КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 26-декабры № 710

Кыргыз Республикасынын Өкмөтүнүн 2012-жылдын 24-октябрындагы № 745 "Кыргыз Республикасынын Социалдык фонду тарабынан Мамлекеттик пенсиялык топтоо фондунун пенсиялык топтолгон каражаттарын төлөп берүү эрежеси жөнүндө" токтомуна өзгөртүүлөрдү киргизүү тууралуу

Пенсиялык топтоо каражаттарын төлөп берүү механизмдерин өркүндөтүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын

ТОКТОМ КЫЛАТ:

1. Кыргыз Республикасынын Өкмөтүнүн 2012-жылдын 24-октябрындагы № 745 "Кыргыз Республикасынын Социалдык фонду тарабынан Мамлекеттик пенсиялык топтоо фондунун пенсиялык топтолгон каражаттарын төлөп берүү эрежеси жөнүндө" токтомуна ушул токтомдун тиркемесине ылайык өзгөртүүлөр киргизилсин.

2. "Мамлекеттик ипотекалык компания" ачык акционердик коомуна жеке мүнөздөгү маалыматтар чөйрөсүндөгү Кыргыз Республикасынын мыйзамдарына ылайык ипотекалык кредит алып жаткан камсыздандырылган адам кайрылганда Кыргыз Республикасынын Социалдык фондунун наамына жеке маалыматтардын субъекттеринин жеке маалыматтарын пенсия топтоо каражаттарын (пенсиянын топтоо бөлүгүн) төлөп берүү үчүн үчүнчү адамдарга берүүгө макулдугун алуу сунушталсын.

3. Кыргыз Республикасынын Социалдык фонду:

- Кыргыз Республикасынын Саламаттык сактоо министрлиги жана "Мамлекеттик ипотекалык компания" ачык акционердик коому (макулдашуу боюнча) менен бирдикте ушул токтомду ишке ашыруу боюнча тийиштүү чараларды көрсүн;

- өз чечимдерин ушул токтомго ылайык келтирсин;

- ушул токтомдон келип чыгуучу чараларды ишке ашырууга катышууга ниеттенген коммерциялык банктар менен кызматташуу жөнүндө макулдашуу түзсүн.

4. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.

5. Ушул токтом расмий жарыяланган күндөн тартып он беш күн өткөндөн кийин күчүнө кирет.

"Эркин Тоо" газетасынын 2020-жылдын 7-январындагы № 1 (3073) жарыяланды

Кыргыз Республикасынын Өкмөтүнүн 2012-жылдын 24-октябрындагы № 745 "Кыргыз Республикасынын Социалдык фонду тарабынан Мамлекеттик пенсиялык топтоо фондунун пенсиялык топтолгон каражаттарын төлөп берүү эрежеси жөнүндө" токтомуна ӨЗГӨРТҮҮЛӨР

Кыргыз Республикасынын Өкмөтүнүн 2012-жылдын 24-октябрындагы № 745 токтому менен бекитилген Кыргыз Республикасынын Социалдык фонду тарабынан Мамлекеттик пенсиялык топтоо фондунун пенсиялык топтолгон каражаттарын төлөп берүү эрежесинде:

- 1-пункту төмөнкүдөй мазмундагы 6 жана 7-пунктчалар менен толукталсын:

"6) ипотекалык кредит алып жаткан адамдарга бир жолу, өздүк камсыздандыруу эсебинин топтоо бөлүгүндө эсепке алынган беш жүз эсептик көрсөткүчтөн кем эмес суммада пенсиялык топтоолору болсо, менчик турак жайы жок болгон шартта;

7) ушул Эреженин 4-тиркемесинде аталган Пенсиялык топтоо каражаттарын (пенсиянын топтоо бөлүгүн) мөөнөтүнөн мурда алууга укук берген оор оорулардын тизмегине (мындан ары - Оорулардын тизмеги) ылайык оор оорулары бар адамдарга бир жолу, өздүк камсыздандыруу эсебинин топтоо бөлүгүндө эсепке алынган пенсиялык топтоолору болсо.";

