Тиркеме

Кыргыз Республикасынын Финансы министрлигинин Казыналык системасында мамлекеттик бюджеттин кирешелерин эсепке алууну жана бөлүштүрүүнү жүргүзүү тартиби жөнүндө НУСКАМА

1. Жалпы жоболор

1. Ушул Нускама мамлекеттик бюджеттин кирешелерин, активдер жана милдеттенмелер менен жүргүзүлгөн операциялардан түшкөн кирешелерди, Кыргыз Республикасынын бюджеттик системасынын ар кандай деңгээлдериндеги бюджеттеринин ортосундагы кирешелерди жөнгө салуу тартибинде бөлүштүрүүнүн, Кыргыз Республикасынын Финансы министрлигинин Казыналык системасынын органдарынын (мындан ары - Казыналык системасынын органдары) бажы алымдарынын суммасын чегерүүсүн жана бөлүштүрүүсүн жүргүзүүсүнүн бирдиктүү тартибин белгилейт.

2. Ушул Нускамада төмөндөгү терминдер жана аныктамалар пайдаланылат:

1) Казыналыктын автоматташтырылган системасы (мындан ары - КАС) - программалык, программалык-аппараттык жана аппараттык каражаттардын, республикалык жана жергиликтүү бюджеттердин аткарылышын кассалык тейлөө боюнча маалыматтарды генерациялоону, иштеп чыгууну, өткөрүп берүүнү, кабыл алууну, сактоону камсыздоочу методдордун жана жол-жоболордун комплекси жана Казыналык системасында автоматташтырылган эсепке алууну жана отчеттуулукту жүргүзүү;

2) бюджеттин кирешелеринин түшүүлөрүн тескөөчү - мамлекеттик орган, жергиликтүү өз алдынча башкаруу органы, өзүнүн карамагында бюджеттин кирешелеринин тескөөчүлөрүнө ээ болгон жана (же) бюджеттин кирешелерин тескөөчү болуп саналган башка уюм;

3) банк-агент - Кыргыз Республикасынын аймагында аракеттенген жана Казыналык системанын органдарына банк кызматтарынын белгилүү бир тизмесин көрсөтүү боюнча конкурстук тооруктун натыйжасында тандалып алынган коммерциялык банк, ал кызматтарга акы төлөө жана кызмат көрсөтүү шарттары түзүлгөн келишимдердин негизинде белгиленет;

4) ички казыналык тапшырма (мындан ары - ИКТ) - казыналык аспап, ал аркылуу Казына системасынын бир органынын ичиндеги каражаттарды (ресурстарды) которуу ишке ашырылат;

5) Кыргыз Республикасынын Финансы министрлигинин Казыналык системасынын бирдиктүү эсеби (мындан ары - Казыналык системасынын бирдиктүү эсеби) - Кыргыз Республикасынын Улуттук банкында (мындан ары - Улуттук банк) Кыргыз Республикасынын Финансы министрлигинин Борбордук казыналыгына (мындан ары - Борбордук казыналык) бюджеттик кирешелерди эсепке алуу жана бөлүштүрүү, ошону менен бирге бирдиктүү бажы тарифинин бажы алымдарын чегерүү жана бөлүштүрүү үчүн ачылган эсеп;

6) бюджет кирешелеринин түшүүлөрүн тескөөчүнүн башка салыктарды же салык төлөөчүнүн алдындагы карызын төлөө үчүн казыналыктын региондук бөлүмдөрүнө берилүүчү ашыкча төлөнгөн/өндүрүлгөн кирешелердин суммасын эсепке алуу же кайтарып берүү корутундусу - документи;

7) алынып келинген бажы алымдарынын акчалай каражаттарын төлөөчүгө кайтаруу табыштамасы - бажы алымдарынын каражаттарын төлөөчүнүн эсеп-кысабына которуу үчүн ыйгарым укуктуу мамлекеттик органы тарабынан берилүүчү документ;

8) карызды төлөөнүн эсебинде эсепке алууга табыштама - төлөөчүнүн бажы алымдары боюнча карызды тындыруу үчүн ыйгарым укуктуу мамлекеттик органы берүүчү документ;

9) казыналык корутунду - салыктык эмес төлөмдөр (финансылык эмес активдер) боюнча жаңылыш чегерилген сумманы кайтарып берүүнү же ашыкча төлөнгөн салыктык эмес төлөмдү (финансылык эмес активди) төлөмдүн башка түрүнө которууну ишке ашыруу үчүн арналган казыналык аспап;

10) казыналык эсеп китеби (мындан ары - КЭК) - Казыналык системасында ишке ашырылуучу операцияларды, (баштапкы бухгалтердик өткөрүүлөрдү), банк-агенттен, ошондой эле казыналык аралык тапшырма, ички казыналык тапшырма аркылуу алынган күнүмдүк банктык отчеттун (көчүрмө) негизинде киргизилүүчү жазууларды аналитикалык эсепке алууну каттоо;

11) казына аралык тапшырма (мындан ары - КАП) - Казыналык системасынын органдарынын ортосунда каражаттарды (ресурстарды) которуу ишке ашырылуучу казыналык аспап;

12) такталбаган (жаңылыш) түшүүлөр - КАСда түзүлөт жана тийиштүү графаларда банк-агентинин көчүрмөсү боюна төлөмдү эсепке алуу датасын, төлөм документинин номерин жана датасын көрсөтүү менен ар бир такталбаган телом боюнча КЭКте түзүлүүчү такталбаган төлөмдөргө таандыктыгынын себептери жана төлөмдөрдү тактоо үчүн кабыл алынган чаралар көрсөтүлгөн маалыматтык-контролдук форма болуп саналат;

13) алынып келинген бажы алымдарынын суммасын чегерүү жана бөлүштүрүү жөнүндө отчет - улуттук валютада жана чет өлкөлүк валютада Евразия экономикалык бирлигинин мүчө-мамлекеттери чегерген жана бөлүштүргөн алынып келинген бажы алымдары боюнча акча каражаттарынын суммасын чагылдыруучу документ;

14) атайын, демпингге каршы, компенсациялык алымдар суммасын чегерүү жана бөлүштүрүү жөнүндө отчет - улуттук валютада жана чет өлкө валютасында Евразия экономикалык бирлигинин мүчө-мамлекеттери чегерген атайын, демпингге каршы, компенсациялык алымдар суммасын чегерилген жана бөлүштүрүлгөн акча каражаттарынын суммасын чагылдырган документ;

15) Евразия экономикалык бирлигинин мүчө-мамлекеттеринин ортосунда бажы алымдарын бөлүштүрүүнү чагылдыруучу эсептик документ - казыналыктын автоматташтырылган системасында түзүлгөн жана Евразия экономикалык бирлигинин мүчө-мамлекеттеринин ортосунда бажы алымдарын бөлүштүрүүнү чагылдыруучу документ;

16) бюджет кирешелеринин түшүүлөөрүн тескөөчүлөрдүн маалыматтамасы - бюджет кирешелеринин тескөөчүлөрүнүн ведомстволук тармагынын жана алардын аймактык органдарынын бюджет кирешелерин тескөөчү органдардын таандыктыгын аныктоо үчүн иерархиялык структура;

