КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИ

ТОКТОМ

2022-жылдын 30-марты № 181

Билим берүү системасынын педагогикалык жана айрым категориялардагы кызматкерлсрине эмгек акы төлоонүн шарттары жөнүндө

Иштин натыйжалуулугун жана сапатын жогорулатуу, билим берүү уюмдарынын кызматкерлери үчүн материалдык дем берүү жана шарттарды түзүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр белгиленсин:

1) 7040 сом өлчөмүндөгү минималдуу базалык ставка Кыргыз Республикасынын билим берүү системасынын уюмдарынын кызматкерлеринин тарифтик ставкасын (маянасын) жана эмгек акысынын ставкаларын эсептөө үчүн негиз болуп эсептелери;

2) Кыргыз Республикасынын билим берүү системасынын уюмдарынын кызматкерлеринин тарифтик ставкасы (маянасы) жана эмгек акысынын ставкасы минималдуу базалык ставканын өлчөмүн (7040 сом) кызматтык маяналарга жана ставкаларга карата эселөө коэффициентине көбөйтүү жолу менен эсептелери.

2. Төмөнкүлөр бекитилсин:

1) билим берүү системасынын кызматкерлеринин тарифтик ставкаларына (маяналарына) жана ставкаларына карата эселөө коэффициенттери 1-18-тиркемелерге ылайык;

2) билим берүү системасында иштеген техникалык тейлөөчү персоналдын тарифтик ставкаларына (маяналарына) карата эселөө коэффициенттери, 19-тиркемеге ылайык;

3) билим берүү системасында иштеген кенже тейлоөчү персоналдын тарифтик ставкаларына (маяналарына) карата эселөө коэффициенттери, 20-тиркемеге ылайык;

4)Билим берүү системасынын педагогикалык жана айрым категориялардагы кызматкерлерине эмгек акы төлөө жөнүндө жобо 21 -тиркемеге ылайык.

3. Атайын эсептин каражаттарынын эсебинсн каржылануучу билим берүү уюмдарынын кызматкерлерине эмгек акы төлөөнүн шарттары билим берүү уюму тарабынан аныкталат.

Кызматтык маяналарга жана ставкаларга карата эселөө коэффициенттери жана саатына жараша эмгек акы төлөөнүн өлчөмдөрү бюджеттик эсептин каражаттарынын эсебинен каржылануучу билим берүү уюмдарынын кызматкерлеринин тиешелүү кызмат орду боюнча кызматтык маяналарына, ставкаларына жана саатына жараша эмгек акы төлөөнүн өлчөмдөрүнө карата эселөө коэффициенттеринен төмөн болбоого тийиш.

4. Педагогикалык иштин стажы, окумуштуулук даражасы, ардак наамдары, бийик тоолуу жана алыскы шарттарда иштегендиги, квалификациялык категориясы, ошондой эле иштин өзгөчө шарттары үчүн кошумча төлөөлөр жана үстөк акылар Кыргыз Республикасынын тиешелүү ченемдик укуктук актылары менен аныкталат.

5. Тиешелүү предметтер боюнча мугалимдер жана окутуучулар болбогон учурда толук ставкада иштеген жетекчилерге төмөнкүдөй окутуучулук ишти жүргүзүүгө уруксат берилсин:

1) мектепке чейинки билим берүү уюмдарында - жумасына 18 сааттан ашык эмес;

2) жалпы билим берүү уюмдарында, баштапкы кесиптик билим берүү уюмдарында, балдар үйлөрүндө - 5-11-класстарда - жумасына 9 сааттан ашык эмес, 1-4-класстарда - жумасына 8 сааттан ашык эмес;

3) мектептен тышкары уюмдарда - жумасына 10 сааттан ашык эмес;

4) орто кесиптик билим берүү уюмдарында - окуу жылында 360 сааттан ашык эмес;

5) жогорку кесиптик билим берүү уюмдарында - тиешелүү кызмат орду боюнча кызматтык маянасынын 0,5 ставкасынан ашык эмес;

6) маданият жана искусство жаатындагы балдар мектептеринде - жумасына 18 сааттан ашык эмес.

