КР Министрлер Кабинетинин 2022-жылдын 22-февралындагы № 94 токтомуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 18-марты № 139

Кыргыз Республикасынын Өкмөтүнүн 2008-жылдын 30-декабрындагы № 735 "Кыргыз Республикасынын Салык кодексинин 98, 242, 255, 257, 258, 280, 281, 287 жана 295-беренелеринин жана "Кыргыз Республикасынын Салык кодексин колдонууга киргизүү жөнүндө" Кыргыз Республикасынын Мыйзамынын 11-беренесинин талаптарын ишке ашыруу боюнча чаралар жөнүндө" токтомуна өзгөртүүлөрдү киргизүү тууралуу

Кыргыз Республикасынын Салык кодексинин 287-беренесине ылайык, республикалык бюджеттин киреше бөлүгүн жогорулатуу, этил спиртин, алкоголдуу жана спирттүү продукцияларды мыйзамсыз чыгарууну жана жүгүртүүнү азайтуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2008-жылдын 30-декабрындагы № 735 "Кыргыз Республикасынын Салык кодексинин 98, 242, 255, 257, 258, 280, 281, 287 жана 295-беренелеринин жана "Кыргыз Республикасынын Салык кодексин колдонууга киргизүү жөнүндө" Кыргыз Республикасынын Мыйзамынын 11-беренесинин талаптарын ишке ашыруу боюнча чаралар жөнүндө" токтомуна төмөнкүдөй өзгөртүүлөр киргизилсин:

- 3-пунктунда:

экинчи-онунчу абзацтары төмөнкү редакцияда берилсин:

"- ТЭИТН 220860 товардык позициясында классификациялануучу арак, литри 40 сом өлчөмүндө;

- ТЭИТН 220830, 220870, 220890 товардык позицияларында классификациялануучу ликер-арак ичимдиктери, литри 40 сом өлчөмүндө;

- ТЭИТН 220840, 220850 товардык позицияларында классификациялануучу күчтөндүрүлгөн суусундуктар, күчтөндүрүлгөн ширелер жана бальзамдар, литри 40 сом өлчөмүндө;

- ТЭИТН 220430 товардык позицияларында классификациялануучу шараптар, литри 3 сом өлчөмүндө;

- 220410 жана 220430, 2205, 2206дан тышкары, ТЭИТН 2204 товардык позицияларында классификациялануучу шарап, литри 9 сом өлчөмүндө;

- ТЭИТН 2203 товардык позициясында классификациялануучу куюлган жана куюлбаган пиво, литри 12 сом өлчөмүндө;

- ТЭИТН 2208906901, 2208906909 товардык позицияларында классификациялануучу алкоголу аз ичимдиктер, литри 30 сом өлчөмүндө;

- ТЭИТН 2208201200-2208202900, 2208206200-2208208900 товардык позицияларында классификациялануучу коньяктар (коньяк спиртинен башка), литри 42 сом өлчөмүндө;

- ТЭИТН 220410 товардык позицияларында классификациялануучу шампанды кошкондо шуулдама шарап, литри 34 сом өлчөмүндө;".

2. Кыргыз Республикасынын Өкмөтүнө караштуу Мамлекеттик салык кызматы:

- Кыргыз Республикасынын Өкмөтүнүн 2011-жылдын 15-февралындагы № 44 "Этил спиртин, аракты жана пивону ата мекендик өндүрүүчүлөр менен типтүү макулдашуулардын долбоорлору жөнүндө" токтому менен жактырылган типтүү макулдашууларды түзүүгө контролду күчөтсүн, ошондой эле алардын аткарылышына жеке жоопкерчилик тартуучу таасын кызмат адамдарын аныктасын;

- укук коргоо органдары менен бирдикте алкоголдуу продукцияларды жана спиртти сактоочу жана жашыруун даярдоочу жерлерди жана алкоголдуу продукцияны контрабандалык жол менен ташып келүүчү жана сатуучу адамдарды аныктоо боюнча жүргүзүлүп жаткан иштердин натыйжалуулугун күчөтсүн.

3. Бул токтом расмий жарыяланган күндөн тартып он беш күн өткөндөн кийин күчүнө кирет.

4. Бул токтомдун аткарылышын контролдоо Кыргыз Республикасынын Өкмөтүнүн Аппаратынын финансы жана кредит саясаты бөлүмүнө жүктөлсүн.