17) бажы төлөмдөрү - салык жана бажы мыйзамдарына ылайык бажы органдары тарабынан белгиленген тартипке алына турган бажы алым дары, салыктар, бажы жыйымдары, туумдар жана пайыздар;

18) бажы алымы - бажы чек арасы аркылуу өткөрүү менен байланыштуу бажы органдары тарабынан республикалык бюджетке алынуучу милдеттүү төлөм (алынып келүүчү бажы алымы, атайын, демпингке каршы жана компенсациялык алымдар);

19) Кыргыз Республикасынын Финансы министрлигинин Борбордук казыналыгынын учурдагы эсеби (мындан ары - Борбордук казыналыктын учурдагы эсеби) - мамлекеттик бюджетке кирешелерин чегерүү жана мамлекеттик бюджеттин чыгымдарын ишке ашыруу үчүн Улуттук банкта ачылган эсеп;

20) транзиттик эсеп - бюджеттик, атайын, депозиттик жана өтмө эсептер боюнча мамлекеттик бюджеттин аткарылышын кассалык тейлөө боюнча мамлекеттик бийлик органдарынын жана жергиликтүү өз алдынча башкаруу органдарынын финансылык операцияларын ишке ашыруу үчүн банк-агенттерде ачылган казыналыктын региондук бөлүмдөрүнүн эсеби;

21) акча каражаттарын тактоо жөнүндө билдирүү - жаңылыш чегерилген суммаларды белгилөөдө Борбордук казыналыктын Бирдиктүү эсебине түшкөн акча каражаттарын тактоо үчүн Борбордук казыналык даярдоочу жана бажы иши чөйрөсүндөгү ыйгарым укуктуу органга жөнөтүлүүчү маалымдоо;

22) бажы иши чөйрөсүндөгү ыйгарым укуктуу мамлекеттик орган - бажы төлөмдөрүн алуу функциясы жүктөлгөн мамлекеттик орган.

3. Кыргыз Республикасынын мамлекеттик бюджетинин кирешелерин аналитикалык эсепке алуу Кыргыз Республикасынын Бюджеттик классификациясынын активдери жана милдеттенмелери менен кирешелер классификациясы жана операциялар классификациясына ылайык жалпы мамлекеттик салыктардын, бажы төлөмдөрүнүн, жыйымдардын жана башка түшүүлөрдүн түрлөрү жана бюджеттин кирешелеринин түшүүлөрүн тескөөчүлөрдүн маалыматтамасы боюнча ишке ашырылат.

4. Мамлекеттик бюджеттин кирешелеринин түшүүлөрүн жана Кыргыз Республикасынын бюджеттик системасынын ар кандай деңгээлдеги бюджеттеринин ортосунда алардын бөлүштүрүлүшүн эсепке алуу үчүн казыналык региондук бөлүмдөрүнүн (мындан ары - КРБ) банк-агенттеринде транзиттик эсептери ачылат.

5. Тышкы экономикалык иштен түшкөн чегерүү бажы алымдарын чегерүү жана аларды Евразия экономикалык бирлигинин мүчө-мамлекеттеринин ортосунда бөлүштүрүү Борбордук казыналыктын бирдиктүү эсебинде жүргүзүлөт.

6. Борбордук казыналык Борбордук казыналыктын Бирдиктүү эсебинин реквизиттерин бюджет кирешелеринин түшүүлөрүн тескөөчүлөрүнө ал ачылган күндөн же ага өзгөртүүлөр киргизилген күндөн кийинки күндөн кечиктирбей кабарлайт.

Бюджет кирешелеринин түшүүлөрүн тескөөчүлөр эсептер реквизиттерин жана төлөө документтерин толтуруу үчүн зарыл болгон маалыматты төлөөчүлөргө кабарлайт.

7. Мамлекеттик бюджеттин аткарылышын кассалык тейлөөнү ишке ашыруучу Борбордук казыналык жана КРБ Кыргыз Республикасынын аймагындагы төлөөчүлөр даярдаган төлөм документтериндеги маалыматтын мазмуну үчүн жоопкерчилик тартышпайт.

Төлөм тапшырмаларынын реквизиттерин толтуруу жана төлөм операцияларын жүргүзүүнүн аныктыгы боюнча маселелер пайда болгон учурда төлөөчү тийиштүү бюджеттин киреше булагынын тескөөчүсүнө же төлөө операцияларын ишке ашыруучу коммерциялык банкка кайрылуусу зарыл.

8. Мамлекеттик бюджеттин кирешелерин оперативдүү аналитикалык эсепке алуу, аларды бөлүштүрүү жана чагылдыруу КАСдагы күн сайын аналитикалык эсепке алуу реестринде ишке ашырылат.

9. Борбордук казыналык жана КРБ бюджет кирешелеринин тескөөчүлөрү менен ай сайын салыштырууларды жүргүзүшөт.

Борбордук казыналыктын жана КРБнын өз ара аракеттенүү алкагында жана бюджет кирешелеринин түшүүлөрүн тескөөчүлөр Кыргыз Республикасынын бюджеттик системасынын киреше бөлүгүн аткарууда ар кайдай маалымат алмашуу формаларын белгилөөсү мүмкүн.

10. Баштапкы эсепке алуу документтери (банктык көчүрмөлөр, төлөм тапшырмалары, ордер, мемориалдык ордер, КАП, ИКТ бюджеттин кирешелеринин тескөөчүлөрүнүн корутундусу, чегерүүгө табыштама жана бажы алымдарын кайтаруу, эсептик документ, атайын демпингге каршы, компенсациялык алымдарынын суммаларды чегерүү жана бөлүштүрүү жөнүндө отчет, алынып келинүүчү бажы алымдарынын суммаларды чегерүү жана бөлүштүрүү жөнүндө отчет, каттар жана бюджет кирешелеринин башка тескөөчүлөрү жана жергиликтүү өз алдынча башкаруу органдары боюнча казыналык корутундулар) күн сайын эсепке алууда колдонулуучу КРБнын отчеттору (кагаз түрүндө) "Улуттук архив фонду жөнүндө" Кыргыз Республикасынын Мыйзамына ылайык белгиленген мөөнөттүн ичинде сакталат.

2. Мамлекеттик бюджеттин кирешелерин жана бажы алымдарын эсепке алууну жана бөлүштүрүүнү жүргүзүү үчүн колдонулуучу документтер

11. Бажы алымдары жана ар кандай деңгээлдеги бюджеттер жана ар кандай деңгээлдеги бюджеттердин ортосунда кирешелерди эсепке алуу жана бөлүштүрүү төмөндөгү документтердин негизинде ишке ашырылат:

- КРБ транзиттик эсептеринен банк-агенттердин көчүрмөлөрү;

- Борбордук казыналыктын Учурдагы эсебинин жана Борбордук казыналыктын Бирдиктүү эсептеринин көчүрмөлөрү;

- банк көчүрмөсүнүн тиркемеси катары алынган кирешелер жөнүндө толук маалыматты камтыган төлөм тапшырмалары, ордерлер, төлөөчүлөрдүн мемориалдык ордерлери;

- чегерүү же ашыкча төлөнгөндөрдү/кирешелердин ашыкча өндүрүлгөндөрдүн суммасын кайтаруу боюнча бюджеттин кирешелерин тескөөчүлөрдүн корутундусу, төрт нускада, жетекчи тарабынан кол коюлган жана мөөр басылып күбөлөндүрүлгөн (бардык кирешелерде);

