№

Жол-жобонун аталышы

Эскертүү

1

Кыргыз Республикасынын жаранынын 2006-жылдын үлгүсүндөгү жалпы жарандык паспортун тариздөөгө документтерди кабыл алуу жана текшерүү

- паспортту тариздөөгө документтер ЖААККПК бөлүмдөрүнүн жана КТБнын кызматкерлери тарабынан кабыл алынат;

- документтер мыйзамдарга ылайык толуктугуна, оңдоолордун жана жасалмалоонун белгилеринин болуусуна, колдонуу мөөнөтүнө карата текшерилет.

Берилген документтерде жогоруда аталган негиздемелер аныкталган учурда ЖААККПК бөлүмүнүн жана КТБнын жетекчилигине, ошондой эле ички иштер органдарына дароо билдирилет, 3 нускада акт түзүлөт, анын бирөө бир жумуш күндүн ичинде ЖААККПК бөлүмүнүн жана/же КТБнын жайгашкан жери боюнча ички иштер органдарына жиберилет, экинчиси - ЖААККПК бөлүмүндө жана/же КТБда калат, үчүнчүсү - арыз ээсине берилет. Оңдоолор жана/же жасалмалоонун белгилери аныкталган документтерди берген арыз ээсине анкета-арызды тариздөө үчүн документтерди кабыл алуу маселеси ички иштер органдары тарабынан акыркы чечим чыгарылгандан кийин чечилет.

- фотосүрөт арыз ээсинин тышкы келбети менен салыштырылып текшерилет, фотосүрөттүн сапатына баа берилет, тышкы өңү-түсү өзгөрсө медициналык маалымкаттын болуусу.

2

Анкета-арызды толтуруу, тариздөө жана жөнөтүү

- анкета-арыз ЖААККПК бөлүмүнүн/КТБнын кызматкери тарабынан толтурулат;

-жалпы жарандык паспортту алуу үчүн анкета-арыз электрондук мамлекеттик кызмат көрсөтүү порталы боюнча берилет.

Анкета-арыз корголгон электрондук байланыш каналдары аркылуу Мамлекеттик жекелештирүү борборуна электрондук түрдө жиберилет, анкета-арызга тиркелген документтер сканерленип, анкета-арыз менен бирге жөнөтүлөт.

3

Жалпы жарандык паспортту берүү

жалпы жарандык паспорт арыз ээсинин же анын мыйзамдуу өкүлүнүн өз колуна берилет.

Жол-жоболордун жана иш-аракеттердин аталышы

Аткаруучу, кызмат адамы

Иш-аракеттин узактыгы

Иш-аракеттин жыйынтыгы

Иш-аракетти жөнгө салган документ

1

2

3

4

5

1-жол-жобо: Кыргыз Республикасынын жаранынын 2006-жылдын үлгүсүндөгү жалпы жарандык паспортун тариздөөгө документтерди кабыл алуу жана текшерүү

1.1. Идентификациялык картаны жана жалпы жарандык паспортту алуу үчүн кайрылган арыз ээсин кабыл алат;

1.2. Документтердин ушул Административдик регламент менен белгиленген тизмекке шайкештигине жана оңдоолордун жана жасалмалоонун болуусуна карата текшерет;.

- берилген документтер бардык талаптарга шайкеш келген учурда анкета-арызды “Паспорт” АМСте тариздейт;

- эгерде арыз ээси тарабынан берилген документтер тизмекке шайкеш келбесе, документтер тизмекке ылайык берилүүсү сунушталат.

- берилген документтерден оңдоолор жана/же жасалмалоонун белгилери аныкталган учурда документтерди кабыл алып жаткан кызматкер бардык иш-аракеттерди токтотот, 3 нускада акт түзөт жана укук коргоо органдарынын же жетекчиликтин акыркы чечимине чейин документтерди кабыл алууну токтотуп турат;

- керектүү документтер болбогон же белгиленген талаптарга шайкеш келбеген табылган фактылар жоюлбаган учурда Кыргыз Республикасынын жаранынын 2006-жылдын үлгүсүндөгү жалпы жарандык паспортту алууга документтерди тариздөөдөн баш тартат;

