Тиркеме

Кыргыз Республикасынын мамлекеттик аскерлештирилген уюмдарында, укук коргоо органдарынын жана атайын кызматтарынын ыкчам башкаруусунда турган ок атуучу куралдарды жана аларга ок-дарыларды, ошондой эле инженердик ок-дарыларды эсепке алууну, сактоону жана берүүнү уюштуруу боюнча НУСКАМА

(КР Өкмөтүнүн 2018-жылдын 21-сентябрындагы № 438, КР Министрлер Кабинетинин 2023-жылдын 10-февралындагы № 68 токтомдорунун редакцияларына ылайык)

1. Жалпы жоболор

1. Кыргыз Республикасынын мамлекеттик аскерлештирилген уюмдарында, укук коргоо органдарынын жана атайын кызматтарынын ыкчам башкаруусунда турган ок атуучу куралдарды жана аларга ок-дарыларды, ошондой эле инженердик ок-дарыларды эсепке алууну, сактоону жана берүүнү уюштуруу боюнча нускама (мындан ары - Нускама) төмөнкүлөрдү аныктайт:

- мамлекеттик аскерлештирилген уюмдарда, укук коргоо органдарында жана атайын кызматтарда ыкчам башкарууда турган ок атуучу куралдарды жана аларга ок-дарыларды, ошондой эле инженердик ок-дарыларды эсепке алуу, сактоо жана берүү тартибин;

- бөлүкчөлөрдө, аскер бөлүктөрүндө жана кошуундарда, кампаларда жана мамлекеттик аскерлештирилген уюмдарда, укук коргоо органдарында жана атайын кызматтарда тынч жана уруш мезгилде ыкчам башкарууда турган куралданууну, аскердик жана атайын техниканы (мындан ары - КААТ), запастык бөлүктөрдү, аспаптарды, жабдыктарды (мындан ары - ЗБАЖ) жана материалдарды эсепке алууну уюштуруу жана жүргүзүү, ошондой эле эсептик документтердин формаларын, эсепке алууну контролдоону уюштуруу тартибин, жоготулган материалдык каражаттарды эсепке алуу тартибин жана алар боюнча отчеттуулукту.

Ысмы жазылган (сыйлык) ок атуучу куралды эсепке алуу жана сактоо "Курал жөнүндө" Кыргыз Республикасынын Мыйзамынын талаптарына ылайык уюштурулат.

Курал менен, анын курамдык бөлүктөрү жана компоненттери, аларга күжүрмөн жана кошумча октору, жакынкы уруштагы каражаттарга октор, реактивдүү танкка каршы гранаталар, белги берүүчү куралдарга октор, пиротехникалык жана имитациялык каражаттар, көрсөтүлгөн ок-дарыларга комплекттөөчү бөлүктөр менен операцияларды жүргүзүү жана эсепке алуу өзгөчөлүгү ушул Нускама менен, ошондой эле мамлекеттик аскерлештирилген уюмдардын, укук коргоо органдарынын жана атайын кызматтардын куралдардын жана ок-дарыларынын сакталышын, аларды эсепке алуу жана сактоо тартибин камсыздоо маселелери боюнча укуктук актылары менен аныкталат.

2. Ушул Нускаманын максаттары үчүн төмөнкү түшүнүктөр жана алардын аныктамалары колдонулат:

- мамлекеттик аскерлештирилген уюмдар, укук коргоо органдары жана атайын кызматтар (мындан ары - МАУ, УО жана АК) - Кыргыз Республикасынын Коргоо министрлиги, башка аскердик түзүлүштөр, укук коргоо органдары, Кыргыз Республикасынын Өзгөчө кырдаалдар министрлиги, Кыргыз Республикасынын Транспорт жана коммуникациялар министрлиги, Кыргыз Республикасынын Жаратылыш ресурстары, экология жана техникалык көзөмөл министрлигине караштуу Курчап турган чөйрөнү коргоо жана экологиялык коопсуздук чөйрөсүндөгү мамлекеттик жөнгө салуу департаменти, Кыргыз Республикасынын Улуттук банкынын атайын байланыш кызматтары жана атайын кызматтары;

- ок атуучу куралдар - чет өлкөлүк өндүрүштөгү штаттык жана штаттан тышкаркы куралдар: жеке колдонууга арналган курал, ал өзүнө күжүрмөн жана окуу револьверлерин, тапанчаларды, таамай атуу винтовкаларын, карабиндерди, автоматтарды, пулеметторду, атайын дайындалуудагы куралдарды, ошондой эле белги берүүчү тапанчаларды, гранатометторду, пулеметтордун запастык найларын, окуу ок атуулары үчүн жабдыктарды (ООЖ), спорттук куралдарды камтыйт, ошондой эле эсепти түзгөн бир нече адамдын топтук колдонуусу үчүн арналган курал, ал өзүнө оор пулеметторду, кол подстволдук жана станоктук гранатометторду, алып жүрүүчү зениттик пулеметторду, танкка каршы куралдарды, кетенчиктебес куралдарды, алып жүрүүчү танкка каршы ракеталык комплекстерди, алып жүрүүчү зениттик ракеталык комплекстерди жана 120 миллиметрден ашык эмес калибрдеги минометторду камтыйт;

- ок-дарылар - түздөн-түз бутаны кыйратууга, аны кыйратууга мүмкүнчүлүк түзгөн тапшырмаларды аткаруу үчүн дайындалган орнотмолор, заттар жана жардыруучу, пиротехникалык жана ыргытуучу же алардын айкалышын камтыган заряддар;

- инженердик ок-дарылар - жардыргыч, пиротехникалык заттар, инженердик миналар жана ок-дарылар, жардыруу иштери жана минаны жок кылуу иштери үчүн заряддар, тутандыруучу жана жардыруучу каражаттар;

- ракеталык-артиллериялык куралдар (мындан ары - РАК) - ракеталык куралдар, артиллериялык куралдар, ок атуучу курал, жер үстүндөгү радиотехникалык каражаттар, ракеталар, ок-дарылар, ошондой эле куралдануу башкармалыгынын жана/же МАУ, УО жана АКтын башкаруу органынын номенклатурасы боюнча аскердик-техникалык мүлк жана жабдуулар;

- аскер бөлүгү - юридикалык жак укугуна ээ, бекитилген штаты жана жайгашкан орду боюнча кармалган, чыныгы жана (же) шарттуу аталышы, Кыргыз Республикасынын Мамлекеттик гербинин (мындан ары - Мамлекеттик герб) сүрөтү менен мөөрү бар, уюштуруучу өз алдынча администрациялык - чарбалык орган;

- кампа - МАУ, УО жана АКтын курамындагы материалдык каражаттарды кабыл алуу, сактоо, сорттоо, комплекттөө, эсепке алуу жана жөнөтүү (берүү) үчүн дайындалган мекеме;

- сактоочу жай - көп сандагы куралдарды, ок-дарыларды жана ракеталык-артиллериялык мүлктү сактоо үчүн дайындалган атайын жабдыкталган (жабдылган) жай же орун;

- кайтаруунун техникалык каражаттары (мындан ары - КТК) - аймактын, имараттардын, сактоочу жайлардын сакталышын жана өрткө каршы коопсуздугун жана башка контролдоо объектилерин контролдоону камсыздоочу аппараттык жана программалык каражаттардын биригиши;

- материалдык каражаттардын кыймылы - аларды кабыл алуу, жөнөтүү (берүү), категориялоо, утилизациялоо (бөлүү) жана эсептен чыгаруу;

- материалдык каражаттарды убактылуу сактоо - анда камсыздоочу органдын наряддары боюнча өткөрүү үчүн жеткирилген материалдык каражаттардын жетишсиздиктери болгондугуна байланыштуу жүктү алуучу тарабынан кабыл алынбаган жана жетишсиздиктер жоюлгуча жүктү берүүчүнүн эсебинде турган материалдык каражаттарды кармоонун түрү;

- камсыздоочу орган - МАУ, УО жана АКтын каражаттарды бекитилген номенклатура боюнча эсепке алууну, камсыздоону, бөлүштүрүүнү, эксплуатациялоону, оңдоону, категориялоону, эсептен чыгарууну жана утилдештирүүнү, ошондой эле пландоону, камсыздоочу органдын жетектөөсүндө турган акча каражаттары менен өз убагында жана толук камсыздоону жетектеген командачылыгы, жетекчилиги;

- эсептин тууралыгы - юридикалык жактын мүлктүк жана финансылык абалынын, ошондой эле анын ишинин финансылык жыйынтыгынын туура жана толук көрсөтүлүшү;

- сатып алуучу орган - МАУ, УО жана АКтын түзүмдүк бөлүкчөсү (анын ичинде камсыздоочу орган), анын жетекчиси МАУ, УО жана АКтын атынан берилген ишеним каттын негизинде товарларды (иштерди, кызмат көрсөтүүлөрдү) сатып алууга макулдашууларды түзүүгө ыйгарымдуу;

- материалдык каражаттар - МАУ, УО жана АК ыкчам башкаруу укугуна бекитилген жана материалдык каражаттардын камсыздоочу номенклатурасында турган материалдык каражаттар - материалдык каражаттардын алар боюнча эсепке алынган тизмеси, КААТтын бардык түрлөрү, ракеталар, ок-дарылар, отундун ар кандай түрлөрү, күйүүчү майлар жана ар кандай арналыштагы суюктуктар, азык-түлүк, инженердик, буюмдук мүлктүн, медициналык, ветеринардык жана аскердик мүлктүн башка түрлөрү;

- бөлүкчө - өзүнчө взвод, рота, батарея, батальон (өзүнчөдөн тышкары), дивизион (өзүнчөдөн тышкары) жана башка аларга тең бөлүкчөлөр;

- эсептин толуктугу - эсепте чарбалык иштин бардык фактыларын көрсөтүү;

- ЗБАЖ (запастык бөлүктүн, аспаптын жана жабдыктардын) курамдык бөлүгү - тетиктер жана (же) ЗБАЖ комплектисинин курамына кирген буюмдар;

- кошуун - бир нече аскердик бөлүктөрдөн же кичине курамдагы кошуундардан, негизинен бирдиктүү штаттык командачылыгы менен бириктирилген жана тактикалык тапшырмаларды чечүү үчүн дайындалган ар кандай аскерлердин (күчтөрдүн) түрлөрүнөн, атайын аскерлерден (кызматтардан), ошондой эле түздөн-түз бирикменин аскерлеринин командачысына баш ийген камсыздоочу аскер бөлүктөрүнөн турган тактикалык аскердик түзүлүш;

- бирикме - түздөн-түз бирикменин аскерлеринин командачылыгына баш ийген кошуундардан, өзүнчө аскердик бөлүктөрдөн жана бөлүк-чөлөрдөн турган аскердик түзүлүш;

- аскердик чарбанын объектилери - материалдык каражаттардын запастары менен кампалардын жана кампачалардын бардык түрлөрү, парктар, устаканалар, аэродромдук жана башка курулуштар, ашканалар, нан заводдору, көмөкчү чарбалар, казармалык-тиричилик фонду, мончолор, кир жуучу жайлар, коммуналдык курулуштар, медициналык пункттар, талаа жана класстык окуу объектилери, дене тарбиялык даярдоонун окуу-материалдык базасынын окуу объектилери жана башка жабдуулары, инвентарлары жана башка материалдык каражаттары менен объектилер, ошондой эле жүктөө-түшүрүү түзүлүштөрү менен кирүүчү темир жол жана автомобилдик жолдору жана жер тилкелери, офицерлер үйлөрү, клубдар, музейлер, күжүрмөн даңк бөлмөлөрү, китепканалар, басмаканалар жана тарбиялоонун техникалык каражаттары менен кинобазалар;

- ыкчам эсепке алуу - аскердик башкаруу органдарынын бөлүмдөрүндө жана кызматтарында жүргүзүлгөн материалдык каражаттарды эсепке алуунун түрү;

- аскердик башкаруу органдары - МАУ, УО жана АКтын түзүмдүк бөлүктөрү;

- реквизит - документтин маалыматтык элементи. Туруктуу жана алмашылуучу реквизитке бөлүнөт. Туруктуу реквизиттер (реквизиттер-белгилер) документтин бланкын даярдоодо жазылат, алмашылуучу реквизиттер (реквизиттер-негиздер) документтин бланкында аны толтурууда жазылат;

- эсепке алуунун тактыгы - кампалык жана ыкчам эсепке алуунун туура эсептик маалыматка негизделген, тиешелүү түрдө эсепке алуу документтери боюнча жазылган жана так жыйынтыкталган материалдык каражаттардын кыймылына жана калган бөлүгүнө дал келүүсү.

(КР Министрлер Кабинетинин 2023-жылдын 10-февралындагы № 68 токтомунун редакциясына ылайык)

3. Куралдардын жана ок-дарылардын ишенимдүү сакталышын камсыздоо бардык деңгээлдеги командирлердин жана башчылардын эң маанилүү милдеттеринен болуп саналат.

Командирлер (башчылар) баш ийген аскер бөлүктөрүндө, бөлүкчөлөрдө куралдардын жана ок-дарылардын сакталышына жооптуу жана ок атуучу куралдын жана ок-дарылардын бардыгы жана абалы боюнча так маалыматтарды ар дайым билүүгө милдеттүү, аларды жоготуу жана уурдоо мүмкүнчүлүгүн чектеген кайтарууну, эсепке алууну, сактоону, берүүнү жана колдонууну уюштурууда катуу тартипти камсыздоого милдеттүү жана ок атуучу куралдарды жана ок-дарыларды сактоо жайларынын абалын текшерүүнү уюштурууга, ошондой эле табылган жетишсиздиктерди жоюуга тез арада чараларды көрүүгө милдеттүү. Бөлүкчөлөрдүн командирлери (башчылары) бардык иш-чаралар аяктаганда аларга берилген бардык ок атуучу куралдын жана ок-дарылардын бардыгын жана комплекттелишин жеке өздөрү текшериши керек.

4. Ок атуучу куралдын жана ок-дарылардын сакталышын камсыздоого чараларды кабыл албаган командирлер (башчылар), ошондой эле ок атуучу куралды жана ок-дарыларды уурдаган жана жоготкон адамдар кылмыш-жаза, административдик, тартиптик жана материалдык жоопкерчиликке тартылышат.

5. Командир (башчы) ок атуучу куралдын жана аларга ок-дарылардын, инженердик ок-дарылардын ар бир жоголгондугу жөнүндө команда боюнча жеткирүүгө, ошондой эле Аскердик прокуратура жана ички иштер, Кыргыз Республикасынын улуттук коопсуздук органдарына билдирүүгө жана алдын-ала текшерүү уюштурууга милдеттүү.

Ар бир бирдик уурдалган (жоготулган) ок атуучу куралга 4 нускада уурдалган (жоготулган) куралды эсепке алуу карточкасы ушул Нускаманын 1-тиркемесине ылайык форма боюнча түзүлөт, ал эми уурдалган (жоготулган) ок-дарылардын ар бир номенклатурасына (партиясына) 4 нускада уурдалган (изделген) ок-дарылардын карточкасы ушул Нускаманын 2-тиркемесине ылайык форма боюнча түзүлөт.

Толтурулган уурдалган (жоготулган) куралды эсепке алуу карточкалары жана уурдалган (табылган) ок-дарыларды эсепке алуу карточкалары уурдоо жөнүндө маалыматтар алынган учурдан 2 суткадан кечиктирилбей (анын ичинде, эгерде ок атуучу курал же ок-дарылар көрсөтүлгөн убакыттын ичинде табылса) төмөнкү даректерге жөнөтүлөт:

- бир нуска уурдалган (изделген) куралды жана ок-дарыларды (инженердик ок-дарыларды) эсепке алуу карточкасы аскер бөлүгүнүн (бөлүкчөнүн) номери, МАУ, УО жана АКка тийиштүүлүгү көрсөтүлгөн коштолгон каты менен Кыргыз Республикасынын Ички иштер министрлигинин маалыматтык-аналитикалык органына эсепке коюу жөнүндө маалымкатты суроо-талабы менен жөнөтүлөт;

- бир нуска уурдалган (изделген) куралды жана ок-дарыларды (инженердик ок-дарыларды) эсепке алуу карточкасы МАУ, УО жана АК тийиштүүлүгү, аскер бөлүгүнүн (бөлүкчөнүн) номери көрсөтүлгөн коштолгон каты менен тергөө органына жөнөтүлөт;

- бир нуска уурдалган (изделген) куралды жана ок-дарыларды эсепке алуу карточкасы аскер бөлүгүнүн (бөлүкчөнүн) уурдалган (жоготулган) куралдарды жана ок-дарыларды эсепке алуу делосуна кошулат жана куралды (ок-дарыларды) издөө жөнүндө маалыматты алганга чейин сакталат;

- бир нуска уурдалган (изделген) куралды жана ок-дарыларды эсепке алуу карточкасы жогору турган камсыздоочу органдын уурдалган (жоготулган) куралдарды жана ок-дарыларды эсепке алуу делосуна кошулат жана куралды (ок-дарыларды) издөө жөнүндө маалыматты алганга чейин сакталат.

Уурдалган (жоготулган) курал жана ок-дарылар аскер бөлүгүнө кайтарылып берилген күндөн тартып 3 суткадан кем эмес убакыттын ичинде табылган ок атуучу куралга (ок-дарыга) көрсөтүлгөн карточкалар түзүлөт жана ошол эле даректерге табылган ок атуучу куралдын (ок-дарылардын) карточкасы жөнөтүлөт.

Уурдалган (табылган) куралды эсепке алуу карточкасын түзүүдө курал жөнүндө максимум маалымат чагылдырылат. Бардык керектүү маалыматтарды алуу мүмкүнчүлүктөрү калбаган учурларда уурдалган (изделген) куралдын карточкасында милдеттүү түрдө негизги мүнөздөмөлөр - модели, сериясы, номери, чыгарылган жылы көрсөтүлөт.

Реквизиттердин аталышы жана мааниси уурдалган (изделген) куралды эсепке алуу карточкасына аскер бөлүктөрү, бөлүкчөлөрү үчүн мүмкүн болгон мааниси ушул Нускаманын 1-тиркемесинде көрсөтүлгөн реквизиттердин коду түрүндө киргизилет. Уурдалган (табылган) куралды эсепке алуу карточкасы жоготулган куралды эсепке коюу үчүн, ошондой эле маалыматтарды тууралоо үчүн, куралды эсептен чыгарууга же суроо-талаптарды аткаруу үчүн колдонулат.

Уурдалган (жоготулган) курал аскер бөлүгүнүн, бөлүкчөнүн эсебинен инспектордук күбөлүктөрдүн негизинде камсыздоочу орган тарабынан чыгарылат. Инспектордук күбөлүктү алууга сунуштамага төмөнкүлөр тиркелет:

- администрациялык иликтөөнүн материалдары (ревизиялар, текшерүүлөр, алгачкы тергөөлөр) жана алардын жыйынтыгы жөнүндө буйруктун көчүрмөсү;

- жетишсиздикти эсепке алуу китебинен көчүрмө;

- эсептен чыгаруу жөнүндө акт;

- Кыргыз Республикасынын Ички иштер министрлигинин башкы маалыматтык борборунун эсепке коюу жөнүндө маалымкаты;

- ушул иш боюнча соттун чечиминин же тергөө органынын токтомунун көчүрмөсү;

- аскер бөлүгүнүн, бөлүкчөсүнүн кызмат адамдары кол койгон эсептен чыгарууга жаткан ок атуучу куралдын жана ок-дарылардын баасынын эсеби.

Командирлер (башчылар) уурдалган (жоготулган) жана изделбеген куралдын эсебиндеги бардык өзгөрүүлөр жөнүндө камсыздоочу органга дароо билдирүүгө милдеттүү.

Мындан тышкары, командирлер (башчылар) курал жана ок-дарылар уурдалгандан (жоготулгандан) бир айдан кеч эмес убакыттын ичинде камсыздоочу органга жана баш ийүүсү боюнча куралды жана ок-дарыларды уурдоого (жоготууга) жол берилген себептер жана аларды жоюу боюнча кабыл алынган чаралар жөнүндө жазуу жүзүндөгү баяндаманы көрсөтүүсү керек.

6. Аскер бөлүктөрүнүн, бөлүкчөлөрдүн кызмат адамдары Кыргыз Республикасынын 1998-жылдын 7-августундагы № 117 Мыйзамы менен кабыл алынган Кыргыз Республикасынын Куралдуу Күчтөрүнүн Ички кызмат уставында (мындан ары - ИК уставы) бекитилген мезгили менен ок атуучу куралдын жана ок-дарылардын бардыгын жана абалын, ал эми куралдарды жана ок-дарыларды сактоо жайларынын абалын - күн сайын штаб тарабынан иштелип чыккан жана командир (башчы) бекиткен график боюнча текшерип турууга милдеттүү. Бөлүкчөлөрдүн командирлери, айына бир жолу бөлүкчөнүн эсебинин маалыматтарын аскер бөлүгүнүн эсептик маалыматтары менен салыштырып туруусу керек.

Куралдарды жана ок-дарыларды баардык текшерүүлөрдө алардын бардыгы, эсепке алуусу, документтердин туура таризделиши, сактоо шарттары, берүү жана кабыл алуу тартибинин сакталышы, сактоо жайларынын КТК абалы, ошондой эле мөөрлөрдүн болушу жана кампалардын (сактоочу жайлардын), бөлмөлөрдүн, пирамидалардын, шкафтардын жана ок атуучу куралы жана ок-дарылары менен үкөктөрдүн, ок атуучу куралдарды жана ок-дарыларды оңдоо боюнча устаканалардын (участоктордун) запастык ачкычтарынын туура сакталышы каралат. Текшерүүлөрдүн жыйынтыгы ротанын куралдарды, аскердик техниканы жана ок-дарыларды кароо (текшерүү) китебине ИК уставынын 139-бер. 2-тиркемесине ылайык форма боюнча жазылат.

Ок атуучу куралды жана ок-дарыларды эсепке алууну, сактоону жана берүүнү уюштурууга контролдоо үчүн жыл сайын аскер бөлүктөрүндө, бөлүкчөлөрдө улук башчынын буйругунун негизинде документтик ревизиялар жүргүзүлөт.

Аскер бөлүктөрүнүн (бөлүкчөлөрдүн) командирлери (башчылары) инвентаризациялоону, чарбалык ишти текшерүүнү жана Кыргыз Республикасынын Коргоо министринин 2013-жылдын 18-мартындагы № 105 буйругу менен бекитилген "Куралдуу Күчтөрдө аскердик чарба жөнүндө" жободо (мындан ары - Аскердик чарба жөнүндө жобо) жана ушул Нускамада аларды жүргүзүү тартиби жазылган контролдоонун башка формаларын жүргүзүүнү уюштурат.

Аскер бөлүктөрүнүн, бөлүкчөлөрдүн командирлеринин (башчыларынын) буйругу менен жогорку моралдык-иштиктүү сапаттары менен офицерлерден жана прапорщиктерден туруктуу ички текшерүү комиссиясы дайындалат.

Ички текшерүү комиссиясынын төрагасына аскердик бөлүктүн, бөлүкчөнүн командиринин орун басарынан бирөө, куралдануу боюнча орун басарынан башкасы дайындалат.

7. Офицерлердин жана прапорщиктердин штаттык куралдары алар аскер бөлүгүндө (бөлүкчөдө) 60 суткага чейинки мөөнөттө убактылуу жок болгон мезгилде кампага тапшырылбайт, бөлүкчөлөрдүн куралды сактоо бөлмөсүндө сакталат. Аскер бөлүгүнүн (бөлүкчөнүн) командири (башчысы) күжүрмөн даярдыкты, ички жана кароолдук кызматты уюштуруу жөнүндө жазуу жүзүндөгү буйрукта окуу мезгилине ок атуучу куралды жана ок-дарыларды айгай боюнча берүү тартибин, ошондой эле аны берген жерлерде жана жол жүрүүдө кайтарууну аныктайт.

8. Куралды жана ок-дарыларды эсепке алууга жана сактоого жооптуу адамдарды кызматка дайындоо алардын иштиктүү сапаттарын окуп-үйрөнгөндөн кийин жүргүзүлөт жана камсыздоочу орган менен жана Кыргыз Республикасынын Улуттук коопсуздук мамлекеттик комитетинин Аскердик контрчалгындоо башкармалыгы (улуттук коопсуздук органдары) менен макулдашылат, сержанттык курам аскер бөлүктөрүнүн (бөлүкчөлөрдүн) командирлеринин (башчыларынын) буйруктары, офицердик курам жана прапорщиктер аскер бөлүктөрүнүн (бөлүкчөлөрдүн) командирлеринин (башчыларынын) сунуштары менен МАУ, УО жана АКтын жетекчилеринин буйруктарына ылайык дайындалат.

Жыл сайын аскер бөлүгүнүн (бөлүкчөнүн) комиссиясы штабдын башчысынын төрагалыгы алдында алардын ишине баа берет. Баалоонун тартиби МАУ, УО жана АКтын ведомстволук актылары менен аныкталат.

Бул кызмат адамдарынын милдеттерин убактылуу аткарууга талапкерлер каралат. Куралдарды жана ок-дарыларды, эсептик документтерди кабыл алуу жана өткөрүп берүү Аскердик чарба жөнүндө жобонун талаптарына ылайык жүргүзүлөт.

9. Куралдарды жана ок-дарыларды эсепке алууга жана сактоого жооптуу адамдарды алмаштырууда, ошондой эле алар 30 суткадан ашык иш сапарга, өргүүгө же дарыланууга кетээрдин алдында куралдарды, ок-дарыларды жана эсептик документтерди аскер бөлүгү (бөлүкчөсү) боюнча буйрук менен дайындалган адамдарга өткөрүп берүүнү жана кабыл алууну Аскердик чарба жөнүндө жобонун талаптарына ылайык жүргүзүшөт.

РАК кызматынын башчысынын (ок атуучу куралды жана ок-дарыларды эсепке алуу жана сактоо боюнча анын милдеттерин аткаруу жүктөлгөн адам) кызматын жана ок атуучу куралдын жана ок-дарылардын кампасынын башчысынын (материалдык жооптуу адам) милдеттерин бириктирүүгө таптакыр тыюу салынат.

10. Ок атуучу куралды жана ок-дарыларды эсепке алууга, сактоого жана берүүгө жооптуу адам жок болгон учурда курал салынган шкафты жана ок-дарылар салынган үкөктү аскер бөлүгүнүн (бөлүкчөнүн) командиринин (башчысынын) уруксаты боюнча курамында 3төн кем эмес адамдан турган комиссия запастык ачкычтардын жардамы менен ачышы мүмкүн. Ошону менен бирге ачуу жөнүндө эки нускада акт түзүлөт, анда качан жана ким ачкандыгы жана кимдин буйругу менен, куралдын (ок-дарылардын) бардыгы, эмне алынгандыгы жана кимге берилгендиги көрсөтүлүшү керек. Актыга ачууга катышкан адамдар кол коюшат.

Актынын бир нускасы ок атуучу курал сакталган шкафка (ок-дарылары менен үкөккө) салынат, экинчи нускасы командирде (башчыда) сакталат.

Шкаф (үкөк) кулпуга бекитилет жана аны ачкан төраганын (комиссиянын мүчөсүнүн) өздүк мөөрү басылат, шкафтын (үкөктүн) ачкычтары - комиссиянын мүчөсүнүн биринин мөөрү менен басылат. Мөөрлөрдүн номери актыда көрсөтүлөт.

Куралды жана ок-дарыларды эсепке алууга, сактоого, берүүгө жооптуу адам жок болгон учурунда ок-дарылары менен үкөк же куралы менен шкаф ачылган болсо, ал кызматка келгенде дароо куралдарды жана ок-дарыларды эсептик документтери менен текшерүүгө милдеттүү. Бул учурда шкафты (үкөктү) ачууну куралдарды жана ок-дарыларды эсепке алууга, сактоого, берүүгө жооптуу адам аскер бөлүгүнүн командиринин (башчысынын) уруксаты менен ачылуучу шкафка (үкөккө) мөөр баскан адамдардын катышуусу менен жүргүзөт.

11. Бардык куралдарды жана ок-дарыларды сактоочу жайлар негизги жана резервдик камсыздоо булагы менен жабдыкталган типтүү КТК менен жабдылат. КТКнын конструкциясы сактоочу жайларды ачканда, зымдар үзүлгөндө, ошондой эле эшик ачык болгондо үн жана жарык белги берүүнүн аракети ишенимдүү иштөөнү камсыз кылышы керек жана белги берүүнү өчүрүү үчүн блоктоочу түзүлүштөр болбошу керек.

Ок атуучу куралды сактоочу жайларды ачуу жөнүндө КТКнын маалыматы жашыруун: аскер бөлүгү (штабы) боюнча нөөмөтчүнүн бөлмөсүндө жайгашкан тапанчалары менен сейфтен, куралдары жана ок-дарылары менен сактоочу жайлардан, кароолдук жайлардагы куралдар үчүн пирамидалардан - кароолдун башчысына, күжүрмөн техникасы менен сактоочу жайлардан, куралдарды оңдоо үчүн жайлардан, мындан тышкары - аскер бөлүгүнүн парк боюнча нөөмөтчүсүнө чыгарылышы керек.

Куралдарды жана ок-дарыларды сактоо жайларын КТК менен кайтарууну уюштурууга аскер бөлүгүнүн, бөлүкчөнүн штабынын башчысы (анын милдетин аткаруучу адам), ал эми КТКнын абалына - кайтарылган объекттин башчысы жооптуу. Белги берүүнү оң абалда кармап турууга аскер бөлүгүндө анын штаттык санынын эсебинен (РАК кызматынын офицерлеринен тышкары) кайтаруунун техникалык каражаттарын эксплуатациялоо жана оңдоо боюнча топ дайындалат.

Кайтаруунун белги берүүсүнүн иштөө мүмкүнчүлүгүн кампанын башчысы (сактоочу жайдын башчысы, материалдык жооптуу адам), кароолдун башчысы кароолдун башчысынын КТК боюнча жардамчысы (оператору) менен биргеликте - объектти кайтарууга өткөрүп берүүдө (кабыл алууда), аскер бөлүгү жана бөлүкчөсү боюнча нөөмөтчүлөрү - нөөмөттү кабыл алууда (өткөрүп берүүдө) текшеришет. Кайтаруунун белги берүүлөрүнүн оңдугун текшерүүнүн жыйынтыгын: аскер бөлүгү (бөлүкчөсү) боюнча нөөмөтчү - нөөмөттү кабыл алуу-өткөрүп берүү китебине КК ИК уставынын 294, 304-бер. 2-тиркемесине ылайык форма боюнча, кароолдун башчысы - посттук ведомостко 1998-жылдын 7-августундагы № 117 Кыргыз Республикасынын Мыйзамы менен кабыл алынган КР КК Гарнизондук жана кароолдук кызматынын уставынын (мындан ары - ГК уставы) 129-бер. 4-тиркемесине ылайык форма боюнча; кампанын башчысы - келүүлөрдү жана кампадагы иштерди эсепке алуу китебине ушул Нускаманын 3-тиркемесине ылайык форма боюнча жазышат.

Белги берүүлөрдү эксплуатациялоо тартибин жана оңдугун контролдоо мөөнөттөрү, ошондой эле анын санкциядан тышкары иштеп кетишиндеги кызмат адамдарынын аракеттери аскер бөлүгү (бөлүкчөсү) боюнча нөөмөтчүнүн жана кароолдун башчысынын нускамаларында көрсөтүлөт.

Куралды сактоо үчүн бөлмөлөрдү ачуу бөлүкчөнүн командиринин (башчынын, старшинанын) уруксаты менен жүргүзүлөт; ачуу жөнүндө бул адамдарга аскер бөлүгү боюнча нөөмөтчү билдирет.

Кампаларды жана куралдарды оңдоо боюнча цехтерди (участокторду) ачуу ГК уставынын талаптарына ылайык жүргүзүлөт.

12. Кароолдук жана гарнизондук кызматтарды өтөө үчүн же атайын тапшырмаларды аткаруу үчүн аскер кызматчыларын штаттык эмес ок атуучу курал менен куралдандырууга уруксат берилет. Ок атуучу куралдын керектүү саны, аларды берүү тартиби жана бекитүү аскер бөлүгү (бөлүкчөсү) боюнча буйрук менен аныкталат.

13. Куралды жана ок-дарыларды колдонууда төмөнкүлөргө тыюу салынат:

- бузук куралды колдонууга;

- күжүрмөн, спорттук жана окуу куралдарын жана ок-дарыларды аскер бөлүгүнүн, бөлүкчөнүн жайгашкан жеринен тышкары (үйдө, жатаканада) белгиленбеген жерлерде сактоого;

- эгерде кийиминде тапанча үчүн атайын чөнтөктүн болушу каралбаса тапанчаларды кобурасы жок, ал эми окторду эндей түрүндө алып жүрүүгө (кызматтык ишке шартташкан учурлардан тышкары);

- санаторияда, эс алуу үйлөрүндө, өргүүдө, дарыланууда жүргөндө, ошондой эле театрларга, клубдарга жана башка коомдук жайларга барганда, эгерде ал жакта болуу кызмат өтөө менен байланышпаса, куралды алып жүрүүгө;

- куралды ушул Нускаманын 12-беренесинде көрсөтүлгөн учурлардан тышкары, бекитилип берилбеген адамга берүүгө.

14. МАУ, УО жана АКтын тынч жана уруш мезгилде колдонулган бардык материалдык каражаттары Кыргыз Республикасынын менчиги болуп саналат. Алар МАУ, УО жана АКтын ыкчам башкаруу укугуна бекитилген.

15. Материалдык каражаттарды эсепке алуу өз убагында, толук, туура жана так болушу керек. Ал аскердик башкаруу органдарынын тиешелүү кызмат адамдарын пландоого жана алар менен камсыздоону уюштурууга, сакталышын, материалдык каражаттарды чыгымдоонун (колдонуунун) мыйзамдуулугун, максатка ылайыктыгын жана натыйжалуулугун контролдоого, отчеттук документтерди МАУ, УО жана АКтын түзүмдүк бөлүкчөлөрүнүн укуктук актыларына ылайык түзүү үчүн зарыл болгон баштапкы маалыматтарды даярдоого керек болгон материалдык каражаттардын бардыгы, кыймылы жана сапаттык (техникалык) абалы жөнүндө туура маалыматтар менен өз убагында камсыздоо максатында жүргүзүлөт.

16. Материалдык каражаттарды эсепке алуу тиешелүү актоочу документтерди тариздөөдөн, эсеп китептеринде жана эсепке алуу карточкаларында, магниттик жана башка маалымат алып жүрүүчүлөрдө материалдык каражаттардын сапаттык (техникалык) абалына жана кыймылына байланышкан бардык операциялар жөнүндө маалыматтарды туура жана өз убагында жазууларды жүргүзүүдөн турат.

17. Материалдык каражаттарды бөлүкчөлөрдө, аскердик чарбанын объектилеринде, ошондой эле аскер бөлүктөрүнүн жана кошуундардын кызматтарында, кампаларда жана аскердик башкаруу органдарында эсепке алуу тынч мезгилде да, уруш мезгилинде да ушул Нускаманын талаптарына ылайык жүргүзүлөт.

18. МАУ, УО жана АКтын аскер бөлүктөрүндө (бөлүкчөлөрүндө) жайгашкан жери боюнча юридикалык жак катары мамлекеттик салык кызматында катталган, алардын керектөөлөрү үчүн банктын мекемелеринде башка аскердик бөлүктөргө (бөлүкчөлөргө) камсыздоого коюлган акча каражаттарын эсепке алуу боюнча учурдагы эсептер ачылган, материалдык каражаттарды эсепке алуу алардын келип түшүү булагына карабастан өз алдынча, ушул Нускамада жазылган талаптарга ылайык уюштурулат.

19. Материалдык каражаттарды эсепке алуу жана уюштуруу Кыргыз Республикасынын маалыматты камсыздоо боюнча мыйзам чыгаруусунун талаптарын сактоо менен жүргүзүлүшү керек.

20. Материалдык каражаттарды эсепке алуу эсептик документтер боюнча эсептөө техникаларынын каражаттарын жана программалык камсыздоону колдонуп, ошондой эле кол менен же эки ыкманы колдонуу аркылуу жүргүзүлөт.

Эсептөө техникаларын колдонуу менен эсепке алууда камсыздоочу орган аркылуу коюлган жана аны колдонуу камсыздоочу органда макулдаштырылган атайын программалык камсыздоону колдонууга уруксат берилет. Материалдык каражаттарды эсепке алууну эсептөө техникаларын колдонуу менен жүргүзүү аскердик башкаруунун борбордук органдарынын (мындан ары - БАБО), түзүмдүк бөлүкчөлөрүнүн кызмат адамдарына, аскер бөлүктөрүнүн, бөлүкчөлөрүнүн тиешелүү кызматтарына жүктөлөт.

21. Бардык материалдык каражаттар алардын дайындалышына, алып келүү булагына жана сатып алуу ыкмасына карабастан эсепке алынууга тийиш.

Аскер бөлүктөрүндө (бөлүкчөлөрдө) материалдык каражаттардын бардык номенклатурасын эсепке алуу баштапкы эсептик документтер боюнча жүргүзүлөт.

Камсыздоочу органда материалдык каражаттар баштапкы эсептик документтери боюнча эсепке алынат же ыкчам эсепке алуу жүргүзүлөт. Материалдык каражаттар эсепке алуунун түрү боюнча тиешелүү камсыздоочу органдын жетекчисинин чечимине ылайык бөлүштүрүлөт.

Камсыздоочу эмес аскердик башкаруу органдарынын кызматтарында (бөлүмдөрүндө) материалдык каражаттарды ыкчам эсепке алуу жүргүзүлөт.

22. Материалдык каражаттардын сапаттык (техникалык) абалы категориясы жана жарамдуулук деңгээли боюнча эсепке алынат. Материалдык каражаттарды категориялоо жана жарамдуулук деңгээлин аныктоо тартиби Кыргыз Республикасынын Өкмөтүнүн 2016-жылдын 27-сентябрындагы № 512 токтому менен бекитилген Мамлекеттик аскерлештирилген уюмдардын, укук коргоо органдарынын жана атайын кызматтардын ыкчам башкаруусунда турган ок атуучу куралдарды категориялоо жөнүндө (мындан ары - ОК категориялоо боюнча жобо) жобосуна жана Мамлекеттик аскерлештирилген уюмдардын, укук коргоо органдарынын жана атайын кызматтардын ыкчам башкаруусунда турган ок атуучу куралга кадимки ок-дарыларды категориялоо жөнүндө жобосуна (мындан ары - КОД категориялоо боюнча жобо) ылайык белгиленет.

23. Материалдык каражаттарды категориялоо чыныгы көрсөткүчтөр менен жана ченөөнүн стандарттык бирдиктери менен 4-тиркемеге ылайык жүргүзүлөт.

24. Баштапкы эсепке алуу документтеринде баалары төмөнкү учурларда гана көрсөтүлөт:

- материалдык каражаттарды кабыл алганда акчалай эсептөө жүргүзгөндө;

- материалдык каражаттарды төлөмгө же акчалай бөлүнгөн лимиттин эсебинен бергенде;

- материалдык каражаттардын жоготууларынын же жетишсиздигинин (ашыктыгынын) өлчөмүн аныктоодо;

- материалдык каражаттардын сапаттык (техникалык) абалын өзгөрткөндө.

Сатылып алынуучу материалдык каражаттардын баасы баштапкы эсепке алуу документтеринде көрсөтүлгөн материалдык каражаттардын бааларын жана иш жүзүндө чыккан, анын ичинде келишимдин негизинде башка адамдар жүргүзгөн, сатып алууга байланышкан чыгымдарды кошуу жолу менен аныкталат.

Материалдык каражаттарды сатып алууга байланышкан иш жүзүндө чыккан чыгымдарга төмөнкүлөр кирет:

- салыктар, жыйноолор жана башка бюджетке төлөмдөр;

- жүктөрдү ташуу учурунда жоготулушуна же бузулуусуна байланышкан тобокелдиктерди төлөөгө чыгымдар, ошондой эле алып келүүчүнүн милдеттерин аткаруусуна байланышкан чыгымдар;

- аккредитивдер боюнча төлөө жүргүзүүгө байланышкан жана материалдык каражаттарды сатып алууга байланышкан башка чыгымдар.

Чет өлкөлүк валютада төлөө жүргүзүлгөн материалдык каражаттардын баасы сом менен чет өлкөлүк валютаны сатып алуу курсу боюнча которуу жолу менен же материалдык каражаттарды сатып алууга акча каражаттарын эсептеп жөнөтүү датасына Кыргыз Республикасынын Улуттук банкы бекиткен расмий курс боюнча аныкталат.

Кайтарымсыз алынган материалдык каражаттардын баасы берүүчү жактын бухгалтердик эсебинин маалыматтарынын негизинде материалдык каражаттардын баасын жана аларды алууга байланышкан, анын ичинде келишимдин негизинде башка жактар жүргүзгөн иш жүзүндөгү чыгымдарды кошуу жолу менен аныкталат.

Кайтарымсыз алынган материалдык каражаттардын баасы аларды баалоочу юридикалык жак (жеке ишкер) жүргүзгөн баалоо жөнүндө корутундунун же негизги экономикалык, техникалык, технологиялык жана башка мүнөздөмөлөрүн, алардын жеке өзгөчөлүктөрүн эске алуу менен баалоого тийиш болгондорго окшош аналогдуу активдердин баасын тастыктаган документтердин негизинде аныкталат.

Аскер бөлүгүнүн өзүндө жасалган (түзүлгөн) материалдык каражаттардын баасы аларды жасоо (түзүү) баасы боюнча аныкталат.

Сатып алынуучу материалдык каражаттардын баасы сатып алуучу органдарда түзүлөт. Сатылып алынган материалдык каражаттарга документтер камсыздоочу органга материалдык каражаттардын маалыматтарын баасын көрсөтүү менен эсепке коюу үчүн берилет.

25. Бирикмелердин (Куралдуу Күчтөрдүн түрүндө) кампаларында сакталган, бирок башка аскердик (мамлекеттик) башкаруу органдарына ыкчам башкаруу укугуна бекитилген материалдык каражаттар ушул кампаларда өзүнчө китептерде же эсепке алуу карточкаларында эсепке алынат.

26. Аскер бөлүгүндө (бөлүкчөлөрдө) материалдык каражаттарды эсепке алууну уюштурууга аскер бөлүгүнүн (бөлүкчөлөрдүн) командири (башчы) жетекчилик жүргүзөт, тиешелүү материалдык каражаттарды эсепке алууну штабдын башчысы, командирдин орун басары (жардамчысы), ошондой эле кызматтардын башчылары жана аскер бөлүгүнүн бөлүкчөлөрүнүн командирлери уюштурат.

27. Аскер бөлүгүнүн кызмат адамдары төмөнкүлөргө жооптуу:

- аскер бөлүгүнүн (бөлүкчөнүн) командири (башчысы) - аскер бөлүгүндөгү материалдык каражаттардын эсебинин абалына жана аскердик башкаруунун жогору турган органдарына МАУ, УО жана АКтын укуктук актыларына ылайык бекитилген отчеттук документтерди өз убагында көрсөтүүгө;

- аскердик бөлүктүн штабынын башчысы - аскер бөлүгүндөгү материалдык каражаттардын эсебинин абалына жана ага баш ийген кызматтарда материалдык каражаттардын эсебинин абалына жана отчеттуулугуна;

- аскер бөлүгүнүн командиринин (башчысынын) орун басарлары -аларга баш ийген кызматтарда материалдык каражаттардын эсебинин абалына жана отчеттуулугуна;

- кызматтын башчысы - аскер бөлүгүндө кызматтын материалдык каражаттарынын эсебинин абалына, материалдык каражаттардын сапаттык (техникалык) абалын өзгөртүүгө жана кыймылына байланышкан операцияларды тариздөөгө, китептерде жана эсепке алуу карточкаларында, магниттик жана башка маалымат алып жүрүүчүлөрдө өз убагында жазууларды жүргүзүүгө, кызмат боюнча отчеттук документтерди түзүүгө, тариздөөгө жана өз убагында көрсөтүүгө;

- бөлүкчөнүн командири (аскердик чарбанын объектисинин башчысы) - бөлүкчөдөгү (аскердик чарбанын объектисиндеги) материалдык каражаттардын эсебинин абалына, китептерде жана эсепке алуу карточкаларында, магниттик жана башка маалымат алып жүрүүчүлөрдө материалдык каражаттардын сапаттык (техникалык) абалын өзгөртүүгө жана кыймылына байланышкан операциялар жөнүндө өз убагында жазууларды жүргүзүүгө, документтерди архивге өткөрүүгө даярдоого, бөлүкчөдө (аскердик чарбанын объектилеринде) эсептик документтердин, магниттик жана башка маалымат алып жүрүүчүлөрдүн сакталышына;

- эсепке алууну жүргүзгөн кызмат адамы - эсептик документтерди тариздөөгө (кызматтык милдеттеринин чегинде), китептерде жана эсепке алуу карточкаларында, магниттик жана башка маалымат алып жүрүүчүлөрдө материалдык каражаттардын сапаттык (техникалык) абалын өзгөртүүгө жана кыймылына байланышкан операциялар жөнүндө өз убагында жазууларды жүргүзүүгө, документтерди архивге өткөрүүгө даярдоого, бөлүкчөдө (аскердик чарбанын объектилеринде) эсептик документтердин, магниттик жана башка маалымат алып жүрүүчүлөрдүн сакталышына.

28. Кампаларда материалдык каражаттарды эсепке алуу эсептик-операциялык бөлүмүндө (бөлүмчөсүндө) (мындан ары - ЭОБ) жана кампанын материалдык-техникалык камсыздоо бөлүмүндө (мындан ары - МТКБ), сактоо бөлүмдөрүндө, сактоочу жайларда, оңдоо устаканаларында (цехтерде), сапатын контролдоо лабораторияларында жана кампанын башка бөлүкчөлөрүндө, ошондой эле алардын бөлүмчөлөрүндө уюштурулат жана жүргүзүлөт.

29. Кампада материалдык каражаттарды эсепке алууну уюштурууга жетекчиликти анын жетекчиси жүргүзөт, материалдык каражаттарды эсепке алууну кампанын башчысынын орун басары, ЭАОБ (МТКБ), сактоочу бөлүмдөрдүн жана башка бөлүкчөлөрдүн башчылары уюштурат.

30. Кампанын кызмат адамдары төмөнкүлөргө жооптуу:

- кампанын башчылары (өзгөчөлөнгөн сактоо жайларынын, кампанын бөлүмчөсүнүн) - кампанын бардык бөлүкчөлөрүндө (өзгөчөлөнгөн сактоо жайларында, кампанын бөлүмчөсүндө) кампада сакталган материалдык каражаттардын эсебинин абалына жана МАУ, УО жана АКтын жогору турган аскердик башкаруу органдарына отчеттук документтерди ыкчам билдирүү табелине ылайык көрсөтүүгө;

- куралдануу боюнча кампанын башчысынын орун басары (башкы инженер, сактоонун башчысы) - кампада сакталган материалдык каражаттардын техникалык абалын жана толуктугун эсепке алууга, формулярларды (паспортторду) толтурууга. Сактоонун башчысы материалдык каражаттарды кабыл алуу жана берүү (жүктөө, жөнөтүү) боюнча операцияларды өз убагында тариздөө, ошондой эле аларды сактоочу жайларда эсепке алууга жооптуу;

- ЭАОБ башчысы - ЭАОБ, сактоо жайларында жана башка кампанын бөлүкчөлөрүндө кампада сакталган материалдык каражаттарды эсепке алуунун абалына, аларды кабыл алуу жана берүү (жүктөө, жөнөтүү) боюнча эсепке алуу документтерин өз убагында тариздөө, ошондой эле белгиленген отчеттуулукту түзүүгө жана өз убагында көрсөтүүгө. Ал кампанын бардык бөлүкчөлөрүнүн кызмат адамдарына материалдык каражаттардын эсеби, толуктоо, кабыл алуу жана берүү маселелери боюнча кампанын башчысынын атынан көрсөтмөлөрдү берүүгө укуктуу;

- МТКБ башчысы - кампанын МТКБда сакталган материалдык каражаттардын эсебинин абалына, материалдык каражаттардын сапаттык (техникалык) абалын өзгөртүүгө байланышкан операцияларды тариздөөгө, китептерде жана эсепке алуу карточкаларында, магниттик жана башка маалымат алып жүрүүчүлөрдө өз убагында жазууларды жүргүзүүгө, кызмат боюнча отчеттук документтерди түзүүгө, тариздөөгө жана өз убагында көрсөтүүгө;

- сактоо бөлүмүнүн (сактоочу жайдын) башчысы - сактоо бөлүмүндөгү (сактоочу жайдагы) материалдык каражаттардын эсебинин абалына, материалдык каражаттарды кабыл алуу жана өз убагында берүү (жөнөтүү) боюнча эсепке алуу документтерин өз убагында тариздөөгө, формулярларды (паспортторду), комплекттөө карточкаларын жана КААТ техникалык абалын эсепке алуу китептерин жүргүзүүгө;

- устакананын башчысы (цехтин, лабораториянын, башка өндүрүүчү бөлүкчөнүн) - устаканадагы (цехтеги, лабораториядагы, башка өндүрүштүк бөлүкчөдө) материалдык каражаттардын эсебинин абалына;

- түздөн-түз эсеп жүргүзгөн кызмат адамы - эсептик документтерди тариздөөгө (кызматтык милдеттердин чегинде), китептерде (карточкаларда), магниттик жана башка маалымат алып жүрүүчүлөрдө материалдык каражаттардын кыймылына жана сапаттык абалын өзгөртүүгө байланышкан операциялар жөнүндө өз убагында жазууларды жүргүзүүгө; документтерди эсептөө пунктуна (борборго) жана архивге берүүгө даярдоого, эсептик документтердин, магниттик жана башка маалымат алып жүрүүчүлөрдүн сакталышына;

- эсептөө пунктунун (борборунун) башчысы - кампада сакталган материалдык каражаттарды эсепке алуу маселелерин сапаттуу жана өз убагында чечүүгө, эсептик документтерди кампанын тиешелүү кызмат адамдарына өз убагында кайтарууга (берүүгө), эсептөө пунктуна (борборуна) иштетүү үчүн берилген эсептик документтердин сакталышына.

31. Бирикмеде (Куралдуу Күчтөрдүн түрүндө) материалдык каражаттарды эсепке алууну уюштурууну бирикменин аскерлеринин (Куралдуу Күчтөрдүн түрүнүн) командачысы жетектейт, тиешелүү материалдык каражаттардын эсебин штабдын башчысы, командачынын орун басарлары, аскерлеринин түрлөрүнүн, атайын аскерлердин, бирикменин (Куралдуу Күчтөрдүн түрүнүн) бөлүмдөрүнүн жана кызматтарынын башчылары уюштурат.

32. Бирикменин (Куралдуу Күчтөрдүн түрүнүн) кызмат адамдары төмөнкүлөргө жооптуу:

- бирикменин (Куралдуу Күчтөрдүн түрүнүн) аскерлеринин командачысы - бирикмедеги бардык материалдык каражаттардын эсебинин абалына жана отчеттук документтерди аскердик башкаруунун жогору турган командачылыгына МАУ, УО жана АКтын бекитилген укуктук актыларына ылайык өз убагында көрсөтүүгө;

- штабдын башчысы, бирикменин (Куралдуу Күчтөрдүн түрүнүн) бирикменин аскерлеринин командачысынын орун басарлары - аларга баш ийген кызматтарда материалдык каражаттардын эсебинин абалына жана отчеттуулугуна;

- бирикменин аскерлеринин түрлөрүнүн (атайын аскерлердин, бөлүмдүн, кызматтын) башчысы - бирикмедеги (Куралдуу Күчтөрдүн түрүндөгү) тиешелүү материалдык каражаттардын эсебинин абалына, алардын кыймылына байланыштуу операцияларды тариздөөгө, аскердик башкаруунун баш ийген органында эсептик документтерди жүргүзүүгө, ошондой эле отчеттук документтерди түзүүгө жана аскердик башкаруунун жогору турган органдарына өз убагында көрсөтүүгө;

- материалдык каражаттарды түздөн-түз эсепке алган кызмат адамы -бардык эсептик документтерди (кызматтык милдеттердин чегинде) тариздөөгө, эсепке алуу китептеринде (карточкаларда), магниттик жана башка маалымат алып жүрүүчүлөрдө материалдык каражаттардын кыймылына жана сапаттык (техникалык) абалын өзгөртүүгө байланышкан операциялар жөнүндө өз убагында жазууларды жүргүзүүгө, документтерди архивге өткөрүүгө даярдоого, ошондой эле эсептик документтердин, магниттик жана башка маалымат алып жүрүүчүлөрдүн сакталышына.

33. Тиешелүү МАУ, УО жана АКда, ошондой эле аскердик башкаруунун эсеп жүргүзүү каралган баш ийген органдарында, аскердик кампаларда, оңдоо бөлүкчөлөрүндө жана башка аскердик бөлүктөрдө жана МАУ, УО жана АКтын уюмдарында жетекчиликти БАБОнун тиешелүү түзүмдүк бөлүкчөлөрүнүн башчылары жүргүзөт.

БАБОнун түзүмдүк бөлүкчөлөрүндө материалдык каражаттарды эсепке алууну көрсөтүлгөн органдардын жетекчилери жүргүзөт.