- КАП (1-тиркеме);

- ИКТ (2-тиркеме);

- салыктык эмес төлөмдөр (финансылык эмес активдер) боюнча жаңылыш чегерилген суммаларды кайтарууга казыналык корутунду (3-тиркеме);

- салыктык эмес төлөм (финансылык эмес актив) боюнча ашыкча төлөнгөндөрдү башка төлөмгө которууга казыналык корутунду (4-тиркеме);

- чек китепчеси (жеке адамдарга акча каражатын кайтарууда пайдалануучу);

- бажы иши чөйрөсүндөгү ыйгарым укуктуу мамлекеттик орган тарабынан даярдалган бажы алымдарын чегерүүгө табыштама (5-тиркеме);

- бажы иши боюнча ыйгарым укуктуу мамлекеттик орган тарабынан даярдалган төлөөчүлөрдүн эсебине бажы алымдарын кайтарууга табыштама (6-тиркеме);

- Евразия экономикалык бирлигинин мүчө-мамлекеттеринин бажы алымдарын бөлүштүрүү боюнча валютадагы суммалары жөнүндө күн сайын маалыматы боюнча маалымкат (7-тиркеме).

3. Мамлекеттик бюджеттин кирешелерин эсепке алуунун жана бөлүштүрүүнүн тартиби

12. Борбордук казыналык КРБнын транзиттик эсептери боюнча күн  cайын банк-агенттерден мурунку банктык күн үчүн электрондук варианттагы көчүрмөлөрүн алышат (бюджеттик, депозиттик жана өтмө атайын каражаттар боюнча), алар КРБнын жооптуу кызматкерлеринин андан аркы иштеп чыгуулары үчүн КАСга Борбордук казыналык тарабынан киргизилет.

13. КРБ күн сайын банк-агенттерден мурунку күндүн транзиттик эсептеринин көчүрмөсүн кагаз түрүндө алышат, мамлекеттик бюджетке төлөөчүлөрдүн төлөгөндүгүн ырастоочу ар бир төлөм документин бир нускада тиркешет.

14. Банк-агенттерден төлөм документтерин кагаз түрүндө алууда КРБ банк-агенттин штампынын болуусун жана жооптуу кызматкеринин колун, банк-агенттин электрондук көчүрмөсүндөгү суммага төлөө документтери боюнча сумманын ылайык келүүсүн, банк көчүрмөсүнө тиркелген төлөө документтеринин толуктугун текшерет.

15. Мамлекеттик бюджеттин кирешелери төлөм документтеринде көрсөтүлгөн төлөм коду боюнча автоматташтырылган режимде так чегерилет.

Төлөм документинде бир көрсөтүлгөн төлөм коду төлөмдүн багытына ылайык келбеген учурда төлөмдү чегерүү төлөм коду боюнча жүргүзүлөт.

16. Мамлекеттик бюджеттин кирешелерин эсепке алуу үчүн банктык көчүрмөлөрдө бюджеттик мекемелердин бюджеттик, атайын, депозиттик жана өтмө эсептерине салык (бажы), салыктык эмес түшүүлөр, активдер (финансылык жана финансылык эмес) жана кирешелердин классификация элементтерин көрсөтүү менен милдеттенмелер толук чагылдырылууга тийиш.

17. Бюджеттик мекемелердин атайын эсебине түшкөн акча каражаттары классификация элементин көрсөтүү менен акыга көрсөтүлүүчү кызмат катары КАСда иштелип чыгат жана чегерилет. Ырастоочу төлөм документтери ишке пайдалануу үчүн кол коюу менен бюджеттик мекеменин жооптуу кызматкерине өткөрүлүп берилет.

18. КАП, ИКТ кирешелердин классификация элементтерине ылайык кирешелер түрлөрү боюнча алар тиешелүү тиркемелери менен келип түшүүлөрүнө жараша КАСда ишке ашырылат.

19. КРБ ашыкча төлөнгөн кирешелердин өндүрүлгөн суммаларын чегерүү жана кайтаруу жөнүндө тиешелүү корутундуну тиркөө менен бюджет кирешелерин тескөөчүнүн кат жүзүндө кабардоосунун негизинде Кыргыз Республикасынын бюджеттик системасынын ар кандай деңгээлдеги бюджеттердин кирешелерине ашыкча төлөнгөндөрдү/өндүрүлгөндөрдү чегерүүнү жана кайтарууну жүргүзөт.

Төлөөчү тарабынан бюджеттин кирешелеринин башка тескөөчүлөрү боюнча мамлекеттик бюджеттин кирешесине жана жергиликтүү өз алдынча башкаруу органдарынын бюджетине салыктык эмес төлөмдөр (финансылык эмес активдер) жаңылыш чегерилген учурда, КРБ жаңылыш чегерилген төлөмдөрдү кайтаруунун казыналык корутундусун тариздейт.

Бюджет кирешелеринин түшүүлөрүн тескөөчүнүн же жергиликтүү өз алдынча башкаруу органынын жазуу түрүндөгү билдирүүсү казыналык  корутундуну тариздөө үчүн негиз болуп саналат.

20. Ашыкча төлөнгөн кирешелердин өндүрүлгөн суммаларын чегерүүгө же кайтарууга бюджеттин кирешелеринин түшүүлөрү боюнча тескөөчүнүн корутундуну түзүүсүнүн аныктыгына, аны тийиштүү органдарга өз убагында берүү үчүн контролду жана жоопкерчиликти салык кызматынын ыйгарым укуктуу мамлекеттик органынын жана бажы иши чөйрөсүндөгү ыйгарым укуктуу мамлекеттик органдын жетекчилери тартат.

Казыналыктын корутунду түзүүсүнүн жеткиликтүүлүгү жана аны өз учурунда аткаруусу жана тийиштүү органдарга берүүсү үчүн контролдук жана жоопкерчилик КРБнын башчысына жүктөлөт.

21. Белгилүү бир аймактагы салык органында каттоодо турбаган төлөөчүлөр тарабынан которулган кирешелердин суммасы КРБнын транзиттик эсебинен тийиштүү бюджеттердин "Кирешелер" КЭКна чегерилген учурда, төлөөчү салык органында каттоодо турган дарегин алмаштырса жана төлөөчүнүн каттоо карточкасы башка салык органына берилсе, КРБ которулган сумманын түрүнө жараша салык органынын корутундусунун негизинде төмөнкүлөрдү: КАП төлөм тапшырмасын тариздейт жана төлөм жаңы дарек боюнча жөнөтүлөт, ошол эле учурда түшкөн кирешелер жайгашкан же жашаган жерин алмаштырган мындай төлөөчү каттоодо турган салык органы менен өз ара аракеттенген КРБнын эсебине жиберилет.

