Электрдик жана почта байланыш тармагындагы иштин айрым түрлөрүн лицензиялоо жөнүндө УБАКТЫЛУУ ЖОБО

(КР Өкмөтүнүн 2015-жылдын 27-августундагы № 608, 2016-жылдын 14-июлундагы № 396 токтомдорунун редакциясына ылайык)

1-бап. Жалпы жоболор

1. Байланыш тармагында иштин лицензиялануучу түрүн жүргүзүүгө ниеттенген жеке жана юридикалык жактар уюштуруучулук-укуктук формасына жана менчигинин формасына карабай, тиешелүү лицензия жана (же) уруксат алууга милдеттүү.

2. Электрдик жана почта байланыш тармагындагы лицензия берүүчү болуп Кыргыз Республикасынын Өкмөтүнө караштуу Мамлекеттик байланыш агенттиги саналат, ал төмөнкүдөй лицензияларды жана уруксаттарды берет:

1) иш үчүн лицензиялар:

- электрдик байланыш тармагында;

- маалымат жиберүү тармагында;

- телерадиоберүү, анын ичинде программаларды, берүүлөрдү даярдоо жана аларды таркатуу;

- почта байланыш тармагында;

- электрдик байланыш жана (же) маалымат жиберүү кызматын көрсөтүү үчүн радио жыштык спектрин колдонууга.

Электрдик байланыш тармагындагы ишке, маалымат жиберүү тармагындагы ишке, телерадиоберүү, анын ичинде программаларды, берүүлөрдү даярдоо жана аларды таркатуу жагындагы ишке, почта байланыш тармагындагы ишке, электр байланыш жана (же) маалымат жиберүү кызматын көрсөтүү үчүн радио жыштык спектрин пайдаланууга лицензиялар 1-тиркемеде көрсөтүлгөн форма боюнча берилет;

2) уруксаттар:

- радио электрондук каражаттарды (мындан ары - РЭК) жана жогорку жыштыктагы түзүлүштөрдү (мындан ары - ЖЖТ), радио жыштыктагы нурланууну берүүчү же электр магниттик толкундардын булагы болуп саналган башка техникалык каражаттарды Кыргыз Республикасынын аймагына алып келүүгө уруксат (уруксат 2-тиркемеде көрсөтүлгөн форма боюнча берилет);

- радио электрондук каражаттарды пайдалануу укугуна жыштык ыйгаруу (уруксаттардын формасы кызматтардын типтерине жараша 3 жана 4-тиркемелерде көрсөтүлгөн).

3. Электрдик байланыш тармагындагы ишке берилген лицензия төмөнкүдөй кызмат көрсөтүүлөрдүн түрлөрүн камтыйт:

- телеграфтык байланыш кызматын көрсөтүү - кабыл алуу пунктунда милдеттүү түрдө жазуу менен тамгалар-сандар менен жазылган билдирүүлөрдү - телеграммаларды аралыкка жиберүү;

- жергиликтүү телефондук байланыш кызматын көрсөтүү - жергиликтүү телефондук байланыш тармагында көрсөтүлүүчү электрдик байланыш кызматы;

- эл аралык байланыш кызматын көрсөтүү - эл аралык телефондук байланыш тармагында көрсөтүлүүчү электрдик байланыш кызматы;

- шаар аралык байланыш кызматын көрсөтүү - шаар аралык телефондук байланыш тармагында көрсөтүлүүчү электрдик байланыш кызматы;

- телематика кызматын көрсөтүү - телефондук байланышты, телеграфтык байланышты, маалымат жиберүүнү кошпогондо, электрдик байланыш тармактары аркылуу маалымат берүүгө арналган электрдик байланыш кызматы;

- көчмө радио телефондук байланыш кызматын көрсөтүү - көчмө радио телефондук байланыш аркылуу билдирүүлөрдү жиберүү жана кабыл алуу;

- теле жана радио программаларды таркатуу - электрдик байланыш тармактары аркылуу электр сигналдарын таркатуу.

4. Ички электрдик байланыш тармактарынын операторлору жана кызматтары лицензия алуудан бошотулат.

5. Маалымат алмашууга же башкарууга арналган жана 100 мВт аз чыгуучу кубаттуулукта иштеген, аз кубаттуулуктагы радио түзүлүштөрдү пайдаланууда лицензия жана (же) уруксат алуу талап кылынбайт, алардан чыккан нурлануунун деңгээли жеңилирээк коюлган талаптарга кайсы мааниси дал келерине жараша 56+101og(P) же 40 дБн өлчөмдөн ашпашы керек. Аз кубаттуулуктагы радио жибергичтердин тизмесин Кыргыз Республикасынын Өкмөтүнө караштуу Мамлекеттик байланыш агенттиги бекитет.

6. Чет мамлекеттердин ыйгарым укуктуу органдары тарабынан берилген лицензияларды Кыргыз Республикасынын аймагында таануу "Кыргыз Республикасындагы лицензиялоо-уруксат берүү тутуму жөнүндө" Кыргыз Республикасынын Мыйзамынын 27-беренесинде каралган тартип боюнча жана учурларда ишке ашырылат.

2-бап. Лицензиялоонун негизги принциптери

7. Лицензиялар жана (же) уруксаттар бардык жеке жана юридикалык жактарга, анын ичинен чет элдиктерге да, тиешелүү лицензиялар жана (же) уруксаттардын түрү белгиленген талаптарга жооп берүүчү бирдей негизде жана шартта берилет.

8. Лицензиялоо жол-жобосу "Кыргыз Республикасындагы лицензиялоо-уруксат берүү тутуму жөнүндө" Кыргыз Республикасынын Мыйзамынын 5-беренесинде каралган принциптерге ылайык ишке ашырылат.

3-бап. Лицензиялардын жана уруксаттардын типтери. Лицензияны ээликтен ажыратуу

9. Лицензиялар жана (же) уруксаттар төмөнкүдөй белгилери боюнча айырмаланышат:

1) жарактуулук мөөнөтү боюнча:

- мөөнөтү чектелбеген - электрдик байланыш тармагындагы ишке, маалымат жиберүү тармагындагы ишке, телерадиоберүү, анын ичинде программаларды, берүүлөрдү даярдоо жана аларды таркатуу жагындагы ишке, почта байланыш тармагындагы ишке лицензиялар мөөнөтү чектелбестен берилет; радио электрондук каражаттарды жана жогорку жыштыктагы түзүлүштөрдү Кыргыз Республикасынын аймагына алып келүүгө уруксат;

- убактылуу - электрдик байланыш кызматын көрсөтүү жана (же) маалымат жиберүү үчүн радио жыштык спектрин колдонууга лицензиялар - 10 жылдан ашык эмес мөөнөткө берилет;

2) колдонуу чөйрөсүнүн аймактары боюнча:

- Кыргыз Республикасынын бүткүл аймагында колдонууга: электрдик байланыш тармагындагы ишке, маалымат жиберүү тармагындагы ишке, телерадиоберүү, анын ичинде программаларды, берүүлөрдү даярдоо жана аларды таркатуу жагындагы ишке, почта байланыш тармагындагы ишке берилген лицензиялар; радио электрондук каражаттарды жана жогорку жыштыктагы түзүлүштөрдү Кыргыз Республикасынын аймагына алып келүүгө уруксат;

- Кыргыз Республикасынын айрым аймактарында гана колдонууга: электрдик байланыш кызмат көрсөтүү жана (же) маалымат жиберүү үчүн радио жыштык спектрин колдонууга берилген лицензия; уруксат - радио электрондук каражаттарды колдонуу укугуна берилген жыштык ыйгаруу;

3) ээликтен ажыратуу боюнча:

- электрдик байланыш тармагындагы ишке, маалымат жиберүү тармагындагы ишке, телерадиоберүү, анын ичинде программаларды, берүүлөрдү даярдоо жана аларды таркатуу жагындагы ишке, почта байланыш тармагындагы ишке берилген ээликтен ажыратылбоочу лицензиялар; радио электрондук каражаттарды жана жогорку жыштыктагы түзүлүштөрдү Кыргыз Республикасынын аймагына алып келүүгө уруксат; радио электрондук каражаттарды колдонуу укугуна берилген уруксат - жыштык ыйгаруу;

- электрдик байланыш кызматын көрсөтүү жана (же) маалымат жиберүү үчүн радио жыштык спектрин колдонууга берилген, ээликтен ажыратыла турган лицензиялар; лицензия ээликтен ажыратылган учурда радио электрондук каражаттарды колдонуу укугуна берилген уруксат - жыштык ыйгаруу.

10. Лицензияны жана (же) уруксатты иш жүргүзүү үчүн башка юридикалык же жеке жактарга берүүгө тыюу салынат.

4-бап. Лицензиянын жана (же) уруксаттын мазмуну

11. Лицензияда төмөнкүлөр көрсөтүлөт:

- лицензиялоочу органдын аталышы;

- юридикалык жактын толук жана (бар болгон учурда) кыскартылган аталышы, анын ичинде юридикалык жактын фирмалык аталышы жана уюштуруу-укуктук формасы, юридикалык жакты, филиалды (өкүлчүлүктү) мамлекеттик каттоо (кайра каттоо) жөнүндө күбөлүгүнүн номери;

- жеке адамдын фамилиясы, аты, атасынын аты, ким экенин күбөлөндүргөн документиндеги маалыматтар, жеке ишкерлер үчүн - жеке ишкер катары каттоодон өткөндүгү жөнүндө күбөлүгүнүн номери;

- иштин лицензиялана турган түрү;

- лицензиянын жана (же) уруксаттын жарактуулук мөөнөтү;

- иш жүргүзүлө турган аймак;

- лицензия жана (же) уруксат берилген күнү жана каттоо номери;

- салык төлөөчүнүн идентификациялык номери.

12. Лицензиялардын жана (же) уруксаттардын бланктары типографиялык ыкма менен даярдалып, коргоочу даражалары, эсептик сериясы жана номери болот. Лицензиялардын жана (же) уруксаттардын бланктары катуу эсепке алынуучу документтер болушат. Лицензиялардын жана (же) уруксаттардын бланктарын Кыргыз Республикасынын Өкмөтүнө караштуу Мамлекеттик байланыш агенттиги даярдатат, эсепке алат жана сактайт.

5-бап. Лицензиянын жана (же) уруксаттын дубликатын берүү

13. Лицензия жана (же) уруксат жоголгон жана (же) бузулган учурда, лицензия алуучу лицензиянын жана (же) уруксаттын дубликатын алууга укуктуу. Лицензиянын дубликаты "Кыргыз Республикасындагы лицензиялык-уруксат берүү тутуму жөнүндө" Кыргыз Республикасынын Мыйзамынын 26-беренесинде аныкталган тартипте берилет.

6-бап. Лицензиялык жыйымдар

14. Лицензияны жана (же) уруксатты берүүдө, кайра тариздөөдө жана лицензиянын жана (же) уруксаттын дубликатын берүүдө, "Кыргыз Республикасындагы лицензиялоо-уруксат берүү тутуму жөнүндө" Кыргыз Республикасынын Мыйзамынын 19-беренесинде аныкталган тартипте, Лицензиялык акынын өлчөмүнүн убактылуу прейскурантына ылайык Кыргыз Республикасынын Өкмөтүнө караштуу Мамлекеттик байланыш агенттиги тарабынан берилүүчү уруксаттар үчүн бир жолу төлөнүүчү лицензиялык жыйым алынат.