Жалпы билим берүү уюмдарында 0,75, 0,5 жана 0,25 ставкада иштеген директордун окуу-тарбия иштери боюнча орун басарларына, балдар менен класстан тышкары жана мектептен тышкары иштерди уюштуруучуларга 5-11-класстарга тиешелүү түрдө жумасына 14, 18 жана 23 сааттан ашык эмес жүргүзүүгө уруксат берилсин.

(КР Министрлер Кабинетинин 2022-жылдын 16-декабрындагы № 681 токтомунун редакциясына ылайык)

6. Жалпы билим берүү уюмдарынын социалдык педагогдоруна жана лаборанттарына төмөнкүлөргө уруксат берилсин:

- мугалимдер жана окутуучулар болбогон учурда тиешелүү предметтер боюнча жумасына 9 сааттан ашык эмес окутуучулук ишти жүргүзүүгө;

- 0,75, 0,5 жана 0,25 ставкаларда иштегсндерге 5-11-класстарга тиешелүү түрдө 14, 18 жана 23 сааттан ашык эмес жүргүзүүгө.

7. Кыргыз Республикасынын Өкмөтүнүн 2011-жылдын 27-январындагы № 30 "Бюджеттик каржылоодогу мекемелерде, уюмдарда жана ишканаларда окуу сабактарын өткөрүүгө тартылган кызматкерлердин эмгек акысын төлөөнүн шарттарын жана эмгек акыны саатына төлөөнүн ставкаларын бекитүү жөнүндө" токтомуна төмөнкүдөй өзгөртүүлөр киргизилсин:

- жогоруда аталган токтомдун 1-тиркемесинде: 7-пунктундагы "саатына 200 сом, кийимчен позада тургандыгы үчүн саатына 100 сом" деген сөздөр "саатына 360 сом, жарым кийимчен позада тургандыгы үчүн - 270 сом, кийимчен позада тургандыгы үчүн саатына 180 сом" деген сөздөр менен алмаштырылсын;

- жогоруда аталган токтомдун 2-тиркемеси ушул токтомдун 22-тиркемесине ылайык редакцияда баяндалсын.

8. Кыргыз Республикасынын Өкмөтүнүн 2013-жылдын 30-майындагы № 302 "Айыл аймактарынын жана шаарлардын жергиликтүү бюджеттеринен каржылануучу билим берүү уюмдарын Кыргыз Республикасынын Билим берүү жана илим министрлигинин аймактык бөлүмдөрү аркылуу республикалык бюджеттен каржылоого которуу жөнүндө" токтомуна төмөнкүдой озгөртүү киргизилсин:

жогоруда аталган токтом менен бекитилген Райондук (шаардык) билим берүү бөлүмдөрүнүн (башкармалыктарынын) борбордоштурулган бухгалтерияларынын типтүү штаттарында:

3-пункту "Бухгалтер" деген сөздөн кийин "(эки же андан көп бухгалтер болгон учурда, товарларды жана кызмат көрсөтүүлөрдү сатып алуу боюнча адистин милдеттери бир бухгалтерге жүктөлөт)" деген сөздөр менен толукталсын.

9. (КР Министрлер Кабинетинин 2022-жылдын 1-августундагы № 434 токтомуна ылайык күчүн жоготту)

10. Кыргыз Республикасынын Өкмөтүнүн 2017-жылдын 5-октябрындагы № 648 "Жалпы билим берүүчү уюмдардын мугалимдерине квалификациялык категориясы үчүн кошумча төлөмдөр жөнүндө" токтомуна төмөнкүдөй өзгөртүүлөр киргизилсин:

- 1-пунктундагы "2000", "1500" жана "1000" деген цифралар "5000", "3000" жана "2000" деген цифралар менен алмаштырылсын;

- 4-пункту күчүн жоготту деп таанылсын.

11. Кыргыз Республикасынын министрликтери жана ведомстволору 2022-2023-окуу жылы башталганга чейин 2021-жылдын 1-сентябрына карата белгиленген билим берүү уюмдарынын педагогикалык кызматкерлери үчүн жүктөмдордү сактасын.

12. Ушул токтомдун колдонулушу мамлекеттик жана муниципалдык уюмдарга жана мекемелерге жайылтылат деп белгиленсин.