- 3-пункту төмөнкүдөй мазмундагы жетинчи жана сегизинчи абзацтар менен толукталсын:

"- ипотекалык кредит алып жаткан адамдарга, пенсиялык топтоолорунун суммасы кайрылган учурда беш жүз эсептик көрсөткүчтөн кем эмес болсо;

- ушул Эреженин 4-тиркемесинде аталган Оорулардын тизмегине ылайык оор оорулары бар адамдарга, өздүк камсыздандыруу эсебинин топтоо бөлүгүндө эсепке алынган пенсиялык топтоолору болсо.";

- 4-пункту төмөнкүдөй мазмундагы жетинчи абзац менен толукталсын:

"Ипотекалык кредит боюнча алгачкы төгүмдү каржылоо үчүн бир жолку төлөмдүн өлчөмү арыз ээси тарабынан аныкталат, бирок беш жүз эсептик көрсөткүчтөн кем эмес жана өздүк камсыздандыруу эсебинин топтоо бөлүгүндө эсепке алынган пенсиялык топтоо каражаттарынын (пенсиянын топтоо бөлүгүнүн) суммасынан ашпаган өлчөмдө.";

- 6¹-пунктунун экинчи сүйлөмү төмөнкүдөй редакцияда баяндалсын;

"Бир жолку жана мөөнөттүү төлөмдөрдүн өлчөмү ушул Эреженин 4 жана 6-пункттарына ылайык кайрылган адамдын тандоосу боюнча аныкталат.";

- 8-пункту "(1-тиркемеси" деген сөздөн кийин "/1¹-тиркемеси" деген сөз менен толукталсын;

- 10-пунктунун экинчи абзацы төмөнкүдөй редакцияда баяндалсын;

"- ушул Эреженин 1-тиркемесине/1¹-тиркемесине ылайык белгиленген форма боюнча пенсиялык топтоо каражаттарын (пенсиянын топтоо бөлүгүн) төлөп берүү жөнүндө арыз (мындан ары - арыз);";

- 11-пунктунда:

экинчи абзацы төмөнкүдөй редакцияда баяндалсын:

"ушул Эреженин 1-тиркемесине/1¹-тиркемесине ылайык пенсиялык топтоо каражаттарын (пенсиянын топтоо бөлүгүн) төлөп берүү жөнүндө белгиленген формадагы арыз Кыргыз Республикасынын Социалдык фондунун региондук органына Кыргыз Республикасынын Өкмөтүнүн 2005-жылдын 12-январындагы № 10 токтому менен бекитилген Пенсия дайындоо жана кайра эсептөө, пенсиянын бир түрүнөн экинчи түрүнө өтүү үчүн зарыл болгон документтердин тизмесине ылайык пенсия дайындоо үчүн зарыл болгон документтердин тизмеси менен кошо берилет.";

үчүнчү абзацы "(1-тиркемеси" деген сөздөн кийин "/1¹-тиркемеси" деген сөз менен толукталсын;

- төмөнкүдөй мазмундагы 7¹ жана 7²-главалар менен толукталсын:

"7¹. Ушул Эреженин 1-пунктунун 6-пунктчасында аталган камсыздандырылган адамдардын пенсиялык топтоо каражаттарын (пенсиянын топтоо бөлүгүн) алуу үчүн кайрылуу тартиби

15¹. Ипотекалык кредит алып жаткан адамдар жашаган жери же турган жери боюнча Кыргыз Республикасынын Социалдык фондунун региондук органына төмөнкүлөрдү бериши керек:

- ушул Эреженин 1-тиркемесине ылайык белгиленген формада ипотекалык кредит боюнча алгачкы төгүмдү каржылоо үчүн пенсиялык топтоо каражаттарын (пенсиянын топтоо бөлүгүн) бир жолку төлөп берүү жөнүндө арыз;

- алуучунун ким экендигин ырастаган документтин көчүрмөсү жана салыштыруу үчүн документтин түп нускасы.