- эгерде жаран баш тартуунун жазуу түрүндө таризделишин өтүнсө, жарандын арызын берилген документтердин көчүрмөлөрү менен кагаз түрүндө кабыл алат, арызды кириш кат-кабарлар каттоо журналында каттайт, жетекчинин кароосуна киргизет;

- жетекчинин резолюциясы алынгандан кийин суроо-талапты (арызды) жарандардын кайрылууларын кароо тартиби жөнүндө жана Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагында турган маалыматтарга жетүү жөнүндө мыйзамдар менен белгиленген тартипте жана мөөнөттө карайт;

- тиешелүү жооптун долбоорун жазуу түрүндө даярдайт жана жетекчиге кол коюуга киргизет;

- жоопко жетекчинин колу коюлгандан кийин, аны чыгыш кат-кабарлар каттоо журналына каттайт жана арыз ээсинин колуна берет же арызда көрсөтүлгөн почталык дарек боюнча жөнөтөт.

ЖААККПК бөлүмүнүн жана/же КТБнын кызматкери

документтер талапка шайкеш келген учурда 5-10 мүнөт;

документтерди кабыл алуу же документтерди кабыл алууда баш тартуу жөнүндө чечим

-Кыргыз Республикасынын 2000-жылдын 17-июлундагы № 61 "Тышкы миграция жөнүндө" Мыйзамы;

 - Нускама;

- Жобо;

- КРӨнүн 03.04.2017-ж. № 196 токтому;

- КРӨнүн 27.07.2004-ж. № 557 токтому;

- КРӨнүн 10.11.2006-ж. № 787.

1-жол-жобонун жыйынтыгы: арыз-анкетаны тариздөө үчүн документтерди кабыл алуу

1-жол-жобонун узактыгы: максимум 10 мүнөт

1-жол-жобонун тиби: административдик жол-жобо

Кийинки жол-жобонун номери: 2

2-жол-жобо: Анкета-арызды толтуруу, тариздөө жана жөнөтүү

2.1. Анкета – арызды ЖААККПК бөлүмүнүн же КТБ кызматкери өзү толтурат;

2.2. Анкета – арызды толтурууда төмөнкүлөр жүргүзүлөт:

- КБМРде жеке идентификациялык номердин негизинде жаранды идентификациялоо;

- туруктуу жашаган жеринин болушун “АСБ” АМС аркылуу текшерүү;

- “Паспорт” АМСке киргизүү үчүн арыз ээси берген документтердин түп нускалары сканерленет, документтердин түп нускалары арыз ээсине кайтарылып берилет;

- кызматкер арыз ээсинен анкета-арызга киргизилип жаткан маалыматтардын тууралыгын тактайт жана арыз ээсинин колун койдуруу менен күбөлөндүрөт. Белгиленген тартипте аракетке жөндөмсүз деп таанылган адамдардан тышкары, анкета-арызга арыз ээси өз колу менен коюлган электрондук кол тамга алуу үчүн түзүлүш аркылуу кол коёт. Белгиленген тартипте аракетке жөндөмсүз деп таанылган адамдын өз колу менен коюлуучу колунун ордуна анын мыйзамдуу өкүлүнүн колу коюлат. Өз колун коё албаган ден соолугунун мүмкүнчүлүгү чектелген адамдын өз колу менен коюлуучу колунун ордун ЖААККПК бөлүмүнүн жана/же КТБ кызматкери чийип коёт;

- биометриялык маалыматтардын базасы боюнча салыштырып текшерүү үчүн эки колунун сөөмөйлөрүнүн папиллярдык издери сканерленет. Арыз ээсинин колдорунда сөөмөй манжалары (манжасы) жок болсо колдорунда болгон манжаларынын тактарын сканерлөө Кыргыз Республикасынын жарандарын биометриялык каттоо чөйрөсүндөгү Кыргыз Республикасынын мыйзамдарына ылайык колдорунун манжаларынын тактарын топтоо жүргүзүлөт. Биометриялык маалыматтардын базасы боюнча салыштырып текшерүү 16 жашка толо элек адамдарга жүргүзүлбөйт;

