КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 15-майы № 278

Кыргыз Республикасынын Өкмөтүнүн 2016-жылдын 15-ноябрындагы № 587 "Эксплуатацияда турган транспорт каражаттарынын конструкциясына өзгөртүү киргизилген учурда аларды кайра жабдуунун эрежелерин бекитүү жөнүндө" токтомуна өзгөртүүлөрдү жана толуктоолорду киргизүү тууралуу

Эксплуатацияда турган транспорт каражаттарынын конструкциясына өзгөртүү киргизилген учурда аларды кайра жабдуу жол-жоболорун өркүндөтүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. "Кыргыз Республикасынын Өкмөтүнүн 2016-жылдын 15-ноябрындагы № 587 "Эксплуатацияда турган транспорт каражаттарынын конструкциясына өзгөртүү киргизилген учурда аларды кайра жабдуунун эрежелерин бекитүү жөнүндө" токтомуна төмөнкүдөй өзгөртүүлөр жана толуктоолор киргизилсин:

жогоруда аталган токтом менен бекитилген Эксплуатацияда турган транспорт каражаттарынын конструкциясына өзгөртүү киргизилген учурда аларды кайра жабдуунун эрежелеринде:

- 3-пунктунун төртүнчү абзацы төмөнкүдөй редакцияда баяндалсын:

"ведомстволор аралык эксперттик комиссия (мындан ары - эксперттик комиссия) - эксплуатацияда турган транспорт каражаттарынын конструкциясына өзгөртүү киргизилген учурда транспорт каражатына алдын ала техникалык экспертиза жүргүзүү үчүн мамлекеттик органдардын адистеринен турган, жол кыймылынын коопсуздук чөйрөсүндөгү ыйгарым укуктуу мамлекеттик органынын же анын аймактык бөлүмүнүн жетекчисинин буйругу менен бекитилген, жол кыймылынын коопсуздук чөйрөсүндөгү ыйгарым укуктуу мамлекеттик органынын же анын аймактык бөлүмүнүн алдындагы эксперттик комиссия.";

- 6-пунктунда:

биринчи абзацындагы "КР ИИМ ПМББга" деген аббревиатуралар "жол кыймылынын коопсуздук чөйрөсүндөгү ыйгарым укуктуу мамлекеттик органына же анын аймактык бөлүмүнө" деген сөздөр менен алмаштырылсын;

экинчи абзацындагы "КР ИИМ ПМББнын башчысынын" деген аббревиатуралар жана сөздөр "жол кыймылынын коопсуздук чөйрөсүндөгү ыйгарым укуктуу мамлекеттик органынын же анын аймактык бөлүмүнүн жетекчисинин" деген сөздөр менен алмаштырылсын;

7-пунктундагы "КР ИИМ ПМББнын" деген аббревиатуралар "жол кыймылынын коопсуздук чөйрөсүндөгү ыйгарым укуктуу мамлекеттик органынын же анын аймактык бөлүмүнүн" деген сөздөр менен алмаштырылсын;

- 8-пункту төмөнкүдөй редакцияда баяндалсын:

"8. Жол кыймылынын коопсуздук чөйрөсүндөгү ыйгарым укуктуу мамлекеттик органынын же анын аймактык бөлүмүнүн ыйгарым укуктуу кызмат адамы эксперттик комиссиянын төрагасы болуп саналат.";

- 11-пунктундагы "5 жумушчу күндүн ичинде" деген цифра жана сөздөр "3 жумушчу күндүн ичинде" деген цифра жана сөздөр менен алмаштырылсын;

- 12-пунктундагы "3 жумушчу күндүн ичинде КР ИИМ ПМББнын башчысына" деген цифра, сөздөр жана аббревиатуралар "1 жумушчу күндүн ичинде жол кыймылынын коопсуздук чөйрөсүндөгү ыйгарым укуктуу мамлекеттик органынын же анын аймактык бөлүмүнүн башчысына" деген цифра жана сөздөр менен алмаштырылсын;

- 13-пунктундагы "15 жумушчу күндүн" деген цифралар жана сөздөр "10 күндүн" деген цифралар жана сөздөр менен алмаштырылсын;