7². Ушул Эреженин 1-пунктунун 7-пунктчасында аталган пенсиялык топтоо каражаттарын (пенсиянын топтоо бөлүгүн) алуу үчүн кайрылуу тартиби

15². Камсыздандырылган адамдар (ишеним берилген адамдар) пенсиялык топтоо каражаттарын (пенсиянын топтоо бөлүгүн) алуу үчүн камсыздандырылган адамдын жашаган жери же турган жери боюнча Кыргыз Республикасынын Социалдык фондунун региондук органына ушул Эреженин 1-тиркемесине ылайык белгиленген формада арыз менен кайрыла алышат.

15³. Арызга төмөнкү документтер тиркелет:

- алуучунун ким экендигин ырастаган документтин көчүрмөсү жана салыштыруу үчүн түп нускасы;

- арыз башка адам тарабынан берилсе, пенсиялык топтоо каражаттарын (пенсиянын топтоо бөлүгүн) алуу үчүн Кыргыз Республикасынын Социалдык фондуна кайрылуу укугу менен өкүлүнө нотариус тарабынан ырасталган ишеним кат, ошондой эле өкүлдүн ким экендигин ырастаган документтин көчүрмөсү жана салыштыруу үчүн түп нускасы;

- Оорулардын тизмегине ылайык оорунун атын көрсөтүп, машинкада жазма текст менен толтурулган, саламаттык сактоо жаатындагы Кыргыз Республикасынын ыйгарым укуктуу органына караштуу саламаттык сактоо уюмунун мөөрү жана жетекчисинин колу менен күбөлөндүрүлгөн, ушул Эреженин 5-тиркемесине ылайык форма боюнча пенсиялык топтоо каражаттарын (пенсиянын топтоо бөлүгүн) мөөнөтүнөн мурда алууга укук берген оор оорулары бар экендигин ырастаган маалым кат.";

- 17-пунктунда:

биринчи абзацы "4, 5" деген цифралардан кийин ", 7" деген цифра менен толукталсын;

төмөнкүдөй мазмундагы үчүнчү абзац менен толукталсын:

"Ипотекалык кредит алып жаткан адамдын арызы ушул Эреженин 1-пунктунун 6-пунктчасында аталган документтери тиркелип, Кыргыз Республикасынын Социалдык фонду тарабынан Кыргыз Республикасынын Социалдык фондунун региондук органы арызды кабыл алган күндөн тартып үч иш күндүн ичинде каралат.";

- 26-пунктунун биринчи абзацы төмөнкүдөй редакцияда баяндалсын:

"26. Пенсиялык топтоо каражаттарын (пенсиянын топтоо бөлүгүн) бир жолку төлөө, ушул Эреженин 26-2 жана 26-3-пункттарына ылайык төлөнгөн ипотекалык кредит алган адамдарга бир жолку төлөөнү кошпогондо, Кыргыз Республикасынын Социалдык фондунун региондук органы тарабынан аларды алуучунун банктагы эсебине которуу аркылуу жүргүзүлөт.";

- төмөнкүдөй мазмундагы 26¹ - 26⁴-пункттар менен толукталсын:

"26¹. Ипотекалык кредит алып жаткан камсыздандырылган адамдын пенсиялык топтоолору бар экендигин ырастоо, ипотекалык кредит берилгенин жактыруу жөнүндө ырастоо боюнча маалымат алмашуу Кыргыз Республикасынын Социалдык фонду менен коммерциялык банктардын ортосунда ипотекалык турак жайга кредит берүү чөйрөсүндөгү ыйгарым укуктуу орган аркылуу ишке ырасталат.

