КР Өкмөтүнүн 2011-жылдын 3-мартындагы № 53-б (Айдоочуларды жана транспорт каражаттарын …

КР Өкмөтүнүн 2019-жылдын 30-сентябрындагы № 370-р буйругуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 3-марты № 53-б

Айдоочуларды жана транспорт каражаттарын эл аралык жолдо жүрүүгө уруксат берүүчү документтер менен камсыз кылуу максатында, 2004-жылдын 24-сентябрында Конвенцияга киргизилген түзөтүүлөрү менен 1968-жылдын 8-ноябрындагы Жол кыймылы тууралуу конвенциянын талаптарына ылайык келген атайын бланк продукциясын даярдоочуну жана жеткирүүчүнү аныктоо боюнча тендердин жыйынтыгына ылайык:

1. Төмөнкү тиркелгендер бекитилсин:

- айдоочунун улуттук үлгүдөгү күбөлүгүнүн бланкынын үлгүсү;

- айдоочунун эл аралык үлгүдөгү күбөлүгүнүн бланкынын үлгүсү;

- айдоочунун убактылуу күбөлүгүнүн бланкынын үлгүсү;

- (абзац КР Өкмөтүнүн 2019-жылдын 26-июлундагы № 278-б буйругуна ылайык күчүн жоготту)

- транспорт каражатынын техникалык талонунун бланкынын үлгүсү;

- (абзац КР Өкмөтүнүн 2019-жылдын 26-июлундагы № 278-б буйругуна ылайык күчүн жоготту)

- айдоочуларга жана транспорт каражаттарына эл аралык жолдо жүрүүгө уруксат берүү үчүн атайын бланк продукциясынын техникалык баяндамасы (КПҮ).

(КР Өкмөтүнүн 2019-жылдын 26-июлундагы № 278-б буйругунун редакциясына ылайык)

2. Кыргыз Республикасынын Өкмөтүнүн 1998-жылдын 20-июлундагы № 321-б буйругу менен бекитилген айдоочунун күбөлүктөрүнүн жана транспорттук каражаттарды каттоо жөнүндө күбөлүктөрдүн үлгүлөрү аларда көрсөтүлгөн мөөнөткө жарактуу деп таанылаары белгиленсин.

3. Кыргыз Республикасынын Өкмөтүнө караштуу Мамлекеттик каттоо кызматы айдоочуларга жана транспорт каражаттарына эл аралык жолдо жүрүүгө уруксат берүү үчүн атайын бланк продукциясын даярдоого жана жеткирүүгө тендердин жеңүүчүсү - «Аtlas Cript» («Атлас Крипт») жоопкерчилиги чектелген коому менен тиешелүү келишимди түзүүнү белгиленген тартипте камсыз кылсын.

4. Министрликтер, мамлекеттик комитеттер жана администрациялык ведомстволор өздөрүнүн нормативдик укуктук актыларын ушул буйрукка ылайык келтиришсин.

5. Бул буйрук жалпыга маалымдоо каражаттарында жарыялансын.

6. Бул буйруктун аткарылышын контролдоо Кыргыз Республикасынын Өкмөтүнө караштуу Мамлекеттик каттоо кызматына жүктөлсүн.

Премьер-министр

А. Атамбаев