КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

2021-жылдын 22-октябры ПЖ № 476

Кыргыз Республикасынын Президентинин Администрациясынын Кырдаалдык борбору жөнүндө

Кыргыз Республикасынын Президентинин жана Кыргыз Республикасынын Министрлер Кабинетинин ишин маалыматтык-аналитикалык маалыматтар менен камсыз кылуу, башкаруучулук түзүмдөрдү санариптештирүү, ошондой эле аналитикалык маалыматтарды ыкчам даярдоо максатында, Кыргыз Республикасынын Конституциясынын 70, 71-беренелерин жетекчиликке алып, токтом кылам:

1. Кыргыз Республикасынын Президентинин Администрациясынын Кырдаалдык борбору түзүлсүн.

2. Төмөнкүлөр бекитилсин:

- Кыргыз Республикасынын Президентинин Администрациясынын Кырдаалдык борбору жөнүндө жобо 1-тиркемеге ылайык;

- Кыргыз Республикасынын Президентинин Администрациясынын Кырдаалдык борборунун түзүмү 2-тиркемеге ылайык;

- Кыргыз Республикасынын Президентинин Администрациясынын Кырдаалдык борборунун штаттык саны 3-тиркемеге ылайык.

3. Кыргыз Республикасынын Президентинин 2017-жылдын 31-январындагы № 17 "Кыргыз Республикасынын Мамлекеттик жана муниципалдык кызмат орундарынын реестрин бекитүү жөнүндө" Жарлыгына төмөнкүдөй өзгөртүүлөр киргизилсин:

жогоруда аталган Жарлык менен бекитилген Кыргыз Республикасынын мамлекеттик жана муниципалдык кызмат орундарынын реестринде:

I бөлүмдүн "Саясий мамлекеттик кызмат орундары" деген 1-главасында:

- он үчүнчү абзацы "башкармалыгынын начальниги" деген сөздөрдөн кийин ", борборунун директору" деген сөздөр менен толукталсын;

- он төртүнчү абзацы "башкармалыгынын начальнигинин орун басары" деген сөздөрдөн кийин ", борборунун директорунун орун басары" деген сөздөр менен толукталсын.

4. Кыргыз Республикасынын Министрлер Кабинетинин Төрагасы - Кыргыз Республикасынын Президентинин Администрациясынын Жетекчиси ушул Жарлыктан келип чыгуучу чараларды көрсүн.

5. Бул Жарлык расмий жарыяланган күндөн баштап күчүнө кирет.

"Эркин Тоо" газетасынын 2021-жылдын 26-октябрындагы № 109-110 жарыяланды

Кыргыз Республикасынын Президентинин Администрациясынын Кырдаалдык борборунун ТҮЗҮМҮ

Кыргыз Республикасынын Президентинин Администрациясынын Кырдаалдык борборунун ШТАТТЫК САНЫ