12¹. Республикалык маанидеги шаарлардын жергиликтүү өз алдынча башкаруу органдары республикалык маанидеги шаарлардын жергиликтүү бюджетинин эсебинен каржылануучу кызматкерлердин кызматтык маяналарына шаардык кеңештин чечими менен бекитилүүчү үстөктөрдү жана төлөмдөрдү белгилеши мүмкүн деп белгиленсин.

(КР Министрлер Кабинетинин 2023-жылдын 25-апрелиндеги № 217 токтомунун редакциясына ылайык)

13. Кыргыз Республикасынын Финансы министрлиги:

- 2022-жылга республикалык бюджетте билим берүү системасынын кызматкерлеринин эмгек акысын көбөйтүүго кошумча ассигнованиелерди карасын;

- "Кыргыз Республикасынын 2022-жылга республикалык бюджетти жана 2023-2024-жылдарга болжолу жөнүндө" Кыргыз Республикасынын Мыйзамына өзгортүүлөрдү киргизүү тууралуу" Кыргыз Республикасынын Мыйзамынын долбоорун иштеи чыгууда ушул токтомдон келип чыгуучу өзгөртүүлөрдү карасын.

14. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2011-жылдын 31-майындагы № 270 "Билим берүү уюмдарынын кызматкерлеринин эмгек акыларын эсептөөнүн тартиби жөнүндө нускаманы бекитүү тууралуу" токтому;

2) Кыргыз Республикасынын Өкмөтүнүн 2011-жылдын 23- августундагы № 489 "Социалдык чөйрөдө иштеген техникалык жана кенже тейлөөчү персоналдын кызматтык маяналарын бекитүү жөнүндө" токтому;

3) Кыргыз Республикасынын Өкмөтүнүн 2013-жылдын 24- июнундагы № 373 "Кыргыз Республикасынын Өкмөтүнүн билим берүүчү уюмдардын кызматкерлерине эмгек акы төлөө шарттарына тиешелүү айрым чечимдерине өзгөртүүлөрдү жана толуктоолорду киргизүү жөнүндө" токтому;

4) Кыргыз Республикасынын Өкмөтүнүн 2013-жылдын 31-декабрындагы № 720 "Билим берүү уюмдарынын кызматкерлерине эмгек акы төлөө шарттарына тиешелүү Кыргыз Республикасыиьш Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому;

5) Кыргыз Республикасынын Өкмөтүнүн 2015-жылдын 9-июлундагы № 473 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому;

6) Кыргыз Республикасынын Өкмөтүнүн 2015-жылдын 10- июлундагы № 480 "Кыргыз Республикасынын Өкмотүнүн айрым чечимдерине өзгөртүүлорду киргизүү жөнүндө" токтому;

7) Кыргыз Республикасынын Өкмөтүнүн 2015-жылдын 11- сентябрындагы № 628 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоо киргизүү жөнүндө" токтому;

8) Кыргыз Республикасынын Өкмөтүнүн 2015-жылдын 16-октябрындагы № 711 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому;

9) Кыргыз Республикасынын Өкмөтүнүн 2016-жылдын 27-апрелиндеги № 216 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 3-пункту;

10) Кыргыз Республикасынын Өкмөтүнүн 2016-жылдын 23-ноябрындагы № 612 "Кыргыз Республикасынын Эмгек жана социалдык өнүктүрүү министрлигинин Республикалык протездик-ортопедиялык буюмдар мекемесинин кызматкерлерине эмгек акы төлөөнүн шарттары жөнүндө" токтомунун 5-пункту;

11) Кыргыз Республикасынын Өкмотүнүн 2018-жылдын 6-апрелиндеги № 190 "Кыргыз Республикасынын Өкмөтүнүн 2011-жылдын 31-майындагы № 270 "Билим берүү уюмдарынын кызматкерлеринин эмгек акыларын эсептөөнүн тартиби жөнүндө нускаманы бекитүү тууралуу" токтомуна өзгөртүү киргизүү жонүндө" токтому;