22. Борбордук казыналыктын Бирдиктүү эсебине жана Борбордук казыналыктын Учурдагы эсебине чегерилген Кыргыз Республикасынын Бюджеттик классификациясынын коддору (элементтери) боюнча кирешелердин түшүүлөрүн жана бөлүштүрүүнү Борбордук казыналык төмөнкү тартипте ишке ашырат:

- төлөм документтерин тиркөө менен банк-агенттин электрондук түрдө алынган көчүрмөсүн КАСга киргизет жана бюджеттин кирешелерин тескөө боюнча кирешелердин түшүүсүн эсепке алууну жүргүзөт;

- Евразия экономикалык бирлигине мүчө мамлекеттерден бөлүштүрүлгөн бажы алымдары боюнча валюталык суммалар жөнүндө күн сайынкы маалымат боюнча маалымкатты КАСга киргизет;

- жаңылыш чегерилген суммалар белгиленгенде Борбордук казыналыктын Бирдиктүү эсебине түшкөн акча каражаттарын тактоо жөнүндө бажы иши чөйрөсүндөгү ыйгарым укуктуу мамлекеттик органга билдирүү жөнөтөт;

- бажы иши чөйрөсүндөгү ыйгарым укуктуу мамлекеттик орган берген табыштаманын негизинде бажы алымдары боюнча эсепке алууну жүргүзөт;

- бажы иши чөйрөсүндөгү ыйгарым укуктуу мамлекеттик орган берген табыштаманын негизинде бажы алымдарынан түшкөн акча каражаттарын төлөөчүлөргө төлөм документтерин кайтарууну тариздейт.

23. Бажы иши чөйрөсүндөгү ыйгарым укуктуу мамлекеттик орган бажы алымдары боюнча акча каражаттарын эсепке алуу жана кайтаруу табыштамаларын отчеттук күндүн алдында КАС аркылуу Борбордук казыналыкка берет.

Бажы алымдарын эсепке алуунун жана кайтаруунун аткарылган табыштамалары бажы алымдарын эсепке алуу жана кайтаруу боюнча табыштамаларды каттоо журналында КАСда катталат (8-тиркеме).

Бажы алымдары боюнча корутундуларды эсепке алуу (кайтаруу) табыштамаларын түзүүнүн аныктыгы, аларды Борбордук казыналыкка өз убагында берүү үчүн контролдук жана жоопкерчилик бажы иши чөйрөсүндөгү ыйгарым укуктуу мамлекеттик органдын жетекчилигине жүктөлөт.

24. Борбордук казыналыктын Бирдиктүү эсебине акча каражатынын түшүүлөрү боюнча Улуттук банк тарабынан берилген банктык көчүрмөлөр, бажы иши чөйрөсүндөгү ыйгарым укуктуу мамлекеттик органдары тарабынан берилген табыштамалар боюнча бажы алымдарын эсепке алуу жана кайтаруу иштелип чыккандан кийин КАСда белгиленген коэффициенттер боюнча бажы алымдарына тийиштүү документтерди иштеп чыгуу ишке ашырылат жана Евразия экономикалык бирлигине мүчө-мамлекеттерге которуу үчүн бөлүштүрүлгөн бажы алымдарынын эсептик документинде чагылдырылат (9-тиркеме).

Эсептешүү документинин негизинде Борбордук казыналык Евразия экономикалык бирлигине мүчө-мамлекеттердин тийиштүү бюджеттеринде классификациясынын коддору боюнча түшкөн жана бөлүштүрүлгөн төлөм документтерин тариздөөнү жүргүзөт.

Эсептешүү документинде чагылдырылган акча каражаты күнгө, айга бөлүштүрүлгөн жана жыл башынан бери өсүү жыйынтыгы менен которулуучу акча каражатын эсепке алуу жана контролдоо максатында күн сайын КАСда Евразия экономикалык бирлигине мүчө мамлекеттерге которуу үчүн бөлүштүрүлгөн бажы алымдары боюнча эсептик документинин каттоо журналында катталат (10-тиркеме).

25. Борбордук казыналык күн сайын:

- бажы иши чөйрөсүндөгү ыйгарым укуктуу мамлекеттик орган үчүн бажы түшүүлөрү жөнүндө реестрди түзөт;

- алынып келүүчү бажы алымдарынын суммасын эсептөө жана бөлүштүрүү жөнүндө отчетту түзөт (11-тиркеме);

- Евразия экономикалык бирлиги жөнүндө келишимге Кыргыз Республикасынын кошулуусу жөнүндө келишимде белгиленген пайыздык ставкаларга ылайык түшүүчү бажы алымдары боюнча атайын, демпингге каршы, компенсациялык алымдардын суммасын эсептөө жана бөлүштүрүү жөнүндө отчетту түзөт (12-тиркеме).

4. Такталбаган жаңылыш чегерилген акча каражаттарын эсепке алуу

26. Тактоону (аныктоону) талап кылган төлөмдөрдүн банктык көчүрмөлөрү түшкөндө бул кирешелердин суммасы тийиштүү эсептер боюнча "Такталбаган түшүүлөр" катары аналитикалык эсепте чагылдырылат жана "Такталбаган (жанылыш) түшүүлөр" КЭКке киргизилет (13-тиркеме).

"Такталбаган (жаңылыш) түшүүлөргө" банктын көчүрмөсүндө көрсөтүлгөн түшүүчү төлөмдөрдүн суммасы киргизилет, анда төлөм документтери, ошондой эле төлөм документинде, салык органында көрсөтүлгөндөн башка же төлөмдүн багытын жана/же кодун көрсөтүүсүз/так эмес көрсөтүү менен эсепте турган салык төлөөчүлөрдөн түшкөн төлөмдөр болбойт.

"Такталбаган (жаңылыш) түшүүлөр" КЭКке (бюджеттик каражаттар) жана кирешелердин түрүнө таандыктыгы белгиленбеген төлөмдөр, алар чегерилгенден кийин эки айдан ашпаган убакта бул эсепте болушу мүмкүн.

КРБ көрсөтүлгөн төлөмдөрдүн кирешелердин белгилүү бир түрүнө таандыктыгы такталгандан кийин багыты боюнча көрсөтүлгөн каражаттарды которуу боюнча операцияларды ишке ашырат:

- бюджеттердин тийиштүү эсептерине;

- ИКТ аркылуу банк-агенттен ырастоочу төлөм документтери алынганда кирешелердин классификациясынын тийиштүү элементине такталбаган төлөмдөрдүн таандыктыгы;

- төлөөчүнүн КРБ башчысынын атына жазылган арызынын негизинде төлөм тапшырмасы менен салык төлөөчүгө каражаттарды кайтаруу;

- төлөөчү эсепте турган салык органында катталган жери боюнча КАП аркылуу каражаттарды КРБга кайтаруу.

Эгерде, түшкөн кирешенин тескөөчүсү эки айдын ичинде аныкталбаса, КРБ түшүүчү суммаларды ИКТ аркылуу республикалык бюджеттин кирешесине которууну ишке ашырат жана кирешелердин 14511200 "Башка салыктык эмес түшүүлөр" классификациясынын элементи боюнча эсепке алат.

27. Төлөөчү тарабынан КРБ эсебине бажы алымдары жаңылыш чегерилгенде, КРБ бул чегерүүлөрдү "Такталбаган (жаңылыш) түшүүлөр" КЭКде чагылдырууга жана Улуттук банктагы Борбордук казыналыктын Бирдиктүү эсебине кийинки иш күнү төлөм документтерин которууга тийиш.