- 4-главанын аталышы төмөнкүдөй редакцияда баяндалсын:

"4. Транспорт каражатынын конструкциясына киргизилген коопсуздук талаптарынын өзгөртүүлөрү менен транспорт каражатынын шайкештиги тууралуу күбөлүктү берүү тартиби";

- 16-пунктунун экинчи абзацы төмөнкүдөй редакцияда баяндалсын:

"Текшерүүнүн жыйынтыгы боюнча транспорт каражатынын ээсине 2 жумушчу күндүн ичинде ушул Эрежелердин 4-тиркемесине ылайык форма боюнча анын конструкциясына киргизилген өзгөртүүлөрү менен транспорт каражатын техникалык кароонун диагностикалык картасы берилет.";

- 17-пункту төмөнкүдөй редакцияда баяндалсын:

"17. Транспорт каражатынын ээси же анын ишеним берилген адамы транспорт каражатынын конструкциясына киргизилген коопсуздук талаптарынын өзгөртүүлөрү менен транспорт каражатынын шайкештиги тууралуу күбөлүктү алуу үчүн жол кыймылынын коопсуздук чөйрөсүндөгү ыйгарым укуктуу мамлекеттик органына же анын аймактык бөлүмүнө төмөнкү документтерди берет:

- эксперттик комиссиянын корутундусун (эксперттик комиссиянын корутундусу жоголуп кеткен учурда жол кыймылынын коопсуздук чөйрөсүндөгү ыйгарым укуктуу мамлекеттик орган же анын аймактык бөлүмү тарабынан берилүүчү жупнуска жарактуу болот);

- транспорт каражатынын конструкциясына өзгөртүүлөрдү киргизүү боюнча аткарылган жумуштардын көлөмү жана сапаты тууралуу маалымкатты;

- анын конструкциясына киргизилген өзгөртүүлөрү менен транспорт каражатын техникалык кароонун диагностикалык картасын.";

- 18-пункту төмөнкүдөй редакцияда баяндалсын:

"18. Ушул Эрежелердин 17-пунктунда аталган документтерди кароонун жыйынтыгы боюнча жол кыймылынын коопсуздук чөйрөсүндөгү ыйгарым укуктуу мамлекеттик органы же анын аймактык бөлүмү 3 жумушчу күндүн ичинде ушул Эрежелердин 5-тиркемесине ылайык форма боюнча анын конструкциясына киргизилген коопсуздук талаптарынын өзгөртүүлөрү менен транспорт каражатынын шайкештиги тууралуу күбөлүктү тариздейт, каттайт жана арыз ээсине берет же себептерин көрсөтүү менен аны берүүдөн баш тартат.

Транспорт каражатынын конструкциясына киргизилген коопсуздук талаптарынын өзгөртүүлөрү менен транспорт каражатынын шайкештиги тууралуу күбөлүктү берүүдөн баш тартууга негиз болуп төмөнкүлөр саналат:

а) анык эмес маалыматты камтыган документтерди берүү;

б) жасалма белгилери бар, ошондой эле жоголгон (уурдалган) деп саналгандардын арасында болгон документтерди берүү;

в) транспорт каражатынын жоктугу;

г) берилген документтерге транспорт каражатынын шайкеш келбестиги.";

- 19-пунктундагы "зарыл болгон бардык документтер" деген сөздөр "транспорт каражатынын конструкциясына киргизилген коопсуздук талаптарынын өзгөртүүлөрү менен транспорт каражатынын шайкештиги тууралуу күбөлүк" деген сөздөр менен алмаштырылсын;

- жогоруда аталган Эрежелердин 1 жана 2-тиркемелериндеги түрдүү жөндөмөдөгү "КР ИИМ ПМББнын башчысы" деген сөздөр тиешелүү жөндөмөлөрдөгү "Жол кыймылынын коопсуздук чөйрөсүндөгү ыйгарым укуктуу мамлекеттик органынын же анын аймактык бөлүмүнүн башчысы" деген сөздөр менен алмаштырылсын;

- Эрежелер ушул токтомдун ,1 жана 2-тиркемелерине ылайык редакцияда 4 жана 5-тиркемелер менен толукталсын.