- эгерде жаран мурда биометрикалык каттоодон өтпөсө, анда биометрикалык маалыматтарды анкета-арызды тариздөө учурунда тапшырат;

- Кыргыз Республикасынын жаранынын 2006-жылдын үлгүсүндөгү жалпы жарандык паспортун алууга арыз-анкетаны толтурууда арыз ээсин аты-жөндүн транслитерация эрежелери менен тааныштыруу;

- арыз ээсинин бетин фотосүрөткө тартуу. Фотосүрөткө тартуу КТБга караштуу фотосалондо “Инфоком” МИ ыйгарым укуктуу фотосүрөтчүсү же КПКБ бөлүмүнүн кызматкери (“Инфоком” оператору болбосо) тарабынан жүргүзүлөт.

2.3. Кыргыз Республикасынын Мамлекеттик каттоо кызматынын алдындагы “Инфоком” мамлекеттик ишканасынын (мындан ары - “Инфоком” МИ) www.infokom.kg сайтында “Күбөлөндүрүүчү борбор”/”Инфоком МИ КБ регламенти” бөлүмүндө жарыялануучу Күбөлөндүрүү борборунун регламентин сактоонун зарылчылыгы жөнүндө маалымат берет;

2.4. Арыз ээсине “Инфоком” МИ Күбөлөндүрүү борборунун регламентине кошулуу жөнүндө макулдашуунун бланкын кол коюу үчүн берет, бул учурда бул макулдашууга кол коюудан баш тартуу адамды паспорт менен документтештирүү үчүн тоскоолдук жаратпайт.

2.5. Документтерди кабыл алгандыгы тууралуу тил кат берилет.

2.6. Анкета-арыз КТБ кызматкери тарабынан кабыл алынганда жана текшерилгенде анкета-арыз ЭСК аркылуу кол коюлат жана корголгон байланыш каналдары аркылуу ЖААККПК бөлүмүнүн ыйгарым укуктуу кызматкерине тариздөө жана чечим кабыл алуу үчүн жөнөтүлөт.

2.7. Анкета-арыз КПКБнын кызматкери тарабынан ЭСК аркылуу таризделген учурда, сканерленген документтер менен бирге корголгон электрондук байланыш каналдары аркылуу, документтери кабыл алуу жөнүндө тил кат берилген учурдан тартып 2 жумуш күндөн кеч эмес даярдоочу-мекемеге жөнөтүлөт (“Инфоком” МИ алдындагы Мамлекеттик жекелештирүү борбору).

ЖААККПК бөлүмүнүн жана/же КТБнын кызматкери

5 мүнөт

Толтурулган анкета-арыз

2.1. Кыргыз Республикасынын жаранынын 2006-жылдын үлгүсүндөгү жалпы жарандык паспортун алмаштырууда анкета-арызды толтуруу, тариздөө жана жөнөтүү

2.1.1. 2.1.1. Жалпы жарандык паспортту алмаштыруу учурунда ушул Регламенттин 3-пунктунан 2-пунктчасында каралган документтер берилет.

2.1.2. Кыргыз Республикасынын жаранынын жалпы жарандык паспорту бузулгандыгына байланыштуу кайрылууда:

- арыз ээсинин ким экендигин жана паспорттун маалымдаректерин аныктоо мүмкүн болбогон учурда (КБМРде маалыматтар болбогондо) кызматкер бузулган паспорттун берүү фактысын мурда берилген паспорттун №1 формасынын негизинде текшерет.

- текшерүү төмөнкү тартипте жүргүзүлөт:

 а) белгиленген тартипте суроо-талап таризделет жана бузулган паспортту мурда берген аймактык бөлүнүштөн сканерленген № 1 форманы жана ырастама алуу үчүн корпоративдик почта аркылуу жөнөтүлөт;

б) паспортту мурда берген ЖААККПКБ №1 форманы сканерлеп, белгиленген тартипте корпоративдик почта аркылуу ырастама же төгүнгө чыгаруу жөнөтөт;

в) ким экендиги ырасталган жана паспорт берүү фактысы аныкталган учурда, арыз ээси белгиленген таптипте документтештирилет;