34. БАБОнун түзүмдүк бөлүкчөлөрүнүн кызмат адамдары төмөнкүлөргө жооптуу:

- БАБОнун түзүмдүк бөлүкчөлөрүнүн башчылары - баш ийген түзүмдүк бөлүкчөлөрдө материалдык каражаттардын тиешелүү түрүнүн эсебинин абалына, алардын кыймылына байланышкан операцияларды тариздөөгө, эсептик документтерди жүргүзүүгө;

- БАБОнун түзүмдүк бөлүкчөсүндө материалдык каражаттарды эсепке алган кызмат адамдары - бардык эсептик жана отчеттук документтерди тариздөө (кызматтык милдеттердин чегинде), эсеп китептеринде жана карточкаларында, магниттик жана башка маалымат алып жүрүүчүлөрдө материалдык каражаттардын кыймылын жана сапаттык абалын өзгөртүү операциялары жөнүндө өз убагында жазууларды жүргүзүү, архивге документтерди даярдоо, ошондой эле эсептик документтердин, магниттик жана башка маалымат алып жүрүүчүлөрдүн сакталышына.

35. Маалыматтык-эсептөө бөлүкчөсүнүн башчысы материалдык каражаттардын эсебинин маселелерин сапаттуу жана өз убагында чечүүгө жана эсептик документтердин аскердик башкаруунун тиешелүү органдарына белгиленген мөөнөттө кайтарылып келүүсүнө (берүүгө), ошондой эле алардын сакталышына жооптуу.

36. Бардык деңгээлдеги командирлер (башчылар) аскер бөлүктөрүндө (кампаларда), ошондой эле аскердик башкаруу органдарында текшерүү учурунда материалдык каражаттардын эсебин ирээтке келтирүү жана кармап туруу боюнча чараларды көрүүгө милдеттүү.

2. Эсептик документтерди түзүү, тариздөө жана жүргүзүү тартиби

37. Эсептик документ - бекитилген тартипте ушул Нускамада жазылган түрдө таризделген маалыматты камтыган, Кыргыз Республикасынын мыйзам чыгаруусуна ылайык юридикалык күчкө ээ документ.

Эсептик документтер алардын дайындалуусуна ылайык баштапкы, регистрлерге, жардамчы мүнөздөгү эсептик документтерге бөлүнөт.

Формасы жана көрсөтүү мезгили МАУ, УО жана АК укуктук актыларында аныкталган баштапкы эсептик документтер (накладнойлор, товардык-унаа жана товардык накладнойлор, наряддар, эсеп-наряддары, мобилизациялык наряддар, чектик талаптар, бөлүштүрүү-тапшыруу ведомосттору, техникалык абалынын актылары, материалдык каражаттардын сапаттык абалын өзгөртүү актылары, калган бөлүктөрүн эсептен чыгаруу (алуу) актысы, кабыл алуу актысы, материалдык каражаттарды закладкалоо актысы (комплекттөөчү элементтерин жаңыртуу, кайтарып алуу), ок-дарыларды чыгымдоо актысы, атылган гильзаларды жана порох тыгындарын кириштөө актысы, квитанциялар, жол, өндүрүштүк, таратуу жана иш барактары, аттестаттар, ал эми РАКка, мындан тышкары, инспектордук күбөлүк, жоголгон материалдык каражаттардын эсептен чыгаруу актысы (ыкчам эсепке алуу жүргүзгөндө, дагы материалдык каражаттардын бардыгы жана кыймылы жөнүндө билдирүүлөр материалдык каражаттардын сапаттык (техникалык) абалын өзгөртүүгө байланышкан операцияларды тариздөөгө арналган жана китептерде жана эсептик карточкаларда эсептик маалыматтарды жазууга негиз болуп саналат. Кабыл алуу актылары РАК менен операцияларды тариздөө үчүн баштапкы эсептик документ болуп саналбайт.

Регистрлерде (мындан ары - китептер жана эсеп карточкалары) белгилүү бир убакыттын ичинде материалдык каражаттардын бардыгы, кыймылы жана сапаттык абалы көрсөтүлөт.

Кошумча мүнөздөгү эсептик документтер (разнарядкалар, чогултулган жана башка ведомосттор (таратуучу-тапшыруучулардан тышкары), ишенимкаттар, коштоо жана таңгактоо барактары, стеллаждык ярлыктар, материалдык каражаттардын тизмеси, кабарлоолор, аскердик шаарчалардын генералдык пландары, имараттардын планы, билдирүүлөр (материалдык каражаттардын бардыгы жана кыймылы жөнүндө билдирүүлөрдөн тышкары), тастыктоолор материалдык каражаттардын сапаттык (техникалык) абалын өзгөртүүгө жана кыймылына байланышкан операцияларды аткарууга мүмкүндүк берет.

Чогултуучу ведомосттор жана билдирүүлөр ушул Колдонмодо каралган учурларда китептерде жана карточкаларда жазуу жүргүзүү үчүн негиз болуп саналат.

Эсептик документтердин негизги бөлүктөрү болуп башкы, мазмуундук жана тариздөөчү бөлүктөрү эсептелет.

Башкы бөлүгү документтин түрү жана мүнөзү боюнча толук жана так көрүнүштү берген реквизиттерди камтыш керек.

Документтин мазмундук бөлүгү таблица түрүндө таризделет жана текст менен жазылат. Документтин таблица түрүндөгү бөлүгү таблицанын аталышын, графалардын атын жана саптардын атын (реквизит - белгилерди), графаларды жана саптарды камтыйт. Таблицалардын саптарынын жана графаларынын кесилишинде пайда болгон торчолор документти тариздөөдө реквизит-негиздер менен толтурулат.

Документтин таризделүүчү бөлүгү төмөнкүлөрдү камтыйт: документти түзүү датасын, кол тамганы жана бекитүүнү; документке кол койгон кызмат адамдарынын кызмат ордуларын; өздүк кол тамгаларды жана алардын чечмеленишин; документтерде тиешелүү мөөрлөрдүн, алар каралган жерде, оттискаларын камтыйт.

38. Баштапкы эсептик документтерди түзүүдө жана тариздөөдө төмөнкү эрежелер сакталышы керек:

- документтин башкы бөлүгүндө сөзсүз түрдө анын номери жана датасы; негизи (максаты) жана материалдык каражаттардын сапаттык (техникалык) абалын өзгөртүүгө байланыштуу операциялардын датасы; документ берилген кызматтын (камсыздоочу органдын) аталышы; жүктү жөнөтүүчү (тапшыруучу) жана жүктү алуучу (кабыл алуучу); документтин аракеттеги мөөнөтү көрсөтүлөт;

- документтин мазмундук бөлүгүндө катар номерлери, материалдык каражаттардын аталышы; алардын маркасы, каталог боюнча белгилениши же аларды бир мааниде идентификациялоого мүмкүнчүлүк түзгөн башка эсептик белгилери; ченөө бирдиктери; материалдык каражаттардын саны, ошондой эле категориялары, сорттору, заводдук номерлери, бирдиктин баасы жана бардык материалдык каражаттардын суммасы, ошондой эле документтин формасында каралган башка маалыматтар көрсөтүлөт. Документтин мазмундук бөлүгүнүн аягында жазылат: "Аталыштардын жалпысы", ал эми алардын каршысында сандар менен жана жазуу түрүндө материалдык каражаттардын саны көрсөтүлөт. Жыйынтык чыгарууга чейин бош калган саптар жана графалар сөзсүз түрдө текст менен кызмат адамдарынын кол тамгасынын ортосунда бир нерсе жазууга мүмкүн болбогудай кылып чийилип салынат;

- документке аскер бөлүгүнүн тиешелүү командири (башчысы) (башкаруу (аскердик) органынын жетекчиси) кол коёт же бекитет. Аскер бөлүгүнүн командиринин (башчысынын) кол тамгасы күбөлөндүрүлөт;

- аскердик бөлүктөн (аскердик башкаруу органынан) жөнөтүү үчүн дайындалган документтерде - Мамлекеттик гербдин сүрөтү бар мөөр менен;

- аскердик бөлүктүн (аскердик башкаруу органынын) ичинде жүгүртүү үчүн дайындалган документтерде - "Ички чарбалык документтер үчүн" мөөрү менен;

- кампадан тышкары жөнөтүүгө дайындалган документке кампанын башчысы жана ЭАОБ башчысы кол коёт, ал эми ичинде жүгүртүү үчүн дайындалган документтерге - ЭАОБ башчысы жана кампанын ЭАОБ улук бухгалтери (бухгалтери) кол коюшат;

- кампанын башчысынын кол тамгасы кампанын Мамлекеттик гербдин сүрөтү бар мөөрү менен , ал эми ЭАОБ башчысынын кол тамгасы - "Ички чарбалык документтер үчүн" мөөрү менен күбөлөндүрүлөт;

- документ аткарылган болуп, андагы көрсөтүлгөн операциялар, жок дегенде толук эмес болсо да, аткарылганда эсептелет. Материалдык каражаттарды толуктап алууга (толуктап берүүгө) же толуктап тапшырууга жаңы документ түзүлөт;

- эки жана андан көп нускада түзүлүүчү документтер персоналдык компьютердин маалыматты кагазда алып жүрүүчүгө чыгаруу түзүлүшүн колдонуу менен же колго толтуруу менен таризделет. Документтердин керектүү нускаларын башка оргтехниканы колдонуу менен, ошондой эле документтерди көчүрмө-көбөйтүү аппараттарын колдонуу менен көбөйтүүгө (кол койдурууга көрсөткөнгө чейин же ыйгарым укуктуу кызмат адамдары бекиткенге чейин) тариздөөгө уруксат берилет. Эсептик документтерде жазуулар көк (сыя көк) же кара түстөгү сыялуу шариктүү калемсап менен жазылат.

Аскер бөлүгүнүн кызматында, кампада, ошондой эле башкаруу (аскердик) органында түзүлгөн кол коюлган жана бекитилген бардык баштапкы документтер, чектик талаптардан жана аттестаттардан тышкаркылар, эсептик документтерди каттоо китебинде катталат, мында каттоонун катар номери документтин номери болуп саналат.

Эгерде документ бир нече барактан турса, анда анын башкы бөлүгү ар бир баракка толтурулат. Негизги документке тиркемелер болгондо, анын бардык барактарында "(негизги документтин аталышы, номери жана датасы көрсөтүлөт) тиркеме" жазуусу жазылат. Бул учурда негизги документте тиркемелер жөнүндө ага тиркелген документтердин аталыштары, номерлери жана даталары, ошондой эле ар бир тиркемедеги барактардын санын көрсөтүү жөнүндө белгиленет.

Аскер бөлүгүнүн кызматында, ошондой эле аскердик башкаруу органында түзүлгөн документтерде "Каттоо номери" реквизит-негиз жазылбайт.

Аскер бөлүгүнүн кызматына (кампага, аскердик башкаруу органына) келип түшкөн документтер эсептик документтерди каттоо китебинде катталат. Мында документтин китептеги каттоо номери анын каттоо номери болуп саналат. Ушул номер келген документтин нускасынын "Каттоо номери" реквизитинин алдында жазылат, ал аскер бөлүгүнүн кызматында (кампада, аскердик башкаруу органында) калат.

Ыйгарым укуктуу кызмат адамдарынын кол тамгасы жок, эсептик документтерди каттоо китебинде катталбаган жана мөөр басылбаган (алар каралган жерде) документтер боюнча материалдык каражаттардын кыймылына жана сапаттык (техникалык) абалын өзгөртүүгө байланышкан операцияларды жүргүзүүгө таптакыр тыюу салынат.

Ушул Нускаманын 5-тиркемесине ылайык форма боюнча түзүлгөн эсептен чыгаруу (калдыктарды алуу) актысынан жана КААТты жана башка материалдык каражаттарды бөлүүнү тариздеген сапаттык абалын өзгөртүү актысынан; аскер бөлүгүнүн кампасындагы ок-дарыларга (ракеталарга) жана күжүрмөн толуктоо пунктундагы ок-дарыларга таратуу-тапшыруу ведомостторунан тышкары.

Көрсөтүлгөн актылардын толтурулбаган бланктары аларга комиссиянын мүчөлөрү кол койгонго чейин жана аскер бөлүгүнүн командири (кампанын башчысы) бекиткенге чейин катталат. Алар алардын күчтөрү менен КААТ жана башка материалдык каражаттар бөлүнгөн бөлүкчөлөрдүн командирлерине, аларды эсептик документтерди каттоо китебинде кол койдуруу менен бөлүүдөн (ажыратуудан) алынган материалдык каражаттарды өз убагында эсепке алууну камсыздоо максатындагы иш башталаардын алдында берилет. Актыдагы барактардын саны аны бекиткенден кийин көрсөтүлөт.

Ок-дарыларды таратуу-тапшыруу ведомостундагы толтурулбаган бланк күжүрмөн толуктоо пунктунда аскер бөлүгүнүн РАК кызматында катталат жана күжүрмөн толуктоо пунктунун башчысына ок-дарыларды алуунун алдында берилет.

39. Кампага келип түшкөн кириш жана чыгыш эсептик документтери жашырын эмес иш жүргүзүүдө катталат, кампанын башчысына же анын орун басарына кароого көрсөтүлөт, андан кийин ЭАОБ (сактоо бөлүмүнүн) башчысына аткаруу үчүн жана 5-тиркемеге ылайык эсептик документтерди каттоо китебинде каттоо үчүн берилет.

Куралдардын (ок-дарылардын) артиллериялык базаларында (кампаларында) РАКтын кириш жана чыгыш документтери ЭАОБ (МТКБ) эсептик документтерди каттоо китебинде катталат, андан кийин кампанын башчысына кароого көрсөтүлөт.

Камсыздоочу органга келип түшкөн кириш жана чыгыш документтери, ошондой эле табыштамалар жана билдирүүлөр жашыруун эмес иш жүргүзүү кызматында катталат, аскердик башкаруу органынын жетекчисине кароо үчүн көрсөтүлөт.

40. Аскер бөлүгүндөгү баштапкы эсептик документтер аткаруучуларга иштөө үчүн эсептик документтерди каттоо китебинде кол койдуруу менен берилет.

Аткарылган баштапкы документтер алар боюнча өткөрүлгөн материалдык каражаттардын кыймылына жана сапаттык абалын өзгөртүүгө байланышкан операцияларды кампанын (бөлүкчөнүн) китептеринде (карточкаларында) жазгандан кийин, иш күнү аяктаганда аскер бөлүгүнүн тиешелүү кызматына же кампанын ЭАОБ (МТКБ) эсептик документтерди каттоо китебинде түздөн-түз эсепке алууну жүргүзгөн адамдардын колун койдуруу менен тапшырылат. Аскер бөлүгүнүн тиешелүү кызматына же кампанын ЭАОБ (МТКБ) толугу менен таризделген документтер кабыл алынат. Материалдык каражаттарды алуучунун же тапшыруучунун кол тамгасы жок документтер жараксыз деп эсептелет. Баштапкы эсептик документтердеги белгилер аны аткарган адамдын кол тамгасы менен бекитилет.

41. Аскер бөлүгүнүн кызматында (ЭАОБ, МТКБ) кол жазма менен эсепке алууда бардык аткарылган баштапкы документтерде материалдык каражаттардын кыймылына жана сапаттык (техникалык) абалын өзгөртүүгө байланышкан операцияларды өткөрүү жөнүндө эсеп китептеринде жана карточкаларында жазуу жүзүндө белгиленет. Белгиде эсеп китебинин (карточкасынын) номери, эсептик операция жазылган барак жана жазуунун датасы көрсөтүлөт. Документте материалдык каражаттардын бир нече аталышы болсо, белги ар бир аталышка белгиленет. Белгилер үчүн "Эскертүү" реквизитинин графасы же документтин таза талаасы колдонулат.

Белгилер баштапкы документтердин аскер бөлүгүнүн кызматында (кампада, аскердик башкаруу органында) кала турган нускаларында гана белгиленет.

Материалдык каражаттарды эсептөө техникасын колдонуу менен эсепке алууда бардык аткарылган баштапкы документтерде аларды иштетүү датасын, аткаруучулардын аты-жөнүн жана маалыматты сактоо ордун (файлдын же программанын атын, аны жайгаштыруу (дареги), маалыматты техникалык алып жүрүүчүнүн номерин көрсөтүү менен) белги коюлат.

42. Эсеп китебин жана карточкасын тариздөөдө жана жүргүзүүдө төмөнкү эрежелер сакталышы керек:

- эсепке алуу китептерин тариздөө жана жүргүзүү иш кагаздарын жүргүзүү боюнча ички ведомстволук буйруктардын талаптарына ылайык алып барылат;

- ар бир эсеп китебинде барактар көк же кара түстөгү сыялуу шариктүү калемсап менен же нумератор менен номерленет, шнурланат, аскер бөлүгүнүн (кампанын, аскердик башкаруу органынын) "Пакеттер үчүн" мастикалык мөөрү менен бекитилет. Барактардын саны аскер бөлүгүндө (кампада, аскердик башкаруу органында) жашыруун эмес (жашыруун) иш кагаздарын жүргүзгөн адамдын колу менен күбөлөндүрүлөт. Мисалы: "Бул китепте 100 барак номерленген, шнурланган жана "Пакеттер үчүн" мастикалык мөөрү менен бекитилген. Жашыруун эмес иш жүргүзүү кызматынын башчысы Г.Окушева 2014-ж. 22-сентябры";

- эсеп китебинде материалдык каражаттардын ар бир аталышына жазуулардын санына карата барактардын белгилүү саны бөлүнөт;

- аталыштарды жазуунун кезеги билдирүүлөрдө жана отчеттордо каралган ирээтке дал келиши керек, алардын формалары МАУ, УО жана АКтын укуктук актыларында берилген;

- эсеп китебинин башында мазмуну таризделет, анда ирээти менен материалдык каражаттардын аталыштары жана алар үчүн бөлүнгөн барактардын номерлери жазылат. Эсептик документтерди каттоо китебинде ар түрдүү дайындалуудагы документтер (кириш, чыгыш, кошумча мүнөздөгү жана башкалар) өзүнчө катталат. РАКтардын аталыштарын тиешелүү камсыздоочу орган аныктайт;

- каттоолордо РАКтын аталышын өзгөртүү куралдануу башкармалыгынын жана/же МАУ, УО жана АК түзүмдүк бөлүкчөлөрүнүн (мындан ары - башкаруу органы) РАКты эсепке алууга жана сактоого жооптуу кызмат адамдарынын, башчысынын буйругу боюнча тиешелүү жазуу менен, эсептик маалыматтардын, материалдык каражаттардын паспортторунун (формулярларынын) маалыматтарынын жана материалдык каражаттардын аталышын белгилеген укуктук-ченемдик актылардын негизинде түзүлгөн калдыктарды алуу актысынын негизинде ушул Нускаманын 5-тиркемесине ылайык форма боюнча аткарылат.

Куралдануу башкармалыгында жана/же МАУ, УО жана АКтын башкаруу органында материалдык каражаттардын аталышы РАКтын үлгүсүнүн формулярынын (паспортунун) барактарынын күбөлөндүрүлгөн көчүрмөсүнүн негизинде дагы туура эмес жазууну оңдоо үчүн белгиленген тартипте өзгөртүлөт.

Эсепке алуу карточкасы, өздүк колдонуудагы материалдык каражатты эсепке алуу карточкасынан тышкары, материалдык каражаттардын бир аталышына түзүлөт. Эсепке алуу карточкасын тариздөөнүн тууралыгы тиешелүү кызматтын башчысынын (ЭАОБ, МТКБ, аскердик башкаруу органынын, ал эми куралдануу башкармалыгында жана/же МАУ, УО жана АКта - көрсөтүлгөн материалдык каражаттар менен жабдууну уюштурган бөлүмдүн башчысынын) кол тамгасы менен күбөлөндүрүлөт. Кызмат адамынын кол тамгасы аскер бөлүгүнүн (кампанын, аскердик башкаруу органынын) "Ички чарбалык документтер үчүн" мөөрү менен күбөлөндүрүлөт.

Бөлүкчөлөрдө (кампаларда жана аскердик чарбанын башка объектилеринде, аскер бөлүгүнүн кызматтарында, ошондой эле аскердик башкаруу органдарыңда) бардык материалдык каражаттарды эсепке алуу китептери аскер бөлүгүнүн (кампанын) штабында, же болбосо аскердик башкаруу органынын тиешелүү иш жүргүзүүсүндө иш дептерлерин эсепке алуу китебинде эсепке алынат жана МАУ, УО жана АКтын укуктук актыларында көрсөтүлгөн тартипте берилет.

Эгерде материалдык каражаттардын тобунун номенклатурасы бир китепте жазууга мүмкүн болбосо, анда эсепке алуу китептери томдор менен бир каттоо номери боюнча катталат. Эгерде операциялык жылдын ичинде бүткөн эсеп китебин алмаштырууга жаңы китеп ачылса, анда ал делолордун, китептердин жана журналдардын номенклатурасы боюнча жаңы номер менен катталат. Материалдык каражаттарды эсепке алуу карточкалары тиешелүү кызматтарда (ЭАОБ, МТКБ, аскердик башкаруу органында) эсептик документтерди каттоо китеби боюнча эсепке алынат жана аларга кол койдуруу менен берилет. Китепти тариздөө жана маалыматтарды эсепке алуу тартиби материалдык каражаттарды эсепке алуу китептери үчүн белгиленген эсепке алуу жана тариздөө тартибине окшош.

Куралдануу башкармалыгында жана/же МАУ, УО жана АКтын башкаруу органында карточкаларды материалдык каражаттарды эсепке алган кызмат адамы каттайт жана карточкаларды алууга эсептик китептерди каттоо китебинде кол коюу талап кылынбайт.

Баштапкы эсептик документтер боюнча эсепке алууну жүргүзүүдө эсепке алуу китептеринде жана карточкаларында жазуулар түп нускасында, мыйзамдуу жана туура таризделген баштапкы документтердин гана негизинде жазылат. Бир күндүн ичинде көп сандагы кириш (чыгыш) документтери болгондо эсепке алуу китептеринде (карточкаларында) жазууларды жыйынтыктоочу ведомосттор боюнча жазууга уруксат берилет. Жыйынтыктоочу ведомосттор аскер бөлүгүнүн кызматында кириш жана чыгыш документтерине өзүнчө түзүлөт, аларга эсепке алуу жүргүзгөн адам кол коёт. Жыйынтыктоочу ведомостко сөзсүз түрдө баштапкы кириш жана чыгыш эсептик документтери тиркелет.

Куралдануу башкармалыгында жана/же МАУ, УО жана АКтын башкаруу органында календардык жылдын ичинде аскер бөлүгүнүн эсебинен чыгымдалган ок-дарыларды эсептен чыгаруу кезектеги календардык жылдын башында аскер бөлүктөрү көрсөткөн чыгымдоо актыларынан же чыгымдоо актысынан алынган маалыматтарды каттоонун негизинде түзүлгөн жыйынтыктоо ведомосту боюнча жүргүзүлөт. Эсептик маалыматтарды жыйынтыктоо ведомосту боюнча өзгөртүүдө аскер бөлүктөрүнүн өздүк эсептеринин эсеп карточкаларында жыйынтык ведомостунун тиешелүү саптары, ал эми жыйынтык эсептин карточкаларында - тиешелүү мамылардын маалыматтары жазылат. Жыйынтыктоочу ведомостторго сөзсүз түрдө аскер бөлүктөрү көрсөткөн чыгымдоо актылары тиркелет.

Материалдык каражаттарды ыкчам эсепке алууда эсеп китептериндеги жана карточкаларындагы жазуулар отчет берүүчү аскер бөлүктөрү, кампалар көрсөткөн билдирүүлөрдө жана отчеттордо камтылган маалыматтардын негизинде жазылат, алардын формалары МАУ, УО жана АКтын укуктук актыларында белгиленген.

Баштапкы эсептик документтер боюнча эсепке алууда материалдык каражаттардын бардыгы жана кыймылы жөнүндө билдирүүлөр аскер бөлүгүндө материалдык каражаттардын бардыгын жана сапаттык абалын тастыктаган документ болуп эсептелет, алар билдирүүлөр боюнча эсептик маалыматтарды текшерүү жүргүзүүдө регистрлерге жазылат.

Куралдарды жана ок-дарыларды ыкчам эсепке алууда материалдык каражаттарды эсепке алуу китебинде жазуулар аткарылган баштапкы эсептик документтердин жана отчет берүүчү аскер бөлүктөрүнүн билдирүүлөрүнүн негизинде жазылат. Көрсөтүлгөн билдирүүлөрдүн формалары жана мөөнөттөрү МАУ, УО жана АКтын укуктук актыларында белгиленет.

Билдирүүлөрдүн барактары номерленет, шнурланат жана аскер бөлүгүнүн "Ички чарбалык документтер үчүн" мөөрү менен бекитилет. Билдирүүнүн акыркы барагында күбөлөндүрүүчү жазуу жазылат. Аскер бөлүгүнүн командири жана тиешелүү кызматтын башчысы билдирүүгө кол коюшат. Кол коёрдун алдында аскер бөлүгүнүн ички текшерүү комиссиясы билдирүүдө көрсөтүлгөн маалыматтарды аскер бөлүгүнүн эсептик маалыматтары менен салыштырат. Эсептик маалыматтарды текшерүү жөнүндө билдирүүнүн бардык нускаларында жазылат. Жазуу ички текшерүү комиссиясынын төрагасынын колу менен күбөлөндүрүлөт. Билдирүүнү эсептик маалыматтарды текшерүү жөнүндө жазуусу жок аскер бөлүгүнүн командирине кол коюуга же жөнөтүүгө тыюу салынат. Билдирүүлөрдү жөнөтүүчү эсептик документтерди каттоо китебинде каттайт жана ар бирин өзүнчө чыгыш номери менен коштоочу каты жок эле жөнөтөт.

Материалдык каражаттарды эсепке алуу китептеринде (карточкаларында) билдирүүлөрдү жазуу баштапкы эсептик документтерди жазуу үчүн белгиленген тартипте жүргүзүлөт, ал эми эсеп китептеринде - эсеп китебинин кийинки сабындагы "Документтин аталышы" белүгүндө "билдирүү" сөзү жазылат, тиешелүү аскер бөлүгүнүн өздүк эсебинин сабында - аскер бөлүгүнүн билдирүүсүнүн чыгыш же кириш номери. Көрсөтүлгөн графаларда билдирүүнүн каттоо номерин көрсөтүүгө уруксат берилет. Камсыздоочу органга жөнөтүүнүн алдында билдирүү аскер бөлүгүнүн регистрине жазылат.

Жаңы ачылган китептерде жана карточкаларда биринчи жазуулар баштапкы документтерде, ошондой эле инвентаризациялоо (берүү) актыларында, калдыктарды алуу актыларында камтылган маалыматтардын же мурунку китептерден (карточкалардан) эсептик маалыматтардын негизинде жазылат. Эксплуатациялоо мөөнөтү бар материалдык каражаттар боюнча, РАКтан тышкары, алардын калдыктарын жаңы ачылган китептерге жана карточкаларга көчүрүп жазууда бул материалдык каражаттарды берүү датасы дагы чогуу жазылат.

Китептерде жана карточкаларда материалдык каражаттардын бардыгы жана сапаттык (техникалык) абалы жөнүндө жыйынтыктар отчеттук мезгил боюнча жана жыл боюнча, ошондой эле өткөрүлгөн инвентаризациялоодо, текшерүүдө, материалдык жооптуу адам кызматты өткөрүп берүү-кабыл алууда жана башка учурларда чыгарылат. Материалдык каражаттардын бардыгы жана сапаттык (техникалык) абалы боюнча жыйынтыктарды чыгаруу жөнүндө жазуу кийинки сапта кызыл түстөгү сыялуу шариктүү калемсап менен жазылат жана тиешелүү кызматтын башчысынын (ЭАОБ, МТКБ башчысынын), аскердик башкаруу органында материалдык каражаттардын эсебине жооптуу кызмат адамынын жана түздөн-түз эсепке алууну жүргүзгөн кызмат адамынын кол тамгалары менен, ал эми куралдануу башкармалыгында жана/же МАУ, УО жана АК башкаруу органында - түздөн-түз эсепке алуу жүргүзгөн кызмат адамынын гана кол тамгасы менен күбөлөндүрүлөт. Материалдык жооптуу адам же эсепке алуу жүргүзгөн кызмат адамы кызматты өткөрүп берүүдө жыйынтык чыгарган учурда жыйынтыктардын жазуулары кызматты өткөрүп берип жаткан адамдын кол тамгасы менен күбөлөндүрүлөт. Жыйынтык чыгаруунун алдында эсептик маалыматтарды бардык камсыздалуучу аскер бөлүктөрү жана бөлүкчөлөрү менен текшерүү жүргүзүлөт.

Аскер бөлүктөрүнүн эсеп китептеринде (карточкаларында) РАКты, аларга запастык бөлүктөрдү (комплекттөөчүлөрдү) комплектиде жана эндей түрүндө, ошондой эле ракеталарды жана ок-дарыларды инвентаризациялоо акты көрсөтүлгөн материалдык каражаттарды инвентаризациялоо башталган учурда бардыгы жөнүндө жыйынтыктарды жазуудан кийин жазылат. Жазууну аскер бөлүгүнүн РАК кызматынын (кампанын МТКБ, артиллериялык базанын) башчысы жана ички текшерүү комиссиясынын төрагасы, ал эми аскер бөлүгүнүн бөлүкчөлөрү жана РАК кампасы үчүн (сактоо бөлүмү жана артиллериялык базанын цехи үчүн) - материалдык жооптуу адам жана ички текшерүү комиссиясынын төрагасы өзүнүн колу менен күбөлөндүрүшөт.

Эсеп китептеринде жана карточкаларында материалдык каражаттардын калдыктарын алууну текшерүү жөнүндө жазуулар ушул Нускамага ылайык жазылат. Аскер бөлүктөрүнүн жана БАБО түзүмдүк бөлүкчөлөрүнүн материалдык каражаттарынын калдыктары боюнча эсептик маалыматтарды текшерүү аскер бөлүктөрүнөн келген билдирүүлөрдүн негизинде жүргүзүүгө уруксат берилет.

Аскер бөлүктөрүнүн эсептик маалыматтарын куралдануу башкармалыгынын жана/же МАУ, УО жана АК башкаруу органынын эсептик маалыматтары менен текшерүү календардык жылдын ичинде көрсөтүлгөн башкармалыкта иштелип чыккан график боюнча же билдирүүлөрдүн негизинде жүргүзүлөт. Эсептик маалыматтарды текшерүү жөнүндө тастыктоо болуп куралдануу башкармалыгынан жана/же МАУ, УО жана АКтын башкаруу органынан эсептик маалыматтарда айырмачылыктар жок болгондо берилген билдирүү эсептелет. Эсептик маалыматтарда айырмачылыктар болгондо аскер бөлүгүнө айырмачылыктарды көрсөтүү менен эсептик маалыматтардын айырмачылыктарын жоюу боюнча буйрук жөнөтүлөт.

Аскер бөлүгүнүн командири буйрукту алгандан кийин 10 күндүн ичинде (буйрук камсыздоочу органдан аскер бөлүгүнө келип түшкөн учурдан тартып) эсептик маалыматтарда айырмачылыктар боюнча актоочу документтерди бул айырмачылыктардын келип чыккан себептерин кызматтык иликтөө материалдары менен бирге куралдануу башкармалыгына жана/же МАУ, УО жана АКтын башкаруу органына көрсөтүүгө милдеттүү.

Эгерде актоочу документтер белгиленген мөөнөттө көрсөтүлбөсө, куралдануу башкармалыгынан жана/же МАУ, УО жана АК башкаруу органынан аскер бөлүгү баш ийген аскердик башкаруу органына экинчи буйрук жөнөтүлөт.

Аскердик башкаруу органында актоочу документтерди жана эсептик маалыматтарда айырмачылыктардын келип чыккан себептерин кызматтык иликтөө материалдарын 10 иш күнүнүн ичинде (камсыздоочу органдан келип түшкөн датасынан тартып) көрсөтүүнү камсыздайт.

Документтерди белгиленген мөөнөттө көрсөтпөгөн фактысы боюнча аскер бөлүгү баш ийген аскердик башкаруу органында кызматтык иликтөө жүргүзүлөт, анын жыйынтыгы жөнүндө куралдануу башкармалыгына жана/же МАУ, УО жана АК башкаруу органына билдирилет.

Эгерде билдирүүдө туура эмес маалыматтар көрсөтүлгөн болсо, анда бул маалыматтар туура эмес деп эсептелет, ал жөнүндө камсыздоочу органга аскер бөлүгүнөн жазуу түрүндө кабарлоо жөнөтүлөт жана алар боюнча туура эмес маалыматтар көрсөтүлгөн материалдык каражаттардын номенклатурасы боюнча жаңы билдирүү жиберилет.

Эсеп китептери жана карточкалары толук колдонгонго чейин жүргүзүлөт. Эсеп китеби материалдык каражаттардын кыймылына жана сапаттык (техникалык) абалына байланышкан операцияларды, жок дегенде материалдык каражаттардын бир аталышын жазуу үчүн орун калбай калганда толук колдонулган болуп эсептелет. Кийинки операциялык жылга калган эсеп китептери иш дептерлерин каттоо китебинде кайрадан катталууга тийиш. Кийинки операциялык жылга өткөн эсеп карточкалары, кайрадан каттоо жыл сайын жүргүзүлгөн РАКты, аларга ЗБАЖдын комплектилерин, ракеталарды жана ок-дарыларды эсепке алган эсеп карточкаларынан тышкары, кайрадан катталбайт. Өткөн жылдын ичинде толгон карточкалар жаңы ачылуучу карточкаларга тиркелет жана алар менен бирге операциялык жылдын аягына чейин сакталат, ал эми куралдануу башкармалыгында жана/же МАУ, УО жана АК башкаруу органында картотекадан алынат.

Эсеп китеби же карточкасы жоголгон учурда эсептик маалыматтар жаңы китепте (карточкада) баштапкы эсептик документтер боюнча материалдык каражаттарды акыркы инвентаризациялоонун маалыматтарынын же билдирүүлөрдүн (отчеттордун) негизинде калыбына келтирилет. Көрсөтүлгөн учурда сөзсүз түрдө камсыздоочу орган менен эсептик маалыматтар текшерилет.

Аскер бөлүктөрүндө (аскердик кампаларда, аскердик башкаруу органдарында) эсепке алуунун абалын текшерген кызмат адамдарынын эсепке алуу китептерин жүргүзүү боюнча сын-пикирлери китептин аягында бош барактарда жазылат. Көрсөтүлгөн жазууларда эсепке алуу китебин жүргүзүүдө бузулган ушул Нускаманын беренелери чагылдырылышы керек жана эсепке алуу китебин жүргүзүүдө жетишсиздиктерди жоюу тартиби жөнүндө көрсөтмөлөр конкреттүү мөөнөтүн аныктоо менен камтылышы керек. Жазуулар эсепке алуунун абалын текшерген кызмат адамдарынын кол тамгасы менен аскердик кызмат ордуларын жана наамдарын, аты-жөнүн, ошондой эле текшерүү датасын көрсөтүү менен күбөлөндүрүлүшү керек.

43. Кошумча мүнөздөгү документтер баштапкы эсептик документтерди түзүүгө жана тариздөөгө окшош түзүлөт жана таризделет.

44. Бардык эсептик документтерде аскер бөлүктөрүнө ыйгарылган шарттуу аталыштар көрсөтүлөт, ал эми алар жок болсо - аскер бөлүктөрүнүн чыныгы аталыштары көрсөтүлөт.

45. Эсептик документтер даана, оңдоосуз жана өчүрүүсүз таризделет жана жүргүзүлөт. Жазууларда кетирилген каталарды оңдоо үчүн туура эмес сандар же сөздөр чийилгенде окулгудай кылып ичке сызык менен чийилип салынат, алардын үстүлөрүнө туура сандар жана сөздөр жазылат. Жасалган оңдоолор документтин ушул эле барагынын бош ордунда белгиленет: "- графада (графанын номери жана тырмакчада туура жазуу көрсөтүлөт) оңдолгонго ишенүү керек" деп жазылат. Ал эсеп китебинде (карточкасында) эсепке алууну жүргүзгөн кызмат адамынын кол тамгасы менен, ал эми баштапкы эсептик документте - документке кол койгон (бекиткен) командирдин (башчынын) кол тамгасы менен күбөлөндүрүлөт.

Туура эмес жазуу оңдоосуз чийилип салган учурда: "Чийилген (графалардын номерлери, тырмакчада сандар же сөздөр) эсептелбейт" жазуусу жазылат жана эсеп китебинде (карточкасында) дагы эсепке алган кызмат адамынын кол тамгасы менен, ал эми баштапкы эсептик документтерде - документке кол койгон (бекиткен) командирдин (башчынын) кол тамгасы менен күбөлөндүрүлөт.

Баштапкы эсептик документте жасалган оңдоолор жөнүндө командирдин (башчынын) колу бул документ үчүн каралган мөөр менен күбөлөндүрүлөт.

Эсеп китептеринде жана карточкаларында жазууларды оңдоодо кийинки жыйынтыктар дагы оңдоо датасын көрсөтүү менен оңдолот. Эгерде оңдолгон жазуулардан кийин дагы эки жана андан көп туура жазуулар жазылса, анда жыйынтык (калдык) оңдоонун датасын көрсөтүү менен акыркы жазууда гана оңдолот.

46. Бардык аткарылган эсептик документтер тиркемелери менен делолорго алардын келип түшүүсү жана аткарылуусу боюнча мезгилдик тартипте тигилет, мында ар бир дело, эреже катары, бир типтүү (кириш, чыгыш жана башка) документтер боюнча түзүлөт. Делодо документтердин тигилишине карата барактар номерленет. Алардын саны ар бир толгон делодо жашыруун эмес иш кагаздарын жүргүзгөн кызмат адамынын колу менен тастыкталат жана аскер бөлүгүнүн (кампанын, аскердик башкаруу органынын) "Ички чарбалык документтер үчүн" же "Пакеттер үчүн" мөөрү менен күбөлөндүрүлөт.

47. Бардык эсептик документтер, ошондой эле эсептик маалыматтарды техникалык алып жүрүүчүлөр документтердин сакталышын камсыздаган бекитилген шкафтарда (үкөктөрдө) сакталат. Күн сайын иш аяктаганда бул шкафтар (үкөктөр) бекитилет жана аткаруучулардын металл номерлүү мөөрлөрү менен печатталат. Эсептик документтерди иш столунун кутуларында жана бекитилбеген шкафтарда (кутуларда) сактоого тыюу салынат.

Материалдык каражаттарды эсепке алуу үчүн электрондук эсептөө машиналары МАУ, УО жана АКтын укуктук актыларына ылайык кармалат.

48. Эсептик документтерди, ошондой эле өзүндө мамлекеттик сырларды камтыган эсептик маалыматтарды магниттик жана башка алып жүрүүчүлөрдү тариздөө, эсепке алуу жана сактоо жана алардын жашыруундук деңгээлин белгилөө МАУ, УО жана АК мамлекеттик сырларды сактоону камсыздоо боюнча укуктук актыларына ылайык белгиленген тартипте жүргүзүлөт.

49. Эсептик документтерди сактоону уюштурууга жоопкерчиликти аскердик башкаруу органынын жетекчилери жана тиешелүү кызматтардын башчылары, ал эми бөлүкчөлөрдө - бөлүкчөлөрдүн командирлери алат. Эсептик документтер аскер бөлүгүндө (кампада, аскердик башкаруу органында) МАУ, УО жана АКтын укуктук актыларында белгиленген мөөнөткө сакталат.

Аскер бөлүгүнүн (кампанын, аскердик башкаруу органынын) эсептик документтеринин белгиленген сактоо мөөнөтү аяктаганда, ошондой эле бул бөлүк жоюлганда, эсептик документтер архивге тапшырылат же аларды текшерүүдөн кийин, комиссиянын мүчөлөрүнүн катышуусунда жок кылынат (актыны түзгөндөн кийин). Комиссия аскер бөлүгүнүн командиринин (кампанын башчысынын, аскердик башкаруу органынын жетекчисинин) буйругуна ылайык түзүлөт. Актыда жок кылууга тийиш болгон эсептик документтердин аталышы, аларды мезгили боюнча жок кылуу, ошондой эле ушул мезгилге комиссия актыларда белгилеген кызматтын ишиндеги (ЭАОБ, МТКБ, аскердик башкаруу органында) жетишсиздиктер көрсөтүлөт.

Эсептик документтер аскер бөлүгүнүн командири (кампанын башчысы, аскердик башкаруу органынын жетекчиси) актыны бекиткенден кийин жок кылынат. Документтерди жок кылуу жөнүндө актыда белгиленет. Акты аскер бөлүгүнүн штабында (кампада, аскердик башкаруу органында) сакталат.

50. Так отчеттуулуктагы бланктарды (чектик талаптарды, аттестаттарды, товардык-транспорттук накладнойлорду жана башкаларды) эсепке алуу аскер бөлүгүнүн тиешелүү кызматтарында (ЭАОБ, МТКБ, кампанын сактоо бөлүмүндө, аскердик башкаруу органында) жүргүзүлөт. Так отчеттук бланктар башка бланктардан жана документтерден өзүнчө кызматтардын башчыларынын (ЭАОБ, кампанын МТКБ башчысынын, аскердик башкаруу органынын аткаруучуларынын) сейфтеринде сакталат.

Чыгымдалган так отчеттуулук бланктары отчеттук мезгилдин аягында ар бир кызматта (ЭАОБ, кампанын МТКБ ) комиссиянын актысынын негизинде эсептен чыгарылат, аларда бузулган бланктардын номерлери көрсөтүлөт. Комиссиянын мүчөлөрү бланктардын мыйзамдуу берилгендигин жана алардын дүмүрчөктөрүнүн туура таризделгендигин аныктайт. Комиссиянын актысын аскер бөлүгүнүн командири (кампанын башчысы, аскердик башкаруу органынын жетекчиси) бекитет. Так отчеттук чыгымдалган бланктардын дүмүрчөктөрү кызматтын делолорунда МАУ, УО жана АКтын укуктук актыларында белгиленген мөөнөткө сакталат.

51. Башка бланктардын номерлери категориясыз материалдык кара-жаттарды эсепке алуу карточкалары боюнча эсепке алынат.

3. Эсептик документтердин формаларын толтуруу тартиби жана арналышы

52. Разнарядка бир эле материалдык каражаттарды бир нече жүк алуучуга берүүгө буйрук болуп эсептелет.

Разнарядка: кошуундун кызматында - эки нускада; бирикменин аскердик башкаруу органында (Куралдуу Күчтөрдүн түрүндө), ошондой эле БАБО - үч нускада түзүлөт.

Кошуунда разнарядка медициналык кызматтын материалдык каражаттарына, ошондой эле идеологиялык иштин материалдык каражаттарына жана күжүрмөн жана дене тарбиялык даярдоо иштери үчүн материалдык каражаттарга түзүлөт.

Бирикменин аскердик башкаруу органында (Куралдуу Күчтөрдүн түрүндө), ошондой эле БАБО түзүмдүк бөлүкчөлөрүндө разнарядкага аскердик башкаруу органынын жетекчиси жана материалдык каражаттарды эсепке алууну жүргүзгөн кызмат адамы кол коёт. Разнарядканын биринчи эки нускасы кампага жөнөтүлөт, ал эми үчүнчү нускасы аскердик башкаруу органынын жетекчисинин делосунда калтырылат. Разнарядка аткарылгандан кийин анын экинчи нускасы кампа баш ийген аскердик башкаруу органынын жетекчисине кайтарылып берилет.

53. Накладной материалдык каражаттарды аскер бөлүгүнүн (кампанын) ичинде берүүнү (берүү, кабыл алуу, тапшыруу, өткөрүп берүү), ошондой эле бөлүкчөдө күжүрмөн учуруу үчүн алдын-ала дайындалган тактикалык ракеталарды берүүнү тариздөөгө арналган.

Накладной аскер бөлүгүнүн кызматында (ЭАОБ же кампанын МТКБ) эки нускада жазылып берилет. Материалдык каражаттарды жөнөтүүдө (берүүдө, тапшырууда, өткөрүп берүүдө) биринчи нуска кампанын башчысында (бөлүкчөнүн командиринде, кампанын сактоо бөлүмүнүн (сактоочу жайдын) башчысында, башка материалдык жооптуу адамда калат жана эсеп китептерине (карточкаларына) жазууларды киргизүүгө негиз болуп саналат, экинчи нускасы материалдык каражаттарды алуучуга берилет. Материалдык каражаттарды кабыл алууда накладнойдун биринчи нускасы өткөрүп берүүчүдө калат, экинчи нускасы материалдык каражаттарды кабыл алып жаткан кампанын башчысына (бөлүкчөнүн командирине, кампанын сактоо бөлүмүнүн (сактоочу жайдын) башчысына, башка материалдык жооптуу кызмат адамына берилет.

Материалдык каражаттарды аскер бөлүгүнүн тапшыруучусу менен жөнөтүүдө накладная үч нускада таризделет: үчүнчү нуска кампада (бөлүкчөдө, башка объектиде) калат, башка эки нускасы тапшыруучуга накладнойдун үчүнчү нускасында кол койдуруу менен тапшырылат. Материалдык каражаттарды тапшыргандан кийин экинчи нускасы алуучуда калат, ал эми биринчи нускасын тапшыруучу алуучунун распискасы менен кампага (бөлүкчөгө, башка объектиге) кайтарып берет. Аткарылган накладнаянын биринчи жана үчүнчү нускалары бул учурда чогуу сакталат.

Накладнойго кызматтын башчысы (ЭАОБ, кампанын МТКБ) жана эсепке алган кызмат адамы кол коёт. Кол тамгалары "Ички чарбалык документтер үчүн" мастикалык мөөрү менен күбөлөндүрүлөт.

Накладнаянын башкы бөлүгүндө "Жооптуу алуучу (тапшыруучу)" графасында материалдык каражаттарды алууга (тапшырууга, берүүгө) дайындалган адамдын аскердик наамы, аты-жөнү жазылат.

Накладнаянын мазмундук бөлүгүндө 8-графада тиешелүү саптарга КААТтын, ракеталардын, агрегаттардын, түйүндөрдүн, блоктордун, кызматтык адабияттардын (эксплуатациялык документтердин) нускаларынын номерин, материалдык каражаттардын категориясын, сортун, тыгыздыгын (анын ичинде спирттин кубаттуулугу) жана сапатынын башка мүнөздөмөсүн көрсөткөн реквизит-негиздөөлөр, эгерде алардын иш жүзүндө абалы 5-графада жазылган реквизит-негиздөөлөргө туура келбесе, ал эми РАКты берүү жана кабыл алуу боюнча операцияларда куралдануунун номери жана ок-дарылардын өндүрүштүк маалыматтары (партиясы, чыгарылган жылы жана жасоочу-заводу) милдеттүү түрдө көрсөтүлөт. 8-бөлүктө накладнаянын формасында көрсөтүлбөгөн башка маалыматтарды көрсөтүүгө уруксат берилет. Анда ушул накладнаяда көрсөтүлгөн материалдык каражаттардын кыймылына байланыштуу операциялар жөнүндө эсепке алуу документтеринде (карточкаларында) жазуулар жөнүндө белгиленет.

Ок-дарыларды жана ракеталарды жөнөтүүдө (берүүдө, кабыл алууда, тапшырууда, өткөрүп берүүдө) 2-графада ок-дарылардын (ракеталардын) аталышы, алардын партиясы, чыгарылган жылы жана жасоочу-заводу жазылат.

Материалдык каражаттары менен жөнөтүлүүчү (берилүүчү, кабыл алынуучу, тапшырылуучу, өткөрүп берилүүчү) тара жана упаковка накладнаяга материалдык каражаттарды санап чыккандан кийин же накладнаянын бош талаасына жазылат. Накладнаянын бош талаасындагы бош эмес тараны жөнөтүү жөнүндө жазуу тапшыруучунун же кабыл алуучунун кол тамгасы менен күбөлөндүрүлөт.

Накладнаяны жазып берүүдө РАКтын номерин көрсөтпөөгө уруксаат берилет.

Бул учурда РАКтын номерлери, партиясы, чыгарылган жылы, ракеталарды жана ок-дарыларды жасоочу-заводу накладнаянын бардык нускаларында бош талаада жазуу менен же өзүнчө ведомостто ар бир партия боюнча ракеталардын жана ок-дарылардын санын өзүнчө көрсөтүү менен таризделет. Ок-дарыларды эндей түрүндө бөлүп берүүдө жасалган жылы жана жасалган-заводу гана көрсөтүлөт. Жазуу тапшыруучунун жана алуучунун кол тамгалары менен күбөлөндүрүлөт.

54. Эсеп-накладной материалдык каражаттарды төлөмгө берүүнү тариздөөгө дайындалган.

Эсеп-накладнойлорду жазып берүү жана тариздөө тартиби финансылык реквизиттерди кошуу менен накладнойлорду жазып берүү жана тариздөө тартибине окшош. "Төлөө жөнүндө белги" реквизитинин алдында төлөө жөнүндө документтин датасы жана контролдук документтин статьясы көрсөтүлөт. Бул жазуу аскер бөлүгүнүн финансы кызматынын башчысынын кол тамгасы менен күбөлөндүрүлөт.

55. Кабыл алуу актысы алып келүүчүлөрдөн (аскер бөлүктөрүнөн, кампалардан) аскер бөлүгүнүн (кампанын) дарегине келгендерге түзүлөт:

- темир жол (ички суу, аба, автомобилдик) транспортунда жүктү жөнөтүүчүнүн тапшыруучунун коштоосуз келген КААТка, ракеталарга жана ок-дарыларга;

- темир жол цистерналарында, танкерлерде, баржаларда келген отун жана күйүүчү майга;

- бийиктик жабдууларына жана учуу-техникалык кийимдерине;

- коштоочу (баштапкы эсептик) документтери жок материалдык каражаттарга;

- коштоочу (баштапкы эсептик) документтеринде камтылган санында жана сапатында айырма болгон материалдык каражаттарга;

- мамлекеттик уюмдарда материалдык каражаттарды кайра иштетүүдөн кийин;

- алып келүүчүлөрдөн алынган башка материалдык каражаттарга;

- аскер бөлүктөрүнүн штаттык кислородду азотту табуу станцияларын колдонуу менен табылган криогендик газдарга.

РАКка кабыл алуу актысы бардык учурларда түзүлөт жана нарядга тиркеме катары таризделет. Куралдардын чыгарылган номери жана датасы, ошоңдой эле ракеталардын жана ок-дарылардын өндүрүштүк маалыматтары актынын тиешелүү графаларына жазылат же ага тиркеме түрүндө таризделет.

Кабыл алуу актысын төрт нускада комиссиянын төрагасы түзөт, анын курамына (зарыл учурда) жүктү жөнөтүүчү же жергиликтүү бийлик органынын өкүлү кирет. Кабыл алуу актысын аскер бөлүгүнүн командири (кампанын башчысы) бекитет, анын кол тамгасы Мамлекеттик гербдин сүрөтү бар мөөр менен күбөлөндүрүлөт.

Актынын биринчи нускасы аскер бөлүгүнүн кызматында (кампанын ЭАОБ) калат, экинчи нускасы жүктү жөнөтүүчүгө жөнөтүлөт, үчүнчү нуска тиешелүү камсыздоочу органга көрсөтүлөт, төртүнчү нускасы тиешелүү кызматтын жогору турган башчысына берилет.

Алып келүүчүлөр менен эсептин аракеттеги тартибине байланыштуу келип түшкөн материалдык каражаттардын номенклатурасы, ошондой эле аскер бөлүктөрүнүн (кампаларынын) баш ийүүсү боюнча кабыл алуу актысынын нускасынын саны өзгөрөт.

Материалдык каражаттарга кабыл алуу актысы бир документ боюнча келген бир жүккө же жүктүн партиясына өзүнчө түзүлөт.

Кабыл алуу актысынын "Операциянын негизи (максаты)" графасында наряд (темир жол накладною жана башка), анын номери жана датасы көрсөтүлөт. Коштоочу документтери жок келген материалдык каражаттарды кабыл алууда, бул графада "Коштоочу документтери жок келген жүктү кабыл алуу" жазуусу жазылат.

"Жүктү жөнөтүүчү жана анын дареги" графасында жүктү жөнөтүүчүнүн жана жүктү алып келүүчүнүн аталышы, "Жүктү алуучу жана анын дареги" графасында - жүктү алуучунун аталышы, тапшырыкчы жазылат.

Кабыл алынган материалдык каражаттардын иш жүзүндө бардыгы жана алардын сапаттык (техникалык) абалы кароонун, кайра эсептеп чыгуунун (ченөөнүн, өлчөөнүн) жыйынтыгынын негизинде аныкталат жана кабыл алуу актысынын 1-бөлүгүндө көрсөтүлөт. 1-бөлүктүн 15-графасында алар боюнча табигый кемүү ченеми аныкталбаган жетишсиз материалдык каражаттар, 18-графада - алардын баасы көрсөтүлөт.

Кабыл алуу актысынын 5-бөлүгүндө материалдык каражаттардын сапаттык (техникалык) абалы (өткөрүлгөн сыноолордун, лабораториялык анализдердин жыйынтыгы), продукциянын макулдашуунун шарттарына жооп бергендигин күбөлөндүргөн документтин аталышы, номери жана датасы көрсөтүлөт. Материалдык каражаттарды тандап текшерүүдө, мындан тышкары, анын негизи (стандарт, техникалык шарттары, макулдашуу жана башка) жана продукцияны текшерүүгө тандоо тартиби көрсөтүлөт.

Материалдык каражаттардын жетишсиздиги табылганда (табигый кемүү ченеминин чегиндеги жетишсиздиктен тышкары) кабыл алуу актысы жетишсиздик табылган ар бир вагонго (цистернага, учакка, контейнерге) өзүнчө түзүлөт.

