Загрузка документа…
КЫРГЫЗ РЕСПУБЛИКАСЫНЫН ӨКМӨТҮ
ТОКТОМ
2019-жылдын 16-октябры № 550
Кыргыз Республикасынын Өкмөтүнүн 2011-жылдын 2-ноябрындагы № 692 "Кыргыз Республикасында санариптик телерадиоберүүгө өтүү жөнүндө" токтомуна өзгөртүүлөрдү киргизүү тууралуу
Кыргыз Республикасында санариптик телерадиоберүүгө радио жыштык спектрин натыйжалуу пайдалануу максатында, "Телекөрсөтүү жана радио уктуруу жөнүндө" жана "Электр жана почта байланышы жөнүндө" Кыргыз Республикасынын мыйзамдарына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү
ТОКТОМ КЫЛАТ:
1. Кыргыз Республикасынын Өкмөтүнүн 2011-жылдын 2-ноябрындагы № 692 "Кыргыз Республикасында санариптик телерадиоберүүгө өтүү жөнүндө" токтомуна төмөнкүдөй өзгөртүүлөр киргизилсин:
1) жогоруда аталган токтом менен бекитилген Кыргыз Республикасында санариптик телерадиоберүүгө өтүү программасында:
- 1-главасынын он алтынчы абзацы күчүн жоготту деп таанылсын;
- 7-главасынын 11-пунктчасынын алтынчы, он бешинчи, он алтынчы абзацтары күчүн жоготту деп таанылсын;
2) жогоруда аталган токтом менен бекитилген Жыштык бөлүктөрүн пайдалануу тартиби (мультиплекстер) ушул токтомдун тиркемесине ылайык редакцияда баяндалсын.
2. Ушул токтом расмий жарыяланган күндөн тартып жети күн өткөндөн кийин күчүнө кирет.
Кыргыз Республикасынын Премьер-министри |
| М. Абылгазиев |
|
| Тиркеме |
|
|
|
|
| "Кыргыз Республикасынын Өкмөтүнүн 2011-жылдын 2-ноябрындагы № 692 токтому менен бекитилген |
Жыштык бөлүктөрүн (мультиплекстерди) пайдалануу ТАРТИБИ
Зона(*) | Жеткиликтүү жыштыктардын жалпы саны | Конкурс же аукцион үчүн | Социалдык пакет | Көйгөйлүү тоскоолдуктарды чечүү үчүн | Мамрезерв(**) | Жергиликтүү жеке ТВ-компаниялары | "РМТР РӨБ" ААК | 694-790 МГц жыштык тилкесиндеги көчмө байланыш кызматтары үчүн(***) | Улуттук коргоо максаттары үчүн радио жыштык спектри(****) |
Баткен | 13 | 1 | 1 | - | 3 | 1 | 3 | 3 | 1 |
Баткен 1, Ош | 22 | 2 | 1 | 3 | 4 | 2 | 3 | 6 | 1 |
Жалал-Абад | 20 | 2 | 1 | 1 | 4 | 2 | 3 | 6 | 1 |
Жалал-Абад | 20 | 2 | 1 | 2 | 4 | 2 | 3 | 6 | 1 |
Талас | 26 | 5 | 1 | - | 5 | 2 | 3 | 7 | 3 |
Чүй | 19 | 2 | 1 | - | 5 | 2 | 3 | 5 | 1 |
Нарын | 44 | 13 | 1 | 2 | 8 | 2 | 3 | 11 | 4 |
Нарын, Ысык-Көл | 45 | 13 | 1 | 2 | 8 | 2 | 3 | 12 | 4 |
Ысык-Көл | 44 | 4 | 1 | 11 | 8 | 2 | 3 | 11 | 4 |
Ысык-Көл | 25 | 4 | 1 | 3 | 5 | 2 | 3 | 5 | 2 |
(*) Зона - аймагында радио жыштык бөлүктөрү пайдаланылган Кыргыз Республикасынын облустары.
(**) телерадио берүү жаатында келечектүү технологияларды киргизүүдө радио жыштык спектринин дефицитин болтурбоо максатында 3төн 8ге чейинки жыштык бөлүктөрү, анын ичинде 174-230 МГц жыштык тилкеси республиканын бүткүл аймагында облустар боюнча мамлекеттик резерв үчүн бекитилген.
(***) Кыргыз Республикасынын Өкмөтүнүн 2018-жылдын 20-мартындагы № 146 токтому менен бекитилген Кыргыз Республикасынын радио кызматтарынын ортосунда радио жыштыктарды бөлүштүрүүнүн улуттук таблицасына ылайык аталган жыштык тилкеси радио уктуруу жана көчмө кызматтар үчүн биринчилик негизде бөлүштүрүлгөн.
(****) Улуттук коргоо, коопсуздук, укуктук тартипти коргоо жана өзгөчө кырдаалдардын кесепеттерин жоюу максаттары үчүн радио жыштык спектриндеги муктаждыкты канааттандыруу максатында.".