г) арыз ээсинин ким экендигин жана паспорттун маалымдаректерин аныктоо мүмкүн болбогон учурда, жарандар кошумча төмөнкү документтерди беришет:

- бузулгандыгына байланыштуу 2017-жылдын үлгүсүндөгү паспортту жана/же жалпы жарандык паспортту алууга арыз, анда кайда, качан жана кандай жагдайларда паспорт бузулгандыгы көрсөтүлөт;

- туулгандыгы тууралуу күбөлүк, никелешүү же нике бузуу жөнүндө күбөлүк, жубайынын өлгөндүгү тууралуу күбөлүк, аты-жөнүн алмаштыргандыгы тууралуу күбөлүк – КБМРде маалыматтар болбогондо.

д) берилген документтердин жана текшерүүнүн жыйынтыгынын негизинде аймактык бөлүнүштүн жетекчиси бөлүмдүн эки кызматкеринин катышуусунда адамды документтештирүү жөнүндө акт түзөт, акт белгиленген үлгүдөгү журналда катталат.

е) эгер кошумча текшерүүлөрдү жүргүзгөн учурда, бузулган паспортту идентификациялоо мүмкүн болбосо жана КПКБ кызматкерлери берилген документтердин жана маалыматтардын аныктыгынан күмөн болушса, чогултулган документтер коштомо кат менен адамды документтештирүү боюнча акыркы чечим кабыл алуу үчүн Департаментке жөнөтүлөт.

2.1.3. Жалпы жарандык паспорт жоголгонуна байланыштуу кайрылуу:

1) жалпы жарандык паспорт жоголгон учурда КПКБ төмөнкү тартипте Кыргыз Республикасынын жаранынын жалпы жарандык паспорту жоголгондугу жөнүндө дело түзөт:

а) паспорттун жоголгон жагдайлары көрсөтүлгөн жоголгондугуна байланыштуу жалпы жарандык паспорт берүү жөнүндө арызды кабыл алат (арыз жоголгон паспорттун ордуна паспорт берүү арыздарын каттоо журналында катталат);

- жоголгон паспорттун ордуна паспорт берүү жөнүндө жарандардын арызындагы маалыматтарды текшерүү төмөнкү жолдор менен жүргүзүлөт:

 б) №1 формада фотографиялык карточкадагы сүрөттү арыз ээсинин тышкы келбети, паспорттун сериясы, номери жана берүү датасы менен салыштырылат, №1 форманын көчүрмөсү алынат, №1 форманын “кызматтык белгилер” бөлүмүндө жоголгон паспортко “паспорт жоголгон” деген жазуу, паспорттун жоголгондугу жөнүндө делонун датасы жана номери киргизилет, арыз архивдик картотекага жайгаштырылат;

в) башка аймактык бөлүнүштө паспортту берген учурда, архивден №1 форманын сканерленген көчүрмөсүн алуу үчүн корпоративдик почта аркылуу суроо-талап жөнөтүлөт. №1 форма болбосо, № 2 форманын негизинде адамды таануу протоколу түзүлөт;

г) бардык талап кылынган документтер берилгенде адамды документтештирүү боюнча чечим жөнүндө акт бир жумуш күндүн ичинде чыгарылат. Талап кылынган документтер болбогон жана суроо-талаптарды жөнөтүү зарылчылыгы чыккан учурларда адамды документтештирүү боюнча чечим жөнүндө акт беш жумуш күндүн ичинде чыгарылат. Кошумча материалдар талап кылынган учурларда мөөнөт маалымат алуу мезгилине жараша узартылат.

д) фотографиялык карточканы салыштырууда сүрөттөлгөн адамдын окшоштугу аныкталбаса же суроо-талапта көрсөтүлгөн маалыматтардын №1 формада көрсөтүлгөн паспорттун ээси жөнүндө маалыматтар менен дал келбегендиги байкалса, арыз ээсин аныктоого жана айырмачылыктардын себептерин аныктоого кошумча чараларды көрүү үчүн аймактык бөлүнүш суроо-талаптын демилгечисине бул жөнүндө билдирет.