Материалдык каражаттар алып келүүдө жетишпеген (ашык болгон), сапатсыз (кечиктирилген) учурда же унаа туруп калганда кабыл алуу актысынын VI бөлүгүндө төмөнкүлөр кошумча көрсөтүлөт:

- продукцияны жүктү алуучунун кампасына жеткирүү убактысы (эгерде акт кампада түзүлсө) жана аны кабыл алууга чейинки сактоо шарттары;

- жүк кимдин таразасы менен тартылып (темир жол, пароходство, жүктү жөнөтүүчүнүн жана башканын) жөнөтүлгөн;

- органынын толук ыйгарымдуу өкүлүнүн жүктү берген убактысы;

- вагонду (суднонун трюмосун, контейнерди, тараны же башка пломбаланган транспорт каражаттарын) ачкан убактысы;

- алып келүүчүнүн өкүлүн чакыруу жөнүндө кабарландыруунун номери жана датасы, ошондой эле кабарландырууну жөнөтүү тартиби;

- жетишпеген материалдык каражаттардын вагонго (трюмга, контейнерге же башка пломбаланган унаа каражатына) батуу мүмкүн болгондугу;

- транспорттун туруп калуу себептери, убагынан кечиктирилген кабыл алуу жана коммерциялык актты (автомобилдик унаа органында берилген акт) түзүү жөнүндө маалыматтар;

- түшүрүүнүн узактыгы;

- кайра иштетүү процессинде пайда болгон калдыктардын саны жана алардын нормаларга туура келиши;

- жетишпестик пайда болгон себеби, орду жана башка жөнүндө корутундусу.

Маалыматтар көп болгондо кабыл алуу актысынын VI бөлүгү актыга комиссиянын мүчөлөрү кол койгон өзүнчө тиркеме түрүндө таризделет.

Кабыл алуу актысына тиркелет: транспорт органында күбөлөндүрүлгөн транспорттук жүк документтери; материалдык каражаттардын сапаты (техникалык абалы) жөнүндө документтер, наряд (накладная) же алып келүүчүнүн фактурасы, вагон боюнча ведомосту, трафареттердин тизмеги (алып келүүчүнүн катасы табылган учурда же трафарет боюнча массаны эсептөөдө), коммерциялык актынын экинчи нускасы (эгерде ал түзүлсө).

56. Оңдоого (жасоого, жасап чыгууга, бөлүүгө) наряд оңдоо бөлүкчөсүнүн (ишкананын, цехтин, устакананын, аскер бөлүгүнүн командири) башчысы үчүн материалдык каражаттарды оңдоо, жасоо, жасап чыгуу, утилдештирүү (бөлүү) боюнча иштерди жүргүзүүгө буйрук болуп саналат. Материалдык каражаттарды утилдештирүүдө (бөлүүдө) алардын категориясы ар бир аталыштагы материалдык каражаттарга өзүнчө наряддын "Аткаруу мөөнөтү" графасында көрсөтүлөт, ал эми бузук материалдык каражаттарды жөнөтүүчү үчүн аларды ондоо органына автомобиль же транспорттун башка түрү (башка ыкма менен) менен жеткирүүгө жана оңдоого тапшыруу үчүн наряддын аракеттеги мөөнөтүнүн мезгилине иш сапарга жөнөтүүгө негиз болуп саналат. Чанда учурларда материалдык каражаттарды оңдоого тапшыруу нарядынын аракеттеги мөөнөтү аны жазып берген органдын жетекчисинин чечими менен узартылат.

Аткарылган оңдоого наряд техникалык абалынын жана сапаттык абалын өзгөртүү, эсептен чыгаруу (калдыктарын алуу), оңдолгон (тазаланган) материалдык каражаттарды жогорку категорияга өткөрүү актыларын тариздөөгө, ошондой эле кайрадан жасалган материалдык каражаттарды эсепке коюу үчүн негиз болуп саналат.

Оңдоого нарядды кошуундун, кампанын ЭАОБ, бирикменин аскердик башкаруу органы (Куралдуу Күчтөрдүн түрү), БАБО түзүмдүк бөлүкчөсү түзөт.

Оңдоого наряд төрт нускада түзүлөт: биринчи жана үчүнчү нускалары материалдык каражаттар менен оңдоо бөлүкчөсүнө (аскер бөлүгүнө, ишканага, цехке, устаканага) тапшырылат, экинчи нускасы тапшыруучуда калат, төртүнчү нуска - кызматта (кампанын ЭАОБ, аскердик башкаруу органында).

Номерлери жана техникалык абалы боюнча эсепке алынган КААТ оңдоого тапшырууда биринчи нускага техникалык абалынын актысы тиркелет.

Оңдоого наряд аткарылгандан кийин анын биринчи таризделген нускасы оңдоо бөлүкчөсүндө (аскер бөлүгүндө, цехте, устаканада) калтырылат, экинчи нускасы - тапшыруучуда, үчүнчү нускасы аткарылган иш жөнүндө билдирүү катары нарядга кол койгон башчыга көрсөтүлөт.

Оңдоого нарядга тиешелүү кызматтын башчысы (кампанын ЭАОБ башчысы, аскердик башкаруу органынын жетекчиси) жана эсепке алуу жүргүзгөн кызмат адамы кол коёт.

Аскердик башкаруу органынын кызмат адамдарынын колдору башкаруу органынын (камсыздоочу органдын) Мамлекеттик гербдин сүрөтү бар мөөрү менен күбөлөндүрүлөт.

Нарядга оңдоого (жасоого, жасап чыгууга) туура келген бир нече аталыштагы материалдык каражаттарды кошууда, 9-графада материалдык каражаттардын ар бир аталышы боюнча аткарылган иштер жөнүндө белгиленет. Белгиде ишти аяктоо датасы, оңдолгон (тазаланган) материалдык каражаттарды жогорку категорияга которуу актысынын номери жана датасы көрсөтүлөт. Көп сандагы ондоого (жасоого, жасап чыгууга) жаткан бир аталыштагы материалдык каражаттар болгондо 9-графада бир күндө оңдолгон (жасалган, тазаланган) материалдык каражаттардын ар бир бирдигин (партиясын) оңдоону (жасоону, жасап чыгууну) аткаруу жөнүндө белгиленет.

57. Жалпылоо ведомосту материалдык каражаттарды кабыл алуу жана берүү боюнча эсеп китептеринде жана карточкаларында жазуулардын санын азайтууга арналган. Ведомостту аскер бөлүгүнүн кызматы, кампанын ЭАОБ түзүшөт.

Жалпылоо ведомосту бир нускада кириш (чыгыш) документтеринин негизинде түзүлөт. Ага кол коёт: аскер бөлүгүндө - тиешелүү кызматтын башчысы жана эсепке алууну жүргүзгөн кызмат адамы, кампада - ЭАОБ башчысы жана ЭАОБ улук бухгалтери (бухгалтер).

Жалпылоо ведомосту бардык тиркелген баштапкы эсептик документтери менен бир бирдиктүү документ катары каралат.

58. Таратуу (тапшыруу) ведомосту аскер бөлүгүндө бир эле материалдык каражатты бир нече бөлүкчөлөргө берүүнү, материалдык каражаттарды түз чыгымдоо менен эсептен чыгарууну, аларды кампага кабыл алууну тариздөөгө арналган.

Таратуу (тапшыруу) ведомосту бир нускада материалдык каражаттарды берүүгө өзүнчө, тапшырууга өзүнчө жазылат. Ага кызматтын башчысы жана эсепке алууну жүргүзгөн кызмат адамы кол коёт, андан кийин ал кампанын башчысына аткарууга берилет.

Таратуу (кабыл алуу) ведомостунда көрсөтүлгөн материалдык каражаттарды берүү (кабыл алуу) аяктаганда кампанын башчысы андан жыйынтык чыгарат, өзүнүн колу менен материалдык каражаттарды берүүнү (кабыл алууну) тастыктайт жана аны аскер бөлүгүнүн тиешелүү кызматына тапшырат.

Ведомостту түзүүдө анын аталышында материалдык каражатты эсепке алууга байланышкан таризделүүчү операциянын маанисин билдирген сөздөр калтырылышы керек: "Таратуучу ведомость" же "Тапшыруучу ведомость". Керексиз сөз чийилип салынат.

Авиациялык-техникалык аскер бөлүгүнүн кампасына (базасына) авиациялык аскер бөлүгүнөн келген авиациялык ок-дарыларды жана ракеталарды кабыл алууда "Категориясы (сорту, тыгыздыгы, партиясы)" башкы бөлүгүнүн алдында 4-11-графаларда материалдык каражаттардын ар бир аталышы боюнча кошумча реквизит-белгилери: чогултуу (жасоо) партиясынын номери, жасалган жылы, жасоочу-заводу жазылат.

59. Аскер бөлүгүнүн кампасындагы ок-дарыларга (ракеталарга) таратуу-тапшыруу ведомосту аскер бөлүгүнүн кампасынан ок атууга берилген артиллериялык жана минометтук окторду, ПТУР, жакынкы аракеттеги зениттик ракеталарды, кол жана танкка каршы гранаталарды, ок атуучу куралга окторду, пиротехникалык жана имитациялык каражаттарды эсепке алууга жана алардын чыгымдалышын жана кайтарылып берилишин контролдоого арналган.

Таратуу-тапшыруу ведомосту аскер бөлүгүнүн РАК кызматында таризделет жана катталат жана кампанын башчысына эсептик документтерди каттоо китебинде кол койдуруу менен берилет.

Ведомостту кампанын башчысы жүргүзөт. Ок-дарыларды бөлүкчөлөргө берүү жөнүндө жазуулар РАК кызматынын башчысынын берүүгө уруксат берилген ок-дарылардын саны жөнүндө белгилөөсү менен командирлердин жазуу түрүндө табыштамаларынын негизинде жазылат. Ок-дарыларды берүү боюнча табыштамалар кампада калат жана кызматтын башчысына аткарылган таратуу-тапшыруу ведомосту менен чогуу текшерүү үчүн кайтарылып берилет.

Таратуу-тапшыруу ведомосту ок-дарылардын ар бир номенклатурасына (анын ичинде ПТУР), жакынкы аракеттеги зениттик ракеталарга, пиротехникалык жана имитациялык каражаттарга өзүнчө түзүлөт.

Кампадан алынган материалдык каражаттарга алуучулар ведомосттун 6-графасында кол коюшат.

Ведомосттун 3-графасында ПТУР жана жакынкы аракеттеги зениттик ракеталарды берүүдө чогултуу (жасоо) партиясынын номери, жасалган жылы жана жасоочу-заводу, ал эми 4, 7, 8 жана 14-графаларда - ар бир бирдиктин номери жазылат.

7-15-графаларда көрсөтүлгөн чыгымдалган, тапшырылган жана тапшырылбаган буюмдардын саны тапшыруучунун кол тамгасы менен (16-графада) жана кабыл алуучунун кол тамгасы менен (17-графада) тастыкталат. Бир ведомостто беш күндүн ичинде жазууларды жүргүзүүгө уруксат берилет.

Кампанын башчысы 7-графанын жыйынтык маалыматтары боюнча чыгымдалган ок-дарыларды жана жакынкы аракеттеги зениттик ракеталарды тиешелүү эсеп карточкалары боюнча эсептен чыгарат жана атылбай калган окторду, атылган гильзаларды жана тыгындарды кириштөөгө жазат. Мындан кийин ведомость РАК кызматына эсеп китептери боюнча өзгөрүүлөрдү чагылдыруу үчүн берилет.

Атылган октор, бош тыгындар киришке өзүнчө эсеп карточкаларында жазылат.

Ок атуучу куралдарга октордун атылган гильзалары жана куралдын атылган гильзалары аларды курал түзүмүнө тийиштүүлүгүнө жана алардын жасалган металлына карата топко бирден бөлүү менен эсепке алынат.

Ведомостко ок атуу менен жок кылынган эркин формадагы кара дарынын тутамдарын жок кылуу актысы тиркелет.

60. Күжүрмөн толуктоо пунктундагы ок-дарыларга таратуу-тапшыруу ведомосту күжүрмөн толуктоо пунктунда берилген ракеталарды, ПТУР жана башка ок-дарыларды эсепке алууга, ошондой эле алардын чыгымдалышын жана кайтарылып берилишин контролдоого арналган. Ведомостту күжүрмөн толуктоо пунктунун башчысы жүргүзөт.

ПТУР жана жакынкы аракеттеги зениттик ракеталар боюнча 2 жана 7-графаларда алардын индекстери жана номерлери жазылат.

Ок атуулар аяктаганда ведомость текшерүү үчүн участокто ок атуунун жетекчисине көрсөтүлөт. Күжүрмөн толуктоо пунктунун башчысы ок-дарылар боюнча отчет бергенден кийин таратуу-тапшыруу ведомостун аскер бөлүгүнүн РАК кызматына тапшырат, ал жерде ички текшерүү комиссиясынын мүчөлөрү жүргүзгөн текшерүүдөн кийин 3 жылдан кийин жок кылынат.

61. Куралдануунун курамына (курамынан) коюу, алуу (комплекттөөчү элементтерди жаңыртуу) актысы материалдык каражаттарды узакка сактоону жана аларды жаңылоону тариздөөгө, ошондой эле материалдык каражаттарды РАК курамына коюуга, алууга жана жаңыртууга, ЗБАЖ комплекттерин, башка комплекттерди толуктоого арналган. Ал эсеп китептерине жана карточкаларына өзгөртүүлөрдү киргизүүгө негиз болуп саналат.

Актты түзүүдө анын аталышында материалдык каражаттарды эсепке алуу боюнча таризделүүчү операциялардын маанисин чагылдырган "Материалдык каражаттарды коюу актысы", "Материалдык каражаттарды жаңылоо актысы", "Материалдык каражаттарды куралдануунун курамынан алуу актысы", "Куралдануунун курамында комплекттөөчү элементтерди алмаштыруу актысы" сөздөрү гана калышы керек. Кереги жок сөздөр чийилип салынат.

Актты аскер бөлүгүнүн (кампанын) комиссиясынын төрагасы түзөт, аны аскер бөлүгүнүн командири (кампанын башчысы) бекитет. Актты бекиткен адамдын кол тамгасы Мамлекеттик гербдин сүрөтү бар мөөр менен күбөлөндүрүлөт.

Акт эки нускада түзүлөт, анын биринчи нускасы аскер бөлүгүнүн (кампанын) делосунда калтырылат, экинчи нускасы тиешелүү камсыздоочу органга жөнөтүлөт.

Кошуундун курамына кирген аскердик бөлүктө акт үч нускада түзүлөт: акттын экинчи жана үчүнчү нускасы кошуундун штабына жөнөтүлөт. Кошуундун штабынан экинчи нуска тиешелүү камсыздоочу органга жөнөтүлөт.

Аскер бөлүгүнүн (кампасынын) баш ийүүсүнө байланыштуу нускалардын саны өзгөрүлөт.

Партиясы жана жасоочу-заводу боюнча эсепке алынган материалдык каражаттарга актты түзүүдө, көрсөтүлгөн маалыматтар 2-графада материалдык каражаттардын ар бир аталышынан кийин жазылат.

РАК үлгүлөрүн комплекттөөнү жана ЗБАЖ комплектилерин жана башка комплектилерди толуктоону тариздөөдө 13-графада машиналардын аталышы, аны толуктоого актыда көрсөтүлгөн материалдык каражаттардын маркасы жана заводдук номерлери (комплекттердин аталышы) жазылат.

62. Эсептен чыгаруу актысы (калган эсебин алуу) материалдык каражаттарды эсептен чыгарууну тариздөөгө арналган:

- жоготулган;

- мыйзамсыз чыгымдалган (күйүүчү майды, отунду ашыкча чыгымдоо) жана жетишсиздиктер табылган (анын ичинде уурдоолор);

- регламенттик иштерге, КААТ техникалык тейлөөгө, өндүрүштүк жана башка керектөөлөргө белгиленген ченемдер боюнча чыгымдалгандарды;

- транспортировкалоодо, кабыл алууда, сактоодо жана берүүдө табигый кемүү болгон учурларда;

- башка эсептик документтерде эсептен чыгаруу каралбаган учурларда.

Бул акты менен ага инвентаризациялоо жүргүзүүдө материалдык каражаттардын калдыктарын алуу, ошондой эле кайра сорттоо жана мурда эсепке алынбаган РАКты эсепке коюу дагы таризделет. РАКтын өндүрүштүк маалыматтары түздөн-түз актыда көрсөтүлөт же өзүнчө ведомостто актыга тиркеме катары тиркелет. Актыда саналган РАКтын техникалык (сапаттык) абалы калдыктарын алуу актысына тиркелген бул материалдык каражаттардын техникалык (сапаттык) абалын аныктоочу документтерде көрсөтүлөт.

Номерлери жана техникалык абалы боюнча эсепке алынуучу КААТ эсептен чыгаруу бул форма боюнча акт менен таризделбейт.

Актты түзүүдө анын аталышында материалдык каражаттарды эсепке алуу боюнча таризделүүчү операциялардын маанисин чагылдырган "Эсептен чыгаруу актысы" "Калдыктарын алуу актысы" сөздөрү гана калышы керек. Кереги жок сөздөр чийилип салынат.

Актыны бекиткен адамдын кол тамгасы Мамлекеттик гербдин сүрөтү бар мөөр менен күбөлөндүрүлүшү керек.

Актыны комиссиянын төрагасы түзөт, аны аскер бөлүгүнүн командири (кампанын башчысы) бекитет:

- КААТ регламенттик иштерине, техникалык тейлөөгө, өндүрүштүк жана башка керектөөлөргө белгиленген ченем боюнча чыгымдалган материалдык каражаттарды эсептен чыгарууда, транспортировкалоодо, кабыл алууда, сактоодо жана берүүдө табигый кемүү учурларында - бир нускада;

- текшерүүнүн жүрүшүндө табылган, мурда эсепке алынбаган материалдык каражаттардын ашыктарын кириштөөгө алуу үчүн;

жоготулган жана мыйзамсыз чыгымдалган материалдык каражаттарды эсептен чыгарууда, ошондой эле жетишсиздиктер табылган учурда - эки нускада: актынын биринчи нускасы аскер бөлүгүндө (кампада) калат жана эсеп китептеринде (карточкаларында) жазуулар үчүн негиз болуп саналат, экинчи нускасы БАБО тиешелүү түзүмдүк бөлүкчөсүнө көрсөтүлөт. Кошуундун курамына кирген аскер бөлүгүндө, мындай учурда акт үч нускада түзүлөт. Актынын үчүнчү нускасы кошуундун тиешелүү кызматына жөнөтүлөт.

Материалдык каражаттардын калдыктарын алууда актынын нускасынын санын комиссиянын төрагасы (аскер бөлүгүнүн командири, кампанын башчысы) аныктайт.

Аскер бөлүгүнүн (кампанын) баш ийүүсү боюнча актынын нускасынын саны өзгөрүлөт.

Актыга тиркеме катарында төмөнкүлөр болушу мүмкүн: кызмат адамдарынын түшүндүрмөлөрү, күжүрмөн жоготуулардын районунун картасы, табигый жоготуулардын негиздемелери жана эсептери, баштапкы эсептик документтер жана башкалар.

КААТ техникалык тейлөөгө чыгымдалган материалдык каражаттарды эсептен чыгарууда 9-графада аларды чыгымдоонун белгиленген ченемдери жазылат.

Материалдык каражаттардын калдыктарын алууда реквизит-негиздөөлөр менен жазылат: 7- факт жүзүндө бардыгы, 9-графада - эсепке алуу боюнча саналгандыгы, 10-графада - жетишпегени жана 12-графада -эсептин маалыматтары менен салыштыруу боюнча ашыгы. 14-графада эксплуатациялоого берген датасы, табигый кемүү өлчөмдөрү актыга тиркелген эсептерге жана башка маалыматтарга ылайык.

63. Техникалык абалынын актысы номерлери жана техникалык абалы боюнча эсепке алынган КААТ белгиленген техникалык абалын, оңдоого керектөөлөрүн, категориялоону тариздөөгө арналган.

Актты аскер бөлүгүнүн (кампанын) комиссиясынын төрагасы түзөт:

- КААТ берүүдө аскер бөлүгүнүн (кампанын) ичинде - бир нускада. Аны аскер бөлүгүнүн командири (кампанын башчысы) бекитет;

- куралданууну (техниканы) бир аскер бөлүгүнөн кошуундун ичиндеги башка бөлүккө берүүдө - үч нускада түзүлөт. Аны тапшыруучу аскер бөлүгүнүн командири бекитет. Актынын биринчи нускасы кошуундун тиешелүү кызматына жөнөтүлөт, экинчи нускасы куралдануу (техника) менен бирге алуучуга берилет, үчүнчү нускасы тапшыруучуда калат;

- куралданууну (техниканы) бир бөлүктөн (кошуундун) бул кошуундун курамына кирбеген башка бөлүккө берүүдө - үч нускада түзүлөт. Аны тапшыруучу аскер бөлүгүнүн (кошуундун) командири бекитет. Актынын биринчи нускасы тиешелүү камсыздоочу органга жөнөтүлөт, экинчи нускасы куралдануу (техника) менен бирге алуучуга берилет, үчүнчү нускасы тапшыруучуда калат;

- куралданууну (техниканы) төмөнкү категорияга которууда - эки нускада аны бекитүү жөнүндө сунуштамасы, ошондой эле керектүү тиркемелери менен бирге актыны бекиткен командирге (башчыга) көрсөтүлөт. Актыны бекиткенден кийин анын биринчи нускасы формуляры (паспорту) менен бирге аскер бөлүгүнө кайтарылып берилет, экинчи нускасы тиркемелери менен бирге (формулярдан (паспорттон) тышкары) башкаруу органында, актыны бекиткен командирде (башчыда) калат;

- куралдануу (техниканы) жогорку категорияга которууда - үч нускада, Актты аскер бөлүгүнүн (кошуундун, бирикменин, Куралдуу Күчтөрдүн түрүнүн оңдоочу аскер бөлүгүнүн) командири бекитет. Бекитилген актынын биринчи нускасы куралдануу (техника) менен бирге алуучуга жөнөтүлөт, экинчи нускасы аскер бөлүгүндө (оңдоочу аскер бөлүгүндө) калат, үчүнчү нускасы тиешелүү камсыздоочу органга жөнөтүлөт;

- чатырларды оңдоо устаканаларынан төмөнкү категорияга которууда - эки нускада жана аны бекитүү жөнүндө сунуштамасы жана керектүү тиркемелери менен куралдануу башкармалыгынын башчысына жана/же МАУ, УО жана АК башкаруу органдарына бекитүүгө көрсөтүлөт. Актыга бир канча бир аталыштагы бирдей техникалык-эксплуатациялык көрсөткүчтөрү бар чатырлардын кошулушуна уруксат берилет.

VIII бөлүктөгү аскер бөлүгүнүн командиринин жана актыны бекиткен башчынын колу Мамлекеттик гербдин сүрөтү бар мөөр менен күбөлөндүрүлөт.

Аскер бөлүгүнүн баш ийүүсүнө жана КААТ берүүнүн конкреттүү шарттарына байланыштуу актылардын нускасынын саны өзгөрүлөт.

1-бөлүктүн 2-графасында биринчи сапта акт таризделип жаткан куралдануунун (техниканын) базалык үлгүсү жазылат. Кийинки саптарында анын номерлери боюнча эсепке алынган комплекттөөчү буюмдары (кыймылдаткычтар, куралдары, учуу орнотмосу, пулеметтору, радиоэлектрондук кабыл алуучу-берүүчү түзүлүштөрү жана башка) жазылат.

Акттын III бөлүгүндө ЗБАЖ жетишпеген курамдык бөлүктөрү (комплекттелбегендин карточкасы актыга тиркелет), ошондой эле техникалык документация жана куралдануу (техника) менен берилген күйүүчү май жазылат. Ушул эле бөлүктө: аккумулятордук батареянын маркасы жана номери, аларды кармоонун түрү чыгарылган датасын көрсөтүү менен (кургак заряддалгандар үчүн) же иштөө абалына келтирилген датасы, дөңгөлөктөрдүн покрышкасынын номери жана алардын иштетилгендигинин пайызы, жабуучу брезенттин (чехолдун) бардыгы жана анын категориясы, танктык шлемофондордун саны жана алардын категориясы жазылат.

IV бөлүктө: куралдануунун (техниканын) иштен чыгуу датасы жана орду, тышкы кароодо, кыймылдаткычты иштетүүдө жана жүрүүдө (иштөө режиминде) сыноолор жазылат.

V бөлүктө мөөнөтүнөн эрте иштен чыгышынын себеби же сынуусу жана иликтөө жүргүзүү маалыматтары жазылат. Түзүм орнотулган базалык үлгүсүнө анын техникалык абалы жөнүндө өзүнчө корутунду берилет, керек болгон оңдоонун категориясы жана түрү аныкталат. Бул учурда актынын кошумча нускасы базалык үлгү эсепке алынган кызматтын башчысына жөнөтүлөт.

64. Сапаттык абалын өзгөртүү актысы төмөнкүлөрдү тариздөөгө арналган:

- номерлери жана техникалык абалы боюнча эсепке алынуучу материалдык каражаттардын сапаттык (техникалык) абалын өзгөртүүнү, анын ичинде белгиленген эксплуатациялоо (сактоо) мөөнөтү аяктаганда;

- КААТты жана башка материалдык каражаттарды эсептен чыгарууну жана бөлүүнү;

- автомобилдик техниканын түрүн өзгөртүүдө (жабдууларды орнотуу же демонтаждоо боюнча иштер аяктаганда);

- ракеталарды, тактикалык ракеталарды коё берүүгө чыгымдалгандарды эсептен чыгарууну, алардын тарасын жана контейнерлерин куралдануу башкармалыгында жана/же МАУ, УО жана АК кириштөөнү;

- КААТты жана башка материалдык каражаттарды ондоодо же чечүүдө (бөлүүдө, сөгүүдө) өзүнчө агрегаттарды, түйүндөрдү, приборлорду, запастык бөлүктөрдү, металлоломду, чүпүрөктү жана башканы кириштөөнү;

- запастык бөлүктөрдүн бирден жана топтук эксплуатациялоо жана оңдоо комплектилерин комплектиден ажыратуу жана алардын курамына кирген өзүнчө агрегаттарды, блокторду, түйүндөрдү жана элементтерди кириштөөнү;

- колдонулган башка маркадагы жана модификациядагы окшош бузулган топтоо бирдиктерин алмаштыруу үчүн РАК оңдоонун жүрүшүндө, ошондой эле ушул куралдануудан (техникадан) демонтаждалган комплекттөөчү буюмдарды эсептен чыгарууну. Бул учурда акт техникалык абалынын актысына тиркеме катары түзүлөт;

- ок-дарылардын аларды эсептен чыгарууга, бир категориядан башка категорияга которууга жана мындан ары колдонууга комиссиянын мүчөлөрүнүн катышуусунда белгиленген сапаттык абалын тариздөө;

- ок-дарыларды чогултууну, оңдоону, комплекттөөнү, бөлүүнү (утилизациялоону) жана башка иштерди тариздөөгө, ошондой эле көрсөтүлгөн иштерди аткарууда алынган ок-дарылардын элементтерин кириштөө үчүн;

- РАК комплекттелишинин жана аталышынын (модификациясынын) өзгөрүшүн;

- камсыздоочу органы куралдануу башкармалыгы жана/же МАУ, УО жана АКтын башкаруу органы болгон камсыздоочу орган тарабынан курамынан куралдануунун үлгүсүн чыгарууну жана куралдануунун негизги үлгүсүнөн өзүнчө эсепке алынгандарды;

- камсыздоочу органы куралдануу башкармалыгы жана/же МАУ, УО жана АКтын башкаруу органы болгон камсыздоочу орган тарабынан куралдануунун үлгүлөрүн эндей түрүндөгү материалдык каражаттар менен толуктоону жана алардын үлгүнүн курамына кошулгандан кийин өзүнчө эсепке алынуусун.

Актты аскер бөлүгүнүн (кампанын) комиссиясынын төрагасы түзөт: РАКтын материалдык каражаттарынын, курамынын же комплекттелишинин сапаттык (техникалык) абалын өзгөртүүгө - эки нускада. Аны аскер бөлүгүнүн командири (кампанын башчысы) же улук башчы анын ыйгарымынын чегинде бекитет. Бекитүүдөн кийин актынын биринчи нускасы аскер бөлүгүнө (кампага) кайтарылып берилет, экинчи нускасы тиешелүү камсыздоо органына жөнөтүлөт;

- КААТты жана башка материалдык каражаттарды эсептен чыгарууга, комплекттен ажыратууга же бөлүүгө, тактикалык ракеталарды коё бергенден кийин эсептен чыгаруу, агрегаттарды, түйүндөрдү, приборлорду, запастык бөлүктөрдү, металлоломду, чүпүрөктү жана башканы кириштөөдө - эки нускада; утилдештирүү бөлүмдөрү (цехтер) үчүн КААТты жана башка материалдык каражаттарды камсыздоочу органдын жетекчисинин чечими менен баалуу металлдарды алуу максатында бөлүүнү тариздөө - бир нускада. Аны аскер бөлүгүнүн командири (кампанын башчысы) бекитет. Актынын биринчи нускасы аскер бөлүгүндө калат жана эсеп китептеринде (карточкаларында) жазуу үчүн негиз болуп саналат, экинчи нускасы тиешелүү камсыздоочу органга жөнөтүлөт.

Актты бекиткен адамдын кол тамгасы Мамлекеттик гербдин сүрөтү бар мастикалык мөөр менен күбөлөндүрүлөт.

Кошуундун курамына кирген аскер бөлүгүндө акт үч нускада түзүлөт. Бекитилген актынын үчүнчү нускасы кошуундун тиешелүү кызматына жөнөтүлөт.

Аскер бөлүктөрүнүн (кампаларынын) жана актыда саналган материалдык каражаттардын баш ийүүсүнө байланыштуу, анын нускалары өзгөрүлөт.

Актынын мазмундук бөлүгүндө: 2-9-графаларда - башка категорияга которулуучу (бөлүнгөн) материалдык каражаттар боюнча эсептик маалыматтар; 10-14-графаларда - көрсөтүлгөн материалдык каражаттардын иш жүзүндө сапаттык абалы жана саны жөнүндө маалыматтар, ошондой эле өзүнчө агрегаттардын (түйүндөрдүн, приборлордун, запастык бөлүктөрдүн), металлоломдун, материалдык каражаттарды комплекттөөдөн ажыратууда, бөлүүдө (чачууда) алынган чүпүрөктүн жана башканын саны жана сапаттык абалы жөнүндө маалыматтар жазылат,

Ракеталарды учууга коё берүү актысы ракеталарды учууга коё берүүгө чыгымдалгандарды эсептен чыгарууга жана алардын тараларын жана контейнерлерди кириштөөгө актыны түзүү үчүн негиз болуп саналат.

65. Аскер бөлүгүнүн аттестаты аскер бөлүгүнө жаңы жайгашкан (камсыздалган) ордунда материалдык камсыздоого жана анын эсебинде турган материалдык каражаттарды мурунку жайгашкан (камсыздалган) ордунан эсептен чыгарууга укук берген документ болуп эсептелет.

Аттестат аскер бөлүгүнүн (кошуундун) кызматында же аскердик башкаруунун башка органында жазылып берилет. Аскер бөлүгүндө аттестат башка аскер бөлүгү ага камсыздоого жазылганда жазылып берилет.

Аттестат үч нускада жазылат: биринчи нуска кетип жаткан аскер бөлүгүндө калат, экинчи нускасы аттестат берилген жогору турган аскердик башкаруу органына кошуундун (аскер бөлүгүнүн) материалдык каражаттарын эсептен чыгаруу үчүн жөнөтүлөт, үчүнчү нускасы кызматта (аскердик башкаруу органында) калат.

БАБО түзүмдүк бөлүкчөлөрүндө аттестаттар эки нускада жазылып берилет.

Аттестатка: кошуунда (аскер бөлүгүндө) - оорук боюнча командирдин орун басары жана тиешелүү кызматтын башчысы, ал эми РАКка, ракеталарга жана ок-дарыларга - аскер бөлүгүнүн командири жана РАК кызматынын башчысы, аскердик башкаруу органында - аскердик башкаруу органынын жетекчиси жана материалдык каражаттарды эсепке алууга жооптуу адамдар кол коюшат. Көрсөтүлгөн кызмат адамдарынын кол тамгалары Мамлекеттик гербдин сүрөтү бар мөөр менен күбөлөндүрүлөт.

Аттестатка кеткен күнү аскер бөлүгүндө эсепте турган материалдык каражаттар жазылат. Аталыштарынын саны көп болгондо материалдык каражаттар аттестатка жазылбашы мүмкүн. Көрсөтүлгөн учурда ага аттестаттын мазмундук бөлүгүнүн 1-8-графаларынын маалыматтарын чагылдырган ведомость тиркелет. Ведомостко аттестатка кол коюуга укугу бар адамдар эле кол коюшат. Алардын колу Мамлекеттик гербдин сүрөтү бар мөөр менен күбөлөндүрүлөт. Материалдык каражаттардын бардыгы отчеттордун жана билдирүүлөрдүн маалыматтары менен тастыкталат.

8-графада материалдык каражаттарды алар боюнча эксплуатациялоо мөөнөтү (кызматы) бекитилген берүү датасы жазылат. Күйүүчү май жана азык-түлүк боюнча камсыздалышы бул графада эсептик-камсыздоо бирдиктеринде жазылат.

5-графада күйүүчү май жөнүндө маалымат: алымында - күйүүчү майды чыгымдоо лимитинин пайдаланылбаган калдыгы, бөлүмүндө -күйүүчү майды алып келүү планынын калдыгы жазылат.

Аттестат КААТ үлгүлөрүнүн курамына кирген материалдык каражаттардын кээ бир аталыштары формулярга (паспортко) ылайык, бекитилген эксплуатациялоо мөөнөтү өткөндө, КААТ үлгүлөрүн комплекттөөдө эсептен чыгарууга жана алмаштырууга тийиш болгон, ошондой эле камсыздоочу органдар тарабынан берүүдө эсептик маалыматтарын өзгөртүүгө материалдык каражаттарды бир камсыздоочу органдын эсебинен чыгарууга жана башка камсыздоочу органга эсепке алууга жана камсыздоого укук берген документ болуп эсептелет.

Аскер бөлүгүндө алынып коюуга тийиш болгон материалдык каражаттардын кээ бир аталыштарына ушул Нускаманын 5-тиркемесине ылайык форма боюнча, КААТ үлгүлөрүнүн курамынан комплекттөөчү элементтерди алып коюу (жаңыртуу) актысы түзүлөт, аны бекиткенден кийин, актыда саналган материалдык каражаттар кызматта өзүнчө эсепке алынат, ал жерде КААТ эксплуатацияланат.

КААТ үлгүлөрүнүн курамынан материалдык каражаттарды алууга техникалык абалынын актысы же сапаттык (техникалык) абалын өзгөртүү актысы түзүлөт, анан негизинде материалдык каражаттар төмөнкү категорияга которулат (мындан ары - акт). Акт ал жерде КААТ үлгүсү эсепте жана камсыздоодо турган камсыздоочу органга аттестат жазып берүү үчүн жөнөтүлөт.

Аттестатты жазып берген камсыздоочу органдын кызмат адамдары кол койгон жана Кыргыз Республикасынын Мамлекеттик гербинин сүрөтү бар мөөр менен күбөлөндүрүлгөн аттестаттын бардык нускалары КААТ үлгүсү эксплуатацияланган аскер бөлүгүнө жөнөтүлөт.

Аскер бөлүгүнүн командири кол койгондон кийин камсыздоочу органдан келген башка камсыздоочу органга эсепке алынууга жана камсыздоого тийиш болгон материалдык каражаттарга аттестаттын, актынын биринчи нускалары мурунку жайгашкан жери боюнча эсепте турган камсыздоочу органга жиберилет, аттестаттын жана актынын экинчи нускалары жаңы эсепке коюлган жериндеги камсыздоочу органга жиберилет, аттестаттын үчүнчү жана калган нускалары аскердик башкаруу органдарына баш ийүүсү боюнча жөнөтүлөт жана аскер бөлүгүнүн делосунда калтырылат.

Аскер бөлүгүнөн келген аттестаттын жана актынын нускалары камсыздоочу органда, эсептик маалыматтарды өзгөртүү, эсептен чыгаруу үчүн, эсепте мурунку жайгашкан жеринде турган жана эсепке алынууга жана камсыздоого тийиш болгон башка камсыздоо органы үчүн негиз болуп саналат.

Мындан ары КААТ үлгүлөрүн анын курамынан алынган материалдык каражаттар менен комплекттөө тиешелүү камсыздоочу орган аркылуу табыштамалар боюнча жүргүзүлөт.

66. Аскер кызматчысынын аттестаты отчеттулук бланкы болуп эсептелет жана бөлүкчөнүн (команданын) курамындагы аскер кызматчысына же аскер кызматчыларына материалдык каражаттар менен камсыздоого жана камсыздоодон чыгарууга укук берет.

Аттестат аскер бөлүгүнүн тиешелүү кызматы тарабынан материалдык каражаттардын ар бир түрүнө жазылат. Аттестатка кызматтын башчысы же кызматта материалдык каражаттарды эсепке алуу жүргүзгөн адам кол коёт, алардын колдору, эгерде бул ички документ жүргүзүү түзүмүндө каралса, аскер бөлүгүнүн Мамлекеттик герб тартылган мөөрү менен күбөлөндүрүлөт.

Таризделген аттестат аскер кызматчысына берилет, ал эми бөлүкчөнүн (команданын) курамында кеткенде - ошол бөлүкчөнүн командирине (команданын улугуна) берилет. Аттестаттын талону кызматта калат жана аскер бөлүгүндө аскер кызматчысына (аскер кызматчыларына) эсептелген материалдык каражаттарды эсептен чыгарууга негиз болуп саналат.

Аттестатты берүүгө негиз болуп аскер бөлүгүнүн командиринин аскер кызматчысын (аскер кызматчыларын) жөнөтүү жөнүндө буйругу эсептелет.

Аттестаттарга (азык-түлүктөн тышкары) жазуулар өздүк пайдаланууга берилген мүлктү эсепке алуу китебинде камтылган маалыматтардын негизинде жазылат.

Аттестаттын башкы бөлүгүндө көрсөтүлөт: "Жөнөтүүчү" реквизитинин алдында - аттестат берилген аскер бөлүгү, "Алуучу"

реквизитинин алдында - аскер кызматчысы (аскер кызматчылары) кеткен аскер белүгү. Эгерде аскер кызматчысы (аскер кызматчылары) кеткен аскер бөлүгүнүн аталышы белгисиз болсо, анда бул реквизит аскер кызматчысы (аскер кызматчылары) жаңы аскердик кызмат өтөгөн жерге келгенде толтурулат.

Бөлүкчөнүн (команданын) аттестатына материалдык каражаттардын санын жана аларды ар бир аскер кызматчысына берүү мөөнөтүн көрсөтүү менен аскер кызматчыларынын аты-жөнүнүн тизмеси тиркелет. Ар бир аскер кызматчысы өзүнүн колу менен ага эсептелген материалдык каражаттардын көрсөтүлгөн маалыматтарын тастыктайт. Тизмеге аттестатка кол койгон кызмат адамдары, ошондой эле кетип жаткан бөлүкчөнүн командири (команданын улугу) кол коюшат жана ал аскер бөлүгүнүн Мамлекеттик герб тартылган мөөрү менен күбөлөндүрүлөт.

Аттестаттардын бланктары борборлоштурулуп, мазмундук бөлүктүн 2-графасында тиешелүү кызматтын материалдык каражаттарынын номенклатурасын көрсөтүү менен жасалат.

Аттестаттардын бланктарынын китептери аскер бөлүгүнүн (кошуундун) өкүлүнө ишенимкатты көрсөтүү боюнча берилет. Алыскы аскер бөлүктөрүнө (кошуундарга) аттестаттардын бланктарынын китептерин почталык заказдык жөнөтүү менен жибергенге уруксат берилет.

Берилген аттестаттардын бланкынын китептери сөзсүз түрдө боо менен байланат жана аскердик башкаруу органынын Мамлекеттик гербдин сүрөтү менен мастикалык мөөрү менен басылат. Аттестаттын бланкынын ар бир барагында анын катар номери (1ден 100гө чейин), китептин титулдук барагында анын номери жана сериясы, аскер бөлүгүнүн шарттуу аталышы, китеп берилген датасы жана ал берилген аскердик башкаруу органынын аталышы коюлат. Китептин сыртынын акыркы барагында (жазуу түрүндө) китептеги барактардын номерленген, шнурланган жана мөөр басылган саны көрсөтүлөт. Бул жазуу китепти берген кызмат адамынын колу менен тастыкталат.

Аттестаттын толтурулган, бирок колдонулбаган, ошондой эле бузулган барактары сызылып салынат жана түптөрү менен бирге сакталат.

Аттестаттардын бланктарынын китептери же анын өзүнчө барактары жоголгон учурда кызматтык иликтөө жүргүзүлөт жана бул жөнүндө жогору турган тиешелүү кызматтын башчысына билдирилет. Билдирүүдө жоготулган китептин сериясы. жана номери, ошондой эле аларда колдонулбаган барактардын номерлери көрсөтүлөт.

67. Материалдык каражаттардын бардыгы жана кыймылы жөнүндө билдирүү бөлүкчөдө (устаканада, цехте) жана авиациялык аскер бөлүгүндө материалдык каражаттардын бардыгын жана кыймылын эсепке алууга арналган. Ал отчеттук документ дагы, ошондой эле жетишпеген материалдык каражаттарды талап кылууга табыштама болуп да эсептелет.

Бөлүкчөдө (устаканада, цехте) билдирүү эки нускада түзүлөт. Билдирүүнүн биринчи нускасы аскер бөлүгүнүн кызматына (кампанын

ЭАОБ) көрсөтүлөт, экинчи нускасы бөлүкчөдө (устаканада, цехте) калат, Билдирүүгө бөлүкчөнүн командири (устакананын башкы инженери) кол коёт, ал боюнча корутундуну тиешелүү кызматтын башчысы (кампанын башкы инженери) берет.

Авиациялык аскер бөлүгүндө учуу күнү аяктаганда билдирүүнү аскер бөлүгүнүн инженери түзөт: чыгымдалган ракеталар жөнүндө - үч нускада; калган ок-дарылар жөнүндө - эки нускада. Билдирүүгө штурман жана аскер бөлүгүнүн инженердик-авиациялык кызматынын башчысы кол коёт, ал эми корутундусуна аскер бөлүгүнүн командири жана анын куралдануу боюнча орун басары кол коёт, ал Мамлекеттик гербдин сүрөтү бар менен күбөлөндүрүлөт. Аскер бөлүгүнүн инженердик-авиациялык кызматынан чыгымдалган авиациялык башкарылуучу ракеталар жөнүндө билдирүүнүн эки нускасы жана калган ок-дарылар жөнүндө бир нускасы кийинки күндөн кечиктирилбестен авиациялык куралдануу кызматына көрсөтүлөт. Чыгымдалган авиациялык башкарылуучу ракеталар жөнүндө билдирүүнүн бир нускасы аскердик башкаруу органына көрсөтүлөт, ал аркылуу аскер бөлүгү ракеталар менен камсыздалат.

8, 9, 13 жана 14-графаларда материалдык каражаттардын (трофейлер, күжүрмөн жоготуулар жана башка) кыймылы боюнча тиешелүү кошумча маалыматтар жазылат.

Билдирүүнүн "Түшүндүрмө" бөлүгүндө отчеттук мезгилге бардык кириш жана чыгыш эсептик документтери саналат.

68. Эсептик документтерди каттоо китеби бардык таризделүүчү жана келип жаткан баштапкы эсептик документтерди (накладнойлорду, наряддарды, актыларды, чек талаптарын, чек талаптарынын талондорун, аттестаттарды жана башкаларды), эсеп карточкаларын, эсептик маалыматтарды техникалык алып жүрүүчүлөрдү эсепке алууга, ошондой эле көрсөтүлгөн документтердин аткарылгандан кийин кайтарылышын контролдоого арналган.

Китеп аскер бөлүгүнүн кызматында, ЭАОБ, МТКБ, кампанын өзгөчөлөнгөн сактоо бөлүмдөрүндө, аскердик башкаруу органдарында жана маалыматтык-эсептөө бөлүкчөлөрүндө ачылат.

Китепте материалдык каражаттардын түрлөрү боюнча же эсептик документтердин түрлөрү (кириштөө, чыгыштоо, эсеп карточкасы жана башка) боюнча документтерди эсепке алуу үчүн өзүнчө барактар бөлүнөт. Эсептик документтердин кыймылы көп болгондо, ошондой эле көп сандагы эсеп карточкаларын жүргүзүүдө, көрсөтүлгөн документтерди эсепке алууну өзүнчө китептерде жүргүзүүгө уруксат берилет.

РАК үчүн баштапкы эсептик документтерди алардын түрлөрү боюнча каттоодо эсеп китебинин тиешелүү бөлүмдөрү катар номерлери боюнча номерленет. Бул учурда эсеп документтеринин номери бөлчөк түрүндө көрсөтүлөт, анын алымында бөлүмдүн номери көрсөтүлөт, бөлүмүндө - документти каттоонун катар номери көрсөтүлөт.

Таризделүүчү эсептик документтерди (эсеп карточкаларынан тышкары) каттоонун катар номери алардын номери болуп эсептелет.

Башка аскер бөлүктөрүнөн (аскердик башкаруу органдарынан, алып келүүчүлөрдөн) келген документтерде каттоонун катар номерлери алардын каттоо номери болуп саналат. Эсептик документтер аларга кызмат адамдары кол койгондон (бекиткенден) кийин келүүсү боюнча катары менен катталат.

Китептин 13 жана 14-графалары тиешелүү эсептик документ делого тигилгенден кийин толтурулат.

Операциялык жыл аяктагандан кийин акыркы жазуунун алдында китептин ар бир бөлүгүндө жыйынтыктоочу жазуу жазылат: "20__-жылдын 31-декабрына чейинки абалы боюнча катталды (китептин бөлүгүндө катталган документтердин саны жана кайсы документтер: кириштөө, чыгыштоо жана башка көрсөтүлөт)". Жыйынтыктоочу жазуу күбөлөндүрүлөт: аскер бөлүгүндө, кампада - кызматтын (ЭАОБ, МТКБ) башчысынын жана эсепти жүргүзгөн адамдын колу менен, аскердик башкаруу органында - тиешелүү материалдык каражаттарды эсепке алган адамдын колу менен.

69. Бөлүкчөдө материалдык каражаттардын бардыгын жана кыймылын эсепке алуу китеби КААТ, ок-дарыларды, күйүүчү майды, азык-түлүктү, жабдууларды, аспаптарды жана башка материалдык каражаттардын бардыгын жана кыймылын эсепке алууга арналган.

Уулуу жана катуу таасир берүүчү заттарды эсепке алууга өзүнчө китеп ачылат.

Китеп кампанын бөлүмүндө, бөлүкчөдө, устаканада жана башка аскердик чарбанын объектилеринде жүргүзүлөт.

Материалдык каражаттардын ар бир аталышына жана категориясына китепте өздүк эсеп ачылат. Барактагы ар бир эсепти топтоштуруу материалдык каражаттардын өзүнчө номенклатурасынын жана алардын продукциянын классификатору боюнча тизмегинин кыймылын эсепке алуу менен жүргүзүлөт.

Материалдык каражаттардын киришине жана чыгышына байланышкан операциялар китепте күн сайын чагылдырылат.

Оңдоо бөлүкчөсүндө жабдууларды жана аспаптарды эсепке алуу цехтер боюнча китепте жүргүзүлөт. Мында ар бир цех үчүн эсепке алынуучу материалдык каражаттардын аталыштарынын санына карата барактардын керектүү саны бөлүнөт.

"Эсепте турат" графаларында маалыматтарды жазуу кыймыл болгон материалдык каражаттар боюнча гана жазылат, ал эми башка материалдык каражаттарды эсепке алуу графаларында мурунку калдыктарды көчүрүү жүргүзүлөт.

Эсептик маалыматтарды текшерүү жөнүндө белгилер кийинки сапка жазылат. Мында: 1-графада - текшерүү датасы, 2-графада - "Текшерилди", "Эсепте турат" - графасында текшерген күнгө материалдык каражаттардын калдыктары жазылат. Текшерүүнү жүргүзгөн адамдар -графада аты-жөнүн көрсөтүү менен кол коюшат.

Китептерди, бланктарды, запастык бөлүктөрдү жана башка мүлктү эсепке алууну уюштуруу үчүн ЭАОБ жана сактоо бөлүмдөрүндө эсеп карточкаларынын ордуна материалдык каражаттардын бардыгын жана кыймылын эсепке алуу китебин жүргүзүүгө уруксат берилет.

70. РАК кызматынын эндей түрүндөгү запастык аспаптарын жана тетиктерин, башка материалдык каражаттарды эсепке алуу китеби аларды кириштөө жана чыгыштоо жөнүнө жазуулар чанда жазылган эндей түрүндөгү запастык аспаптарды оңдоо устаканасындагы жабдууларды, чыгымдоо материалдарын, жашыруун эмес техникалык документацияларды, кызматтык адабияттарды жана башка материалдык каражаттардын бардыгын жана кыймылын эсепке алууга арналган.

Китеп аскер бөлүгүнүн кампасында жана кампанын оңдоо бөлүкчөлөрүндө (БАБО түзүмдүк бөлүкчөлөрүндө) жүргүзүлөт. Ал аскер бөлүгүнүн кызматында да жүргүзүлөт. Материалдык каражаттардын ар бир тобуна китепте өзүнчө бир нече барак бөлүнөт.

ЗБАЖдын курамдык бөлүктөрүнүн аталышы, алардын индекси, чиймелердин (тетиктердин) номерлери 1-графада тиешелүү БАБО түзүмдүк бөлүкчөлөрүндө белгиленген катары менен жазылат (китептерди басып чыгарууда таризделет). 1-графада номенклатураларды башка түрлөрү (топтору) боюнча топтоштуруу алардын кыймылын эсепке алуу менен жүргүзүлөт.

Китепте баштапкы жазуулар аскер бөлүгүнүн (кошуундун) кампасында, кампанын ЭАОБ жазылат, ал эми кийинки жазууларды эсепке алууга жооптуу адамдар жазышат.

Китепте жазуулар аскер бөлүгүнүн (кошуундун) кампасында материалдык каражаттарды ар бир кабыл алууда (берүүдө), бардык оңдоо бөлүкчөлөрүндө, ошондой эле аскер бөлүгүнүн (кошуундун) кампасында материалдык каражаттарды ар бир жолу алууда (берүүдө) жана эсептен чыгарууда жүргүзүлөт.

ЗБАЖ эсептен чыгаруу жүргүзүлөт: устаканада - ай сайын бузук КААТ эсепке алуу китебинде оңдолгон КААТтын, чыгымдалган ЗБАЖдын жана чыгымдоо материалдарынын саны боюнча чыгарылган жыйынтыктардын негизинде, аскер бөлүгүнүн кызматында - устакананын башчысынын бузук КААТты эсепке алуу китебинде камтылган маалыматтар боюнча түзүлгөн кварталдык билдирүүлөрүнүн негизинде.

Билдирүүдө көрсөтүлөт: ЗБАЖ аталышы (индекси, чийменин номери), номенклатураларынын коду, чыгымдалган (оңдоого, техникалык тейлөөгө, бирден ЗБАЖ комплекттөөгө, жасоого жана баарына) ЗБАЖ жана чыгымдоо материалдарынын саны.

Текшерүү жөнүндө белгилер китептин ар бир барагында "Эсепте турат" реквизитинин акыркы толтурулган графасынын төмөнкү сабында белгиленет.

Белгилүү бир мөөнөттө материалдык каражаттардын кыймылы боюнча жыйынтыктарды жасоо үчүн "Келди", "Кетти" жана "Эсепте турат" графалары менен биринчи бош тилкеси бөлүнөт. Жыйынтыктар бардык мурунку "Келди" жана "Кетти" графаларындагы көрсөткүчтөрдү кошуу жолу менен аныкталат. Алынган жыйынтыктар жыйынтыктоо тилкесиндеги бир аталыштагы графаларга жазылат. Жыйынтыктоо тилкесиндеги "Эсепте турат" графасындагы калдыктар жөнүндө маалыматтар кийинки тилкенин бир аталыштагы графасынан көчүрүлөт.

71. Материалдык каражаттардын бардыгын жана кыймылын эсепке алуу китеби аскер бөлүгүнүн кызматында, кампада жана аскердик башкаруу органында КААТ, ок-дарылардын жана башка категориялуу материалдык каражаттардын бардыгын жана кыймылын эсепке алуу үчүн арналган.

Китепти тариздөөдө материалдык каражаттардын ар бир аталыштарына мүмкүн болгон жазуулардын санына карата бир же бир нече барак бөлүнөт.

Ар бир отчеттуу бөлүкчөгө (аскер бөлүгүнө, кошуунга, кампага) бир нече графалары, анын ичинде "Жалпы" бир графасы жана "Алардын ичинен категориялары (сорттору) менен" графаларынын керектүү саны менен өздүк эсеп бөлүнөт.

Бөлүкчөлөрдүн (аскер бөлүктөрүнүн, кошуундардын, кампалардын, бирикмелердин) саны көп болгондо китепте кошумча барактар колдонулат.

Камсыздоонун ар кандай түрүндөгү РАКты эсепке алуу куралдануунун, ракетанын жана ок-дарылардын ар бир камсыздоо түрү үчүн же бир эсеп китебинде ар кандай өздүк эсептери менен бир эсеп китебинде жүргүзүлөт.

