КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 2-декабры № 825

Кыргыз Республикасынын Өкмөтүнүн 2014-жылдын 24-ноябрындагы № 670 "Кыргыз Республикасынын пенсиялык камсыздоо системасын өнүктүрүү концепциясын бекитүү жөнүндө" токтомуна өзгөртүүлөрдү киргизүү тууралуу

Кыргыз Республикасынын Өкмөтүнүн айрым чечимдерин Кыргыз Республикасынын Мыйзамдарына ылайык келтирүү максатында жана 2014-жылдын 29-майындагы Евразия экономикалык бирлиги жөнүндө келишимге Кыргыз Республикасынын кошулгандыгына байланыштуу Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2014-жылдын 24-ноябрындагы № 670 "Кыргыз Республикасынын пенсиялык камсыздоо системасын өнүктүрүү концепциясын бекитүү жөнүндө" токтомуна төмөнкүдөй өзгөртүүлөр киргизилсин:

жогоруда көрсөтүлгөн токтом менен бекитилген Кыргыз Республикасынын пенсиялык камсыздоо системасын өнүктүрүү концепциясында:

- 3-бөлүмдүн 3.1-пунктунун 6-пунктчасынын алтынчы абзацындагы "Россия Федерациясы менен Кыргыз Республикасынын ортосундагы Социалдык камсыздандыруу жаатында кызматташуу жөнүндө" деген сөздөр "Евразия экономикалык бирлигине мүчө-мамлекеттерде эмгектенгендерди пенсиялык камсыздоо жөнүндө" деген сөздөр менен алмаштырылсын;

жогоруда аталган токтом менен бекитилген Кыргыз Республикасынын пенсиялык камсыздоо системасын өнүктүрүү концепциясын ишке ашыруу боюнча иш-чаралардын планында:

- 8, 9, 23 жана 24-пункттардын "Жооптуу аткаруучулар" графасындагы "СӨМ" деген аббревиатура "ЭСӨМ" деген аббревиатура менен алмаштырылсын;

- 18-пункт төмөнкүдөй редакцияда баяндалсын:

"

";

- 19 жана 20-пункттардын "Жооптуу аткаруучулар" графасындагы "ЭМЖМ" деген аббревиатура "ММК" деген аббревиатура менен алмаштырылсын;

- кыскартуулардын тизмесинде:

"СӨМ - Кыргыз Республикасынын Социалдык өнүгүү министрлиги" деген аббревиатура жана сөздөр "ЭСӨМ - Кыргыз Республикасынын Эмгек жана социалдык өнүгүү министрлиги" деген аббревиатура жана сөздөр менен алмаштырылсын;

"ЭМЖМ - Эмгек, миграция жана жаштар министрлиги" деген аббревиатура жана сөздөр "ММК - Кыргыз Республикасынын Өкмөтүнө караштуу Мамлекеттик миграция кызматы" деген аббревиатура жана сөздөр менен алмаштырылсын.

2. Кыргыз Республикасынын Өкмөтүнүн 2013-жылдын 30-апрелиндеги № 222 "Россия Федерациясынын аймагында иштеп жаткан Кыргыз Республикасынын жарандарын-эмгек мигранттарын социалдык жана пенсиялык камсыз кылуу программасы жөнүндө" токтому күчүн жоготту деп таанылсын.

3. Ушул токтом расмий жарыяланган күндөн он күн өткөндөн кийин күчүнө кирет.