28. Отчеттук жылдын 1-декабрында түшкөн документтер республикалык бюджеттин кирешесине "Такталбаган (жаңылыш) түшүүлөр" КЭКке которулат жана кирешелердин "Башка салыктык эмес түшүүлөр" классификациясынын элементи боюнча эсепке алынат.

29. Бюджеттик мекеменин аталышын жана кирешелердин элементин көрсөтпөстөн, эске алынган атайын каражаттар боюнча "Такталбаган (жаңылыш) түшүүлөр" КЭКде, ушул эсепте алар чегерилген күндөн баштап эки айдан ашык убакыт болушу мүмкүн.

Көрсөтүлгөн мөөнөт өткөндөн кийин КЭКде эсепке алынган атайын каражаттар боюнча "Такталбаган (жаңылыш) түшүүлөр жана декабрда түшкөн төлөмдөр (отчеттук жылдын 30-декабрына чейин) КРБ төлөм документтеринде көрсөтүлгөн төлөөчүнүн эсебине кайтарат.

Отчеттук жылдын 31-декабрында түшкөн жана КЭКде алардын "Такталбаган (жаңылыш) түшүүлөр" катары эсепке алынган төлөмдөр боюнча КРБ төлөм документтерин тиркөө менен Борбордук казыналыкка берет.

30. "Такталбаган (жаңылыш) түшүүлөр" КЭКга банк-агенттин көчүрмөсү боюнча накталай каражаттар (жеке жактар) менен төлөөлөрдү чегерүүдө КРБ бул төлөмдөрдү кайтарып берүүнү төлөм документтерин жана салуучунун ким экендигин аныктоочу документтерди тиркөө менен түшүүлөрдү тескөөчүлөр тарабынан берилген каттын негизинде ишке ашырат.

Эгер, алар чегерилген күндөн баштап эки айдын ичинде салынган накталай каражаттардын таандыктыгы белгиленбесе, КРБ бул акча каражаттарын республикалык бюджеттин кирешесине которот жана кирешелердин "Башка салыктык эмес түшүүлөр" классификациясынын элементи боюнча эсепке алат.

31. Бажы иши чөйрөсүндөгү ыйгарым укуктуу мамлекеттик органга акча каражатын тактоо жөнүндө жеткиликтүү билдирүү КАСда автоматтык түрдө түзүлөт (14-тиркеме).

32. Бажы иши чөйрөсүндөгү ыйгарым укуктуу мамлекеттик орган алынган билдирүүнүн негизинде кирешелер боюнча Бюджеттик классификациянын тийиштүү коддору боюнча акча каражатынын таандыктыгы жөнүндө билдирүү толтурат жана толтурулган билдирүүнүн электрондук форматын КАС аркылуу Борбордук казыналыкка жиберет.

33. Борбордук казыналык берилген билдирүүнүн негизинде акча каражатын төлөмдөрдүн коддоруна жана анын таандыктыгын аныктоого ылайык которот.

5. Ар кандай деңгээлдеги бюджеттердин кирешелерин эсепке алуу

34. Ар кандай деңгээлдеги бюджеттердин кирешелерин эсепке алуу мамлекеттик бюджетти аткаруу боюнча эсепке алууну жүргүзүү жана отчеттуулук боюнча жол-жоболорго ылайык КАСда ишке ашырылат. Ар кандай деңгээлдеги бюджеттердин кирешелери менен жасалган бардык операциялар ушул Нускамада белгиленген эсепке алуунун тийиштүү формаларында чагылдырылат.

35. Банк-агенттеринин көчүрмөлөрүнүн КАСга киргизилген электрондук формалары төлөм тапшырмасынын тиешелүү графаларын көрсөтүү менен ар бир операция боюнча эсептелет.

36. КАП (15-тиркеме), ИКТ (16-тиркеме) реестрлери КАП жана ИКТнын тийиштүү реквизиттерин көрсөтүү менен бюджеттик мекеменин табыштамаларынын негизинде КАСда түзүлөт.

КАП жана ИКТ КРБда сакталат, ал эми тиркемелер (которуу тапшырмалары) тийиштүү реестри менен тийиштүү аймактагы бюджеттердин кирешелерин тескөөчүлөргө берилет.

37. Бюджеттин кирешелерин тескөөчүлөрдүн корутундуларын каттоо журналына жазуу (17-тиркеме) документтин номерин, бюджеттик кирешелерин тескөөчүнүн корутундусунда төлөөчүнүн аталышын көрсөтүү менен КАС аркылуу жүргүзүлөт, анда ашыкча төлөөнү кайтаруу жана эсепке алуу көрсөтүлөт.

38. Бажы иши чөйрөсүндөгү ыйгарым укуктуу мамлекеттик орган бажы алымын эсепке алууга жана төлөөчүнүн эсептешүү эсебине кайтарууга табыштамалардын кагаз түрүндөгү вариантын кийин берүү менен, электрондук вариантты Борбордук казыналыкка берет.

Бажы алымдары боюнча жүргүзүлгөн табыштамалар боюнча иштелип чыккан маалымат КАСга киргизилет жана бажы алымдары боюнча эсепке алуу жана кайтаруу табыштамаларын каттоо журналында идентификациялык номер ыйгарылат.

39. Бажы алымдары боюнча эске алуу жана кайтаруу табыштамасында башка тескөөчүлөрдүн корутундулары ар кандай деңгээлдеги бюджеттерден кайтарылуучу (эсепке алынуучу) ашыкча төлөнгөн/өндүрүлгөн акча каражаттарын эсепке алуу же кайтаруу менен  чагылдырылат.

Ар кандай деңгээлдеги бюджеттерден кайтарылуучу (эсепке алынуучу) тиешелүү суммаларды чагылдыруу төлөмдөрдү кайтаруу (эсепке алуу) жөнүндө бюджет кирешелеринин түшүүлөрүн тескөөчүлөрдүн табыштамаларында жана корутундуларында ар бир жазуу боюнча жүргүзүлөт.

40. КАС кирешелердин түрлөрү боюнча түшүүчү кирешелердин жана ар кандай деңгээлдеги бюджеттерге түшүүлөрдүн реестрин күн сайын түзөт, ал банктык документтер (18-тиркеме) КАП, ИКТ, эсептешүү документтери, бажы алымдары боюнча эсепке алууга жана кайтарууга табыштамалар жана бюджеттин кирешелеринин түшүүлөрүн тескөөчүлөрдүн корутундусу, казыналык корутунду (19-тиркеме), бажы алымдарынын түшүүсү жана бөлүнүүсү боюнча отчетторду өз-өзүнчө түзөт.

Түшкөн кирешелер чегерүү ченемдерине ылайык кирешелердин ар бир түрү, бюджеттин түрлөрү боюнча жыйынтык сумманы көрсөтүү менен кирешелердин классификациясынын элементтерине ылайык топтоштурулат жана күнүмдүк жыйынды реестрде (КАП, ИКТ, бажы алымдары боюнча табыштама, корутунду, казыналык корутунду, банк-агенттин көчүрмөсү) түзүлөт.

Реестрлер боюнча бардык түшүүлөр такталгандан кийин түшүүчү акча каражаттарынын документтерин тиркөө менен, күн сайын жыйынды реестрге ылайык КРБтун жооптуу кызматкери түшүүлөрдүн тийиштүү тескөөчүлөрүнө түшкөн кирешелер боюнча күн сайын маалымат берет.