Көрсөтүлгөн материалдык каражаттарды бир китепте РАК кампасы боюнча (куралдануу базасынан сактоо бөлүмүнө, аскер бөлүгүнө, бөлүкчөдө) РАК кампасы (куралдануунун артиллериялык базасынын сактоо бөлүмү, аскер бөлүгү, бөлүкчө) үчүн толугу менен алар боюнча маалыматтарды бир нече графага чагылдыруу менен жана өзүнчө аларды камсыздоо түрү боюнча өздүк эсеп бөлүнөт. РАК камсыздоонун ар бир түрү (учурдагы камсыздоо, кол тийбес запас) үчүн өзүнчө китептерде материалдык каражаттарды эсепке алууну жүргүзүүдө кошумча эсеп китеби (карточкасы) ачылат, анда аскер бөлүгү үчүн материалдык каражаттардын бардыгы жөнүндө маалыматтар толугу менен көрсөтүлөт.

Китепте биринчи жазуулар баштапкы документтердин, мурунку китептен алынган материалдык каражаттардын калдыктары жөнүндө маалыматтардын негизинде, ал эми эсеп китебин жоготуп алган учурда -материалдык каражаттарды акыркы инвентаризациялоо актысынын негизинде жазылат.

Толуп калган китептен жаңы ачылган китепке калдыктарды көчүрүүдө толтурулат: 2-графада "Эсеп китеби", 3-графада -анын номери, 4-графада - китептин барагы, 5-графада - "Калдыкты көчүрүү". 6 жана 7-графаларда жазуулар жазылбайт.

Категориясыз материалдык каражаттар боюнча 9-13 графалар жана 15-19- графалар толтурулбайт.

Аскер бөлүгүнүн (кампанын, кошуундун, бирикменин, Куралдуу Күчтөрдүн) ичиндеги материалдык каражаттардын кыймылында 6 жана 7-графаларда жазуулар жазылбайт. 8-13-графаларда мурунку калдыктар кайталанат. Өздүк эсептеги калдыктардын өзгөрүшү эсептик документтер боюнча алуучу (тапшыруучу) же алып келүүчү болуп эсептелген бөлүкчөлөрдүн гана өздүк эсептеринде чагылдырылат. Башка бөлүкчөлөрдүн (аскер бөлүктөрүнүн, кошуундардын, сактоо бөлүмдөрүнүн, кампалардын) өздүк эсептеринде, ар бир өздүк эсеп боюнча материалдык каражаттардын калдыктары чыгарылган ар бир китептин биринчи сабынан тышкары жазуулар жазылбайт, ал эми РАК боюнча материалдык каражаттардын мурунку калдыктарынын жазуулары кайталанат.

РАКты эсепке алууда "Ченемдүү запас: минималдуу, максималдуу" жазуулары толтурулбайт.

Текшерүү жөнүндө белги китептин кийинки сабында жазылат. Мында, 1-графада текшерүү датасы, 2-графада "Текшерилди" жазуусу жазылат, ал эми өздүк эсептин алдында бөлүкчөлөрдө, кампада (аскер бөлүктөрүнүн, кошуундардын, бирикмелердин кызматтарында) эсепке жооптуу адамдар кол коюшат. Текшерүү жүргүзүлгөн күнгө материалдык каражаттардын калдыгы бул сапта чыгарылбайт. Текшерүүгө келген, ошондой эле текшерүү жүргүзгөн адамдардын аскердик кызмат ордун, наамын, фамилиясын жана атын текшерүү жүргүзүлгөн датасын көрсөтүү менен китептин аягында бош барактарда же бул китепке чапталган атайын даярдалган ведомостто материалдык каражаттарды эсепке алууну жүргүзгөн адам жазат. Жазуулардын тууралыгын текшерүүгө келгендер, ошондой эле текшерүү жүргүзгөндөр өздөрүнүн кол тамгалары менен күбөлөндүрүшөт.

РАК боюнча текшерүү жүргүзүүдө бөлүкчөнүн (аскер бөлүгүнүн) өздүк эсебинин "Бардыгы" реквизитинин графасында бөлүкчөдө (аскер бөлүгүндө) эсепке алууга жооптуу кызмат адамы кол коёт, ал эми "Алардын ичинен категориясы боюнча" реквизитинин графаларында анын фамилиясы көрсөтүлөт. Бир иш күнүнүн ичинде текшерүү жүргүзүүгө мүмкүн болбогудай бөлүкчөлөрдүн (аскер бөлүктөрүнүн) саны көп болгондо, 1-графада эсептик маалыматтарды текшерген айы жана жылы көрсөтүлөт, ал эми текшерүү жүргүзүлгөн датасы бөлүкчөнүн (аскер бөлүгүнүн) өздүк эсебинин "Алардын ичинен категориясы боюнча" реквизитинин графаларында текшерген кызмат адамынын фамилиясынан кийин көрсөтүлөт.

Аскер бөлүктөрүнүн (кошуундардын, кампалардын) материалдык каражаттарынын эсептик маалыматтарын БАБО түзүмдүк бөлүкчөлөрүндө жүргүзүлгөн БАБО материалдык каражаттардын бардыгын жана кыймылын эсепке алуу китептериндеги эсептик маалыматтары менен пландык (пландан тышкаркы) текшерүүдө, 1-графада текшерүү жүргүзүлгөн күндүн датасын жазбоого уруксат берилет.

Аскер бөлүктөрүнүн эсептик маалыматтарынын куралдануу башкармалыгынын жана/же МАУ, УО жана АК башкаруу органынын эсептик маалыматтары менен текшерүү календардык жылдын ичинде көрсөтүлгөн башкармалыкта иштелип чыккан график боюнча же билдирүүлөрдүн негизинде жүргүзүлөт. Эсептик маалыматтарды текшерүүгө тастыктоо болуп, эсептик маалыматтарда айырма жок болгондо, куралдануу башкармалыгы жана/же МАУ, УО жана АК башкаруу органында берилген билдирүү эсептелет. Билдирүү эсептик документтерди каттоо китебинде катталат, аны куралдануу башкармалыгынын жана/же МАУ, УО жана АК башкаруу органынын башчысы кол коёт. Эсептик маалыматтарда айырмачылыктар болгондо аскер бөлүгүнө айырмачылыктарды көрсөтүү менен буйрук жөнөтүлөт. Аскер бөлүгүнөн эсептик маалыматтардагы айырмачылыктарды жоюу үчүн актоочу документтерди көрсөтүү мөөнөтү аларды текшерген күндөн жети иш күнүнөн ашпашы керек. Куралдануу башкармалыгынан жана/же МАУ, УО жана АК башкаруу органынан текшерүү жүргүзүү жөнүндө билдирүүнү алганда көрсөтүлгөн аскер бөлүгүнөн куралдануу башкармалыгына жана/же МАУ, УО жана АК башкаруу органына өткөн календардык жыл үчүн РАК бардыгы жана кыймылы жөнүндө билдирүүнү көрсөтпөөгө уруксат берилет.

Куралдануу башкармалыгында жана/же МАУ, УО жана АК башкаруу органында эсептөө техникасын колдонуу менен эсепке алууда эсептик маалыматтарды текшерүү көрсөтүлгөн башкармалыктан жөнөтүлгөн материалдык каражаттардын бардыгы тууралуу ведомосттор (маалымкаттар) (мындан ары - текшерүү ведомосту) боюнча эсепке алууга уруксат берилет. Текшерүү ведомостунун формасын жана аны толтуруу тартибин куралдануу башкармалыгынын жана/же МАУ, УО жана АК башкаруу органынын башчысы аныктайт. Аскер бөлүгүндө текшерүү ведомостунда көрсөтүлгөн эсептик маалыматтар аскер бөлүгүнүн эсептик маалыматтары менен текшерилет.

Андан кийин аскер бөлүгүнүн командири жана аскер бөлүгүнүн РАК кызматынын башчысы документтин ар бир барагына кол коёт. Аскер бөлүгүнүн эсептик маалыматтарында отчеттук мезгилде табылган материалдык каражаттардын калдыктары жана кыймылы боюнча айырмачылыктар болгон учурда, жазуулар куралдануу башкармалыгынын жана/же МАУ, УО жана АК башкаруу органынын эсептик маалыматтары көрсөтүлгөн барактын арткы бетине жазылат. Көрсөтүлгөн жазууларды аскер бөлүгүнүн командири жана аскер бөлүгүнүн РАК кызматынын башчысы тастыктайт. Бардык учурларда аскер бөлүгүнүн командиринин кол коюусу аскер бөлүгүнүн Мамлекеттик герби бар мөөрү менен күбөлөндүрүлөт. Текшерүү ведомосту куралдануу башкармалыгына жана/же МАУ, УО жана АК башкаруу органына аларды текшерүүгө жөнөткөн күндөн 10 күндөн кеч эмес убакыттын ичинде кайтарылууга тийиш. Ал эсеп китептеринде (карточкаларында) жазылууга тийиш эмес.

Эгерде эсептик маалыматтарды текшерүү билдирүүлөр боюнча аткарылса, анда аскер бөлүгүнүн өздүк эсебиндеги графаларда билдирүүнүн келген номери көрсөтүлөт.

72. КААТ номерлери боюнча эсепке алуу жана бекитүү китеби КААТ жана техникалык каражаттарды номерлери, маркасы жана түрлөрү боюнча эсепке алууга, ошондой эле көрсөтүлгөн материалдык каражаттарды бөлүкчөлөргө (жооптуу адамдарга) бекитүүнү эсепке алууга арналган. Бул китепте бирикменин (БАБО) кампасынын өндүрүштүк жабдуулары эсепке алынат.

Китеп аскер бөлүгүнүн кызматында жана кампасында, (БАБО) кампасында жүргүзүлөт. Саналуу номенклатурада китепти ошол эле формадагы ведомость менен алмаштырууга уруксат берилет.

Китеп КААТ түрлөрү боюнча бөлүмдөрдөн турат. Бөлүмдө куралдануунун (техниканын, башка материалдык каражаттардын) ар бир түрү жана анын модификациясы үчүн бир же бир нече барак бөлүнөт.

Китептеги биринчи жазуулар баштапкы эсептик документтердин жана аскер бөлүгүнүн командиринин (кампалардын башчыларынын) буйруктарынын негизинде жүргүзүлөт. Кампада (сактоо бөлүмүндө) куралданууну (техниканы, техникалык каражаттарды) эсепке алууда 7-графада сактоочу жайдын, штабелдердин жана кутулардын номерлери жазылат, 8-графа толтурулбайт.

73. КААТ номерлери боюнча жана техникалык абалы боюнча эсепке алуу китеби КААТ номерлери, техникалык абалы жана иштетилген рес^5су (жүрүү запасы) боюнча эсепке алууга, ошондой эле аларды бекитүүнү эсепке алууга арналган.

Китеп аскер бөлүгүнүн кызматында, кампанын ЭАОБ жана аскердик башкаруунун органында жүргүзүлөт. Китепте эсепке алынуучу куралдануунун (техниканын) тизмегин тиешелүү БАБО түзүмдүк бөлүкчөлөрүнүн башчылары аныктайт. Саналуу номенклатура болгондо китепти ошол эле формадагы ведомостко алмаштырууга уруксат берилет.

Китеп куралдануунун (техниканы) топтору боюнча бөлүмдөрдөн турат. Бөлүмдөрдө куралдануунун (техниканын, башка материалдык каражаттардын) ар бир түрү жана анын модификациясы үчүн бир же бир нече барак бөлүнөт. БАБО түзүмдүк бөлүкчөлөрүндө китептер кошуундар (бирикмелер) боюнча жүргүзүлүшү мүмкүн.

Китепте биринчи жазуулар: аскер бөлүгүндө - баштапкы эсептик документтердин, формулярлардын (паспорттордун) жана аскер бөлүгүнүн командиринин буйруктарынын негизинде, кошуунда, аскердик башкаруу органында (Куралдуу Күчтөрдүн түрүндө, БАБО) - аскер бөлүктөрүнөн (кошуундардан, бирикмелерден, Куралдуу Күчтөрдүн түрүнөн) келип түшкөн билдирүүлөрдүн негизинде жазылат. 1-графада куралдануунун (техниканын) базалык үлгүлөрүнүн гана катары боюнча номерлери жазылат.

Эсепке алынуучу ар бир куралдануунун (техниканын) ар бир бирдиги боюнча бардык графаларда биринчи сапта куралдануунун (техниканын) базалык үлгүсүнүн эсептик көрсөткүчтөрү жазылат, кийинки саптарында анын комплектисине (комплексине) кирген жана номерлери боюнча эсепке алынган түзүлүштөрдүн (агрегаттардын, куралдардын, учуруу орнотмолорун, пулеметтордун, мээлегичтердин, келтирүү приборлорун, ок атууну башкаруу түзүмдөрүн, навигациялык аппаратуралар, радиоэлектрондук кабыл алуу-берүү түзүлүштөрүн жана башкалардын) эсептик көрсөткүчтөрү жазылат.

Ар бир үлгүдөгү куралдануу (техника) бөлүкчөлөрдүн (аскер бөлүктөрүнүн) китепке кабыл алынган катары менен номерлештирүү боюнча жазылат, мында келип жаткан куралданууну (техниканы) эсепке алуу үчүн бош саптар калтырылат.

Аскер бөлүгүнүн (кошуундун) китебинин 14-графасында бөлүкчөлөр (кошуундар) жана кампа көрсөтүлөт, ал эми аскердик башкаруу органынын китебинде - аскер бөлүктөрү (кошуундар, бирикмелер, Куралдуу Күчтөрдүн түрү) көрсөтүлөт.

17-графада орто жана капиталдык оңдоо, номердик жана регламенттик техникалык тейлөө жөнүндө жазуулар жазылат.

22-25-графаларда куралдануунун (техниканын) өзүнчө түрлөрүн эсепке алууда реквизит-белгилер жазылат. Сооттанктык КААТ эсепке алууда мындай реквизиттер болуп төмөнкүлөр саналат жана катары менен жазылат: динамикалык коргоо комплектисинин болуусу жана анын түрү (чатырланган, курулган), түтүндүү гранаталарды учуруу түзүмүнүн бардыгы жана анын маркасы, сактоо түрү, герметикалоо ыкмасы.

26-36-графалардын аталыштарында катары менен КААТ эксплуатациялоо жылдары, көбөйгөн жыйынтыгы менен эксплуатациялоого берилгенден тартып ар бир өткөн жыл үчүн иш жүзүндө иштетилгендиги жазылат. Сооттанктык КААТ эсепке алуу китебинде кошумча 26-36-графалардын аталыштарына катары менен машиналардын жүрүү запасынын интервалы жазылат: 0-1000, 1001-2000, 2001-3000, 3001-4000, 4001-5000, 5001-6000, 6001-10000, 10001-20000, 20001-30000, 30001-40000, 40000 ден жогору.

Көрсөтүлгөн графаларда жазуулар бөлчөк түрүндө жазылат: алымында - жазылган датасы, бөлүмүндө - машиналардын иш жүзүндө иштегени жөнүндө маалыматтар. Сооттанктык КААТ иштегендиги тууралуу маалымат аскер бөлүгүндө такталат: күжүрмөн машиналар боюнча - ар бир машыгууга чыккандан кийин, окуу-күжүрмөн (окуу-саптык, транспорт), ошондой эле нөөмөттүк сүйрөткүч катары жана башка максаттарга колдонулган саптык машиналарга - жылына эки жолу (1-январь жана 1-июлдагы абалы боюнча), аскердик башкаруу органында-КААТ үлгүсүнүн иш жүзүндө иштеген бир диапазондон экинчисине өткөндө.

Башкармалыкта жана/же МАУ, УО жана АК куралдануу, аскердик атайын техника жана аскердик-техникалык мүлктү башкаруу органында РАКты эсепке алуу 26-36-графалар боюнча, авиациялык техниканы 15, 26-36-графалар боюнча эсепке алынбайт.

74. Буюмдарды номерлери жана техникалык абалы боюнча эсепке алуу китеби буюмдарды номерлери жана техникалык абалы боюнча эсепке алууга арналган. Анда буюмдарды кармоо режимдери, алардын сактоо шарттары, толуктап иштеп чыгуу, регламенттик иштер жана аларга ЗБАЖ курамдык бөлүктөрүн алмаштыруу эсепке алынат.

Китеп аскер бөлүгүнүн кызматында, кампанын ЭАОБ жана бирикменин аскердик башкаруу органында (БАБО түзүмдүк бөлүкчөлөрүндө) жүргүзүлөт.

Эсепке алынуучу буюмдардын тизмегин тиешелүү БАБО түзүмдүк бөлүкчөсүнүн башчысы аныктайт.

Китепте эсепке алынуучу ар бир аталышка барактардын тийиштүү саны бөлүнөт.

Китепте баштапкы жазуулар жазылат: аскер бөлүгүндө, кампанын ЭАОБ-баштапкы эсептик документтердин, формулярлардын (паспорттордун) негизинде, кошуундун кызматында жана бирикменин аскердик башкаруу органында (БАБО түзүмдүк бөлүкчөсүндө) - аскер бөлүктөрүнөн (кошуундардан, кампалардан, бирикмелерден) келип түшкөн билдирүүлөрдүн негизинде жазылат.

Ар бир эсепке алынуучу бирдикке биринчи сапта бардык графаларда бул буюмдун эсептик көрсөткүчтөрү жазылат, ал эми кийинки саптарда-анын негизги комплекттөөчү приборлорунун эсептик көрсөткүчтөрү жазылат. Ошону менен бирге төмөнкүлөр: 1-графада буюмдардын гана номерлери, 16-графада - жарамдуулук мөөнөтү буюмдукунан аз болгон приборлорду (түйүндөрдү) гана алмаштыруу датасы, 18-графада - буюмду сактоо шарттары ("Жылытылган сактоочу жай", "Жылытылбаган сактоочу жай" же "Ачык аянт") жазылат.

75. Бузук КААТты эсепке алуу китеби бузук КААТты эсепке алууга, ошондой эле алардын күжүрмөн даярдыгын калыбына келтирүүнү контролдоонун жүрүшүн эсепке алууга арналган.

Китеп аскер бөлүгүнүн кызматында, кампанын ЭАОБ (МТКБ) жүргүзүлөт.

Китепте эсепке алынуучу куралданууга (техникага) барактардын тиешелүү саны бөлүнөт.

Китепте баштапкы жазуулар техникалык абалынын актыларынын жана оңдоого наряддардын негизинде жазылат.

2-графада куралдануу (техника) бекитилген бөлүкчө (аскер бөлүгү) көрсөтүлөт, 8-графада бузук курал (техника) жөнөтүлгөн ондоо бөлүкчөсүнүн (аскер бөлүгүнүн, мекеменин) аталышы жазылат.

Эгерде курал (техника) ондоого жараксыз болуп калса, анда 12-графада аны 5-категорияга которуу негизи жана датасы көрсөтүлөт.

Көрсөтүлгөн маалыматтар КААТтын номерлери жана техникалык абалы боюнча эсепке алуу китебинин 12 жана 13-графаларындагы жазууларга же буюмдарды номерлери жана техникалык абалы боюнча эсепке алуу китебинин 10, 11-графаларындагы жазууларга дал келиши керек. 12-графада жогору турган башчыга көрсөтүлгөн билдирүүлөр жөнүндө жана башка эсепке жазуулар жазылат.

Ай сайын китепте жыйынтыктар чыгарылат, анын ичинде бөлүкчөлөр (аскер бөлүктөрү) боюнча: бузук курал (техника) боюнча - 5-графада, ондоодон кайтарылган курал (техника) боюнча - 11-графада.

76. Ченөө каражаттарын оңдоо, текшерүү жана техникалык абалын эсепке алуу китеби ченөө каражаттарын ондоо, текшерүү жана техникалык абалын, анын ичинде КААТтын комплектисине киргендердин, эксплуатациялоодо жана сактоодо тургандарды эсепке алууга арналган.

Китеп аскер бөлүгүнүн кызматында (бөлүкчөдө), ошондой эле кампада жүргүзүлөт.

Кызматтын (кампанын) эсепке алуу китебинде жазуулар ар бир бөлүкчө үчүн өзүнчө жана ченөө каражаттарынын түрлөрү боюнча өзүнчө төмөнкү тартипте жүргүзүлөт:

- радиоченөө приборлору;

- электрдик ченөө приборлору;

- магниттик ченөө үчүн ченөө приборлору;

- механикалык ченөө үчүн ченөө приборлору;

- линиялык- бурчтук ченөөлөр үчүн ченөө приборлору;

- физикалык-техникалык ченөөлөр үчүн ченөө приборлору:

- иондолгон нурланууларды ченөө үчүн ченөө приборлору;

- башка ченөө приборлору, анын ичинде атайын.

2, 5 жана 10-графаларга жазуулар ченөө каражаттарынын формулярларында (паспорттордо) көрсөтүлгөн маалыматтардын негизинде жазылат.

9-графа метрологиялык камсыздоо боюнча документтердин негизинде жазылат.

11-15-графалардагы алымда пландалган, бөлүмүндө иш жүзүндө ченөө каражаттарын текшерүү датасы жазылат.

16-18-графалардагы алымда жөнөтүү датасы, бөлүмүндө оңдоодон келген дата жазылат.

"Эскертүү" графасында эсептен чыгаруу, ченөө каражаттарын башка аскер бөлүгүнө (бөлүкчөгө) берүү, документтердин номерлерин жана датасын көрсөтүү менен оңдоо жана текшерүү органдарына жөнөтүү жөнүндө белгилер жазылат.

77. КААТ жана башка материалдык каражаттарды оңдоону (тейлөөнү, жасап чыгууну) эсепке алуу китеби КААТ жана башка материалдык каражаттарга жүргүзүлгөн ондоону (техникалык тейлөөнү, регламенттик иштерди, жасап чыгууну) эсепке алууга арналган. Анда алмаштырылган агрегаттар, чыгымдалган запастык бөлүктөр, ЗБАЖ эсепке алынат.

Китеп ондоо (дегазация, дезактивация, дезинфекция, жуу, химиялык жасап чыгуу жана жасап чыгуунун башка түрлөрү) жүргүзүлгөн бөлүкчөдө (аскер бөлүгүндө), ошондой эле бузулган машиналарды топтоо пунктунда (мындан ары - БМТП) жүргүзүлөт.

1-13-графаларда эсептик маалыматтар куралдарды (техниканы, башка материалдык каражаттарды) оңдоого (жасап чыгууга) кабыл алууда жазылат.

3-графада алардан куралдарды (техника, башка материалдык каражаттар) тапшырылган бөлүкчөлөр (аскер бөлүктөрү) көрсөтүлөт. Негизи катары оңдоого наряддын же башка буйруктун номери жана датасы жазылат.

6-графада номерлери боюнча эсепке алынган куралдар (техника) боюнча анын заводдук номери (номердик белгиси) жазылат, ал эми башка куралдар (техника) боюнча - кабыл алынган бирдиктин саны жазылат. Жууганга тапшырылган материалдык каражаттар боюнча - алардын саны (кабыл алынган чендер менен) жана массасы (килограмм менен) жазылат.

14-21-графалар КААТ жана башка материалдык каражаттарды оңдоого (тейлөөгө, регламенттик иштерге, жасап чыгууга) кабыл алгандан кийин толтурулат.

Чыгымдалган ЗБАЖ жана материалдардын аталыштары көп санда болгондо, алардын ордуна 18-графада алардын негизинде ЗБАЖ чыгымдалган өндүрүштүк документтердин номерлери жазылат. Номерлери боюнча эсепке алынган буюмдар (агрегаттар, приборлор жана башкалар) боюнча 18-графада алардын номерлери жазылат.

Учак боюнча 19-графада аны абада сыноо жөнүндө актыга кол коюлган дата жазылат.

Ар бир айдын аягында китепте 3-графада аталыштарды саноо менен, ал эми 5-графада - оңдолгон куралдануунун (техниканын, башка материалдык каражаттардын) санын саноо менен жыйынтык чыгарылат. Жыйынтык эсепке алууга жооптуу кызмат адамынын колу менен күбөлөндүрүлөт.

Китепте жана өндүрүштүк документтерде камтылган жазуулардын маалыматтары боюнча материалдык каражаттардын бардыгы жана кыймылы жөнүндө билдирүү түзүлөт.

Бузулган машиналарды топтоо пунктундагы (мындан ары - БМТП) китепте анын ар бир жайгаштыруусунда БМТПны жайгаштыруу ордун жана районун көрсөтүү менен (карта боюнча координаттары) таблицанын аты жазылат.

Машиналар БМТПга келип түшкөндө алар эсепте турган аскер бөлүгү, ал эми айдоочулары менен келип түшкөндө айдоочулардын аскердик наамы жана фамилиясы жазылат.

БМТП жоюуда же анда чогултулган бардык техниканы эвакуациялык (оңдоо) бөлүкчөсүнө (аскер бөлүгүнө) берүүдө китеп алардын күчтөрү жана каражаттары менен БМТП жайгаштырылган бөлүкчөсүндө калтырылат.

Бул бөлүкчөдө (аскер бөлүгүндө) жаңы БМТП жайгаштырууда, китепте жазуулар жаңы барактан башталат.

78. Убактылуу пайдаланууга берилген материалдык каражаттарды эсепке алуу китеби убактылуу пайдаланууга берилген материалдык каражаттарды эсепке алууга жана аскер кызматчысы жаңы кызмат өтөө ордуна кеткенде же запаска (отставкага) бошотулганда алардын кайтарылышын контролдоого, ошондой эле РАК кызматынын номенклатурасынын материалдык каражаттарын офицерлерге жана прапорщиктерге бекитүүгө арналган.

Китеп бөлүкчөдө, аскер бөлүгүнүн кампасында, сактоо бөлүмүндө жана кампанын устаканасында (цехте) жүргүзүлөт.

Китепте берилген ар бир материалдык каражаттардын аталыштарына жана же аны алган ар бир бөлүкчөгө (аскер кызматчысына) өзүнчө барактар бөлүнөт.

79. Категориялуу материалдык каражаттарды эсепке алуу карточкасы аскер бөлүгүнүн кызматында жана кампасында, сактоо бөлүмдөрүндө, сактоочу жайларда жана кампанын ЭАОБ (МТКБ), аскердик башкаруу органдарында категориялуу материалдык каражаттарды эсепке алууга арналган.

Жазууларды улантуу үчүн ачылган бир эле материалдык каражаттарды, РАКтан тышкары, эсепке алуу карточкасы мурунку карточкаларындагы ошол эле номерлер боюнча катталат.

Мындай карточкаларга бирдей номер берилет. Көрсөтүлгөн карточкалардын "Каттоо номери" графасынын алдында алардын катар номерлери китеп боюнча жазылат.

Аскер бөлүгүнүн (кошуундун) кызматында жана кампасында, сактоо бөлүмүндө (сактоочу жайда) жана кампанын ЭАОБ бир эле материалдык каражаттарды эсепке алуу карточкасы, РАКтан тышкары, өзүнчө катталат.

Мындай карточкаларга бирдей номер берилет. Көрсөтүлгөн карточкалардын "Каттоо номери" реквизитинин алдында аларды китеп боюнча каттоонун катар номерлери жазылат.

Бардык материалдык каражаттардын эсеп карточкалары, РАКтан тышкары, материалдык каражаттардын алар боюнча эсепке алынган номенклатуралык номерлеринин тартиби боюнча топтоштурулат.

Тиешелүү номенклатурадагы бар болгон материалдык каражаттардын аталыштарынын санына байланыштуу, ар бир топ үчүн пландалган алып келүүлөрдү эсепке алуу менен, ар бир топтогу эсеп карточкаларына керектүү номерлердин диапазону берилет. Эсеп карточкаларынын номерлеринин ведомосту аскер бөлүгүнүн кызматында же кампанын ЭАОБ эркин формада таризделет жана төмөнкүлөрдү чагылдырышы керек: материалдык каражаттардын аталышы, эсеп карточкасына ыйгарылган, алар боюнча ушул материалдык каражаттар эсепке алынган алардын белгилерин жана номерин.

РАКты эсепке алуу карточкасы каттоо китебинде катталат жана мындан ары аларды делолордун, китептердин жана журналдардын номенклатурасында каттоо жүргүзүлбөйт, титулдук баракчасы жана картотекага күбөлөндүргөн жазуу аткарылбайт. Жазууларды улантуу үчүн ачылган бир эле материалдык каражаттарды эсепке алуу карточкалары, операциялык жылдын ичинде кийинки катар номери менен катталат.

Мындай карточкаларды каттоодо алардын номерлери алымдан (бүткөн карточканын номери) жана бөлүүчүдөн (каттоо китеби боюнча каттоонун катар номери) турушу керек. Аскер бөлүгүнүн (кошуундун) кызматында жана кампасында, сактоо бөлүмүндө (сактоочу жайда) жана кампанын ЭАОБ (МТКБ) жүргүзүлгөн бир эле материалдык каражаттарга эсеп карточкалары өзүнчө катталат.

Куралды эсепке алуу карточкасын сактоо аскер бөлүктөрүнүн өздүк эсептери боюнча жүргүзүлөт. МАУ, УО жана АК куралды эсепке алуу карточкалары толугу менен аскер бөлүктөрүнүн өздүк эсептеринин карточкаларынан өзүнчө сакталат.

Эсепке алуу карточкаларын материалдык жооптуу адамга же эсепке алган кызмат адамына берүү ушул Нускаманын 5-тиркемесине ылайык форма боюнча каттоо китебинде кол койдуруу менен жүргүзүлөт. Операциялык жылдын ичинде толгон эсеп карточкалары операциялык жылдын башында ачылган карточкаларга тиркелет жана алар менен бирге операциялык жылдын аягына чейин сакталат. Жаңы операциялык жылдын башында толгон эсеп карточкалар колдонуудан алынат жана аларды архивдик сактоого берилет. Куралдануу башкармалыгында жана/ же МАУ, УО жана АКтын операциялык жылдын ичинде толгон карточкалар жаңыларын ачкандан кийин картотекадан алынат.

Карточка 1 жана 2-барактан турат. Карточканын 1-барагынын арткы бети ар түрдүү КААТты жана башка материалдык каражаттарды, буюмдарды жана башкарылбаган ракеталарды эсепке алуу үчүн жасалат. Ар бир карточкадагы 2-барактын саны подотчеттук бөлүкчөлөрдүн (аскер бөлүктөрүнүн, кошуундардын, кампалардын, бирикмелердин) санына байланыштуу болот.

Аскер бөлүгүнүн кампасында жана сактоо бөлүмдөрүндө (сактоочу жайда), куралдануу башкармалыгында жана/же МАУ, УО жана АК башкаруу органдарында карточканын 1-барагы гана толтурулат. Ал РАКты эсепке алууда куралдануу башкармалыгында жана/же МАУ, УО жана АК башкаруу органдарында жүргүзүлөт. Мындан тышкары, РАК ар бир аталышына бирден ашык камсыздоочу бөлүкчөсү (аскер бөлүгү) болгондо жыйынтыктоочу таблица жүргүзүлөт. Бул учурда карточканын башкы бөлүгүндө "Партиянын номери" реквизитинин алдында "Жыйынтыктоочу" деген сөз жазылат.

Жыйынтыктоочу эсеп карточкасы материалдык каражаттын аскер бөлүгүнө биринчи келишинде баштапкы эсептик документтин же бөлүкчөлөрдүн (аскер бөлүктөрүнүн) бир аталыштагы материалдык каражаттар боюнча өздүк эсептеринин маалыматтарын комиссиялык жалпылоо актысынын негизинде ачылат.

Актыны комиссиянын төрагасы бөлүкчөлөрдө (аскер бөлүктөрүндө) эсептелген материалдык каражаттардын эсеп карточкаларында камтылган маалыматтардын негизинде түзөт. Актынын 2-графасында материалдык каражаттын аталышы көрсөтүлөт, ал эми төмөнүрөөк материалдык каражаттар эсепте турган бөлүкчөлөр боюнча эсеп карточкаларынын аталышы-номерлери көрсөтүлөт. Эсеп карточкаларынан сандык маалыматтар ар бир карточка боюнча өзүнчө 9-графада көрсөтүлөт. Актыда 6-8, 10-14-графалар бул учурда толтурулбайт.

Аскер бөлүгүнүн (кошуундун, бирикменин, кампанын, Куралдуу Күчтөрдүн түрүнүн) материалдык каражаттарынын кыймылына байланышкан операцияларды эсепке алууда, 1-барактын таблицасында 7-18-графалар толтурулбайт, ал эми 19-24-графаларда мурунку калдыктар кайталанат. Карточканын 2-барагынын таблицасына материалдык каражаттарды жөнөтүүчү жана алуучу болгон гана бөлүкчөлөрдүн (аскер бөлүктөрүнүн, кошуундардын, кампалардын, сактоочу жайлардын) өздүк эсептериндеги калдыктардын өзгөрүүлөрү киргизилет. Калган бөлүкчөлөрдүн (аскер бөлүктөрүнүн, кошуундардын) өздүк эсептеринде, толугу менен аскер бөлүгү (кошуун, кампа, бирикме, Куралдуу Күчтөрдүн түрү) үчүн ар бир өздүк эсеп боюнча материалдык каражаттардын калдыктары чыгарылган карточканын 1 жана 2-барактарынын арткы бетиндеги 1-саптан тышкары, материалдык каражаттардын калдыктары чыгарылбайт. РАК боюнча мурунку калдыктардын жазуулары кайталанат.

Карточканын 1-барагынын буюмдарды же ок-дарыларды эсепке алуу үчүн арткы бети аскер бөлүгүнүн (ракеталык кошуундун) РАК кампасында, артиллериялык базанын (кампанын) сактоо бөлүмүндө ок-дарыларды чогултуунун партиясы жана буюмдардын даярдык деңгээли боюнча баштапкы кириш жана чыгыш эсептик документтеринин жана буюмдардын формулярларынын (паспортторунун) көчүрмөсүнүн негизинде же ок-дарылардын өндүрүштүк маалыматтары боюнча жүргүзүлөт.

Карточканын 1-барагынын арткы бети ушул партиядагы буюмдардын техникалык абалын, аларды пландалган жана иш жүзүндө текшерүүнү, ошондой эле бракка чыгарылган буюмдар жана комплекттөөчү элементтерди алмаштырууну эсепке алууга арналган.

Карточканын 1-барагынын ок-дарыларды жана башкарылбаган ракеталарды эсепке алуу үчүн арткы бети аскер бөлүгүнүн кампасында, ошондой эле кошуундун кампасында жүргүзүлөт.

Ок-дарылардын ар бир партиясына жана атууга чогултулбаган ок-дарылардын элементтеринин ар бир партиясына өзүнчө карточка ачылат. Мындан тышкары, ок-дарылардын атууга чогултулбаган ар бир аталышына жана өзүнчө алардын сакталган элементтерине жыйынтыктоочу карточка ачылат.

Бул учурда карточканын башкы бөлүгүндө "Партиянын номери" реквизитинин алдында "Жыйынтыктоочу" деген сөз жазылат.

Куралдануу башкармалыгында жана/же МАУ, УО жана АК башкаруу органында ок-дарылардын жана атууга чогултулбаган ок-дарылардын элементтерин эсепке алуу ок-дарылардын (элементтердин) бардык партиясына толугу менен жана ок-дарылардын даярдык деңгээлине бөлбөстөн жүргүзүлет, Ок-дарыларды эсепке алуу категориялуу материалдык каражаттардын эсеп карточкасы, ок-дарыларды эсепке алуу үчүн арткы бетисиз (1-барак), боюнча жүргүзүлөт.

Алардын комплектисине кирген даяр октордун бардык партиясындагы заряддарды же башка элементтерди алмаштырууда жаңы карточка ачылат.

1-барактын мындай арткы бети менен башкы бөлүгүндө "Материалдык каражаттардын аталышы (индекси, чийменин номери)" реквизитинин алдында эсепке алынган ок-дарылардын аталышы жана алардын даярдыгы: акыркы жабдыкталган түрдө - "Окснарвидде", акыркы эмес жабдыкталган түрдө - "Окснарвидде эмес" көрсөтүлөт.

Бул барактын арткы бети бардык түрдөгү ок-дарылардын комплекттөөчү элементтеринин, жардыруучу ок-дарылардын жардыруучу жана тутандыруучу каражаттарынын, пиротехникалык, имитациялык каражаттарды жана башкалардын техникалык абалын эсепке алууга арналган.

Анда сакталган ок-дарыларды жана алардын курамдык бөлүктөрүн техникалык (контролдук) кароолор, текшерүүлөр, сыноолор жөнүндө маалыматтар эсепке алынат.

Эсептик маалыматтарды текшерүү жөнүндө жазуу карточканын мазмундук бөлүгүндө кийинки сапта жазылат. Мында 1-барактын 1-графасында текшерүү датасы, 2-барактын 2-31- графаларында подотчеттук бөлүкчөлөрдө (кампаларда, аскер бөлүктөрүндө, кошуундарда, бирикмелерде) эсепке алууга жооптуу адамдар кол коюшат. Бөлүкчөнүн (аскер бөлүгүнүн) өздүк эсебинин "Бардыгы" реквизитинин графасында бөлүкчөдө (аскер бөлүгүндө) эсепке алууга жооптуу кызмат адамы кол коёт, ал эми "Алардын ичинен категориясы (сорту) боюнча" реквизитинин графаларында ушул кызмат адамынын аты-жөнү көрсөтүлөт.

Аскер бөлүгүнүн кампасынын жана сактоо бөлүмүнүн (сактоочу жайдын) карточкасында, ошондой эле аскер бөлүгүнүн (кошуундун, бирикменин, Куралдуу Күчтөрдүн түрүнүн), кампанын ЭАОБ (МТКБ) кызматынын карточкасында 1-барактын 19-24-графаларында текшерүү жөнүндө өзүнүн колун аскер бөлүгүндө (кошуунда), кампанын ЭАОБ (МТКБ), аскердик башкаруу органында эсепке алууга жооптуу адам 1-барактын 3-18-графаларында өзүнүн аскердик наамын, аты-жөнүн көрсөтүү менен кол коёт.

"Баалуу металлдардын камтылышы" реквизитинде баалуу металлдардын камтылгандыгы жөнүндө маалыматтар, ошондой эле МАУ, УО жана АК баалуу металлдарды эсепке алуу тартиби жөнүндө укуктук-ченемдик актыларына ылайык башка маалыматтар чагылдырылат.

Эгерде эсептик маалыматтарды текшерүү билдирүүлөр боюнча аткарылса, анда аскер бөлүгүнүн өздүк эсебинин графаларында билдирүүнүн кириш номери көрсөтүлөт.

80. Категориясыз материалдык каражаттарды эсепке алуу карточкасы кампада жана аскер бөлүгүнүн кызматтарында, сактоо бөлүмдөрүндө (сактоочу жайларда) жана кампанын ЭАОБда (МТКБ) жана аскердик башкаруу органдарында категориясыз материалдык каражаттарды, эсептик документтердин бланктарын (так эсептеги бланктардан тышкары) кызматтык адабияттарды жана ар кандай техникалык документацияларды эсепке алууга арналган. Карточка 1 жана 2-барактан турат. Ар бир карточкада 2-барактын саны подотчеттук бөлүкчөлөрдүн (аскер бөлүктөрүнүн, кошуундун, бирикменин, кампанын) санына байланыштуу.

Аскер бөлүгүнүн кампасында, кампанын сактоочу бөлүмүндө (сактоочу жайда), куралдануу башкармалыгында жана/же МАУ, УО жана АКта карточканын 1-барагы гана толтурулат. Мындан тышкары, РАКтын ар бир аталышына камсыздалуучу бөлүкчөсү (аскер бөлүгү) болгондо жыйынтыктоочу карточка ачылат. Бул учурда карточканын башкы бөлүгүндө "партиянын номери" реквизитинин алдында "Жыйынтыктоочу" деген сөз жазылат.

Аскер бөлүгүнүн (кошуундун, бирикменин, кампанын, Куралдуу Күчтөрдүн түрүнүн) ичинде материалдык каражаттардын кыймылына байланыштуу операцияларды эсепке алууда, 1-барактын таблицасынын 7 жана 8-графалары толтурулбайт, ал эми 9-графада мурунку калдык кайталанат. Карточканын 2-барагынын таблицасында материалдык каражаттарды жөнөтүүчү же алуучу болгон бөлүкчөлөрдүн (аскер бөлүктөрүнүн, кошуундардын, кампалардын, сактоо бөлүмдөрүнүн, бирикмелердин) гана өздүк эсептериндеги калдыктардын өзгөрүүлөрү киргизилет. Калган бөлүкчөлөрдүн (аскер бөлүктөрүнүн, кошуундардын, кампалардын, сактоо бөлүмдөрүнүн, бирикмелердин) өздүк эсептериндеги материалдык каражаттардын калдыктары чыгарылбайт, карточканын 1 жана 2-барактарынын аскер бөлүгү (кошуун, кампа, бирикме, Куралдуу Күчтөрдүн түрү) үчүн толугу менен калдыктары чыгарылган арткы бетинен тышкары жана ар бир өздүк эсеп боюнча.

РАК, ракета жана ок-дарылар боюнча калган бөлүкчөлөрдүн (аскер бөлүктөрүнүн, кошуундардын, кампалардын, сактоо бөлүмдөрүнүн, бирикмелердин) өздүк эсептеринде материалдык каражаттардын мурунку калдыктары кайталанат.

Материалдык каражаттарды атайын белгилери (жасалган жылы, берүү жылы, өсүүсү жана башка) боюнча эсепке алуу карточканын 1 жана 2-барагынын таблицасында негизги эсептик операциялардын маалыматтарын жазгандан кийин сап боюнча жүргүзүлөт. Мында 1-барактын 2-графасында саптардын аталыштары жазылат, мисалы: "анын ичинде жасалган жылдары боюнча"; 5-графада өзүнчө сап менен - аларга тиешелүү маалыматтар, мисалы: "2001-жыл", "2002-жыл"; 1-барактын 7-графасында жана кийинки графаларында жана 2-барактын 2-15-графаларында - материалдык каражаттардын санын көрсөткөн маалыматтар (ар бир реквизит-белги боюнча) жазылат.

Эсептик маалыматтарды текшерүү жөнүндө белги карточканын мазмундук бөлүгүндө кийинки сапта белгиленет. Мында 1-барактын 1-графасында текшерилген датасы, ал эми 2-графада - "Текшерилди", 2-барактын 2-15- графаларында подотчеттук бөлүкчөлөрдө (кампаларда, аскер бөлүктөрүндө, кошуундарда, бирикмелерде) эсепке алууга жооптуу адамдар кол коюшат.

Аскер бөлүгүнүн жана кампанын сактоо бөлүмүнүн (сактоочу жайдын) карточкасында, ошондой эле аскер бөлүгүнүн (кошуундун, бирикменин, Куралдуу Күчтөрдүн түрүнүн), кампанын ЭАОБ (МТКБ) 1-барактын 9-барагында аскер бөлүгүнүн (кошуундун), кампанын ЭАОБ (МТКБ), аскердик башкаруу органында эсепке алууга жооптуу адам текшерүү жөнүндө 1-барактын 3-8-графаларында өзүнүн аскердик кызмат ордун жана наамын, аты-жөнүн көрсөтүү менен кол коёт.

81. Комплектисиздик карточкасы жетишпеген приборлорду, түйүндөрдү, аспаптарды жана башка материалдык каражат түрүндөгү комплекттөөчү буюмдарды, комплект менен (заводдук жазууларына же бекитилген нормаларга ылайык), ошондой эле аларды толуктоонун жүрүшүн эсепке алууга арналган. Карточкада жазылган маалыматтардын негизинде, комплектиде жетишпеген буюмдарга табыштамалар берилет.

Комплектисиздик карточкасы материалдык каражаттарды ушул органда берген наряд боюнча берүүдө камсыздоочу органда макулдаштырылат.

Комплектисиздик карточкасы комплектиде эсепке алынган материалдык каражаттарды комплектиден чыгарганда жана сөзсүз түрдө камсыздоочу органда, куралдануу башкармалыгынан жана/же МАУ,УО жана АК тышкары ачылат.

Материалдык каражаттарды комплектисиздик карточкасынан эсептен чыгаруу камсыздоочу органдын жетекчисинин уруксаатынын негизинде жүргүзүлөт.

Бул карточка боюнча эсепке алынган комплекттердин тизмегин БАБО тиешелүү түзүмдүк бөлүкчөсүнүн башчысы аныктайт.

Карточка бөлүкчөдө жана аскер бөлүгүнүн кампасында, кампанын сактоо бөлүмүндө - ар бир комплектке, кампанын ЭАОБ - кампада сакталган бардык комплектилер кошулуп, аскер бөлүгүнүн (кошуундун, бирикменин, Куралдуу Күчтөрдүн) кызматында, БАБО (куралдануу башкармалыгынан жана/же МАУ, УО жана АК башкаруу органынан тышкары) - эксплуатациялоодо жана сактоодо турган бардык комплектиге кошулуп жүргүзүлөт.

Карточкада баштапкы жазуулар мурунку карточкадан алынган маалыматтардын негизинде, жаңы келип түшкөн комплекттерге же табылган комплектисиздик боюнча - материалдык каражаттарды кабыл алуу (техникалык абалынын, калдыктарды алуу) актысынын негизинде.

Таблицанын 5-графасында заводдук жазуулар боюнча же бекитилген ченем боюнча комплекттеги буюмдардын саны, ал эми 6-графада - толук комплекттөөгө жетишпеген буюмдардын саны жазылат.

7-10-графаларда жазуулар: толуктап комплекттөөдө - закладкалоо актысынын негизинде, кийинки жетишсиздик табылганда - калдыктарды алуу актысынын негизинде жазылат.

Карточка ачууга уруксат берилген учурларда комплектини бир аскер бөлүгүнөн (кампадан) башка аскер бөлүгүнө (кампага) берүүдө көрсөтүлгөн карточка комплектиси менен бирге берилет жана комплектинин жаңы жайгашкан орду боюнча башка карточканы ачуу үчүн негиз болуп саналат. Башка карточканы ачкандан кийин мурунку карточка комплектиге кириш документтери менен бирге делого тигилет жана алуучу аскер бөлүгү (кампа) үчүн кабыл алынган материалдык каражаттардын жетишпеген комплектисиздиги үчүн актоочу документ болуп саналат.

82. Материалдык каражаттарды жүктөп жөнөтүүнү (келип түшүүсүн) эсепке алуу китеби кампадан жүктөп жөнөтүлгөн (кампага келип түшкөн) материалдык каражаттарды эсепке алууга, ошондой эле авиациялык-техникалык аскер бөлүгүнө (базага) келип түшкөн күйүүчү майды эсепке алууга арналган.

Китеп кампанын эсептик-операциялык бөлүмүндө, авиациялык-техникалык аскер бөлүгүнүн (базасынын) кызматында жүргүзүлөт.

Китепте жазуулар жүктөп жөнөтүлгөн жана келип түшкөн материалдык каражаттарга өзүнчө, ошондой эле транспорттун түрлөрү боюнча, өзүнчө транспортторго жана транспорт каражаттарына (вагондорго, цистерналарга, платформаларга, кемелерге, автомобилдерге, контейнерлерге) өзүнчө жүргүзүлөт. Жүктөп жөнөтүлгөн жана келип түшкөн материалдык каражаттарга, ошондой унаанын ар бир түрүнө өздүк эсеп ачылат.

Көп жүк айлантууда жүктөп жөнөтүлгөн жана келип түшкөн материалдык каражаттарды өзүнчө китептерде эсепке алууга уруксаат берилет.

Ар бир транспорт каражаты жана транспорттун түрү боюнча орундардын саны жана брутто массасы боюнча жыйынтык бекитилген отчеттун мезгилдүүлүгүнө ылайык чыгарылат. Куюлган жүк боюнча 15-16-графаларда продукттун массасы көрсөтүлөт.

Материалдык каражаттарды жүктөп жөнөтүүгө же алардын келип түшүүсүнө байланышкан бардык документтер (транспорттук документтер, наряддар, вагон боюнча ведомосттор жана башкалар) кампанын эсептик-операциялык бөлүмүнө (авиациялык-техникалык аскер бөлүгүнүн, базанын кызматына) тапшырылат.

Китептин 21-графасындагы белгилөөлөр материалдык каражаттарды кабыл алуу актысынын жана кабыл алуу жөнүндө тастыктоолордун негизинде жазылат.

83. Материалдык каражаттарды алууга ишенимкатты эсепке алуу китеби. Ишенимкат алуучунун материалдык каражаттарды разнарядка, наряд же башка эсептик документ боюнча кабыл алуу укугун күбөлөндүргөн документ болуп саналат. Материалдык каражаттарды алып келүүчүлөрдөн алууда Кыргыз Республикасынын мыйзамы менен бекитилген ведомстволор аралык ишенимкат колдонулат.

Ишенимкатка аскер бөлүгүндө - аскер бөлүгүнүн командири, кампада - кампанын башчысы, аскердик башкаруу органында (Куралдуу Күчтөрдүн түрүндө) - аскердик башкаруу органынын жетекчиси, БАБО түзүмдүк бөлүкчөсүндө - БАБО түзүмдүк бөлүкчөсүнүн башчысы кол коюшат. Бардык кол тамгалар Мамлекеттик гербдин сүрөтү бар мөөр менен күбөлөндүрүлөт.

Ишенимкатты алган адам тиешелүү кызматка (ЭАОБ, аскердик башкаруу органынын жетекчисине) ишенимкат боюнча тапшырманы аткаргандыгын тастыктаган документтерди көрсөтүшү керек же колдонулбаган ишенимкатты анын аракеттеги мөөнөтү өткөндөн кийин кийинки күндөн кечиктирбей кайтарып берүүгө милдеттүү. Тапшырманы аткаргандыгы жөнүндө ишенимкаттын корешогунда белгиленет. Колдонулбаган ишенимкат чийип салуу жолу менен жоюлат жана корешокко тиркелет.

Ишенимкаттын бланктары ар бири 100 барактан китепке тигилет. Алардагы ишенимкатты берүүдө жана анын корешогунда катар номер коюлат.

Ишенимкатка катар номерлери бардык учурдагы календардык жылдын ичинде катары менен бирден баштап ыйгарылат.

84. Коштоо баракчасы ташылуучу жүктүн сакталышын контролдоо үчүн жана айдоочунун (коштоочунун) экипаждын командиринин ташылуучу материалдык каражаттарга жоопкерчилигин аныктоого арналган.

Коштоочу барак аскер бөлүгүндө, кошуундун кампасында, кампада колдонулат.

Коштоочу баракты жүктү жөнөтүүчү ар бир транспорт каражатына (автомобилге, учакка, кемеге, вагонго) эки нускада түзөт. Биринчи нуска айдоочуга (коштоочуга) же экипаждын командирине экинчи нускада кол койдуруу менен тапшырылат. Экинчи нуска жүктү жөнөтүүчүдө калтырылат.

Ар бир транспорт каражатына материалдык каражаттарды жүктөө, ошондой эле коштоочу барактарда жазуулар айдоочунун (коштоочунун) же экипаждын командиринин катышуусунда жүргүзүлөт.

Дайындоо ордуна келгенде айдоочу (коштоочу) же экипаждын командири жеткирилген материалдык каражаттарды жүктү жөнөтүүчүгө берилүүчү коштоочу баракта кол койдуруу менен жүктү алуучуга тапшырат.

Материалдык каражаттардын жетишсиздиги табылганда коштоочу баракта белгиленет жана кызматгык иликтөө жүргүзүлөт.

Материалдык каражаттарды аба унаасы менен конуусуз ыкманы колдонуу менен жеткирүүдө 9-графада экипаждын командиринин жана учактын штурманынын колдору менен күбөлөндүрүлгөн координаттары жана жүктү түшүрүү убактысы көрсөтүлөт.

Коштоочу барак жоголгон учурда айдоочу (жүктү коштоочу адам) бул жөнүндө колоннанын башчысына (жүктү кабыл алуучуга же темир жол станциясынын, калк жайгашкан пункттун жол тилкесинин аскердик комендантына) кабарлайт, ал жүктү текшерет жана барактын жоголгондугун акты мёнен тариздейт. Актынын көчүрмөсү жүктү жөйөтүүчүгө жөнөтүлөт, ал эми айдоочуга (коштоочуга) же экипаждын командирине материалдык каражаттардын иш жүзүндө болгондугуна жаңы барак берилет.

85. Таңгактоо барагы тарада (үкөктө, түйүндө, контейнерде жана башкада) таңгакталган материалдык каражаттардын толуктугун жана бүтүндүгүн жана таңгактаган адамдарга жоопкерчиликти бекитүүнү контролдоого арналган.

Таңгактоо барагы МАУ, УО жана АК бардык кампаларында колдонулат. Аны жүктү жөнөтүүчү эки нускада түзөт, анын биринчи нускасы тарага материалдык каражаттары менен бирге салынат, экинчи нускасы кампада калтырылат.

Таңгактоо барагында көрсөтүлгөн маалыматтардын таранын курамында камтылгандар менен айырмачылыктары табылган учурда, жүктү алуучу кабыл алуу актысын түзөт, ага таңгактоо барагын тиркейт жана аларды жүктү жөнөтүүчүгө айырмачылыктын себебин табуу үчүн жиберет.

Эгерде материалдык каражаттарды кабыл алууда эч кандай айырмачылыктар болбосо:

- жүктү алуучу - материалдык каражаттарды кабыл алууну аяктаганда;

- жүктү жөнөтүүчү - камсыздоочу органдан аткарылган нарядды же материалдык каражаттарды кабыл алуу жөнүндө тастыктоолорду алганда таңгактоочу барак таризделбейт.

Кампадан материалдык каражаттарды эндей түрдө жүктү алуучунун кабыл алуучусуна, ошондой эле аскер бөлүгүнүн (кампанын) тапшыруучусуна берүүдө таңгактоо барагы таризделбейт.

Тарага упаковкаланган материалдык каражаттардын комплектисине, ошондой эле бир аталыштагы материалдык каражаттардын партиясына (партияларына) таңгактоочу барак сөзсүз түрдө таризделет.