7-бап. Лицензияны жана (же) уруксатты алуу үчүн керектүү документтер

15. Иштин тиешелүү түрүнө лицензия жана (же) уруксат алуу үчүн арыз ээси Кыргыз Республикасынын Өкмөтүнө караштуу Мамлекеттик байланыш агенттигине төмөнкү документтерди берет же жиберет:

- лицензия алуу үчүн 5-тиркемеге ылайык формадагы арыз;

- радио электрондук каражаттарды колдонуу укугуна жыштык ыйгаруу алуу үчүн 6-тиркемеге ылайык формадагы арыз;

- РЭК жана ЖЖТ, радио жыштыктагы нурланууну берүүчү же электр магниттик толкундардын булагы болуучу башка техникалык каражаттарды Кыргыз Республикасынын аймагына алып келүүгө уруксат алуу үчүн 7-тиркемеге ылайык формадагы арыз;

- жеке адам үчүн - ким экендигин күбөлөндүрүүчү документтин көчүрмөсү;

- юридикалык жак жана жеке ишкерлер үчүн - мамлекеттик каттоодон өткөндүгү жөнүндө күбөлүгүнүн көчүрмөсү;

- арызды кароо жана лицензияны жана (же) уруксатты берүү үчүн акы төлөнгөндүгүн тастыктаган документтин көчүрмөсү;

- арыз ээсине салык төлөөчүнүн жана камсыздандыруу төлөмдөрүн төлөөчүнүн идентификациялык салык номери ыйгарылгандыгын тастыктаган документтин көчүрмөсү;

- юридикалык жактар үчүн - банктык реквизиттери жөнүндө маалыматтар;

- коммутациялык түйүндөр, туташтыруу чекиттери, пайдаланылуучу протоколдор жана сигнализация системалары көрсөтүлүп, байланыш кызмат көрсөтүүлөрү баяндалып жазылган байланыш тармагын түзүү схемасынын көчүрмөсү (топология);

- эгер электрдик байланыш тармагындагы ишке, маалымат жиберүү тармагындагы ишке, телерадиоберүү, анын ичинде программаларды, берүүлөрдү даярдоо жана аларды таркатуу жагындагы ишке радио жыштык спектрин пайдалануу керек болсо - электрдик байланыш жана (же) маалыматтарды жиберүү үчүн радио жыштык спектрин пайдаланууга лицензиянын көчүрмөсү;

- электрдик байланыш жана (же) маалымат жиберүү, телерадиоберүү кызматтарын көрсөтүү үчүн радио жыштык спектри бар экендигин тастыктаган документтин көчүрмөсү;

- берилген арызда көрсөтүлгөн радио электрондук каражаттардын электр магниттик шайкештиги бар экендигин тастыктаган документтин көчүрмөсү;

- эл аралык (зарыл болгон учурда), ведомстволор аралык макулдашуулардын жана радио мониторингдин натыйжасында оң жыйынтык алынганын тастыктаган документтин көчүрмөсү.

16. Электрдик байланыш жана (же) маалымат жиберүү кызматын көрсөтүү үчүн радио жыштык спектрин пайдалануу укугуна лицензия алуу үчүн төмөнкүлөрдүн көчүрмөлөрү берилүүгө тийиш:

- радио электрондук каражаттарды жана (же) жогорку жыштыктагы түзүлүштөрдү милдеттүү түрдө сертификаттоодон өткөрүү жөнүндө кепилдик каттын көчүрмөсү;

- пландаштырылып жаткан радио тармактын же радио линиянын арналышы жана мүнөздөмөсү, колдонулуучу стандарттар жана протоколдор, пайдаланууга пландалып жаткан радио электрондук каражаттардын жана (же) жогорку жыштыктагы түзүлүштөрдүн техникалык мүнөздөмөлөрү жөнүндө маалыматтар кеңири баяндалып жазылган түшүндүрмө каттын көчүрмөсү, байланышты уюштуруунун схемасы берилет;

- ар кандай арналыштагы космостук системаларды түзүү үчүн космостук системаны түзүүнүн долбоорунун көчүрмөсү;

- спутниктик байланыштын жер үстүндөгү айтылган станцияларын пайдаланып, спутниктик тармактарды түзүү үчүн космостук станцияга конкреттүү жыштык ресурсун бөлүп берүү жөнүндө ниетин тастыктаган документтин көчүрмөсү;

- жабдуунун техникалык баяндамасынын көчүрмөсү;

- арызда көрсөтүлгөн радио электрондук каражаттардын электр магниттик шайкештигине талдоо жүргүзүү үчүн акы төлөнгөнүн тастыктаган документтин көчүрмөсү;

- мыйзамда каралган учурларда, арыз ээси жер үстүндөгү эфирдик цифралык берүү үчүн радио жыштык ресурсун бөлүп берүү боюнча өткөрүлгөн конкурстун жана/же аукциондун жеңүүчүсү экендигин тастыктаган документтин көчүрмөсү.

- 806-811/847-852 MГц, 811-816/852-857 MГц, 816-821/857-862 MГц радио жыштык тилкелеринин бирин ижарага берүү боюнча тиешелүү келишим.

- 791-796/832-837 МГц, 796-801/837-842 МГц, 801-806/842-847 МГц радио жыштык тилкелеринин бирин ижарага берүү боюнча тиешелүү келишим.

806-811/847-852 MГц, 811-816/852-857 MГц, 816-821/857-862 MГц, 791-796/832-837 МГц, 796-801/837-842 МГц, 801-806/842-847 МГц радио жыштык тилкелеринин бирин ижарага берүү келишими болгон учурда ушул Жобонун 15-пунктунун он экинчи - он төртүнчү абзацтарында жана ушул пунктунун жетинчи абзацында аталган документтерди берүү талап кылынбайт.

 (КР Өкмөтүнүн 2015-жылдын 27-августундагы № 608, 2016-жылдын 14-июлундагы № 396  токтомдорунун редакциясына ылайык)

17. Радио электрондук каражаттарды пайдалануу укугуна жыштык ыйгарууларды алуу үчүн, төмөндөгүлөрдүн көчүрмөлөрү берилет:

- электрдик байланыш жана (же) маалымат жиберүү кызматтарын көрсөтүү үчүн радио жыштык спектрин пайдаланууга лицензиянын көчүрмөсү;

- радио электрондук каражаттарды жана/же жогорку жыштыктагы түзүлүштөрдү милдеттүү түрдө сертификаттоодон өткөрүү жөнүндө кепилдик каттын көчүрмөсү;

- пландаштырылып жаткан радио тармактын же радио линиянын багыты жана мүнөздөмөсү, колдонулуучу стандарттар жана протоколдор, колдонууга пландалып жаткан радио электрондук каражаттардын жана/же жогорку жыштыктагы түзүлүштөрдүн техникалык мүнөздөмөлөрү жөнүндө маалымат кеңири баяндалып жазылган түшүндүрмө каттын көчүрмөсү, байланышты уюштуруунун схемасы;

- берилген арызда көрсөтүлгөн радио электрондук каражаттардын электр магниттик шайкештигине талдоо жүргүзүүгө акы төлөнгөнү жөнүндө документтин көчүрмөсү.

18. Чет мамлекеттердин дипломатиялык өкүлчүлүктөрү жана консулдук мекемелери, эл аралык уюмдардын өкүлчүлүктөрү ушул Жобонун 15-17-пункттарында көрсөтүлгөн документтерди Кыргыз Республикасынын Өкмөтүнө караштуу Мамлекеттик байланыш агенттигине беришет.

19. Документтерди арыз ээси мамлекеттик жана расмий тилдерде берет. Чет өлкөлүк жактар берүүчү документтер алар түзүлгөн жердеги мамлекеттин компетенттүү органында мыйзамдаштырылган же апостилденген болууга тийиш.

8-бап. Лицензияны жана (же) уруксатты берүүдөн баш тартуу

20. Лицензияны жана (же) уруксатты берүүдөн баш тартууга "Кыргыз Республикасындагы лицензиялоо-уруксат берүү тутуму жөнүндө" Кыргыз Республикасынын Мыйзамынын 21-беренесинде көрсөтүлгөн себептер негиз болот.

21. Кыргыз Республикасынын Өкмөтүнө караштуу Мамлекеттик байланыш агенттиги лицензияны жана (же) уруксатты берүүдөн баш тартуу жөнүндө чечимди радио жыштык спектрин пайдалануу укугуна лицензия жана (же) уруксат берүү (жыштык ыйгаруу) үчүн Кыргыз Республикасына чектеш өлкөлөр менен макулдашуу талап кылынгандан башка учурларда лицензияны жана (же) уруксатты алууга бардык документтер тапшырылгандан кийин 30 календарлык күндөн кем эмес убакыттын ичинде чыгарат. Кыргыз Республикасынын аймагына РЭК жана ЖЖТ, радио жыштыктагы нурлануу чыгаруучу же жогорку жыштыктагы электр магниттик толкундардын булагы болуп саналган башка техникалык каражаттарды алып келүүгө уруксатты берүү үчүн чечимди - 2 (эки) иш күндүн ичинде чыгарат.

22. Лицензияны жана (же) уруксатты берүүдөн баш тартуу жөнүндө чечим арыз ээсине баш тартуунун себеби түшүндүрүлүп, лицензияны жана (же) уруксатты берүүгө аныкталган мөөнөттүн ичинде жазуу жүзүндө жиберилет.

23. Кыргыз Республикасынын Өкмөтүнө караштуу Мамлекеттик байланыш агенттиги лицензияны жана (же) уруксатты берүүдөн баш тарткан учурда арыз ээси Кыргыз Республикасынын мыйзамдарында бекитилген тартипте даттанууга укуктуу.

9-бап. Лицензияны жана (же) уруксатты кайра тариздөө

24. Лицензияны жана (же) уруксатты кайра тариздөө "Кыргыз Республикасындагы лицензиялоо-уруксат берүү тутуму жөнүндө" Кыргыз Республикасынын Мыйзамынын 23-беренесинде каралган тартипте жана учурларда ишке ашырылат.

25. Лицензия алуучу лицензияны жана (же) уруксатты кайра тариздөө жөнүндө арызды Кыргыз Республикасынын Өкмөтүнө караштуу Мамлекеттик байланыш агенттигине кайра тариздөөнүн себебин жана жаңы маалыматтарды көрсөтүү менен, кайра тариздөөгө негиз пайда болгон күндөн баштап он беш иш күндөн кечиктирбестен, тиешелүү өзгөртүүлөрдү тастыктаган документтерди тиркөө менен берет.

26. Кыргыз Республикасынын Өкмөтүнө караштуу Мамлекеттик байланыш агенттиги лицензияны жана (же) уруксатты тиешелүү арыз алынгандан кийин беш иш күндүн ичинде кайра тариздейт. Лицензияны жана (же) уруксатты кайра тариздөөдө Кыргыз Республикасынын Өкмөтүнө караштуу Мамлекеттик байланыш агенттиги лицензиялардын жана (же) уруксаттардын реестрине тиешелүү өзгөртүүлөрдү киргизет.

27. Эгер лицензия убактылуу болсо кайра таризделген лицензиянын жарактуулук мөөнөтү мурда берилген лицензиянын жарактуулук мөөнөтүнөн ашпайт.

28. Кыргыз Республикасынын Өкмөтүнө караштуу Мамлекеттик байланыш агенттиги убактылуу лицензиялардын мөөнөтүн лицензия алуучунун лицензиянын жарактуулук мөөнөтүн узартуу жөнүндө арызынын негизинде узартат. Лицензия алуучу арызды убактылуу лицензиянын жарактуулук мөөнөтү аяктаардан 15 календардык күн алдын ала, мурда берилген лицензиянын оригиналы менен кошо берет.

29. Убактылуу лицензиянын жарактуулук мөөнөтү Кыргыз Республикасынын Өкмөтүнө караштуу Мамлекеттик байланыш агенттигиндеги делолордо сакталып турган документтердин негизинде, лицензия алуучу лицензиянын мөөнөтүн узартуу жөнүндө арыз берген күндөн тартып беш иш күндүн ичинде узартылат. Мында, Кыргыз Республикасынын Өкмөтүнө караштуу Мамлекеттик байланыш агенттиги мурда берген лицензиясынын бланкы жокко чыгарылбайт. Кыргыз Республикасынын Өкмөтүнө караштуу Мамлекеттик байланыш агенттиги лицензиялардын реестрине жана мурда берилген лицензиянын бланкына лицензиянын жарактуулук мөөнөтү узартылганы жөнүндө тиешелүү өзгөртүүлөрдү киргизет.

30. Лицензия алуучу ушул Жободо каралган лицензиялык талаптарды бузган учурда Кыргыз Республикасынын Өкмөтүнө караштуу Мамлекеттик байланыш агенттиги лицензиянын жарактуулук мөөнөтүн узартуудан баш тартат.

31. Лицензиянын жана (же) уруксаттын жарактуулук мөөнөтүн узартуудан баш тартылган учурда лицензия алуучу Кыргыз Республикасынын мыйзамдарында аныкталгандай администрациялык же соттук тартипте даттанууга укуктуу.

