КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2002-жылдын 4-майы № 278

"Ош областынын Өзгөн районундагы Мырза-Аке айыл

кеңешинин Киров айылын Чечебай айылына өзгөртүп

атоо жөнүндө" Кыргыз Республикасынын

Мыйзам долбоору тууралуу

"Кыргыз Республикасындагы географиялык аталыштар жөнүндө" Кыргыз Республикасынын Мыйзамынын 5-статьясына ылайык жана Ош областтык, Өзгөн райондук жана Мырза-Аке айыл кеңештеринин Киров айылын Чечебай айылына өзгөртүп атоо жөнүндө чечимдерин көңүлгө алуу менен Кыргыз Республикасынын Өкмөтү

ТОКТОМ КЫЛАТ:

1. "Ош областынын Алай районундагы Өзгөн районундагы Мырза-Аке айыл кеңешинин Киров айылын Чечебай айылына өзгөртүп атоо жөнүндө" Кыргыз Республикасынын Мыйзам долбооруна макулдук берилсин.

2. Бул мыйзам долбоору Кыргыз Республикасынын Жогорку Кеңешинин кароосуна жиберилсин.

3. Кыргыз Республикасынын Өкмөтүнүн Кыргыз Республикасынын Жогорку Кеңешинин Эл өкүлдөр жыйынындагы турактуу өкүлү, Кыргыз Республикасынын Премьер-министринин кеңешчиси ушул мыйзам долбоорун Кыргыз Республикасынын Жогорку Кеңешинде кароо учурунда Кыргыз Республикасынын расмий өкүлү болуп дайындалсын.

КЫРГЫЗ РЕСПУБЛИКАСЫНЫН МЫЙЗАМЫ

Ош областынын Өзгөн районундагы Мырза-Аке

айыл кеңешинин Киров айылын Чечебай

айылына өзгөртүп атоо жөнүндө

1-статья.

Ош областынын Өзгөн районундагы Мырза-Аке айыл кеңешинин Киров айылы Чечебай айылына өзгөртүлүп аталсын.

2-статья.

Бул Мыйзам жарыяланган учурдан баштап күчүнө кирет.