86. Стеллаждык (штабелдик) ярлык сактоо ордун, кыска мүнөздөмөсүн, келип түшүү убактысын жана материалдык каражаттардын кампада сактоо мөөнөтүн, ошондой эле аларды жаңыртууну контролдоого арналган. Ал МАУ, УО жана АКтын бардык аскердик кампаларында колдонулат.

Ярлыктар стеллаждарда, штабелдерде, шкафтарда, аянттарда жана башка материалдык каражаттарды сактоо ордуларында илинет.

Ярлыктагы жазууларды аскер бөлүгүнүн (кошуундун) кампасынын башчысы, кампанын сактоочу жайынын башчысы (жетекчиси) жазат.

Ярлыктын башкы бөлүгүнүн 3-8-реквизиттеринин көрсөткүчтөрү чектелген сактоо мөөнөтү (кепилдиги) бар жана партиялары, жасоочу-заводдору жана сактоо жылдары боюнча эсепке алынган материалдык каражаттар үчүн гана жазылат.

Ярлыктын башкы бөлүгүнүн 10-реквизитинин көрсөткүчтөрү менен куралдануунун негизги үлгүсү (техника, башка материалдык каражаттар) үчүн бул үлгүнүн комплектисине кирген буюмдардын сактоо ордулары, ал эми комплекттөөчү буюмдар үчүн ярлыктарда - алардын комплектисине кирген негизги үлгүнү сактоо орду жазылат.

Учурдагы камсыздоонун материалдык каражаттар кампасында ярлыктын башкы бөлүгүнүн 9-реквизитинин көрсөткүчтөрү жазылбайт, "Кароолордун (сыноолордун) мөөнөтү жана аларды өткөрүү жөнүндө белгилер" бөлүгү толтурулбайт.

87. Материалдык каражаттардын описи бөлүкчөнүн, штабдын, кампанын, клубдун, парктын, ангардын, устакананын жана башкалардын имаратында (бөлмөсүндө) турган материалдык каражаттарды (эмеректи, инвентарды жана жабдууларды) эсепке алуу үчүн арналган.

Опись бир нускада түзүлөт, ага ушул имаратта (бөлмөдө) жайгашкан материалдык каражаттардын сакталышына жооптуу адам кол коёт.

Имараттагы материалдык каражаттардын буюмдардын саны өзгөргөндө жаңы опись түзүлөт.

88. Материалдык каражаттардын фонду (чыгымдоо лимити) жөнүндө билдирүү аскер бөлүгүнүн (кошуундун, бирикменин) командирине фондду (чыгымдоо лимитин) бөлүп берүү жана өзгөрүүсү жөнүндө билдирүү үчүн арналган.

Ал кошуундун (бирикменин аскердик башкаруу органынын, БАБО түзүмдүк бөлүкчөсүнүн) кызматында камсыздоо (жабдуу) планынын жана фондду (чыгымдоо лимитин) бөлүштүрүү планынын негизинде түзүлөт.

Билдирүү эки нускада түзүлөт: биринчи нуска аскер бөлүгүнө (кошуунга, бирикмеге) жөнөтүлөт, экинчи нуска кызматтын (аскердик башкаруу органынын) делосунда калат.

Билдирүүнү тариздөөдө: "Операциянын коду" графасында "Фондду бөлүп берүү" ("Фондду көбөйтүү", Фондду азайтуу") же "Чыгымдоо лимитинин дайындалышы" ("Чыгымдоо лимитин көбөйтүү", "чыгымдоо лимитин азайтуу"), "Кимден ..." графасында - билдирүү таризделген аскердик башкаруу органынын (кызматынын) толук чыныгы жана шарттуу аталышы көрсөтүлөт.

Бир нече алып келүүчүдөн материалдык каражаттардын фондун бөлүштүрүүдө билдирүүнүн мазмундук бөлүгүнүн 1-графасында: "Баары" сабынын башы, анын алдында - "Анын ичинде", төмөнүрөөк өзүнчө сап менен - алып келүүчүлөрдүн аталышы, 2-9-графаларда бардык саптар боюнча - тиешелүү маалыматтар жазылат.

89. Материалдык каражаттарды жүктөп жөнөтүү (берүү) жөнүндө билдирүү аскер бөлүгүнүн командирине (кампанын башчысына) материалдык каражаттарды жүктөп жөнөтүү (берүү) жөнүндө билдирүү үчүн арналган. Ал материалдык каражаттарды жүктөп жөнөткөн жана берген (өткөрүп берген) аскер бөлүгүнүн (кошуундун) кызматында, аскердик башкаруу органында жана кампанын эсептик-операциялык бөлүмүндө түзүлөт.

Билдирүү адресатка эреже катары, байланыштын техникалык каражаттары аркылуу берилет.

Билдирүүнү тариздөөдө "Кимден ..." графасында билдирүү таризделген аскер бөлүгүнүн толук чыныгы (шарттуу) аттары жазылат.

Жүктү алуучуга ага алдыдагы жүктү жөнөтүүчүнүн кампасынан материалдык каражаттарды жөнөтүү жөнүндө билдирүүдө "Унаанын түрү" графасында "Алуучунун унаасында" жазуусу жазылат.

Бир аскердик бөлүктөн башка аскердик бөлүккө ракеталык отун, күйүүчү май (анын ичинде спирт) жана азык-түлүк түздөн-түз анын өкүлүнө берилгендиги жөнүндө билдирүүнү жөнөткөндө: "унаанын номери (ченөө бирдиги)" графасында - ченөө бирдиги, ал эми "унаа бирдиктеринин саны (материалдык каражаттардын саны)" графасында - берилген материалдык каражаттардын саны көрсөтүлөт.

Бул билдирүү аскер бөлүгүнүн делосунда чектик талаптарынын тиешелүү талону менен сакталат.

90. Материалдык каражаттарды кабыл алуу жөнүндө тастыктама МАУ, УО жана АК камсыздоочу органынын жетекчисине жана жүктү жөнөтүүчүгө жүктү алуучунун дарегине жөнөтүлгөн материалдык каражаттарды кабыл алуу жөнүндө билдирүү үчүн арналган. Жүктү жөнөтүүчүгө тастыктама кабыл алынган материалдык каражаттардын саны жана сапаты боюнча коштоочу документтердин маалыматтары менен айырмачылыктары болбогон шартта, жүктүн жүктү алуучусуз (тапшыруучусуз, жүктү жөнөтүүчүсүз) келгендиги жөнүндө гана жиберилет.

Камсыздоочу органга сөзсүз түрдө тастыктама жөнөтүлөт, актылар жиберилген учурлардан тышкары.

Тастыктама үч нускада түзүлөт, ага аскер бөлүгүнүн командири (кампанын башчысы) кол коёт. Тастыктаманын биринчи нускасы жүктү жөнөтүүчүгө жөнөтүлөт, экинчи нускасы МАУ, УО жана АК тиешелүү камсыздоочу органына көрсөтүлөт, үчүнчү нускасы жүктү алуучунун делосунда калтырылат.

Документти толтурууда: "Башкаруу органы жана анын почталык дареги" графасында - тастыктама кимге жөнөтүлөт, "Жүктү жөнөтүүчүнүн документинин номери" жана "Жүктү жөнөтүүчүнүн документинин датасы" графаларында - материалдык каражаттар алынган наряддын номери жана датасы жазылат.

91. Материалдык каражаттардын жоготулушун эсепке алуу китеби кызматтын материалдык каражаттарынын жоготулушун эсепке алууга арналган. Китепте жетишпеген материалдык каражаттардын аталышын жазгандан кийин 3-графада бул жетишпестик боюнча кабыл алынган чечим жөнүндө кийинки жазуулар үчүн саптардын керектүү саны калтырылат.

9-графада материалдык каражаттардын жетишсиздигинин пайда болуу себептери аныкталбаган материалдык каражаттардын жетишсиздиктери, ошондой эле кызмат адамдарынын кызматтык милдеттерин кылдат эмес жана тийиштүү эмес аткаргандыгынын (жаңылыш эсептөөнүн, ашыкча берүүнүн, жоготуунун жана башканын) натыйжасында жол берилген жетишсиздиктер эсепке алынат.

10-графада материалдык каражаттарды уурдоонун, ыйгарып алуунун, чачып түгөтүүнүн, ашыкча чыгымдоонун жана уурдоонун башка формаларын колдонуунун натыйжасында келип чыккан жоготуулар эсепке алынат.

11-графада материалдык каражаттарды Кыргыз Республикасынын мыйзам чыгаруусун, МАУ, УО жана АК укуктук актыларын бузуу менен материалдык каражаттарды колдонуунун же берүүнүн натыйжасында келип чыккан жоготуулар эсепке алынат.

12-графада материалдык каражаттардын атайын же байкабастыктан келип чыккан, анын натыйжасында бузулуулар, жоюулар же материалдык каражаттардын жок болуусу пайда болгон жетишсиздиктер эсепке алынат.

Материалдык каражаттар толук бузулбаса аларды калыбына келтирүүгө же ондоого нш жүзүндөгү чыгымдардын суммасы эсепке алынат.

18-графада материалдык каражаттарды сел каптоонун, жер титирөөнүн, бороондун жана башка жаратылыш кырсыктарынын жана аскердик (күжүрмөн) аракеттердин натыйжасында келип чыккан жоготуулар эсепке алынат. Бул графада дагы командачылыктын буйругу менен жок кылынган же жараксыз (акыркы) абалга келтирилген же жугуштуу оорулардын алдын алуу же жоюу максатында келип чыккан материалдык каражаттардын жоготуулары эсепке алынат.

Китептин 8-22-графаларында жылдын башынан тартып квартал сайын жыйынтыктар чыгарылат.

92. Инспектордук күбөлүк командачылыкка жетишпеген материалдык каражаттарды, ошондой эле мамлекетке келтирилген чыгымдарды эсептен чыгарууга уруксат болуп эсептелет.

Инспектордук күбөлүктүн 2-графасында жетишпеген материалдык каражаттардын толук аталышы алардын чыгарылган жылын көрсөтүү менен, ал эми номерлери боюнча эсепке алынган материалдык каражаттар үчүн - алардын заводдук номерлери жазылат.

5-графада тиешелүү кызмат адамдары чыгарган жана ага кол койгон материалдык каражаттардын баасы алардын калган баасын эсептөөгө ылайык көрсөтүлөт.

Инспектордук күбөлүктөр үч нускада берилет:

- биринчи нуска жетишпестик чыккан аскер бөлүгүнө берилет;

- экинчи нускасы МАУ, УО жана АК тиешелүү камсыздоочу органына жөнөтүлөт;

- үчүнчү нуска инспектордук күбөлүктү берүүгө негиз болгон документ менен бирге инспектордук күбөлүктү командири (жетекчиси) берген аскер бөлүгүнүн (аскердик башкаруу органынын) иш жүргүзүү кызматында сакталат.

Инспектордук күбөлүккө аларды берүүгө укук берилген кызмат адамдары кол коюшат жана алардын кол тамгасы Мамлекеттик гербдин сүрөтү бар мөөр менен күбөлөндүрүлөт. Инспектордук күбөлүктүн бардык үч нускасында кол тамгалар жана мөөрдүн оттискасы коюлат.

Аскер бөлүгүнүн командири берген инспектордук күбөлүктү финансы башкармалыгынын башчысы эки нускада түзөт. Инспектордук күбөлүктүн экинчи нускасы камсыздоочу органга эсепке өзгөртүүлөрдү киргизүү үчүн жөнөтүлөт.

93. Инспектордук күбөлүктөрдү берүүнү каттоо журналы инспектордук күбөлүктү жана жоголгон материалдык каражаттарды эсептен чыгаруу актыларын каттоо үчүн арналган.

Аскер бөлүгүнүн командири берген инспектордук күбөлүктү каттаган журналды ушул аскердик бөлүктүн финансылык органынын башчысы жүргүзөт, ал эми жогору турган кызмат адамдары берген күбөлүктү - тиешелүү кызматтын (башкармалыктын) кызмат адамдары жүргүзүшөт. Берилген инспектордук күбөлүктөрдү номерлөө так ирети менен ар бир жылда биринчи номерден баштап жүргүзүлөт.

94. Наряд аскердик башкаруу органынын жетекчисинин жүктү жөнөтүүчүгө материалдык каражаттарды берүүгө (жүктөп жөнөтүүгө, жөнөтүүгө, берүүгө), ал эми жүктү алуучуга - материалдык каражаттарды кабыл алууга буйругу болуп эсептелет.

Жетекчисине кампа баш ийген аскердик башкаруу органында берилген разнарядкалардын (буйруктардын, наряддардын) эсебине кампанын эсептик-операциялык бөлүмүндө жазылып берилген наряддар боюнча дагы материалдык каражаттарды берүү (жүктөп жөнөтүү, жөнөтүү) жүргүзүлөт. РАКтан берилген нарядды аткарууда нарядда аталышы көрсөтүлгөн жана алардын техникалык (сапаттык) абалы нарядда көрсөтүлгөн категорияга дап келген материалдык каражаттар менен гана операциялар аткарылат. Материалдык каражаттардын саны нарядда көрсөтүлгөн сандан аз же бирдей тариздегенге уруксат берилет.

Наряд: аскердик башкаруу органында - беш нускада, алардын ичинен биринчи үч нускасы жүктү жөнөтүүчүгө аткарууга женөтүлөт, төртүнчү нускасы - жүктү алуучуга билдирүү катарында, бешинчи нускасы делодо калтырылат, кампанын ЭАОБ - үч нускада жазылат. Бардык учурларда материалдык каражаттарды берүүдө (жүктөп жөнөтүүдө, жөнөтүүдө, берүүдө) наряддын биринчи нускасы тиркемеси менен жүктү жөнөтүүчүнүн делосунда калтырылат, экинчи нускасы жүктү алуучуга берилет (жөнөтүлөт), үчүнчү нускасы наряд берилген башкаруу органына буйрукту аткаргандыгы жөнүндө билдирүү катары көрсөтүлөт. Наряддын төртүнчү нускасы таризделбейт жана аткарылгандан кийин жоготулат же болбосо жүктү алуучунун делолорунда сакталат.

Нарядга аскердик башкаруу органынын кол коюуга укук берилген кызмат адамдары кол коюшат, ал эми кампада - кампанын башчысы жана ЭАОБ башчысы. Алардын колдору Мамлекеттик гербдин сүрөтү бар тиешелүү мөөрлөр менен күбөлөндүрүлөт.

Аскердик башкаруу органында берилген наряд сактоо бөлүмдөрүнө аны ЭАОБ каттоо жөнүндө белгилери жана кампанын башчысынын жана анын орун басарынын визасы болгондо аткарууга кабыл алынат.

Материалдык каражаттарды темир жол (ички суу, аба) транспортунда жеткирүү үчүн жүктөп жөнөтүүдө наряддын башкы бөлүгүндө "Жүктү алуучу жана анын почталык дареги" графасында көрсөтүлгөн маалыматтардан тышкары дайындалган станциянын (пункттун) аталышы көрсөтүлөт.

Сутканын ичинде (куралдануунун артиллериялык базасынан РАК менен унааны жөнөткөн маалдан тартып - жүктү жөнөтүүчүнү) нарядда: "Материалдык каражаттар ушул нарядда көрсөтүлдү, 20__-ж. "___"____________ № _______ темир жол транспортуна жүктөп жөнөтүлдү, пломбалардын контролдук белгилери: вагондун № _______, контролдук белги _____" жазылат. Вагонго материалдык каражаттар жүктөлдү, саны: (материалдык каражаттардын аталышы, категориясы, партиянын номери жана саны, вагондун номери, жүктөгөн кызмат адамынын аты-жөнү (эгер бар болсо), Материалдык каражаттарды жөнөтүүнүн алдында даярдоо жана текшерүү актысы 20__-ж. "___" _______ № ________.

Аскер бөлүгүнүн командиринин кол тамгасы аскер бөлүгүнүн Мамлекеттик гербдин сүрөтү бар мастикалык мөөрүнүн оттискасы менен бекитилет. Ракеталарды жана ок-дарыларды жөнөтүүдө алардын саны сумма менен аталыштары боюнча жана ар бир аталыш боюнча өзүнчө ар бир партияга партиянын номерин сөзсүз көрсөтүү менен берилет.

Адабиятты (техникалык документацияларды) берүүдө анын нускаларынын номерлери "Заводдук номери" графасында жазылат.

Наряддын тариздөөчү бөлүгүндө "Жөнөтүү тартиби" реквизитинин сабында транспорттун кимге таандык экендиги көрсөтүлөт.

Кампалардын кызмат адамдарына наряддын формаларында каралбаган материалдык каражаттардын эсебине тиешелүү белгилерди жазууга уруксат берилет. Бул максат үчүн атайын даярдалган штамптар колдонулат, ошондой эле аны тариздөөдө оргтехниканы колдонуу менен кошумча реквизиттер киргизилет.

Нарядга кошумча барактар киргизилет, аларда берилген (кабыл алынган) материалдык каражаттардын кабыл алуучунун жана тапшыруучунун кол тамгалары менен күбөлөндүрүлгөн заводдук номерлери жана башка наряддын формасында каралбаган маалыматтар тиркелет. Нарядга кошумча барактардын тиркемеси ушул Нускаманын 40-пунктуна ылайык таризделет.

95. Комплекттөөчү элементтерди алуу актысы куралдануудан (техникадан, агрегаттан, түзүмдөн) комплекттөөчү элементтерди сактоо шарттары боюнча алууну алардын сактоо жашарын өзгөртүү менен тариздөөгө арналган. РАК үлгүсүнүн курамынан комплекттөөчү элементтерди алууда, алардын сактоо жайларын өзгөрткөн учурда материалдык жооптуу адамдардын персоналдык жоопкерчилигин шыктоо максатында алуу актысы эсепке алуу карточкасын ачуу үчүн жана материалдык каражаттарды убактылуу сактоого алууга катышкан кызмат адамына негиз болуп саналат. Эсептик маалыматтарды текшерүү бош түрүндөгү болгон материалдык каражаттар үчүн аныкталган тартипте жана мөөнөттө аткарылат. Эсеп карточкасында материалдык каражаттын аталышынан кийин "куралдануунун курамынан алынганы" көрсөтүлөт. Мында материалдык каражаттар куралдануунун үлгүсүнүн "урамына кирген болуп эсептелет жана бош түрүндө бар болгонго эсептелбейт, жыйынтыктоочу эсеп карточкасында жана отчеттордо (билдирүүлөрдө) көрсөтүлбөйт. РАК үлгүлөрүнүн формулярларында (паспорттордо) алынган комплекттөөчү элементтерди сактоо орду жөнүндө жазуу куралдануу үлгүсүнүн курамынан алынган материалдык каражаттарды алуу боюнча алуу актысынын реквизиттерин көрсөтүү менен жазылат.

Актты кампанын комиссиясынын төрагасы түзөт, анын курамына сөзсүз түрдө сактоо бөлүмүнүн башчысы, техникалык контролдоо бөлүмүнүн башчысы жана сактоочу жайдын башчысы кириши керек.

Акт куралдануунун (техниканын, агрегаттын, түзүмдүн формуляры (паспорту) менен бирге сакталат, актынын экинчи нускасы алынган материалдык каражатты убактылуу сактоого кабыл алган кызмат адамында сакталат.

4-графада ар бир аталыш боюнча сактоочу жайдын, стеллаждын, полканын номерлери жазылат.

96. Ок-дарыларды чогултуу (оңдоо, бөлүү, комплекттөө) ведомосту сактоо бөлүмүндө, цехте жана башка кампанын бөлүкчөлөрүндө ок-дарылар менен жүргүзүлгөн иштерди (чогултуу, оңдоо, бөлүү, комплекттөө, сатуу жана башка) эсепке алуу үчүн арналган жана кампанын бир бөлүкчөсүнөн башка бөлүкчөсүнө ок-дарыларды жана алардын элементтерин берүү үчүн 2-форма боюнча накладнойду жазуу үчүн негиз болуп саналат. Ведомость айлык пландын негизинде цехтин бир жумадан көп эмес ишине жана иштин башталышынан алты күндөн кеч эмес түзүлөт.

I бөлүктүн жана III бөлүктүн 1-13-графаларыньн маалыматтарын сактоо бөлүмүнүн башчысы жазат. Андан кийин ведомость эсептик-операциялык жана комплекттөө бөлүмүнө берилет, ал жерде жазуулардын тууралыгын текшергенден кийин V бөлүк таризделет.

ЭАОБ башчысы ведомостту цехтин башчысы менен, пландык жана өндүрүштүк-техникалык бөлүмдүн башчысы менен макулдаштырат, ага кол коёт жана техникалык контролдоо (мындан ары - ТКБ) бөлүмүнүн башчысына берет. ТКБ башчысы ведомосттун II бөлүгүндө корутунду чыгарат.

Аягына чейин таризделген ведомостту кампанын башчысы бекитет, ал каттоо китебинде катталат жана цехтин башчысына кол койдуруу менен иш башталганга чейин эки күндөн кеч эмес берилет.

Сактоо бөлүмүнүн башчысы цехке ок-дарыларды ведомосттун III бөлүгүнүн 3-графасында көрсөтүлгөн мөөнөттө накладнойлор боюнча берет.

Цехке берилген ок-дарылар сактоо бөлүмүнүн эсеп карточкасынан эсептен чыгарылат жана аларды берген күнү цехтин эсебине коюлат.

Оңдолгон, жаңы чогултулган, цехтен берилген жана анда калтырылган ок-дарылар жөнүндө эсептик маалыматтар ведомосттун IV бөлүгүндө жазылат. Ок-дарыларды цехтен сактоо бөлүгүнө берүү накладнойлордун негизинде аткарылат. Иштер аяктаганда ведомостко цехтин башчысы жана ок-дарыларды эсепке алуу боюнча бухгалтер кол коёт, андан кийин ал техникалык абалын өзгөртүү актысына тиркелет.

97. Мамлекеттик уюмдарга берилген материалдык каражаттарды эсепке алуу китеби кампадан мамлекеттик уюмдарга берилүүчү материалдык каражаттарды эсепке алуу үчүн арналган. Ал кампанын ЭАОБ жана камсыздоочу органда жүргүзүлөт.

Китепте жазуулар жазылат: кампанын ЭАОБ - жетекчисине кампа баш ийген аскердик башкаруу органында берилген наряддардын (буйруктардын) негизинде, камсыздоочу органда - жогору турган аскердик башкаруу органынын жетекчисинин буйруктарынын жана аскер бөлүктөрүнүн, кошуундардын кампаларынан келген билдирүүлөрдүн негизинде.

Китепте жазуулар катары менен материалдык каражаттарды берүү боюнча жазылат.

98. Бракка чыгарылган материалдык каражаттарды эсепке алуу китеби алып келүүчүлөрдөн материалдык каражаттарды кабыл алууда жана сактоо процессинде бракка чыгарылган материалдык каражаттарды эсепке алууга арналган.

Китеп кампанын ЭАОБ жүргүзүлөт. Ар бир алып келүүчүгө анда өзүнчө өздүк эсеп ачылат. Китепте жазуулар кабыл алуу (техникалык абалынын) актысынын негизинде жазылат, анда кампанын комиссиясынын мүчөлөрү бракка чыгарылган материалдык каражаттардын санын жана брактын себептерин көрсөтүшөт.

12 жана 13-графалар кампа баш ийген аскердик башкаруу органынын жетекчисинин көрсөтмөлөрүнүн же алып келүүчүдөн келип түшкөн билдирүүнүн негизинде толтурулат.

Аскердик башкаруу органынын жетекчисинин алып келүүчүдөн материалдык каражаттарды кабыл алуу жөнүндө көрсөтмөсүн алганда кабыл алуу (техникалык абалынын) актысында алынган көрсөтмөгө таянуу менен тиешелүү белгилер жазылат. Материалдык каражаттар китептер боюнча киришке жазылат, ал жөнүндө бул китептин 14-графасында белгиленет.

99. Талаптарды эсепке алуу китеби материалдык каражаттардын сапатына талаптарды жана алар боюнча кабыл алынган чечимдерди контролдоону эсепке алуу үчүн арналган. Ал бирикменин аскердик башкаруу органында, аскердик кампаларда, ошондой эле МАУ, УО жана мамлекеттик уюмдарга караштуу АК аскердик өкүлчүлүктөрүндө жүргүзүлөт.

Китепте куралдануунун (техниканын, башка материалдык каражаттардын) ар бир түрүнө өздүк эсептер ачылат.

Китепте жазуулар талаптык документтердин, ошондой эле аскердик өкүлчүлүктөрдөн жана материалдык каражаттарды алуучулардан келген билдирүүлөрдүн негизинде жазылат, алар боюнча алып келүүчүлөрдүн ишканаларына (оңдоо ишканаларына) табылган жетишпестиктерди жоюу боюнча талаптар коюлат.

17-графада кыскача дефект сүрөттөлөт жана анын болжолдуу (конструктивдүү, өндүрүштүк, эксплуатациялык) себеби көрсөтүлөт.

19-графада изилдөө актысынын номери жана датасы, дефектинин аныкталган мүнөзү жана себеби жазылат.

20-графада аткаруу үчүн талаптар кимге жана качан жөнөтүлгөндүгү, жасоочу-заводдо кабыл алынган чечимдер жана талаптар боюнча акыркы чечимдер көрсөтүлөт.

21-графада дефект материалдык каражаттарды алмаштыруу жана калыбына келтирүү жөнүндө документтин номери жана датасы жазылат.

22-графада эсептин же чарбалык сотко доо арызды көрсөтүү жөнүндө документтин номери жана датасы, ал эми чарбалык сот доо арызды кайтарып берген учурда - аны кайтаруу себептери көрсөтүлөт.

100. Кампадан берүүгө тыюу салынган материалдык каражаттарды эсепке алуу китеби кампадан берүүгө тиешелүү аскердик башкаруу органынын жетекчисинин чечими менен тыюу салынган материалдык каражаттарды эсепке алуу үчүн арналган. Ал кампанын ЭАОБунда жүргүзүлөт.

Материалдык каражаттардын ар бир түрүнө китепте өздүк эсеп ачылат.

9-графада анын негизинде материалдык каражаттарды берүү тыюу салган документтин аталышы, номери жана датасы жазылат.

101. Материалдык каражаттарды жүктөп кирүүгө (чыгууга) өткөрмөнү эсепке алуу китеби. Өткөрмө аны көрсөткөн адамга материалдык каражаттарды кампанын аймагына жүктөп кирүүгө (аларды кампанын аймагынан жүктөп чыгууга) уруксат берген документ болуп эсептелет, Бул документ боюнча дагы материалдык каражаттарды сактоо бөлүмдөрүнө жүктөп кирүүгө (чыгууга) контроль жүргүзүлөт.

Өткөрмө кампанын ЭАОБ эсептик кириш (чыгыш) документтеринин негизинде материалдык каражаттарды берүүгө жооптуу адамдын атына жазылат жана ага корешогунда кол койдуруу менен берилет. Өткөрмө "Негизи" сабында жазуусуз жараксыз.

Материалдык каражаттарды жүктөп кирүүгө жана жүктөп чыгууга өзүнчө өткөрмө жазылып берилет, көрсөтүлгөн каражаттарды бир эле киши ташып кирсе жана ташып чыкса дагы. Кампанын аймагына кийин ташып чыгуу үчүн бир жүктү башкалар менен чогуу ташып кирүүдө бул жүк эки өткөрмөнүн тең мазмундук бөлүгүнүн таблицаларында жазылат.

Өткөрмөгө ЭАОБ башчысы кол коёт жана ал кампанын ички "Чарбалык документтер үчүн" мастикалык мөөрү менен күбөлөндүрүлөт.

Иш эмес убакта материалдык каражаттарды кампанын аймагына ташып кирүүдө (аймактан ташып чыгууда) өткөрмөнү кампа боюнча нөөмөтчү жазып берет жана кол коёт.

Материалдык каражаттарды ташып кирүүдө (ташып чыгууда) өткөрмө контролдук-өткөрмө жайы боюнча нөөмөтчүгө көрсөтүлөт, ал ташылып кирген (чыккан) орундарды текшергенден кийин өткөрмөдө ташып кирүү (ташып чыгуу) убактысын белгилейт. Тапшыруучу (кабыл алуучу) кампанын аймагынан кеткенде өткөрмө контролдук-өткөрмө жайы боюнча нөөмөтчүдө калат.

Иш күнү аяктаганда контролдук-өткөрмө жайы боюнча нөөмөтчү өткөрмөлөрдү ЭАОБ алардын корешоктору менен текшерүү үчүн тапшырат. Аткарылган өткөрмөлөр ЭАОБ кириш (чыгыш) эсептик документтери менен сакталат.

102. Ракеталарды жана ок-дарыларды чогултуп эсепке алуу китеби толугу менен аскердик кампадагы ракеталардын, бардык түрдөгү ок-дарылардын, ошондой эле комплекттөөчү элементтердин жана аларга ЗБАЖ комплекттелишин, бардыгын жана кыймылын топтоп эсепке алууга арналган. Ал аскердик кампанын ЭАОБ жүргүзүлөт.

Ракеталардын ар бир аталышына (бирдей комплекттөөчү элементтери бар ракеталардын тобуна) жана куралдануунун белгилүү үлгүсүндөгү ок-дарыларга китепте барактардын керектүү саны бөлүнөт, ал жөнүндө китептин мазмунунда көрсөтүлөт.

Ракеталардын, ок-дарылардын, комплекттөөчү элементтердин жана аларга ЗБАЖ категориялары же даярдык деңгээли боюнча эсепке алуу үчүн китепте 5-графадан кийин ар бири 3 графадан турган тилкелер бөлүнөт. Ушул куралдануунун үлгүсүнө ракеталардын (ок-дарылардын) аталыштарынын санына байланыштуу бул тилкелер бөлүктөргө бириктирилиши мүмкүн, мисалы: "Даяр ракеталар", "Даяр октор", "Элементтер" жана башка.

Графалардын саны бир куралдануунун үлгүсүнө ок-дарылардын жана элементтердин бардык аталыштарын жазуу үчүн жетишсиз болсо, кийинки баракты пайдаланууга уруксат берилет.

Китепте I, II и III категориядагы ок-дарылар эсепке алынат, Ок-дарыларды чогултууда жана оңдоодо табылган IV категориянын элементтери ушул китеп боюнча өзүнчө сап менен эсептен чыгарылат.

Артиллериялык жана минометтук октор снаряддарды жана миналарды аракети боюнча көрсөтүү менгн төмөнкү тартипте жазылат:

осколкалуу, осколкалуу-фугастык, соот тешүүчү, кумулятивдик, атайын жана башкалар алардын түзүлүшүнүн жана комплекттелишинин өзгөчөлүктөрүн көрсөтүү менен.

Ок-дарылардын элементтери төмөнкү тартипте жазылат: снаряддар, жардыргычтар, трассерлер, заряддар, гильзалар, тутандыруу каражаттары, флегматизаторлор, картонаж жана башкалар комплекттөө өзгөчөлүктөрүн көрсөтүү менен. Жардыргычтар, трассерлер жана тутандыруу каражаттары үчүн тыгындоо абалы ("Герметикалуу" же "Герметикалуу эмес").

Китепте жазуулар кириш жана чыгыш документтеринин негизинде жазылат. Алынган же жөнөтүлгөн ракеталардын (ок-дарылардын) санын көрсөткөн негиздеме-реквизиттер "+" (кошуу) белгиси менен же "-" (алуу) белгиси менен жазылат.

Ракеталардын, комплекттөөчү элементтердин жана аларга ЗБАЖ, ошондой эле комплекттик ок-дарылардын калдыктары ар бир айдын биринчи числосуна (эгер өткөн айда кыймыл болсо) чыгарылат. Ок-дарылардын комплекттүүлүгүн чыгарууда тыгындоо абалы ("Герметикалуу" же "Герметикалуу эмес") көрсөтүлөт. Китепте жазуулар кириш жана чыгыш документтеринин негизинде жүргүзүлөт. Алынган же жөнөтүлгөн ракеталардын (ок-дарылардын) санын көрсөткөн маалыматтар комплекттүү жана комплектисиз жазылат.

103. Вагон боюнча ведомость вагонго (контейнерге) жүктөлгөн тараланган (упаковкаланган) материалдык каражаттарды эсепке алуу үчүн жана жүктүн жолдогу сакталган ордун контролдоого арналган.

Ведомость транспорт бөлүмүндө же кампанын сактоо бөлүмүндө, аскер бөлүгүнүн кызматында ар бир вагонго (контейнерге) эки нускада түзүлөт. Ведомосттун бир нускасы вагондун (контейнердин) ички дубалына эшиктин оң тарабына бекитилет, экинчи нускасы ЭАОБ (кызматка) материалдык каражаттарды жүктөп жөнөтүүгө (жөнөтүүгө) документтери менен бирге берилет.

Материалдык каражаттарды кампанын (аскер бөлүгүнүн) тапшыруучусу (коштоочусу) менен же жүктү алуучунун кабыл алуучусу (коштоочусу) менен алууда ведомость үч нускада түзүлөт: анын үчүнчү нускасы жүктү кабыл алуучу (коштоочу) адамга тапшырылат.

Вагонду (контейнерди) жүктөп түшүрүүдө жүктү алуучу сөзсүз түрдө андан вагон боюнча ведомостту алат, ал андан кийин кириш эсептик документтерге тиркелет.

Жолдо материалдык каражаттардын ашыкча жүктөлүшүндө ар бир жаңы жүктөлгөн вагонго (контейнерге) жаңы ведомость эки нускада түзүлөт.

Ведомостко материалдык каражаттарды жүктөп жөнөтүүгө (жөнөтүүгө) жооптуу адамдар кол коюшат.

104. Ведомость-мүнөздөмө кампадан контролдук сыноого жөнөтүлгөн ок-дарылардын үлгүлөрүн мүнөздөөгө арналган.

Ведомость кампанын сактоо бөлүмүндө үч нускада түзүлөт: алардын баары үлгүлөрдү жөнөтүүгө чейинки суткада ЭАОБ берилет жана наряддын тиешелүү нускаларына тиркелет.

105. Контролдук сыноого жөнөтүлгөн ок-дарылардын үлгүсүнө ярлык лабораторияга контролдук сыноого (полигонго) жөнөтүлгөн ок-дарыларды таануу үчүн арналган. Ал сактоо бөлүмүндө ар бир үлгүгө бир нускадан түзүлөт жана үлгүнүн упаковкасына чапталат.

Ярлыкка үлгүнү таңгактаган жана тандаган адам кол коёт.

106. Счет-наряд БАБО түзүмдүк бөлүкчөсүнүн жетекчисинин материалдык каражаттарды кампадан жүктү алуучуга акы төлөө менен берүүгө (жөнөтүүгө, жүктөп жөнөтүүгө) буйругу болуп саналат. Аны түзүү, тариздөө жана иштеп чыгуу наряддыкы кандай болсо ошондой нукта болот.

Счет-наряддын тариздөөчү бөлүгүндө "Төлөө тартиби" сабында мекеменин, банктын аталышы, МАУ, УО жана АК смета боюнча чыгымдарын классификациялоо статьясынын номери же бюджеттен тышкаркы каражаттардын түрүнүн номери жана берилүүчү материалдык каражаттардын баасынын суммасын эсепке кошууга тийиш болгон өтүүчү суммалар көрсөтүлөт. Ушул эле жерде төлөө ыкмасы - "алдын ала", "инкассо", "взаимозачет" же башка көрсөтүлөт.

"Төлөө жөнүндө белги" графасында төмөнкүлөр жазылат: "Төлөндү _________ сом.", тапшырма (квитанция) № _________ 20__-ж. _____________ же "Карызга эсептелсин". (жүктү алуучу көрсөтүлөт)

Бул жазуу БАБО счет-нарядды жазып берген финансы бөлүмүнүн (бөлүмчөнүн) башчысынын же башкы бухгалтердин колу менен күбөлөндүрүлөт.

107. Бирикменин материалдык каражаттарынын децентрализацияланган фондусун эсепке алуу китеби материалдык каражаттардын дайындалган децентрализацияланган фондусун эсепке алууга, аларды бөлүштүрүүнү (анын ичинде резервге бөлүп берүүнү) жана сатууну эсепке алууга арналган. Китеп бирикменин аскердик башкармалыгында жүргүзүлөт.

Китепте жазуулар төмөнкүлөрдүн: жогору турган аскердик башкаруу органында жазылган билдирүүлөрдүн же наряддардын (1-7-графалар), аскердик башкаруу органында иштелип чыккан жана корректировкаланган камсыздоо, жабдуу пландарынын (8-17-графалар), фонддорду жүзөгө ашырууну күбөлөндүргөн алып келүүчүлөрдүн документтеринин жана жүктү алуучулардын билдирүүлөрүнүн (18, 20-графалар), дайындалган фонддорду жүзөгө ашыруунун ушул китеп боюнча чыгарылган жыйынтыктарынын (19-графа) негизинде жазылат.

"Фонддорду өзгөртүүнүн" алдында 12-17-графаларда керек учурда кошумча "көбөйтүү" же "азайтуу" жазылат.

108. Материалдык каражаттары менен транспортторду жөнөтүүнү эсепке алуу китеби материалдык каражаттары менен транспортторду жөнөтүүнү эсепке алуу жана алардын дайындоо пунктуна келишин контролдоо үчүн арналган.

Китеп бирикменин аскердик башкаруу органында (БАБО түзүмдүк бөлүкчөсүндө) жүргүзүлөт.

Китепте бирикменин чегинен тышкары (Кыргыз Республикасынан) жөнөтүлгөн материалдык каражаттары менен унаалар гана эсепке алынат.

1-10-графаларда маалыматтар материалдык каражаттарды ташуу планынын негизинде жазылат. Бир транспортто материалдык каражаттардын көп сандагы номенклатурасын жөнөтүүдө 2-графада алардын түрлөрүнүн аталышы (мисалы, ок-дарылар, азык-түлүк жана башка) жазылат.

3-13-графаларда жүктүн саны (массасы, бирдиктин, комплекттин саны жана ушуга окшогондор) өлчөө бирдигин көрсөтүү менен жазылат.

11-15-графаларда маалыматтар алып келүүчүлөрдөн (кампалардан) келип түшкөн жана материалдык каражаттарды жүктөп жөнөтүүнү тастыктаган документтердин негизинде жазылат.

16-графада маалыматтар материалдык каражаттарды кабыл алуу жөнүндө тастыктамалардын жана жүктү алуучулардан келип түшкөн кабыл алуу актысынын негизинде жазылат.

109. КААТ жана материалдык каражаттарды оңдоо (жасап чыгуу) планын аткарууну эсепке алуу китеби КААТ жана башка материалдык каражаттарды белгиленген мезгил боюнча ар бир оңдоочу аскер бөлүгүнүн (уюмдун) жана толугу менен бирикменин (Куралдуу Күчтөрдүн түрүнүн, МАУ, УО жана АК) оңдоо (жасап чыгуу) планын аткарууну эсепке алуу үчүн арналган.

Китеп бирикменин (Куралдуу Күчтөрдүн түрүнүн) аскердик башкаруу органында, ошондой эле БАБО жетекчисинин баш ийүүсүндө оңдоочу аскер бөлүгү (уюму) болгон түзүмдүк бөлүкчөсүндө жүргүзүлөт.

Китептин таблицасынын мазмундук бөлүгүндө "Оңдоочу аскер бөлүгүнүн (уюмдун) аталышы" графасынын алдында тиешелүү графалардын үстүндө оңдоочу аскер бөлүктөрүнүн (уюмдардын) аталышын көрсөткөн кошумча маалыматтар жазылат.

Китепте жазуулар аскердик башкаруу органында түзүлгөн оңдоо (жасап чыгуу) планына, ошондой эле оңдоочу аскер бөлүктөрүнөн (уюмдардан) келип түшкөн билдирүүлөргө жана отчетторго ылайык жазылат.

1-графада сап боюнча жылы, айлары, "Квартал боюнча жалпысы" (ар бир квартал боюнча) жана "Жыл боюнча бардыгы" жазылат.

2-, 4-, 6-, 8-, 10- жана 12-графаларда аскер бөлүктөрүнөн (уюмдардан) келип түшкөн алардын пландык тапшырмаларды аткаргандыгы жөнүндө билдирүүлөрүнүн (отчетторунун) номерлери жазылат.

3, 5, 7, 9, 11, 13 и 14-графаларда алымында оңдолууга тийиш болгон куралдануунун (техниканын, башка материалдык каражаттардын) саны, бөлүмүндө - иш жүзүндө пландык тапшырмаларды аткаруу жазылат.

110. Ок атуучу куралды атып текшерүүдө (сыноодо) ок-дарылардын чыгымдалышынын ведомосту оңдолгон ок атуучу куралды атып текшерүүдө (сыноодо) чыгымдалган ок-дарыларды эсептен чыгаруу үчүн арналган.

Ведомость кампанын устаканасында (цехте) куралдын ар бир партиясын сыноодо чыгымдалган ок-дарыларга түзүлөт жана эсептен чыгаруу (калдыктарды чыгаруу) актысына тиркелет. Ведомосттун нускаларынын саны актынын нускаларынын санына дал келиши керек.

111. Материалдык каражаттарды алып келүүчүлөрдүн эсептерин төлөөнү эсепке алуу китеби материалдык каражаттарды алып келүүчүлөрдүн эсептерин эсепке алууга арналган. Ал Куралдуу Күчтөрдүн түрүнүн аскердик башкаруу органында, ошондой эле алып келүүчүлөр менен эсептешүү тапшырмаларынын бири болгон БАБО түзүмдүк бөлүкчөсүндө жүргүзүлөт.

Китепте ар бир алып келүүчүгө өзүнчө өздүк эсеп ачылат.

Китепте жазуулар алып келүүчүлөр көрсөткөн эсептердин, төлөө талаптарынын жана тапшырмалардын негизинде жазылат.

Көрсөтүлгөн эсептин суммасы алынган материалдык каражаттардын баасына дал келбеген учурда же негизсиз эсеп көрсөтүүдө аскердик башкаруу органынын кызмат адамдары төлөмдүн суммасын такташат же эсепти төлөөдөн баш тартышат, ал жөнүндө алып келүүчүгө билдирилет. Мында 11 жана 12-графаларда тиешелүү жазуулар жазылат.

Китепте чыгарылуучу жыйынтыктарды аскердик башкаруу органынын финансы бөлүмүнүн (бөлүмчөсүнүн) башчысы же башкы бухгалтери, ошондой эле түздөн-түз эсепке алууну жүргүзгөн адам өзүнүн кол тамгасы менен күбөлөндүрөт.

112. Төлөө менен жөнөтүлгөн материалдык каражаттарга келген сумманы эсепке алуу китеби аскер бөлүгүнүн, ЭУ тиешелүү кызматтарында, МАУ, УО жана АКтын камсыздоочу органдарында жүргүзүлөт. Ал керектөөчүлөргө төлөө менен берилген материалдык каражаттарга келип түшкөн сумманы эсепке алууга арналган.

МАУ, УО жана АКтын камсыздоочу органдарында материалдык каражаттарды төлөө менен алган ар бир керектөөчүгө китепте өздүк эсеп ачылат.

1-6-графаларда жазуулар керектөө эсебин (счет-нарядды) ыйгаруу менен бир убакта жазылат, ал эми 7-9-графаларда - алынган сумманы тастыктаган документтерди алгандан кийин жазылат.

Китептин таблицасынын мазмундук бөлүгүндө "МАУ, УО жана АК сметаларынын статьялары боюнча берилген материалдык каражаттардын баасы" графасынын алдында 3, 4, 5-графаларда МАУ, УО жана АК аларга берилген материалдык каражаттарга келип түшкөн суммалар, ошондой эле ар бир статья боюнча төлөнүүгө тийиш болгон эсептин суммасы эсебине кошулган сметасы боюнча чыгымдардын статьясынын классификациясын көрсөткөн кошумча маалыматтар жазылат.

113. Жоготулган материалдык каражаттарды эсептен чыгаруу актысы эгерде күнөөлүү адамдарды алардын күнөөсү боюнча мамлекетке келтирген зыяны үчүн материалдык жоопкерчиликке тартуу жөнүндө тиешелүү чечим кабыл алынган учурда, жоготулган материалдык каражаттарды эсептен чыгаруу үчүн арналган.

Материалдык каражаттарды эсептен чыгаруу актысы эки нускада таризделет:

- бир нускасы жетишсиздик болгон аскер бөлүгүндө калтырылат;

- экинчи нускасы МАУ, УО жана АКтын тиешелүү камсыздоочу органына жоготулган материалдык каражаттарды эсептен чыгаруу үчүн жөнөтүлөт.

Жоготулган материалдык каражаттарды эсептен чыгаруу актысын аскер бөлүгүнүн командири бекитет, анын кол тамгасы Мамлекеттик гербдин сүрөтү бар мөөр менен күбөлөндүрүлөт. Кол тамгасы кана мөөрдүн оттискасы актынын бардык нускаларында кайталанат.

114. Эсептик маалыматтарды текшерүү жүргүзүү жөнүндө билдирүү аскер бөлүктөрүнүн жана куралдануу башкармалыгынын жана/же МАУ, УО жана АКтын башкаруу органдарынын маалыматтарын текшерүүнү тастыктоо үчүн арналган.

115. Эсептик маалыматтардын айырмачылыктарын жоюу жөнүндө буйрук аскер бөлүктөрүнүн жана куралдануу башкармалыгынын жана/же МАУ, УО жана АКтын башкаруу органдарынын эсептик маалыматтарын текшерүүнүн жүрүшүндө айырмачылыктар болгондо таризделет.

116. Материалдык эмес активдерди эсепке алуу актысы мыйзам чыгарууда белгиленген форма боюнча аларды кириштөөгө документ болуп саналат.

117. Материалдык эмес активдерди инвентардык эсепке алуу карточкасы мыйзам чыгарууда белгиленген форма боюнча материалдык эмес активдерди ар бир инвентардык объект боюнча эсепке алууга арналган.

118. Негизги каражаттардын объектисин кабыл алуу-берүү жөнүндө акты мыйзам чыгарууда белгиленген форма боюнча уюмда же МАУ, УО жана АК уюмдарынын ортосунда негизги каражаттардын о5ъектилерин кабыл алууга, кабыл алуу-берүүгө байланыштуу операцияларды тариздөөгө колдонулат.

4. Аскер бөлүктөрүндө (бөлүкчөлөрдө) куралдарды жана ок-дарыларды эсепке алуу, сактоо жана берүү

119. Аскер бөлүктөрүндө (бөлүкчөлөрдө) ок атуучу куралдар жана ок-дарылар материалдык каражаттардын бардыгын жака кыймылын эсепке алуу китеби боюнча аскер бөлүгүндө толугу менен кампада өзүнчө жана ар бир бөлүкчөдө бардыгын чагылдыруу менен эсепке алынат.

Номердик эсепке алуу жана ок атуучу куралды бөлүкчөлөргө (жооптуу адамдарга) бекитүү куралданууну жана техниканы номерлери жана бекитүү боюнча китепте жүргүзүлөт, ал эми башка аскерлердин жана кызматтардын куралдануусунда жана техникасында орнотулган курал - тиешелүү кызматтардагы куралданууну жана техниканы номерлери жана техникалык абалы боюнча эсепке алуу китеби боюнча жүргүзүлөт.

Кошуундарда жана аскер бөлүктөрүндө уурдалган (жоготулган) жана изделбеген куралдарды жана ок-дарыларды номери боюнча эсепке алуу ушул Нускамага 6-тиркемеге ылайык форма боюнча жүргүзүлөт).

120. Бөлүкчөдө ок атуучу курал жана ок-дарылар төмөнкү документтерде эсепке алынат:

- бөлүкчөлөрдөгү материалдык каражаттардын бардыгын жана кыймылын эсепке алуу китеби боюнча;

- ротанын куралдарын жана ок-дарыларын берүү китеби боюнча (ИК уставынын 291, 305-бер. 12-тиркемесине ылайык) толтуруунун үлгүсү ушул Нускаманын 7-тиркемесинде көрсөтүлгөн;

- куралды өздүк курамга бекитүү ведомосту боюнча (ушул Нускамага 8-тиркеме);

- убактылуу колдонууга берилген материалдык каражаттарды эсепке алуу китеби боюнча;

- күжүрмөн толуктоо пунктунда ок-дарыларды таратуу-тапшыруу ведомосттору боюнча.

Бөлүкчөдө жүргүзүлгөн бардык материалдык каражаттарды эсепке алуу китептери жана бекитүү ведомосттору же карточкалары аскер бөлүгүнүн (кошуундун) штабында эсепке алынат.

121. Бөлүкчөдөгү материалдык каражаттардын бардыгын жана кыймылын эсепке алуу китебинде ок атуучу курал комплектиси менен түрлөрү жана үлгүлөрү боюнча аларга кошулган ЗБАЖ жеке комплектиси менен бирге эсепке алышат.

Куралдын ар бир түрүнө бир нече барак бөлүнөт (куралдануунун кыймылына жараша). Китептин аягында бардык куралды номердик эсепке алуу үчүн бир нече барак бөлүнөт.

Куралдарга ок-дарылар номенклатура боюнча түрүн, калибрин, октордун кыймылын, заводдун номерин жана жасалган жылын көрсөтүү менен эсепке алынат.

Бөлүкчөдөгү материалдык каражаттардын бардыгын жана кыймылын эсепке алуу китеби бөлүкчөнүн старшинасында (командиринде) сакталат.

122. Бөлүкчөнүн өздүк курамына ок атуучу куралды өздүк курамга бекитүү ведомостунда жеке өзүн кол койдуруу менен бекитилет. Ведомость окутуунун ар бир мезгилине түзүлөт жана материалдык каражаттардын бардыгын жана кыймылын эсепке алуу китеби менен бирге бөлүкчөдө сакталат.

Аскер кызматчысына бекитилген ок атуучу курал аскердик билетине (өздүк күбөлүгүнө) куралдын үлгүсүн, сериясын, номерине жана берилген датасын көрсөтүү менен жазылат. Куралды берүү жөнүндө ар бир жазуу бөлүкчөнүн командиринин (штабдын башчысынын) кол тамгасы менен күбөлөндүрүлөт жана аскер бөлүгүнүн гербдик мөөрү менен бекитилет. Куралды берүү жана тапшыруу жөнүндө ар бир жазуу бөлүкчөнүн командиринин (штабдын башчысынын) колу менен тастыкталат жана аскер бөлүгүнүн гербдик мөөрү менен бекитилет,

Куралды бөлүкчөнүн өздүк курамынан кабыл алуу аны куралды бекитүү ведомостунан эсептен чыгаруу жолу менен жүргүзүлөт.

Бөлүкчөдө бекитилбеген куралды сактоого уруксат берилбейт.

123. Бөлүкчөлөрдө курал жана ага ок-дарылар, анын ичинде окуу куралдары куралды сактоочу бөлмөдө сакталышы керек. Куралды сактоо үчүн бөлмө болуп өзүнчө жай, темир контейнерлер (жүктөрдү ташуу үчүн арналган стандартташтырылган көп жолу пайдаланылуучу тара) же транспорт каражаттарынын кузов-фургону эсептелет.

Куралдарды сактоо бөлмөсү Ушул Нускаманын 11-пунктунун талаптарына ылайык жабдылышы керек жана ар дайым суткалык наряддын адамдарынын кайтаруусунда болушу керек. Караңгы киргенден тартып таң атканга чейин бөлмөдө толук жарыктандыруу болушу керек.

Бул бөлмөлөрдө куралды тейлөөгө байланышпаган башка мүлктү сактоого тыюу салынат.

Куралдарды сактоо бөлмөлөрүндө (жайларында) терезенин ойдуңдарында, вентилляциялык люктарда диаметри 10 ммден кем эмес темир чыбыктар менен көздөрү 20 х 20 ммден ашпаган металл торчолор жана көздөрү 150 х 150 мм ден чоң эмес металл торчолор бекем кадалат. Торчонун чыбыктары бири бири менен ар бир кесилиште ширетилет.

Куралды сактоо үчүн бөлмөнүн эшиги темир лист менен капталышы керек жана бөлмөнүн ичинен жабылган көлөмү 100х100 мм кароочу терезеси бар болуш керек. Чыбыктарынын диаметри 10 мм болгон көздөрү 150х150 мм ден ашпаган металл торчо эшикти же жылдыруучу дубалды коюуга уруксат берилет.

Бөлүкчөлөрдүн куралды сактоочу бөлмөсүндөгү шыптын жабуусу (шып), полдор жана дубалдар бекем жана бул бөлмөлөргө кирүү мүмкүндүгү жок болушу керек.

(КР Өкмөтүнүн 2018-жылдын 21-сентябрындагы № 438 токтомунун редакциясына ылайык)

124. Куралы менен пирамидалар, шкафтар жана тапанчалары жана октору менен кутулар, ошондой эле куралды сактоо үчүн бөлмөлөр кулпу менен бекитилиши керек жана мөөр менен басылышы керек: пирамидалар жана бөлмө-бөлүкчө боюнча нөөмөтчүнүн мөөрү менен; шкафтар жана тапанчалары жана ок-дарылары менен кутулар - ротанын старшинасынын мөөрү менен.

Куралды жана пирамидаларды сактоо үчүн бөлмөнүн ачкычы өзүнчө бир тизмекте кармалат жана ар дайым бөлүк боюнча нөөмөтчүдө болушу керек, ал эми шкафтардын, тапанчалары жана ок-дарылары менен кутулардын ачкычтары - ротанын старшинасында болушу керек. Ачкычтарды кимдир бирөөлөргө берүүгө тыюу салынат.

Запастык ачкычтар жашыруун бөлүктө бөлүкчөнүн командиринин мөөрү басылган тубуста (пеналда) сакталат.