26². Ипотекалык кредит алып жаткан адамдын арызы Кыргыз Республикасынын Социалдык фондунун региондук органы тарабынан арызды алган күнү электрондук почта боюнча "Кыргыз Республикасынын Социалдык фондуна караштуу Мамлекеттик топтолуучу пенсиялык фонду" мекемесине кайра жиберилет, арыздын түп нускасы почта боюнча жиберилет.

26-³. "Кыргыз Республикасынын Социалдык фондуна караштуу Мамлекеттик топтолуучу пенсиялык фонду" мекемеси камсыздандырылган адамга ипотекалык кредит берүүнү жактыруу тууралуу ырастоо алгандан кийин пенсиялык топтоо каражаттарын (пенсиянын топтоо бөлүгүн) банктын ырастоосунда көрсөтүлгөн банк эсебине которот.

26⁴. Камсыздандырылган адамдын пенсиялык топтоолорунун суммасы банктын ырастоосунда көрсөтүлгөн банк эсебине которулгандан кийин ипотекалык кредитти берүүнү жокко чыгарууга алып келген күтүлбөгөн жагдайларда (өлүм, оору, камсыздандырылган адамдын ипотекалык кредиттен баш тартуусу, кыймылсыз мүлктү башка адамдарга сатуу, кредит берүүгө лицензиянын аракетин токтотуу жана ипотекалык кредит берүү же алууга тоскоол болгон башка жагдайлар) ипотекалык кредит боюнча алгачкы төгүмдү каржылоого багытталган пенсиялык топтоо каражаттары (пенсиянын топтоо бөлүгү) Кыргыз Республикасынын Социалдык фондуна караштуу Мамлекеттик топтолуучу пенсиялык фондуна кайтарууга жана ушул камсыздандырылган адамдын өздүк камсыздандыруу эсебине киргизүүгө жатат.";

- 30-пунктундагы "Кыргыз Республикасынын Социалдык фондуна караштуу Мамлекеттик пенсиялык топтоо фонду" деген сөздөр "Кыргыз Республикасынын Социалдык фондуна караштуу Мамлекеттик топтолуучу пенсиялык фонду" деген сөздөр менен алмаштырылсын;

- жогоруда аталган Эреженин 1-тиркемеси ушул тиркеменин 1-тиркемесине ылайык редакцияда баяндалсын;

- Кыргыз Республикасынын Социалдык фонду тарабынан Мамлекеттик пенсиялык топтоо фондунун пенсиялык топтолгон каражаттарын төлөп берүү эрежеси ушул тиркеменин 2, 3 жана 4-тиркемелерине ылайык редакцияда 1¹, 4, 5-тиркемелер менен толукталсын.".

Форма

Пенсиялык топтолгон каражаттарды (пенсиянын топтоо бөлүгүн) бир жолку төлөп берүү жөнүндө АРЫЗ

Мен, фамилия:

аты:

атасынын аты:

туулган датасы:

телефон номери: _________________________________________________________________,

ким экендигин ырастоочу документ: _________________________________________________

_________________________________________________________________________________,

                                                             (документтин аталышы)

сериясы

номери

берилди

                                                              (ким тарабынан берилди)

Кыргыз Республикасынын жекече эсепке алуу системасындагы жеке идентификациялык номери (мындан ары - ЖИН):

o Кыргыз Республикасынын чегинен сыртка туруктуу жашоого кетип жатканыма жана жеке камсыздандыруу эсебинин топтоо бөлүгүндө эсепке алынган пенсиялык топтоолор болгондугуна;

o курагы боюнча пенсия чектелгендигине;

o I жана II топтогу майыптыгы боюнча пенсия чектелгендигине (мөөнөтсүз);

o майыптыгы боюнча пенсия чектелгендигине;

o суммасында ипотекалык кредит боюнча алгачкы төгүмдү каржылоо зарылдыгына;

o оорусуна жана медициналык кызмат көрсөтүүлөргө төлөө жана дары-дармектерди сатып алуу зарылдыгына;

o камсыздандырылган адам каза болгондугуна (мурасчыларга):

байланыштуу мага пенсиялык топтоо каражаттарын (пенсиянын топтоо бөлүгүн) төлөп берүүңүздөрдү өтүнөм.

