КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 11-ноябры № 716

Кыргыз Республикасынын Өкмөтүнө караштуу Интеллектуалдык менчик мамлекеттик кызматынын маселелери

Кыргыз Республикасынын Президентинин 2011-жылдын 21-январындагы ;№ 15 "Айрым мамлекеттик органдарды Кыргыз Республикасынын Өкмөтүнүн карамагына өткөрүп берүү маселелери жөнүндө" Жарлыгына ылайык, Кыргыз Республикасынын Өкмөтүнө караштуу Интеллектуалдык менчик мамлекеттик кызматынын ишин регламенттөө максатында Кыргыз Республикасынын Өкмөтү

ТОКТОМ КЫЛАТ:

1. Төмөнкү тиркелгендер бекитилсин:

- Кыргыз Республикасынын Өкмөтүнө караштуу Интеллектуалдык менчик мамлекеттик кызматы жөнүндө жобо;

- Кыргыз Республикасынын Өкмөтүнө караштуу Интеллектуалдык менчик мамлекеттик кызматынын башкаруу схемасы.

2. Төмөнкүлөр белгиленсин:

- Кыргыз Республикасынын Өкмөтүнө караштуу Интеллектуалдык менчик мамлекеттик кызматынын иши өзүн-өзү каржылоо шарттарында ишке ашырылаары;

- Кыргыз Республикасынын Өкмөтүнө караштуу Интеллектуалдык менчик мамлекеттик кызматынын алдындагы Интеллектуалдык менчик мамлекеттик фондун жана Кыргыз Республикасынын Өкмөтүнө караштуу Интеллектуалдык менчик мамлекеттик кызматынын алдындагы Мамлекеттик патенттик-техникалык китепкананы каржылоо Кыргыз Республикасынын Өкмөтүнө караштуу Интеллектуалдык менчик мамлекеттик кызматынын каражаттарынын эсебинен ишке ашырылаары;

- Кыргыз Республикасынын Өкмөтүнө караштуу Интеллектуалдык менчик мамлекеттик кызматынын чектүү штаттык саны 164 бирдикти түзөрү, анын ичинде борбордук аппараттыкы - 106 бирдик жана ведомстволук уюмдардыкы - 58 бирдик.

3. Кыргыз Республикасынын Өкмөтүнө караштуу Интеллектуалдык менчик мамлекеттик кызматы белгиленген тартипте эки айлык мөөнөттө:

- өзүнүн чечимдерин ушул токтомго ылайык келтирсин;

- Кыргыз Республикасынын Өкмөтүнүн бекитүүсүнө ведомстволук уюмдары жөнүндө жоболордун долбоорлорун киргизсин.

4. Бул токтом расмий жарыяланган күндөн тартып күчүнө кирет.

Кыргыз Республикасынын Өкмөтүнүн 2011-жылдын 11-ноябрындагы № 716 токтому менен бекитилген

Кыргыз Республикасынын Өкмөтүнө караштуу Интеллектуалдык менчик мамлекеттик кызматынын башкаруу

СХЕМАСЫ

┌────────────┐    ┌──────────────────┐    ┌──────────────────────────┐

│  Коллегия  │    │      Төрага      │    │    Апелляциялык кеңеш,   │

│            │    │    Статс-катчы   │    │    Авторлордун кеңеши    │

│            ├────┤  төраганын орун  ├────┤      Чектеш укуктар      │

│            │    │      басары      │    │     ээлеринин кеңеши     │

│            │    │                  │    │ Ойлоп табуучулар кеңеши, │

│            │    │                  │    │  Илимий-техникалык кеңеш │

└────────────┘    └─────────┬────────┘    └──────────────────────────┘

│

┌───────────────────┴──────────────────────────────┐

│    Кыргыз Республикасынын Өкмөтүнө караштуу      │

│  Интеллектуалдык менчик мамлекеттик кызматынын   │

│               борбордук аппараты                 │

└──────────────────────────────────────────────────┘

Юридикалык жак болуп түзүлгөн ведомстволук уюмдар:

┌────────────────────────────────┐  ┌─────────────────────────────────┐

│     Интеллектуалдык менчик     │  │ Мамлекеттик патенттик-техникалык│

│        мамлекеттик фонду       │  │             китепкана           │

└────────────────────────────────┘  └─────────────────────────────────┘