41. Борбордук казыналык КАСда мамлекеттик бюджетке түшкөн кирешелер жөнүндө күнүмдүк маалыматты жана түшкөн жана бөлүштүрүлгөн бажы алымдары боюнча отчетторду түзөт, алар Кыргыз Республикасынын кызыкдар органдарына жана Евразия экономикалык бирлигине мүчө мамлекеттерге берилет.

42. Түшкөн жыйынды реестр ар бир жумуш күнүнө эки нускада таризделет, ага КРБтун аткаруучусунун жана башчысынын колу коюлат. Реестрдин биринчи нускасы банк мекемесинин көчүрмөсү менен КРБто калат, ал эми экинчи нускасы төлөм документтерин тиркөө менен бюджеттин кирешелеринин түшүүлөрүн тескөөчүлөрүнүн ыйгарым укуктуу адамына колун койдуруу менен берилет (20-тиркеме).

43. КРБ бардык түшкөн документтерди иштеп чыккандан кийин кун сайын бюджеттин ар кандай деңгээлдери үчүн КАСда банктык күндү жабат.

44. Кыргыз Республикасынын бюджеттик системасынын ар кандай деңгээлдеринин бюджеттеринин ортосунда кирешелердин түшүүсүн жана бөлүштүрүлүшүн эсепке алуу үчүн КАСда "КАП боюнча кирешелер", "ИКТ боюнча кирешелер" КРБ түзүлөт (21-тиркеме).

45. Кирешелер, КАСда ар кандай деңгээлдеги бюджеттердин ортосунда тийиштүү финансылык жылга белгиленген чегерүү ченемдери боюнча Кыргыз Республикасынын мыйзамдарына ылайык, ал эми жергиликтүү салыктарга жана жыйымдарга тиешелүү бөлүгү тийиштүү финансылык жылга жергиликтүү бюджеттер жөнүндө жергиликтүү өз алдынча башкаруу органдарынын укуктук ченемдик актылары менен, жалпы түшкөн кирешелердин суммасы (кирешелердин классификациясынын элементи) боюнча бөлүштүрүлөт.

46. Бекитилген киреше булактарынын айрым түрлөрүн бюджеттин бир деңгээлинен бюджеттин башка деңгээлине да, ошондой эле бюджеттин деңгээлдеринин ичинде да бөлүштүрүүгө жол берилбейт.

47. Бюджеттердин кандайдыр бир деңгээлдеринин кирешелеринин каражаттары жетишсиз болсо, ар кандай деңгээлдеги бюджеттердин ортосунда кирешелерди бөлүштүрүүдө ашыкча төлөнгөн, мамлекеттик бюджеттин кирешесине ашыкча алынган сумманы жана жаңылыш чегерилген сумманы төлөөчүгө кайтаруу боюнча бюджеттин кирешелеринин тескөөчүлөрүнүн корутундуларын жарым-жартылай аткарууга жол берилет.

Төлөөчүгө которулууга тийиш болгон жана учурдагы күндө аткарылбаган кирешелердин ашыкча төлөнгөн жана ашыкча алынган суммасын кайтаруу кийинки күндө ар кандай деңгээлдеги бюджеттердин ортосунда кирешелерди бөлүштүрүүдө эске алынат.

48. Кыргыз Республикасынын тийиштүү мыйзамдарындагы чегерүү ченемдери өзгөргөн учурда кайтаруу учурдагы финансы жылында белгиленген чегерүү ченемдери боюнча бюджеттердин ортосундагы мурда төлөнгөн төлөмдөрдү кайра эсептебестен ишке ашырылат.

49. КРБ Борбордук казыналыкта ишке ашырылуучу республикалык бюджеттин кирешелери боюнча кайра эсептөөдөн тышкары, ар кандай деңгээлдеги бюджеттердин ортосунда кайра эсептөөлөр боюнча операцияларды жана учурдагы бир күндүк түшүүлөрдүн суммасынын чегинде ар кандай деңгээлдеги бюджеттерге кирешелер которулат. Күн ичинде киреше жетишсиз болсо, кирешелерди кайра бөлүштүрүү операциясы жарым-жартылай аткарылат.

Учурдагы финансылык жылдын аягына аткарылбаган бюджеттердин ортосундагы кайра эсептөөлөр, эгер тийиштүү финансылык жылга республикалык бюджет жөнүндө Кыргыз Республикасынын Мыйзамында башкача белгиленбесе, жаңы финансылык жылдагы түшүүлөрдүн эсебинен кийинки финансылык жылда ишке ашырылат.

50. Учурдагы финансылык жылдын бюджетине түшүүчү өткөн жылдардагы кирешелер, көрсөтүлгөн эсепте каражаттарды чегерүү учурунда Кыргыз Республикасынын мыйзамдарында белгиленген ченемдер боюнча бөлүштүрүлүүгө тийиш.

51. Мажбурлап алууда төлөнүүгө тийиш болгон кирешелер акчалай каражаттары алынган учурдагы Кыргыз Республикасынын мыйзамдарында белгиленген ченемдер боюнча жана тартипте бөлүштүрүлөт.

Форма

Казына аралык тапшырма № _______

Дата "__" ____________ 201__-жыл

Дебет эсеби ___________________ Сумма ________________________

_______________________________________________ (казыналык эсептин аталышы)

________________________________ (которуу эсеби) _______________ Кредит эсеби

_______________________________________________________ (сумма жазуу менен)

Төлөөчүнүн ИНН

Кимден ___________________________________________________________________

Кимге ____________________________________________________________________

Багытталышы _____________________________________________________________

Форма

Ички казналык тапшырма № _________

Датасы "__" ______________ 201__-ж.

Дебет эсеби ____________________ Сумма ______________________

____________________________________ (төлөөчүнүн казыналык эсебинин аталышы)

_____________________________ (которуу эсеби) __________________ Кредит эсеби

_______________________________________________________ (сумма жазуу менен)

Төлөөчүнүн ИИН

Кимден __________________________________________________________________

Кимге ____________________________________________________________________

Багытталышы _____________________________________________________________

Форма

Салыктык эмес төлөмдөр (финансылык эмес активдер) боюнча жаңылыш чегерилген суммаларды кайтарууга казыналык корутунду

_________________ 201__-ж. № ________

1. Бюджеттик уюмдун аталышы ______________________________________________

2. КРБдун аталышы ________________________________________________________

3. Алуучу банктын аталышы _________________________________________________

4. Эсептик (транзиттик эсеп) №

5. Банктын БИК _______ Төлөөчүнүн банкынын реквизиттери

6. Төлөөчүнүн аталышы ____________________________________________________

7. КРБдун аталышы ________________________________________________________

8. Банктын аталышы _______________________________________________________

9. Банктын эсебинин № _____________________________________________________

10. БИК ____________________

Салыктык эмес (финансылык эмес активдер) төлөмдөр боюнча жаңылыш чегерилген сумманы кайтаруу жөнүндө маалымат

11. Салыктык эмес (финансылык эмес активдер) төлөмдүн аталышы ________________

12. Элементи ______________________________________________________________

КРБ аткарылды

Форма

Салыктык эмес төлөм (финансылык эмес актив) боюнча ашыкча төлөнгөндөрдү башка төлөмгө которууга казыналык корутунду