12) Кыргыз Республикасынын Өкмөтүнүн 2018-жылдын 15-майындагы № 234 "Кыргыз Республикасынын Өкмөтүнүн билим берүү чөйрөсүндогү айрым чечимдерине өзгөртүүлөрдү киргизүү жөнүндө" токтомунун 3-пункту;

13) Кыргыз Республикасынын Өкмөтүнүн 2018-жылдын 19-ноябрындагы № 538 "Кыргыз Республикасынын Өкмөтүнүн 2011-жылдын 23-августундагы № 489 "Социалдык чөйрөдө иштеген техникалык жана кенже тейлөөчү персоналдын кызматтык маяналарын бекитүү жөнүндө" токтомуна өзгөртүү киргизүү тууралуу" токтому;

14) Кыргыз Республикасынын Өкмөтүнүн 2019-жылдын 2-майындагы № 204 "Башталгыч кесиптик билим берүүнүн мамлекеггик билим берүү уюмдарынын кызматкерлерине эмгек акы төлөө шарттарын регламеттөөчү Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому;

15) Кыргыз Республикасынын Өкмотүнүн 2019-жылдын 30-сентябрындагы  № 511 "Билим берүү системасынын айрым категориядагы кызматкерлерине эмгек акы төлөө шарттары жөнүндө" токтому;

16) Кыргыз Республикасынын Өкмотүнүн 2019-жылдын 3-декабрындагы № 649 "Кыргыз Республикасынын Өкмөтүнүн 2019-жылдын 30-сентябрындагы № 511 "Билим берүү системасынын айрым категориядагы кызматкерлерине эмгек акы төлөө шарттары жөнүндө" токтомуна өзгөртүүлөрдү киргизүү тууралуу" токтому;

17) Кыргыз Республикасынын Окмотүнүн 2021-жылдын 26-апрслиидеги № 172 "Кыргыз Республикасынын Өкмотүнүн билим берүү чөйрөсүндогү айрым чечимдерине озгортүүлордү киргизүү жөнүндө" токтомунун 2, 3-пункттары.

15. Кыргыз Республикасынын министрликтери, мамлекеттик комитети жана административдик ведомстволору ушул токтомдон келип чыгуучу тиешелүү чараларды көрсүн.

16. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

17. Бул токтом расмий жарыяланууга тийиш жана 2022-жылдын 1-апрелинен тартып күчүнө кирет.

“Эркин-Тоо” мамлекеттик расмий гезитинин 2022-жылдын 22-апрелиндеги № 37-38 (3372-3373) саны менен жарыяланды

Жалпы билим берүү уюмдарынын (мектептер жана бардык типтеги жана аталыштагы мектеп-интернаттар), баштапкы кесиптик билим берүү уюмдарынын жалпы билим берүү дисциплиналарынын мугалимдеринин, маданият жана искусство жаатындагы балдар мектептеринин окутуучуларынын ставкаларына эселөө КОЭФФИЦИЕНТИ

(Кыргыз Республикасынын Министрлер Кабинетинин 2023-жылдын 14-августундагы № 416, 2023-жылдын 28-сентябрындагы № 510, 2023-жылдын 24-ноябрындагы № 627,  2025-жылдын 29-июлундагы № 452 токтомдорунун редакцияларына ылайык)

Эскертүү:

1. Балдар үйлөрүндөгү, атайын мектеп-интернаттардагы, жетим балдар жана ата-энесинин камкордугусуз калган балдар үчүн мектеп-интернаттардагы мугалимдердин, баштапкы кесиптик билим берүү уюмдарынын адистештирилген (реабилитациялык) топторундагы окутуучулардын ставкасына эселөө коэффициенти тиешелүү билим деңгээлине ээ болгон мугалимдин ставкасына эселөө коэффициентинен 25 пайызга жогору белгиленет.

2. Жалпы билим берүү уюмдарынын окуу китептери (колдонмолору) апробацияланып жаткан класстарда сабак берген мугалимдин ставкасына эселөө коэффициенти тиешелүү билим деңгээлине ээ болгон мугалимдин эселөө коэффициентинен 100%га жогору белгиленет, бул эреже дептерлерди текшерүү боюнча да колдонулат.

