Финансылык рыноктун субъекттери тарабынан отчет (маалымат) берүү жана маалыматты ачыктоо тартиби жөнүндө ЖОБО

(Кыргыз Республикасынын Өкмөтүнүн 2019-жылдын 28-январындагы № 24 , 2019-жылдын 13-майындагы № 222 , 2019-жылдын 29-августундагы № 437 , 2019-жылдын 16-сентябрындагы № 477, Кыргыз Республикасынын Министрлер Кабинетинин 2023-жылдын 3-мартындагы № 129, 2023-жылдын 25-апрелиндеги № 225, 2024-жылдын 6-ноябрындагы № 671 токтомдорунун редакцияларына ылайык)

1. Жалпы жоболор

1. Ушул жобонун колдонуу чөйрөсү

1. Финансылык рыноктун субъекттери тарабынан отчет (маалымат) берүү жана маалыматты ачыктоо тартиби жөнүндө жобо (мындан ары - Жобо) финансылык рыноктун жөнгө салынуучу субъекттери тарабынан финансылык рынокту көзөмөлдөө жана жөнгө салуу боюнча ыйгарым укуктуу мамлекеттик органга (мындан ары - ыйгарым укуктуу мамлекеттик орган) отчетторду (маалыматты) берүүнүн тартибин, ошондой эле финансылык рыноктун жөнгө салынуучу субъекттери тарабынан маалыматты ачыктоо тартибин аныктайт.

2. Маалымат кандай максатта алынып жаткандыгына карабай бардык кызыкдар жактар үчүн маалыматтын жеткиликтүүлүгүн камсыздоо маалыматты ачыктоо деп түшүнүлөт.

3. Финансылык рынокту жөнгө салуу чөйрөсүндөгү мыйзамдар менен жалпыга таандык деп таанылган маалыматтар ачыкталууга тийиш.

4. Ачыктоо боюнча иш-аракеттер жасалган маалымат ачыкталган маалымат деп таанылат.

5. Кызматтык маалыматтар ушул Жободо жана Кыргыз Республикасынын финансылык рынокту жөнгө салуу чөйрөсүндөгү башка ченемдик укуктук актыларында каралган учурларда ачыкталууга тийиш.

6. Финансылык рыноктун жөнгө салынуучу субъекттери тарабынан отчет түзүү жана берүү үчүн жоопкерчиликти финансылык рыноктун жөнгө салынуучу субъектисинин жетекчиси тартат.

7. Отчет (маалымат) берүү жана маалыматты ачыктоо боюнча ушул Жобонун талаптары бузулган, ошондой эле берилген отчетто (маалыматта), ачыкталган маалыматта жалган маалыматтар аныкталган учурда отчет (маалымат) берүүгө жана маалыматты ачыктоого милдеттүү адамдар ушул Жобонун негизинде Кыргыз Республикасынын бузуулар жөнүндө мыйзамдарга ылайык жоопкерчилик тартат.

(КР Өкмөтүнүн 2019-жылдын 29-августундагы № 437 токтомунун редакциясына ылайык)

8. Ыйгарым укуктуу мамлекеттик орган финансылык рыноктун жөнгө салынуучу субъектиси берген жана жалпыга таандык болгон маалыматты Кыргыз Республикасынын финансылык рынокту жөнгө салуу чөйрөсүндөгү мыйзамдарына ылайык ачыктоого укуктуу.

9. Ыйгарым укуктуу мамлекеттик орган, анын региондук бөлүмдөрү жана өкүлчүлүктөрү финансылык рыноктун жөнгө салынуучу субъектисинен Кыргыз Республикасынын финансылык рынокту жөнгө салуу чөйрөсүндөгү мыйзамдарына ылайык кошумча маалыматтарды жана документтерди сурап алууга укуктуу.

10. Финансылык рыноктун жөнгө салынуучу субъекттери отчетторду кагаз түрүндө жана электрондук алып жүрүүчүдө берет же болбосо электрондук отчет тапшырат.

11. Кагаз түрүндө берилген отчетко жетекчи жана башкы бухгалтер же алардын милдетин аткарган адамдар кол коёт, ал мөөр менен күбөлөндүрүлөт, ар бир барагына номер коюлат жана көктөлөт. Кагаз түрүндө берилген отчеттун мазмуну электрондук алып жүрүүчүдө тапшырылган отчеттун мазмунуна шайкеш келиши керек.

12. Электрондук отчет электрондук санариптик кол тамга менен тастыкталып, электрондук формада отчетту өткөрүп берүү боюнча кызмат көрсөтүүчү ыйгарым укуктуу мамлекеттик органдын сервистик борбору аркылуу электрондук түрдө берилет. Электрондук отчет ыйгарым укуктуу мамлекеттик орган иштеп чыккан электрондук форматта берилет. Көрсөтүлгөн форманы толтуруу үчүн ыйгарым укуктуу мамлекеттик органдын программалык продуктусу колдонулат. Тапшырылган документтердин юридикалык күчү жетекчинин жана башкы бухгалтердин же алардын милдетин аткарган адамдардын электрондук санариптик кол тамгасы менен тастыкталууга тийиш.

13. Финансылык рыноктун жөнгө салынуучу субъекттери финансылык чалгындоо органына террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү чөйрөсүндөгү Кыргыз Республикасынын мыйзамдарына ылайык маалыматты берүүгө милдеттүү.

(КР Өкмөтүнүн 2019-жылдын 16-сентябрындагы № 477 токтомунун редакциясына ылайык)

2. Финансылык рыноктун жөнгө салынуучу субъекттери тарабынан маалыматты ачыктоо

14. Жөнгө салынуучу субъекттер берген бардык отчеттордун курамына ушул Жобонун 1-тиркемеси кирет.

15. Ачык компания болуп саналган эмитент өзүнүн финансы-чарбалык иши жана баалуу кагаздар жөнүндө маалыматты ушул Жобонун 2-тиркемесине ылайык баалуу кагаздар боюнча жылдык жана кварталдык отчет түрүндө мезгил-мезгили менен ачыктап турууга тийиш.

16. Ачык компания болуп саналган эмитенттин жылдык отчету үч нускада түзүлөт.

Жылдык отчеттун бир нускасы жана аны ачыктоо жөнүндө маалымат ачык компания болуп саналган эмитенттин расмий бланкына жазылган коштомо кат менен бирге ачык компания болуп саналган эмитенттин ыйгарым укуктуу органы жылдык отчетту бекиткенден кийин 35 календардык күндөн кечиктирбестен ыйгарым укуктуу мамлекеттик органга берилет. Жылдык отчеттун экинчи нускасы ачык компания болуп саналган эмитентте сакталат жана эмитенттин баалуу кагаздарынын ээлерине алардын суроо-талабы боюнча берилүүгө тийиш. Отчеттун үчүнчү нускасы ачык компания болуп саналган эмитенттин ыйгарым укуктуу органы жылдык отчетту бекиткенден кийин 30 календардык күндөн кечиктирбестен анын баалуу кагаздарын листинг кылган фондулук биржага жиберилет.

Жылдык отчетко ачык компания болуп саналган эмитенттин жана эмитенттин эсептөө комиссиясынын жылдык чогулушунун протоколдорунун көчүрмөлөрү көктөлөт.

Ачык компания болуп саналган эмитенттин жылдык отчетунун, анын ичинде финансылык отчетунун жана аудитордук корутундунун кыскача баяндамасы акционерлердин жылдык чогулушу өткөндөн кийин ушул Жобонун 2-1-тиркемесине ылайык эки айдын ичинде, бирок отчеттук мезгилден кийинки жылдын 1-июнунан кечиктирилбестен жалпыга маалымдоонун басма сөз каражаттарына же баалуу кагаздардын тооругунун лицензиясы бар уюштуруучунун (фондулук биржанын) расмий сайтында жарыяланууга тийиш.

(КР Өкмөтүнүн 2019-жылдын 28-январындагы № 24 токтомунун редакциясына ылайык)

17. Ачык компания болуп саналган эмитенттин кварталдык отчету үч нускада түзүлөт. Кварталдык отчеттун бир нускасы ачык компания болуп саналган эмитенттин бланкына жазылган коштомо кат менен бирге отчеттук квартал аяктагандан кийин 35 календардык күндөн кечиктирбестен ыйгарым укуктуу мамлекеттик органга берилет. Кварталдык отчеттун экинчи нускасы отчеттук квартал аяктагандан кийин 30 календардык күндөн кечиктирбестен анын баалуу кагаздарын листинг кылган фондулук биржага берилет. Кварталдык отчеттун үчүнчү нускасы ачык компания болуп саналган эмитентте сакталат жана эмитенттин баалуу кагаздарынын ээлерине жана потенциалдуу инвесторлорго алардын суроо-талабы боюнча берилүүгө тийиш.