________________ 201__-ж. № ______

1. Бюджеттик уюмдун аталышы _______________________________________________

2. КРБдун аталышы ________________________________________________________

3. Алуучу банктын аталышы _________________________________________________

4. Эсептик (транзиттик эсеп) №

5. Банктын БИК ____________________________ Төлөөчүнүн банкынын реквизиттери

6. Төлөөчүнүн аталышы ____________________________________________________

7. КРБдүн аталышы ________________________________________________________

8. Банктын аталышы _______________________________________________________

9. Эсептин № _____________________________________________________________

10. Банктын БИК ___________________________________________________________

Салыктык эмес төлөмгө (финансылык эмес активге) ашыкча төлөөлөрдү башка төлөмгө которууну чегерүү жөнүндө маалымат

11. Ашыкча төлөнгөн салыктык эмес (финансылык эмес активдер) төлөмдүн аталышы __

12. Элементи ______________________________________________________________

13. Чегерүү жүргүзүлүүчү салыктык эмес (финансылык эмес активдер) төлөмдүн аталышы _________________________

14. Элементи _____________________________________________________________

КРБ аткарылды

Форма

Бажы алымдарын чегерүүгө табыштама

"__" ______________ 201__-ж. үчүн

Рег. № ___________________________________________________________________

АП аталышы ______________________________________________________________

Ченөө бирдиги: сом _________________________________________________________

Форма

Бажы алымдарын кайтарууга табыштама

Рег. № ______________________________________________

АП аталышы _________________________________________

Ченөө бирдиги: сом ____________________________________

Форма

Евразия экономикалык бирлигинин мүчө-мамлекеттеринин бажы алымдарын бөлүштүрүү боюнча валютадагы суммалары жөнүндө күн сайынкы маалыматы боюнча маалымкат

(теңге)

(бел. рубли)

(рубль)

(драммдар)

Форма

Бажы алымдарын эсепке алуу жана кайтаруу боюнча табыштамаларды каттоо журналы

Форма

Евразия экономикалык бирлигине мүчө-мамлекеттерге которуу үчүн бөлүштүрүлгөн бажы алымдарынын эсептик документи "__" ____________ 201__-ж. үчүн

Форма

Евразия экономикалык бирлигине мүчө мамлекеттерге которуу үчүн бөлүштүрүлгөн бажы алымдары боюнча эсептик документинин каттоо журналы _________________________ 201__-жылы

Форма

ОТЧЕТ

_____________________________________________________________________________________

(Евразия экономикалык бирлигинин мүчө-мамлекеттеринин ыйгарым укуктуу органдарынын аталышы)

"__" ____________ 201__-ж. үчүн

алынып келүүчү бажы алымдарынын суммасын чегерүү жана бөлүштүрүү жөнүндө

1-бөлүм. Мүчө-мамлекеттердин улуттук валютасында

1. Мүчө-мамлекеттердин ыйгарым укуктуу органдарынын бирдиктүү эсебине которулган бажы алымдарынын суммалары

2. Отчеттук күндө бажы алымдарын төлөө эсебине мүчө-мамлекеттердин ыйгарым укуктуу органы тарабынан аткарылган сумма

3. Карызды тындырууга отчеттуу күндө чегерилген бажы алымдарынын суммалары

4. Карыздарды тындыруу эсебине учурдагы күндө чегерилген бажы алымдарынын суммалары

5. Отчеттуу күнгө кайтарылган бажы алымдарынын суммалары

6. Учурдагы күнгө кайтарууга жаткан атайын, демпингге каршы, компенсациялык алымдардын суммалары

7. Отчеттук күндө Улуттук (борбордук) банк тарабынан аткарууга кабыл алынбаган бажы алымдарынын суммалары

8. Мүчө-мамлекеттердин ортосундагы бөлүштүрүүгө жаткан бажы алымдарынын суммалары – бардыгы

анын ичинде:

8.1. Беларусь Республикасынын бюджетине

8.2. Казакстан Республикасынын бюджетине

8.3. Россия Федерациясынын бюджетине

8.4. _____________________________________ (мүчө-мамлекеттердин аталышы) бюджетине

9. Башка мамлекет-мүчөлөрдүн эсебине чет өлкөлүк валютада бажы алымдарынын бөлүштүрүлгөн суммалары, - бардыгы

анын ичинде:

9.1. ________________________________________________ (мүчө-мамлекеттердин аталышы)

9.2. ________________________________________________ (мүчө-мамлекеттердин аталышы)

9.3. ________________________________________________ (мүчө-мамлекеттердин аталышы)

10. Ушул мүчө-мамлекеттин ыйгарым укуктуу органынын бирдиктүү эсебинен которулган бажы алымдарын бөлүштүрүүдө мүчө-мамлекеттердин киреше бюджетине түшүүлөрдүн суммалары

11. Бажы алымдарынын бөлүштүрүлгөн суммалары башка мүчө-мамлекеттин чет өлкөлүк валютада которуу токтотулду, - бардыгы

анын ичинде:

11.1. ________________________________________________ (мүчө-мамлекеттердин аталышы)

11.2. ________________________________________________ (мүчө-мамлекеттердин аталышы)

11.3. ________________________________________________ (мүчө-мамлекеттердин аталышы)

2-бөлүм. Башка мүчө-мамлекеттердин улуттук валютасында

12. Мүчө-мамлекеттин ыйгарым укуктуу органынын эсебине чет өлкөлүк валютада түшүүлөрдүн суммалары:

12.1. ________________________ (мүчө-мамлекеттин аталышы), ______________________ (улуттук валютанын аталышы) бардыгы

анын ичинде:

12.1.1. Мүчө-мамлекеттин ыйгарым укуктуу органынын эсебине чет өлкөлүк валютада түшкөн бажы алымдарынан бөлүштүрүлгөн кирешелери

12.1.2. Протоколдо(*) каралган талаптарды аткарууну бузууда мөөнөтүнөн кечиктиргендиги үчүн пайыздардын мүчө-мамлекеттин ыйгарым укуктуу органдарынын эсебине чет өлкөлүк валютада түшкөн суммасы

12.2. ________________________ (мүчө-мамлекеттин аталышы), ______________________ (улуттук валютанын аталышы) бардыгы

анын ичинде:

12.2.1. Мүчө-мамлекеттин ыйгарым укуктуу органынын эсебине чет өлкөлүк валютада түшкөн бажы алымдарынын бөлүштүрүлгөн кирешелери

12.2.2. Протоколдо(*) каралган талаптарды аткарууну бузууда мөөнөтүнөн кечиктиргендиги үчүн пайыздардын мүчө-мамлекеттин ыйгарым укуктуу органдарынын эсебине чет өлкөлүк валютада түшкөн суммасы

12.3. ________________________ (мүчө-мамлекеттин аталышы), ______________________ (улуттук валютанын аталышы) бардыгы

анын ичинде:

12.3.1. Мүчө-мамлекеттин ыйгарым укуктуу органынын эсебине чет өлкөлүк валютада түшкөн бажы алымдарынын бөлүштүрүлгөн кирешелери