Каза болгон камсыздандырылган адамдын ЖИНи

фамилиясы

аты

атасынын аты

пенсиялык топтоо каражаттары (пенсиянын топтоо бөлүгү):

o өздүк камсыздандыруу эсебимди;

o каза болгон камсыздандырылган адамдын өздүк камсыздандыруу эсебин, мен анын мурасчысымын:

                                    (каза болгон камсыздандырылган адамдын фамилиясы, аты, атасынын аты)

o бир жолу төлөп берүүнү өтүнөм.

Пенсиялык топтоо каражаттарын (пенсиянын топтоо бөлүгүн) төмөнкү маалымдарек боюнча

банк эсебине которуу жолу менен бир жолку төлөп берүүнү өтүнөм:

___________________________________________________________________________________

                                                (банктын аталышы, банк эсебинин номери,

___________________________________________________________________________________.

                                          өздүк эсебинин номери, банктын маалымдаректери)

Алуучу: ________________________________________________________________________

(колу)

Арыз жазылган дата 20____-ж. "___" ____________________________

____________________________________________________________________________________

Арызды кабыл алган: 20____-ж. "___" ____________________________

___________________________________________________________________________________

                              (кызматкердин фамилиясы, аты, атасынын аты, кызматы, колу)

                                                                                                                                                    МО

Катталды (журналда): 20____-ж. "___" ____________________________ № _________

____________________________________________________________________________________

                      Пенсиялык топтоо каражаттарын төлөө жөнүндө арыздын айырма талону

Алуучу: _______________________________________________________________________

                                            (фамилиясы, аты, атасынын аты)

Арыз Кыргыз Республикасынын Социалдык фондунун _______________________________

______________________________________________________ башкармалыгында катталды:

                                    (региондук органдын аталышы)

20____-ж. "___" ____________________________ № _________

Арызды кабыл алган: _______________________________________________________________

___________________________________________________________________________________

                              (кызматкердин фамилиясы, аты, атасынын аты, кызматы, колу)

                                                                                                                                                     МО

____________________________________________________________________________________.".

Форма

Пенсиялык топтолгон каражаттарды (пенсиянын топтоо бөлүгүн) мөөнөттүү төлөө жөнүндө АРЫЗ

Мен, фамилия:

аты:

атасынын аты:

туулган датасы:

ким экендигин ырастоочу документ: _________________________________________________

_________________________________________________________________________________,

                                                             (документтин аталышы)

сериясы:

номери:

берилди:

                                                              (ким тарабынан берилген)

Кыргыз Республикасынын жекече эсепке алуу системасындагы жеке идентификациялык номери (мындан ары - ЖИН):

төмөнкүлөргө байланыштуу пенсиялык топтоо каражаттарын (пенсиянын топтоо бөлүгүн) төлөп берүүнү өтүнөм:

o курагы боюнча пенсия чектелгендигине;

o майыптыгы боюнча пенсия чектелгендигине;

мөөнөттүү пенсиялык төлөмдү которуу жолу менен төлөп берүүнү өтүнөм (белгилеңиз жана керектүү вариантын толтуруңуз):

o банк эсебине төмөнкү маалым даректер боюнча:

___________________________________________________________________________________

                                           (банктын аталышы, банк эсебинин номери,

___________________________________________________________________________________;

                                                    өздүк эсебинин номери, банктын маалым даректери)

o катталган жери (жашаган жери) боюнча почта бөлүмүнө:

төмөнкү даректе катталгам (жашап жатам): почта индекси

облус

район/шаар

калктуу конуш

көчө

үй №

кв. №

байланыш телефону

Алуучу: ________________________________________________________________________

(колу)

Арыз жазылган дата 20____-ж. "___" ____________________________

Арызды кабыл алган: 20____-ж. "___" ____________________________

___________________________________________________________________________________

                              (кызматкердин фамилиясы, аты, атасынын аты, кызматы, колу)

                                                                                                                                                    МО

Катталды (журналда): 20____-ж. "___" ____________________________ № _________

____________________________________________________________________________________

                      Пенсиялык топтоо каражаттарын төлөө жөнүндө арыздын айырма талону

Алуучу: _______________________________________________________________________

                                            (фамилиясы, аты, атасынын аты)

Арыз Кыргыз Республикасынын Социалдык фондунун: _______________________________

______________________________________________________ башкармалыгында катталды:

                                    (региондук органдын аталышы)

20____-ж. "___" ____________________________ № _________

Арызды кабыл алды: _______________________________________________________________

______________________________________________________________________________

                              (кызматкердин фамилиясы, аты, атасынын аты, кызматы, колу)

                                                                                                                                                     МО

________________________________________________________________________________.".

Пенсиялык топтоо каражаттарын (пенсиянын топтоо бөлүгүн) мөөнөтүнөн мурда алууга укук берген оор оорулардын ТИЗМЕГИ

Пенсиялык топтоо каражаттарын (пенсиянын топтоо бөлүгүн) мөөнөтүнөн мурда алууга укук берген оор оорулардын тизмегине төмөнкүлөр кирет:

1. Tumor Nodus Metastasis эл аралык классификациядагы, 2 клиникалык топтогу II, III, IV стадиядагы бардык зилдеме жаңы шишиктер.

2. Кан оорусу:

1) курч мүнөздөгү лейкоз (бардык түрлөрү);

2) апластикалык аз кандуулук;

3) гемофилия.

3. Кан айлануу органдарынын ооруларынын төмөнкү түрлөрү жана формалары:

1) кабылдаган же тубаса жүрөк кемтиги;

2) жүрөктүн ритминин жана өткөрүмдүүлүгүнүн бузулушу;

3) жүрөктүн өнөкөт коронардык оорусу: анын ичинде өнөкөт аневризми, жүрөк жетишсиздиги менен коронардык ангиопластика жана коронардык шунтирлөө;

4) операция кылууну талап кылган магистралдык кан-тамырлардын бузулуусу менен артериялардын оорусу;

5) облитерацияланган эндартериит оорусунун күчөп кеткен түрлөрү.".

Форма

Пенсиялык топтоо каражаттарын (пенсиянын топтоо бөлүгүн) мөөнөтүнөн мурда алууга укук берген оор оорулардын болгондугун ырастоо жөнүндө МААЛЫМКАТ

Ф.А.А. ___________________________________________________________________________

_________________________________________________________________________________

жеке идентификациялык номери,

1. Оорулуунун дареги ____________________________________________________________

2. Иштеген жери _________________________________________________________________

3. Кызматы _____________________________________________________________________

4. _________________________________ дарылоо-алдын алуу уюмунун байкоосунда турат.

5. Диагнозу (Пенсиялык топтоо каражаттарын (пенсиянын топтоо бөлүгүн)

мөөнөтүнөн мурда алууга укук берген оор оорулардын тизмегине ылайык)

________________________________________________________________________________

________________________________________________________________________________

6. Медициналык маалым каттан көчүрмө берген врач, ________________________________

________________________________________________________________________________

                                                      (фамилиясы, аты, атасынын аты)

________________________________________________________________________________

                       (дарылоо-алдын алуу уюмунун аталышы жана дареги)

________________________________________________________________________________

___________________________________

                           (датасы)

Саламаттык сактоо уюмунун жетекчиси ______________________________________________

                                                                      (колу, мөөрү)".