КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 19-январы № 12

Кыргыз Республикасынын Өкмөтүнүн 2011-жылдын 2-ноябрындагы № 692 “Кыргыз Республикасында санариптик телерадиоберүүгө өтүү жөнүндө” токтомуна өзгөртүүлөрдү жана толуктоолорду киргизүү тууралуу

Кыргыз Республикасында санариптик телерадиоберүүгө өтүү процесстерин оптималдаштыруу максатында, “Электр жана почта байланышы жөнүндө” Кыргыз Республикасынын Мыйзамына, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине  ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2011-жылдын 2-ноябрындагы № 692 “Кыргыз Республикасында санариптик телерадиоберүүгө өтүү жөнүндө” токтомуна төмөнкүдөй өзгөртүүлөр жана толуктоолор киргизилсин:

- 3-пункттун үчүнчү абзацы төмөнкүдөй редакцияда берилсин:

“- 2015-жылдын 1-январына чейин чек арага жакын аймактарда социалдык пакеттерди кабыл алууну камсыздасын, 2015-жылдын аягына чейин Кыргыз Республикасынын калкынын 95 пайызынан аз эмесинин социалдык пакетти кабыл алуусун камсыздасын.”;

жогоруда аталган токтом менен бекитилген Кыргыз Республикасында санариптик телерадиоберүүгө өтүүнүн Программасында:

- 1-баптын он жетинчи абзацында “бекитип” деген сөз “конкурстан сырткары бөлүштүрүп” деген сөздөр менен алмаштырылсын;

- 2-баптын экинчи абзацы төмөнкүдөй редакцияда берилсин:

“социалдык  пакет - бир жыштыктуу бөлүштүрүүдө калк үчүн акысыз жайылтылган жана мамлекеттик бюджеттен жана/же башка булактардан каржыланган теле жана радио уюмдарынын телеканалдарынын жана/же радиоканалдарынын пакети, анын тизмеги Кыргыз Республикасынын Өкмөтү тарабынан бекитилет;”;

- 4-баптын 1-пунктунун бешинчи абзацында “Лицензиялоо жөнүндө” деген сөздөр “Кыргыз Республикасындагы лицензиялык-уруксат берүү тутуму жөнүндө” деген сөздөр менен алмаштырылсын;

- 6-баптын 7-абзацындагы “кыргыз тилинде” деген сөздөр “мамлекеттик жана расмий тилдерде” деген сөздөр менен алмаштырылсын; 

7-бапта:

7-пункттун 6-абзацы төмөнкүдөй редакцияда берилсин: 

“Социалдык пакетти түзүү маселелерин жана шарттарын Кыргыз Республикасынын Өкмөтү аныктаган тартипте маалыматтык чөйрөдөгү мамлекеттик саясатты жүргүзүүгө ыйгарым укуктуу орган иштеп чыгышы керек.”;

11-пункттун 12-абзацы төмөнкүдөй редакцияда берилсин:

“ - 2015-жылдын аягына чейин Кыргыз Республикасынын калкынын 95 пайызынан аз эмесинин социалдык пакетти кабыл алуусун камсыздасын;”;

жогоруда аталган токтом менен бекитилген Кыргыз Республикасында санариптик телерадиоберүүгө өтүү программасын ишке ашыруу боюнча иш-чаралардын планында:

- 5 жана 6-пункттар төмөнкүдөй редакцияда берилсин:

“

”;

- 7-пункттагы “2013-жылдын III кварталы” деген цифралар жана сөздөр “2015-жылдын I жарым жылдыгы” деген цифралар жана сөздөр менен алмаштырылсын;

- 8-пункттагы “2013-жылдын III кварталы” деген цифралар жана сөздөр “2014-жылдын IV кварталы” деген цифралар жана сөздөр менен алмаштырылсын;

- төмөнкүдөй мазмундагы 9¹, 9²-пункттар менен толукталсын:

“

- 10 жана 11-пункттар күчүн жоготту деп таанылсын;

- 13-пункттун “Жооптуу аткаруучулар” деген графасы “, СӨМ” деген аббревиатура менен толукталсын;

- жогоруда аталган токтом менен бекитилген Кыргыз Республикасында санариптик телерадиоберүүгө өтүү программасын ишке ашыруу боюнча иш-чаралардын планы төмөнкүдөй мазмундагы эскертүү менен толукталсын:

 “Эскертүү:

Кыскартуулардын жана аббревиатуралардын тизмеси:

“МИР” МТРК - “МИР” Мамлекеттер аралык телерадиокомпаниясы;

“Ынтымак” КРТРК - “Ынтымак” коомдук регионалдык телерадиокомпаниясы;

КТРК - Кыргыз Республикасынын Коомдук телерадиоберүү корпорациясы;

“ЭлТР” - “ЭлТР - Коомдук телекөрсөтүүсү” Кыргыз Республикасынын телерадиоберүү компаниясы;

ТРК - телерадиокомпаниялар;

ММТМ - Кыргыз Республикасынын Маданият, маалымат жана туризм министрлиги;

ФМ - Кыргыз Республикасынын Финансы министрлиги;

СӨМ - Кыргыз Республикасынын Социалдык өнүгүү министрлиги”.

2. Ушул токтом расмий жарыяланган күндөн тартып күчүнө кирет.