Кварталдык отчеттун, анын ичинде финансылык отчеттун кыскача баяндамасы отчеттук квартал аяктагандан кийин 30 календардык күндөн кечиктирбестен жалпыга маалымдоонун басма сөз же электрондук каражаттарына жарыяланууга тийиш. Ушул Жобонун 2-1-тиркемесине ылайык түзүлгөн кварталдык отчеттун кыскача баяндамасы лицензиясы бар баалуу кагаздарды сатууну уюштуруучунун (фондулук биржанын) расмий сайтына жарыяланышы мүмкүн.

18. Ачык компания болуп саналган эмитент анын финансы-чарбалык ишине тиешеси бар олуттуу фактылар (окуялар жана аракеттер) жөнүндө маалыматты ачыктоого милдеттүү.

19. Эмитент олуттуу факты жөнүндө маалыматты ачыктаган күндөн тартып 3 иш күндөн кечиктирбестен ал маалыматты жана аны ачыктоо жөнүндө маалыматты ыйгарым укуктуу мамлекеттик органга жиберүүгө милдеттүү.

Эмитент олуттуу факты болгон учурдан тартып 5 иш күндөн кечиктирбестен фондулук биржага олуттуу факты жөнүндө маалыматты билдирүүгө жана көрсөтүлгөн мөөнөттүн ичинде олуттуу факты жөнүндө маалыматты баалуу кагаздардын ээлеринин көпчүлүгүнө жеткиликтүү тираж менен жалпыга маалымдоо каражаттарына жарыялоого милдеттүү.

20. Олуттуу факты жөнүндө билдирүүдө эмитенттин фирмалык толук аталышы, анын жайгашкан жери, ошондой эле олуттуу факты жөнүндө билдирүү үчүн ушул Жободо каралган башка маалымат камтылышы керек. Олуттуу факты жөнүндө билдирүүдө талап кылынган маалымат камтылбаган учурда анын жоктугунун себеби көрсөтүлүүгө тийиш.

21. Олуттуу факты жөнүндө билдирүү көктөлөт (эгерде ал эки же андан ашуун баракта берилсе), ага эмитенттин жетекчиси кол коёт. Ар бир олуттуу фактыга өзүнчө билдирүү түзүлөт.

22. Олуттуу факты жөнүндө билдирүүнүн көчүрмөсү эмитенттин эмиссиялык баалуу кагаздарынын ээлерине жана башка кызыкдар жактарга алардын суроо-талабы боюнча, суроо талап берилген учурдан тартып 5 күндүн ичинде берилет.

23. Эмитенттин финансы-чарбалык ишине таандык, ачыкталууга тийиш болгон олуттуу фактылар ушул Жобонун 3-тиркемесинде келтирилген.

24. Инвестициялык фонддордун отчетторунан тышкары баалуу кагаздар рыногунун кесипкөй катышуучуларынын отчеттору отчеттук мезгилден кийин 30 күндүн ичинде берилет. Брокердик, дилердик ишти жана инвестициялык активдерди ишенимдүү башкаруу ишин жүргүзгөн кесипкөй катышуучунун отчеттору баалуу кагаздар рыногундагы брокердик, дилердик ишти жана инвестициялык активдерди ишенимдүү башкаруу ишин жүргүзүү жөнүндө ушул Жобонун 4-тиркемесине ылайык 3-7-отчеттордун формалары боюнча берилген отчеттордон, уюмдун финансылык абалын мүнөздөп көрсөтүүчү ушул Жобонун 4-тиркемесине ылайык 12-форма боюнча берилген эсептик көрсөткүчтөрдөн, ушул Жобонун 4-тиркемесине ылайык 13-форма боюнча берилген бүтүмдөр жөнүндө маалыматтардан турат.

Пенсиялык топтолуучу каражаттарды ишенимдүү башкаруу учурунда пенсиялык топтолуучу каражаттарды инвестициялоо жөнүндө отчеттор ушул Жобонун 4-тиркемесине ылайык 8-11-отчеттордун формалары боюнча кошумча берилет.

25. Брокердик, дилердик ишти жана инвестициялык активдерди ишенимдүү башкаруу ишин жүргүзгөн кесипкөй катышуучулар квартал сайын баалуу кагаздар боюнча бүтүмдөр жана финансылык абалды мүнөздөөчү көрсөткүчтөр жөнүндө маалыматты ушул Жобонун 4-тиркемесине ылайык 5 жана 12-формалар боюнча берет. Ошондой эле операция боюнча баалуу кагаздардын саны көрсөтүлгөн баалуу кагаздардын жалпы санынын 5 пайызынан кем эмес болсо, бир эмитенттин баалуу кагаздарынын бир түрү менен кесипкөй катышуучу тарабынан бир жолку операция жасалгандан кийин 5 күндүн ичинде маалымат ушул Жобонун 4-тиркемесине ылайык 13-форма боюнча берилет. Жылдык отчет отчеттордун бардык түрлөрү боюнча түзүлөт.

Пенсиялык топтолуучу каражаттарды ишенимдүү башкаруу учурунда пенсиялык топтолуучу каражаттарды инвестициялоо жөнүндө отчеттор ушул Жобонун 4-тиркемесине ылайык 8-11-формалар боюнча квартал сайын берилет.

26. Энчилүү баалуу кагаздардын кармоочуларынын реестрин жана сактоо ишин жүргүзгөн баалуу кагаздар рыногунун кесипкөй катышуучусунун жана депозитарийдин (мындан ары - каттоочулар) отчеттору Кыргыз Республикасында энчилүү баалуу кагаздардын ээлеринин реестрин жана сактоо ишин жүргүзүү жөнүндө ушул Жобонун 4-тиркемесине ылайык 1 жана 2-формалар боюнча берилүүчү отчеттордон, ушул Жобонун 4-тиркемесине ылайык 12-форма боюнча уюмдун финансылык абалын мүнөздөгөн эсептик көрсөткүчтөрдөн, бухгалтердик отчеттордон турат.

27. Каттоочулар энчилүү баалуу кагаздардын кармоочуларынын реестрин жүргүзүү операциялары боюнча финансылык абалды мүнөздөгөн көрсөткүчтөрдү ушул Жобонун 4-тиркемесине ылайык 1 жана 12-формалар боюнча квартал сайын берет. Ошондой эле операция боюнча баалуу кагаздардын саны көрсөтүлгөн баалуу кагаздардын жалпы санынын 5 пайызынан кем эмес болсо, бир эмитенттин баалуу кагаздарынын бир түрү менен кесипкөй катышуучу тарабынан бир жолку операция жасагандан кийин 5 күндүн ичинде маалымат ушул Жобонун 4-тиркемесине ылайык 13-форма боюнча берилет. Жылдык отчет отчеттордун бардык түрлөрү боюнча түзүлөт.

28. Фондулук биржалар отчетторду ушул Жобонун 5-тиркемесине ылайык ыйгарым укуктуу мамлекеттик органга берет.