Бөлмөнүн же пирамидалардын ачкычтары жоголгон учурда кулпулар тезинен алмаштырылууга тийиш.

125. Куралды сактоо үчүн бөлмөдө материалдык каражаттардын тизмеси илинет, ага бул бөлмөдө сакталган, куралды тейлөөгө арналган пирамидалардын, шкафтардын, кутулардын, плакаттардын жана мүлктүн саны жазылат. Описте пирамидалардын, шкафтардын, кутулардын инвентардык номерлери жана алар кандай мөөр менен басылгандыгы көрсөтүлөт. Описке бөлүкчөнүн командири кол коёт.

Бир бөлмөдө бир нече бөлүкчөнүн (аскер бөлүктөрүнүн) куралдарын жана ага ок-дарыларды сактаган учурда аскер бөлүгүнүн (гарнизондун) командиринин буйругу менен куралдарды жана ага ок-дарыларды жайгаштырууга, сактоого жана сакталышын камсыздоого жооптуу дайындалат жана ал бөлмөнүн мүлкүнүн описине кол коёт.

Куралды сактоо бөлмөсүнө кире бериште куралды, ок-дарыларды жана жардыргыч заттарды уурдоо үчүн жоопкерчилик жөнүндө Кылмыш кодексинен көчүрмө илинет.

126. Ар бир пирамидага (шкафка, сейфке, кутуга) бөлүкчөнү, жооптуу адамдын аскердик наамын, аты-жөнүн, пирамидалардын (шкафтын, сейфтин, кутунун) номерлерин жана алар печатталган мөөрлөрдүн номерлерин көрсөтүү менен ярлык ушул Нускаманын 9-тиркемесине ылайык форма боюнча бекитилет. Пирамидага (шкафка, сейфке, үкөккө) ушул Нускаманын 10-тиркемесине ылайык форма боюнча анда куралдын аталышын жана алардын санын көрсөтүү менен опись илинет. Описке бөлүкчөнүн командири (штабдын башчысы) куралды алган (тапшырган) күнү кол коёт жана аларга өзгөртүүлөрдү киргизет.

Пирамиданын (шкафтын) ар бир уячасында ушул Нускаманын 11-тиркемесине ылайык форма боюнча куралдын үлгүсүнүн аталышын жана номерин, алар бекитилген адамдын аскердик наамын, фамилиясын жана аты-жөнүн көрсөтүү менен ярлык чапталышы (бекитилиши) керек.

127. Октору менен кутуда бөлүкчөнүн командири (штабдын башчысы) кол койгон ушул Нускаманын 12-тиркемесине ылайык форма боюнча опись болушу керек. Описте октордун аталышы жана саны, заводдун номери жана алар жасалган жылы көрсөтүлөт.

Бөлүкчөлөрдө кароолдук кызматты өтөө үчүн күжүрмөн октордун саны аскердик бөлүктүн командиринин буйругу менен ар бир бөлүкчөнүн практикалык керектөөлөрүнө карата белгиленет.

Куралга магазиндер жана ленталар куралдандырылган абалда сакталган учурда магазиндер жылына бир жолу (ленталар - үч жылда бир жолу) куралсыздандырылат, ок-дарыларды техникалык кароо жүргүзүлөт жана ушул эле ок-дарылар менен башка куралда болгон магазиндер жана ленталар куралдандырылат. Куралдандырылган магазиндери жана ленталары менен үкөктө ушул Нускаманын 13-тиркемесине ылайык форма боюнча магазиндерди кайра куралдандыруу графиги болушу керек.

Бөлүкчөдө (штабда, мекемеде) сакталган бир номенклатурадагы октор бир заводдон чыгарылган жана бир жылда жасалганы боюнча кармалат.

128. Автоматтар, карабиндер, винтовкалар пулеметтор, ООЖ жана кол гранатометтору, штык-бычактар (штыктар) пирамидаларда, ал эми тапанчалар (револьверлер) жана куралга ок-дарылар - металл, кулпу менен бекитилүүчү шкафтарда же кутуларда сакталышы керек.

129. Аскер бөлүгүнүн (мекеменин) офицерлеринин жана прапорщиктеринин штаттык куралдары, аларга октор металл, кулпу менен бекитилүүчү шкафтарда (бөлүктүн штабында (мекемеде) сакталышы керек. Октор өзүнчө металл, кулпу менен бекитилүүчү, аларды сактоого жооптуу офицер (прапорщик) мөөр баскан кутуда жайгаштырылышы керек. Офицерлер жана прапорщиктер суткалык нарядды өтөө үчүн берген октор шкафта кутудан тышкары уюлдук жабдыктарда сакталышы мүмкүн. Шкафка бөлүктүн нөөмөтчүсү мөөр басат. Аскер бөлүгү боюнча нөөмөтчүдө болгон офицерлердин жана прапорщиктердин куралдары жана ок-дарылары салынган шкаф, мындан тышкары кароолдун башчысына жашырын чыгуусу жана кайтаруу белги берүүсү менен жабдылышы керек.

Тапанчаларды жана аларга окторду сактоо орду, берүү жана кабыл алуу тартиби аскер бөлүгүнүн командиринин буйругу менен аныкталат.

130. Окуу куралдары жана аларга ок-дарылар, тапанчалардан тышкары, күжүрмөн куралдардан жана ок-дарылардан өзүнчө сакталат. Өзүнчө пирамидалар жок болсо окуу куралдарын күжүрмөн куралдар менен бирге сактоого уруксат берилет, мында анын сактоо орду "ОКУУ КУРАЛЫ" жазуусу менен белгиленет.

Окуу октору өзүнчө кулпу менен бекитилген жана мөөр басылган металл кутуда куралды сактоочу бөлмөдө сакталат.

Окуу тапанчалары күжүрмөн тапанчалар менен бирге аскер бөлүгүнүн штабында сакталат. Аларды сактоо орду "ОКУУ КУРАЛЫ" жазуусу менен белгиленет.

Спорттук курал күжүрмөн курал менен бирге сакталат. Анын сактоо орду "СПОРТТУК КУРАЛ" жазуусу менен белгиленет. Спорттук куралга октор күжүрмөн октор менен бирге сакталат.

Окуу жана спорттук куралды, окуу жана спорттук окторду берүү күжүрмөн куралды (окторду) берүүдөй эле жүргүзүлөт.

131. Кызматтык иш сапарга куралы менен кетип жаткан аскер кызматчысына иш сапар күбөлүгүнө куралдын үлгүсүнүн аталышы, сериясы, номери, ошондой эле ага берилген ок-дарылардын аталышы жана саны жазылат. Жазуу иш сапар күбөлүгүнө кол койгон адамдын кол тамгасы жана Мамлекеттик гербдин сүрөтү бар мөөр менен бекитилет. Команданы (кароолду) куралдандыруу үчүн арналган ок атуучу курал жана ок-дарылар команданын (кароолдун) улугунун иш сапар күбөлүгүнө куралдын үлгүсүнүн аталышын, сериясын, санын, ошондой эле аларга ок-дарылардын аталышын, санын көрсөтүү менен жазылат. Иш сапар күбөлүгүнүн номери жана датасы ротанын куралды жана ок-дарыларды берүү китебинде жазылат.

Дайындалган ордуна келгенде, куралдар жана ок-дарылар эгерде алар кызматтык тапшырманы аткарууга талап кылынбаса, иш сапар орду боюнча аскер бөлүгүнө же аскердик комендантка убактылуу сактоого тапшырылат.

Аскер кызматчыларына куралды жана ок-дарыларды аскер бөлүгүнө же аскердик комендантка убактылуу сактоого тапшыруу куралды жана ок-дарыларды берүү китеби боюнча жүргүзүлөт. Бул максатта куралды жана ок-дарыларды берүү китебинде өзүнчө бөлүк ачылат же өзүнчө куралдарды же ок-дарыларды убактылуу сактоого кабыл алуу китеби ачылат.

Иш сапарга келген аскер кызматчыларынын куралдарын жана ок-дарыларын сактоо үчүн өзүнчө пирамида же пирамидада (шкафта) өзүнчө орун бөлүнөт.

132. Суткалык нарядды алмаштырууда куралды кабыл алуу жана тапшыруу бөлүкчөнүн (аскер бөлүгүнүн) нөөмөтчүсүнө бирден, номерлери жана пирамидада сакталган куралдын описине жана ок-дарыларды берүү китебине ылайык комплекттелиши боюнча, ал эми ок-дарыларды - мөөр басылган кутулардын саны боюнча аларды ачпастан куралды сактоо бөлүмүндө сакталган материалдык каражаттардын описине ылайык жүргүзүлөт, ал жөнүндө нөөмөттү кабыл алуу жана тапшыруу китебинде жазылат.

Куралды сактоо үчүн бөлмөнү кайтаруунун техникалык каражаттарынын оңдугуна, пирамидалардын, шкафтардын, куралы менен сейфтердин, ок-дарылары менен кутулардын бекиткичтерине жана кулпуларынын бекемдигине, мөөрлөрдүн оттискаларынын бүтүндүгүнө, алардын описте көрсөтүлгөн номерлерине дал келишине, ошондой эле иш сапардан, наряддан жана окуулардан келген адамдардын куралды өз убагында тапшыруусуна өзгөчө көңүл бурулат.

133. Өздүк курамга курал, тапанчалардан тышкары, рота боюнча нөөмөтчүгө ротанын командиринин (старшинасынын) буйругу боюнча берилет, ал эми жоокерлерге жана сержанттарга - ротанын старшинасы ротанын командиринин буйругу менен гана берет.

Бирден аскер кызматчыларына курал жана ок-дарылар куралды жана ок-дарыларды берүү китебинде (ушул Нускамага № 7 тиркеме) алардын өз колдорун койдуруу менен берилет.

Бөлүкчөлөр айгай боюнча, машыгууларга жана окууларга чыгууда, ошондой эле жасап чыгуу үчүн берүүдө алынган куралга китепте бөлүкчөнүн командири же анын орун басары кол коёт, ал эми кароолго турганда - кароолдун башчысы кол коёт.

Айгай болгон учурда ок атуучу куралды жана ок-дарыларды берүүнү тездетүү максатында, атайын бөлүнгөн орунда, алдын-ала жазуулар жазылат, ал такталат.

134. Офицерлерге жана прапорщиктерге тапанчаларды аскер бөлүгү боюнча нөөмөтчү куралды жана ок-дарыларды берүү китеби боюнча аскер бөлүгүнүн командиринин буйруусу боюнча берет. Айгай (жыйын) жарыялоодо курал жана ок-дарылар офицерлерге жана прапорщиктерге карточка боюнча (ушул Нускаманын 14-тиркемесине ылайык) берүүгө уруксат берилет, мында куралды жана ок-дарыларды берүү китебине жазуу жүргүзүлбөйт.

Карточкалар аскер бөлүгүнүн РАК кызматында жазылат жана офицерлерге жана прапорщиктерге аларга куралды бекиткенде берилет.

135. Кароол үчүн ок-дарылар ротанын командиринин уруксаты менен берилет, ал эми бөлүкчөнүн нөөмөтчүсүнө - аскер бөлүгүнүн нөөмөтчүсүнүн буйругу менен ротанын старшинасы жеке өзү берет, ал өзү ок-дарыларды кабыл алат жана китепте кол коёт.

Ок-дарыларды кароолдук кызматты етөө үчүн аскер бөлүгү боюнча нөөмөтчүдө сактоодо ал аларды кароолдун башчысына (башчынын жардамчысына) куралды жана ок-дарыларды берүү китебинде жеке өзүн кол койдуруу менен берет. Нөөмөтчү ок-дарыларды кызмат өтөө аяктаганда кабыл алат жана китепте кол коёт.

Окууларга окуу окторун бөлүкчөнүн старшинасы окуулардын жетекчисине куралды жана ок-дарыларды берүү китебинде кол койдуруу менен берет.

136. Кароолдун башчысы кароолдун курамына куралды жана ок-дарыларды таратуучу ведомость боюнча (ушул Нускамага № 15 тиркеме) куралдын үлгүсүнүн аталышын, сериясын жана номерин, ок-дарылардын аталышын жана санын көрсөтүү менен куралды жана ок-дарыларды алган аскер кызматчысынын өз колун койдуруу менен берет.

137. Эгерде кароолдун курамында эки орундуу посттор каралса, анда кызмат өтөө аяктаганда жана металл кутуда сактаган ок-дарыларды кароолдун башчысына тапшырганда, кароолдор өздөрүнүн аскер бөлүктөрүнө (бөлүкчөлөрүнө) улуктун командачылыгы алдында жөнөтүлөт, ал жерде бөлүкчө боюнча нөөмөтчүгө куралды тапшырышат. Кароолдордун куралды тапшыруусу жөнүндө бөлүкчө боюнча нөөмөтчүлөр тез арада кароолдун башчысына кабарлайт жана бөлүкчөнүн командирине жана аскер бөлүгүнүн нөөмөтчүсүнө билдиришет.

Кароолду кароолдук кызматты өтөөден четтеткенде аны бөлүкчөнүн (аскер бөлүгүнүн) карамагына жөнөтүүнүн алдында кароолдун башчысы андан куралды жана ок-дарыларды алышы керек. Алынган курал жана Ок-дарылар бөлүкчөлөргө кароолдун башчыларына кароол алмашкандан кийин тапшырылат.

138. Айгай боюнча жоокерлердин жана сержанттардын тапанчаларын жана ок-дарыларын алып чыгууда, ошондой эле офицерлердин жана прапорщиктердин (мичмандардын) тапанчаларын айгай боюнча жыйындын ордуна алып жүрүүчү, кулпуга жабылган жана мөөр басылган, бир тапанча экинчи тапанча менен жада кутунун дубалдары (жапкычы) менен тийишпегидей арматурасы 5ар металл кутуларда жеткирүүгө уруксат берилет.

139. Куралды берүүнүн бардык учурларында бөлүкчөнүн командири жана анын орун басары өздүк курамдын өздөрүнө бекитилген гана ок атуучу куралды алуусуна көз салуусу керек.

140. Аскер бөлүгүнүн машыгууларга тартылбаган жоокерлеринин, сержанттарынын жана старшиналарынын куралдары жана ок-дарылары бөлүкчөлөрдүн биринде сакталышы же кампага тапшырылышы мүмкүн.

141. Курал менен окуулар (машыгуулар, ок атуулар, нөөмөттөр, патрулдоо, кызматтык тапшырманы аткаргандан кийин, иш сапарлар) аяктаганда жана кароолдон кайтканда курал тазаланышы керек жана бөлүкчө (аскер бөлүгү) боюнча нөөмөтчүгө тапшырылышы керек. Куралды тапшырган аскер кызматчылары алардан курал эсептен чыгарылгандыгына көзү жетиши керек. Түнкү убакта курал сүртүлүп гана коюлат жана тапшырылат, аягына чейин тазалоо күндүз жүргүзүлөт.

142. Кароолдук жайда ГК уставында каралган күжүрмөн октордун запасы, ошондой эле ар дайым кароолдо сакталган ок атуучу курал аскер бөлүгүнүн кампасынан гарнизондун комендантына (аскер бөлүгү боюнча буйрук менен дайындалган бөлүкчөнүн командирине) накладной менен берилет. Бул курал жана ок-дарылар коменданттык жана башка бөлүкчөгө эсепке алынат.

Ар дайым кароолдо сакталган куралдарды жана ок-дарыларды берүү зарылдыгы жогору турган командачылык тарабынан бекитилет.

Ар дайым кароолдо сакталган куралдар жана ок-дарылар бөлүкчөдөгү материалдык каражаттардын бардыгын жана кыймылын эсепке алуу китебине ок-дарылардын эсебин жазгандан кийин өзүнчө баракта жазылат.

143. Кароолдук жайга бөлүкчөдөн куралды жана ок-дарылардын запасын (ар дайым кароолдук жайда сакталган) берүү (коюу) ушул Нускаманын 16-тиркемесине ылайык форма боюнча кароолго куралды жана ок-дарыларды коюу акты боюнча жүргүзүлөт. Актты төрт нускада гарнизондун аскердик коменданты түзөт жана өзү, ошондой эле аскер бөлүгүнүн (кошуундун) РАК кызматынын башчысы, андан ок атуучу курал жана ок-дарылар кароолдук жайга берилген бөлүкчөнүн командири жана кароолдун башчысы кол коюшат. Актыны гарнизондун башчысы (аскер бөлүгүнүн командири) бекитет. Актынын бирден нускасы: гарнизондун аскердик комендантына (аскер бөлүгүнүн штабынын башчысына), аскер бөлүгүнүн РАК кызматынын башчысына, андан ок атуучу курал жана ок-дарылар кароолго берилген бөлүкчөнүн командирине берилет. Актынын бир нускасы куралдын жана ок-дарылардын запасы менен үкөккө салынат.

5. Бөлүкчөдө материалдык каражаттарды эсепке алуу

144. Бөлүкчөдө материалдык каражаттардын бардыгын, кыймылын жана сапаттык (техникалык) абалын эсепке алууну бөлүкчөнүн командири уюштурат. Бөлүкчөдө эсепке алуу ушул Нускаманын 17-тиркемесинде берилген эсептик документтердин формалары боюнча жүргүзүлөт.

145. Материалдык каражаттарды (КААТ жана сооттанктык, автомобилдик, инженердик кызматтардын материалдык каражаттарынан, электрогаздык камсыздоо техникасынан жана электрогаздык материалдык каражаттардан башкасын) эсепке алууну старшина бөлүкчө үчүн толугу менен, эреже катары, бөлүкчөдөгү материалдык каражаттардын бардыгын жана кыймылын эсепке алуунун бир китебинде жүргүзөт.

Материалдык каражаттардын ар бир түрүнө (РАК, инженердик кызматтын материалдык каражаттарына, РХБ коргонуу куралдануусу жана эсепке алууну жүргүзүү тартибин, көрсөтүүнүн мезгилдүүлүгүн жана билдирүүлөрдүн жана отчеттордун формаларын бирикменин аскерлеринин колбашчысы камсыздоочу орган менен макулдашып белгилейт.

Бирикмеде материалдык каражаттарды ыкчам эсепке алуу ыкчам эсепке алуу китептериндеги (карточкаларындагы) отчеттордун жана билдирүүлөрдүн негизинде жүргүзүлөт. Материалдык каражаттарды ыкчам эсепке алуу китебин (карточкаларын) каттоо эсептик документтерди каттоонун жалпы эрежелерине ылайык жүргүзүлөт.

КААТ жана башка материалдык каражаттар баш ийген кампаларда, ошондой эле отчет берүүчү аскер бөлүктөрүндө (кошуундарда) турган негизги номенклатура жана баштапкы документтери боюнча эсепке алынууга тийиш. Баштапкы документтери боюнча эсепке алынууга тийиш болгон материалдык каражаттардын номенклатурасын БАБОнун тиешелүү түзүмдүк бөлүкчөлөрүнүн башчылары аныктайт.

417. Аскердик өкүлчүлүктөрдө мамлекеттик уюмдарда өндүрүлгөн жана МАУ, УО жана АКтын керектөөлөрү үчүн кабыл алынган даяр продукцияны эсепке алуу, ошондой эле КААТтын тажрыйбалуу үлгүлөрүн жана башка материалдык каражаттарды илимий-изилдөө уюмдарында эсепке алуу ушул Нускамага ылайык белгиленген эсептик документтердин формалары боюнча жүргүзүлөт. Көрсөтүлгөн документтердин формаларынын тизмегин жана эсепке алуу тартибин БАБОнун тиешелүү түзүмдүк бөлүкчөлөрүнүн башчылары аныктайт.

418. Аскер бөлүгүн (кампаны) материалдык каражаттар менен камсыздоого кошуу (камсыздоодон чыгаруу) бөлүктүн командиринин буйругу менен МАУ, УО жана АКтын директиваларынын жана аттестаттарды көрсөтүүнүн негизинде жүргүзүлөт. Камсыздоого киргизүү (камсыздоодон чыгаруу) тартиби МАУ, УО жана АКтын укуктук актыларында аныкталат.

Жаңы түзүлгөн (кайра түзүлгөн) аскер бөлүктөрүн (кампаларды) материалдык каражаттар менен (РАКтан тышкары) камсыздоого кошуу МАУ, УО жана АКтын уюштуруу иш-чараларын жүргүзүү жөнүндө директиваларынын негизинде жүргүзүлөт.

Жоюлган (кайра түзүлгөн) аскер бөлүктөрүн (кампаларды) камсыздоодон чыгаруу МАУ, УО жана АКтын уюштуруу иш-чараларын жүргүзүү жөнүндө директиваларынын негизинде көрсөтүлгөн аскер бөлүктөрү (кампалар) аларда эсепте турган материалдык каражаттарды тапшыргандан кийин жана жыйынтыктоочу отчетторду көрсөткөндөн кийин жүргүзүлөт.

419. Куралдуу Күчтөргө материалдык каражаттар менен камсыздоо жүктөлгөн аскер бөлүктөрүн, аскер прокуратураларын, Кыргыз Республикасынын Улуттук коопсуздук мамлекеттик комитетинин аскердик контрчалгындоо башкармалыктарын жана бөлүмдөрүн, башка уюмдарды РАК менен камсыздоого кошуу же аларды камсыздоодон чыгарууну, аскер бөлүктөрүн жана камсыздалуучу органдарды камсыздоо тартибин камсыздоочу орган аныктайт, ал эми РАК кызматында - куралды каражаттарына, байланыш каражаттарына, күйүүчү май жана башкага) эсеп китебинде өзүнчө бөлүк бөлүнөт.

Эсеп китебиндеги баштапкы жазуулар аскер бөлүгүнүн тиешелүү кызматында жазылат, кийинки жазууларды бөлүкчөнүн старшинасы (жазуучусу) жүргүзөт. Келип түшкөн же бөлүкчөдөн жөнөтүлгөн (тапшырылган) материалдык каражаттар эсеп китеби боюнча ошол эле күнү кириштелет (эсептен чыгарылат). Эсеп китебинде болгон маалыматтар ар бир күнгө материалдык каражаттардын бардыгын чагылдырышы керек.

146. Бөлүкчөдө КААТтын техникалык абалын, комллекттелишин жана иштешин эсепке алуу формулярлар (паспорттор) каралган үлгүлөр үчүн гана жүргүзүлөт. Бул эсепти бөлүкчөнүн командиринин куралдануу боюнча орун басары (улук техниги, техниги) формулярларда (паспорттордо) жүргүзөт. Формулярларда (паспорттордо) КААТты тейлөө жана оңдоо боюнча маалыматтар дагы чагылдырылат.

Формулярлардын (паспорттордун) бардык бөлүмдөрү өз убагында, так жана таза, аларды жүргүзүү эрежелерине ылайык толтурулушу керек.

147. Формулярларды (паспортторду) жүргүзүүгө жоопкерчиликти бөлүкчөнүн командири жана анын куралдануу боюнча орун басары (улук техниги, техниги), ошондой эле аскер бөлүгүнүн тиешелүү кызматынын башчысы апат. Бөлүкчөдө узак сактоодо турган жана колдонуудагы же кыска мөөнөттүк сактоодо турган КААТ жана чатырларга формулярлар (паспорттор) сакталат.

148. КААТтын үлгүлөрүнүн, бирден ЗБАЖдын комплекттелишинин абалын бөлүкчөнүн командири же бөлүкчөнүн командиринин куралдануу боюнча орун басары (улук техниги, техниги) комплекттүүлүк карточкасында эсепке алат, ал тиешелүү үлгүдөгү КААТтын формуляры (паспорту) менен бирге сакталат.

Курал аскер кызматчысына куралды бекитүү ведомостуна өз колун койдуруу менен бекитилет. Аскер кызматчысына берилген жана ага курал бекитилген номер, мындан тышкары, анын аскердик билетине жазылат.

149. Аскер кызматчыларына бир айга чейинки мөөнөткө убактылуу колдонууга берилген материалдык каражаттар убактылуу берилген материалдык каражаттарды эсепке алуу китебинде эсепке алынат. Көрсөтүлгөн китеп боюнча материалдык каражаттар оңдоого да тапшырылат.

Убактылуу колдонууга берилген материалдык каражаттар бөлүкчөнүн эсебинен бөлүкчөдөгү материалдык каражаттардын бардыгын жана кыймылын эсепке алуу китебинен эсептен чыгарылбайт.

150. КААТка орнотулган аккумулятордук батареяларды аз ток менен заряддоо жүргүзүлгөн бөлүкчөдө заряддоо параметрлерин эсепке алуу аккумулятордук батареяларды аз ток менен заряддоо параметрлерин эсепке алуу китебинде эсепке алынат.

151. Бөлүкчөнүн ар бир имаратында (бөлмөдө, кладоваяда, сактоочу жайда) анда болгон материалдык каражаттардын описи илинет.

Описке бөлүкчөнүн командири кол коёт.

Имаратта (бөлмөдө, кладоваяда, сактоочу жайда) болгон мебель, инвентарь жана бардык жабдуулар номерленет жана бөлүкчөдөгү материалдык каражаттардын бардыгын жана кыймылын эсепке алуу китебинде эсепке алынат. Сактоочу жайда (кладоваяда) сакталган КААТ жана башка материалдык каражаттар материалдык каражаттардын описине киргизилбейт.

152. КААТ иштеши жана күйүүчү майды чыгымдоо ушул бөлүкчөдө агрегаттардын таризделген иштөө барактарында камтылган маалыматтардын негизинде эсепке алынат.

153. КААТка өз алдынча май куюу жүргүзгөн бөлүкчөнүн командири ай сайын аскер бөлүгүнүн күйүүчү май жана майлоочу материалдар кызматынын башчысына материалдык каражаттардын бардыгы жана кыймылы жөнүндө билдирүү көрсөтөт, ал бөлүкчөдөгү жүргүзүлгөн материалдык каражаттардын бардыгын жана кыймылын эсепке алуу китептеринде жана машиналардын иштөөсүн, күйүүчү жана майлоочу майларды чыгымдоону эсепке алуу китебинде жүргүзүлгөн жазуулардын негизинде түзүлөт.

154. Техникага өз алдынча май куюу жүргүзүлбөгөн бөлүкчө үчүн аскердик техниканын иштешин жана күйүүчү майдын чыгымдалышын эсепке алууну аскер бөлүгүнүн тиешелүү кызматтары жүргүзүшөт.

155. Өзүнүн аскер бөлүгүнөн өзүнчө жайгашкан бөлүкчөдө материалдык каражаттарды аларды түрлөрү боюнча эсепке алууну аскер бөлүгүнүн командиринин буйругу менен дайындалган адамдар жүргүзүшөт.

156. Күчтөрү жана каражаттары өзүнүн аскер бөлүгүнөн өзүнчө жайгашкан (машыгууда, полигондо жана башкада), алар үчүн күйүүчү май жана азык-түлүк бирикменин кампаларынан, алып келүүчүлөрдүн кампаларынан (базаларынан) же жакынкы аскер бөлүктөрүнөн көрсөтүлгөн бөлүкчөлөрдүн транспортун колдонуу менен алынып келген бөлүкчөдө алардын алуучуларына отчет менен чектик талаптардын китепчелери (бланктары) жана аскер кызматчысынын аттестаттарынын бланктары берилет. Чектик талаптарда жана аттестаттарда аскер бөлүгүнүн Мамлекеттик гербдин сүрөтү бар мөөрлөрү басылат. Чектик талаптардын жана аттестаттардын туура жана мыйзамдуу пайдаланылышына контролдоону аскер бөлүгүнүн тиешелүү кызматтарынын башчылары жүргүзүшөт.

157. Бөлүкчө үчүн ушул Нускаманын 156-пунктунда көрсөтүлгөн тартипте чектик талап менен алынган күйүүчү май жана азык-түлүк ай сайын аскер бөлүгүнүн тиешелүү кызматтарында күйүүчү май боюнча материалдык каражаттардын бардыгы жана кыймылы жөнүндө көрсөтүлгөн билдирүү жана азык-түлүк боюнча отчет-карточкасы менен чектик талаптардын талондорунун негизинде, ошондой эле бөлүкчөнүн күчтөрү жана каражаттары өзүнүн аскер бөлүгүнө келгенде кириштелет.

Материалдык каражаттар жөнүндө билдирүүгө жана отчет-карточкага бардык кириш жана чыгыш документтери тиркелет.

6. Аскер бөлүгүнүн (кошуундун) кампасындагы материалдык каражаттарды эсепке алуу

158. Аскер бөлүгүнүн (кошуундун) кампасындагы материалдык каражаттарды эсепке алууну кампанын башчысы ушул Нускаманын 18-тиркемесине ылайык эсептик документтердин формалары боюнча жүргүзөт.

159. Кампада материалдык каражаттардын бардыгын, кыймылын жана сапаттык абалын эсепке алуу жүргүзүлөт:

- бардык түрдөгү ракеталарды жана ок-дарыларды - "Буюмдарды эсепке алуу үчүн" жана ага тиешелүү "Ок-дарыларды жана башкарылбаган ракеталарды эсепке алуу үчүн" арткы бети менен категориялуу материалдык каражаттарды эсепке алуу карточкалары боюнча (1-барак);

- РАК кызматынын категориялары боюнча эсепке алынган материалдары жана материалдык каражаттары, эндей түрүндөгү ЗБАЖ - РАК кызматынын эндей түрүндөгү запастык аспаптарды жана жабдыктарды, башка материалдык каражаттарды эсепке алуу китеби боюнча ушул Нускаманын 5-тиркемесине ылайык;

- КААТ жана категориялары боюнча эсепке алынган материалдык каражаттар - категориялуу материалдык каражаттарды эсепке алуу карточкалары боюнча (1-барак) же бөлүкчөдөгү материалдык каражаттардын бардыгын жана кыймылын эсепке алуу китеби боюнча;

- башка материалдык каражаттар - категориясыз материалдык каражаттарды эсепке алуу китеби боюнча (1-барак) же бөлүкчөдөгү материалдык каражаттардын бардыгын жана кыймылын эсепке алуу китеби боюнча.

160. КААТтын ар бир бирдигинин техникалык абалы, комплекттелиши жана иштетилгендиги, алар үчүн формулярлар (паспорттор) каралган, кампада алардын формулярларында (паспортторунда) чагылдырылат. Формулярлар (паспорттор) менен бирге КААТтын бирден ЗБАЖга комплекттүүлүк карточкасы жүргүзүлөт жана сакталат.

161. Кампада сакталган материалдык каражаттардын комплекттеринин комплекттүүлүгүн эсепке алуу комплекттисиздик карточкасы боюнча жүргүзүлөт.

Комплектисиздик карточкасы материалдык каражаттардын ар бир комплектисине жүргүзүлөт жана бул комплектиге документациясы менен бирге сакталат. Толугу менен комплекттелген материалдык каражаттардын комплектисине карточка ачылбайт.

162. Кызматтын башчысынын буйругу боюнча оңдоо бөлүкчөсүнө (оңдоочу аскер бөлүгүнө, устаканага) оңдоого (техникалык тейлөөгө, жасап чыгууга) тапшырылган материалдык каражаттар кампанын эсебинен чыгарылбайт. Көрсөтүлгөн материалдык каражаттар, ошондой эле кызматтын башчысынын буйругу менен бир айлык мөөнөткө чейин убактылуу колдонууга берилген материалдык каражаттар аскер бөлүгүнүн кампасында убактылуу колдонууга берилген материалдык каражаттарды эсепке алуу китебинде жазылат.

163. Кампага келип түшкөн материалдык каражаттардын ар бир партиясына стеллаждык (штабелдик) ярлык ачылат, анда ушул партиядагы материалдык каражаттарга кезектеги кароонун (кайра консервациялоонун, анализдөөнүн) мөөнөтүн көрсөтүү менен кыскача мүнөздөмө берилет.

Учурдагы камсыздоонун материалдык каражаттарынын кампаларында бир аталыштагы материалдык каражаттардын ар бир партиясына стеллаждык (штабелдик) ярлыктар ачылбайт, толугу менен бир жерде категориясы боюнча сакталган материалдык каражаттардын ар бир аталышына жүргүзүлөт.

164. КААТ жана башка материалдык каражаттарды кампадан жөнөтүүдө керек учурда үкөккө (тюкка, контейнерге жана башкага) таңгактоочу барак таризделет.

7. Оңдоо бөлүкчөсүндө материалдык каражаттарды эсепке алуу

165. Аскер бөлүгүнүн оңдоо бөлүкчөсүнүн командири материалдык каражаттарды эсепке алууну ушул Нускаманын талаптарына ылайык уюштурат.

Оңдоо бөлүкчөсүндө төмөнкүлөр дагы эсепке алынат:

- табелдик жабдуулар жана аспаптар, ошондой эле аскер бөлүгүнүн кампасынан алынган агрегаттар, запастык бөлүктөр, ЗБАЖ жана чыгымдалган материалдар - бөлүкчөдөгү материалдык каражаттардын бардыгын жана кыймылын эсепке алуу китебинде;

- оңдоого (техникалык тейлөөгө, жасап чыгууга) кабыл алынган материалдык каражаттар, ошондой эле чыгымдалган агрегаттар, запастык бөлүктөр, ЗБАЖ жана чыгымдалган материалдар көрсөтүлгөн иштерди жүргүзүүдө жана ЗБАЖ комплекттерин толуктоодо - куралданууну, техниканы жана башка материалдык каражаттарды оңдоону (тейлөөнү, жасап чыгууну) эсепке алуу китебинде.

Оңдоого (техникалык тейлөөгө, регламенттик иштерге, жасап чыгууга) келип түшкөн материалдык каражаттар бөлүкчөдөгү материалдык каражаттардын бардыгын жана кыймылын эсепке алуу китебине жазылбайт.

Эсептен чыгарылган материалдык каражаттарды бөлүүдөн (ажыратуудан) алынган агрегаттар, приборлор, запастык бөлүктөр, материалдар жана ЗБАЖ оңдоо бөлүкчөсүндө аскер бөлүгүнүн тиешелүү кызматы берген сапаттык абалын өзгөртүү актысы боюнча, аскер бөлүгүнүн командири бекиткенден кийин - бөлүкчөнүн материалдык каражаттарынын бардыгын жана кыймылын эсепке алуу китебинде эсепке алынат.

166. Оңдоо бөлүкчөсүнүн аскер кызматчыларына, ошондой эле оңдолуучу машиналардын айдоочуларына (экипаждын мүчөлөрүнө) бир айдан көп эмес мөөнөткө белгилүү бир иштерди аткаруу үчүн берилген аспаптар жана жабдыктар убактылуу берилген материалдык каражаттарды эсепке алуу китебинде эсепке алынбайт. Аспаптарды жана жабдыктарды формасы аскер бөлүгүнүн командиринин буйругу менен бекитилген жетон боюнча бир күнгө берүүгө уруксат берилет.

167. Оңдоо бөлүкчөсүнүн командири ай сайын, белгиленген мөөнөткө, аскер бөлүгүнүн тиешелүү кызматынын башчысына материалдык каражаттардын бардыгы жана кыймылы жөнүндө билдирүүнү ушул Нускаманын 5-тиркемесине ылайык көрсөтөт. Куралданууну, техниканы жана башка материалдык каражаттарды оңдоону (техникалык тейлөөнү, жасап чыгууну) эсепке алуу китебиндеги оңдолгон (тейленген, жасалып чыккан) КААТты кабыл алган кабыл алуучулардын кол тамгасы менен бекитилген жазуулардын негизинде билдирүүдө көрсөтүлгөн максатка чыгымдалган агрегаттар, запастык бөлүктөр, ЗБАЖ жана материалдар, ошондой эле иштердин жүрүшүндө алынган чогултуучу бирдиктердин оңдоо фонду көрсөтүлөт.

168. Аккумулятордук батареяларды иштөө абалына келтирүү, заряддоо, контролдук-машыгуу циклдери жана оңдоо жүргүзгөн аскер бөлүгүнүн ондоо бөлүкчөсүндө (устаканада) алардын техникалык абалын эсепке алуу аккумулятордук батареяларды иштөө абалына келтирүү жана аккумулятордук батареяларды аз ток менен заряддоонун параметрлерин эсепке алуу китептери боюнча жүргүзүлөт.

8. Аскер бөлүгүнүн кызматынын материалдык каражаттарды эсепке алуусу

169. Аскер бөлүгүнүн кызматында материалдык каражаттарды эсепке алууну аскер бөлүгүнүн кызматынын башчысы уюштурат. Ал аскер бөлүгүнүн бөлүкчөлөрүндө, баш ийген кампаларында материалдык каражаттардын тиешелүү түрлөрүн эсепке алууну жетектейт жана өз убагында аларды эсептик документтердин бланктары менен камсыздайт, кызматтын жогору турган башчысына аскер бөлүгүндөгү материалдык каражаттардын бардыгы, кыймылы жана сапаттык (техникалык) абалы жөнүндө билдирүүлөрдү (отчетторду) ыкчам билдирүү табелине ылайык, ошондой эле көрсөтүлгөн маселелер боюнча керектүү маалыматтарды өзүнүн түздөн-түз башчысына өз убагында даярдоону жана көрсөтүүнү уюштурат.

170. Аскер бөлүгүнүн кызматында эсепке алуу жүргүзгөн адамдарга төмөнкүлөр жүктөлөт:

- материалдык каражаттардын кыймылына жана сапаттык (техникалык) абалын өзгөртүүгө байланышкан бардык операцияларды тариздөө боюнча эсептик документтерди түзүү, эсепке алуу жана сактоо;

- аскер бөлүгүндө материалдык каражаттардын бардыгын, кыймылын жана сапаттык (техникалык) абалын эсепке алуу китептерин жана карточкаларын жүргүзүү (компьютердик техниканы колдонуу менен эсепке алууда -баштапкы эсептик документтерди иштеп чыгуу);

- бөлүкчөлөрдөгү, аскердик кампалардагы эсептин маалыматтарын кызматтагы эсептин маалыматтары менен салыштырып текшерүү;

- аскер бөлүгүндөгү материалдык каражаттардын бардыгы, кыймылы жана сапаттык (техникалык) абалы жөнүндө билдирүүлөрдү (отчетторду) ыкчам билдирүү табелине ылайык даярдоо.

Өзүнүн чарбасын жүргүзгөн аскер бөлүгүнүн кызматтарында материалдык каражаттарды эсепке алуу ушул Нускаманын 19-тиркемесине ылайык эсептик документтердин формалары боюнча жүргүзүлөт.

171. Аскер бөлүгүнүн кызматында баш ийген кампанын, ар бир камсыздалуучу бөлүкчөнүн жана толугу менен аскер бөлүгүнүн материалдык каражаттарынын бардыгын, кыймылын жана сапаттык (техникалык) абалын эсепке алуу жүргүзүлөт.

Категориялары боюнча эсепке алынган КААТ жана башка материалдык каражаттар - категориялуу материалдык каражаттарды эсепке алуу карточкасы боюнча же материалдык каражаттардын бардыгын жана кыймылын эсепке алуу китеби боюнча эсепке алынат;

Башка материалдык каражаттар - категориясыз материалдык каражаттарды эсепке алуу карточкасы боюнча же материалдык каражаттардын бардыгын жана кыймылын эсепке алуу китеби боюнча эсепке алынат.

172. Бөлүкчөлөрдөгү КААТ аларга аскер бөлүгүнүн командиринин буйругуна ылайык бекитилет. КААТтын бекитилишин эсепке алуу, ошондой эле техникалык абалын, комплекттүүлүгүн, номерлери жана техникалык абалы боюнча эсепке алынган КААТтын ар бир бирдигин эсепке алуу номерлери жана техникалык абалы боюнча эсепке алынган КААТты эсепке алуу китептери боюнча, ракеталарды - номерлери жана техникалык абалы боюнча эсепке алынган буюмдарды эсепке алуу китеби боюнча, ченөө каражаттарын - аскер бөлүгүнүн тиешелүү кызматы ченөө каражаттарынын техникалык абалын, текшерүүнү жана оңдоону эсепке алуу китеби боюнча эсепке алат.

Кошуундун курамына кирген аскер бөлүгүнөн кошуундун тиешелүү кызматына КААТты бөлүкчөлөргө бекитүү жөнүндө буйруктун көчүрмөсү көрсөтүлөт.

Буюмдарды номерлери жана техникалык абалы боюнча эсепке алуу китептеринде эсепке алынган материалдык каражаттардын тизмегин, буюмдарды номерлери жана техникалык абалы боюнча эсепке алууну, ченөө каражаттарынын техникалык абалын, текшерүүнү жана оңдоону эсепке алууну тиешелүү камсыздоочу органдар аныктайт.

173. Бузук КААТ аскер бөлүгүнүн кызматында бузук КААТты эсепке алуу китебинде жазылат. Ушул китеп боюнча дагы КААТтын күжүрмөн даярдыгын калыбына келтирүүнүн жүрүшүн эсепке алуу жүргүзүлөт.

174. Аккумулятордук батареяларды эсепке алууну жана аларды КААТка бекитүүнү аскер бөлүгүнүн кызматы аккумулятордук батареяларды эсепке алуу китеби боюнча жүргүзөт.

175. ЗБАЖдын бирден, топтук жана оңдоо комплекттеринин комплекттүүлүгүн, аларды толуктоонун жүрүшүн аскер бөлүгүнүн кызматы комплектисиздик карточкасы боюнча аскер бөлүгүнүн бөлүкчөлөрүндө жана кампаларында турган бардык КААТты жана бир маркадагы комплекттерди сумма түрүндө эсепке алат.

Бөлүкчөлөрдө жана кампаларда турган ЗБАЖдын бирден, топтук жана оңдоо комплекттерин толуктап комплекттөө толуктап коюу акты менен, ал эми табылган комплектисиздик - эсептен чыгаруу (калдыктарды чыгаруу) актылары менен таризделет.

176. Эгерде аскер бөлүгүндө техникага күйүүчү майды өз алдынча куюу жүргүзүлсө, анда аскер бөлүгүнүн командиринин буйругу менен жол (иш) барактарын жазып берүү, каттоо жана берүү жана алардын кайтып келүүсүнө контролдоо жүктөлгөн, ошондой эле бөлүкчөдө материалдык каражаттардын бардыгын жана кыймылын, машиналардын иштешин, күйүүчү жана майлоочу майлардын чыгымдалышын эсепке алуу китептерин жүргүзгөн жана материалдык каражаттардын бардыгы жана кыймылы жөнүндө билдирүүлөрдү түзгөн адам дайындалат.

9. Кошуундун кызматынын материалдык каражаттарды эсепке алуусу

177. Кошуундун кызматынын материалдык каражаттарды эсепке алуусун кошуундун башчысы уюштурат. Ал ошондой эле: аскер бөлүктөрүндө, баш ийген кампаларда материалдык каражаттардын тиешелүү түрүн эсепке алууну жетектейт жана өз убагында аларды эсептик документтердин бланктары менен өз кызматы боюнча камсыздайт, аскер бөлүктөрүнүн материалдык каражаттарды эсептен чыгаруу жана төмөнкү (жогорку) категорияга которуу актыларын карайт, алар боюнча корутундуларды берет жана тиешелүү башчыларга бекитүүгө көрсөтөт, аскер бөлүктөрүндө жана баш ийген аскердик кампаларда жүргүзүлгөн текшерүүлөрдүн (инвентаризациялоонун) актыларын карайт, эсепте табылган жетишпестиктерди жоюу боюнча чараларды кабыл алат, кызматтын жогору турган башчысына аскер бөлүгүндөгү материалдык каражаттардын бардыгы, кыймылы жана сапаттык (техникалык) абалы жөнүндө билдирүүлөрдү (отчетторду) ыкчам билдирүү табелине ылайык, ошондой эле көрсөтүлгөн маселелер боюнча керектүү маалыматтарды өзүнүн түздөн-түз башчысына өз убагында даярдоону жана көрсөтүүнү камсыздайт.

178. Кошуундун кызматында эсепке алуу жүргүзгөн адамдарга жүктөлөт:

- материалдык каражаттардын кыймылына жана сапаттык (техникалык) абалын өзгөртүүгө байланышкан бардык операцияларды тариздөө боюнча эсептик документтерди түзүү, эсепке алуу жана сактоо;

- кошуунда материалдык каражаттардын бардыгын, кыймылын жана сапаттык (техникалык) абалын эсепке алуу китептерин жана карточкаларын жүргүзүү (компьютердик техниканы колдонуу менен эсепке алууда - баштапкы эсептик документтерди иштеп чыгуу);

- кошуундун аскердик чарбасынын тиешелүү объектисиндеги эсептин маалыматтарын кызматтагы эсептин маалыматтары менен салыштырып текшерүү;

- кошуунга бөлүнгөн жана аскер бөлүктөрүнө бекитилген фонддорду жана материалдык каражаттарды чыгымдоо лимитин эсепке алуу;

- кошуундагы материалдык каражаттардын бардыгы, кыймылы жана сапаттык (техникалык) абалы жөнүндө билдирүүлөрдү (отчетторду) ыкчам билдирүү табелине ылайык даярдоо.

179. Кошуундун кызматтары материалдык каражаттарды кошуундун ар бир баш ийген аскердик чарбасынын объектисин, бардык аскер бөлүктөрүн жана толугу менен кошуунду эсепке агуу жүргүзөт.

Кошуундун өздөрүнүн кампалары жок кана түздөн-түз аскер бөлүктөрүн материалдык каражаттар менен камсыздабаган кызматтары материалдык каражаттарды эсепке алууну аскер бөлүктөрүнүн билдирүүлөрүндө жана отчетторунда камтылган маалыматтардын негизинде гана жүргүзүшөт.

Кошуундун кызматтары материалдык каражаттарды эсепке алууну ушул Нускаманын 19-тиркемесине ылайык эсептик документтердин формалары боюнча жүргүзүшөт.

180. Кошуундун кызматы материалдык каражаттардын бардыгын, кыймылын жана сапаттык (техникалык) абалын эсепке алуу жүргүзөт:

- КААТты жана башка категориялуу материалдык каражаттарды - категориялуу материалдык каражаттарды эсепке алуу карточкасы боюнча же материалдык каражаттардын бардыгын жана кыймылын эсепке алуу китеби боюнча ушул Нускаманын 5-тиркемесине ылайык;

- башка категориясыз материалдык каражаттарды - категориясыз материалдык каражаттарды эсепке алуу карточкасы боюнча же материалдык каражаттардын бардыгын жана кыймылын эсепке алуу китеби боюнча.

181. Кошуундун кызматы номерлери жана техникалык абалы боюнча эсепке алынган КААТтын техникалык абалын, комплекттүүлүгүн жана иштетилгендигин эсепке алууну ушул Нускаманын 172-пунктунда каралган тартипте жүргүзөт.

Кошуундун кызматы бузук КААТты, ошондой эле алардын күжүрмөн даярдыгын калыбына келтирүүнү эсепке алууну бузук КААТты эсепке алуу китеби боюнча жүргүзөт.

182. Кошуундун кызматы аккумулятордук батареяларды эсепке алууну жана аларды КААТка бекитүүнү аккумулятордук батареяларды эсепке алуу китеби боюнча жүргүзөт.

10. Аскердик башкаруу органдарында куралдарды жана аларга ок-дарыларды эсепке алуу, сактоо жана берүү өзгөчөлүктөрү

183. Офицерлердин жана прапорщиктердин куралын, аларга ок-дарыларды эсепке алууну аскер бөлүгүнүн РАК кызматы, кошуундун администрациялык чарбалык бөлүмү, бирикменин администрациялык (финансылык) чарбалык бөлүмү, башкармалык материалдык каражаттардын бардыгын жана кыймылын эсепке алуу китеби боюнча жүргүзөт. Аскер кызматчыларына курал өздүк курамга куралды бекитүү ведомостунда өздөрүн кол койдуруу менен бекитилет.

Ок атуучу куралды эсепке алууга, сактоого жака берүүгө жоопкерчиликти штабдын башчысы (анын милдетин аткаруучу адам) алат.

Куралды жана ок-дарыларды эсепке алууну, бардыгын текшерүүнү, алардын сакталышын: аскер бөлүктөрүндө - кызмат адамдары тарабынан ИК уставында бекитилген мөөнөттө, башкармалыкта - атайын дайындалган комиссия кварталына бир жолудан кем эмес текшерүү актын түзүү менен уюштуруу жүргүзүлөт.

184. Штабдын жана аскер бөлүктөрүнүн офицерлеринин жана прапорщиктеринин куралы аскер бөлүгүнүн штабында (башкармалыкта) металл, кулпуга бекитилген шкафта (сейфте) сакталат. Тапанчаларга октор тапанчалары менен бирге өзүнчө, кулпуга бекитилген металл кутуда шкафта (сейфте) сакталышы керек. Суткалык наряд үчүн октордун бир бөлүгүн уюлдук жабдыктарда сактоого уруксат берилет.

Куралы жана ок-дарылары менен шкаф (сейф) ушул Нускаманын 124-беренесине ылайык жабдылган куралды сактоочу бөлмөдө, ал эми аскер бөлүгүнүн штабында (башкармалыкта) ал жок болсо - аскер бөлүгү (башкармалык) боюнча нөөмөтчүнүн бөлмөсүндө орнотулат. Куралды сактоо үчүн бөлмө (шкаф, куту) ар дайым суткалык наряддын кайтаруусунда болушу керек, кароолдун башчысына жашырын чыккан белгиси менен кайтаруунун техникалык каражаттары (үн жана жарык белги берүүлөрү) менен жабдылышы керек.

185. Куралды сактоо үчүн бөлмөнүн, шкафтын (сейфтин) жана ок-дарылары менен кутунун ачкычтары аскер бөлүгү (башкармалык) боюнча нөөмөтчүдө сакталат жана аларды башка адамдарга берүүгө тыюу салынат.

Куралды сактоо үчүн бөлмөнүн, тапанчалары менен шкафтын жана октору менен кутунун запастык ачкычтары аскер бөлүгүнүн (башкармалыктын) жашыруун-режимдик органында мөөр басылган түрдө сакталат. Бул ачкычтар жоголгон учурда кулпулар тезинен алмаштырылат. Куралды сактоо үчүн бөлмө, шкаф (тапанчалары менен сейф аскер бөлүгү (башкармалык) боюнча нөөмөтчүнүн мөөрү менен басылат. Үкөктө сакталган ок-дарылардын описине өзгөртүү киргизүүгө жооптуу адам ок-дарылары менен үкөккө мөөр басат.

186. Штабдардын жана аскер бөлүктөрүнүн аскер кызматчыларына кампадан куралды жана ок-дарыларды берүүнү накладнойлор боюнча аскер бөлүгүнүн камсыздоочу кызматы жүргүзөт.

Накладнойду жазып берүүгө негиз болуп кызматтык милдеттерди аткарууга киришкендиги жөнүндө буйрук эсептелет. Накладной боюнча ок атуучу куралды, ага окторду аскер кызматчысы жеке өзү алат.

187. Башкармалыктардын аскер кызматчыларына куралды жана ок-дарыларды кампадан берүү тиешелүү башкармалыктын башчысы же анын орун басары кол койгон, Мамлекеттик гербдин сүрөтү бар мөөрү менен тастыкталган табыштамалар боюнча жүргүзүлөт.

Табыштамада аскер кызматчысынын кызмат орду, аскердик наамы, фамилиясы, аты, атасынын аты, өздүк күбөлүгүнүн номери көрсөтүлөт жана өздүк колунун үлгүсү күбөлөндүрүлөт. Табыштаманын негизинде накладной жазылып берилет, ал боюнча аскер кызматчысы куралды жана ок-дарыларды кампадан өзү алат.

Аскер кызматчысына куралды жана окторду берген камсыздоочу орган кийинки күнү аскер кызматчысынын кызмат өтөө орду боюнча аскер кызматчысына берилген куралга накладнойдун көчүрмөсүн жөнөтөт.

Аскердик шаарчанын (башкармалыктын) аймагынан тышкары жайгашкан кампалардан куралды жана ок-дарыларды алуу үчүн офицерлерге жана прапорщиктерге аскер бөлүктөрүнүн командирлери (башкармалыктардын башчылары) автотранспорт бөлүп берүүгө милдеттүү.

188. Аскер кызматчысы кампадан алган тапанча жана октор ошол эле күнү аскер бөлүгү боюнча нөөмөтчүгө же куралды эсепке алууга, сактоого жана берүүгө жооптуу адамга тапанчаны жана окторду тапшыргандын жана кабыл алгандын жеке өзүн куралды жана ок-дарыларды берүү китебинин өзүнчө бөлүгүндө кол койдуруу менен тапшырылат. Кабыл алынган куралдарга жана ок-дарыларга документтер ошол эле күнү аскер бөлүгүнүн РАК кызматына же куралды эсепке алууга, сактоого жана берүүгө жооптуу адамга тапшырылат.

189. Аскер кызматчысынын өздүк күбөлүгүнө куралды алгандыгы жөнүндө жазууну РАК кызматынын башчысы же куралды эсепке алууга, сактоого жана берүүгө жооптуу адам жүргүзөт. Жазуу РАК кызматынын башчысынын (куралды эсепке алууга, сактоого жана берүүгө жооптуу адамдын) кол тамгасы менен тастыкталат жана аскер бөлүгүнүн (башкармалыктын) Мамлекеттик гербдин сүрөтү бар мөөр менен бекитилет.

190. Башкармалыктарда куралдарды жана аларга ок-дарыларды сактоо жана берүү тартиби тиешелүү башчылардын ушул Нускамага ылайык буйругу менен аныкталат.

191. Тапанчаларды сактоо үчүн шкафта опись (ушул Нускамага 10-тиркеме) илинет, анда сакталган куралдын, ок-дарылардын кутулары менен кутулардын жана эндей түрүндө октордун түрү жана саны көрсөтүлөт. Описке штабдын (башкармалыктын) башчысы кол коёт. Описке өзгөрүүлөр суткалык наряд алмашканга чейин куралды жана ок-дарыларды сактоого жооптуу адам киргизет.