32. Лицензия кайра таризделгенге жана лицензияны колго алганга чейин лицензия алуучу ишин мурда берилген лицензиянын негизинде жүргүзөт.

10-бап. Лицензиялардын жана (же) уруксаттардын реестрлери

33. Лицензиялардын жана (же) уруксаттардын реестри (мындан ары - реестр), лицензия жана (же) уруксат берилгендигин жана ошондой эле алардын укуктук статусун тастыктаган жалгыз расмий булак болот.

34. Кыргыз Республикасынын Өкмөтүнө караштуу Мамлекеттик байланыш агенттиги иштин түрлөрү боюнча жазуу жүзүндө жана электрондук түрдө ишке ашырылган реестрлерди жүргүзөт. Реестрде төмөнкүдөй маалыматтар көрсөтүлөт:

1) юридикалык жактын толук жана кыскартылган аталышы (эгерде болсо), анын ичинде фирмалык аталышы, уюштуруу-укуктук формасы, юридикалык дареги;

2) жеке адамдын фамилиясы, аты, атасынын аты, жашаган жери, ким экендигин ырастоочу документиндеги маалыматтар, жеке ишкерлер үчүн - жеке ишкер катары мамлекеттик каттоодон өткөндүгү жөнүндө жазуунун каттоодогу номери;

3) лицензиялана турган иштин түрү;

4) иш жүргүзүлө турган аймак (эгер аймагы чектелген болсо);

5) лицензиянын жана (же) уруксаттын жарактуулук мөөнөтү;

6) салык төлөөчүнүн идентификациялык номери;

7) лицензия жана (же) уруксат берилген күнү жана каттоо номери;

8) лицензиянын жана (же) уруксаттын жарактуулук мөөнөтүн токтото туруу жана жарактуулук мөөнөтүн кайра калыбына келтирүүнүн негиздери жана мөөнөтү;

9) лицензияны жана (же) уруксатты токтотууга негиз жана токтотулган күнү.

11-бап. Лицензия берүүчүнүн ыйгарым укуктары

35. Кыргыз Республикасынын Өкмөтүнө караштуу Мамлекеттик байланыш агенттиги төмөнкүдөй ыйгарым укуктарды ишке ашырат:

- лицензияларды жана (же) уруксаттарды берүү;

- лицензиялардын жана (же) уруксаттардын дубликаттарын берүү;

- чет элдик ыйгарым укуктуу органдар берген лицензияларды таануу;

- лицензияларды кайра тариздөө;

- лицензия алуучунун лицензиялык талаптарды сактоосун контролдоо;

- лицензиялардын колдонулушун токтото туруу;

- лицензиялардын колдонулушун кайра жаңыртуу;

- лицензиялардын жана (же) уруксаттардын колдонулушун токтотуу;

- лицензияларды жана (же) уруксаттарды жокко чыгаруу жөнүндө маселени кароо үчүн сот органдарына доо арызын берүү;

- лицензияларды жана (же) уруксаттарды берүүдөн баш тартуу;

- реестрди түзүү жана жүргүзүү.

36. Лицензия алуучунун лицензиялык талаптарды сактоосун контролдоону Кыргыз Республикасынын Өкмөтүнө караштуу Мамлекеттик байланыш агенттиги өз компетенциясынын чегинде жүргүзөт. Кыргыз Республикасынын Өкмөтүнө караштуу Мамлекеттик байланыш агенттиги өз компетенциясынын чегинде төмөнкүлөргө укуктуу:

- лицензия алуучунун аткарган ишинин лицензиялык талаптарга дал келүүсүнө текшерүү жүргүзүүгө. Текшерүүлөр Кыргыз Республикасынын текшерүү жүргүзүү тартибин жөнгө салуучу мыйзамдарынын талаптарына ылайык жүргүзүлүүгө тийиш;

- лицензия алуучудан текшерүү учурунда келип чыккан маселелер боюнча зарыл болгон түшүндүрмөлөрдү суроого жана алууга;

- текшерүүлөрдүн натыйжаларынын негизинде конкреттүү бузууларды көрсөтүү менен актыларды (протоколдорду) түзүүгө;

- лицензия алуучуну табылган тартип бузууларды жоюуга милдеттендирген чечимдерди чыгарууга, мындай тартип бузууларды жоюунун мөөнөтүн аныктоого;

- лицензия алуучуга карата эскертүү берүү, айып пул салуу, лицензияны жана (же) уруксатты колдонуу мөөнөтүн токтото туруу, лицензияны жана (же) уруксатты жокко чыгаруу жөнүндө маселени кароо үчүн сот органдарына доо арызын берүү сыяктуу таасир этүүчү чараларды колдонууга;

- электр магниттик шайкештикти сактоо жана радио жыштык спектрин натыйжалуу пайдалануу максатында, кайра пландаштырууга чейин лицензия алуучуга кеминде 6 ай мурда эскертүү менен радио жыштык спектрин кайра пландаштырууга.

12-бап. Жалпы лицензиялык талаптар

37. Лицензиялана турган иштин түрүн жүргүзүүдө, лицензия алуучу төмөнкүлөргө милдеттүү:

- кызмат көрсөтүүнүн жана иштин ар бир түрү боюнча квартал сайын, Кыргыз Республикасынын Улуттук статистикалык комитети менен макулдаштыкта Кыргыз Республикасынын Өкмөтүнө караштуу Мамлекеттик байланыш агенттиги бекиткен формага ылайык, отчеттук кварталдын кийинки экинчи айдын 1-күнүнө чейинки мөөнөттө отчет берүүгө (отчеттордун формасын Кыргыз Республикасынын Өкмөтүнө караштуу Мамлекеттик байланыш агенттиги лицензия берилгенде берет);

- жыл сайын, 1-февралга чейин өз тармагын өнүктүрүү, кеңейтүү, модернизациялоо планын берүүгө. Планда орнотула турган жабдуу, аны алмаштыруу, жабдуунун саны жана орнотула турган орду, абоненттик базаны жана кызмат көрсөтүүлөрдү өзгөртүүнү пландаштыруу жөнүндө маалымат, ошондой эле план боюнча каралган иш-чаралардын аткаруу мөөнөттөрү камтылууга тийиш;

- Кыргыз Республикасынын Өкмөтүнө караштуу Мамлекеттик байланыш агенттигинин кызматкерлеринин бардык документтерди жана байланыш тармагындагы иш чөйрөсүнө, операторлордун байланыш объектилерине, анын ичинде радио техникалык объектилерге тиешелүү маалыматтарды тоскоолдуксуз алуусун камсыздоо;

- лицензияга ылайык иш жөнүндө жарнама бергенде, лицензия алуучу ошол лицензиянын номерин жана лицензияны берген органдын аталышын көрсөтүүгө милдеттүү;

- жабдуулар жана техникалык байланыш каражаттары жайгаштырылган жерлерге, жер участокторунун же курулуштардын ээлери же бул жер участокторуна же курулуштарга ээлик кылууга укугу бар башка жактар менен келишим түзүүгө;

- электр байланыш тармагын куруу, орнотуу же оңдоп-түзөө иштери аяктаганда курулуш жүргүзүлгөн жер участогун, имаратты же курулушту өз каражаттарынын эсебинен иретке келтирүүгө. Эгер башка макулдашуу жок болсо, жер участогунун, имараттын же курулуштун ээси менен кат жүзүндө эки нускада келишим түзүлүп, ар бир тарапка бирден нускасы берилет;

- убактылуу лицензия алган лицензия алуучулар, 2 жылдын ичинде кызмат көрсөтүүлөрдү бере баштайт;

- Кыргыз Республикасынын Өкмөтүнө караштуу Мамлекеттик байланыш агенттиги иштеп чыккан жана бекиткен камтуу графиктерине ылайык, Кыргыз Республикасынын аймагын байланыш менен камсыз кылат;

- Кыргыз Республикасынын калктуу конушу байланыш кызматы менен камсыз кылынгандан кийин токтоосуз түрдө, Кыргыз Республикасынын Өкмөтүнө караштуу Мамлекеттик байланыш агенттигинин расмий сайтында жайгаштырылган КР аймагында байланыш кызматы боюнча маалыматтык системаны толтурат.

13-бап. Электрдик байланыш тармагындагы лицензиялык талаптар

38. Электрдик байланыш тармагында иш жүргүзүүдө лицензия алуучу төмөнкүлөргө милдеттүү:

1) жалпы пайдалануудагы тармактарды уюштурууда техникалык колдоо кызматын уюштурууга. Техникалык колдоо кызматы абоненттер/колдонуучулар сутка бою тынымсыз эркин кайрылууларын кабыл алууну камсыз кылууга тийиш. Оператордун жообун күтүү 3 мүнөттөн ашпашы керек. Техникалык колдоо кызмат көрсөтүүлөрү абоненттер/колдонуучуларга, лицензия алуучунун кайсы байланыш каражатынан болбосун жооп алынган учурдан тартып, акысыз көрсөтүлөт;

2) Эл аралык байланышты уюштурууда:

- Кыргыз Республикасынын телефон байланыш тармагынын эл аралык коммутациялоо борбору (ЭАКБ) менен эл аралык оператордун эл аралык коммутациялоо борборунун ортосунда эл аралык деңгээлдеги биригүүнү ишке ашырууга, мында Кыргыз Республикасынын операторунун ЭАКБ Кыргыз Республикасынын аймагында болууга тийиш;

- тармактар аралык биригүүнү уюштурууга, кызмат көрсөтүүлөрдүн сапаттуулугун камсыз кылууга, ошондой эле Кыргыз Республикасынын мыйзамдарындагы стандарттардын жана ченемдердин талаптарына жана Эл аралык Электр байланыш Уюмунун (мындан ары - ЭЭУ) сунуштоолоруна ылайык, трафикти өткөрүп берүү шарттарын камсыз кылууга;

- эл аралык байланыш кызматын көрсөткөн Кыргыз Республикасынын электр байланыш операторлорунун Эл аралык коммутациялоо борборлорун, башка өлкөлөрдүн экиден кем эмес Эл аралык коммутациялоо борборлору менен, же Кыргыз Республикасында жайгашкан ЭАКБ, ошондой эле башка өлкөдөгү бир ЭАКБ менен түздөн-түз байланыштырууну камсыз кылууга;

- чакырык жиберген абоненттин номериндеги жиберилген маалыматты басып коюуга, модификациялоого же башка ыкма менен өзгөртүп жиберүүгө болбойт, эгер мындай өзгөртүүлөр тармактын кодун же географиялык аныктала турган номерлөө аймагын жана/же чакырык жиберген абоненттин жиберилген номерин, жана/же макулдашылган тиешелүү документтердеги тармактар аралык биригүүгө телом акыларды (тарифтерди) өзгөртүп жиберүүгө алып келе турган болсо;

3) шаар аралык байланышты уюштурууда:

- тармактар аралык биригүүнү уюштурууга, кызмат көрсөтүүлөрдүн сапаттуулугун камсыз кылууга, ошондой эле Кыргыз Республикасынын мыйзамдарындагы стандарттардын жана ченемдердин талаптарына жана ЭЭУ сунуштоолоруна ылайык, трафикти өткөрүп берүү шарттарын камсыз кылууга;

- чакырык жиберген абоненттин номериндеги жиберилген маалыматты басып коюуга, модификациялоого же башка ыкма менен өзгөртүп жиберүүгө болбойт, эгер мындай өзгөртүүлөр тармактын кодун же географиялык аныктала турган номерлөө аймагын жана/же чакырык жиберген абоненттин жиберилген номерин, жана/же макулдашылган тиешелүү документтердеги тармактар аралык биригүүгө төлөм акыларды (тарифтерди) өзгөртүп жиберүүгө алып келе турган болсо;

4) жергиликтүү байланышты уюштурууда:

- бир тармактын колдонуучусуна ошол эле тармактын колдонуучусу менен, же бардык башка жалпы колдонуудагы электр байланыш тармагынын колдонуучулары менен ыңгайлуу байланышуу мүмкүндүгүн бере турган тармакты түзүүгө жана аны пайдаланууга;

