КР Ѳкмѳтγнγн

2015-жылдын 20-февралы № 78

токтомдун редакциясына ылайык

кγчγн жоготту

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2014-жылдын 28-февралы № 110

2013-2017-жылдарга Кыргыз Республикасын туруктуу өнүктүрүүгө өткөрүү боюнча программаны ишке ашырууга карата 2014-жылга чаралар жөнүндө

(КР Өкмөтүнүн 2014-жылдын 24-июлундагы № 420, 2014-жылдын 1-декабры № 688, 2015-жылдын 15-январы № 10 токтомдорунун редакцияяларына ылайык)

2013-2017-жылдардын мезгилине Кыргыз Республикасын туруктуу өнүктүрүүнүн улуттук стратегиясында белгиленген туруктуу өнүктүрүүнүн жаңы моделинин стратегиялык багыттарына жана артыкчылыктарына жетүүнү камсыз кылууга багытталган Кыргыз Республикасынын Жогорку Кеңешинин 2013-жылдын 18-декабрындагы № 3694-V токтому менен бекитилген 2013-2017-жылдарга Кыргыз Республикасын туруктуу өнүктүрүүгө өткөрүү боюнча программаны аткаруу максатында, ошондой эле Кыргыз Республикасынын Жогорку Кеңешинин 2012-жылдын 5-сентябрындагы № 2264-V токтому менен бекитилген Кыргыз Республикасынын Өкмөтүнүн ишинин программасын аткаруу үчүн Кыргыз Республикасыньш Өкмөтү

ТОКТОМ КЫЛАТ:

1. Төмөнкүлер бекитилсин:

- 2013-2017-жылдарга Кыргыз Республикасын туруктуу өнүктүрүүгө өткөрүү боюнча программаны ишке ашырууга, карата Кыргыз Республикасынын Өкмөтүнүн 2014-жылга иш-чараларынын планы 1 -тиркемеге ылайык;

- 2013-2017-жылдарга Кыргыз Республикасын туруктуу өнүктүрүүгө өткөрүү боюнча программанын 2014-жьшга инвестициялык долбоорлорун ишке ашыруу планы 2-тиркемеге ылайык;

- Кыргыз Республикасынын Өкмөтүнүн 2014-жылга иш-чараларынын планын ишке ашыруу индикаторлору жана көрсөткүчтөрү 3-тиркемеге ылайык.

2. Кыргыз Республикасынын аткаруу бийлигинин мамлекеттик органдары жана жергиликтүү өз алдынча башкаруу органдары (макулдашуу боюнча):

- иш-чаралардын пландарын белгиленген меөнөттө аткаруу боюнча конкреттүү чараларды көрүшсүн;

- ай сайын, отчеттук мезгилден кийинки айдын 15инен кечиктирбестен иш-чаралардын пландарынын аткарылышы жөнүндө маалыматты жалпылоо үчүн Кыргыз Республикасынын Экономика министрлигине берип турушсун.

3. Кыргыз Республикасынын Экономика министрлиги квартал сайын, отчеттук мезгилден кийинки айдын 25инен кечиктирбестен иш-чаралардын пландарынын аткарылышынын жүрүшү жөнүндө жалпыланган маалыматты Кыргыз Республикасынын Өкмөтүнүн Аппаратына берип турсун.

4. Иш-чаралардын пландарынын сапаттуу жана өз убагында аткарылышы үчүн Кыргыз Республикасынын аткаруу бийлигинин мамлекеттик органдарынын жана жергиликтүү өз алдынча башкаруу органдарынын жетекчилеринин жеке жоопкерчилиги белгиленсин.

5. Кыргыз Республикасынын Өкмөтүнүн 2013-жылдын 5-мартындагы № 111 "Кыргыз Республикасынын Өкмөтүнүн ишинин программасын ишке ашыруу боюнча 2013-жылга иш-чаралардын планын бекитүү жөнүндө" токтому күчүн жоготту деп табылсын.

6. Бул токтом расмий жарыяланган күндөн тартып күчүнө кирет.

7. Бул токтомдун аткарылышын контролдоо Кыргыз Республикасынын Өкмөтүнүн Аппаратнын тиешелүү бөлүмдөрүнө жүктөлсүн.