(КР Өкмөтүнүн 2014-жылдын 19-мартындагы № 169 токтомуна ылайык күчүн жоготту)

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2008-жылдын 22-январы № 19

Жерлерди бир категориядан башкасына

которуунун же бир түрүнөн башкасына которуунун

(трансформациялоонун) тартиби жөнүндө

жобону бекитүү тууралуу

(КР Өкмөтүнүн 2010-жылдын 8-декабрындагы №312, 2014-жылдын 19-мартындагы № 169 токтомдорунун редакцияларына ылайык)

Жерлерди бир категориядан башкасына которуунун же бир түрүнөн башкасына которуунун (трансформациялоонун) бирдиктүү тартибин белгилөө максатында Кыргыз Республикасынын Өкмөтү

ТОКТОМ КЫЛАТ:

1. Жерлерди бир категориядан башкасына которуунун же бир түрүнөн башкасына которуунун (трансформациялоонун) тартиби жөнүндө тиркелген жобо (мындан ары - Жобо) бекитилсин.

2. Жерлерди бир категориядан башкасына которуу же бир түрүнөн башкасына которуу (трансформациялоо) компетенциясына кирген тийиштүү ыйгарым укуктуу мамлекеттик органдар ушул Жобонун талаптарын катуу карманышсын.

3.( КР Өкмөтүнүн 2010-жылдын 8-декабрындагы №312 токтомунун редакциясына ылайык күчүн жоготту)

4. Бул токтомдун аткарылышын контролдоо Кыргыз Республикасынын Өкмөтүнүн Аппаратынын агроөнөржай комплекси жана жаратылышты пайдалануу бөлүмүнө жүктөлсүн.