КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2018-жылдын 22-майы № 247

Аскер кызматчыларын, ички иштер, өзгөчө кырдаалдар, улуттук коопсуздук органдарынын органдарынын, жазык-аткаруу системасынын, экономикалык кылмыштар менен күрөшүү чөйрөсүндөгү ыйгарым укуктуу органдын кызматчыларын жана алардын үй-бүлө мүчөлөрүн турак жай менен камсыздоону тартипке келтирүү максатында, Кыргыз Республикасынын Турак жай кодексинин 57-беренесине, "Аскер кызматчыларынын статусу жөнүндө" Кыргыз Республикасынын Мыйзамынын 12-беренесине, "Кыргыз Республикасынын ички иштер органдары жөнүндө" Кыргыз Республикасынын Мыйзамынын 17-беренесине, "Жазык-аткаруу (пенитенциардык) тутумунун органдары жана мекемелери жөнүндө" Кыргыз Республикасынын Мыйзамынын 34-беренесине ылайык, Экономикалык кылмыштар менен күрөшүү чөйрөсүндөгү ыйгарым укуктуу орган жөнүндө" Кыргыз Республикасынын Мыйзамынын 19-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерин жетекчиликке алып, Кыргыз Республикасынын Өкмөтү

(КР Өкмөтүнүн 2019-жылдын 22-ноябрындагы № 624 токтомунун редакциясына ылайык)

ТОКТОМ КЫЛАТ:

1. Аскер кызматчыларына, ички иштер, улуттук коопсуздук, өзгөчө кырдаалдар органдарынын, жазык-аткаруу системасынын, экономикалык кылмыштар менен күрөшүү чөйрөсүндөгү ыйгарым укуктуу органдын кызматкерлерине жана алардын үй-бүлө мүчөлөрүнө мамлекеттик турак жайларды берүү жана аларды пайдалануу тартибинин өзгөчөлүктөрү жөнүндө жобо тиркемеге ылайык бекитилсин.

(КР Өкмөтүнүн 2019-жылдын 22-ноябрындагы № 624 токтомунун редакциясына ылайык)

2. Ушул токтомду ишке ашыруу менен байланышкан чыгымдар тийиштүү жылга бекитилген мамлекеттик органдардын каражаттарынын чегинде жүзөгө ашырылсын.

3. Ушул токтом расмий жарыяланган күндөн тартып он күн өткөндөн кийин күчүнө кирет.

4. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.