ж) аймактык бөлүнүштүн жетекчиси жана бөлүмдүн эки кызматкери тарабынан жоголгон паспортту арыз ээсине берүү тастыкталганда жана ким экендиги аныкталганда, ошондой эле жүргүзүлгөн текшерүүлөрдүн жыйынтыгы боюнча арыз ээсин документтештирүү чечимин кабыл алуу жөнүндө акт түзүлөт;

и) жүргүзүлгөн текшерүүдөн кийин арыз ээсине жоголгон паспорттун ордуна паспорт алууга документтер таризделет.

Эгерде паспортун жоголгондугу жөнүндө арыз менен кайрылган жаран, жоголгон паспортун таап алса, паспорт ээсинин жазуу түрүндөгү арызынын негизинде жоголгондугу жөнүндө иш боюнча өндүрүш токтотулат, эгер табылган паспортко №1 форма да болсо, анда ал “паспорт табылган” деген белги менен колдонуудагы картотекага жайгаштырылат.

Эгерде жоголгон паспорт жаңы паспорт алынгандан кийин табылып калса, жаран табылган паспортту аймактык бөлүнүшкө жок кылуу үчүн тапшырат.

Эгерде 3 айдын ичинде арыз ээси келбесе, жоголгондугу тууралуу иш токтотулат, иш архивге алынат, каттоо журналдарында тиешелүү белгилер жүргүзүлөт.

Арыз ээси 3 айдан кийин кайра кайрылса, жоголгондугу тууралуу иш жалпы тартипте түзүлөт.

2.2. Жеке маалыматтар өзгөргөнүнө байланыштуу Кыргыз Республикасынын жарандыгынын 2006-жылдын үлгүсүндөгү жалпы жарандык паспортун алуу үчүн анкета-арызды толтуруу, тариздөө жана жөнөтүү

2.2.1. Аты-жөнү өзгөргөндө ИЖН алмашпайт, Кыргыз Республикасынын мыйзамдарында белгиленген учурлардан тышкары.

2.2.2. Жыныстык таандыгы өзгөргөндүгүнө байланыштуу Кыргыз Республикасынын жаранынын паспортун алмаштырууда төмөнкүлөрдү берүү керек:

- жалпы жарандык паспортту алууга арыз;

- алмаштырылып жаткан паспорт;

- өзгөрүлгөн гендердик маркер менен туулгандыгы тууралуу күбөлүк, КБМРде маалыматтар болбогондо.

2.2.3. Бетте жасалган пластикалык операцияга байланыштуу (калдарды, тырыктарды алдыруу ж.б.) паспорт алмаштырууда жаран төмөнкүлөрдү берүүсү керек:

- жалпы жарандык паспортту алууга арыз;

- алмаштырылып жаткан паспорт;

- ушул жагдайларды ырастаган тийиштүү медициналык документ.

2-жол-жобонун жыйынтыгы: Паспортту даярдоого документтерди кабыл алуу боюнча тил кат берүү

2-жол-жобонун узактыгы: 10 мүнөт

2-жол-жобонун тиби: административдик-башкаруу жол-жобосу

Кийинки жол-жобонун номери: 3

2.3. Кыргыз Республикасынын жаранынын 2006-жылдын үлгүсүндөгү жалпы жарандык паспортун тариздөөдө арызды электрондук форматта кабыл алуу

2.3.1. e.gov.kg., portal.srs.kg электрондук порталдарында толтурулган электрондук анкета “Паспорт” АМСке “Электрондук табыштама” статусу менен келет;

2.3.2. ким экендигин ырастоочу сканерленген документтер жана жүктөлгөн фотосүрөт (эгерде фотосүрөт жүктөлбөсө, арыз ээсинин мурдагы фотосүрөтү колдонулат, арыз ээси ЖЖП 6 айдан мурда алган болсо) талапка шайкештикке текшерилет;

2.3.3. арызды толтуруунун тууралыгы жана ага киргизилген маалыматтар сканерленген документтер менен шайкештикке текшерилет;

2.3.4. ЖААККПКБ кызматкери текшерүүдөн кийин келген арызды сактайт, арыз ээсине ЖЖП даярдоого төлөм жүргүзүү зарылдыгы тууралуу смс-билдирүү жөнөтөт жана төлөмдүн жүргүзүлүшүн күтөт.