2. Кыргыз Республикасынын Ички иштер министрлиги жана Кыргыз Республикасынын Өкмөтүнө караштуу Мамлекеттик каттоо кызматы:

- ушул токтомдон келип чыгуучу керектүү чараларды көрүшсүн;

- өз чечимдерин ушул токтомго шайкеш келтиришсин.

3. Ушул токтом расмий жарыяланган күндөн тартып он күн өткөндөн кийин күчүнө кирет.

1-тиркеме

Форма

Конструкциясына киргизилген өзгөртүүлөрү менен транспорт каражатын техникалык кароонун ДИАГНОСТИКАЛЫК КАРТАСЫ

___________________________

(бланктын эсептик номери)

№ _______

Диагностикалык борбор ____________________________________________________________

(аталышы, дареги)

ТРАНСПОРТ КАРАЖАТЫ

ТРАНСПОРТ КАРАЖАТЫНЫН ЖАЛПЫ МҮНӨЗДӨМӨСҮ (конструкциясына өзгөртүүлөр киргизилгенден кийин)

Кайра жабдылган транспорт каражаты Бажы союзунун 018/2011 "Дөңгөлөктүү транспорт каражаттарынын коопсуздугу жөнүндө" Техникалык регламентинин талаптарына ______________________________ (шайкеш келет/шайкеш келбейт)

2-тиркеме

Форма

Конструкциясына киргизилген коопсуздук талаптарынын өзгөртүүлөрү менен транспорт каражатынын шайкештиги тууралуу КҮБӨЛҮК

№ ____________________________

(бланктын эсептик номери)

Жол кыймылынын коопсуздук чөйрөсүндөгү ыйгарым укуктуу мамлекеттик орган же анын аймактык бөлүмү ________________________________________________________________________________________

________________________________________________________________________________________

(аталышы, дареги)

ТРАНСПОРТ КАРАЖАТЫ

ТРАНСПОРТ КАРАЖАТЫНЫН ЖАЛПЫ МҮНӨЗДӨМӨСҮ (конструкциясына өзгөртүүлөр киргизилгенден кийин)

_______________________________________________________________________________________

юридикалык дареги

_______________________________________________________________________________________

(транспорт каражатынын конструкциясына өзгөртүүлөрдү киргизүү мүмкүнчүлүгү жана тартиби жөнүндө корутунду берген юридикалык жактын аталышы)

тарабынан берилген 20__-жылдын "__" ___________ № ______ корутундусуна ылайык

_______________________________________________________________________________________

(жашаган жеринин дареги же юридикалык дареги)

_______________________________________________________________________________________

(транспорт каражатынын конструкциясына өзгөртүү киргизген адамдын аты-жөнү же юридикалык жактын аталышы)

транспорт каражатынын конструкциясына жумушту жасоочу тарабынан төмөнкүдөй өзгөртүүлөр киргизилди:

_______________________________________________________________________________________

_______________________________________________________________________________________

(конструкцияга киргизилген өзгөртүүлөр ырааттуу толук жазылат (орнотулуп жаткан компоненттин маркасы жана тиби, куроо ыкмасы жана башка у.с.; транспорт каражатынын жаңы арналышы (адистештирилиши) көрсөтүлөт)

Конструкциясына өзгөртүүлөр киргизилген транспорт каражаты Бажы биримдигинин 018/2011 ББ ТР "Дөңгөлөктүү транспорт каражаттарынын коопсуздугу жөнүндө" Техникалык регламентинин талаптарына шайкеш келет.

Кошумча маалымат (чектөөсүз же габариттери жана окко болгон оордуктары боюнча ченемдеринен ашкандыгы үчүн чектөөлөрү менен жалпы пайдаланылуучу жолдордо колдонуу мүмкүнчүлүгү, маршруттук транспорт каражаты катарында колдонуу мүмкүнчүлүгү ж.б.)

________________________________________________________________________________________

________________________________________________________________________________________

________________________________________________________________________________________

Таризделген датасы 20__-ж. "__" _____________".