Тапанчалары менен шкаф тапанчалар, магазиндер жана кобуралар үчүн арматуралар менен жабдылат.

Шкафта противогаздарды жана башка мүлктү сактоого тыюу салынат.

192. Аскер кызматчыларына тапанчаларды жана аларга окторду берүү жана кабыл алуу аскер бөлүгүнүн (башкармалыктын) командири белгилеген тартипте уюштурулат. Аскер кызматчыларына тапанчаларды жана аларга окторду берген адамдар аларды өз убагында тапшырууну контролдоосу керек.

193. Аскер бөлүгүнөн аскер кызматчысы жаңы кызмат өтөө ордуна кеткенде же аскердик кызматтан бошонгондо тапанчалар жана октор кампага тапшырылышы керек, ал үчүн аскер кызматчысына камсыздоочу органдан накладной берилет, анын негизинде ал тапанчаны жана окторду аскер бөлүгү боюнча нөөмөтчүдөн (куралды жана ок-дарыларды эсепке алууга, сактоого жана берүүгө жооптуу адамдан) куралды жана ок-дарыларды берүү китебинде жеке өзү кол коюу менен алат жана ошол эле күнү аларды кампага тапшырат.

Кампанын башчысы кол койгон накладнойду көрсөткөндө аскер бөлүгү боюнча нөөмөтчү (куралды жана ок-дарыларды эсепке алууга, сактоого жана берүүгө жооптуу адам) аскер кызматчысынан тапанчаны жана ок-дарыларды куралды жана ок-дарыларды берүү китебинен жана куралды өздүк курамга бекитүү ведомостунан эсептен чыгарат.

Накладной менен бирге камсыздоочу органга (куралды жана ок-дарыларды эсепке алууга, сактоого жана берүүгө жооптуу адамга) карточка (ушул Нускамага 14-тиркеме) тапшырылат, андан кийин камсыздоочу орган (куралды жана ок-дарыларды эсепке алууга, сактоого жана берүүгө жооптуу адам) аскер кызматчысынын өздүк күбөлүгүндө куралды тапшыргандыгы жөнүндө белгилейт жана аттестат берет.

Аскердик кызматтан бошотулуучу офицерлердин жана прапорщиктердин куралдары жана ок-дарылары алардын контракттын шарттарын аткарбагандыгы үчүн, аскер кызматчысынын намысын бузган кылык жасагандыгы үчүн аскердик наамынан ажыратылган, аларга кылмыш-жаза эркинен ажыратуу түрүндө дайындалганда, алар Кыргыз Республикасынын "Жалпы аскердик милдеттүүлүк жана аскердик кызмат жөнүндө" Мыйзамына ылайык белгиленген талаптарга жооп бербей калган учурда офицерлердин жана прапорщиктердин куралдары жана ок-дарылары алардын түздөн-түз башчылары тарабынан бөлүктүн командиринин (башкармалыктын башчысынын) көрсөтмөсү менен кампага тапшырылат.

194. Суткалык наряды жок аскердик башкаруу органында тапанчаларды жана аларга ок-дарыларды жакынкы аскер бөлүгүндө (суткалык наряд болгон башкармалыкта) сактоого уруксат берилет, мында тапанчалар жана аларга октор акты боюнча тапшырылат (убактылуу сактоого берилет); офицерлерге, прапорщиктерге тапанчаны жана окторду берүү жана кабыл алуу тартибин курал жана ок-дарылар сакталган аскер бөлүгүнүн (башкармалыктын) командири аныктайт.

11. Окуу борборлорунда, ок атуу шаарчаларында машыгууларды өткөрүүдө, ок атууларда жана күжүрмөн нөөмөттөрдө ок атуучу куралдарды жана ок-дарыларды эсепке алуу, сактоо кана берүү өзгөчөлүктөрү

195. Окуу борборлорунда куралдарды жана ок-дарыларды эсепке алуу, сактоо жана берүү туруктуу жайгашкан жеринде жүргүзүлөт жана окуу борборунун башчысы тарабынан уюштурат.

196. Окуу борборунун аймагына чыгарылган күжүрмөн машиналар (танктар, жөө аскерлердин күжүрмөн машиналары, бронетранспортерлор жана башка куралдануусу бар күжүрмөн техника тосулган жана түнкү убакта жарыктандырылган токтотуу үчүн аянтчаларда кароолдун кайтаруусунда сакталышы керек.

Ачык аянттарда турган окуу-күжүрмөн тобунун танктарынан, БМП, БТР жана башка техникасынан пулеметтор бөлүкчөнүн куралды сактоочу бөлмөсүндө сакталат.

Күжүрмөн машиналарды кайтарууга тапшыруу жана аларды ачуу ГК уставына ылайык уюштурулат, күжүрмөн машиналарды жана унаа каражаттарын печаттоо (пломбалоо) эрежесин жана тартибин аскер бөлүгүнүн командири белгилейт. Күжүрмөн машиналарды, унаа каражаттарынын тенттерин печаттоо (пломбалоо) аларга мөөрдү (пломбаларды) бузбастан (ачпастан) кирүү мүмкүнчүлүгүн чыгаруусу керек.

197. Күжүрмөн машиналарды взводдордун (күжүрмөн машиналардын) командирлери ок атуу шаарчасынын башчысына печаттап (пломбалап), машинаны куралдануусу менен тапшыруу жөнүндө тиешелүү жазуу менен тапшырышат. Жазууну ок атуучу шаарчанын башчысы жүргүзөт.

Ок атуу шаарчасынын башчысы кабыл алган күжүрмөн машиналар, ошондой эле ок атуу шаарчасынын печатталган окуу класстары кароолдун кайтаруусуна тапшырылат.

198. Аскер кызматчылары окуу, ок атуу, машыгуу мезгилдеринде куралды ар дайым өздөрү менен алып жүрүүлөрү керек.

Эс алуу (тыныгуу) маалында, ошондой эле техниканы тейлөөдө курал бөлүкчөнүн командиринин буйругу менен колдогу материалдардан жабдылган пирамидаларга атайын кайтарууга бөлүнгөн адамдардын кайтаруусунда орнотууга уруксат берилет.

Машыгуулардын убагында командирлер (башчылар) күн сайын бөлүкчөлөрдө куралдардын жана ок-дарылардын бардыгын текшерип туруусу керек жана текшерүүнүн жыйынтыгын команда боюнча билдирип туруусу керек.

199. Ок-дарыларды практикалык ок атууларга берүү аскер бөлүгүнүн кампасынан практикалык ок атууларды өткөрүүгө буйруктун көчүрмөсүнүн, бөлүкчөнүн командиринин табыштамасынын (ушул Нускаманын 20-тиркемеси), аскер бөлүгүнүн РАК кызматынын башчысынын жазуу түрүндө буйругунун негизинде жүргүзүлөт. Бул ок-дарыларды аскер бөлүгүнүн командиринин буйругу менен бөлүкчөнүн офицери (старшинасы) же куралды жана ок-дарыларды эсепке алууга, сактоого жана берүүгө жооптуу адам аскер бөлүгүнүн кампасынан ок-дарыларды таратуу-тапшыруу ведомосту боюнча алат.

200. Практикалык ок атуулар жана машыгуулар үчүн алынган окторду, жардыруучу баштыктарды, белги жана жарык берүүчү каражаттарды бөлүкчөдө бир суткадан ашык эмес металл, кулпуга бекитилген кутуда (сейфте) сактоого уруксат берилет, аны бөлүкчөнүн старшинасы печаттайт жана суткалык нарядга кайтарууга куралды жана ок-дарыларды берүү китеби боюнча тапшырат.

201. Ок атуу мезгилине бөлүкчөнүн командири күжүрмөн азыктануу пунктун уюштурат. Күжүрмөн азыктануу пунктунун башчысы (бөлүкчөнүн старшинасы же взводдун командиринин орун басары) ок-дарыларды таратуучуларга ок-дарыларды таратуу-тапшыруу ведомосту боюнча күжүрмөн толуктоо пунктунда же түздөн-түз атуучу жоокерлерге (сержанттарга, старшиналарга) берет жана чыгымдалбаган ок-дарыларды эсеп боюнча (бирден) кабыл алат. Ок атуулар аяктаганда ал бөлүкчөнүн командирине (старшинага) берилген, чыгымдалган жана калган ок-дарылардын саны жөнүндө билдирет.

Күжүрмөн толуктоо пунктунун башчысына РАК кызматынын офицерлерин, башчысын же кампанын кампачысын дайындоого тыюу салынат.

202. Таратуучу кийинки сменага ок-дарыларды таратуу-тапшыруу ведомосту боюнча ок атуунун жетекчисинин командасы боюнча гана берет, ал эми көнүгүүлөрдү аткаруу (ок атуу) аяктагандан кийин чыгымдалбаган ок-дарыларды кабыл алат.

Таратуучу алынган, берилген жана тапшырылган (кайтарылып берилген, чыгымдалбаган) ок-дарыларды эсепке алат жана ок атуулар аяктаганда алынган, чыгымдалган жана тапшырылган ок-дарылар үчүн таратуу-тапшыруу ведомостун жана чыгымдалбаган ок-дарыларды күжүрмөн толуктоо пунктунун башчысына кайтаруу менен отчет берет.

Ок атуулар аяктаганда таратуу-тапшыруу ведомосту текшерилет жана күжүрмөн толуктоо пунктунун башчысы, бөлүкчөнүн командири жана ок атуунун жетекчиси кол коюшат. Алар таратуу-тапшыруу ведомостунда көрсөтүлгөн ок-дарылардын чыгымдалышын окуу атууларды аткаруунун жыйынтыгын эсепке алуу ведомостунун маалыматтары менен салыштырышат.

Ок атуунун жетекчисинин командасы боюнча атылган гильзалар жана атылбай калган октор, гранаталардын шакектери, октун ленталары чогултулат. Өздүк курам жана экипировкасы ок атуудан кийин октордун жана гранаталардын калбагандыгын билүү үчүн текшерилиши керек.

Ок атуу учурунда атылган окторду жана тыгындоолорун жоготкон учурда аткан бөлүкчөнүн командирин, кампадан ок-дарыларды алган адамды жана ок атуунун жетекчисин (машыгуунун ортомчусун) кол койдуруу менен акт түзүлөт.

Таратуу-тапшыруу ведомосту кампага чыгымдалбаган октор, гранаталар, атылган гильзалар, гранаталардын шакектери менен бирге тапшырылат. Ал аскер бөлүгүнүн РАК кызматында сакталат жана документалдык текшерүү жүргүзүлгөндөн кийин жок кылынат.

203. Чыгымдалбаган ок-дарыларды, атылбай калган окторду, атылган гильзаларды жана порох тыгындоолорун бөлүкчө аскер бөлүгүнүн кампасына ок атуу күнү, ал эми түнкү ок атууларда - ок атуудан кийинки күнү тапшырышы керек.

Ок-дарыларды кампага тапшыруу тапшыруучунун жана кабыл алуучунун колу менен тастыкталат, ал кампанын башчысында калат жана ок-дарыларды алган адамга (бөлүкчөгө) отчет үчүн негиз болот.

204. Аэродромдордун старттык абалдарында, радиотехникалык посттордо, командалык пункттарда жана байланыш түйүндөрүндө күжүрмөн нөөмөт өтөө мезгилинде жоокерлердин (матростордун), сержанттардын жана старшиналардын куралдары сакталат:

- старттык абалдарда - калкалануучу жайларда, кабиналардын штаттык пирамидаларында, пункттарда орнотулган пирамидаларда;

- аэродромдордо - нөөмөтчү экипаждардын үйлөрүндө орнотулган пирамидаларда;

- командалык пункттарда (пункттарда, башкармалыкта), байланыш түйүндөрүнүн кабыл алуу жана берүү борборлорунда - өзүнчө бөлмөлөрдө орнотулган пирамидаларда, алар жок болсо - куралы менен пирамидаларга жана аларда куралдын сакталышына ар дайым көзөмөл жүргүзүүнү камсыздаган орундарда.

Алыстагы командалык пункттарда офицерлердин жана прапорщиктердин тапанчаларын жана аларга окторду металл, кулпуга жабылган печатталган шкафта (сейфте) сактоого уруксат берилет, ал командалык пункт боюнча нөөмөтчүнүн бөлмөсүндө орнотулат. Бул тапанчаларды жана окторду кабыл алуу жана берүү күн сайын аскер бөлүгүнүн командиринин буйругу менен белгиленген тартипте жүргүзүлөт.

205. Куралдарды сактоо үчүн бөлмөнүн, пирамидалардын, кабиналардын жана чиркештиргичтин ачкычтары жана мөөрлөрү аскер бөлүгүнүн командиринин буйругу менен дайындалган адамдарда сакталат. Куралдын бардыгы күн сайын эсептер алмашканда текшерилет.

206. Батареянын командалык-диспетчердик пункттарында белги берүүчү курал өзүнчө нөөмөтчүлөр кулпу менен бекиткен жана мөөр баскан металл шкафтарда (сейфтерде) сакталат. Шкафтар (сейфтер) суткалык наряддын адамдарынын кайтаруусунда болушу керек.

207. Аскер бөлүктөрү жана бөлүкчөлөр лагерь түрүндө жайгашса, куралдарды жана ок-дарыларды атайын жабдылган чатырларда (орундарда) сактоого уруксат берилет. Куралдар жана ок-дарылар кулпу менен жабылган жана ушул Нускаманын талаптарына ылайык печатталган пирамидаларда же штаттык укупоркаларда (үкөктөрдө) сакталат.

Куралдарды жана ок-дарыларды сактоо үчүн чатырлар (жайлар) печатталат жана кароолго кайтарууга тапшырылат.

Куралдарды жана ок-дарыларды сактоо үчүн жайларда тышкы жана ички зым тосмолор болушу керек. Караңгы киргенден тартып таң атканга чейин тышкы тосмолорго кире бериш жарыктандырылышы керек.

12. Базалык лагерлерде, чек ара контролдоо пункттарында жана блокпосттордо куралдарды жана ок-дарыларды эсепке алуу, сактоо жана берүү өзгөчөлүктөрү

Базалык лагерлерде жана чек ара заставаларында куралдарды эсепке алуу, сактоо жана берүү туруктуу жайгашкан жери боюнча жүргүзүлөт жана бөлүкчөлөрдүн, чек ара заставаларынын командирлери тарабынан уюштурулат.

Базалык лагерлерде жана чек ара заставаларында бөлүкчөлөрдүн куралдары жана ок-дарылары куралдарды сактоо үчүн бөлмөлөрдө, атайын жабдылган чатырларда (орундарда) кулпуга бекитилген жана ушул Нускаманын талаптарына ылайык печатталган талаа түрүндөгү пирамидаларда же штаттык укупоркаларда (үкөктөрдө) сакталат.

Куралдарды жана ок-дарыларды сактоо үчүн чатырлар (жайлар) суткалык наряддын адамдарынын кайтаруусунда болушу керек.

Блокпосттордо куралдарды жана ок-дарыларды сактоону командир (блокпосттун улугу) уюштурат. Блокпостто күжүрмөн толуктоо пункту жабдылат, анда күжүрмөн тапшырмаларды аткаруу үчүн арналган ок-дарылар сакталат.

Аскер кызматчылары күжүрмөн тапшырмаларды аткаруу мезгилинде өздөрү менен куралдын жана ок-дарылардын алып жүрүү запасын ар дайым алып жүрүүсү керек. Блокпосттун өздүк курамын алмаштырууда күжүрмөн толуктоо пунктунун ок-дарылары кабыл алуу-берүү актысы (ушул Нускаманын 21-тиркемеси) боюнча берилет.

Блокпостто куралдарды, ок-дарыларды жана башка мүлктү эсепке алуу бөлүкчөлөрдө материалдык каражаттардын бардыгын жана кыймылын эсепке алуу китеби боюнча жүргүзүлөт.

Күжүрмөн толуктоо пунктундагы ок-дарылар өздүк курамга командирдин (блокпосттун улугунун) уруксаты менен куралдарды жана ок-дарыларды берүү китеби боюнча берилет.

Күжүрмөн аракеттердин мезгилинде же күжүрмөн тапшырмаларды аткарууда чыгымдалган ок-дарылар бөлүкчөлөрдө материалдык каражаттардын бардыгын жана кыймылын эсепке алуу китебинен командирдин (блокпосттун улугунун) билдирүүсүнүн негизинде эсептен чыгарылат. Куралдар жана ок-дарылар жоголгон учурда тезинен бөлүктүн командирине билдирүү жана издөө боюнча чараларды кабыл алуу зарыл.

Чек ара контролдоо пунктунда куралдарды жана ок-дарыларды сактоону наряддын улугу уюштурат жана алардын сакталышына жооп берет.

Чек ара контролдоо пунктунун аскер кызматчылары кызмат өтөөдө ар дайым өздөрү менен куралды жана ага ок-дарылардын алып жүрүү запасын алып жүрүүгө милдеттүү. Эс алуу учурунда курал чек ара контролдоо пунктунун нарядынын улугуна ведомость боюнча тапшырылат, ал эми ок-дарылар магазиндерде өзүндө сакталат.

Чек ара контролдоо пунктунда куралды сактоо үчүн орун (пирамида, куту) жабдылат. Пирамидага (кутуга) куралдардын номерин көрсөтүү менен опись коюлат. Чек ара контролдоо пунктунда куралдарды жана ок-дарыларды сандык эсепке алуу куралды бекитүү ведомосту боюнча жүргүзүлөт.

13. Ок-дарыларды машиналарда жана транспорт каражаттарында эсепке алуу жана сактоо

208. Күжүрмөн машиналарда (танктарда, өзү жүрүүчү артиллериялык түзүмдөрдө, бронетранспортерлордо, жөө аскерлердин күжүрмөн машиналарында жана башкада) жана парктарда турган транспорт каражаттарында (автомобилдерде, чиркелгичтерде, мина тосмолорунда, сүйрөткүчтөрдө) ок-дарыларды сактоону уюштуруу ушул Нускаманын талаптарына ылайык аныкталат.

209. Аскер бөлүгүнүн ок-дарыларынын запасын сактоону уюштурууга, бөлүнгөн аймакты жабдууга жана кайтарууга коюлган бардык талаптарды аткарууга жоопкерчиликти күжүрмөн машиналар (унаа каражаттары) аларга бекитилген бөлүкчөнүн командири алат.

210. Бардык сактоочу жайларды, парктарды, ошондой эле сооттанктык, автомобилдик, артиллериялык жана башка куралдануусу жана ок-дарылары бар техниканы печаттоо (пломбалоо) эрежелерин жана тартибин аскер бөлүгүнүн командири аныктайт, ал аларды кайтарууну ГКнын уставынын талаптарына ылайык уюштурат.

Жогору турган башкаруу органынын чечимине ылайык жаңы түзүлүп жаткан жана резервдеги кошуундарды, бөлүктөрдү жана бөлүкчөлөрдү комплекттөө үчүн арналган ок атуучу курал темир контейнерлерде (жүктөрдү ташуу үчүн арналган стандартташтырылган көп жолу пайдаланылуучу тара) же транспорт каражаттарынын кузов-фургондорунда сакталат.

(КР Өкмөтүнүн 2018-жылдын 21-сентябрындагы № 438 токтомунун редакциясына ылайык)

211. Ок атуучу куралга ок-дарылар жүктөлгөн транспорт каражаттары алардын сакталышын камсыздаган, кайтаруунун техникалык каражаттары менен жабдылган жана бөлүкчөнүн командири (сактоого жооптуу адам) пломбалаган жана печаттаган тенттери бар сактоочу жайларда гана жайгаштырылышы керек.

Ок-дарылар транспорт каражаттарына ок-дарыларды автомобилдерге, жарым чиркегичтерге, чиркегичтерге жана сүйрөткүчтөргө жүктөө ченемдеринин Маалымдамасынын талаптарына ылайык тизилет.

Транспорттук каражаттарды сактоо жайларында, ошондой эле алардын кузовдорунда штаттык тарадагы дезактивациялоо комплектилеринен, кутулардагы маскировкалоочу торлордон жана штаттык үкөктөргө тизилген унаа каражаттарына ЗБАЖдан тышкары башка мүлктү кармоого таптакыр тыюу салынат.

212. Күжүрмөн машиналар аларга жүктөлгөн ок-дарылары менен кайтаруунун техникалык каражаттары менен жабдылган парктардын аймагындагы сактоочу жайларга жайгаштырылат.

213. Ок-дарылар күжүрмөн машиналарга тизүү схемасына ылайык жайгаштырылат.

Пулеметторго окторду күжүрмөн машиналарга коюуда ленталарга жабдыкталат жана кутучаларга тизилет, алар жапкычтар менен жабылат жана бөлүкчөнүн командири пломбалайт. Окторду пачкаларда же эндей сактоого таптакыр тыюу салынат.

214. Машиналардын жана транспорт каражаттарынын (ар дайым ок-дарылар жүктөлгөн) айгай боюнча, машыгууларга ар бир чыгуусунан кийин үкөктөр бирден эсептелет жана ок-дарылардын бардыгы текшерилет, мында герметикалык жабуусун ачууга тыюу салынат.

215. Бөлүкчөлөргө күжүрмөн машиналарга жана транспорт каражаттарына жүктөө үчүн берилген ок-дарылар бөлүкчөнүн материалдык каражаттарынын бардыгын жана кыймылын эсепке алуу китеби боюнча эсепке алынат.

216. Күжүрмөн машиналарда жана унаа каражаттарында сакталган ок-дарыларды сандык жана сапаттык эсепке алуу эсепке алуу китептери, карточкалары жана коштоо барактары боюнча жүргүзүлөт.

Коштоо барактары эки нускада түзүлөт. Биринчи нускалары айдоочуга же күжүрмөн машинанын командирине тапшырылат, алар үчүн алар коштоо барагынын экинчи нускасында кол коюшат. Коштоо барактарынын биринчи нускалары транспорт каражаттарынын кабиналарында сакталат, экинчилери - бөлүкчөнүн командиринде бөлүкчөдө материалдык каражаттардын бардыгын жана кыймылын эсепке алуу китеби менен бирге, өзүнчө пакетте сакталат.

Бөлүкчө ок-дарыларды убактылуу сактоого накладной боюнча аскер бөлүгүнүн кампасына берген учурда кампанын башчысы коштоочу барактардын жана таңгактоочу барактардын биринчи жана экинчи нускаларынын арткы бетинде бул ок-дарыларды алгандыгы жөнүндө белгилейт жана кол коёт. Бул документтердин биринчи нускалары аскер бөлүгүнүн РАК кызматына тапшырылат.

Ок-дарыларды кайрадан бөлүкчөгө берүүдө коштоочу барактарда тиешелүү белгилер жазылат.

14. Ок атуучу куралдарды жана ок-дарыларды кароолдордо эсепке алуу жана сактоо

217. Кароолдо куралдын жана ок-дарылардын сакталышына жоопкерчиликти кароолдун башчысы алат. Пирамидадан курал кароолдун башчысынын, анын жардамчысынын уруксаты менен алынат.

218. Кароолдук жайларда автоматтар жана пулеметтор пирамидаларда магазиндери жок сакталат, пирамидалар кулпуга бекитилбейт. Контролдоо-өткөрмө постторунун кароолдорунун тапанчалары заряддалган түрдө, кобураларда, кулпуга бекитилген металл үкөктөрдө (сейфтерде) сакталат, анын ачкычы кароолдун башчысында болот, ал эми ал кароолдук жайдан кеткенде жана эс алуу мезгилинде кароолдун башчысынын жардамчысына өткөрүп берилет.

219. Кароолдук жайлардагы күжүрмөн октордун, гранаталардын жана аларга запалдардын запасы кароолдун күжүрмөн окторунун запасын эсепке алуу китеби жана кол гранаталарын жана аларга запалдарды эсепке алуу китеби боюнча эсепке алынат, алар ок-дарылары жана гранаталары менен кутуларда сакталат.

Күжүрмөн октордун, гранаталардын жана аларга запалдардын запасын эсепке алуу китебинин формасы ГКнын уставына тиркемеге ылайык белгиленген.

220. Ок-дарылары менен үкөк кароолдун башчысынын бөлмөсүндө турган материалдык каражаттардын описине жазылат, ал эми ар дайым кароолдук жайда (посттордо) турган курал описте (посттун табелинде) үлгүнүн аталышын, сериясын жана номерин көрсөтүү менен эсепке алынат.

Кароолдун башчысы кароол алмашканда ар дайым кароолдук жайда жана посттордо сакталган ок-дарылардын запасы менен үкөктү, куралды опись боюнча өзү кабыл алууга жана посттук ведомостто жазуу жазууга милдеттүү.

Кароолдун өздүк курамына кароолдук жайда жана посттордо ар дайым сакталган куралды жана ок-дарыларды берүү тартиби Кароолдун башчысынын нускамасында аныкталат.

221. Кароолдун күжүрмөн окторунун запасы штаттык гермоукупоркада металл үкөктөрдө сакталат. Кол гранаталары жана аларга запалдар металл үкөктөрдө сакталат, мында запалдар суу өткөрбөгөн таңгакта гранаталардан өзүнчө ошол эле кутуларда сакталат.

Октору жана гранаталары менен кутулар кулпуга бекитилет жана аскер бөлүгүнүн штабынын башчысы (гарнизондун аскердик коменданты) Мамлекеттик герби бар мөөр менен печаттайт. Ок-дарылары менен үкөктөрдүн ачкычтары жана мөөрү менен слепкалар кароолдун башчысында сакталат. Ачкычтарды башка адамдарга берүүгө тыюу салынат.

Аскер бөлүгүнүн штабынын башчысынын мөөрү менен печатталган ок-дарылар салынган кутулардын запастык ачкычтары аскер бөлүгүнүн жашыруун-режимдик органында сакталат.

222. Кароолдор (өзүнчө командалар) пассажирдик вагондо жол жүрүүдө кароолдун башчысы (команданын улугу) башында турган өздүк курам купелик вагондун өзүнчө купесинде жайгаштырылат. Куралдар жана ок-дарылар бул максаттар үчүн атайын жасалган кулпу менен бекитилген, кароолдун (команданын) башчысы печаттаган металл үкөктөрдө сакталат жана ташылат. Ачкычтар кароолдун башчысында сакталат, аларды башка адамдарга берүүгө таптакыр тыюу салынат. Жүк ташуучу вагондо жол жүрүүдө ок-дарылар кароолдордо сакталат. Курал эшиктен жана мештен алыс жерде, бекиткич менен жабдылган пирамидада же үкөктө жайгаштырылат. Вагондун терезелери (люктары) жана эшиктери ар дайым дайындалган аскер кызматчысынын кайтаруусунда болушу керек.

223. Жол жүрүүдө курал же ок-дарылар жоголгон учурда кароолдун башчысы (команданын улугу) бул жөнүндө тезинен биринчи токтоодо темир жол участогунун (станциясынын) аскердик комендантына, станциянын башчысына жана транспорттогу Кыргыз Республикасынын ички иштер органдарына билдирүүгө милдеттүү.

224. Бөлүкчөгө келгенде кароолдун курамы кароолдун башчысынын өзүнүн көзөмөлүндө куралдарды жана ок-дарыларды тапшырышат.

225. Ар дайым кароолдо сакталган куралдын жана ок-дарылардын запасынын бардыгы жана абалы айына бир жолудан кем эмес текшеришет: гарнизондук кароолдордо - гарнизондун аскердик коменданты, ички кароолдордо - аскер бөлүгүнүн штабынын башчысы текшеришет, ал жөнүндө күжүрмөн октордун (гранаталардын жана аларга запалдардын) запасын эсепке алуу китебинде белгиленет. Күжүрмөн октордун запасын эсепке алуу китебинин формасы ГКнын уставынын тиркемесине ылайык белгиленген.

226. Кароолдук кызматты өтөөдө чыгымдалган ок-дарылар аскер бөлүгүнүн штабынын башчысы, кароолдун башчысы жана кароол дайындалган бөлүкчөнүн командири курамындагы комиссия түзгөн акты боюнча эсептен чыгарылат. Актты аскер бөлүгүнүн командири бекитет.

15. Аскер бөлүгүнүн кампасында куралдарды жана ок-дарыларды эсепке алуу, сактоо

227. Куралдар жана ок-дарылар кирүүгө мүмкүнчүлүк түзбөгөн, бекем полдору жана шыптык жабуулары менен темирбетондуу (кирпич) сактоочу жайларда сакталышы керек, дарбазалар (эшиктер) металл менен капталат. Вентиляциялык люктар, терезелер жана дарбазалар кароолдун башчысына чыккан типтүү КТК менен ушул Нускаманын 11-пунктуна ылайык жабдылат. Мындан тышкары, ок атуучу куралдары жана ок-дарылары менен сактоочу жайларда үн белги берүүлөр орнотулат. Ок атуучу куралдары жана ок-дарылары менен сактоочу жайлар төмөнкүлөрдү камсыздашы керек:

- куралдардын жана ок-дарылардын сакталышын;

- ок атуучу куралдарга жана ок-дарыларга жана ар дайым даярдыкты кармап туруу боюнча иштерди аткарууга байкоо жүргүзүү үчүн ыңгайлуулукту;

- сактоону уюштуруу боюнча эрежелерди аткарууну.

Шыптык жабуулардын жана дубалдардын ортосунда ачык жер болбошу керек. Кошуна жайгашкан имараттардан куралдарды жана ок-дарыларды сактоочу жайлар кайтаруу белги берүүлөрү менен блоктолгон капиталдык дубалдар менен бөлүнөт. Куралдары жана ок-дарылары менен сактоочу жайдын алдында подвалдык жайлар болсо, сактоочу жайга пол аркылуу кирип кетүү мүмкүнчүлүгүн жоюу боюнча чаралар кабыл алынат. Сактоочу жайга (кампага) жакын жайгашкан аймакты казуу жүргүзүү аракетин табуу максатында, үзгүлтүксүз кароо жүргүзүлүп турушу керек.

Кампаларды (сактоочу жайларды) желдетүү үчүн ичинен жана тышынан кулпуга бекитилүүчү тор эшиктер, ал эми терезелерде жана вентиляциялык люктарда металл решеткалар жана торлор орнотулат. Решетка эшиктер, решеткалар жана торлор ушул Нускаманын 123-беренесинин талаптарына ылайык жасалат,

Парктардын аймактарында, ошондой эле азык-түлүк, буюмдук жана башка материалдык каражаттардын кампаларынын тегерегинде жайгашкан ок атуучу куралдары жана ок-дарылары менен сактоочу жайларды периметрдик КТКны орнотуу менен жана сакчылардын толук сутка кызмат өтөөсү үчүн өзүнчө постту жабдуу менен эки катар тосмо менен тосуу керек.

228. Кампанын башчысы аскер бөлүгүнүн кампасында куралдардын жана ок-дарылардын бардыгын, кыймылын жана сапаттык абалын эсепке алууну эсептик документтердин белгиленген формалары боюнча жүргүзөт.

229. Узак мөөнөткө сактоодо турган ок атуучу курал комплектиси менен, ага салынган ЗБАЖ, формулярлары менен пломбаланган үкөктөрдө сакталышы керек. Ок атуучу куралы менен кутулардын жапкычтары үч жагынан (кулпулар тарабынан жана капталдарынан) кошумча 4-8 шуруп менен бекитилет. Шуруптардын узундугу 50 миллиметрден кем эмес жана диаметри - 4 миллиметрден кем болбошу керек. Үкөктөрдү пломбалоо ушул Нускаманын 22-тиркемесине ылайык схемалар боюнча жүргүзүлөт. Ар бир үкөккө таңгактоону жүргүзгөн адамдын кол тамгасы менен тастыкталган таңгактоочу барак салынат.

Толук эмес үкөктөр штабелдердин жогорку катарларында тизилет. Үкөктүн алдынкы бетинде "ТОЛУК ЭМЕС, __________ даана" жазуусу менен ярлык илинет. Көрсөтүлгөн маалыматтар сактоого жооптуу адамдын кол тамгасы менен тастыкталат. Куралдын ар бир партиясында бирден ашпаган толук эмес үкөк болушу керек. Учурдагы камсыздоодо турган куралы менен үкөктөрдү тегерете пломбалоого жана жапкычтарын шуруп менен бекитпөөгө болот.

Аскер бөлүгүнүн кампаларындагы тапанчалар жана револьверлер кулпуга бекитилген жана кампанын башчысынын мөөрү менен печатталган, уяларына арматура коюлган металл сейфтерде (учурдагы камсыздоодогу тапанчалар жана револьверлер үчүн) жана штаттык тараларда (узак сактоодо) сакталат. Тапанчалардын магазиндери сабынан чыгарылбайт, запастык магазиндер жана кобуралар сейфте сакталат.

230. Аскер бөлүгүнүн кампасынан куралдарды жана ок-дарыларды берүү тартибин аскер бөлүгүнүн командири аныктайт.

231. Куралга ок-дарылар куралдан өзүнчө түнт капиталдык дубалдары жана өзүнчө кирүү дарбазалары (эшиктери) менен имараттарда сакталат. Ок-дарылары менен штабелдердин ар бир партияга штабелдик ярлыктары болушу керек.

Ок-дарылары менен үкөктөр металл ленталар менен тегерете оролот жана пломбаланат.

Ок-дарыларды эндей түрүндө сактоодо алар металл кутучаларга салынышы керек жана кулпуга бекитилген пломбаланган жана печатталган металл (жыгач, темир менен капталган) үкөктөрдө же шкафтарда сакталышы керек. Үкөктө таңгактоочу барак болушу керек, анда ок-дарылардын саны көрсөтүлөт.

Атылган гильзалар печатталган (пломбаланган) үкөктөрдө сакталат жана топтолушуна карата утилдештирилет.

232. Куралдар жана ок-дарылар сакталган кампада иштөө үчүн адамдар аскер бөлүгү (кошуун) боюнча буйрук менен дайындалат. Буйруктун көчүрмөсү кампанын (сактоочу жайдын) башчысында болушу керек.

Куралдар жана ок-дарылар менен иштерди аткаруу үчүн өтө тартиптүү, соттолбогон аскер кызматчылары, жумушчулар жана кызматчылар дайындалат. Кампада (сактоочу жайда) иштөөнүн алдында бул адамдарды нускамалоо керек. Кампалык жайларда иштер РАК кызматынын башчысынын көрсөтмөсү менен кампанын башчысынын катышуусунда жана көзөмөлүндө аткарылат.

Куралдары жана ок-дарылары менен үкөктөрдү ар бир текшерүүдө таңгактоочу баракта аларды ачуу датасы жөнүндө белгиленет, ага текшерүү (ачуу) жүргүзгөн адам кол коёт.

233. Иштер аяктаганда куралдар жана ок-дарылар сакталган кампанын (сактоочу жайдын) жана шкафтын (кутунун) ачкычтары кампа (кампалар) боюнча нөөмөтчүгө же кароолдун башчысына печатталган тубуста (пеналда) тапшырылат. Куралдар жана ок-дарылар сакталган кампанын (сактоочу жайдын) запастык ачкычтары аскер бөлүгүнүн жашыруун-режимдик органында тубуста (пеналда) сакталат. Запастык ачкычтарды берүү аскер бөлүгүнүн командиринин буйруу менен гана жүргүзүлөт.

234. Кампага (сактоочу жайга) келген бардык адамдар келгендерди жана кампадагы (сактоочу жайдагы) иштерди эсепке алуу китебинде келүү максатын көрсөтүү менен катталат.

235. Куралдарды жана ок-дарыларды сактоочу кампага (сактоочу жайга) кире бериште кампанын башчысынын (кампачынын) иш орду жабдылат жана кампага келүүчүлөр үчүн аянтча тосулат.

Аянтчанын тосмосунун жана куралдары жана ок-дарылары менен штабелдердин ортосунда 1 метрден кем эмес өтүү калтырылат.

Кампанын (сактоочу жайдын) башчысынын иш ордунда төмөнкү жабдуулар жана документация болушу керек:

- эсептик документтерди сактоо үчүн кулпуга бекитилген үкөгү менен отургуч жана тумбочка (стол);

- куралдарды, аскердик техниканы жана ок-дарыларды кароо (текшерүү) китеби (ИК Уставынын 139-беренесине 12-тиркеме);

- кампага (сактоочу жайга) келгендерди жана иштерди эсепке алуу китеби;

- аскер бөлүгүнүн командиринин кампада иштөөгө адамдарга уруксат берүү жөнүндө буйругунун көчүрмөсү;

- аскер бөлүгүнүн РАК кызматынын башчысы иштеп чыккан жана аскер бөлүгүнүн командири бекиткен сактоочу жайларды желдетүү тартиби, сактоочу жайларды жана анда сакталган куралды (ок-дарыларды) кармоо, өрт коопсуздугунун чаралары, сактоочу жайларды кабыл алуу жана тапшыруу жана кайтаруу белги берүүлөрүн текшерүү тартиби жөнүндө нускама;

- ички жабдуулардын, инвентарлардын жана аспаптардын описи;

- сактоочу жайдын паспорту;

- штабелдердин жогорку катарындагы үкөктөрдү алуу жана тизүү үчүн аянтчасы менен көтөрүп жүрүүчү тепкич;

- иш аспабы;

- сутканын караңгы мезгилинде иштөө үчүн аккумулятордук кол жана чөнтөктө алып жүрүүчү чырактар;

- өрт өчүрүү каражаттары;

- телефондук аппарат;

- печатталган кутучадагы (кутудагы) пломбир.

236. Куралды кампага сактоого тапшыруу комплектиси менен жана накладной боюнча жүргүзүлөт. Бөлүкчө сактоого тапшырган курал өзүнчө кулпуга бекитилген жана кампанын башчысы печаттаган пирамидаларда (шкафтарда) же штаттык пломбаланган укупоркада сакталат.

237. Кампанын башчысы куралды бөлүкчөлөргө, офицерлерге жана прапорщиктерге берүү жөнүндө аскер бөлүгүнүн РАК кызматынын башчысына ошол эле күнү билдирүүсү керек. Практикалык ок атуулар үчүн кампадагы ок-дарыларды таратуу-тапшыруу ведомосту бир айдын ичинде жабылат жана аскер бөлүгүнүн ракеталык-артиллериялык куралдануу кызматына тапшырылат, ал эми Кыргыз Республикасынын Мамлекеттик чек арасын кайтарган жана коргогон бөлүкчөлөр кызмат өтөгөн алыскы жетүүгө кыйын (тоолуу жана бийик тоолуу) жерлерде - үч айдын ичинде.

(КР Өкмөтүнүн 2018-жылдын 21-сентябрындагы № 438 токтомунун редакциясына ылайык)

238. Кампанын (сактоочу жайдын) башчысы күн сайын ачуунун (жабуунун) алдында бардык мөөрлөрдүн, пломбалардын оттискаларынын абалын, тосмолордун жана жарыктандыруунун абалын, кулпуларды, эшиктерди, өрт өчүрүү каражаттарын жана өрт коопсуздугунун чараларынын сакталышын, дубалдардын, терезелердин, решеткалардын, чатырлардын жана палатка тосмолордун бүтүндүгүн, казуулардын жоктугун текшерүүсү керек. Бузулуулар табылса кампанын (сактоочу жайдын) башчысы алар жөнүндө кароолдун башчысына, аскер бөлүгүнүн РАК кызматынын башчысына билдирет жана анын уруксаты менен аларды жоюуга чараларды көрөт.

239. Кошуундун бир нече аскер бөлүктөрүнүн артиллериялык кампалары бир кампалык аймакта биригип жайгашкан учурда толук сутка бою нөөмөт уюштурулат. Бириккен кампа боюнча нөөмөтчүлөргө РАК кызматынын башчыларынын, кампалардын (сактоочу жайдын) башчыларынын ичинен дайындалат, алар башка наряд өтөөдөн бошотулат.

Бириккен кампа боюнча нөөмөтчүгө нускаманы жана калган керектүү документацияларды кошуундун РАК кызматынын башчысы иштеп чыгат, ага командирдин куралдануу боюнча орун басары кол коёт жана кошуундун командири бекитет.

Нөөмөттү өтөө үчүн кошуундун штабы жана кароолдун башчысы менен байланыштыруу каражаттары менен контролдук-өткөрмө жай жабдылат. Мындан тышкары, бул имаратта сактоочу жайдын ачкычтарын сактоо үчүн шкаф орнотулат, ал кароолдун башчысына чыгуучу белги берүү менен жабдылат.

16. Оңдоочу устаканаларда куралды эсепке алуу жана сактоо

240. Курал оңдоочу жайлар анын ишенимдүү сакталышын камсыз кылышы керек.

Оңдоого тапшырылган курал бөлүкчөгө, кампага иш күнү аяктаганда кайтарылып берилет.

Жайлардын терезелериндеги торлор ушул Нускаманын 123-пунктунун талаптарына ылайык жасалат.

Жайлардын эшиктери бекем жана кулпу менен бекитилет.

Полдордун жана шыптардын түзүлүшү жана абалы алардан устаканаларга полдор жана шыптар аркылуу кирүүгө мүмкүнчүлүк түзбөгүдөй болушу керек.

Терезелер, чатыр жана жертөлө жайлары бекем ички кулпу менен бекитилиши керек. Бардык кирүүчү жайлар сыртынан кулпу менен бекитилет.

Жайлардын эшиктерин (дарбазаларды) аскер бөлүгүнүн командиринин буйругу менен дайындалган адам бекитет жана мөөр басат. Жайлардын ачкычтары аскердик бөлүк боюнча нөөмөтчүгө (кароол башчысына) мөөр басылган түрдө тапшырылат.

241. Бузулган жана оңдолгон куралдарды жайгаштыруу үчүн устаканаларда кулпу менен бекитиле турган пирамидалар орнотулат. Пирамидалардын ачкычтары устакананын башчысында (взводдун командиринде) сактоодо турат, пирамидаларга устакананын башчысынын (взводдун командиринин) мөөрү басылат.

242. Оңдоого тапшырыла турган бузулган куралды бөлүкчөнүн старшинасы бөлүкчөнүн нөөмөөтчүсүнөн куралды жана ок-дарыларды берүү китебине колун коюп алат. Бөлүкчөнүн старшинасы бул куралды устаканага убактылуу колдонууга берилген материалдык каражаттарды эсепке алуу китеби боюнча тапшырат, анда устакананын башчысы (взводдун командири) кабыл алынган курал үчүн кол коёт.

243. Устаканага кабыл алынган курал куралдарды, техниканы жана мүлктөрдү оңдоону (тейлөөнү, тазалоону) эсепке алуу китебине жазылат.

Куралдар оңдоо үчүн усталарга, ошондой эле устакананын атайын бөлүкчөлөрүнө убактылуу колдонууга берилген материалдык каражаттарды эсепке алуу китебинде кол койдуруу менен берилет.

244. Устаканадан куралдарды старшина алышы керек, ал жок болгондо бөлүкчөнүн командири куралдарды, техниканы жана мүлктөрдү оңдоону (тейлөөнү, тазалоону) эсепке алуу китебине кол коюп алат. Устаканадан алынган курал бөлүкчөнүн нөөмөтчүсүнө куралдарды жана ок-дарыларды берүү китеби боюнча тапшырылат.

17. Аскерлерде инженердик ок-дарыларды сактоо өзгөчөлүктөрү

245. Аскерлерде инженердик ок-дарылар инженердик ок-дарыларды сактоо кампасында сакталат, алар туруктуу жана убактылуу (талаа кампасы) болуп бөлүнөт.

Аскер бөлүктөрү туруктуу жайгашкан райондордогу кампалар туруктууларга кирет. Убактылуу (талаа) кампалары согуш учурунда, ошондой эле күжүрмөн даярдык боюнча машыгууларды, маневрларды жана практикалык сабактарды өткөргөн мезгилде уюштурулат.

Туруктуу кампаларды жайгаштыруу ордун бөлүктүн командири жергиликтүү бийлик органдары менен макулдашуу боюнча аныктайт.

Убактылуу кампалар калктуу конуштан, темир жолдордон жана жогорку чыңалуудагы электр берүү чубалгысынан 1 километрден кем эмес алыстыкта аскер бөлүгүнүн командиринин чечими боюнча жайгаштырылат.

Куралдарды сактоочу жайларда инженердик ок-дарыларды кармоого тыюу салынат.

246. Инженердик ок-дарылардын кампаларын коргоону жана кайтарууну кароол жүргүзөт.

Кароолдук кызмат ГКнын уставынын талаптарына ылайык уюштурулат.

Инженердик ок-дарылардын кампасын кайтаруу ишенимдүү иштеген байланыш, КТК, өрт боюнча белги берүү жана жарыктандыруу менен камсыз болушу керек. Посттук байланыш линиялары жана белги берүүлөр жашырылып, периметр боюнча коюлушу керек.

247. Инженердик ок-дарылардын кампаларына ок-дарыларды алуу же кампаны текшерүү үчүн келген адамдардын техникалык аймакка өтүүсү жана андан чыгуусу кампанын кызмат адамдарынын коштоосунда жана тиешелүү документтери (өткөрмөсү) болгондо гана жүргүзүлөт.

Инженердик ок-дарылардын кампаларына адамдарды өткөрүү, ок-дарыларды ташып кирүү (ташып чыгаруу) жана алып кирүү (алып чыгуу) тартибин аскер бөлүгүнүн командири аныктайт. Техникалык аймакка куралдарды, чегүүчү жана күйгүзүүчү заттарды алып өтүүгө жана ташып өтүүгө тыюу салынат.

248. Техникалык аймактын объекттеринин ачкычтары кампа (кампалар) боюнча нөөмөтчүгө же кароолдун башчысына мөөр басылган тубуста (пеналда) тапшырылат. Кампалардын ачкычтарынын экинчи нускалары аскер бөлүгүнүн жашыруун-режимдик органында кампанын башчысынын мөөрү басылган тубуста (пеналда) сакталат. Запастык ачкычтарды берүү аскер бөлүгүнүн командиринин буйругу боюнча гана жүргүзүлөт.

249. Сактоодо турган инженердик ок-дарылар сактоочу жайларга ракеталардын, ок-дарылардын, жарылуучу заттардын жана буюмдардын запастарынын жарылуу коркунучунун даражасы боюнча алардын негизинде кармоо Эрежелерине ылайык жайгаштырылат. Инженердик ок-дарыларды (жардыруу каражаттарынан, акырына чейин жабдыкталган ок-дарылардан, түртүүчү заряды менен ок-дарылардан жана "ЖАШЫРУУН" грифи менен буюмдардан тышкары) атайын жабдылган ачык аянттарда жана жүктөө-түшүрүү платформаларында аларды жөнөтүүгө чейин же сактоочу жайга ташып кирүүгө чейин Кыргыз Республикасынын Коргоо министринин биринчи орун басарынын - Башкы штабдын башчысынын 2012-жылдын 31-июлундагы № 312 буйругу менен бекитилген "Инженердик ок-дарылардын кампасы" колдонмосунун (мындан ары - "Инженердик ок-дарылардын кампасы" колдонмосу) талаптарына ылайык убактылуу сактоого уруксат берилет.

250. Туруктуу кампалар өрттө күйбөгөн материалдардан тургузулат (кыштан, таштан, бетондон, темир бетондон жана шлакобетондон). Металлдан жасалган чогултуп-чечилүүчү куралмаларды пайдаланууга жол берилет.

Сактоочу жайлардын чатырлары өрттө күйбөгөн материалдардан жасалат, жыгач конструкциялары өрткө каршы аралашма менен иштетилиши керек.

Реактивдүү кыймылдаткычтардын кампаларынын темирбетондон жасалган тосуулары болушу керек. Сактоочу жайлардын полдорунун катуу каптоосу болушу керек. Сактагычтын терезелери ич жагынан металлдан жасалган торчо (решетка), ал эми сырт жагынан темир менен капталган терезе жапкычтар менен жабдылат. Терезенин айнектери күңүрт же ак сыр менен сырдалат.

Сактоочу жайлардын эшиктери бекем жана ишенимдүү бекитилиши керек. Сактоочу жайларды желдетүү үчүн ушул Нускаманын 123-пунктунун талаптарына ылайык жабдылган ички решетка эшик менен жана керектүү сандагы люктар менен жабдылат.

Сактоочу жайлардын дарбазалары (эшиктери) кароолдун башчысына чыгарылган КТК менен жабдылат.

251. Жер үстүндөгү сактагычтардын айланасында пластиктүү жана шагылдуу тектерден үймөк жасалат. Үймөк сактагычтын карнизинен 1,5 метрге өйдө жана үстү жагынын туурасы 1 метрден кем эмес болушу керек.

252. Кампада ок-дарыларды сактагычтар боюнча жайгаштыруу жогору турган командир (башчы) бекиткен планга ылайык жүргүзүлөт. Планга инженердик ок-дарыларды жайгаштыруунун схемасы тиркелет. Бир сактоочу жайда жардыргыч заттарды жана каражаттарды сактоого тыюу салынат.

253. Ок-дарылар штабелдерге тегиз жана бекем, таңгактар - капкактары өйдө, маркировкасы - өтмөк тарапка каратып тизилет. Штабелдер бекем болуш үчүн андагы таңгактар төшөөлөр (брускалар) менен бекитилет.

Төшөөлөр, рейкалар жана брускалар штабелдерди бекитүүдө түз жана таңгактарга бирдей деңгээлде орнотулат.

Төшөөлөрдү, рейкаларды жана брускаларды таңгактарга мык менен кагууга тыюу салынат.

Сактоочу жайларда таңгактардын көлөмүнө жана колдонулуучу механикалаштыруу каражаттарына карата ар бир эшиктин маңдайына туурасы 1,5-2 метрден жумушчу өтмөктөр орнотулат, сактоочу жайдын ортосунда же дубалдардын бирин бойлото туурасы - 1,25-1,5 метрден жумушчу өтмөктөр, дубалдарды бойлото - туурасы - 0,6-0,7 кароо өтмөктөрү орнотулат.

254. Инженердик ок-дарылар заводдук оң абалдагы пломбаланган таңгакта сакталат, анда техникалык документацияларга ылайык толук маркировкасы так жазылышы керек.

Чыгымдалуучу (толук эмес) үкөктүн маңдайкы бетине "ЧЫГЫМДАЛУУЧУ, ____________ даана" деген кошумча маркировка жазылат.

Чыгымдалуучу таңгактагы буюмдардын санын бор менен коюуга уруксат берилет. Бардык чыгымдалуучу таңгактардын илмеги жана бекиткичи менен капкагы болушу керек.

Заводдук пломбалары ачылган инженердик ок-дарылары менен таңгакта андагы ок-дарылардын санын көрсөткөн таңгактоо барактары болуш керек. Ок-дарылар таңгакта тизүүдө, анын ичинде чыгымдалуучу таңгакта да, аларды ташууда жылышып кетпегидей болуп салынат.

Чыгымдалуучу таңгакта инженердик ок-дарыларды бөлүү андан ок-дарыларды ар бир берүүдөн кийин жүргүзүлөт.

Инженердик ок-дарылары менен герметикалык таңгактарды ачуу, контролдук текшерүүлөрдү кошпогондо, кампа карамагындагы жогору турган командачылыктын уруксаты менен гана жүргүзүлөт.

Идиштерди ачуу жана таңгактоо иштөө пункттарында гана жүргүзүлөт.

255. Ок-дарылардын комплектисине кирген электрдик (электрондук) схемалары жана сааттык механизмдери менен инженердик ок-дарылар, ошондой эле электртарамдары, пульттук аппаратура, оптикалык приборлор заводдук таңгакта, абанын температурасы 5тен 25° С га чейин жана салыштырма нымдуулугу 70%дан жогору эмес болгон кургак жылытылуучу жайларда сакталышы керек.

256. Реактивдүү кыймылдаткычтар капталган темирбетондон же металлдан арка түрүндөгү же башка конструкциядагы сактоочу жайларда жайгаштырылышы керек. Реактивдүү кыймылдаткычтарды убактылуу сактоо типтүү жер үстүндөгү, коргоочу вал менен курчалган, зым тосмолордун жанында биринчи катарда, башкы бөлүктөрүн коопсуз жакка, бирок инженердик ок-дарылары менен кампалардын, калк жайгашкан пункттардын жана темир жол магистралдарынын тараптарын каратпай жайгаштырылган сактоочу жайларда уруксат берилет.

257. Практикалык инженердик ок-дарылардын күжүрмөн элементтери (реактивдүү кыймылдаткычтар, патрондор, ажыраткычтар, бөлүүчү түзүлүштөр ж.б.) бириктирип сактоо эрежелерин эске алуу менен күжүрмөн жабдыктардын ок-дарылары менен сакталышы керек. Капсюль-жандыргычтарды, капсюль - детонаторлорду, кагып чыгаруучу дары дүрмөттөрдү ж.б. камтыган практикалык инженердик ок-дарылардын комплекттөөчү элементтери таңгагында же буюмдардын өзүндө айырмалоочу кызыл сызыгы болушу керек. Стеллаждык (штабелдик) ярлыктарда "ПРАКТИКАЛЫК" деген даана көрүнүүчү жазуу жазылат.

258. Окуу үчүн инженердик ок-дарылар күжүрмөн каражаттардан өзүнчө сакталышы керек же ок-дарылар жарылуучу заттарды жана жардыруучу каражаттарды камтыбаган ок-дарылардын элементтери менен сактоочу жайларда сакталышы керек жана буюмдарда жана таңгактарында айырмалоочу маркировкасы - ак түстөгү сызыгы болушу керек. Стеллаждык (штабелдик) ярлыктарда "ОКУУ ҮЧҮН" деген жазуу жазылат.

18. Бөлүкчөлөрдө жана аскердик бөлүктөрдө инженердик ок-дарыларды берүү жана эсепке алуу

259. Бөлүкчөлөрдө жана аскердик бөлүктөрдө инженердик ок-дарыларды эсепке алуу жана уюштуруу ушул нускаманын талаптарын сактоо менен жүргүзүлөт.

