КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 22-апрели № 213

Кыргыз Республикасынын Өкмөтүнүн 2011-жылдын 29-июлундагы № 425 "Кыргыз Республикасынын Жогорку аттестациялык комиссиясынын маселелери жөнүндө" токтомуна өзгөртүүлөрдү киргизүү тууралуу

Жогорку квалификациялуу илимий жана илимий-педагогикалык кадрларды аттестациялоо жаатындагы мамлекеттик саясатты өркүндөтүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10-беренесин жетекчиликке алып Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2011-жылдын 29-июлундагы № 425 "Кыргыз Республикасынын Жогорку аттестациялык комиссиясынын маселелери жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Кыргыз Республикасынын Жогорку аттестациялык комиссиясы жөнүндө жободо:

- 6-пунктта:

он тогузунчу абзацтагы "Кыргыз Республикасынын эл аралык келишимдерине ылайык" деген сөздөр алып салынсын;

жыйырманчы жана жыйырма биринчи абзацтар күчүн жоготту деп табылсын.

- 8-пункт төмөндөгүдөй редакцияда берилсин:

"8. ЖАКты төрага жетектейт, аны шайлоонун натыйжасы боюнча ЖАКтын мүчөлөрүнүн көпчүлүк добушун алган талапкерлердин ичинен Кыргыз Республикасынын Премьер-министри кызматка дайындайт. ЖАКтын төрагасынын кызмат ордуна талапкерлерди тандоо тартиби ЖАКтын чечими менен аныкталат. ЖАКтын төрагасын Кыргыз Республикасынын Премьер-министри кызматтан бошотот.

ЖАКтын төрагасынын орун басары - башкы окумуштуу катчысы болот, аны ЖАКтын төрагасынын сунушу боюнча Кыргыз Республикасынын Премьер-министри кызматка дайындайт жана кызматтан бошотот.

ЖАКтын төрагасы ЖАКка жүктөлгөн милдеттердин аткарылышы үчүн жеке жоопкерчилик тартат жана анын ишине жетекчилик кылат.".

2. Бул токтом расмий жарыяланган күндөн тартып күчүнө кирет.