12.3.2. Протоколдо(*) каралган талаптарды аткарууну бузууда мөөнөтүнөн кечиктиргендиги үчүн пайыздардын мүчө-мамлекеттин ыйгарым укуктуу органдарынын эсебине чет өлкөлүк валютада түшкөн суммасы

Форма

ОТЧЕТ

______________________________________________________________________________________

(Евразия экономикалык бирлигинин мүчө-мамлекеттеринин ыйгарым укуктуу органдарынын аталышы) "__" ____________ 201__-ж. үчүн

атайын, демпингге каршы, компенсациялык алымдардын суммасын чегерүү жана бөлүштүрүү жөнүндө

1-бөлүм. Мүчө-мамлекеттердин улуттук валютасында

1. Мүчө-мамлекеттердин ыйгарым укуктуу органдарынын бирдиктүү эсебине которулган атайын, демпингге каршы, компенсациялык алымдардын суммалары

2. Отчеттуу күнгө бажы алымдарын төлөө эсебине мүчө-мамлекеттердин ыйгарым укуктуу органы тарабынан аткарылган сумма

3. Карызды тындырууга отчеттуу күндө чегерилген атайын, демпингге каршы, компенсациялык алымдардын суммалары

4. Карыздарды тындыруу эсебине учурдагы күндө чегерилген атайын, демпингге каршы, компенсациялык алымдардын суммалары

5. Отчеттуу күнгө кайтарылган атайын, демпингге каршы, компенсациялык алымдардын суммалары

6. Учурдагы күнгө кайтарууга жаткан атайын, демпингге каршы, компенсациялык алымдардын суммалары

7. Отчеттуу күндө аткарууга улуттук (борбордук) банк тарабынан кабыл алынбаган атайын, демпингге каршы, компенсациялык алымдардын суммалары

8. Мүчө-мамлекеттердин ортосундагы бөлүштүрүүгө жаткан атайын, демпингге каршы, компенсациялык алымдардын суммалары - бардыгы

анын ичинде:

8.1. Беларусь Республикасынын бюджетине

8.2. Казакстан Республикасынын бюджетине

8.3. Россия Федерациясынын бюджетине

8.4. __________________________________ (мүчө-мамлекеттин аталышы) бюджетине

9. Башка мамлекет-мүчөлөрдүн эсебине чет өлкөлүк валютада которулган атайын, демпингге каршы, компенсациялык алымдардын бөлүштүрүлгөн суммалары - бардыгы

анын ичинде:

9.1. ___________________________________________________ (мүчө-мамлекеттин аталышы)

9.2. ___________________________________________________ (мүчө-мамлекеттин аталышы)

9.3. ___________________________________________________ (мүчө-мамлекеттин аталышы)

10. Ушул мүчө-мамлекеттин ыйгарым укуктуу органынын бирдиктүү эсебинен которулган атайын, демпингге каршы, компенсациялык алымдарды бөлүштүрүүдө мамлекет-мүчөлөрдүн киреше бюджетине түшүүлөрдүн суммалары

11. Атайын, демпингге каршы, компенсациялык алымдардын бөлүштүрүлгөн суммаларын башка мүчө-мамлекеттин чет өлкөлүк валютасын которуу токтотулду, - бардыгы

анын ичинде:

11.1. ___________________________________________________ (мүчө-мамлекеттин аталышы)

11.2. ___________________________________________________ (мүчө-мамлекеттин аталышы)

11.3. ___________________________________________________ (мүчө-мамлекеттин аталышы)

2-бөлүк. Башка мүчө-мамлекеттердин улуттук валютасында

12. Мүчө-мамлекеттин ыйгарым укуктуу органынын эсебине чет өлкөлүк валютада түшүүлөрдүн суммалары:

12.1. ________________________ (мүчө-мамлекеттин аталышы), _____________________ (улуттук валютанын аталышы), - бардыгы

анын ичинде:

12.1.1. Мүчө-мамлекеттин ыйгарым укуктуу органынын эсебине чет өлкөлүк валютада түшкөн атайын, демпингге каршы, компенсациялык алымдардын бөлүштүрүлгөн кирешелери

12.1.2. Протоколдо(*) каралган талаптарды аткарууда бузууда мөөнөтүнөн өткөргөндүгү үчүн пайыздарды мүчө-мамлекеттин ыйгарым укуктуу органдарынын эсебине чет өлкөлүк валютада түшкөн сумма

12.2. ______________________ (мүчө-мамлекеттин аталышы), _____________________ (улуттук валютанын аталышы), - бардыгы

анын ичинде:

12.2.1. Мүчө-мамлекеттин ыйгарым укуктуу органынын эсебине чет өлкөлүк валютада түшкөн атайын, демпингге каршы, компенсациялык алымдардын бөлүштүрүлгөн кирешелери

12.2.2. Протоколдо(*) каралган талаптарды аткарууда бузууда мөөнөтүнөн өткөргөндүгү үчүн пайыздарды мүчө-мамлекеттин ыйгарым укуктуу органдарынын эсебине чет өлкөлүк валютада түшкөн сумма

12.3. ______________________ (мүчө-мамлекеттин аталышы), _____________________ (улуттук валютанын аталышы), - бардыгы

анын ичинде:

12.3.1. Мүчө-мамлекеттин ыйгарым укуктуу органынын эсебине чет өлкөлүк валютада түшкөн атайын, демпингге каршы, компенсациялык алымдардын бөлүштүрүлгөн кирешелери

12.3.2. Протоколдо(*) каралган талаптарды аткарууда мөөнөтүн өткөргөндүгү үчүн пайыздардын мүчө-мамлекеттин ыйгарым укуктуу органдарынын эсебине чет өлкөлүк валютада түшкөн сумма

(*) Алынып келүүчү бажы алымдарынын (башка алымдардын, салыктардын ичинен эквиваленттүү таасирге ээ жыйымдардын) суммаларын чегерүүнүн жана бөлүштүрүүнүн, аларды мүчө-мамлекеттердин бюджеттеринин кирешелерин которуунун тартиби жөнүндө протокол (2014-жылдын 29-майындагы Евразия экономикалык бирлиги жөнүндө келишимдин № 5 тиркемеси)

Форма

"Такталбаган (жаңылыш) түшүүлөр" КЭК

201__-ж. ________ дан ________ чейинки мезгил

Эсептин тиби:

Форма

Акча каражатын тактоо жөнүндө жеткиликтүү билдирүү

201__-ж. _______ дан _______ чейинки мезгил

Эсептин тиби:

Форма

КАП боюнча реестри

"__" ______________ 20__-жылы (күнү, айы, жылы)

Форма

ИКТ боюнча реестри

"__" ______________ 20__-жылы (күнү, айы, жылы)

Форма

Бюджеттин кирешелерин тескөөчүлөрдүн корутундуларын каттоо журналы

Форма

Түшүүчү кирешелердин жана ар кандай деңгээлдеги бюджеттерге түшүүлөрдүн реестри

"__" _____________ 20__-жылы (күнү, айы, жылы)

Форма

Казыналык корутунду реестри

"__" ______________ 20__-жылы (күнү, айы, жылы)

Форма

Түшкөн жыйынды реестри

"__" ______________ 20__-жылы (күнү, айы, жылы)

Форма

"КАП боюнча кирешелер" КЭК

"ИКТ боюнча кирешелер" КЭК