- тармактар аралык биригүү жөнүндө келишим түзүлгөндөн кийин 15 иш күндөн кечиктирбей келишимдерди, ошондой эле бардык тиркемелерин Кыргыз Республикасынын Өкмөтүнө караштуу Мамлекеттик байланыш агенттигине көрсөтүүгө;

- аварияларды жана табигый кыйроолордун натыйжасын азайтуу же аларды болтурбоо үчүн зарыл болгон бардык чараларды көрүүгө жана мындай авариялардан жана табигый кыйроолордон кийин өз тармагынын ишин жана кызмат көрсөтүүлөрдү калыбына келтирүүгө;

- юридикалык жана жеке жактардын кызмат көрсөтүү маселелери боюнча кайрылууларын кароо регламентин иштеп чыгууга жана бекитүүгө. Регламентте милдеттүү түрдө кайрылуу/арыз берүү жол-жоболору жана кайрылууну/арызды карап чыгуу ыкмалары жана мөөнөттөрү каралышы керек. Арыз ээсине жооп берүү арыз ээси кайрылган формада берилет (кат жүзүндө, оозеки, электрондук түрдө);

- шашылыш ыкчам чакырууларды акысыз байланыштырууга;

- техникалык мүмкүнчүлүк болгондо, кат жүзүндө арыз берилип келишим түзүлгөндөн кийин, бардык колдонуучуларга кызмат көрсөтүүлөрдү чек койбостон берүүгө;

- лицензия алуучу белгилеген мөөнөттө, бузулган техникалык каражаттарды калыбына келтирүү боюнча чараларды керүүгө;

- абонентке жергиликтүү телефон байланыш кызматын көрсөтүүлөрдү суткасына 24 саат бою пайдалануу мүмкүнчүлүгүн камсыз кылууга, эгер Кыргыз Республикасынын мыйзамдарында же келишимде башка шарт каралбаса;

- абонентке жана (же) колдонуучуга, телефон байланыш кызматын көрсөтүүлөргө байланышкан маалыматтарды берүү максатында маалыматтык-сурап билүүчү тейлөө системасын уюштурууга;

- акысыз негизде төмөнкүдөй маалыматтык-сурап билүүчү маалыматтарды берүүгө: жергиликтүү телефон байланыш тармагынын коду жана абоненттин телефон номери жөнүндө (жеке же юридикалык жактын), жергиликтүү телефон байланыш тармагынын кызмат көрсөтүүлөрүнүн тарифтери жөнүндө маалымдама; жергиликтүү телефон байланыш тармагынын оңдоо бюросунун жумушчуларын чакыруу; телефон байланыш кызмат көрсөтүүлөрүнө тоскоол болуп жаткан техникалык мүчүлүштүк жөнүндө маалыматты кабыл алуу; техникалык себептер менен же номерлөө системасы жана планына ылайык өзгөртүлгөн учурда, абоненттин номери өзгөргөндүгү жөнүндө билдирүү;

- абонентке келишим түзүү жана аны аткаруу үчүн зарыл болгон маалыматтарды берүүгө. Мамлекеттик жана (же) расмий тилде (зарыл болгон учурда башка тилдерде) даана жана түшүнүктүү формада даярдалган маалымат, акысыз негизде жалпыга маалымдоо каражаттары, маалыматтык-сурап билүү кызматтары аркылуу, ошондой эле электр байланышы операторунун сүйлөшүү пункттарында, кеңселеринде жана тейлөө борборлорунда абонентке жана (же) колдонуучуга маалымдалат;

- кат жүзүндө эки нускада келишим түзүп, бирин абонентке берүүгө. Кызмат көрсөтүүлөр келишимине төмөнкүлөр киргизилет: электр байланыш операторунун аталышы (фирмалык аталышы), филиалдарынын тизмеси, жайгашкан орундары жана иш тартиби; байланыш тармагындагы электрдик байланыш кызмат көрсөтүү иши үчүн электр байланыш операторуна берилген лицензиянын (лицензиялардын) (мындан ары - лицензия) реквизиттери; электрдик байланыш кызмат көрсөтүүлөрүнүн тизмеси, кызмат көрсөтүүлөрдүн шарттары жана тартиби; тарифтик план; электр байланыш кызмат көрсөтүүлөргө акы төлөө тартиби, формасы жана системалары; келишим түзүү жөнүндө арызды кароо тартиби жана мөөнөтү; абоненттин жана (же) колдонуучунун нааразычылыктарын кароо тартиби; маалыматтык-сурап билүү кызматтарынын телефон номерлери жана оңдоочу жай; бузулууларды жоюу мөөнөтү;

- телефон орнотууга берилген арыз каттоого алынгандан кийин, 20 иш күндөн ашпаган мөөнөттүн ичинде, жергиликтүү телефон байланыш тармагына туташтырууга техникалык мүмкүнчүлүктүн бар экендигине текшерүү жүргүзүлөт;

- телефон орнотууга берилген арыз каттоого алынгандан кийин, 30 иш күндөн ашпаган мөөнөттүн ичинде, арыз ээсине төмөнкүдөй маалыматтар билдирилет (кат жүзүндө): байланыш тармагына туташтырууга техникалык мүмкүнчүлүк болгондо - телефон орнотула турган болжолдуу убакыт жөнүндө; байланыш тармагына туташтырууга техникалык мүмкүнчүлүк болбогондо куруу-монтаждоо иштеринин эсебин чыгарып, аткарыла турган иштин баасы арыз ээсине кабарланат;

- арыз ээсине арыздын кезек номерин билдирүүгө;

- арыз ээси телефон орнотуудагы куруу-монтаждоо иштерине акы төлөөдөн баш тартканда, арыз жокко чыгарылгандыгын кабарлоого;

- электр байланышы кызмат көрсөтүүлөрүнүн тарифтери өзгөргөндүгү жөнүндө, жаңы тарифтер киргизилгенге чейин кеминде 10 күн мурда абоненттерге жана (же) колдонуучуларга жалпыга маалымдоо каражаттары аркылуу билдирүүгө;

- бейтарап жактар соңку каражатты (абоненттик каражатты) абоненттик линияга өз алдынча туташтырып алганы, өнөктөшүнүн иштеп жаткан линиясына өз алдынча которулуп алганы, иштеп жаткан таксофондун линиясына туташтырып алганы маалым болгон учурда - өз алдынча туташтырып алууларды жоюуга;

- абоненттик номерлерди алмаштыруу боюнча бардык жумуштар, абоненттерге жаңы абоненттик номерлери алдын ала билдирилгенден кийин гана аткарылат: жеке жактарга - алмашылганга чейин кеминде 30 күн мурда, юридикалык жактарга - кеминде 6 ай мурда;

- жеке жана юридикалык жактар электр байланыш операторлорунун линиялык курулуштарын курууга өздөрүнүн акча каражаттарын жумшоо ниетин билдирген учурда, жеке жана юридикалык жактар менен тиешелүү келишим түзүүгө;

- таксофондор колдонулган телефон байланыш кызматын көрсөтүүдө, телефон байланыш кызмат көрсөтүүлөрүн алуу, ошону менен бирге башка электр байланыш операторлорунун телефон байланышы кызмат көрсөтүүлөрүн пайдалануу үчүн, аткарыла турган иш-аракеттер жөнүндө маалыматты колдонуучуларга билдирүүгө;

- Кыргыз Республикасынын аймагында абоненттер жана (же) колдонуучулар менен эсептешүүлөр улуттук валютада жүргүзүлөт;

- телефон имараттын ичинде орнотулганда, жергиликтүү телефон байланыш тармагына туташтырылгандыгы үчүн бир жолку төлөм акы алынат;

- жергиликтүү телефон байланышынын тарификация бирдигин аныктоо (жергиликтүү телефон байланыштарынын узактыгын убакытка жараша эсептөө системасы бар болгон учурда (мындан ары - убакытка жараша эсеп), 1 мүнөттөн ашпоого тийиш;

- сүйлөшүүлөрдү убакытка жараша эсептөөдө акы төлөө өлчөмүн аныктоо үчүн, телефон байланыш убактысынын узактыгын эсептөө, чакырылуучу абонент жооп бергенден кийин же ушул телефон номерге туташтырылып "абоненттин жообу" сигналын билдирген кандайдыр бир техникалык каражаттан жооп алынганда 1-секунддан башталып, чакырган абонент же чакырылган абонент, же ал жокто анын ордуна жооп берген колдонуучу же жабдуу чакырыкты токтотуп койгонго чейин улантылат;

- узактыгы 6 секундага жетпеген телефон байланыштыруу, телефон байланыш кызмат көрсөтүү катары эсептелбейт;

- жергиликтүү телефон байланышы кызмат көрсөтүүлөрүнүн көлөмүн эсепке алуу үчүн өз тармагында автоматташтырылган эсептешүү системасы болууга тийиш;

- жергиликтүү телефон байланыш кызматын көрсөтүүлөргө эсеп берилген күндөн кийин 5 күндүн ичинде эсептин суммасы жөнүндө абонентке маалымат берүүгө;

- телефон байланышы бузулганда, аны калыбына келтирүү иштерин аткарып жатканда контролдук мөөнөтү сакталбай калган убакытка абоненттик төлөмдү эсептебөөгө же аталган убакытка кайра эсептеп берүүгө;

- алдын ала төлөм картасында төмөнкүдөй маалыматтар көрсөтүлөт: аталган электр байланышы кызматын көрсөтүүчү алдын ала төлөм картасын чыгарган электр байланышы операторунун аталышы (фирмалык аталышы); лицензиянын реквизиттери; электр байланышы кызматын көрсөтүүнүн алдын ала төлөм картасынын жардамы менен төлөнө турган электр байланышы кызмат көрсөтүүлөрүнүн аталыштары; электр байланышы операторуна алдын ала берилген төлөмдүн өлчөмү, акы төлөнгөндүгүн телефон байланыш кызмат көрсөтүүлөрдүн төлөм картасы тастыктайт; электр байланышы кызмат көрсөтүүлөрдү алдын ала төлөм картасынын колдонуу мөөнөтү; электр байланыш операторунун маалыматтык (байланыштыруу) телефондору; электр байланыш кызмат көрсөтүүлөрүнө алдын ала төлөм картасын колдонуу эрежелери; электр байланыш кызмат көрсөтүүлөрүнүн алдын ала төлөм картасынын идентификациялык номери;

- жергиликтүү телефон байланыш кызмат көрсөтүүлөрүнө акы төлөнбөгөндүгү үчүн өчүрүлгөн күндөн 30 иш күн өткөндөн кийин, оператор келишимди бир тараптуу бузууга укуктуу;

- келишим бузулгандан кийин, телефондун иштешин калыбына келтирүү үчүн 30 иш күндүн ичинде техникалык мүмкүнчүлүктү сактоого;

- даттануулар жана сунуштар китепчеси бар болууга тийиш, аны абонент жана (же) колдонуучу сураган учурда берүүгө;

- жергиликтүү телефон байланыш кызматын көрсөтүүлөрдөн баш тартууга, келишимде көрсөтүлгөн милдеттенмелерин туура эмес жана мөөнөтүн бузуп аткаргандыгына, телефон байланышы кызматы көрсөтүлгөн 3 айдын ичинде электр байланыш кызмат көрсөтүүлөрү үчүн берилген эсепке макул эместигине, кызмат көрсөтүүлөрдөн жана эсептерди берүүдөн баш тартууларга байланышкан бардык нааразычылыктарды кабыл алууга;

- нааразычылык билдирген абонентке жана (же) колдонуучуга, нааразычылыктарды карап чыгуунун жыйынтыктары жөнүндө кат жүзүндө билдирүүгө. Электр байланышынын оператору абоненттин жана (же) колдонуучунун нааразычылыктары негиздүү деп эсептесе, аталган нааразычылык негиздүү деп табылып, каттоодон өткөн күндөн тартып 10 күндүк мөөнөттө канааттандырылышы керек;

- жергиликтүү телефон байланыш кызматын көрсөтүүлөрдүн мөөнөтүн бузган учурда, телефон тармагынын иши калыбына келтирилгенге чейин ар бир күн үчүн, жергиликтүү телефон байланыш кызматын көрсөтүүлөрдүн төлөм акы эсебинин 3 (үч) пайыз өлчөмүндө айып пул төлөйт, эгер келишимде айып пул төлөп берүүнүн өлчөмү бул көрсөткүчтөн ашыгыраак көрсөтүлбөсө, бирок көрсөтүлгөн төлөм акыдан жогору болбошу керек;