Фондулук биржа төмөнкүлөрдү камтыган ар айлык отчетту тапшырууга милдеттүү:

- фондулук биржадагы листингге киргизилген баалуу кагаздардын тизмеси, ушул Жобонун 5-тиркемесине ылайык 2-форма боюнча;

- фондулук биржадагы листингден чыгарылган баалуу кагаздардын тизмеси, ушул Жобонун 5-тиркемесине ылайык 3-форма боюнча;

- соодага катышуучулардын жана ыйгарым укуктуу трейдерлердин реестри, ушул Жобонун 5-тиркемесине ылайык 4-форма боюнча;

- фондулук биржанын соода системасы аркылуу жүгүртүүгө чыгарылган баалуу кагаздарга сом менен жасалган бүтүмдүн эң чоң суммасына ээ болгон 5 соодага катышуучу жөнүндө маалыматтар, ушул Жобонун 5-тиркемесине ылайык 5-форма боюнча;

- отчеттук айдагы биринчи жана экинчи рынок боюнча бүтүмдөрдүн көлөмүн жана санын көрсөтүү менен фондулук биржанын соода системасында жасалган бүтүмдүн жалпы көлөмү жана саны, ушул Жобонун 5-тиркемесине ылайык 6-форма боюнча;

- айдагы (календарлык) сооданын жыйынтыктары жөнүндө топтомо маалымат, ушул Жобонун 5-тиркемесине ылайык 7-10-формалар боюнча;

Фондулук биржа ыйгарым укуктуу мамлекеттик органга төмөнкүлөрдү камтыган кварталдык отчетту тапшырууга милдеттүү:

- фондулук биржанын аракеттеринин жана андагы окуялардын кыскача баяндамасын, ал фондулук биржадагы олуттуу окуялар, өткөн кварталдагы фондулук биржанын ишинин жыйынтыгы, фондулук биржанын ишинин келечеги жана тенденциялары жөнүндө маалыматтарды, фондулук биржалар ыйгарым укуктуу мамлекеттик органга кабарлоо зарыл деп эсептеген башка маалыматтарды камтууга тийиш. Баяндама квартал сайын ыйгарым укуктуу мамлекеттик органга берилет;

- акционерлер жана фондулук биржанын соодасына катышкандар жөнүндө жалпы маалыматтар, ушул Жобонун 2-тиркемесине ылайык 1-форма боюнча;

- уюмдун эсептик саясаты жөнүндө буйруктун (тескеме) көчүрмөсү,

- өздүк каражаттардын жетиштүүлүгүнүн ченемдеринин эсептери, ушул Жобонун 4-тиркемесине ылайык 12-форма боюнча.

29. Фондулук биржа төмөнкүлөр жөнүндө маалыматтарды камтыган ыкчам отчетту ыйгарым укуктуу мамлекеттик органга берип турууга милдеттүү:

- баалуу кагаздар жөнүндө Кыргыз Республикасынын мыйзамдарын, ошондой эле фондулук биржанын эрежелерин жана ички операциялык жол-жоболорун соодага катышуучунун табылган бузуулары тууралуу (мындан ары - соодага катышуучунун бузуулары). Соодага катышуучунун бардык табылган бузуулары тууралуу маалыматтарда бузуулардын фактылары менен жагдайлары баяндалышы керек, мында табылган бузууларга тиешеси бар материалдар милдеттүү түрдө тиркелет. Көрсөтүлгөн маалыматтар фондулук биржанын ыйгарым укуктуу адамынын койгон колу менен күбөлөндүрүлүп, бузуу фактысы аныкталгандан кийин бир иш күндүн ичинде факсимиль байланышы жана (же) чабарман аркылуу же болбосо электрондук отчеттордун системасы боюнча ыйгарым укуктуу мамлекеттик органга жөнөтүлүшү керек;

- фондулук биржанын соода системаларындагы үзгүлтүктөр жөнүндө. Фондулук биржанын соода системасындагы үзгүлтүктөр жөнүндө маалыматтар фондулук биржанын ыйгарым укуктуу адамынын койгон колу менен күбөлөндүрүлүп, үзгүлтүккө учуроо фактысы аныкталгандан кийин 6 сааттын ичинде факсимиль байланышы жана (же) чабарман аркылуу же болбосо электрондук отчеттордун системасы боюнча ыйгарым укуктуу мамлекеттик органга жөнөтүлүшү керек.

30. Инвестициялык фонддор тарабынан отчетторду берүүнүн тартиби жана мөөнөттөрү:

1) акционердик инвестициялык фонд төмөнкүлөрдү берет:

- квартал сайын, отчеттук квартал аяктагандан кийин 35 календарлык күндөн кечиктирбестен ушул Жобонун 6-тиркемесине ылайык 1-5-формалар боюнча түшүндүрмө катты;

- акционердик инвестициялык фонддун ыйгарым укуктуу органы жылдык отчетту бекиткенден кийин 35 календарлык күндөн кечиктирбестен ушул Жобонун 6-тиркемесине ылайык 1-5-формалар боюнча аудитордун бүтүмү менен жылдык отчетторду;

2) үлүштүк инвестициялык фонддордун башкаруучу компаниялары тарабынан төмөнкүлөр бир нускадан берилет:

- ай сайын отчеттук айдан кийинки айдын 10уна чейин, ушул Жобонун 6-тиркемесине ылайык 9-12-формалар боюнча;

- квартал сайын отчеттук кварталдан кийинки айдын 30уна чейин, киреше жана чыгаша жөнүндө кварталдык отчеттун 1 жана 2-тиркемелерине ылайык 6-8-формалар боюнча түшүндүрмө катын тиркөө менен;

- отчеттук жыл аяктагандан кийин 60 күндүн ичинде - аудитордун корутундусу менен жылдык отчетту, ушул Жобонун 6-тиркемесине ылайык 6-12-формалар боюнча.

31. Камсыздандыруу (кайра камсыздандыруу) уюмдарынын отчеттору ушул Жобонун 7-тиркемесине ылайык берилет. Камсыздандыруу (кайра камсыздандыруу) уюмдары ай сайын отчеттук мезгилден кийинки айдын 10унан кечиктирбестен төмөнкүлөрдү беришет:

- камсыздандыруу компаниясы боюнча отчеттук мезгилдин ичинде түзүлгөн камсыздандыруу келишимдери боюнча маалыматты, ушул Жобонун 7-тиркемесине ылайык 2-форма боюнча;

- кайра камсыздандырууга өткөрүп берилгендерди эске алуу менен камсыздандыруу келишимдери боюнча маалыматты, камсыздандыруу компаниясы боюнча отчеттук мезгилдин ичинде токтотулган милдеттенмелерди, ушул Жобонун 7-тиркемесине ылайык 3-форма боюнча;

- камсыздандыруудан түшкөн сыйлык жана ордун толтуруу иретинде камсыздандыруучу төлөмдөр жөнүндө маалыматты, ушул Жобонун 7-тиркемесине ылайык 4-форма боюнча;

- пруденциялык ченемдерди ишке ашыруу жөнүндө отчетту, ушул Жобонун 7-тиркемесине ылайык 6.1-форма боюнча;

- акы төлөө жөндөмүнүн пруденциялык ченемдерин эсептөө үчүн кошумча маалыматты, ушул Жобонун 7-тиркемесине ылайык 6.2-форма боюнча.

Камсыздандыруу (кайра камсыздандыруу) уюмдары квартал сайын отчеттук мезгилден кийинки айдын 10унан кечиктирбестен төмөнкүлөрдү беришет:

- камсыздандыруу компаниялары боюнча кайра камсыздандырууга берилгендерди эске алуу менен камсыздандыруунун колдонуудагы келишимдери боюнча маалыматтарды, ушул Жобонун 7-тиркемесине ылайык 1-форма боюнча;

- камсыздандыруу (кайра камсыздандыруу) уюмдарынын камсыздандыруу (техникалык) резервдерин эсептөө жөнүндө отчетту, ушул Жобонун 7-тиркемесине ылайык 5-форма боюнча.

32. Топтолуучу пенсиялык фонддордун отчеттору ушул Жобонун 8-тиркемесине ылайык ай сайын отчеттук мезгилден кийинки айдын 10унан кечиктирбестен берилет. Топтолуучу пенсиялык фонддор төмөнкүлөрдү беришет:

- финансылык иш жөнүндө отчетту, ушул Жобонун 8-тиркемесине ылайык 1-форма боюнча;

- катышуучулардын санын жана салымдар менен төлөнгөн пенсиялардын суммасын, ушул Жобонун 8-тиркемесине ылайык 2-форма боюнча;

- пруденциялык ченемдерди ишке ашыруу жөнүндө отчет, ушул Жобонун 8-тиркемесине ылайык 3-форма боюнча;

- акы төлөө жөндөмүнүн пруденциялык ченемдерин эсептөө үчүн кошумча маалыматты, ушул Жобонун 8-тиркемесине ылайык 4-форма боюнча.

33. Лотереяны уюштуруучу ыйгарым укуктуу мамлекеттик органга төмөнкүдөй отчетторду берет:

а) ар айлык отчеттор (тез уюштурулуучу, тираждык, электрондук лотереялар үчүн) ушул Жобонун 9-тиркемесине ылайык 1, 2, 4-формалар боюнча отчеттук мезгилден кийинки айдын 10унан кечиктирбестен берилет;

б) бүткөн лотереянын жыйынтыгы боюнча отчеттор (кызыктыруучу лотереялар үчүн) ушул Жобонун 9-тиркемесине ылайык 3-форма боюнча лотерея аяктагандан кийин 30 күндөн кечиктирбестен берилет.