3. Кол жазмаларды жана даяр окуу китептерин бекитүүгө жана тираждоого чейин экспертиза жүргүзүү үчүн тартылуучу эксперттердин эмгегине саатына акы төлөөнүн өлчөмү 351 сом өлчөмүндө белгиленет.

4. Жалпы типтеги мектеп-интернаттардын мугалимдеринин ставкасына эселөө коэффициенти билим берүүнүн тиешелүү деңгээлиндеги мугалимдин эселөө коэффициентинен 10 пайызга жогору белгиленет.

5. (КР Министрлер Кабинетинин 2025-жылдын 29-июлундагы № 452 токтомуна ылайык күчүн жоготту)

6. Кыргыз Республикасынын Президентине караштуу № 99 маалыматтык технологиялар кесиптик лицейинин мугалиминин ставкасына эселөө коэффициенти тиешелүү билими бар мугалимдин ставкасына эселөө коэффициентинен 100%га жогору белгиленет.

Мектепке чейинки билим берүү уюмдарынын, бардык типтеги жана аталыштагы мектеп-интернаттарынын жана балдар үйлөрүнүн, балдарды реабилитациялоо, өнүктүрүү жана үй-бүлөнү колдоо боюнча адистештирилген борборлордун тарбиячыларынын ставкаларына эселөө КОЭФФИЦИЕНТИ

Эскертүү:

1. Балдар үйлөрүндөгү жана атайын мектеп-интернаттарындагы тарбиячылардын ставкасына эселөө коэффициенти тиешелүү билим деңгээлине ээ болгон тарбиячынын ставкасына эселөө коэффициентинен 25 пайызга жогору белгиленет.

2. Мектепке чейинки билим берүү уюмунун, балдар үйлөрүнүн жана бардык типтеги жана аталыштагы мектеп-интернаттарынын улук тарбиячысынын ставкасына эселөө коэффициенти тиешелүү билим деңгээлине ээ болгон улук тарбиячынын ставкасына эселөө коэффициентинен 10 пайызга жогору белгиленет.

Мектептен тышкаркы билим берүү уюмдарындагы ийримдердин окутуучуларынын ставкаларына эселөө КОЭФФИЦИЕНТИ

(КР Министрлер Кабинетинин 2026-жылдын 23-январындагы № 23 токтомдорунун редакцияларына ылайык)

Эскертүү:

Орто кесиптик билим берүү уюмдарынын окутуучуларынын ставкаларына эселөө КОЭФФИЦИЕНТИ

Эскертүү:

- Т.Абдымомунов атындагы Кыргыз улуттук академиялык драма театрынын алдындагы театралдык окуу жайынын, Каракол шаарынын Ы.Туманов атындагы мамлекеттик музыкалык окуу жайынын, Жалал-Абад маданият техникумунун, Республикалык маданият колледжинин окутуучусунун ставкасына эселөө коэффициенти тиешелүү билим деңгээлине ээ болгон окутуучунун ставкасына эселөө коэффициентинен 50 пайызга жогору белгиленет.

Баштапкы кесиптик билим берүү уюмдарынын өндүрүштүк окутуу устаттарынын тарифтик ставкаларына (маяналарына) эселөө КОЭФФИЦИЕНТИ

(КыргызРеспубликасынын Министрлер Кабинетинин 2023-жылдын 24-ноябрындагы № 627 токтомунун редакциясына ылайык)

Эскертүү:

1. Баштапкы кесиптик билим берүү уюмдарынын өндүрүштүк окутуу устаттарынын тарифтик ставкалары (маяналары) жумасына 40 сааттык иш үчүн белгиленет.

2. Өндүрүштүк окутуу мезгилинде окуу топторунун толукталышы 12-15 адам санында белгиленет.

3. Адистештирилген реабилитациялык топтордо (ден соолугунун мүмкүнчүлүгү чектелүү балдар, кароосуз калган балдар) жана түзөтүү мекемелериндеги балдар менен иштөөдө өндүрүштүк окутуу устаттарынын тарифтик ставкалары (маяналары) 6 адамдан кем эмес толукталган окуу топторундагы иш үчүн белгиленет.

