ТоктомКүчүн жоготту

КР Өкмөтүнүн 2012-жылдын 2-июнундагы № 355 «Кыргыз Республикасынын Эмгек, миграция жана жаштар министрлигинин алдындагы Кесиптик-техникалык билим берүү агенттиги жөнүндө» токтому

Редакция
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

УТРАТИЛО СИЛУ в соответствии с постановлением Правительства КР от 5 марта 2021 года № 72

 

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 2-июну № 355

Кыргыз Республикасынын Билим берүү жана илим министрлигинин алдындагы Кесиптик башталгыч билим берүү агенттиги жөнүндө

(КР Өкмөтүнүн 2013-жылдын 11-сентябрындагы N 511, 2017-жылдын 15-августундагы № 481 токтомдорунун редакциясына ылайык)

Кыргыз Республикасынын Өкмөтүнүн айрым чечимдерин Кыргыз Республикасынын мыйзамдарына ылайык келтирүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерин жетекчиликке алып, Кыргыз Республикасынын Өкмөтү

ТОКТОМ КЫЛАТ:

(КР Өкмөтүнүн 2017-жылдын 15-августундагы № 481 токтомунун редакциясына ылайык)

1. Төмөнкүлөр бекитилсин:

- Кыргыз Республикасынын Билим берүү жана илим министрлигинин алдындагы Кесиптик башталгыч билим берүү агенттиги жөнүндө жобо, 1-тиркемеге ылайык;

- Кыргыз Республикасынын Билим берүү жана илим министрлигинин алдындагы Кесиптик башталгыч билим берүү агенттигинин башкаруу схемасы, 2-тиркемеге ылайык.

(КР Өкмөтүнүн 2017-жылдын 15-августундагы № 481 токтомунун редакциясына ылайык)

2. Кыргыз Республикасынын Өкмөтүнүн 2003-жылдын 25-апрелиндеги № 245 "Баштапкы кесиптик билим берүү системаларынын иштерин жөнгө салуучу ченемдик-укуктук актылар жөнүндө" токтомуна төмөнкүдөй өзгөртүүлөр киргизилсин:

- жогоруда аталган токтом менен бекитилген Баштапкы кесиптик билим берүү мекемелер жөнүндө типтүү жободо:

бүткүл текст боюнча:

ар кандай жөндөмөдөгү "Кыргыз Республикасынын Өкмөтүнө караштуу Кесиптик-техникалык билим берүү боюнча мамлекеттик агенттик" деген сөздөр жана "КТБМА" деген аббревиатура тиешелүү жөндөмөдөгү "баштапкы кесиптик билим берүүнү башкаруунун ыйгарым укуктуу органы" деген сөздөр менен алмаштырылсын;

5-пункттагы "мындан ары - КТБМА" деген аббревиатура жана сөз алып салынсын;

- жогоруда аталган токтом менен бекитилген Баштапкы кесиптик билим берүүнүн мамлекеттик стандарттары жөнүндө жободо ар кандай жөндөмөдөгү "Кыргыз Республикасынын Өкмөтүнө караштуу Кесиптик-техникалык билим берүү боюнча мамлекеттик агенттик" деген сөздөр тиешелүү жөндөмөдөгү "баштапкы кесиптик билим берүүнү башкаруунун ыйгарым укуктуу органы" деген сөздөр менен алмаштырылсын;

- жогоруда аталган токтом менен бекитилген Баштапкы кесиптик билим берүү мекемелерин аттестациялоо жөнүндө жободо:

бүткүл текст боюнча:

ар кандай жөндөмөдөгү "Кыргыз Республикасынын Өкмөтүнө караштуу Кесиптик-техникалык билим берүү боюнча мамлекеттик агенттик" деген сөздөр жана "КТБМА" деген аббревиатура тиешелүү жөндөмөдөгү "баштапкы кесиптик билим берүүнү башкаруунун ыйгарым укуктуу органы" деген сөздөр менен алмаштырылсын;

8-пункттагы "мындан ары - КТБМА" деген сөздөр жана аббревиатура алып салынсын.

3. Кыргыз Республикасынын Өкмөтүнүн 2008-жылдын 3-октябрындагы № 560 "Кесиптик башталгыч билим жөнүндө документтердин формаларын бекитүү тууралуу" токтомуна төмөнкүдөй өзгөртүүлөр киргизилсин:

- 2-пункттагы "Кыргыз Республикасынын Өкмөтүнө караштуу Кесиптик-техникалык билим берүү боюнча мамлекеттик агенттик" деген сөздөр "баштапкы кесиптик билим берүүнү башкаруунун ыйгарым укуктуу органы" деген сөздөр менен алмаштырылсын.

- дипломдун, сертификаттын үлгүлөрүндөгү "Кыргыз Республикасынын Өкмөтүнө караштуу Кесиптик-техникалык билим берүү боюнча мамлекеттик агенттик" деген сөздөр "Кыргыз Республикасынын Жаштар, эмгек жана иш менен камсыз кылуу министрлигинин алдындагы Кесиптик-техникалык билим берүү агенттиги" сөздөр менен алмаштырылсын.

4. Төмөнкүлөр күчүн жоготту деп табылсын:

- Кыргыз Республикасынын Өкмөтүнүн 2010-жылдын 9-февралындагы № 86 "Кыргыз Республикасынын Эмгек, ишке орноштуруу жана миграция министрлигинин алдындагы Кесиптик-техникалык билим берүү агенттиги жөнүндө" токтому;

- Кыргыз Республикасынын Премьер-министринин 2007-жылдын 5-сентябрындагы № 411 буйругу;

- Кыргыз Республикасынын Премьер-министринин 2009-жылдын 28-апрелиндеги № 150 буйругу.

5. Бул токтом расмий жарыяланган күндөн баштап күчүнө кирет.

 

Премьер-министр

Ө.Бабанов

 

2-тиркеме

 

Кыргыз Республикасынын Билим берүү жана илим министрлигинин алдындагы Кесиптик башталгыч билим берүү агенттигинин башкаруу СХЕМАСЫ

(КР Өкмөтүнүн 2017-жылдын 15-августундагы № 481 токтомунун редакциясына ылайык)