(Кыргыз Республикасынын Министрлер Кабинетинин 2023-жылдын 3-мартындагы № 129 токтомунун редакциясына ылайык)

34. (Кыргыз Республикасынын Министрлер Кабинетинин 2023-жылдын 25-апрелиндеги № 225 токтомуна ылайык күчүн жоготту)

35. Ломбарддардын иши жөнүндө отчет кварталдык жана жылдык отчеттордун формасы боюнча ушул Жобонун 11-тиркемесине ылайык түзүлөт жана ал төмөнкүлөрдөн турат:

- ломбард боюнча жалпы маалыматтардан;

- ломбарддык иштин негизги көрсөткүчтөрүнөн;

- баланстык көрсөткүчтөрдөн;

- акча каражаттары менен жүргүзүлгөн операциялар жөнүндө маалыматтардан.

Ломбарддардын иши жөнүндө кварталдык отчет отчеттук мезгил аяктагандан кийин 30 күндүн ичинде берилет.

Ломбарддардын иши жөнүндө жылдык отчет отчеттук жыл аяктагандан кийин 90 күндүн ичинде берилет.

3-глава. Баалуу кагаздар рыногунун жөнгө салынуучу субъекттеринин иштери жөнүндө маалыматтарды жарыялоо үчүн пайдаланылуучу жалпыга маалымдоо каражаттарына коюлуучу талаптар

(Глава КР Өкмөтүнүн 2019-жылдын 28-январындагы № 24 токтомунун редакциясына ылайык)

36. Газета:

- мезгилдүү басылманын жылдык тиражы 20000 нускадан кем болбоого тийиш;

- басылма мамлекеттик жана расмий тилдерде чыгарылууга тийиш;

- басылма Кыргыз Республикасынын аймагында таркатылууга тийиш;

- мезгилдүү басылманын өзүнчө номеринин тиражы ар жума сайын чыгарылууга тийиш;

- туруктуу аты болууга тийиш.

(КР Өкмөтүнүн 2019-жылдын 28-январындагы № 24 токтомунун редакциясына ылайык)

37. Журнал:

- мезгилдүү басылманын жылдык тиражы 10000 нускадан кем болбоого тийиш;

- басылма мамлекеттик жана расмий тилдерде чыгарылууга тийиш;

- басылма Кыргыз Республикасынын аймагында таркатылууга тийиш;

- мезгилдүү басылманын өзүнчө номеринин тиражы ар ай сайын чыгарылууга тийиш;

- туруктуу аты болууга тийиш.

(КР Өкмөтүнүн 2019-жылдын 28-январындагы № 24 токтомунун редакциясына ылайык)

38. Бюллетень:

- мезгилдүү басылманын жылдык тиражы 10000 нускадан кем болбоого тийиш;

- басылма мамлекеттик жана расмий Тилдерде чыгарылууга тийиш;

- басылма Кыргыз Республикасынын аймагында таркатылууга тийиш;

- мезгилдүү басылманын өзүнчө номеринин тиражы жарым жыл сайын чыгарылууга тийиш;

- туруктуу аты болууга тийиш.

(КР Өкмөтүнүн 2019-жылдын 28-январындагы № 24 токтомунун редакциясына ылайык)

(КР Өкмөтүнүн 2019-жылдын 28-январындагы № 24, 2019-жылдын 29-августундагы № 437 токтомдорунун редакцияларына ылайык)

1. Финансылык рыноктун жөнгө салынуучу субъектиси жөнүндө маалыматтар

_______________________________________________________________________________________________________________

(финансылык рыноктун жөнгө салынуучу субъектисинин толук жана кыскартылган аталышы)

_______________________________________________________________________________________________________________

(уюштуруу-укуктук формасы)

_______________________________________________________________________________________________________________

(юридикалык жана почталык дареги, телефондун жана телефакстын номери)

_______________________________________________________________________________________________________________

(иштин негизги түрү)

2. Финансылык рыноктун жөнгө салынуучу субъектисинин аткаруу органынын бардык мүчөлөрүнүн тизмеси

3. Финансылык рыноктун жөнгө салынуучу субъектисинин директорлор кеңешинин бардык мүчөлөрүнүн тизмеси

4. Финансылык рыноктун жөнгө салынуучу субъектисинин ревизиялык органынын бардык мүчөлөрүнүн тизмеси

5. Кызмат адамдарын сыйлоо жөнүндө маалымат

6. Жетекчилерди бузуу, жорук жасагандыгы үчүн жоопко тартуу жана жазык жоопкерчилигине тартуу жөнүндө маалымат.

Отчеттук мезгилдин аягына карата жоюлбаган экономикалык кылмыштар, жоруктар жана бузуулар үчүн жетекчини жазык жоопкерчилигине тартуу жөнүндө маалымат.

7. Коомдун баалуу кагаздарынын/үлүштөрүнүн ээлеринин жана кызматкерлеринин саны

8. Баалуу кагаздардын/үлүштөрдүн чет элдик ээлеринин тизмеси

9. Ипотеканы жабуучу депозитарий жөнүндө маалымат

10. Үлүштөрдүн/баалуу кагаздардын жалпы санынын 5 пайызынан кем эмесине ээлик кылган финансылык рыноктун жөнгө салынуучу субъектисинин үлүштөрүнүн/баалуу кагаздарынын бардык ээлеринин тизмеси

11.Финансылык рыноктун жөнгө салынуучу субъектисинин аффилирленген адамдарынын тизмеси

12. Финансылык рыноктун жөнгө салынуучу субъектиси уставдык капиталдын 5 жана андан ашуун пайызына ээлик кылган юридикалык жактардын тизмеси

13. Финансылык рыноктун жөнгө салынуучу субъектисинин филиалдарынын жана өкүлчүлүктөрүнүн тизмеси

14. Финансылык рыноктун жөнгө салынуучу субъектисин, анын туунду жана көз каранды коомдорун кайра уюштуруу жөнүндө маалымат

14-1. Кыймылсыз мүлктөрдүн объектилери жөнүндө маалыматтар

15. Финансылык рыноктун жөнгө салынуучу субъектисинин финансылык абалы жөнүндө маалымат

1) Коомдун отчеттук жылда алган пайдасын пайдалануу жөнүндө маалымат

2) Финансылык рыноктун жөнгө салынуучу субъектисинин резервдик жана башка атайын фонддорду пайдалануу жөнүндө маалымат

16. Отчетко төмөнкүлөр тиркелет:

- бухгалтердик баланс, пайдалар жана чыгашалар жөнүндө отчет, акча каражаттарынын кыймылы жөнүндө отчет, Кыргыз Республикасынын Өкмөтүнүн 2010-жылдын 7-октябрындагы № 231 токтому менен бекитилген ишкердиктин субъекттеринин, коммерциялык эмес уюмдардын (бюджеттик мекемелерден тышкары) финансы-чарбалык иштеринин бухгалтердик эсебинин пландуу эсептеринин бардык саптарын камтыган капиталдагы өзгөрүүлөр жөнүндө отчет. Ушул абзацта көрсөтүлгөн маалыматтар ар бир кварталдын, ошондой эле жылдын жыйынтыгы боюнча берилет;

- эсептик саясаттын жана башка түшүндүрмө каттардын маанилүү элементтеринин жыйындысын камтыган эскертүү;

- Кыргыз Республикасынын мыйзамдарына ылайык аудит жүргүзүүгө милдеттүү жөнгө салынуучу субъекттер үчүн финансылык рыноктун жөнгө салынуучу субъектисинин отчеттук жылдагы финансылык отчетун текшерүүнүн жыйынтыгы жөнүндө аудитордук корутунду;

- финансылык рыноктун жөнгө салынуучу субъектисин корпорациялык башкаруунун тажрыйбасынын кыскача баяндамасы, отчеттук мезгилдин ичинде колдонулган же өзгөртүлгөн тажрыйбанын кыскача баяндамасы менен кошо.

