КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 31-декабры № 721

Кыргыз Республикасынын мамлекеттик органдарынын жана мекемелеринин  ички аудиторлорунун этикалык стандарттарын бекитүү тууралуу

Ички аудитти өнүктүрүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерин жетекчиликке алып Кыргыз Республикасынын Өкмөтү

ТОКТОМ КЫЛАТ:

1. Тиркелген: Кыргыз Республикасынын мамлекеттик органдарынын жана мекемелеринин ички аудиторлорунун этикалык стандарттары бекитилсин.

2. "2008-2013-жылдарга Кыргыз Республикасынын мамлекеттик органдарында жана мекемелеринде ички аудит системасын түзүү жана өнүктүрүү Программасын жана Кыргыз Республикасынын мамлекеттик органдары жана мекемелери үчүн ички аудит Стандарттарын бекитүү тууралуу Кыргыз Республикасынын Өкмөтүнүн 2008-жылдын 27-июнундагы № 341 токтомуна төмөндөгү өзгөртүүлөр киргизилсин:

жогоруда көрсөтүлгөн токтом менен бекитилген Кыргыз Республикасынын мамлекеттик органдары жана мекемелери үчүн ички аудиттин стандарттарында:

- 3-пункттун 3-пунктчасы күчүн жоготту деп табылсын;

- IV бөлүм күчүн жоготту деп табылсын.

3. Бул токтом расмий жарыяланган күндөн баштап күчүнө кирет.