- келишимде жана Кыргыз Республикасынын мыйзамдарында каралган тартипте жана учурларда, абоненттер жана колдонуучулардын алдында жоопкерчилик тартууга;

5) телематикалык кызматтарды уюштурууда:

- үн аркылуу байланыштыруунун биринчи мүнөтүн акысыз берүүгө, бул учурда абонентке кандай кызмат көрсөтүүлөрү жана анын тарифи жөнүндө маалымат берилет. Экинчи мүнөт тарифтик эсепке алуу мөөнөтүнүн башталышы деп саналат;

- абоненттерден/колдонуучулардан иш жүзүндө көрсөтүлгөн кызмат көрсөтүүлөр үчүн акы алууга;

- провайдердин өнөктөш программасы колдонулган учурда, телематикалык кызматтардын кызмат көрсөтүүлөрүн бир этапта берүүгө, б.а. кыска номерге же уникалдык кодго бир жолу суроо-талап жиберилгенде кызмат көрсөтүүгө;

- негизги кызмат көрсөтүүгө технологиялык тыгыз байланышпаган жана кызмат көрсөтүүнүн баасын жогорулатып жиберген кошумча кызмат көрсөтүүлөргө жол бербөөгө;

- контент-кызмат көрсөтүүлөрдү телефон аппараттардын моделдерине адаптациялай турган программалык-технологиялык каражаттарды камсыз кылууга;

6) тармактар аралык биригүүнү уюштурууда:

- бир тармактын колдонуучусуна ошол эле тармактын колдонуучусу менен, же бардык башка жалпы колдонуудагы электрдик байланыш тармагынын колдонуучулары менен ыңгайлуу байланышуу мүмкүнчүлүгүн бере турган тармакты түзүүгө жана аны пайдаланууга;

- тармактар аралык биригүү же байланышка мүмкүнчүлүк түзүү жөнүндө келишимдин шарттарын, тармактар аралык биригүүнү суранган оператор менен төмөнкүдөй максатта макулдашууга: эки байланыш операторунун электр байланыш тармактарын бириктирүү жана ал биригүүнү колдоо; жабдуулардын жайгашкан ордун, кабелдик канализацияны, таянычтарды, абоненттик алуу линиясын жана жер алдындагы курулуштарды, тармактар аралык биригүүнү колдоо жана тармактар аралык биригүүнү суранган операторлорго колдонууга жол берүүгө;

- тармактар аралык биригүүгө техникалык мүмкүнчүлүк болгондо, тармактар аралык биригүүдөн баш тартууга болбойт. Тармактар аралык биригүүдөн баш тарткан бардык учурлар толук негизделүүгө тийиш;

- тармактар аралык биригүүнү сапаттуу жана үзгүлтүксүз камсыз кылууга милдеттүү жана бардык биригүүлөрдү же алардын айрымдарын бир тараптан үзгүлтүккө учуратпоого, ошондой эле тармактар аралык биригүүнүн кайсы бир кызмат көрсөтүүлөрүн чектөөгө же электр байланыш кызматын көрсөтүүлөрүнүн бардык тиешелүү каражаттарына жол тосууга болбойт, төмөнкүдөй жагдайлардан сырткары учурларда: мыйзамдуу күчүнө кирген соттун чечими болгондо; тараптардын макулдашуусу боюнча; электр байланыш операторунун лицензиясы жокко чыгарылганда; иш субъектиси ишин токтоткондо; тараптардын бири электр байланыш операторунун тармагына материалдык чыгаша келтирилгенин же коопсуздук жаралганын ырастаган документтерди бергенден кийин, Кыргыз Республикасынын Өкмөтүнө караштуу Мамлекеттик байланыш агенттиги карап чыккандан кийин электр байланышы операторунун ортосунда талаш маселелер жаралганда;

- тармактар аралык биригүү түйүндөрдү тармактар аралык биригүү жөнүндө келишимдерде көрсөтүлгөн кыска мөөнөттө уюштурууга, бирок тармактар аралык биригүү кызмат көрсөтүүлөрүн тапшыруучу Кыргыз Республикасынын Өкмөтүнө караштуу Мамлекеттик байланыш агенттигине бекитилген мөөнөттү узартуу өтүнүчү менен кайрылгандан сырткары учурда биригүүгө сураныч келген күндөн 30 (отуз) иш күндөн кем эмес убакытта;

- тармактар аралык биригүү кызмат көрсөтүүлөрдү, кызмат көрсөтүүлөр деңгээлине же Тармактар аралык биригүү жөнүндө келишимге киргизилген, айрым кызмат көрсөтүү ченемдерине жана стандарттарына, бирок Кыргыз Республикасынын колдонуудагы мыйзамдарына каршы келбеген милдеттенмелерге ылайык көрсөтүүгө;

- тармактар аралык биригүү жөнүндө келишимдерде, тармактар аралык биригүү боюнча талаш маселелерди чечүү үчүн башка мамлекеттерде колдонулган укуктарды колдонбоого. Талаш маселелерди чечүүдө Кыргыз Республикасынын материалдык жана процесстик укуктары колдонулат;

- тармактар аралык биригүүнү, кызмат көрсөтүүлөрдүн сапаттуулугун камсыз кылууга, ошондой эле Кыргыз Республикасынын мыйзамдарындагы стандарттардын жана ченемдердин талаптарына жана ЭЭУ рекомендацияларына ылайык трафикти өткөрүп берүү шарттарын камсыз кылууга;

- Кыргыз Республикасынын операторлорунун тармактарынан келген чакырыктарды өткөрүүдө, чакырык жиберген абоненттин номериндеги сандар жалпысынан тогуз сандан турушу керек, буга тармактын коду жана абоненттин номери же географиялык аныктала турган номерлөө аймагынын коду же чакырык жиберген абоненттин ички номери кирет;

- чакырык жиберген абоненттин номериндеги жиберилген маалыматты басып коюуга, модификациялоого же башка ыкма менен өзгөртүп жиберүүгө болбойт, эгер мындай өзгөртүүлөр тармактын кодун же географиялык аныктала турган номерлөө аймагын жана/же чакырык жиберген абоненттин жиберилген номерин, жана/же макулдашылган тиешелүү документтердеги тармактар аралык биригүүгө төлөм акыларды (тарифтерди) өзгөртүп жиберүүгө алып келе турган болсо;

- Кыргыз Республикасынын аймагынан сырткары чет жактагы операторлордун тармактарынан же электр байланыш кызматтарынан же ушундай операторлордун/кызматтардын абоненттеринен келген чакырыктарды тармактар аркылуу өткөрүп жатканда, Тараптар, чакырык жиберген абоненттин номерин көрсөтүп турган белгилердин санына карабай, жана/же мындай белгилер жок болгондо, берилип жаткан маалыматка эч кандай өзгөртүүлөрдү киргизбестен, чакырык жиберген абоненттин номерин бири-бирине өткөрүп берүүгө милдеттүү;

- номерди/кызмат көрсөтүүлөрдү бөгөп коюуга, номерди антианыктагычты жана/же башка белгилерди камтыган номерлерди абоненттин соңку каражаттарында көрсөтпөөгө милдеттүү, бул абоненттин чакырык жиберген номери тууралуу маалыматтардын купуялуулугун сактоо керектиги менен түшүндүрүлөт, бул болсо чакырыкты кабыл алуучу абонент, номерди кайра аныктоо кызматын колдонгондон башка учурларда аткарылат;

- тармактар аралык биригүү жөнүндө келишимди, ошондой эле бардык тиркемелерди, келишим түзүлгөндөн кийин 15 күндөн кечиктирилбей Кыргыз Республикасынын Өкмөтүнө караштуу Мамлекеттик байланыш агенттигине берүүгө. Тармактар аралык биригүү жөнүндө келишим, ошондой эле бардык тиркемелер электр байланышынын операторунун мөөрү менен күбөлөндүрүлүүгө тийиш;

7) өз ишинде номерлөө ресурсун колдонууда:

- өз тармагында, Кыргыз Республикасынын Өкмөтүнө караштуу Мамлекеттик байланыш агенттигинин буйругу менен бөлүнүп берилген гана номерлөө ресурсун колдонууга;

- алынган номерлөө ресурсун сатууга, башка операторго ижарага берүүгө, байланыш ишканасы кайра уюшулган же жоюлган, сатылган учурда, Кыргыз Республикасынын Өкмөтүнө караштуу Мамлекеттик байланыш агенттигинин макулдугусуз укук мураскоруна берүүгө болбойт;

- лицензия алуучу, географиялык аныктала турган номерлөө аймагына бөлүнүп берилген номерлөө ресурсун 2 жылдын ичинде 20 пайыздан аз колдонгондо, Кыргыз Республикасынын Өкмөтүнө караштуу Мамлекеттик байланыш агенттигинин талабы боюнча колдонулбаган номерлөө ресурсунун 80% кайтарып берет;

- абоненттик номерлерди географиялык аныктала турган номерлөө аймагында иреттүү колдонууга, б.а. мурда бөлүнүп берилген номерлер блогунун 80% колдонулгандан кийин кийинки номерлер блогунан номерлерди бөлүп берүү. Номерлер блогу деп, ирети менен жайгаштырылган конкреттүү номерлөө кодунан бөлүнүп берилген номерлердин жалпы санынын 10% кем эмес болгон номерлердин топтору саналат (айрым номерлерди алып коюудан сырткары);

- телефон байланыш тармактарын түзүүдө төмөнкүдөй принциптер эске алынат: көчмө телефон байланыш тармактарынын коммутациялоо борбору, анын менен бирге көчмө спутниктик телефон байланыш коммутациялоо борбору Кыргыз Республикасынын бардык аймагында жайгаштырылат; Кыргыз Республикасынын аймагында жайгаштырылган коммутациялоо борборлорун бириктирүү үчүн Кыргыз Республикасынын аймагынан гана өткөн байланыш линиялары колдонулат же байланыш спутниктери аркылуу жүргүзүлөт; эл аралык байланыш кызматын көрсөткөн, Кыргыз Республикасынын электр байланышы операторлорунун эл аралык коммутациялоо борборлору, башка өлкөлөрдүн экиден кем эмес эл аралык коммутациялоо борборлору менен, же Кыргыз Республикасында жайгашкан бир ЭАКБ жана башка өлкөнүн бир ЭАКБ менен түздөн-түз байланыштырылышы керек; шашылыш ыкчам жана атайын кызматтарга байланышка чыгуу мүмкүнчүлүгү туруктуу жана көчмө телефон байланыш тармактарында уюштурулат. Шашылыш ыкчам жана атайын кызматтарга байланышка чыгуу, белгилүү бир жергиликтүү телефон тармагынын иш жүргүзүү аймагындагы көчмө телефон байланыш тармагынын абоненттери үчүн тармактар аралык биригүү колдонулат;

- жалпы колдонуудагы телефон байланышы тармагына кошулуучу корпоративдик автоматтык телефон станциялар (мындан ары АТС) байланыштыруунун төмөнкүдөй түрлөрүн ишке ашырат: кошулуучу АТС абоненттеринин ортосундагы байланыштыруу (станция ичиндеги); жалпы колдонуудагы телефон байланыш тармагынын абоненттери менен (жергиликтүү, шаар аралык, тармактар аралык, эл аралык байланыштыруулар); шашылыш ыкчам жана атайын кызматтарга байланышка чыгуу;