4. Адистештирилген реабилитациялык топтордо иштеген өндүрүштүк окутуу устаттарынын тарифтик ставкаларына (маяналарына) эселөө коэффициенти тиешелүү билим деңгээлине ээ болгон өндүрүштүк окутуу устатынын тарифтик ставкасына (маянасына) эселөө коэффициентинен 25 пайызга жогору белгиленет.

5. Кыргыз Республикасынын Президентине караштуу № 99 маалыматтык технологиялар кесиптик лицейинде иштеген өндүрүштүк окутуу устаттарынын тарифтик ставкасына (маянасына) эселөө коэффициенти тиешелүү билим деңгээлине ээ болгон өндүрүштүк окутуу устаттарынын тарифтик ставкасына (маянасына) эселөө коэффициентинен 100%га жогору белгиленет.

Жогорку кесиптик, кошумча кесиптик билим берүү уюмдарынын профессордук-окутуучулук курамынын тарифтик ставкасына (маянасына) эселөө КОЭФФИЦИЕНТИ

Эскертүү:

1. Факультеттин деканынын, факультеттин деканынын орун басарынын жана кафедра башчысынын милдеттерин аткаруу үчүн айына тиешелүү түрдө 1440, 1080 жана 900 сом өлчөмүндө кошумча акы белгиленет.

И.К.Ахунбаев атындагы Кыргыз мамлекеттик медицина академиясынын, С.Б.Данияров атындагы Кыргыз мамлекеттик медициналык кайра даярдоо жана квалификацияны жогорулатуу институтунун жана анын Түштүк филиалынын, клиникалык иштерди жүргүзүүчү жогорку кесиптик билим берүү уюмдарынын медициналык факультеттеринин профессордук-окутуучулук курамынын тарифтик ставкаларына (маяналарына) эселөө коэффициенти тиешелүү окумуштуулук даражасы жана окумуштуулук наамы бар профессордук-окутуучулук курамынын тарифтик ставкасына (маянасына) эселөө коэффициентинен 25 пайызга жогору белгиленет.

3. И.К.Ахунбаев атындагы Кыргыз мамлекеттик медицина академиясынын, С.Б.Данияров атындагы Кыргыз мамлекеттик медициналык кайра даярдоо жана квалификацияны жогорулатуу институтунун жана анын Түштүк филиалынын, жогорку кесиптик билим берүү уюмдарынын медициналык факультеттеринин орто медициналык билими бар ассистент-стажерлорунун, окутуучуларынын тарифтик ставкаларына (маяналарына) эселөө коэффициенти 1,407 өлчөмүндө белгиленет.

Мектепке чейинки билим берүү уюмунун директорунун тарифтик ставкасына (маянасына) эселөө КОЭФФИЦИЕНТИ

Жалпы билим берүү уюмдарынын (бардык типтеги жана аталыштагы мектептердин жана мектеп-интернаттардын, балдар үйлөрүнүн), реабилитациялоо, балдарды өнүктүрүү жана үй-бүлөнү колдоо адистештирилген борборлорунун, маданият жана искусство жаатындагы балдар мектептеринин жетекчилеринин тарифтик ставкасына (маянасына) ЭСЕЛӨӨ КОЭФФИЦИЕНТИ

(КР Министрлер Кабинетинин 2023-жылдын 14-августундагы № 416, 2023-жылдын 28-сентябрындагы № 510, 2025-жылдын 29-июлундагы № 452  токтомдорунун редакцияларына ылайык)

Эскертүү:

1. Тарифтик ставканы (маянаны) аныктоодо бюджеттин каражаттарынын эсебинен окуган окуучулардын (тарбиялануучулардын) контингенти эске алынат.

2. Бардык типтеги жана аталыштагы мектеп-интернаттарда, реабилитациялоо, балдарды өнүктүрүү жана үй-бүлөнү колдоо адистештирилген борборлорунда келип окуган окуучулардын контингенти 0,5 коэффициент менен эске алынат.

3. Балдар үйлөрүнүн, атайын мектептердин жана бардык типтеги жана аталыштагы мектеп-интернаттардын директорунун, директордун орун басарларынын, класстан тышкаркы жана мектептен тышкаркы ишти уюштуруучулардын тарифтик ставкасына (маянасына) эселөө коэффициенттери тийиштүү жалпы билим берүүчү уюмдардын директорлорунун, директордун орун басарларынын, балдар менен класстан тышкаркы жана мектептен тышкаркы ишти уюштуруучуларынын тарифтик ставкасына (маянасына) эселөө коэффициентинен 25 пайызга жогору белгиленет.

