КР Министрлер Кабинетинин 2023-жылдын 7-июлундагы № 340 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2014-жылдын 22-майы № 267

Кыргыз Республикасынын Саламаттык сактоо министрлигинин "Алдын алуучу медицина" илимий-өндүрүштүк бирикмесинин уставын бекитүү жөнүндө

Кыргыз Республикасынын мамлекеттик илимий саламаттык сактоо уюмдары жөнүндө жоболорду "Илим жөнүндө жана мамлекеттик илимий-техникалык саясаттын негиздери тууралуу" жана "Кыргыз Республикасындагы саламаттык сактоо уюмдары жөнүндө" Кыргыз Республикасынын мыйзамдарына шайкеш келтирүү максатында, Кыргыз Республикасынын Граждандык кодексинин 87-беренесине жана "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Тиркелген: Кыргыз Республикасынын Саламаттык сактоо министрлигинин "Алдын алуучу медицина" илимий-өндүрүштүк бирикмесинин уставы бекитилсин.

2. Кыргыз Республикасынын Өкмөтүнүн 2000-жылдын 14-августундагы № 491 "Кыргыз Республикасынын Саламаттыкты сактоо министрлигинин Профилактика жана медициналык экология илимий-изилдөө институтун Кыргыз Республикасынын Саламаттыкты сактоо министрлигинин "Профилактикалык медицина" илимий-изилдөөчү өндүрүштүк бирикмесине айлантып өзгөртүү жөнүндө" токтомунун 2-пункту күчүн жоготту деп таанылсын.

3. Кыргыз Республикасынын Саламаттык сактоо министрлиги өзүнүн чечимдерин ушул токтомго ылайык келтирсин.

4. Бул токтом расмий жарыяланган күндөн тартып күчүнө кирет.

5. Бул токтомдун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.