2.3.5. арыз ээси кызмат көрсөтүү үчүн РСК», «АйылБанк», «Финка», «KICB» банктарынын, «Кыргызпочтасы» МИ электрондук төлөм терминалдары, «Элсом», «Visa», «MasterCard» төлөм карточкалары жана «Terem Pay» төлөм терминалы аркылуу төлөм жүргүзгөндөн кийин электрондук алып жүрүүчүдө “төлөндү” жазуу деген күйүп калат.

2.3.6. электрондук табыштаманы “Ырастоо жана жөнөтүүнү” басып ырастайт.

Кызматкер арызды ырастагандан кийин арыз ээсинин өздүк кабинетине паспортту даярдоого арыздын ийгиликтүү берилиши жөнүндө электрондук билдирүү жиберет.

ЖААЖКПКБнын начальниги же кызматкерлери

Кыргыз Республикасынын жаранынын 2006-жылдын үлгүсүндөгү жалпы жарандык паспортун берүү

3-жол-жобо: Кыргыз Республикасынын жаранынын 2006-жылдын үлгүсүндөгү жалпы жарандык паспортун берүү

3.1. Жалпы жарандык паспорт арыз ээсинин же анын мыйзамдуу өкүлүнүн өз колуна берилет.

3.2. Арыз ээсинин мыйзамдуу өкүлү кайрылганда ал ким экендигин ырастаган документин, өкүлдүн ыйгарым укугун тастыктаган нотариалдык күбөлөндүрүлгөн ишеним катты көрсөтөт. Ким экендигин ырастаган документтин көчүрмөлөрү жана өкүлдүн ишеним катынын көчүрмөсү аймактык бөлүнүштө үч жыл бою сакталат.

3.3. Жаранга жалпы жарандык паспортту берүү учурунда аймактык бөлүнүштүн кызматкери төмөнкүлөргө милдеттүү:

- кимдин наамына жалпы жарандык паспорт жасалса, алуучу ошол адам экендигине көзү жетүүсү;

- жалпы жарандык паспортко киргизилген маалыматтардын тууралыгын текшерүүнү алуучуга сунуштоосу;

- алмаштырылууга тийиш паспортту алып, аны мыйзамдарда белгиленген тартипте жараксыз абалга келтирүүсү керек, жалпы жарандык паспортту экинчи жолу берүү учурунан тышкары;

3.4. Арыз ээсинин жоголгондугуна байланыштуу алмаштырылууга жана алып салынууга тийиш паспортун алууга мүмкүн болбосо, жалпы жарандык паспорт арыз ээсине же анын мыйзамдуу өкүлүнө арыз ээсинин КПК бөлүмүнүн жетекчисине жалпы жарандык паспорттун берилиши жөнүндө жазуу түрүндө арыз бергенден кийин берилет, арызда паспорт качан жана кайсы жагдайларда жоголгондугу баяндалат.

Паспорттун жоголгондугу тууралуу арыз кириш кат-кабарлар каттоо журналында катталат.

3.5. Жалпы жарандык паспортто өндүрүштүк жараксыздык (механикалык бузук, анын ичинде чип окулбаса) аныкталганда 3 нускада акт түзүлөт. Актынын бир нускасы жалпы жарандык паспорт менен бирге анкета-арыз менен кайра даярдоочу-ишканага кайрадан даярдоо үчүн жөнөтүлөт. Экинчи нускасы акт түзүлгөн жер боюнча аймактык бөлүнүштө калат, үчүнчү нуска арыз ээсине берилет. Жалпы жарандык паспортту кайра даярдоо 3 жумуш күндүн ичинде жүргүзүлөт. Кайра даярдалган жалпы жарандык паспорт берилгенден кийин, аймактык бөлүнүштө калган актылар белгиленген тартипте жок кылынат.

10 минут

Выдача общегражданского паспорта гражданина Кыргызской Республики образца 2006 года

3-жол-жобонун жыйынтыгы: Кыргыз Республикасынын жаранынын 2006-жылдын үлгүсүндөгү жалпы жарандык паспортту берүү

3-жол-жобонун узактыгы: 5 мүнөт

3-жол-жобонун тиби: административдик жол-жобо