КР Өкмөтүнүн 2020-жылдын 30-январындагы № 46 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 30-июлу № 430

Кыргыз Республикасынын Өкмөтүнүн 2012-жылдын 21-ноябрындагы № 783 "Климаттын өзгөрүү проблемалары боюнча координациялык комиссия жөнүндө" токтомуна өзгөртүү жана толуктоолорду киргизүү тууралуу

Кыргыз Республикасынын Конституциясынын 90-беренесине жана "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 17-беренесине ылайык, Кыргыз Республикасынын Өкмөтүнүн түзүмү өзгөргөнүнө байланыштуу Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2012-жылдын 21-ноябрындагы № 783 "Климаттын өзгөрүү проблемалары боюнча координациялык комиссия жөнүндө" токтомуна төмөнкүдөй өзгөртүү жана толуктоолор киргизилсин:

- жогорудагы аталган токтом менен түзүлгөн Климаттын өзгөрүү проблемалары боюнча координациялык комиссиянын курамында:

"Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттиктин директору;" позициясы "Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттиктин директору;" позициясы менен алмаштырылсын;

төмөнкүдөй позициялар менен толукталсын:

"Кыргыз Республикасынын Улуттук статистика комитетинин төрагасы (макулдашуу боюнча);

Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттиктин директору;".

2. Бул токтом расмий жарыяланган күндөн баштап күчүнө кирет.