17. Финансылык рыноктун жөнгө салынуучу субъектисинин катышуучуларынын/баалуу кагаздарынын ээлеринин отчеттук мезгилде өткөргөн жылдык жалпы чогулуштары жөнүндө маалымат:

1) Акционерлердин отчеттук жылда өткөргөн жалпы чогулуштары

2) Отчетко отчеттук жылдагы баалуу кагаздардын ээлеринин/катышуучуларынын жалпы чогулуштарынын бардык протоколдору жана ошол чогулуштардын эсептөө комиссияларынын отчеттору, ошондой эле эгерде алар ыйгарым укуктуу мамлекеттик органга мурда берилбесе, жалпы чогулушту чакыруу жөнүндө жарыянын көчүрмөсү тиркелет.

Жетекчи: _______________________________________________ Колу: _________________________________

(кызмат орду, аты-жөнү)

Башкы бухгалтер: _______________________________________ Колу: _________________________________

(аты-жөнү)

1. Коомдун катчысы жөнүндө маалымат

2. Отчеттук мезгилде ачык компаниянын ишине тиешеси болгон олуттуу фактылар (мындан ары - факт) жөнүндө маалымат:

3. Ачык компаниялардын баалуу кагаздарынын бардык чыгарылыштары жөнүндө маалымат

4. Акционердик коомдун кызыкдар жактар менен түзүлгөн бүтүмдөрүнүн шарттары жана мүнөздөрү жөнүндө маалыматтар:

1) бүтүм түзүлгөн дата;

2) бүтүмдүн эмитенттин ишине тийгизген таасири жөнүндө маалымат (финансылык натыйжа, кошумча инвестициялар ж.б.);

3) түзүлгөн бүтүмдөрдүн шарттары жана мүнөзү жөнүндө маалымат (бүтүмдүн предмети, шарттары, баасы ж.б.);

4) кызыкдарлыктын даражасы (бүтүмгө кызыкдар жактар);

5) бүтүм жөнүндө маалыматты жалпыга маалымдоо каражаттарына жарыялоо датасы (жарыяланган маалыматтын көчүрмөсү тиркелет);

6) бүтүм жөнүндө маалыматты баалуу кагаздар рыногун жөнгө салуучу ыйгарым укуктуу ачыктоо датасы.

Жетекчи: _________________________________________ Колу: _______________________

(кызмат орду, аты-жөнү)

Башкы бухгалтер: _________________________________ Колу: _______________________

(аты-жөнү)

Жалпыга маалымдоо каражаттарына жарыялоо үчүн кыскача жылдык жана кварталдык отчетко киргизилүү маалыматтар

1. Эмитент жөнүндө маалыматтар:

- эмитенттин толук жана кыскартылган аталышы_________________________________________________________

- уюштуруу-укуктук формасы__________________________________________________________________________

- эмитенттин юридикалык жана почталык дареги, телефонунун жана телефаксынын номери___________________

- эмитенттин ишинин негизги түрү_____________________________________________________________________

2. Баалуу кагаздардын ээлеринин жана эмитенттин кызматкерлеринин саны________________________________

___________________________________________________________________________________________________

(бул пункт отчеттук мезгилдин акырына карата баалуу кагаздардын ээлеринин саны боюнча маалыматтарды

___________________________________________________________________________________________________

жана отчеттук мезгилдин акырына карата эмитенттин кызматкерлеринин санын камтыйт).

3. Эмитент уставдык капиталдын 5 пайызына жана андан ашыгына ээлик кылган юридикалык жактардын тизмеси

___________________________________________________________________________________________________

(бул пунктта юридикалык жактын толук аталышы, анын уюштуруу-укуктук формасы, жайгашкан жери,

___________________________________________________________________________________________________

почталык дареги, телефону, факсы, электрондук почтасынын дареги жана ОКПО коду,

___________________________________________________________________________________________________

ошондой эле уставдык капиталдагы үлүшү көрсөтүлөт).

4. Отчеттук мезгилде баалуу кагаздардын эмитенттин ишине тиешеси болгон олуттуу фактылар

(мындан ары - факт) жөнүндө маалымат

___________________________________________________________________________________________________

(бул пунктта фактынын аталышы, ал жаралган дата, фактынын эмитенттин ишине тийгизген таасири,

___________________________________________________________________________________________________

ошондой эле  ошол факты жөнүндө маалымат ачылган дата жана форма жөнүндө маалымат камтылат)

5. Эмитенттин отчеттук мезгилдеги финансылык отчету.

1) Бухгалтердик баланска киргизилүүчү маалыматтар

2) Киреше жана чыгымдар жөнүндө отчетко киргизилүүчү маалыматтар

3) Капиталдагы өзгөрүүлөр жөнүндө отчетко киргизилүүчү маалыматтар

6. Эмиссиялуу баалуу кагаздарды жана ипотекалык баалуу кагаздарды жайгаштыруунун натыйжасында эмитент тарабынан тартылган каражаттардын жумшалышы жөнүндө маалыматтар төмөнкүлөрдү камтыйт: тартылган каражаттардын жалпы көлөмүн, тартылган каражаттардын ар бир багыт боюнча пайдаланылышы жөнүндө жана тартылган каражаттарды пайдалануунун багыттары жөнүндө маалыматтарды.

7. Отчеттук мезгилде эмитент жана анын туунду коому алган карыз каражаттар. Отчеттук мезгилде эмитент алган карыз каражаттар жана отчеттук мезгилде туунду коом алган карыздык каражаттар ушул пунктта көрсөтүлөт.

8. Отчеттук мезгилде эмитенттин кыска мөөнөттүү жана узак мөөнөттүү финансылык салымдары жөнүндө маалымат.

9. Эмитенттин баалуу кагаздары боюнча киреше.

Бул маалыматтар отчеттук кварталда же отчеттон мурдагы кварталда эмитенттин баалуу кагаздардан алган кирешесин эсептөөдө берилет, ал өзүнө төмөнкүлөрдү камтыйт: баалуу кагаздардын түрүн, бир баалуу кагазга жана баалуу кагаздардын жалпы суммасына эсептелип чыгарылган, баалуу кагаздардын түрүнө эсептелип чыгарылган кирешелердин өлчөмүн.

10. Коомдун бүтүм түзүшүнө кызыкдар жактар түзгөн бүтүмдүн шарттары жана мүнөзү жөнүндө маалыматтар төмөнкүлөрдү камтыйт: бүтүм түзүлгөн күндү, түзүлгөн бүтүмдүн эмитенттин ишине (финансылык натыйжага, кошумча инвестициялоого ж.б.) тийгизген таасири жөнүндө маалыматты, түзүлгөн (бүтүмдүн шарттары жана мүнөзү (бүтүмдүн предмети, шарты, баасы д.у.с.) жөнүндө маалыматтарды, (бүтүмдүн түзүлүшүнө тиешелүү жактын) кызыгуусунун даражасын, бүтүм жөнүндө маалымат жалпыга маалымдоо каражаттарына жарыяланган дата (жарыяланган билдирүүнүн көчүрмөсү тиркелет), ошондой эле бүтүм жөнүндө маалыматты баалуу кагаздар рыногун жөнгө салуучу ыйгарым укуктуу мамлекеттик органга жиберген датаны.

Жетекчи: ________________________________________ Колу: _______________________

(кызмат орду, аты-жөнү)

Башкы бухгалтер: _________________________________ Колу: ______________________

(аты-жөнү)

Эмитенттин финансы-чарбалык ишине тиешеси бар жана милдеттүү түрдө ачыкталууга тийиш болгон олуттуу фактылар

(КР Өкмөтүнүн 2019-жылдын 28-январындагы № 24 токтомунун редакциясына ылайык)

1. Эмитенттин башкаруу органдарына кирген адамдардын тизмесиндеги өзгөрүүлөр (жоопкерчилиги чектелген коомдордун катышуучуларынын жалпы чогулушунан жана акционердик коомдордун акционерлеринин жалпы чогулушунан башкасы).

Эмитенттер жеке аткаруучу органдын шайланганы (дайындалганы) жана ыйгарым укуктарынын токтотулганы (анын ичинде мөөнөтүнөн мурда) жөнүндө, коллегиялуу аткаруучу органдын жана Директорлор кеңешинин (байкоочу кеңешинин) мүчөсүнүн (мүчөлөрүнүн) шайланганы тууралуу, анын (алардын) ыйгарым укуктарынын токтотулганы жөнүндө, ошондой эле жеке аткаруучу органдын ыйгарым укуктарынын өткөрүп берилгени жана токтотулганы тууралуу коммерциялык уюмга (башкаруучу уюмга) кабарлоого милдеттүү.

