КЫРГЫЗ РЕСПУБЛИКАСЫНЫН ӨКМӨТҮ

БУЙРУК

 2008-жылдын 23-сентябры № 478-б

Кыргыз Республикасынын Жер кодексинин 29-статьясына жана "Ысыккөл облусунун курорттук-рекреациялык зонасындагы, мамлекеттик менчикте турган жер участокторун берүү үчүн тооруктарды өткөрүү боюнча комиссиянын ишинин регламентин жана Ысыккөл облусунун курорттук-рекреациялык зонасындагы, мамлекеттик менчикте турган жер участокторун курорттук, дарылоочу-ден соолукту чыңдоочу, туристтик объекттерди жана тейлөө объекттерин куруу үчүн берүү боюнча тооруктарды өткөрүүнүн тартиби жөнүндө жобону бекитүү тууралуу" Кыргыз Республикасынын Өкмөтүнүн 2004-жылдын 21-июлундагы № 547 токтому менен бекитилген Ысыккөл облусунун курорттук-рекреациялык зонасындагы, мамлекеттик менчикте турган жер участокторун курорттук, дарылоочу-ден соолукту чыңдоочу, туристтик объекттерди жана тейлөө объекттерин куруу үчүн берүү боюнча тооруктарды өткөрүүнүн тартиби жөнүндө жобого ылайык, Ысык-Көл облусунун Райондор аралык сотунун 2008-жылдын 31-мартындагы Ысык-Көл облусунун Ысык-Көл районундагы Бостери айылында жайгашкан 2,5 га аянттагы жер участокко арест салуу жөнүндө сунушун эске алып:

1. Тиркелген: Ысык-Көл облусунун курорттук-рекреациялык зонасындагы, мамлекеттик менчикте турган жер участокторун берүү үчүн тооруктарды өткөрүү боюнча комиссиянын заседаниесинин 2008-жылдын 31-мартындагы № 1 протоколу - комиссиянын № 25п лот боюнча чечиминен башкасы бекитилсин.

2. Ысык-Көл облусунун курорттук-рекреациялык зонасындагы, мамлекеттик менчикте турган жер участокторун берүү үчүн тооруктарды өткөрүү боюнча комиссияга жер участокторду берүүгө тооруктарды уюштуруудагы жана өткөрүүдөгү кемчиликтер көрсөтүлсүн.

3. Бул буйрук коюлган күндөн тартып күчүнө кирет.