КР Өкмөтүнүн 2016-жылдын 9-августундагы № 436 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 21-октябры №659

Кыргыз Республикасынын Өкмөтүнүн 2009-жылдын 8-декабрындагы № 746 "Кыргыз Республикасынын Транспорт жана коммуникациялар министрлиги жөнүндө" токтомуна толуктоолорду киргизүү тууралуу

Кыргыз Республикасынын Президентинин 2010-жылдын 29-сентябрындагы № 212 "Мамлекеттик башкаруу органдарынын жарандык коом менен өз ара аракеттенүүсүн өркүндөтүү жөнүндө" Жарлыгын ишке ашыруу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2009-жылдын 8-декабрындагы № 746 "Кыргыз Республикасынын Транспорт жана коммуникациялар министрлиги жөнүндө" токтомуна төмөнкү толуктоо киргизилсин:

- жогоруда аталган токтом менен бекитилген Кыргыз Республикасынын Транспорт жана коммуникациялар министрлиги жөнүндө жобо:

- төмөнкү мазмундагы 14-1-пункт менен толукталсын:

"14-1. Министрликке караштуу 11 адамдан аз эмес курамдагы коомдук байкоочу кеңеш түзүлөт. Коомдук байкоочу кеңештин курамына жарандык коомдун, илимий чөйрөнүн, бизнес-ассоциациялардын, кесиптик жана тармактык союздардын, байланыш жана маалымат, жол-транспорт комплекси тармагындагы эксперттик коомчулуктун өкүлдөрү кирет.

Коомдук байкоочу кеңеш министрликтердин жана жарандык коомдун макулдашылган өз ара аракеттенүүсү максатында түзүлгөн кеңешчи-байкоочу орган болуп саналат.

Коомдук байкоочу кеңештин чечими сунуштук мүнөзгө ээ болот".

2. Бул токтом расмий жарыяланган күндөн тартып күчүнө кирет.