Кабарлоодо төмөнкүлөр көрсөтүлүшү керек:

- өзгөрүү болгон башкаруу органы;

- эмитенттин башкаруу органына шайланган (дайындалган) ар бир адамдын жана (же) ыйгарым укугу токтотулган ар бир адамдын фамилиясы, аты-жөнү;

- эмитенттин жеке башкаруучу аткаруу органынын ыйгарым укугу берилген коммерциялык уюмдун жана (же) жеке башкаруучу аткаруу органынын ыйгарым укугу токтотулган коммерциялык уюмдун толук аталышы, жайгашкан жери жана почта дареги;

- эмитенттин акционери (катышуучусу) болгон адамдын эмитенттин уставдык капиталдагы катышуусунун үлүшү; аталган өзгөрүү болуп өткөн жана болуучу дата;

- эмитенттин аталган өзгөртүүлөргө негиз болгон чечимди чыгарган ыйгарым укуктуу органы жана чечим кабыл алынган дата же ал өзгөрүүлөрдү жараткан башка шарттар.

Эмитенттин башкаруу органдарына кирген адамдардын тизмесиндеги өзгөрүү болгон учур деп, эмитенттин ыйгарым укуктуу органы тиешелүү чечимди кабыл алган дата же андай өзгөртүүлөрдү пайда кылган башка шарттар болгон дата эсептелинет.

2. Эмитенттин башкаруу органдарына кирген адамдардын катышуу өлчөмүндөгү, эмитенттин уставдык капиталындагы, ошондой эле анын туунду жана көз каранды коомдорундагы өзгөрүүлөр жана бул адамдардын башка юридикалык жактардын капиталына катышуусу жөнүндө маалыматтар, эгерде алар ошол капиталдын 20 пайыздан ашыгына ээлик кылса.

Эмитенттер аткаруу органынын же Директорлор кеңешинин мүчөсү болгон адамдын эмитенттин, анын туунду жана көз каранды коомдорунун уставдык капиталындагы үлүштү сатып алганы жөнүндө, ошондой эле андай катышуу үлүшүндөгү болгон ар кандай өзгөрүүлөр жөнүндө билдирүүгө милдеттүү.

Билдирүүдө төмөнкүлөр көрсөтүлүүгө тийиш:

- адамдын фамилиясы, аты-жөнү жана кызмат орду (эмитенттин жеке башкаруучу аткаруу органынын ыйгарым укугу берилген коммерциялык уюмдун толук аталышы, жайгашкан жери жана почта дареги);

- эмитенттин, анын туунду жана көз каранды коомдорунун уставдык капиталындагы өзгөрүү болгонго чейинки жана болгондон кийинки үлүшү;

- эмитенттин, анын туунду жана көз каранды коомдорунун уставдык капиталында үлүштүн өзгөрүүсү болгон дата.

Эмитенттин, анын туунду жана көз каранды коомунун уставдык капиталындагы үлүштөрдүн өзгөрүү учуру деп эмитенттин баалуу кагаздарынын реестрин жүргүзүү системасына (же депо эсеби боюнча) жазылган дата же жоопкерчилиги чектелген (кошумча) жоопкерчиликтүү коомдогу катышуу үлүшүн сатып алган (ээликтен ажыраткан) жана натыйжада аталган өзгөрүүлөр болгон дата эсептелет.

3. Эмитенттин баалуу кагаздарынын ээлеринин тизмесиндеги өзгөрүүлөр:

Эмитент анын уставдык капиталындагы үлүштү - баалуу кагаздардын (үлүштөрдүн) 5 жана андан ашуун пайызын кандайдыр бир жактын сатып алганы жөнүндө, ошондой эле баалуу кагаздардын (үлүштөрдүн) 5 жана андан ашык пайызына ээлик кылгандардын үлүштөрү өзгөргөнү жөнүндө билдирүүгө милдеттүү.

Билдирүүдө төмөнкүлөр көрсөтүлүшү керек:

- катышуу үлүшү (баалуу кагаздардын үлүшү) өзгөргөн жеке адамдын фамилиясы, аты-жөнү же юридикалык жактын толук аталышы, жайгашкан жери, почта дареги, ОКПО коду;

- өзгөрүү болгонго чейинки жана болгондон кийинки эмитенттин уставдык капиталындагы үлүшү (акчалай туюнтулушта жана уставдык капиталдан пайыз менен), ошондой эле ага таандык баалуу кагаздардын саны (акция болгон учурда - жөнөкөйлөрү жана артыкчылыктуулары өз-өзүнчө);

- уставдык капиталдагы катышуу үлүшү (баалуу кагаздардын үлүшү) өзгөргөн дата.

Эмитенттин уставдык капиталдагы үлүшү (баалуу кагаздардын үлүшү) өзгөргөн учур деп акционердик коомдун баалуу кагаздарынын ээлеринин реестрин жүргүзүү системасына (депо эсеби боюнча) жазуу жазылган дата же жоопкерчилиги чектелген (кошумча) жоопкерчиликтүү коомдогу катышуу үлүшүн сатып алуунун (менчиктен ажыратуунун) натыйжасында аталган өзгөртүүлөр болгон дата эсептелет.

4. Эмитент уставдык капиталдын 20 жана андан ашуун пайызына ээлик кылган юридикалык жактардын тизмесиндеги өзгөрүүлөр.

Эмитент башка юридикалык жактын уставдык капиталындагы 5 жана андан ашык пайыз үлүшүн (баалуу кагаздардын үлүшү) сатып алганы жөнүндө, ошондой эле мындай үлүштүн өзгөргөнү тууралуу билдирүүгө милдеттүү.

Билдирүүдө төмөнкүлөр көрсөтүлүшү керек:

- эмитентке таандык уставдык капиталдагы катышуу үлүшү (баалуу кагаздардагы үлүшү) өзгөргөн юридикалык жактын толук аталышы, ошондой эле жайгашкан жери, почта дареги, ОКПО коду;

- эмитенттин юридикалык жактын уставдык капиталындагы өзгөрүү болгонго чейинки жана болгондон кийинки үлүшү;

- уставдык капиталдагы (баалуу кагаздагы) үлүштө өзгөрүү болгон дата.

Эмитенттин башка юридикалык жактын уставдык капиталындагы үлүшү (баалуу кагаздарындагы үлүшү) өзгөргөн учур деп эмитенттин баалуу кагаздарынын ээлеринин реестрин жүргүзүү системасына (депо эсеби боюнча) жазуу жазылган дата же жоопкерчилиги чектелген (кошумча жоопкерчиликтүү) коомдогу катышуу үлүшүн сатып алуунун (менчиктен ажыратуунун) натыйжасында өзгөрүүлөрдүн болушу эсептелет.

5. Эмитенттин реестринде эмитенттин баалуу кагаздарынын эмиссиясынын өзүнчө ар кандай түрүнүн 5 пайызынан ашыгына ээлик кылган адамдын пайда болушу.

Эмитенттер анын баалуу кагаздарынын эмиссиясынын өзүнчө ар кандай түрүнүн 5 пайызынан ашкан үлүшүн сатып алган адамдар жөнүндө билдирүүгө милдеттүү.

Билдирүүдө төмөнкүлөр көрсөтүлүшү керек:

жогоруда айтылган үлүштү сатып алган жарандын фамилиясы, аты-жөнү же юридикалык жактын толук аталышы, жайгашкан жери, почта дареги, ОКПО коду.

Эмитенттин энчилүү баалуу кагаздарынын реестринде анын эмиссиялык баалуу кагаздарынын 5 пайызынан ашуунуна ээлик кылган адамдын пайда болуу учуру деп, энчилүү баалуу кагаздардын ээлеринин реестрин (депо эсеби боюнча) жүргүзүү системасына жазылган дата эсептелет.

6. Эмитенттин бир жолку бүтүмдөрү, ошол бүтүм түзүлгөн күнгө карата өлчөмү же мүлкүнүн наркы эмитенттин активдеринин 10 жана андан ашык пайызын түзөт.

Билдирүүдө төмөнкүлөр көрсөтүлүшү керек:

- бүтүм (бүтүмдөр) боюнча контрагенттин фамилиясы, аты-жөнү, же толук аталышы, жайгашкан жери жана почта дареги;

- бүтүм (бүтүмдөр) түзүлгөн дата;

- бүтүм (бүтүмдөрдүн) баяндалышы.

Фактынын пайда болгон учуру деп аталган бүтүм (бүтүмдөр) түзүлгөн дата эсептелет.