4. Маданият жана искусство балдар мектептеринде жетекчилердин тарифтик ставкасына (маянасына) эселөө коэффициентин аныктоодо окуган балдардын контингенти 10 коэффициент менен эске алынат.

5. (КР Министрлер Кабинетинин 2025-жылдын 29-июлундагы № 452 токтомуна ылайык күчүн жоготту)

Мектептен тышкаркы билим берүү уюмдарынын жетекчилеринин тарифтик ставкаларына (маяналарына) эселөө КОЭФФИЦИЕНТИ

(КР Министрлер Кабинетинин 2023-жылдын 14-августундагы № 416, 2026-жылдын 23-январындагы № 23 токтомунун редакциясына ылайык)

Эскертүү;

1. Тарифтик ставкага (маянага) эселөө коэффициентин аныктоодо бюджеттик каражаттын эсебинен окуган балдардын контингенти эсепке алынат.

Баштапкы кесиптик билим берүү уюмдарынын жетекчилеринин тарифтик ставкаларына (маяналарына) эселөө КОЭФФИЦИЕНТИ

(КыргызРеспубликасынын Министрлер Кабинетинин 2023-жылдын 24-ноябрындагы № 627 токтомунун редакциясына ылайык)

Эскертүү:

1. Жетекчилердин тарифтик ставкаларына (маяналарына) эселөө коэффициентин аныктоодо бюджеттик каражаттын эсебинен окуган балдардын контингенти эсепке алынат.

2. Жалпы орто жана кесиптик билим берүүнүн интеграцияланган программаларын ишке ашыруучу баштапкы кесиптик билим берүү уюмдарынын директорлорунун, директорлордун орун басарларынын тарифтик ставкаларына (маяналарына) эселөө коэффициенти баштапкы кесиптик билим берүү уюмдарынын директорлорунун жана директорлордун орун басарларынын тарифтик ставкаларына (маяналарына) эселөө коэффициентинен 10 пайызга жогору белгиленет.

3. Кыргыз Республикасынын Президентине караштуу № 99 маалыматтык технологиялар кесиптик лицейинин директордун жана директорунун орун басарларынын тарифтик ставкасына (маянасына) эселөө коэффициенти баштапкы кесиптик билим берүү уюмдарынын директорлорунун жана орун басарларынын тарифтик ставкасына (маянасына) эселөө коэффициентинен 100%га жогору белгиленет.

Орто кесиптик билим берүү уюмдарынын жетекчилеринин тарифтик ставкаларына (маяналарына) эселөө КОЭФФИЦИЕНТИ

Эскертүү:

1. Тарифтик ставкага (маянага) эселөө коэффициентин аныктоодо бюджеттик каражаттын эсебинен окуган студенттердин контингенти эсепке алынат.

2. Маданият жана искусство орто кесиптик билим берүү уюмдарында алардын жетекчилеринин тарифтик ставкаларына (маяналарына) эселөө коэффициентин аныктоодо студенттердин контингенти 5 коэффициенти менен эсепке алынат.

Жогорку кесиптик билим берүү уюмдарынын жетекчилеринин тарифтик ставкаларына (маянасына) эселөө КОЭФФИЦИЕНТИ

Эскертүү:

1. Тарифтик ставкага (маянага) эселөө коэффициентин аныктоодо бюджеттик каражаттын эсебинен окуган студенттердин жана аспиранттардын контингенти эсепке алынат.

2. Маданият жана искусство жогорку кесиптик билим берүү уюмдарында алардын жетекчилеринин кызматтык маяналарына эселөө коэффициентин аныктоодо студенттердин жана аспиранттардын контингенти 5 коэффициенти менен эсепке алынат.

