадан мөөр басып чапталган түрдө гана берилет, ар бир таңгакка жөнөтүүчү, аталышы жана анализдин номери көрсөтүлгөн этикеткалар чапталат.

7. Баңги каражаттарды, психотроптук заттарды жана прекурсорлорду берүү дарыкана кампасынын жетекчисинин же анын орун басарынын колу коюлган жана дарыкана кампасынын мөөрү басылган талаптар боюнча жүргүзүлүшү керек.

Баңги каражаттарга, психотроптук заттарга жана прекурсорлорго бардык талаптар жана эсептер башка дары-дармектерге жазылган талаптардан жана эсептерден өзүнчө жазылышы керек, аларда өлчөмү жазуу менен көрсөтүлөт.

8. Баңги каражаттарды, психотроптук заттарды жана прекурсорлорду берүү белгиленген тартипте таризделген өзүнчө ишеним кат боюнча жүргүзүлөт, алынган каражаттардын аталышы жана алардын өлчөмү жазуу менен көрсөтүлөт. Ишеним каттын жарактуулук мөөнөтү - он күн.

9. Баңги каражаттарды, психотроптук заттарды жана прекурсорлорду берүү алдында материалдык жооптуу адам берүү үчүн негизди, берилүүчү баңги каражаттын, психотроптук заттын жана прекурсордун коштомо документ менен ылайыктыгын, таңгактын тууралыгын жеке өзү текшерүүгө жана дарыкана кампасында калган эсеп-фактурасынын көчүрмөсүнө кол коюуга тийиш.

10. Баңги каражаттар, психотроптук заттар жана прекурсорлор дарыкана кампаларынан медициналык максат үчүн гана саламаттык сактоо уюмдарына жана фармацевттик (дарыкана) уюмдарына, ошондой эле белгиленген тартипте алынган тиешелүү лицензиясы бар илимий-изилдөө мекемелерине жана медициналык окуу жайларына берилет.

11. Баңги каражаттар, психотроптук заттар жана прекурсорлор, дары-дармектик формасына карабастан, тиркелген форма боюнча номерленген, тигилген жана дарыкана кампанын жетекчисинин колу коюлган жана дарыкана кампасынын мөөрү басылган дарыкана кампаларында баңги каражаттарды, психотроптук заттарды жана прекурсорлорду эсепке алуу журналында (ушул Эрежелерге 1-тиркеме) предметтик-сандык эсепке алынууга тийиш.

Эсепке алуу журналы баңги заттарды контролдоо боюнча ыйгарым укуктуу мамлекеттик орган менен макулдашылат, бир жылга түзүлөт жана ага акыркы жазуу түшүрүлгөндөн кийин беш жыл сакталат.

12. Дарыкана кампасында баңги каражаттардын, психотроптук заттардын жана прекурсорлордун кириши жана чыгымдалышы боюнча бардык документтер сактоонун белгиленген мөөнөтүнө ылайык аларды сактоого жоопту адамдын жабык жана пломбаланган сейфтеринде сакталышы керек.

13. Дарыкана кампаларында Кыргыз Республикасында медициналык практикада колдонууга уруксат берилбеген баңги каражаттарды, психотроптук заттарды жана прекурсорлорду сактоого тыюу салынат.

14. Баңги каражаттарды, психотроптук заттарды жана прекурсорлорду ташуу Кыргыз Республикасынын мыйзамдарына ылайык жүргүзүлөт.

Дарыкана кампасынын аталышы ______________________________________

Дарыкана кампаларында баңги каражаттарды, психотроптук заттарды жана прекурсорлорду эсепке алуу ЖУРНАЛЫ

Каражаттын аталышы _______________________________________________

Ченем бирдиги ____________________________________________________

┌────────┬───────────────┬─────────────────────────────────────────────────┐

│        │  Кириштөө     │                     Чыгымдоо                    │

├──┬─────┼─────┬─────┬───┼─────┬──────┬─────┬────┬────┬────┬────┬────┬─────┤

│Ай│Айдын│ Ким-│Жет- │Өл-│Ки-  │Кимге │Доку-│Өл- │Баа-│Сум-│Бир │Ай- │Мате-│

│  │башы-│ ден │ки-  │чө-│риш- │бе-   │мент-│чө- │сы  │ ма │ай- │дын │риал-│

│  │ на  │алын-│рүүчү│мү │төө  │рилди │тин  │мү  │    │    │да- │ая- │дык  │

│  │кал- │ ды  │доку-│   │боюн-│(алуу-│номе-│    │    │    │гы  │гына│жооп-│

│  │ дык │     │доку-│   │ ча  │ чу)  │ри   │    │    │    │бар-│кал-│туу  │

│  │     │     │мен N│   │ бир │      │жана │    │    │    │дык │дык │адам-│

│  │     │     │жана │   │айга │      │күнү │    │    │    │чы- │    │дын  │

│  │     │     │күнү │   │бар- │      │     │    │    │    │гым-│    │аты- │

│  │     │     │     │   │дыгы │      │     │    │    │    │дар │    │жөнү │

├──┼─────┼─────┼─────┼───┼─────┼──────┼─────┼────┼────┼────┼────┼────┼─────┤

│ 1│  2  │  3  │  4  │  5│   6 │  7   │  8  │ 9  │ 10 │ 11 │ 12 │ 13 │  14 │

└──┴─────┴─────┴─────┴───┴─────┴──────┴─────┴────┴────┴────┴────┴────┴─────┘