6-1. Кыймылсыз мүлктүн аянтына карабастан аны сатып алуу, алуу же бир жылдан ашык мөөнөткө убактылуу пайдаланууга берүү жөнүндө келишимди түзүү фактысы же башка документтер жана/же мындай келишимди мамлекеттик каттоо фактысы.

Билдирүүдө төмөнкүлөр көрсөтүлүүгө тийиш:

- келишимдин тарабынын фамилиясы, аты-жөнү же толук аталышы, турган жери жана почталык дареги же башка документи;

- келишим түзүлгөн күн;

- кыймылсыз мүлктөрдүн баяндамасы;

- келишимдин баяндамасы.

7. Эмитенттин активдеринин наркы 10 пайыздан ашык бир жолку көбөйүшүнө же азайышына алып келген факт (фактылар).

Тиешелүү факт пайда болгон учурдагы айдан мурдагы кварталдын акырына карата эмитенттин активдеринин наркынын 10 пайыздан ашуунга бир жолку көбөйүшүнө же азайышына алып келген фактылар жөнүндө эмитент билдирүүгө милдеттүү.

Билдирүүдө төмөнкүлөр көрсөтүлүшү керек:

- эмитенттин активдеринин наркынын 10 пайыздан ашуунга бир жолку көбөйүшүнө же азайышына алып келген факт (фактылар) жана факт (фактылар) пайда болгон дата;

- тиешелүү факт (фактылар) пайда болгон айдан мурдагы кварталдын аягындагы эмитенттин активдеринин чоңдугу;

- тиешелүү факт пайда болгон айдан мурдагы кварталга салыштырганда активдердин наркынын 10 пайыздан ашуунга бир жолку көбөйүшүнө же азайышына алып келген факт пайда болгон айга карата абсолюттук жана пайыздык катышта эмитенттин активдеринин чоңдугунун өзгөрүшү.

Фактынын пайда болуу учуру деп эмитенттин активдеринин наркынын 10 пайыздан ашык бир жолку көбөйүшү же азайышы болгон ай бүткөндөн кийинки 10-күн эсептелет.

8. Эмитенттин таза пайдаларынын же таза зыяндарынын 10 пайыздан ашык бир жолку көбөйүшүнө алып келген факт (фактылар).

Эмитенттер таза пайдалар же таза зыяндардын 10 пайыздан ашуунга бир жолку көбөйүшүнө алып келген фактылар жөнүндө билдирүүгө милдеттүү. Билдирүүдө төмөнкүлөр көрсөтүлүшү керек:

- эмитенттин таза пайдалары же таза зыяндарынын 10 пайыздан ашык бир жолку көбөйүшүнө алып келген факт (фактылар);

- эмитенттин таза пайдалары же таза зыяндарынын 10 пайыздан ашык бир жолку көбөйүшүнө алып келген факт (фактылар) пайда болгон дата;

- тиешелүү факт (фактылар) пайда болгон айдан мурдагы кварталдын акырына карата эмитенттин пайдаларынын (зыяндарынын) мааниси;

- тиешелүү факт пайда болгон айдан мурдагы кварталга салыштырганда олуттуу факт жаралган айдагы эмитенттин пайдасынын (зыяндарынын) абсолюттук жана пайыздык катышта өзгөрүшү.

Фактынын жаралуу учуру деп, эмитенттин пайдасынын (зыяндарынын) 10 пайыздан ашык бир жолку көбөйүшү болгон ай бүткөндөн кийинки 10-күн эсептелет.

9. Эмитентти, анын туунду жана көз каранды коомдорун өзгөртүп уюштуруу.

Эмитенттер өзүндөгү өзгөртүп уюштуруу жөнүндө, ошондой эле өзүнүн туунду жана көз каранды коомдорундагы кайра уюштуруу тууралуу билдирүүгө милдеттүү.

Билдирүүдө төмөнкүлөр көрсөтүлүшү керек:

- өзгөртүп уюштурулуучу юридикалык жактын (өзгөртүп уюштурууга катышкан юридикалык жактын) толук аталышы, жайгашкан жери, почта дареги;

- өзгөртүп уюштуруунун түрү (бириктирүү, кошуу, бөлүү, бөлүнүп чыгуу, өзгөртүп түзүү);

- өзгөртүп уюштурууга негиз болгон чечимди кабыл алган ыйгарым укуктуу орган жана чечимдин кабыл алуу датасы;

- өзгөртүп уюштурууда баалуу кагаздарды жайгаштыруунун ыкмасы жана тартиби;

- өзгөртүп уюштурулган дата (бириктирүүнүн, бөлүүнүн, бөлүнүп чыгуунун, өзгөртүп уюштуруунун натыйжасында түзүлгөн уюм мамлекеттик каттоодон өткөн дата; бириктирилген уюмдун ишинин токтотулушу жөнүндө жазуу реестрге киргизилген дата).

Бириктирүүнүн, бөлүүнүн, бөлүнүп чыгуунун, өзгөртүп уюштуруунун натыйжасында түзүлгөн юридикалык жак мамлекеттик каттоого алынган дата, бириктирилген юридикалык жактын ишинин токтотулушу жөнүндө жазуу реестрге киргизилген дата өзгөртүп уюштуруу болгон учур деп эсептелет.

10. Эмитенттин баалуу кагаздары боюнча чегерилген жана (же) төлөнүп берилүүчү (төлөнүп берилген) кирешелер.

Эмитенттин баалуу кагаздары боюнча чегерилген кирешелер жөнүндө, ошондой эле эмитенттин баалуу кагаздары боюнча төлөнүп берилүүчү (төлөнүп берилген) кирешелер: акциялар боюнча дивиденддер (анын ичинде аралыктык, эгерде буга акционердик коомдун уставында уруксат берилсе) жана облигациялар боюнча кирешелер жөнүндө эмитент билдирүүгө милдеттүү.

Бул фактылар боюнча маалыматтарды ачуу Жобонун 18-22-пункттарына ылайык ишке ашырылат.

11. Жалпы чогулуштун чечими.

Баалуу кагаздардын ээлеринин жалпы чогулушунда кабыл алынган чечимдер жөнүндө маалыматтарды эмитент Жобонун 18-22-пункттарына ылайык ачыктоого милдеттүү.

12. Эмитенттин баалуу кагаздарын төлөп берүү.

Эмитент төлөп берүү жөнүндө, анын ичинде баалуу кагаздардын жокко чыгарылышы тууралуу билдирүүгө милдеттүү.

Билдирүүдө төмөнкүлөр көрсөтүлүшү керек:

- төлөп берүүнүн (жокко чыгаруунун) негиздери;

- акцияларды төлөп берүү, эркин алмаштыруу, облигацияларды төлөп берүү жолдору менен уставдык капиталды азайтуу жөнүндө чечим;

- төлөнө турган баалуу кагаздардын түрү, категориясы, формасы, сериясы, чыгарылыштын мамлекеттик каттоодон өткөн номери;

- жайгаштырылган баалуу кагаздардын түрлөрүнүн (категорияларынын) ар биринин баасы, баалуу кагаздардын түрлөрүнүн (категорияларынын) саны, сериясы; төлөнгөн баалуу кагаздардын саны;

- облигациялар (анын ичинде мөөнөтүнөн мурда) төлөнгөн учурда; төлөнгөн облигацияларды жүгүртүү мөөнөтү (башталган датасы, бүткөн датасы); облигацияларды мөөнөтүнөн мурда төлөп берүүнүн (эгерде облигацияларды чыгаруу жөнүндө чечимде мөөнөтүнөн мурда төлөө каралса) тартиби, шарттары, мөөнөтү (башталган дата жана бүткөн дата); облигацияларды төлөп берүүнүн тартиби, шарттары, мөөнөтү (башталган дата жана бүткөн дата).

Акцияларды төлөп берүү жөнүндө чечимди эмитент кабыл алган дата, эркин алмаштыруу башталган дата (же эркин алмаштыруу бүткөн дата), облигацияларды төлөө датасы (мөөнөтү бүткөн дата) фактынын пайда болуу учуру деп эсептелет.