Баштапкы кесиптик билим берүү уюмдарынын кызматкерлеринин айрым категорияларынын тарифтик ставкасына (маянасына) эселөө КОЭФФИЦИЕНТИ

(Кыргыз Республикасынын Министрлер Кабинетинин 2023-жылдын 14-августундагы № 416, 2023-жылдын 24-ноябрындагы № 627 токтомдорунун редакцияларына ылайык)

Эскертүү:

1. Баштапкы кесиптик билим берүүчү кесиптик лицейлердин башкы бухгалтерине тарифтик ставкасына (маянасына) 20 пайыз өлчөмүндө үстөк акы белгиленет.

150 орундан кем эмес стационардык ашканасы бар баштапкы кесиптик билим берүү уюмдарында башкы бухгалтерге тарифтик ставкасына (маянасына) 30 пайыз өлчөмүндө үстөк акы белгиленет.

150 орундан кем эмес стационардык ашканасы бар баштапкы кесиптик билим берүү уюмдарынын кесиптик лицейлеринин башкы бухгалтерине тарифтик ставкасына (маянасына) 30 пайыз өлчөмүндө үстөк акы белгиленет.

2. Дене тарбия жана жаштарды аскерге чакырылганга чейинки даярдоо боюнча жетекчилердин тарифтик ставкасына (маянасына), эгер спорт залы же спорт аянтчасы болсо жыл ичинде 240 окуу сааты үчүн, алар болбогон учурда жыл ичинде 360 окуу сааты үчүн акы төлөө кирет.

Сабактан тышкаркы дене тарбия-спорттук иштерге (спорттук ийримдерге сабак өтүү, массалык иш-чараларды өткөрүү) иш жүзүндө жумшалган убакыт боюнча төлөнөт.

3. Ушул тиркеменин 1-18-пункттарында көрсөтүлгөн Кыргыз Республикасынын Президентине караштуу № 99 маалыматтык технологиялар кесиптик лицейинин кызматкерлеринин тарифтик ставкасына (маянасына) эселөө коэффициенти баштапкы кесиптик билим берүү уюмдарынын кызматкерлеринин тарифтик ставкасына (маянасына) эселөө коэффициентинен 100%га жогору белгиленет.

Райондук жана шаардык билим берүү бөлүмдөрүнүн борборлоштурулган бухгалтерияларынын кызматкерлеринин тарифтик ставкасына (маянасына) эселөө КОЭФФИЦИЕНТИ

Эскертүү:

1. Борборлоштурулган бухгалтериянын кызматкерлерине иштеген жылдары үчүн иш стажы үчтөн сегиз жылга чейин болгондо - тарифтик ставкасынын (маянасынын) 10 пайызы, сегизден он үч жылга чейин - 20 пайызы жана он үч жылдан жогору - 30 пайызы өлчөмүндө ай сайын кошумча акы белгиленет.

2. Иштеген жылдары үчүн үстөк акы башка үстөк акыларды жана кошумча акыларды эсепке албастан эсептелет.

3. Борборлоштурулган бухгалтериянын кызматкерлерине эмгектик өргүүгө чыкканда эки айлык эмгек акы фондунун өлчөмүндө ден соолугун чыңдоого жөлөкпул төлөнөт.

Билим берүүнүн райондук (шаардык) бөлүмдөрүнүн (башкармалыктарынын) алдындагы окуу-методикалык кабинеттердин кызматкерлеринин тарифтик ставкасына (маянасына) эселөө КОЭФФИЦИЕНТИ

Эскертүү: Билим берүүнүн райондук (шаардык) бөлүмдөрүнүн (башкармалыктарынын) алдындагы окуу-методикалык кабинеттеринин методисти кызмат ордуна жогорку билимдүү жана 5 жылдан ашык педагогикалык иш стажы бар адам дайындалат.

Б.Сыдыков атындагы Кыргыз-Өзбек эл аралык университетинин алдындагы Котормо, өзбек тилинде окуткан мектептер үчүн окуу китептерин, программаларды жана окуу-методикалык адабияттарды түзүү боюнча борбордун кызматкерлеринин тарифтик ставкасына (маянасына) эселөө КОЭФФИЦИЕНТИ

Бюджеттик каржылоодогу мекемелерде, уюмдарда жана ишканаларда окуу сабактарын өткөрүүгө тартылган кызматкерлерге саатына эмгек акы төлөөнүн СТАВКАЛАРЫ

(сом менен)