- төмөнкүдөй номерлердин бирдиктүү түзүлүшүн колдонуу. Эл аралык номердин түзүлүшү Nэа: Кс АВ (DE) Nаб, мында Кс - өлкөнүн коду; АВ (DE) - географиялык аныктала турган номерлөө аймагынын же географиялык аныкталбай турган номерлөө аймагынын коду (2 ондук белги); Nаб - географиялык аныктала турган номерлөө аймагынын же географиялык аныкталбай турган номерлөө аймагынын абонентинин номери (7 ондук белги). Эл аралык номердеги эң көп белгинин саны 15 болушу мүмкүн (Е-164 ЭЭУ-Т сунуштоолору боюнча). Улуттук номердин түзүлүшү Nyл: - географиялык аныкталбай турган номерлөө аймагы үчүн: DE Nаб, мында DE - географиялык аныкталбай турган номерлөө аймагынын коду; Nаб - географиялык аныкталбай турган номерлөө аймагынын абонентинин номери; географиялык аныктала турган номерлөө аймагы үчүн: АВ Nайм, мында АВ - географиялык аныктала турган номерлөө аймагынын коду; Nайм - географиялык аныктала турган номерлөө аймагынын абонентинин номери (аймактык номер). Аймактык номердин түзүлүшү (7 ондук белги): Nайм  =  ab x1 x2 x3 x4 x5, мында - ab - географиялык аныктала турган номерлөө аймактагы калк жашаган пункттун коду же жергиликтүү телефон байланыш тармагынын абоненттеринин жүз миңдик тобунун коду; x1 x2 x3 x4 x5 - жергиликтүү телефон байланыш тармагынын абонентинин номери. Географиялык аныкталбай турган номерлөө аймакта иштеген операторлор, өздөрүнүн тармактарынын абоненттерине маалыматтык-сурап билүү жана башка атайын кызматтарды берүү үчүн, аларга географиялык аныкталбай турган номерлөө аймагынын кодунда бөлүнүп берилген кыска номерлерди колдоно алышат. Мындай учурда географиялык аныкталбай турган номерлөө аймагынын номерлөө ресурсундагы номерлер колдонулат: x1 x2, x1 x2 x3, x1 x2 x3 x4, x1 x2 x3 x4 x5, x1 x2 x3 x4 x5 x6, мында x1 x2, x1 x2 x3, x1 x2 x3 x4, x1 x2 x3 x4 x5, x1 x2 x3 x4 x5 x6, - кызматтын телефон номери. Ушул номерлерди терүү форматында * жана/же # белгилери колдонулат, бирок сервистик командалардан тышкары, x1 "0 жана 1" барабар болбошу керек. Сервистик командалар, USSD-комбинация формасында же кыска номерге SMS жиберүү формасында болушу керек, мындан учурда USSD-комбинациясы үчүн номер каалаган сандагы сандардан туруп, милдеттүү түрдө "#", "*" белгилер колдонулат. SMS-номерлер үчүн "#", "*" белгилер колдонулган сандардын комбинациясы жана жалаң гана сандардан турган комбинация колдонула берет. Ушул кызматтарга, башка операторлордун тармактарынан тармактар аралык биригүү боюнча байланыштыруу камсыз кылынбайт. Үчүнчү жактар (кызмат көрсөтүүнүн тапшыруучулары), көчмө байланыш тармактарынын абоненттери үчүн, үн уктуруу байланыш, SMS-билдирүүлөр же башка технологиялар колдонулган маалыматтык-сурап билүү жана кошумча тейлөө кызматтарын түзүүдө, географиялык аныкталбай турган номерлөө аймагынын номерлөө ресурсунан номерлерди колдоно алышат: x1 x2 x3 x4, мында x1 "0 жана 1" барабар келбейт. Бул тармактар аралык кызматтарды эркин пайдалануу, Кыргыз Республикасынын башка көчмө байланыш операторлорунун тармактарынан гана берилиши мүмкүн;

- географиялык аныктала турган номерлөө аймагынын кодунда иштеген, туруктуу телефон байланыш операторунун тармагында уюштурулган кошумча тейлөө кызматтарына байланышуу үчүн, өз тармагынын абоненттерине жол ачууда, кийинкидей кыска номерлер колдонулат x1 x2, x1 x2 x3, x1 x2 x3 x4. Мындай учурда * жана/же # белгилер колдонулбашы керек, ал эми x1 "0, 1" барабар келбеши керек. Ушул кызматтарга, башка операторлордун тармактарынан тармактар аралык биригүү боюнча байланыштыруу камсыз кылынбайт;

- бир коммутациялык станцияда, эл аралык байланыш тармагындагы бирден ашык сигнализация пункту боло албайт, ошого жараша бирден ашык ISPC (International Signalling Point Code) кодун ала албайт. Ошондой эле, бир коммутациялык станция, улуттук, байланыш тармагындагы бирден ашык сигнализация пункту боло албайт, ошого жараша бирден ашык NSPC (National Signalling Point Code) кодун ала албайт;

- "11" сигналдык түйүнүн бир тармактын борбордук станциясы менен башка станциялардын гана өз ара кызматташуусу үчүн колдонууга болот, тармактар аралык биригүүдө ал колдонулбайт;

- кошумчаланган нарк салыгы кошулбаган кызмат көрсөтүүлөрдү берген атайын кызматтарды, калк жашаган конкреттүү бир пунктта же бир нече калктуу конуштардын аймагында уюштуруу үчүн, Кыргыз Республикасынын Өкмөтүнө караштуу Мамлекеттик байланыш агенттиги тарабынан бөлүнүп берилген үч белгиден, төрт белгиден, беш белгиден турган номерлөө колдонулат. Бул атайын кызматтарга, бардык туруктуу жана көчмө байланыш тармактары менен тармактар аралык биригүү келишимине кошумча келишимдерди түзбөстөн, эркин пайдалануу камсыз кылынат (жергиликтүү телефон байланыш кызматын көрсөткөн операторлор үчүн);

- калк жашаган конкреттүү пункттагы абоненттер үчүн, кошумчаланган нарк салыгы кошулбаган кызмат көрсөтүүлөрдү берген атайын кызматтарга чалуу мүмкүнчүлүгүн, ошол эле жергиликтүү телефон байланыш тармагынын башка абоненттерине карата берилген шарттар менен камсыз кылат (кечме байланыш кызматын көрсөткөн операторлор үчүн);

- кошумчаланган нарк салыгы кошулбаган кызмат көрсөтүүлөрдү берген атайын кызматтарды уюштуруу үчүн, ушул максатта Кыргыз Республикасынын Өкмөтүнө караштуу Мамлекеттик байланыш агенттиги тарабынан бөлүнүп берилген ИБТ коддору колдонулат. Кыргыз Республикасынын башка туруктуу жана көчмө байланыш тармактарынын абоненттерине бул кызмат көрсөтүүлөрдү алууга, ушул байланыш операторлору менен тиешелүү келишимдер түзүлгөндөн кийин жол берилет;

8) телеграф байланышын уюштурууда:

- телеграфтык кызматтардын бекитилген иш тартибине ылайык телеграммаларды кабыл алууну, иштөө мөөнөтү жөнүндө (иш жана эс алуу күндөрү, телеграммаларды кабыл алуу жеткирүү сааттары) жана көрсөтүлүүчү кызматтар жөнүндө туура жана так маалыматтарды берүүнү камсыз кылууга;

- телеграммаларды категорияларына жараша жеткирүүгө: "Кезексиз", "Өкмөттүк" категориясындагы - сутка бою; "Тез" категориясындагы, жеткириле турган аймактагы бекитилген контролдук мөөнөт - 2 саат; "Катардагы" категориясында, жеткириле турган аймактын иш тартиби боюнча телеграмма алынган күнү; абоненттик орнотмолору бар ишканалардын, мекемелердин жана уюмдардын дарегине келген телеграммалар, телеграфтан түздөн-түз ушул орнотмолорго сутка бою, ушул телеграммаларды берүү үчүн бекитилген контролдук убакыттын ичинде жиберилет; телеграф байланышы жок айылдык байланыш бөлүмдөрүнө даректелген телеграммалар телефон аркылуу жиберилет. Телефон байланышы жок учурда адресаттарга Почта байланыш кызматын көрсөтүү эрежелеринде каттоого алына турган почта аркылуу жиберүүлөр үчүн бекитилген тартип боюнча почта аркылуу жиберилет;

- телеграфтык документтерди сактоо мөөнөтүн камсыз кылууга: чыгуучу телеграфтык которуулар үчүн жана банктардын которуу телеграммалары - 7 айдын ичинде; эл аралык телеграммалар жана аларга тил каттар - 7 айдын ичинде; ички телеграммалар жана аларга тил каттар - 2 айдын ичинде. Сактоо мөөнөтү телеграммаларга жана документтерге дата коюлган күндөн тартып эсептелет;

- бардык телеграфтык отчеттук документтерди учурдагы архивде жана узак мөөнөттө сактоочу архивде сактоону уюштурууда, телеграфтык жазышуулардын купуялуулугу, бардык документтердин сакталышы камсыз кылынууга тийиш;

- телеграф байланыш кызматын көрсөтүүдө милдеттенмелерин аткарбагандыгы же туура эмес аткаргандыгы үчүн, колдонуучунун нааразычылыктарын кабыл алууга. Нааразычылыктар кат жүзүндө кабыл алынат жана милдеттүү түрдө белгиленген тартип боюнча байланыш оператору каттоого алат;

- нааразычылыктар бир айдын ичинде, колдонуучу милдеттенмелер аткарылбаганын же туура эмес аткарылгандыгын билгенде же биле турган болгондо кабыл алынат;

- нааразычылыктар алынгандан кийин байланыш оператору аны карап чыгып бир айдын аралыгында кат жүзүндө жооп берүүгө тийиш;

- телеграмманын мазмунун өзгөртүп, тексттин бурмалагандыгы үчүн же телеграмманы адресатка оператордун күнөөсү менен жеткирилбегендиги же өз убагында тапшырбагандыгы үчүн, телеграммага төлөнгөн өлчөмдө материалдык жоопкерчилик тартат. Коротулган чыгым, оператордун күнөөсү аныкталгандан кийин жиберүүчүгө же адресатка 20 күндөн кечиктирилбестен төлөнүп берилет;

- келүүчү, чыгуучу телеграммаларды талдоодо төмөнкүдөй контролдук мөөнөттөрдү сактоого: Мамлекеттер аралык байланыш аркылуу өтүүчү, жиберүүчүдөн адресатка чейин телеграммалар: Шаарлардын ортосунда жана шаар ичинде: катардагы - 6 саатка чейин, тез - 3 саатка чейин. - Телеграф байланышы бар калк жайгашкан пункттардын ортосунда, ушул пункттардын жана шаарлардын ортосунда: катардагы - 12 саатка чейин, тез - 6 саатка чейин, билдирүүлөр - 24 саатка чейин, кат-телеграммалар - 48 саатка чейин. Телеграф байланышы жок калк жайгашкан пункттардын ортосунда, ушул пункттардын жана шаарлардын ортосунда жана телеграф байланышы бар пункттардын ортосунда: катардагы - 24 саатка чейин, тез - 6 саатка чейин, билдирүүлөр - 24 саатка чейин, кат-телеграммалар - 48 саатка чейин;

- телеграммалар өтүүчү мөөнөт катары, телеграммалар кабыл алынуучу пунктка берилгенден тартып адресатка тапшырылганга чейинки убакыт эсептелет. Телеграммалар өтүүчү мөөнөткө (жиберүүчүгө телеграмма тапшырылгандыгы жөнүндө билдирүү берүү), телеграмма багытталган жердеги байланыш түйүнүнүн белгиленген иш тартиби боюнча жеткирилип берилбей турган убакыт, почта байланышынын каражаттарынын жардамы менен кайра жиберилген убакыт, ошондой эле телеграмма же билдирүү байланыш операторуна тиешелүү болбогон себептер менен жеткирип берүүгө мүмкүн болбой турган убакыт кошулбайт;

- ар кандай категориядагы телеграммаларды талдоонун мөөнөтү төмөнкү таблицага ылайык каралат:

Таблица

Телеграммаларды талдоонун контролдук мөөнөтү

- телеграммаларды талдоого кошумча контролдук мөөнөттөрдү сактоого: "Авария байланыш" көп сөздүү телеграмманы жиберүүгө убакыт; телеграммадагы сөздүн санына жараша 20дан 30 минутага чейин узартылат; 150 сөздөн ашык өкмөттүк, тез телеграммаларды жиберүүгө кошумча 10 минутага чейин контролдук мөөнөт бекитилип берилет; кызматтык сурап-билүү телеграммаларын аткарыш үчүн 1 саат мөөнөт берилет.

