(КР Министрлер Кабинетинин 2022-жылдын 14-январындагы № 9 токтомуна ылайык күчүн жоготту)

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 14-сентябры № 618

Кыргыз Республикасынын Өкмөтүнө караштуу Ар жылдык айыл чарба иштерин уюшкандыкта жана өз убагында өткөрүү боюнча республикалык штабды түзүү жөнүндө

(КР Өкмөтүнүн 2012-жылдын 14-сентябрындагы № 619 токтомунун редакциясына ылайык)

Айыл чарба иштерин өз убагында жана уюшкандыкта өткөрүүдө республиканын айылдык товар өндүрүүчүлөрүнө мамлекеттик колдоо көрсөтүү, өлкөнүн азык-түлүк коопсуздугун камсыз кылуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Ар жылдык айыл чарба иштерин уюшкандыкта жана өз убагында өткөрүү боюнча республикалык штаб (мындан ары - Республикалык штаб) түзүлсүн.

2. Республикалык штабдын жумушчу органы болуп Кыргыз Республикасынын Айыл чарба жана мелиорация министрлиги аныкталсын.

3. Төмөнкүлөр бекитилсин:

- Республикалык штаб жөнүндө жобо 1-тиркемеге ылайык;

- Республикалык штабдын курамы 2-тиркемеге ылайык.

4. Республикалык штабдын ишин координациялоо айыл чарба жана мелиорация маселелерин тейлеген Кыргыз Республикасынын вице-премьер-министрине жүктөлсүн.

5. Кыргыз Республикасынын Өкмөтүнүн облустардагы өкүлдөрү, райондордун жергиликтүү мамлекеттик администрациялары, жергиликтүү өз алдынча башкаруу органдары (макулдашуу боюнча) тиешелүү жергиликтүү облустук жана райондук штабдарды түзсүн.

6. Кыргыз Республикасынын Өкмөтүнүн 2012-жылдын 24-январындагы № 50 "2012-жылы Кыргыз Республикасында жазгы-талаа жумуштарын уюштуруу жана өз убагында өткөрүү чаралары жөнүндө" токтомуна төмөнкүдөй өзгөртүүлөр киргизилсин:

- 2 жана 3-пункттар күчүн жоготту деп табылсын;

- аталган токтомдун 1-тиркемеси күчүн жоготту деп табылсын.

7. Бул токтомдун аткарылышын контролдоо айыл чарба жана мелиорация маселелерин тейлеген Кыргыз Республикасынын вице-премьер-министрине жүктөлсүн.

8. Бул токтом расмий жарыяланган күндөн баштап күчүнө кирет.

2-тиркеме

Кыргыз Республикасынын Өкмөтүнө караштуу Ар жылдык айыл чарба иштерин уюшкандыкта жана өз убагында

өткөрүү боюнча республикалык штабдын КУРАМЫ

Айыл чарба жана мелиорация маселесин тейлеген Кыргыз Республикасынын вице-премьер-министри, Республикалык штабдын төрагасы;

Кыргыз Республикасынын айыл чарба жана мелиорация министри, Республикалык штабдын төрагасынын орун басары;

Кыргыз Республикасынын Улуттук статистика комитетинин төрагасы, Республикалык штабдын төрагасынын орун басары (макулдашуу боюнча);

Кыргыз Республикасынын Өкмөтүнүн Аппаратынын агроөнөр жай комплексин өнүктүрүү бөлүмүнүн башчысы, Республикалык штабдын төрагасынын орун басары.

Республикалык штабдын мүчөлөрү:

Кыргыз Республикасынын экономика министринин орун басары;

Кыргыз Республикасынын финансы министринин орун басары;

Кыргыз Республикасынын Финансы министрлигинин алдындагы Экономиканы өнүктүрүү мамлекеттик фондусунун директору;

Кыргыз Республикасынын Өкмөтүнө караштуу Мамлекеттик материалдык резервдер фондусунун директору;

Кыргыз Республикасынын Өкмөтүнө караштуу Мамлекеттик бажы кызматынын төрагасы;

"Айыл-Банк" ачык акционердик коомунун башкармасынын төрагасы (макулдашуу боюнча);

Кыргыз Республикасынын нефтетрейдерлер ассоциациясынын президенти (макулдашуу боюнча);

Кыргыз Республикасынын Өкмөтүнүн Баткен облусундагы ыйгарым укуктуу өкүлүнүн агроөнөр жай комплексинин маселелерин тейлеген орун басары;

Кыргыз Республикасынын Өкмөтүнүн Жалал-Абад облусундагы ыйгарым укуктуу өкүлүнүн агроөнөр жай комплексинин маселелерин тейлеген орун басары;

Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлүнүн агроөнөр жай комплексинин маселелерин тейлеген орун басары;

Кыргыз Республикасынын Өкмөтүнүн Нарын облусундагы ыйгарым укуктуу өкүлүнүн агроөнөр жай комплексинин маселелерин тейлеген орун басары;

Кыргыз Республикасынын Өкмөтүнүн Ош облусундагы ыйгарым укуктуу өкүлүнүн агроөнөр жай комплексинин маселелерин тейлеген орун басары;

Кыргыз Республикасынын Өкмөтүнүн Талас облусундагы ыйгарым укуктуу өкүлүнүн агроөнөр жай комплексинин маселелерин тейлеген орун басары;

Кыргыз Республикасынын Өкмөтүнүн Чүй облусундагы ыйгарым укуктуу өкүлүнүн агроөнөр жай комплексинин маселелерин тейлеген орун басары.