КР Жогорку Кеңешинин 2015-жылдын 6-ноябрындагы № 14-VI токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2012-жылдын 11-январы №1468-V

2010-жылдын 23-декабрындагы № 30-V "Кыргыз Республикасынын Жогорку Кеңешинин түзүмүн бекитүү жөнүндө" Кыргыз Республикасынын Жогорку Кеңешинин токтомуна өзгөртүүлөр жана толуктоо киргизүү тууралуу

Өз ишин оптималдаштыруу максатында Кыргыз Республикасынын Жогорку Кеңеши

ТОКТОМ КЫЛАТ:

1. 2010-жылдын 23-декабрындагы №30-V "Кыргыз Республикасынын Жогорку Кеңешинин түзүмүн бекитүү жөнүндө" Кыргыз Республикасынын Жогорку Кеңешинин токтомуна төмөнкү өзгөртүүлөр жана толуктоо киргизилсин:

1-пунктта:

- төртүнчү абзацтагы "16" деген цифра "13" деген цифра менен алмаштырылсын;

- пункт төмөнкү мазмундагы бешинчи-жетинчи абзацтар менен толукталсын:

"Бүткүл Кыргыз Республикасынын Жогорку Кеңешинин комитети;

эсептөө комиссиясы (курамы жыл сайын кайрадан шайланып турат);

добуш берүүнүн электрондук тутумун контролдоо боюнча туруктуу комиссия.";

2-пункттагы Кыргыз Республикасынын Жогорку Кеңешинин комитеттеринин аталыштары төмөнкү редакцияда баяндалсын:

"Конституциялык мыйзамдар, мамлекеттик түзүлүш жана адам укуктары боюнча комитет;

Сот-укуктук маселелер жана мыйзамдуулук боюнча комитет;

Коргоо жана коопсуздук боюнча комитет;

Эл аралык иштер боюнча комитет;

Агрардык саясат, суу ресурстары жана жергиликтүү өз алдынча башкаруу боюнча комитет;

Билим берүү, илим, маданият жана спорт боюнча комитет;

Социалдык саясат боюнча комитет;

Экономика тармактарын өнүктүрүү боюнча комитет;

Экономикалык жана фискалдык саясат боюнча комитет;

Жогорку Кеңештин Регламенти жана депутаттык этика боюнча комитет;

Бюджет жана финансы боюнча комитет;

Укук тартиби жана мыйзамдуулук боюнча комитет;

Коррупцияга каршы аракеттенүү боюнча комитет";

3-пункт төмөнкү мазмундагы бешинчи-жетинчи абзацтар менен толукталсын:

"- 2010-жылдын 29-декабрындагы № 81-V "Кыргыз Республикасынын Жогорку Кеңешинин айрым токтомдоруна өзгөртүүлөр киргизүү жөнүндө";

- 2011-жылдын 2-февралындагы № 140-V "Кыргыз Республикасынын Жогорку Кеңешинин айрым токтомдоруна өзгөртүүлөр жана толуктоолор киргизүү жөнүндө";

- 2011-жылдын 21-октябрындагы № 1238-V "Кыргыз Республикасынын Жогорку Кеңешинин айрым токтомдоруна өзгөртүүлөр киргизүү жөнүндө".