14-бап. Маалымат жиберүү тармагындагы лицензиялык талаптар

39. Маалымат жиберүү тармагын уюштуруу жана кызмат көрсөтүүдө лицензия алуучу төмөнкүлөргө милдеттүү:

- Кыргыз Республикасынын Өкмөтүнө караштуу Мамлекеттик байланыш агенттигине тармактар аралык биригүү жөнүндө келишимдерди, ошондой эле бардык тиркемелерди, келишим түзүлгөн күндөн тартып 15 күндөн кечиктирбестен көрсөтүүгө;

- юридикалык жана жеке жактардын кызмат көрсөтүү маселелери боюнча кайрылууларын кароо регламентин иштеп чыгууга жана бекитүүгө. Регламентте милдеттүү түрдө кайрылуу/арыз берүү жол жоболору жана кайрылууну/арызды карап чыгуу ыкмалары жана мөөнөттөрү каралышы керек. Арыз ээсине жооп арыз ээси кайрылган формада берилет (жазуу жүзүндө, оозеки, электрондук);

- шашылыш ыкчам кызматтарга акысыз байланыштырууга;

- абонент менен макулдашылып, түзүлгөн келишимде көрсөтүлгөн мөөнөттө абонентке жана (же) колдонуучуларга маалымат жиберүү жана/же Интернет байланыш кызматын көрсөтүүлөргө байланышкан маалыматтарды берүү максатында маалыматтык-сурап билүүчү тейлөө системасын уюштуруу;

- маалыматтык-сурап билүүчү тейлөө системасында акы төлөнүүчү жана акы төлөнбөгөн төмөнкүдөй маалыматтык-сурап билүүчү кызмат көрсөтүүлөрдү берүүгө;

- сутка бою, төмөнкүдөй акысыз маалыматтык-сурап билүүчү кызмат көрсөтүүлөрдү берүүгө: маалымат жиберүү электрдик байланыш кызматын көрсөтүүлөрдүн тарифтери жөнүндө, маалымат жиберүү электр байланыш кызматын көрсөтүү аймагы (тейлөө аймагы) жөнүндө маалымат берүү; абоненттин жеке эсебиндеги абал жөнүндө маалымат берүү; абонент/колдонуучудан маалымат жиберүү электрдик байланыш кызмат көрсөтүүлөрүн колдонууга тоскоолдук жараткан техникалык бузулуулар жөнүндө нааразычылыктарды кабыл алат; маалымат жиберүү электрдик байланыш кызмат көрсөтүүлөрү жөнүндө, маалымат берүү жана зарыл болгон түшүндүрмөлөрдү берүү;

- акы төлөнбөгөн маалыматтык-сурап билүүчү кызмат көрсөтүүлөрдүн тизмегин, Кыргыз Республикасынын Өкмөтүнө караштуу Мамлекеттик байланыш агенттиги менен макулдашпай туруп кыскартууга. Акысыз маалыматтык-сурап билүүчү кызмат көрсөтүүлөрдү берүү автоинформаторду колдонуу менен жүргүзүлүшү мүмкүн;

- акы төлөнүүчү маалыматтык-сурап билүүчү кызмат көрсөтүүлөрдүн тизмегин жана убактысын өз алдынча аныктап алууга;

- маалымат жиберүү тармактарында ыкчам-изилдөө иштерин жүргүзүү үчүн зарыл болгон техникалык каражаттарды орнотууга;

- конституциялык түзүлүштү күч менен өзгөртүүгө чакырык жасаган маалыматтын тарап кетпеши, согушка, зордукчулукка жана порнографияга үгүттөгөн, диний жана улуттук ажырымга алып келген, адамдын аброюна шек келтирген маалыматтарды жана тиешелүү актылардын негизинде мыйзамдар боюнча тыюу салынган башка маалыматтарды жалпыга тарап кетпешин камсыз кылган, маалыматтык ресурстарды коргоого багытталган иш-аракеттерди аткарууга;

- келишимге ылайык колдонуучулар менен кызмат көрсөтүүлөргө эсептешүүлөрдү жүргүзүүгө, өз ара эсептешүүнүн учурдагы абалы жөнүндө колдонуучуларга маалымат берүүгө;

- маалымат жиберүү жана/же Интернетке кошулуу электрдик байланыш кызмат көрсөтүүлөрүн колдонууга тоскоолдук жараткан бузулууларды бекитилген мөөнөттө калыбына келтирүүгө;

- маалымат жиберүү жана/же Интернетке кошулуу электрдик байланыш кызмат көрсөтүүлөрүн колдонууга тарифтер өзгөргөндүгү тууралуу, абоненттерге жана (же) колдонуучуларга жалпыга маалымдоо каражаттары аркылуу жана абоненттер жана (же) колдонуучулар менен иш жүргүзүү жайларында, жаңы тарифтер киргизилерине 10 күндөн кечиктирбестен маалымдоого;

- абоненттердин жана/же колдонуучулардын кайрылуулары жана даттануулары каттоого алынган күндөн тартып 30 календардык күндөн ашпаган мөөнөттүн ичинде каралат. Лицензия берүүчү нааразычылыкты карап чыгып, жыйынтыгы жөнүндө арыз ээси кайрылган формада жооп жиберет;

- маалымат жиберүү тармактарында бир электрдик байланыш кызмат көрсөтүүлөрү берилсе башка кызмат көрсөтүүлөрдү дагы берүүгө милдеттүү деп карабоого, коммерциялык (же коммерциялык эмес) максатта жайылтуу үчүн маалымат жиберүү тармактарынан жана Интернеттен алынган маалыматтарды эгерде ал Кыргыз Республикасынын мыйзамдарына карама-каршы болсо колдонбоого;

- кызмат көрсөтүүлөрдүн начарлашына алып келе турган оңдоп-түзөө жана алдын алуу иштеринин башталышы жана ал иштердин узактыгы жөнүндө абонентке билдирүүгө;

- өз абоненттерине/колдонуучуларына, башка электрдик байланыш операторунун маалымат жиберүү тармагынан көрсөтүлгөн кызмат көрсөтүүлөрдү алууга мүмкүнчүлүк түзүп берүүгө.

15-бап. Радио жыштык спектрин колдонуу боюнча лицензиялык талаптар

40. Радио жыштык спектрин колдонууда лицензия алуучу төмөнкүлөргө милдеттүү:

- радио байланыш регламентин сактоого;

- берилген жыштык ыйгарууга ылайык радио электрондук каражаттардын электр магниттик шайкештигинин шарттарын сактоого;

- биринчи же экинчи иреттеги негиздер үчүн аныкталган шарттарды сактоо менен радио электрондук каражаттарды бөлүнүп берилген номиналдар жана/же жыштык тилкелеринде колдонууга;

- радио жыштык спектрин колдонуу боюнча жыштык ыйгарууда көрсөтүлгөн радио электрондук каражаттарды колдонуу шарттарын сактоого;

- колдонула турган жабдууну пайдаланууга берерден мурда, жабдуунун сертификатын көрсөтүүгө;

- Кыргыз Республикасынын Өкмөтүнө караштуу Мамлекеттик байланыш агенттигинин номиналдарды жана/же жыштык тилкелерин бөлүп берүү боюнча аткарган жумуштарына (ведомстволор аралык макулдашуу, эл аралык координация, радио контролдоо) берилген эсепке ылайык арыз ээси же анын ишенимдүү өкүлү эсепти алгандан тартып, он банктык күндүн ичинде акы төлөп берүүгө;

- радио жыштык спектрин колдонууга, аны менен бирге радио контролдоо системасын камсыздоо, өркүндөтүү жана өнүктүрүүгө жылыга төлөнүүчү акыны төлөп турууга;

- Кыргыз Республикасынын Өкмөтүнө караштуу Мамлекеттик байланыш агенттигинин ыйгарым укуктуу кызматкерлери мамлекеттик көзөмөл жүргүзгөн учурда, аталган кызматкерлерге РЭК жана/же ЖЖТ колдонууга жана аларга байланышкан документтерди тоскоолдуксуз берүүгө;

- РЭК жана/же ЖЖТ пайдалануу параметрлери бузулганда, радио жыштык спектрин мыйзамдуу колдонуучуларга жолтоо келтирилген учурларда, Кыргыз Республикасынын Өкмөтүнө караштуу Мамлекеттик байланыш агенттигинин кызматкерлеринин талабы боюнча жеке жана юридикалык жактар төмөнкү документтерди көрсөтүүгө тийиш: РЭК жана/же ЖЖТ пайдалануу укугуна жыштык ыйгаруу; РЭК жана/же ЖЖТ шайкештик сертификаты; РЭК жана/же ЖЖТ пайдалануу боюнча документтер;

- лицензия алуучунун радио электрондук каражаттарынан келтирилген жолтоолор байкалганда жана бул тууралуу билдирүү алгандан кийин 3 календардык күндүн ичинде каражатты оңдоп-түзөө же келтирилген жолтоолор жоюлганга чейин каражатты толук бойдон өчүрүп коюуга чейинки ыкмаларды колдонуу менен жолтоолорду жоюуга;

- жыштык ыйгаруу жоголгон учурда үч иш күндүн ичинде жыштык ыйгаруунун дубликатын алуу үчүн жоголгондугу жөнүндө Кыргыз Республикасынын Өкмөтүнө караштуу Мамлекеттик байланыш агенттигине билдирүүгө;

- радиожыштык спектрин колдонуу боюнча техникалык талаптарды сактоого;

- жыштык тилкелерин биринчи иреттеги негизде алганда, номиналдар жана/же жыштык тилкелери, жыштык тилкелери экинчи иреттеги негизде бөлүнүп берилген радио кызматтардын радио электрондук каражаттарынан сырткары, башка радио кызматтардын радио электрондук каражаттары менен бирдей тең укукта колдонууга;

- номиналдар жана/же жыштык тилкелерин экинчи иреттеги негизде алганда, төмөнкүдөй шарттарды сактоого: радио кызматтын радио электрондук каражаттары, биринчи иреттеги негизде бөлүнүп берилген жыштык номиналдарында иштеген радио кызматтардын радио электрондук каражаттарына жолтоо келтирбеши керек; радио кызматтар, биринчи иреттеги негизде бөлүнүп берилген жыштык номиналдарында иштеген радио кызматтардын радио электрондук каражаттарынан келтирилген зыяндуу жолтоолордон коргоону талап кыла албайт; радио кызматтар, экинчи иреттеги негизде бөлүнүп берилген жыштык номиналдарында иштеп жаткан же иштей турган тигил же бул кызматтын (кызматтардын) станцияларынан келтирилген зыяндуу жолтоолордон коргоону талап кыла алышат.