1-форма Р-1

Энчилүү баалуу кагаздардын ээлеринин реестринде операцияларды жүргүзүү жөнүндө МААЛЫМАТТАР

1-форма P-1ди толтурууда төмөнкү көрсөтмөлөрдү жетекчиликке алуу керек:

а) "Баалуу кагаздардын эмитенти, түрү жана каттоо номери" сабын толтурууда эмитенттин аталышы уюмдун уставында көрсөтүлгөн аталышка толук ылайык, баалуу кагаздардын түрү жана каттоо номери баалуу кагаздарды мамлекеттик каттоого ылайык көрсөтүлөт;

б) "Бүтүмдүн саны" жана "Баалуу кагаздардын саны" саптарын толтурууда отчеттук мезгилде өткөрүлгөн операциялардын саны көрсөтүлөт;

в) "Бүтүмдүн көлөмү (сом менен)" сабын толтурууда жасалган бүтүмдөрдүн номиналдык наркы боюнча суммасы сомдук эквивалентте көрсөтүлөт.

2-форма Р-2

Реестрди жүргүзүүнү жана сактоону коштоочу иштер жөнүндө маалымат

3-форма БД-1

4-форма БД-2

Финансылык салымдардын түзүмү

5-форма БД-3

Баалуу кагаздар менен жасалган бүтүмдөр жөнүндө маалыматтар

6-форма Б-1

Брокердик ишти жүргүзүү жөнүндө маалыматтар

7-форма ДУ-1

Инвестициялык активдерди ишенимдүү башкаруу боюнча иш жүргүзүү жөнүндө маалымат

8-форма ДУ-2

Пенсиялык активдерди ишенимдүү башкарууга келишим түзгөн камсыздандырылган адамдардын саны жөнүндө маалыматтар

Пенсиялык активдерди ишенимдүү башкарууга өткөрүп берилген пенсиялык топтоо каражаттары жана таза активдердин наркы жөнүндө маалыматтар

9-форма ДУ-3

Пенсиялык активдерди ишенимдүү башкарууга өткөрүп берилген пенсиялык топтоо каражаттарын инвестициялоонун натыйжалары жөнүндө маалыматтар

10-форма ДУ-4

Отчеттук мезгилде пенсиялык активдерди ишенимдүү башкаруу боюнча жалпы инвестициялык портфелдин түзүмү жөнүндө маалыматтар

11-форма ДУ-5

Отчеттук мезгилде пенсиялык активдерди ишенимдүү башкаруу боюнча инвестициялык портфелдин түзүмү жөнүндө маалыматтар

___________________________________________________________ (инвестициялык портфелдин аталышы)

12-форма ПД-4

Уюмдун финансылык абалын мүнөздөгөн көрсөткүчтөр

Өздүк каражаттардын жетиштүүлүгүнүн ченемдеринин эсеби

13-форма ПД-5

Эмитенттин бир баалуу кагазынын түрүнүн 5% жана андан ашыгы менен жасалган операциялар жөнүндө маалымат

1-форма

Фондулук биржалардын акционерлери жана тооруктарынын катышуучулары жөнүндө жалпы маалымат

2-форма

Фондулук биржалардын листингине киргизилген баалуу кагаздардын тизмеси

3-форма

Фондулук биржалардын листингинен чыгарылган баалуу кагаздардын тизмеси

4-форма

Тоорукка катышуучулардын жана ыйгарым укуктуу трейдерлердин реестри

5-форма

20___-жылдын "___"____________ тартып фондулук биржанын соода системасы аркылуу жүгүртүүгө чыгарылган баалуу кагаздарга сом менен жасалган бүтүмдүн эң чоң суммасына ээ болгон тооруктун 5 катышуучусу жөнүндө маалымат (жуманын ар бир иш күнү боюнча маалыматтар берилет)

6-форма

Бүтүмдөр жөнүндө отчет

7-форма

Брокердик жана дилердик фирмалардын бүтүмдөрү жөнүндө отчет

Брокердик фирма

"________________________________"

8-форма

Фондулук биржалардын соода системасы аркылуу жүгүртүүгө уруксат берилген баалуу кагаздардын тизмеси

9-форма

Тооруктар жөнүндө маалымат

10-форма

Соода күнүндөгү индекстин мааниси

11-форма

Соода күнүндөгү рыноктук капиталдаштыруунун мааниси

Жетекчи: ___________________________________________________________________ Колу: ______________

(кызматы, аты-жөнү)

1-форма

(кварталдык, жылдык)

Акционердик инвестициялык фонддун 20_____-жылга карата баланстык отчету

                                                                                                                                                           Коддор

Инвестициялык фонддун аталышы _______________________________________________ ОКПО боюнча

Тармагы (ишинин түрү) финансылык иши __________________________________________ ОКЭД боюнча

___________________________________________________________________________________________

Башкаруу органы ______________________________________________________________ ОКОУ боюнча

Менчигинин түрү ______________________________________________________________ ОКФС боюнча

Өлчөө бирдиги _______________________________________________________________ СОЕИ боюнча

ИСН ______________________________________________________________________________________

Дареги ____________________________________________________________________________________

Башкы бухгалтердин аты-жөнү жана телефон номери __________________________________________

Жөнөтүлгөн күн ____________________________________________________________________________

Алынган күн _______________________________________________________________________________

Берүү мөөнөтү ____________________________________________________________________________

Жетекчи: ___________________________________________________ Колу: ________________________

(кызматы, аты-жөнү)

Башкы бухгалтер: ___________________________________________ Колу: _________________________

(аты-жөнү)

"Тааныштым"

Директорлор кеңешинин төрагасы: ____________________________ Колу: _________________________

(аты-жөнү)

2-форма

(кварталдык, жылдык)

Акционердик инвестициялык фонддун 20___-жылдын "_____" _________________ тартып "____" _________ чейинки мезгил үчүн финансылык жыйынтыктар жөнүндө ОТЧЕТУ

Коддор

Инвестициялык фонддун аталышы ___________________________________________________ ОКПО боюнча

Тармагы (иштин түрү) каржылык иш __________________________________________________ ОКЭД боюнча

Башкаруу органы __________________________________________________________________ ОКОУ боюнча

Менчигинин түрү ___________________________________________________________________ ОКФС боюнча

Өлчөө бирдиги ____________________________________________________________________ СОЕИ боюнча

ИСН: __________________________________________________________________________________________

Дареги: _______________________________________________________________________________________

Башкы бухгалтердин аты-жөнү жана телефон номери: ______________________________________________

Бул отчетту ачып көрсөтүү үчүн финансылык жыйынтыктар жөнүндө жылдык отчетко 1-2-тиркемелер тиркелет.

Жетекчи: ________________________________________________________ Колу: ________________________

(кызматы, аты-жөнү)

Башкы бухгалтер: ________________________________________________ Колу: ________________________

(аты-жөнү)

"Тааныштым"

Директорлор кеңешинин төрагасы: _________________________________ Колу: ________________________

(аты-жөнү)

Дивиденддер

Корпоративдик облигациялар боюнча пайыздар

Мамлекеттик баалуу кагаздар боюнча пайыздар

Коммерциялык банктардагы депозиттер боюнча пайыздар

Башка инвестициялар боюнча кирешелер

Жетекчи: _________________________________________________________ Колу: ________________________

(кызматы, аты-жөнү)

Башкы бухгалтер: _________________________________________________ Колу: ________________________

(аты-жөнү)

"Тааныштым"

Директорлор кеңешинин төрагасы: ___________________________________ Колу: _________________________

(аты-жөнү)

Инвестицияларды сатуудан түшкөн пайда (чыгаша) жөнүндө ОТЧЕТ

Жетекчи: _________________________________________________________ Колу: ________________________

(кызматы, аты-жөнү)

Башкы бухгалтер: _________________________________________________ Колу: ________________________

(аты-жөнү)

"Тааныштым"

Директорлор кеңешинин төрагасы: ___________________________________ Колу: _________________________

(аты-жөнү)

3-форма

(кварталдык, жылдык)

Акционердик инвестициялык фонддун 20___-жылдын "___" _________________ тартып "____" _________. Чейинки мезгил үчүн капиталы жөнүндө ОТЧЕТ

Коддору

Инвестициялык фонддун аталышы ________________________________________ ОКПО боюнча

Тармагы (иштин түрү) финансылык иш _____________________________________ ОКЭД боюнча

Башкаруу органы _______________________________________________________ ОКОУ боюнча

Менчигинин түрү _______________________________________________________ ОКФС боюнча

Өлчөө бирдиги _________________________________________________________ СОЕИ боюнча

ИСН: _____________________________________________________________________________

Дареги: ___________________________________________________________________________

Башкы бухгалтердин аты-жөнү жана телефон номери _____________________________________