16-бап. Почта байланыш тармагындагы лицензиялык талаптар

41. Лицензия алуучу төмөнкүлөргө милдеттүү:

- кат жазышуулардагы сырды сактоого жана Кыргыз Республикасынын мыйзамдарында каралган жагдайлардан сырткаркы башка учурларда, кат-кабарлардын жана башка почта жөнөтмөлөрдүн мазмунун ачыкка чыгарбаганга;

- почта байланыш кызмат көрсөтүүлөрүн, бардык почта байланыш кызматын колдонуучуларга бирдей тең укукта көрсөтүүгө;

- почта байланыш ишканаларынын иш тартибин, почта байланыш кызматын колдонуучуларга ыңгайлуу режимде уюштурууга;

- почта байланыш кызматынын иш учурунда, почта байланыш кызматын колдонуучулардан тейлөө боюнча ишти жакшыртууга багытталган сунуштарын эске алууга;

- кабыл алынган почта жөнөтмөлөрдүн жана акча каражаттарынын сакталышын камсыз кылууга;

- почта жөнөтмөлөрдү жана акча каражаттары иргелип жана сактала турган жайды зарыл болгон жабдуулар жана коргоочу-өрт коопсуздук сигнализациялары менен жабдууга;

- акчалай каражаттар, баалуу буюмдар жана почта жөнөтмөлөрү сактала турган жайга ички жана сырткы кулпулары салынган темир каалгаларды орнотууга, терезелеринин ички бетине каалгалар коюлуп, темир тор орнотууга;

- почта жана акчалай каражаттар ташылган транспорт унааларын бөтөн адамдар кирбей тургандай жабдууга;

- республиканын аймагындагы почта жөнөтмөлөрүн кабыл алуу, иргөө жана жеткирип берүү ишин бекитилген мөөнөттүн ичинде аткарууну камсыз кылууга;

- лицензия алуучунун күнөөсү боюнча почта жөнөтүүлөрүн жоготуп алганда же почта жана телеграфтык акчалай которуулар төлөп берилбеген учурда жөнөтүүчүгө же алуучуга почталык жана башка жыйымдарды төлөөгө, колдонуучунун пайдасына келтирилген зыяндын ордун толтуруп берүүдөн тышкары лицензия алуучу кызмат көрсөтүүнүн наркынын 25 пайыз өлчөмүндө үстөк айып төлөп берет;

- Кыргыз Республикасынын ичинде жөнөтүлө турган почта жөнөтүүлөрүн алуучунун жана жөнөтүүчүнүн даректери мамлекеттик жана расмий тилдеринде жазууну камсыз кылууга;

- почта байланышындагы жашыруун сыр болгон акчалай которуулар жөнүндө маалыматты, "Терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү жөнүндө" Кыргыз Республикасынын Мыйзамына ылайык терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү боюнча ыйгарым укуктуу органга берүүгө;

- терроризмди (экстремизмди) кылмыш жолу менен алынган кирешелерди легализациялоого (адалдоого) каршы аракеттенүү боюнча ички контролдоо эрежелерин, анын ичинде алардын аткарылышын контролдоонун тийиштүү механизмин жана кызматкерлерди жумушка алууда тандоонун тийиштүү жол-жоболорун иштеп чыгууга;

- эсепти токтоткондон кийин кардардын идентификациясына тиешелүү маалыматтарды жана жазууларды, ошондой эле акча каражаттары же мүлккө байланышкан операциялар (келишимдер) жөнүндө маалыматтарды беш жылдан кем эмес убакыт сактоого. Мындай жазуулардагы маалыматтар кийин тергөө жана иликтөөлөрдү жүргүзүү максатында айрым операцияларды (келишимдерди) калыбына келтирүүгө мүмкүн болгондой жетиштүү болууга тийиш;

- терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү боюнча ыйгарым укуктуу мамлекеттик органга маалымат берилгендиги жөнүндө маалыматты ачыкка чыгарбоого. Терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү боюнча ыйгарым укуктуу мамлекеттик органга мындай маалымат берилгендиги жөнүндө үчүнчү жактарга билдирүүгө Кыргыз Республикасынын мыйзамдарында каралган учурларда гана жол берилет. Акча каражаттары жана мүлк менен байланышкан операцияларды жүргүзгөн ишканалардын кызматкерлери, бул ишканалардын кардарларына же башка жактарга, терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү боюнча ыйгарым укуктуу мамлекеттик органга маалымат берилгендиги жөнүндө билдирүүгө укуктуу эмес;

- тапкан киреше же мүлк кылмыштуулук жолу менен табылгандыгы, же терроризмди (экстремизмди) каржылоого байланышкан, же ушул максатта колдонула тургандыгы жөнүндө шектенүүлөр жаралган же шектенүүгө негиздер келип чыккан учурда терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү боюнча ыйгарым укуктуу мамлекеттик органга бул жөнүндө билдирүүгө;

- терроризмди (экстремизмди) каржылоого жана кылмыш жолу менен алынган кирешелерди легализациялоого (адалдоого) каршы аракеттенүү боюнча ички контролдоо эрежесин сактоого жана ишке ашырууга контроль жүргүзүүгө жооптуу кызматкерлерди (жетекчиликтин деңгээлинде) дайындоого;

- кардардын ким экендигин (жеке же юридикалык жактын) идентификациялоо жана верификациялоо, алынган маалыматтарды Кыргыз Республикасынын терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү боюнча мыйзамдарында белгиленген тартипте жазып алууга;

- терроризмди каржылоого жана кылмыш жолу менен алынган кирешелерди легализациялоого (адалдоого) каршы аракеттенүү боюнча ыйгарым укуктуу мамлекеттик орган тарабынан түзүлгөн террористтик жана экстремисттик иш-аракеттерге же массалык жок кылуучу куралдарды жайылтууга тийиштиги бар жактардын тизмесин өз ишинде колдонууга жана кардар аталган тизмеде бар болгон учурда акча каражаттарына жана мүлккө байланышкан иш-аракеттерди (келишимдерди) токтотуп коюучу чараларды колдонууга.

17-бап. Радио электрондук каражаттарды пайдалануу укугуна жыштык ыйгаруу алган лицензия алуучунун милдеттери

42. Радио электрондук каражаттарды пайдалануу укугуна жыштык ыйгаруу алгандан кийин лицензия алуучу төмөнкүлөргө милдеттүү:

- радио байланыш регламентин сактоого;

- берилген жыштык ыйгарууга ылайык, радио электрондук каражаттардын электр магниттик шайкештигинин шарттарын сактоого;

- радио электрондук каражаттарды бөлүнүп берилген номиналдарда жана/же жыштык тилкелеринде, биринчи жана экинчи иреттеги негиздер үчүн аныкталган шарттарын сактоо менен пайдалануу:

- Бишкек, Нарын, Талас, Баткен, Ош, Жалал-Абад жана Каракол шаарларында навигациялык системалардан, радио локация системаларынан жана аэронавигация локаторлорунан сырткары радио электрондук каражаттардын 25 Вт чейинки кубаттуулук чегин сактоого;

- радио жыштык спектрин колдонуу боюнча жыштык ыйгарууда көрсөтүлгөн радио электрондук каражаттарды пайдалануу шарттарын сактоого;

- колдонулуп жаткан жабдуу ишке киргизилгенден кийин 6 айдын ичинде, ал жабдууга шайкештик сертификатын берүүгө;

- Кыргыз Республикасынын Өкмөтүнө караштуу Мамлекеттик байланыш агенттигинин номииалдарды жана/же жыштык тилкелерин бөлүп берүү боюнча аткарган жумуштарына (ведомстволор аралык макулдашуу, эл аралык координация, радио контролдоо) берилген эсепке ылайык арыз ээси же анын ишенимдүү өкүлү эсепти алгандан кийин он банктык күндүн ичинде акы төлөп берүүгө;

- радио жыштык спектрин колдонууга, аны менен бирге радио контролдоо системасын камсыздоо, өркүндөтүү жана өнүктүрүүгө жылыга төлөнүүчү акыны төлөп турууга;

- Кыргыз Республикасынын Өкмөтүнө караштуу Мамлекеттик байланыш агенттигинин ыйгарым укуктуу кызматкерлери мамлекеттик көзөмөл жүргүзүү үчүн тоскоолдук көрсөтпөстөн РЭК колдонууга жана аларга байланышкан документтерди берүүгө;

- жыштык ыйгаруу жоголгон учурда үч күндүн ичинде Кыргыз Республикасынын Өкмөтүнө караштуу Мамлекеттик байланыш агенттигине бул жөнүндө билдирүүгө жана жыштык ыйгаруунун дубликатын алууга.

18-бап. Кыргыз Республикасына радио электрондук каражаттарды жана жогорку жыштыктагы түзүлүштөрдү ташып келүүгө уруксаттын талаптары

43. Кыргыз Республикасына радио электрондук каражаттарды жана жогорку жыштыктагы түзүлүштөрдү ташып келүүгө уруксат алуу үчүн арыз ээси төмөнкүдөй документтерди берүүгө тийиш:

- 1-тиркемеде көрсөтүлгөн форма боюнча арыз;

- ташылып келүүчү техникалык каражаттарга товар коштомо документтердин (инвойс (эсеп-фактура), келишимдин (контракт) көчүрмөлөрү;

- тариздөө укугуна, төлөөгө жана ташып келүүгө уруксат алууга ишеним кат;

- ким экендигин ырастоочу документинин көчүрмөсү;

- ташып келүүгө уруксат - уруксат берүүгө акы төлөнгөндүгү жөнүндөгү эсеп-фактураны көрсөтүүгө тийиш.

44. Документтер мамлекеттик жана расмий тилде берилет. Чет тилден мамлекеттик же расмий тилге которулган тексттин түп нускасынын котормосу котормочунун колу жана мөөрү менен күбөлөндүрүлүүгө тийиш.

45. Ташып келүүгө уруксат алуу үчүн арызда төмөнкүлөр көрсөтүлөт:

- арыз ээсинин аты-жөнү, анын почталык дареги, жашаган жери;

- аппаратуранын тиби;

- алынып келүүчү аппаратуранын саны;

- алып келүүгө негиз болгон товар коштомо документ;

- шайкештигин тастыктоо жол-жоболорун аткаруу тууралуу милдеттенме;

- Кыргыз Республикасынын рынокторуна сертификацияланбаган продукцияны жайылтпай тургандыгы тууралуу милдеттенме.

19-бап. Кыргыз Республикасынын лицензиялоо жөнүндө мыйзамдарын бузгандыгы үчүн каралган жоопкерчилик

46. Лицензия берүүдөн негизсиз баш тартуунун же лицензия алуучунун укуктарын жана кызыкчылыктарын бузуунун натыйжасында лицензия алуучу тарткан зыяндын ордун толтуруу Кыргыз Республикасынын жарандык мыйзамдарда аныкталган тартипте ишке ашырылат.

47. Ишти тиешелүү лицензиясыз же лицензиялык талаптарды бузуу менен жүргүзүү Кыргыз Республикасынын мыйзамдарында белгиленген жоопкерчилик тартууга алып келет.

48. Лицензиялык тартип белгиленген ишти лицензиясыз жүргүзүүдөн табылган киреше Кыргыз Республикасынын мыйзамдарында белгиленген тартипте бюджетке тартып алынат.

Форма

Кыргыз Республикасынын Өкмөтүнө караштуу Мамлекеттик байланыш агенттиги (лицензия берүүчү - лицензиялоочу органдын толук аталышы)

ЛИЦЕНЗИЯ

_____________________________________________________________________

(толук жана кыскартылган аталышы (эгер болсо), анын ичинде юридикалык жактын фирмалык аталышы жана уюштуруу-укуктук формасы, жеке жактын, жеке ишкердин, лицензия алуучунун аты-жөнү)

Юридикалык жактын, филиалдын мамлекеттик каттоо (кайра каттоо) жөнүндө күбөлүгү

____________________________________________________________________

Жеке жактын ким экендигин күбөлөндүргөн документтеги маалыматтар

____________________________________________________________________

Жеке ишкер катары мамлекеттик каттоого алуу номери

____________________________________________________________________

Лицензиялана турган иштин түрү

____________________________________________________________________

Лицензиянын жарактуулук мөөнөтү: ______________________________________

(мөөнөттүү, мөөнөтсүз)

Иш жүргүзүлө турган аймак: _____________________________________________

Берилген күнү "__" ___________ 20__-ж.

Лицензиянын каттоо номери ____________________________________________

Салык төлөөчүнүн идентификациялык номери _____________________________

Лицензия ____________________________________________________________

(укуктан ажыратылуучу, ажыратылбоочу)

№ ____________ бланктын сериясы _________________________

Форма

Радио электрондук каражаттарды, жогорку жыштыктагы түзүлүштөрдү, радио жыштыктагы нурланууну берүүчү же жогорку жыштыктагы электр-магниттик толкундардын булагы болуп саналган башка техникалык каражаттарды Кыргыз Республикасына ташып келүүгө № ______ УРУКСАТ

Арыз ээси ____________________________________________________________

Чарба жүргүзүүчү субъекттин аталышы

_____________________________________________________________________

(кызматы, аты-жөнү)

Юридикалык дареги ____________________________________________________

продукцияны __________________________________________________________

(продукциянын, сатылып алынган комплектөөчү буюмдардын аталышы,

_____________________________________________________________________

ОКПнын коду, көлөмү, саны, товарды коштоочу документ)

Кыргыз Республикасына ташып келүүгө, сертификациялоого берилет.

Берилген күнү "__" __________ 20____-ж.

Форма

Кыргыз Республикасынын Өкмөтүнө караштуу Мамлекеттик байланыш агенттиги (лицензиялоочу органдын аталышы)

___________________________________________ (кызматтын тиби) № ____ ЖЫШТЫК ЫЙГАРУУ