260. Аскер бөлүгүнүн инженердик кызматында инженердик ок-дарылардын кыймылына, категориялуу материалдык каражаттардын карточкаларын жана китептерин жүргүзүүгө байланышкан эсепке алуу документтерин эсепке алуу жана сактоо, кампанын эсебинин маалыматтарын кызматтын эсебинин маалыматтары менен салыштырып текшерүү, аскер бөлүгүндөгү инженердик ок-дарылардын бардыгы, кыймылы жана сапаттык абалы жөнүндө билдирүүлөр (отчеттор) тез арада жеткирүү табелине ылайык даярдалат.

Аскер бөлүгүндө инженердик ок-дарылар накладной, кабыл алуу актылары, коюу актылары, категориялык материалдык каражаттарды эсепке алуу карточкалары, китептери, материалдык каражаттарды алууга ишенимкат, таңгактоо барактары боюнча эсепке алынат.

261. Аскердик кампада инженердик ок-дарыларды эсепке алууну кампанын башчысы категориялык материалдык каражаттарды эсепке алуу карточкалары, коштомо баракчасы, таңгактоо баракчасы, стеллаждык (штабелдик) ярлыктар боюнча жүргүзөт.

262. Бөлүкчөдө инженердик ок-дарылар бөлүкчөдөгү материалдык каражаттардын бардыгын жана кыймылын эсепке алуу китеби, таратуу-тапшыруу ведомостору, таңгактоо баракчалары, коштоо баракчасы боюнча эсепке алынат.

263. Инженердик ок-дарыларды эсепке алууну аскер бөлүгүнүн улук башчылары, кампанын кызмат адамдары, атайын дайындалган адамдар жана комиссиялар контролдоо жүргүзөт.

264. Инженердик ок-дарылар кампадан наряд, накладной жана аскердик башкаруунун жогору турган органдарынын өзүнчө тескемеси боюнча берилет. Инженердик ок-дарыларды берүүгө тескемелерге жана наряддарга аскердик башкаруунун жогору турган органдарынын тийиштүү башчылары кол коюшат жана Мамлекеттик гербдин сүрөтү бар мөөр менен бекитишет. Кампаларда инженердик ок-дарыларды берүүгө уруксаты барлардын кол тамгаларынын жана мөөрлөрүнүн үлгүлөрү болушу керек.

265. Инженердик ок-дарыларды кампадан аскер бөлүгүнүн бөлүкчөлөрүнө берүү инженердик кызматтын башчысы жазып берген накладной боюнча жүргүзүлөт.

Накладнойду жазып берүү үчүн эсеп-табыштама негиз болуп эсептелет. (ушул Нускамага 23-тиркеме).

266. Окуулар аяктаганда, атайын тапшырмалар аткарылгандан кийин чыгымдалбаган инженердик ок-дарылар таратуу-тапшыруу ведомосттору боюнча кампага тапшырылат.

267. Чыгымдалган инженердик ок-дарылар акты (ушул Нускамага 24-тиркеме) боюнча эсептен чыгарылат. Актыны аскер бөлүгүнүн командири бекитет. Чыгымдоо тууралуу акты ок-дарылар чыгымдалган күнү түзүлөт, бекитилгенден кийин аскер бөлүгүнүн иш жүргүзүүсүнө берилет.

Таризделгенден кийин бул акт кийинки күндөн кечиктирилбей камсыздоочу органга жөнөтүлөт. Инженердик ок-дарыларды кармоо жана сактоонун кошумча эрежелери "Инженердик ок-дарылар кампасы" колдонмосунда жазылган.

Ушул нускаманын талаптарынын аткарылышына аскер бөлүктөрүнүн, кошуундардын командирлери, алардын штаб башчылары, башчынын орун басарлары, РАК кызматынын, инженердик кызматтын башчылары, ошондой эле бөлүкчөлөрдүн командирлери жоопкерчиликти алышат.

19. Материалдык каражаттарды кабыл алууну документтик тариздөө

268. Аскер бөлүгүнүн муктаждыктары үчүн жана кампага материалдык каражаттарды кабыл алууну төмөнкүдөй жүргүзүүгө уруксат берилет:

- темир жол (ички суу, аба, автомобилдик) транспортунун уюмдарынын (мындан ары - транспорт органдары) өкүлдөрүнөн - көрсөтүлгөн түрдөгү транспортто жеткирилген материалдык каражаттар;

- МАУ, УО жана АК оңдоочу уюмдарында, ошондой эле башка мамлекеттик уюмдарда - оңдоонун ар кандай түрлөрүнөн өткөн материалдык каражаттар;

- түздөн-түз аскер бөлүктөрүндө (кампада) - сатып алуу уюмдарынан жүктү жөнөтүүчүнүн тапшыруучусу (жүктү алуучунун кабыл алуучусу) менен келген сатылып алынган материалдык каражаттар, эсептен чыгарылган КААТты бөлүүдөн (ажыратуудан) алынган же аскер бөлүктөрүндө (кампада) жасалып чыккан, ошондой эле демөөрчүлүк жардамдын алкагында алынган же кетирилген зыяндын ордун толтурууга берилген материалдык каражаттар.

Артиллериялык куралдануу базаларына (кампаларына) куралдануу башкармалыгынын башчысынын же МАУ, УО жана АК башкаруу органдарынын жазуу түрүндөгү көрсөтмөсүнүн негизинде бул базаларга темир жол (ички суу, аба, автомобилдик) транспорту менен жүктү жөнөтүүчүсүз келген РАКты (ок-дарыларды жана башка материалдык каражаттарды) бир тараптуу кабыл алууга уруксат берилет. Бир тараптуу кабыл алуунун жүрүшүндө табылган жоготууну төлөө жөнүндө чечим кабыл алууну талап кылган материалдык каражаттардын жетишсиздиктери (ашыкчасы) же кемтиктери табылган учурда аларды кабыл алуу токтотулушу керек, бир сутканын ичинде жүктү жөнөтүүчүнүн тапшыруучусу чакырылат жана куралдануу башкармалыгына жана/же МАУ, УО жана АКтын башкаруу органына билдирилет. Бир тараптуу кабыл алуунун тартиби куралдануу башкармалыгынын башчысынын жана/же МАУ, УО жана АКтын башкаруу органынын чечими менен аныкталат.

269. Транспорт органынын өкүлүнөн материалдык каражаттарды кабыл алуу аскер бөлүгүнүн (кампанын) комиссиясынын күчү менен жүргүзүлөт. Аскер бөлүгүнүн командиринин буйругуна ылайык комиссиянын курамына милдеттүү түрдө тиешелүү кызматтын башчысы (сактоо бөлүмүнүн) жана кабыл алуучу (материалдык каражаттарды сактоого же эксплуатациялоого жооптуу адам) кирет. Кабыл алуучуга ишенимкат берилет.

270. Мамлекеттик сырды камтыган материалдык каражаттарды кабыл алуу үчүн комиссиянын бардык мүчөлөрүнүн белгиленген формадагы уруксаты болушу керек. Ошондой материалдык каражаттарды кабыл алуу учурунда жана аскер бөлүгүнүн командиринин (кампанын башчысынын) буйругу боюнча ташууда куралдуу кайтаруу уюштурулат.

271. Материалдык каражаттар транспорт органынын өкүлүнөн коштоо документтеринин негизинде кабыл алынат.

Вагондордун (контейнерлердин, люктардын, кеме трюмдарынын) бузулуулары жана пломбалардын бузулуусу табылса, ошондой эле таңгактарда (тарада) кемтиктер болсо жана жүктү жоготуу белгилери же бузулуусу байкалса комиссия мүчөлөрү транспорт органынын өкүлү менен коммерциялык акт түзөт.

Коммерциялык акт төмөнкү учурларда да түзүлөт: жүк документсиз же документтер жүксүз келгенде; табигый кемүүнүн ченеминен ашкан материалдык каражаттардын жетишсиздиги жана салмак-өлчөө приборлорунун көрсөтмөлөрүндө айырмачылыктар табылганда; коштоочу документтерде камтылган маалыматтардын материалдык каражаттардын иш жүзүндөгү санына жана сапатына маалыматтарына дал келбеген учурда; материалдык каражаттарды алууга темир жолдун товардык конторасында таризделгенден кийин жүктү түшүрүүчү жерге 24 саат өткөндөн кийин жүктү бергенде.

272. Коммерциялык актыларды түзүү жана транспорт органдарына талап коюу тартиби Кыргыз Республикасынын мыйзамдары менен аныкталат.

Транспорт органынын өкүлү коммерциялык актыны түзүүдөн баш тарткан учурда жүктүн жетишсиздиги же бузулуусу (бузулгандыгы) материалдык каражаттар кабыл алынган күнү аскер бөлүгүнүн (кампанын) комиссиясынын актысына жазылышы керек. Акт эркин түрдө түзүлөт.

273. Аскердик бөлүктүн (кампанын) муктаждыгы үчүн транспорттук органдын өкүлүнөн келген материалдык каражаттарды кабыл алуунун мөөнөтү жана тартиби Кыргыз Республикасынын мыйзам чыгаруулары менен аныкталат.

Материалдык каражаттарды кабыл алуу аяктагандан кийин, аскер бөлүгүнүн (кампанын) комиссиясынын төрагасы кабыл алуу актысын түзөт. Акт коштоо документтери менен келген жүктүн саны жана сапаты боюнча айырмачылыктар жок болгондо материалдык каражаттарга акты түзүлбөйт.

КААТты, РАКты кабыл алууда кабыл алуу актысы милдеттүү түрдө түзүлөт. Жүктү алуучудан келгенге чейин жүктү жөнөтүүчүнүн РАК боюнча эсептик маалыматтарын кабыл алуу актысында өзгөртүүгө тыюу салынат.

274. Алып келүүчүнүн кампасында (базасында) жана мамлекеттик уюмда ракеталык отундан, күйүүчү майдан жана азык-түлүктөн тышкары материалдык каражаттарды алууну аларга ишенимкатты көрсөтүү боюнча аскер бөлүгүнүн кабыл алуучусу жүргүзөт. Материалдык каражаттарды кабыл алуу камсыздоочу органдан берилген наряд боюнча же алып келүүчүнүн кампасында (базасында) же болбосо кампада камсыздоочу органдын разнарядкасынын ордуна жазылган наряддар боюнча жүргүзүлөт.

275. Материалдык каражаттарды алып келүүчүлөрдүн кампаларында (базаларында), мамлекеттик оңдоо мекемелеринде жана аскердик кампаларда кабыл алуу Кыргыз Республикасынын мыйзам чыгарууларында белгиленген мөөнөттө жана тартипте, ал эми мамлекеттик уюмдарда, мындан тышкары, алып келүү макулдашуулары менен жүргүзүлөт.

Кабыл алынган материалдык каражаттарга аскер бөлүгүнүн (кампанын) кабыл алуучусу төмөнкүлөрдү алат:

- мамлекеттик уюмдан - накладнойдун биринчи нускасын жана Кыргыз Республикасынын мыйзам чыгарууларында жана алып келүү келишиминде каралган башка документтерди;

- кампадан (алып келүүчүнүн кампасынан (базасынан), оңдоо уюмунан - аткарылган наряддын экинчи нускасын, номерлери жана техникалык абалы боюнча эсепке алынуучу КААТка, мындан тышкары, техникалык абалынын актысы, комплектисиздик карточкасы жана техникалык документтерди.

276. Бир документ (наряд, кабыл алуу актысы) боюнча кабыл алынган же жөнөтүлүүчү материалдык каражаттарды бир нече автомобилдерде (учакта, тик учакта) ташууда аскер бөлүгүнүн (кампанын) жүктү кабыл алуучусу же жүктү жөнөтүүчүсү ар бир айдоочуга (экипаждын командирине) коштоо барагын жазып берет жана тапшырат. Жүктү бир бирдик транспортто ташууда коштомо барак жазылбайт. Материалдык каражаттарды ташуу үчүн алган адамдар алардын сакталышына жана дайындалышы боюнча жеткирип берүүдө Кыргыз Республикасынын мыйзам чыгарууларына ылайык жооптуу болушат.

277. Аскер бөлүгүнө (кампага) материалдык каражаттарды жүктү жөнөтүүчүнүн тапшыруучусунун же аскер бөлүгүнүн (кампанын) кабыл алуучусунун коштоосунда жеткирилген, жүктөрдүн сапаты жана саны боюнча алгачкы документтердин негизинде материалдык жооптуу адамдар өткөрөт.

Жүктү жөнөтүүчүнүн тапшыруучусунан материалдык каражаттарды кабыл алууда материалдык жооптуу адамда (кабыл алуучуда) ишенимкат болушу керек.

Кампанын кабыл алуучусуна жана оңдоо уюмуна ишенимкат берилбейт. Анын колу камсыздоочу орган берген наряддын бардык нускаларында Мамлекеттик гербдин сүрөтү бар кампанын (оңдоо уюмунун) мөөрү менен күбөлөндүрүлөт.

РАКты, ракеталарды жана ок-дарыларды кабыл алуунун жүрүшүндө материалдык каражаттардын нарядда көрсөтүлгөн категорияларына иш жүзүндөгү категориялары дал келбегендиги, же РАКтын курамдык бөлүктөрүнүн номерлеринин куралдын үлгүсүнүн формулярында көрсөтүлгөн номерлерге дал келбегендиги, же алардын документ менен тастыкталбаган комплектисиздиги табылганда бул жөнүндө, ошондой эле материалдык каражаттарды категориялоо, материалдык каражаттардын категориясын төмөндөтүүгө алып келген себептер жөнүндө комиссиянын мүчөлөрүнүн жыйынтыктарын аскер бөлүгүнүн командири - жүктү алуучу бул жөнүндө телефон аркылуу дароо куралдануу башкармалыгына жана/же МАУ, УО жана АКтын башкаруу органына жана аскер бөлүгүнүн комаңдирине - жүктү жөнөтүүчүгө маалымдайт.

МАУ, УО жана АКтын башкаруу органынын жана/же куралдануу башкармалыгынын нарядында көрсөтүлгөн категорияларга материалдык каражаттардын категориялары дал келбеген учурда, материалдык каражаттарды катардан чыгаруу белгилери жок болгондо эксплуатациялоочу уюм куралдануу башкармалыгынын башчысынын жана/же МАУ, УО жана АКтын башкаруу органынын тескемесинин негизинде артиллериялык базада (кампада) бул материалдык каражаттарга өзүнчө наряд берет.

Бул нарядга материалдык каражаттарды категориялоо боюнча комиссиянын курамы түзгөн, артиллериялык базанын (кампанын) командири бекиткен документтер тиркелет.

Материалдык каражаттарды категориялоо боюнча баштапкы эсептик документтерде сөзсүз түрдө эксплуатациялаган уюмдун күнөөсү боюнча материалдык каражаттарды катардан чыгаруу белгилеринин жоктугу көрсөтүлөт.

Куралдануу башкармалыгынан жана/же МАУ, УО жана АКтын башкаруу органынан наряд, ал боюнча жасалган операцияларга жараша жарым-жартылай аткарылат же жараксыз деп табылат.

Аскер бөлүгүнүн тапшыруучусунун колуна берилет:

- аткарылган наряддын нускасы;

- материалдык каражаттарды категориялоо боюнча баштапкы эсептик документтер.

Коштолгон каты менен аналогдук документтер артиллериялык базадан (кампадан) куралдануу башкармалыгына жана/же МАУ, УО жана АКтын башкаруу органына жөнөтүлөт.

Эгерде материалдык каражаттарды категориялоо боюнча баштапкы эсептик документтерди куралдануу башкармалыгынын жана/же МАУ, УО жана АКтын башкаруу органынын башчысы бекитсе, анын бардык нускалары куралдануу башкармалыгына жана/же МАУ, УО жана АКтын башкаруу органына жөнөтүлөт. Бул документтерди таратууну куралдануу башкармалыгынын жана/же МАУ, УО жана АКтын башкаруу органынын кызмат адамдары жүргүзөт. Бул учурда жүктү жөнөтүүчүнүн эсептик маалыматтарын өзгөртүү материалдык каражаттарды категориялоо боюнча эсептик документтер келгенден кийин гана аткарылат.

Материалдык каражаттардын категориялары куралдануу башкармалыгынын же/жана башкаруу органынын МАУ, УО жана АКтын нарядында көрсөтүлгөн категорияларына дал келбеген учурда, эксплуатациялоочу уюмдун материалдык каражаттарды катардан чыгарган белгилери, ошондой эле материалдык каражаттардын документтик тастыкталбаган комплектисиздиги болгон учурда куралдануу башкармалыгынын башчысынын жана/же башкаруу органынын МАУ, УО жана АК буйругуна ылайык материалдык каражаттар убактылуу сактоого кабыл алынат жана артиллериялык базада (кампада) төмөнкүлөр түзүлөт:

- категориясы дал келбегенде материалдык каражаттарды категориялоо боюнча баштапкы эсептик документтери;

- документтик тастыкталбаган комплектисиздик болгондо - материалдык каражаттарды убактылуу сактоого кабыл алуу жөнүндө баштапкы эсептик документтер, документтик тастыкталбаган комплектисиздикке комплектисиздик карточкасы.

Материалдык каражаттарды убактылуу сактоого кабыл алуу тууралуу жазуу материалдык каражаттарды категориялоо боюнча баштапкы эсептик документтин акыркы барагынын артында жазылат жана материалдык каражаттарды убактылуу сактоого кабыл алган материалдык жооптуу адамдын кол тамгасы менен күбөлөндүрүлөт.

Материалдык каражаттарды категориялоо боюнча баштапкы эсептик документти куралдануу башкармалыгынын жана/же МАУ, УО жана АКтын башкаруу органдарынын башчысы бекитсе, бардык нускалар куралдануу башкармалыгына жана/же МАУ, УО жана АК башкаруу органдарына жөнөтүлөт, алар аркылуу андан ары таратуу жүргүзүлөт.

Бул учурда тапшыруучуга материалдык каражаттарды убактылуу сактоого кабыл алууну тастыктаган эркин формада билдирүү берилет. Билдирүүгө куралдануунун артиллериялык базасынын (кампасынын) башчысы кол коёт. Базанын (кампанын) башчысынын колу артиллериялык базанын Мамлекеттик гербдин сүрөтү бар мөөрү менен күбөлөндүрүлөт.

Билдирүү жана комплектисиздик карточкасы артиллериялык базанын ЭАОБ эсепке алуу документтерин эсепке алуу китебинин өзүнчө бөлүмдөрүндө ачылат жана катталат.

Билдирүүлөрдү жана комплектисиздик карточкасын каттоо үчүн өзүнчө китептерди жүргүзүүгө жол берилет. Тапшыруучу өзүнүн аскер бөлүгүнө кайтып келгенде кайтып келген күнү аскер бөлүгүнүн командирине ал кабыл алган бардык документтерди чечим кабыл алуу жана кызматтык териштирүү дайындоо үчүн көрсөтүүгө милдеттүү.

Мындан ары убактылуу сактоодо турган материалдык каражаттар куралдануу башкармалыгынан жана/же МАУ, УО жана АК башкаруу органдарынан өзүнчө наряд боюнча жооптуу сактоого берилет.

Убактылуу сактоого кабыл алынган материалдык каражаттарга түзүлгөн документтер жүктү жөнөтүүчүнүн эсептик маалыматтарын өзгөртүү үчүн негиз болуп эсептелбейт жана материалдык каражаттарды жүктөп жөнөтүүнү тастыктоо үчүн, ошондой эле убактылуу сактоого кабыл алынган күнүнө алардын техникалык абалын жана комплекттелишин аныктоо үчүн гана кызмат кылат.

Убактылуу сактоо мөөнөтү бир айдан ашык белгиленбейт.

Материалдык каражаттарды берүү мөөнөтүн аскер бөлүгүнүн командиринин - жүктү жөнөтүүчүнүн өтүнүчүнүн негизинде, куралдануу башкармалыгынын жана/же МАУ, УО жана АКтын башкаруу органдарынын башчысынын чечими боюнча узартууга уруксат берилет. Убактылуу сактоодо турган материалдык каражаттардын сакталышына жүктү алуучу жоопкерчиликти алат.

Материалдык каражаттарды категориялоо боюнча документтерге, милдеттүү түрдө материалдык каражаттардын, толук комплекттелген материалдык каражаттардан тышкары, комплектисиздик карточкасы тиркелет.

Көрсөтүлгөн документтердин негизинде артиллериялык базанын (кампанын) сактоо бөлүмдөрүндө материалдык каражаттарды эсепке алуу карточкалары ачылат. Карточканын жогорку сол бурчуна "Убактылуу сактоо" жазуусу жазылат, ал артиллериялык базанын (кампанын) ЭАОБ башчысынын колу менен күбөлөндүрүлөт. Убактылуу сактоодо турган материалдык каражаттар, материалдык каражаттарды жүктөп жөнөтүүнү (келүүсүн) эсепке алуу китебине жазылат. Куралдануу башкармалыгынан жана/же МАУ, УО жана АКтын башкаруу органынын нарядындагы "Берилди" графасына ушул материалдык каражаттардын каршысында сызыкча коюлат.

Документтер тапшыруучунун колуна берилет жана куралдануу башкармалыгына жана/же МАУ, УО жана АК башкаруу органдарына жөнөтүлөт. Эгер жүктү алуучу материалдык каражаттарды убактылуу сактоону камсыздай албаса, алар жүктү жөнөтүүчүгө кайтарылат.

Жүктү жөнөтүүчү аскер бөлүгүнүн командири дароо, тапшыруучу келгенден кийин, эксплуатациялоочу органдардын күнөөсү боюнча материалдык каражаттын катардан чыккан фактылары же материалдык каражаттардын документтик тастыкталбаган комплектисиздиги боюнча кызматтык териштирүүнү дайындоого жана кыска мөөнөттүн ичинде жоготуунун ордун толтуруу боюнча чечим кабыл алууга милдеттүү. Кызматтык териштирүүнүн материалдарын жана убактылуу сактоодо турган материалдык каражаттарды тапшырууга наряд жазып берүүгө табыштама куралдануу башкармалыгына жана/же МАУ, УО жана АКтын башкаруу органына көрсөтүлөт.

Нарядды алгандан кийин материалдык каражаттарды жооптуу сактоого алуу жүргүзүлөт. Материалдык каражаттарды жооптуу сактоого берүүгө чейин жүктү жөнөтүүчүнүн жана жүктү алуучунун эсептик маалыматтары өзгөртүлбөйт.

Жүктү жөнөтүүчүнүн жана жүктү кабыл алуучунун эсептик маалыматтарын өзгөртүү жүктү жөнөтүүчү материалдык каражаттарды бергенден кийин жүргүзүлөт, мында жүктү жөнөтүүчүнүн жана куралдануу башкармалыгынын жана/же МАУ, УО жана АКтын башкаруу органынын эсепке алуу китептеринде биринчи материалдык каражаттарды категориялоо боюнча баштапкы эсептик документтер, андан кийин - аларды берүү жөнүндө аткарылган баштапкы эсептик документ жазылат.

Артиллериялык базага материалдык каражаттар коштоо документтери жок келгенде, артиллериялык базанын (кампанын) башчысы куралдануу башкармалыгына жана/же МАУ, УО жана АК башкаруу органдарына жана жүктү жөнөтүүчүгө тезинен бул жөнүндө билдирүүгө милдеттүү. Келип түшкөн материалдык каражаттар вагондордон түшүрүлөт жана убактылуу сактоого кабыл алынат.

278. Мамлекеттик уюмдардын транспорттору менен кампанын кабыл алуучусу жок же жүктү жөнөтүүчүнүн тапшыруучусу жок кампага жеткирилген материалдык каражаттар, материалдык каражаттарды түшүрүүнү (келүүсүн) эсепке алуу китебинде эсептелет.

Кампада транспорттук каражаттарды берүү жана кайтарып берүү убактысын эсепке алуу, транспорттук каражаттарды берүүнү жана кайтарып берүүнү эсепке алуу китебинде жүргүзүлөт.

279. Кайра иштетилгенден (толуктап иштетилгенден) кийин кампага мамлекеттик уюмдун транспорту менен жеткирилген материалдык каражаттарды кампанын башчысынын буйругу боюнча түзүлгөн комиссия кабыл алат. Кабыл алуу кабыл алуу актысы менен таризделет, анда кайра иштетүү (толуктап иштетүү) процессинде пайда болгон калдыктардын саны жана алардын белгиленген ченемдерге ылайык келүүсү көрсөтүлөт.

280. Жүктү тапшыруучу аскердик бөлүккө (кампага) келгенде тийиштүү кызматка (ЭАОБ) тапшырылуучу жүккө аларды эсепке алуу документтерин каттоо китебине каттоо үчүн коштоо документтерин ушул Нускаманын 5-тиркемесине ылайык форма боюнча көрсөтөт. ЭАОБда кампанын аймагына жүктү ташып кирүү үчүн өткөрмө жазылып берилет.

281. Аскер бөлүгүнө (кампага) жүктү жөнөтүүчүнүн тапшыруучусунун коштоосунда жеткирилген материалдык каражаттарды кабыл алып бүткөндө, ага камсыздоочу орган берген, аскер бөлүгүнүн (кампанын) кабыл алуучусунун кол тамгасы менен, Мамлекеттик гербдин сүрөтү бар мөөр менен күбөлөндүрүлгөн аткарылган наряддын биринчи жана үчүнчү нускалары берилет. Аткарылган наряддын экинчи нускасы аскер бөлүгүңдө (кампада) калат.

282. Аскердик бөлүккө (кампага) материалдык каражаттарды кабыл алууну (алууну) жана коштоону аларды сактоого же эксплуатациялоого жооптуу адам жүргүзсө, аскердик бөлүккө (кампага) келген материалдык каражаттарды карап чыгышат:

- КААТты - аскер бөлүгүнүн командиринин (кампа башчысынын) буйругу боюнча түзүлгөн комиссия мүчөлөрү;

- башка материалдык каражаттарды - тиешелүү кызматтын башчысы (кампанын сактоо бөлүмүнүн башчысы).

283. Аскер бөлүктөрүндө башка аскер бөлүктөрүнөн келип түшкөн материалдык каражаттарды, ошондой эле аскердик кампаларда аскердик бөлүктөрдөн (башка кампалардан) келип түшкөн материалдык каражаттарды кабыл алуу камсыздоочу органдын жетекчилеринин көрсөтмөлөрү жана бул органдар берген наряд боюнча жүргүзүлөт.

Материалдык каражаттар толтурулган жана таризделген гана формулярлары (паспорттору) менен, ал эми техникалык абалы жана номерлери боюнча эсептелген КААТ, мындан тышкары, техникалык абалынын актысы жана комплектисиздик карточкалары менен 5-тиркемеге ылайык кабыл алынат.

284. Бардык учурларда материалдык каражаттар оңдолуп, комплекттелип, толтурулган жана таризделген формулярлары (паспорттору) менен, ал эми номерлери жана техникалык абалы боюнча эсепке алынган КААТ, мындан тышкары, техникалык абалынын актылары менен кабыл алынат.

Кабыл алынуучу материалдык каражаттардын техникалык (сапаттык) абалын аныктоо жана комплекттүүлүгүн текшерүү техникалык жана башка документтердин негизинде, ошондой эле аталган материалдык каражаттардын МАУ, УО жана АКтын укуктук актыларына ылайык белгиленген категориялык белгилери боюнча жүргүзүлөт.

Комплекттелбеген же бузулган материалдык каражаттар камсыздоочу органдын жетекчисинин атайын жазуу түрүндөгү көрсөтмөсү боюнча гана кабыл алынат.

Камсыздоочу органдардын жетекчилерине мындай көрсөтмөлөрдү берүүгө аскер бөлүгүнөн (кампадан) - тапшыруучудан материалдык каражаттардын болгон комплектисиздигине же болбосо бузулуусуна актоочу документтер көрсөтүлгөндөн кийин уруксат берилет.

Аскер бөлүгүнүн (кампанын) кабыл алуучусу материалдык каражаттарды техникалык шарттарына жана материалдык каражаттардын комплекттүүлүгүн белгилеген документтерге ылайык кабыл алууга жана табылган жетишсиздиктерди жоюуну талап кылууга милдеттүү. Материалдык каражаттардын комплекттүүлүгүндө жана техникалык абалында табылган кемчиликтерди жоюуга, аларды өз убагында кабыл алууга, ошондой эле актоочу документтерди тариздөөгө жоопкерчиликти аскер бөлүгүнүн командири (кампанын башчысы) алат.

285. Чыгаруучу-заводдун пломбалары менен кампага келип түшкөн материалдык каражаттар маркировкасы боюнча алардын бардыгын жана сапаттык (техникалык) абалын текшерүү үчүн, ал эми РАК - комплектүүлүгүн жана техникалык абалын 100% текшерүү үчүн тараны тандап ачуу менен кабыл алынат. Мында ок-дарылардын герметикалык тыгындары ачылбайт.

286. Оңдолгон (калыбына келтирилген) КААТты, ракеталарды, ок-дарыларды жана башка материалдык каражаттарды кампага кабыл алуу техникалык абалынын актыларынын, толуктап иштөө бюллетенинин, оңдоого наряддын негизинде жүргүзүлөт.

287. Кампага келип түшкөн, ошондой эле жүктү алуучуларга кампадан берилген тара, категориялуу жана категориясыз материалдык каражаттарды эсепке алуу карточкаларында же материалдык каражаттардын бардыгын жана кыймылын эсепке алуу китебинде, эндей запастык аспаптарды жана жабдыктарды каттоо китебинде эсепке алынат, РАК кызматынын башка материалдык каражаттарын кампага келген же берилген (жүктөп жөнөтүлгөн, жөнөтүлгөн) баштапкы документтердин негизинде эсепке алынат. Мында бардык тара, кайтарыларына жана кайтарылбаганына карабастан, эсепке алынат.

Ок дарылардын кампасында бош тыгындар (тара, үкөк) гана эсепке алынат.

Кампадан башка кампаларга (базаларга) кайтарылууга тийиш болгон, ошондой эле жүктү алуучулардын кампаларынан кампага кайтарылууга тийиш болгон тара өзүнчө эсепке алынат.

288. Аскер бөлүгүндө (кампада) КААТты камсыздоочу орган берген бир наряд боюнча кабыл алуу үчүн бир нече материалдык жооптуу адам дайындалса, документтерге төмөнкүлөр кол коюшат:

- камсыздоочу орган берген нарядга - аскер бөлүгүнүн командиринин (кампанын башчысынын) буйругуна ылайык дайындалган жоопту кабыл алуучу;

- техникалык абалынын актысына - тиешелүү командирдин (башчынын) буйругуна ылайык КААТтын конкреттүү үлгүсүн кабыл алууга дайындалган жооптуу адамдар.

Куралдануу башкармалыгы жана/же МАУ, УО жана АКтын башкаруу органдары берген бир наряд боюнча РАКты кабыл алуу үчүн бир нече материалдык жооптуу адамдар дайындалса, көрсөтүлгөн наряддын негизинде артиллериялык базанын (кампанын) ЭАОБ тарабынан ар бир материалдык жооптуу адам үчүн материалдык каражаттарды кабыл алууга өзүнчө наряд жазылып берилет. Артиллериялык базанын (кампанын) ЭАОБ берген наряддар куралдануу башкармалыгы жана/же МАУ, УО жана АКтын башкаруу органдары берген наряддын ар бир нускасына тиркелет жана алардын ар бирине: "Аскер бөлүгү берген 20__-ж. "___" _____________ № _____________, 20__-ж. "___" _____________ № _____________, 20__-ж. "___" _____________ № _____________ ушул наряддарда көрсөтүлгөн материалдык каражаттар менен операциялар аткарылды" жазуусу жазылат. Аткарылган наряддардын нускалары тиркелет. Жазуу артиллериялык базанын (кампанын) башчысынын жана артиллериялык базанын (кампанын) ЭАОБ башчысынын кол тамгалары менен күбөлөндүрүлөт. Артиллериялык базанын башчысынын кол тамгасы аскер бөлүгүнүн Мамлекеттик гербдин сүрөтү бар мастикалык мөөрүнүн оттискасы менен бекитилет. Куралдануу башкармалыгынын (МАУ, УО жана АКтын башкаруу органынын) наряды бул учурда камсыздоочу органдын РАКты кабыл алууга тескемеси болуп эсептелет.

Куралдануу башкармалыгы жана/же МАУ, УО жана АКтын башкаруу органдары берген наряддын "Берилди" (кабыл алынды) графасында артиллериялык базанын (кампанын) ЭАОБ берген бардык наряддар боюнча конкреттүү аталыштагы материалдык каражаттардын саны сумма түрүндө көрсөтүлөт. Артиллериялык базанын ЭАОБ берген наряддардын негизинде эсептик маалыматтарды өзгөртүлөт. Бир наряд боюнча РАКты бир нече материалдык жооптуу адам берүү жүргүзгөндө аналогдук тартип белгиленет. Бул учурда артиллериялык базадан (кампадан) жооптуу кабыл алуучу (тапшыруучу) дайындалбайт.

289. Аскердик бөлүгүнүн (кампанын) керектөөсү үчүн кабыл алынган материалдык каражаттар, тиешелүү кызматка (ЭАОБ) кийинки жумуш күнүнөн кечиктирилбестен камсыздоочу орган берген таризделген кабыл алуу актысынын, наряддын, накладнойдун негизинде кириштелет.

290. Бөлүкчөнүн командири (аскер бөлүгүнүн кампасынын башчысы, кампанын сактоо бөлүмүнүн (сактоочу жайдын) башчысы) эксплуатациялоо (сактоо) үчүн материалдык каражаттарды баштапкы эсептик документтерине кол коюу менен кабыл алат. Кабыл алынган материалдык каражаттар ошол эле күнү иш жүзүндө саны жана сапаты боюнча эсепке алуу китебине (карточкасына) жазылат.

Ошол эле учурда аскер бөлүгүнүн сактоо бөлүмүндө (сактоочу жайда) кампасында) стеллаждык (штабелдик) ярлыктар ачылат. Кампанын сактоо бөлүмүндө эсепке алуу китептеринде (карточкаларында), стеллаждык ярлыктарда жана штабелдик карточкаларда материалдык каражаттардын кепилдик сактоо (жарамдуулук) мөөнөтү жана алар үчүн белгиленген кезектеги кароо (сыноо) мөөнөтү көрсөтүлөт.

291. Кабыл алынган КААТка жана башка материалдык каражаттарга аскер бөлүктөрүнөн (кампадан) камсыздоо органдарына жана жүктү жөнөтүүчүлөргө кабыл алуу актылары тиркемелери менен, ал эми РАКка, комплектидеги же эндей түрүндөгү ага запастык бөлүктөргө (комплектөөчүлөргө) - аткарылган наряддардын нускалары тиркемелери менен жөнөтүлөт.

Башка материалдык каражаттарды кабыл алуу жөнүндө тастыктама (коштоо барагы), коштоочу документтерде камтылган маалыматтарга материалдык каражаттардын иш жүзүндөгү саны жана сапаты дал келбегенде - кабыл алуу актысы жөнөтүлөт.

Жүктү жөнөтүүчүлөргө материалдык каражаттарды кабыл алуу жөнүндө тастыктамалар жүктү аскер бөлүгүнүн (кампанын) кабыл алуучусусуз (жүктү жөнөтүүчүнүн тапшыруучусусуз) алганда гана жөнөтүлөт. Көрсөтүлгөн документтер материалдык каражаттарды кабыл алгандан (аскер бөлүгүнө, кампага кабыл алынган материалдык каражаттар келгенден) кийин үч күндөн кечиктирилбей жөнөтүлөт.

292. Кабыл алуу учурунда, кабыл алуу комиссиясынын иштөөсүнүн жүрүшүндө, ошондой эле сактоо учурунда бракка чыгарылган материалдык каражаттар бракка чыгарылган материалдык каражаттарды эсепке алуу китеби боюнча эсепке алынат.

293.Алып келүүчүлөргө, транспорт органдарына жана башка уюмдарга коюлган талаптарды жана кампага жүктү алуучулардан келип түшкөн талаптарды эсепке алуу, ошондой эле талаптардын өтүүсүнө контролдоону эсепке алуу талаптарды эсепке алуу китебинде жүргүзүлөт.

294. Аскер бөлүгүнө сооттанктык базалык машиналарда жана автомобилдик шассилерде орнотулган КААТ келип түшкөндө, алар боюнча көрсөтүлгөн КААТ алынып келген аскер бөлүгүнүн кызматтарынын башчылары аларды кабыл алуу аяктагандан кийин кийинки иш күнүнөн кечиктирбей аскер бөлүгүнүн сооттанктык (автомобилдик) кызматына КААТты көчүрүү жөнүндө МАУ, УО жана АКтын укуктук актыларында белгиленген форма боюнча жеткирүү жөнөтөт.

Жеткирүү тиешелүү аскер бөлүгүнүн кызматтарында КААТтын курамына кирген сооттанктык базалык машиналарды жана автомобилдик шассилерди эсепке алуу үчүн негиз болуп саналат.

295. Кампага бөлүкчөлөрдүн (аскер бөлүктөрүнүн) материалдык каражаттары аскер бөлүгүнүн (кошуундун) тиешелүү кызматы жазып берген накладной же ведомосттор (жыйынтыктоо, таратуу-тапшыруу) боюнча алынат.

296. Башка аскер бөлүктөрдөн аскер бөлүгүнө аскер кызматчылары менен келген материалдык каражаттар, азык түлүктөн тышкары, аскер кызматчысынын аттестаттары боюнча кабыл алынат жана кириштелет. Аттестаттарды тиешелүү кызматтар текшеришет жана бөлүкчөлөргө алардын маалыматтарын аскер кызматчылары менен келген материалдык каражаттардын иш жүзүндө бардыгын жана сапатын салыштырып текшерүү үчүн өткөрүлүп берилет.

Аскер бөлүгүнө бардык (бөлүкчөлөргө) командага берилген, бөлүкчөлөр (командалар) бир аттестат менен келгенде, материалдык каражаттардын иш жүзүндөгү сапатын жана бардыгын текшерүүнү аскер бөлүгүнүн командиринин буйругу боюнча түзүлгөн комиссиянын мүчөлөрү жүзөгө ашырат.

297. Аскер бөлүктөрүнө аттестатсыз келген материалдык каражаттар, иш жүзүндөгү сапатын жана бардыгын текшерүүдөн кийин, аскер кызматчылар жиберилген бөлүкчөлөрдө, материалдык каражаттардын бардыгын жана кыймылын эсепке алуу китеби боюнча кириштелет.

Аскер кызматчыларынын эсебиндеги материалдык каражаттарды кабыл алуу жөнүндө бөлүкчөлөрдүн командирлеринин белгилери менен аттестаттар тиешелүү кызматтарга кайтарылат.

Келип түшкөн материалдык каражаттардын иш жүзүндөгү бардыгы жана сапаты аттестатта камтылган маалыматтарга дал келбеген учурда, эсептен чыгаруу (калдыктарды чыгаруу) акты түзүлөт. Акт материалдык каражаттардын иш жүзүндөгү бардыгы жана сапаты боюнча бөлүкчөлөрдө кириштөө үчүн негиз болуп саналат. Акт аттестат менен бирге аскер бөлүгүнүн тиешелүү кызматына берилет, анда материалдык каражаттар аттестатта камтылган маалыматтарга ылайык толугу менен кириштелет.

298. Аскер бөлүгүнө материалдык каражаттарга аттестаты жок келген аскер кызматчыларынын (бөлүкчөлөрдүн, командалардын) материалдык каражаттары иш жүзүндө бардыгы жана сапаты боюнча эсептен чыгаруу (калдыктарды чыгаруу) актысынын негизинде кириштелет. Актыга аскер кызматчысы жиберилген бөлүкчөнүн командири жана аскер бөлүгүнүн тиешелүү кызматынын башчысы кол коёт.

Аскер кызматчысы (бөлүкчөлөр, командалар) келген аскер бөлүгүнөн аттестат суралат. Аттестатты алгандан кийин анын маалыматтары менен алынган материалдык каражаттардын сапаты жана саны боюнча салыштырып текшерүү жүргүзүлөт. Алынган материалдык каражаттардын сапаты же саны боюнча айырмачылыктар табылган учурда аскер бөлүгүнүн командири кызматтык териштирүү дайындайт.

299. Приборлор, түйүндөр, агрегаттар, запастык бөлүктөр, тетиктер, материалдар, металл лом, (эсептен чыгарылган КААТ жана башка материалдык каражаттарды бөлүүдөн кийин алынган башка кайра пайдаланылуучу зат) аскер бөлүгүнүн тиешелүү кызматында бөлүү жүргүзүлгөн бөлүкчөлөрдө сапаттык абалын өзгөртүү боюнча актыларынын негизинде кириштелет.

Бул материалдык каражаттар кампага аскер бөлүгүнүн тиешелүү кызматында жазылган коштоочу барак боюнча алынат. Утилдештирүү бөлүмдөрүндө (цехте) КААТты жана башка материалдык каражаттарды баалуу металлдарды алып чыгуу максатында кампага бөлгөндөн алынган материалдык каражаттарды кабыл алуу сапаттык абалын өзгөртүү актылары боюнча жүргүзүлөт.

Күн сайын эсептен чыгарылган КААТты жана башка материалдык каражаттарды бөлгөн бөлүкчөнүн командири бөлүүдөн (ажыратуудан) алынган материалдык каражаттарды аскер бөлүгүнүн тиешелүү кызматынан (кампанын ЭАОБ) берилген сапаттык абалын өзгөртүү актысында алардын категориясын (жарамдуулук деңгээлин) көрсөтпөстөн, ал эми РАК боюнча - бөлүүдөн алынган оң абалдагы же оңдоону талап кылган материалдык каражаттардын категориясын көрсөтүү менен эсепке алат.

Эсептен чыгарылган материалдык каражаттарды бөлүү бүткөндөн кийин аскер бөлүгүнүн командиринин буйругу боюнча дайындалган комиссиянын мүчөлөрү түйүндөрдүн, агрегаттардын, приборлордун, запастык бөлүктөрдүн жана материалдардын иш жүзүндө бардыгын текшеришет, алынган материалдык каражаттардын иш жүзүндө бардыгын жана номерлерин эсептен чыгарылган (бешинчи категорияга которулган же куралдануудан чыгарылган) КААТтын жана башка материалдык каражаттардын техникалык жана башка документтериндеги маалыматтар менен салыштырышат, жетишпеген материалдык каражаттарга актоочу документтердин бардыгын текшеришет, алынган материалдык каражаттарды категориялоо жүргүзүшөт жана эки нускада сапаттык абалынын актысын тариздөөнү аякташат (утилдештирүү бөлүмдөрү (цехтери) үчүн КААТты жана башка материалдык каражаттарды баалуу металлдарды чыгаруу максатында бөлүүнү тариздөөдө камсыздоочу органдын жетекчисинин чечими менен - бир нускада).

Материалдык каражаттардын иш жүзүндө бардыгы жана номерлери техникалык жана башка документтерде камтылган маалыматтарга дал келбегенде, эсептен чыгарылган КААТтын жана башка материалдык каражаттардын болгон комплектисиздигине актоочу документтер жок болгондо комиссиянын төрагасы кошумча сапаттык абалын өзгөртүү актысын түзөт, ага жетишпеген (ашыкча) гана материалдык каражаттар киргизилет.

Сапаттык абалын өзгөртүү актысынын экинчи нускасы аскер бөлүгүнөн (кампадан) камсыздоочу органга берилет.

Кошуундардын курамына кирген аскер бөлүгүндө сапаттык абалын өзгөртүү актысы үч нускада түзүлөт. Актынын үчүнчү нускасы кошуундун тиешелүү кызматына жиберилет.

Колдонууга жарактуу, анын ичинде оңдоону талап кылган агрегаттар, түйүндөр, приборлор, тетиктер, материалдар, бөлүүдөн (ажыратуудан) кийин алынган материалдык каражаттар жана башкалар (БАБО башчысынын уруксаты менен) аскер бөлүгүндө КААТты оңдоо үчүн жана окуу максаттары үчүн лимитинин же чыгымдоо ченемдеринин белгиленген табелдеринин чегинде колдонулушу мүмкүн.

Аскер бөлүгүндө өздөрүнүн муктаждыгы үчүн колдонууга мүмкүн болбогон колдонууга жарактуу жана оңдоону талап кылган агрегаттар, түйүндөр, приборлор, тетиктер, материалдар жана башка материалдык каражаттар башка аскер бөлүктөрүнө (оңдоочу уюмдарга, кампаларга, базаларга) же сатууга берилет.

Ракеталарды коё бергенден кийин андан калган гермоукупоркаларды, контейнерлерди жана аларга башкы бөлүктөрдү, бандаждарды, тараларды жана башка көп жолу пайдаланылуучу материалдык каражаттарды экинчи жолу колдонуу же оңдоо үчүн жөнөтүү МАУ, УО жана АКтын камсыздоо органынын жетекчисинин көрсөтмөсү боюнча аларды кириштегенден кийин жүргүзүлөт.

Материалдык каражаттарды бөлүүдөн (ажыратуудан) алынган оңдоого жана окуу максаттары үчүн жараксыз агрегаттар, түйүндөр, тетиктер, материалдар эсептик документтер боюнча металлолом, чүпүрөк же башка материалдык каражаттар катары кириштелет жана Кыргыз Республикасынын мыйзам чыгаруу актыларында белгиленген тартипте сатылат.

300. Аскер бөлүгүнүн оңдоочу бөлүкчөлөрүндө (кошуундун оңдоочу аскер бөлүгүндө) жасалган материалдык каражаттар аткарылган оңдоого наряддын негизинде кабыл алынат жана кириштелет.

301. Сатылып алынган материалдык каражаттар, ошондой эле зыяндын ордун толтуруу үчүн берилген материалдык каражаттар аскер бөлүгүнүн тиешелүү кызматы жазып берген накладнойлор боюнча, төлөнгөн эсеп тердин, материалдык каражаттарды алып келүүчүлөрдүн документтеринин (ТТН-1 же ТТН-2) негизинде кабыл алынат жана кириштелет.

Демөөрчүлүк жардам боюнча алынган материалдык каражаттар кабыл алуу актылары боюнча кабыл алынат жана кириштелет. Техникалык абалы жана номери боюнча эсепке алынган техниканы же техникалык каражаттарды кабыл алганда, мындан тышкары, техникалык абалынын актысы түзүлөт. Демөөрчүлүк жардам боюнча алынган материалдык каражаттардын документтеринин бир нускасы тиешелүү камсыздоочу органга берилет.

20. Материалдык каражаттарды чыгарууну (берүүнү), өткөрүп берүүнү жана тапшырууну документтик тариздөө

302. Практикалык (күжүрмөн) ок атууларга ок-дарылардан тышкары, аскер бөлүгүнүн кампасынан материалдык каражаттарды чыгаруу (берүү) аскер бөлүгүнүн тийиштүү кызматы жазуучу накладнойлор же ведомосттор (таратуу-тапшыруу) боюнча жүргүзүлөт.

Ведомосттор (таратуу-тапшыруу) боюнча төмөнкүлөр берилет:

- учуучу аппараттарга май куюуда кысылган жана суюлтулган газдар;

- КААТты техникалык тейлөө үчүн материалдар;

- техникага куюлуучу күйүүчү май;

- буюмдук камсыздоонун бир өңчөй заттары жана башка материалдык каражаттар, ошондой эле азык-түлүк офицерлерге, прапорщиктерге, жоокерлердин жана сержанттардын аскер кызматтарында контракт боюнча аскердик кызмат өтөп жаткан аскер кызматчыларына массалык берилгенде;

- электр лампалары, сактагычтар, чыгымдалуучу материалдар (шплинттер, зым, метизалар, бөлүүчү тасма ж.б.у.с.), эсепке алуу документтеринин бланктары, ошондой эле бирдиги бир эсептешүү көрсөткүчүнө чейинки баадагы, өзүнө баалуу металлдарды жана таштарды камтыбаган башка заттар;

- офицерлерге, прапорщиктерге, жоокерлердин жана сержанттардын аскер кызматтарында контракт боюнча аскердик кызмат өтөп жаткан аскер кызматчылары бөлүштүрүү барагынын талонун көрсөткөндө аларга эт, балык, уйдун майы жана нан.

303. Артиллериялык жана ок атуучу ок-дарылар, жакынкы аракеттеги зениттик ракеталар, ПТУР, пиротехникалык жана имитациялык каражаттар аскер бөлүгүнүн кампасынан бөлүкчөлөргө практикалык жана күжүрмөн атууларга аскер бөлүгүнүн кампасынын ок-дарыларды (ракеталарды) таратуу-тапшыруу ведомосттору боюнча берилет, ал эми бөлүкчөлөрдө - күжүрмөн толуктоо пунктунан ок-дарылар (ракеталар) таратуу-тапшыруу ведомосттору боюнча берилет. Ошол эле ведомосттор боюнча күжүрмөн толуктоо пунктуна жана кампага ок атуудан кийин калган жана бузулган (жараксыз) ок-дарылар, атылган гильзалар жана тыгындоо кайрадан кабыл алынат.

304. Кошуундардын кампасынан материалдык каражаттарды аскер бөлүктөрүнө (бөлүкчөлөргө) берүү накладной боюнча жүргүзүлөт. Аскер бөлүгүнүн кабыл алуучусунун материалдык каражаттарды алууга ишеним-каты болушу керек.

Башка гарнизондо жайгашкан аскер бөлүгүнүн муктаждыгы үчүн материалдык каражаттарды берүү жөнүндө анын командирине кошуундун кызматынын башчысы материалдык каражаттарды өткөрүп берүү жөнүндө билдирүү менен кабарлайт.

305. Материалдык каражаттарды өткөрүп бергенден кийин накладнойдун биринчи нускасы менен материалдык каражаттарды алууга ишенимкат кампада калат, ал эми накладнойдун экинчи нускасы материалдык каражаттарды алуучуга берилет.

306. Материалдык каражаттарды кампадан берүү (жүктөө, жөнөтүү) жетекчисине кампа баш ийген камсыздоочу орган берген накладнойлордун жана разнарядканын негизинде жүргүзүлөт. Ошону менен бирге кызмат адамдарынын кол тамгасынын жана коштоочу кагазда коюлган аскердик башкармалыгынын органынын мөөрүнүн аныктыгы кампанын ЭАОБда алардын үлгүсү боюнча милдеттүү түрдө текшерилет.

РАКты, запастык бөлүктөрдү (аларга комплекттөөчүлөрү менен) комплект менен же эндей түрүндө, ошондой эле ракеталарды жана ок-дарыларды телеграмманын (телефонограмма) негизинде берүү (жүктөө, жөнөтүү) куралдардын (ок-дарылардын) артиллериялык базасынан (кампадан) гана жүргүзүлөт. Мындай буйруктардын тууралыгы кайра текшерүү жолу менен аныкталат.

307. РАКты, запастык бөлүктөрдү (аларга комплекттөөчүлөрдү) комплект менен же эндей түрүндө, ошондой эле ракеталарды жана ок-дарыларды буйруктун, телеграмманын (телефонограмманын) негизинде берүүдө (жүктөөдө, жөнөтүүдө) куралдануу башкармалыгы жана/ же МАУ, УО жана АКтын камсыздоо органы наряддарды бербейт.

Куралдардын (ок-дарылардын) артиллериялык базасынын (кампасынын) ЭАОБда наряддар таризделет, аларга куралдардын (ок-дарылардын) артиллериялык базасынын (кампасынын) башчысы жана ушул базанын ЭАОБ башчысы кол коюшат. Куралдардын (ок-дарылардын) артиллериялык базасынын (кампасынын) башчысынын кол тамгасы Мамлекеттик гербдин сүрөтү жана базанын аталышы бар мөөр менен күбөлөндүрүлөт.

308. Жеке жана юридикалык жактарга материалдык каражаттарды акыга берүүнү эсепке алуу МАУ, УО, жана АКдан чыгарылган материалдык ресурстарды сатуу маселесин регламенттеген Кыргыз Республикасынын мыйзамдары менен аныкталат.

309. РАКтын материалдык каражаттары накладной боюнча материалдык каражаттарды убактылуу пайдаланууга берүү китебине жазуу менен берилет. Ар бир алуучуга китепте өзүнчө өздүк эсеп орду калтырылат.

310. Машыгууну, практикалык сабактарды жана башка чараларды өткөрүү мезгилинде бир айдан ашпаган убакытка чейин материалдык каражаттарды убактылуу пайдаланууга берүү материалдык каражаттарды убактылуу пайдаланууга берүү китеби боюнча жүргүзүлөт.

Материалдык каражаттарды аскер бөлүгүнүн кампасынан бир айдан ашык убакытка убактылуу пайдаланууга берүү накладной менен таризделет.

КААТты жана башка материалдык каражаттарды утилдештирүү бөлүмүндө (цехинде) баалуу металлдарды алуу максатында бөлүштүрүүгө берүү тартибин камсыздоочу органдын жетекчиси аныктайт.

311. Материалдык каражаттарды аскер бөлүгүнүн ичинен бир бөлүкчөдөн башка бөлүкчөгө, кампанын ичинен бир сактоо бөлүмүнөн башка сактоо бөлүмүнө, кошуундун ичинен бир аскер бөлүгүнөн башка аскер бөлүгүнө берүү төмөндөгүдөй жүргүзүлөт:

КААТты - аскер бөлүгүнүн (кошуундун) командиринин буйругунун негизинде;

РАКты - аскер бөлүгүнүн (кошуундун) командиринин буйругунун негизинде, кампа башчысынын накладною боюнча;

башка материалдык каражаттарды - аскер бөлүгүнүн (кошуундун) командиринин буйругунун (тескемесинин), кампа башчысынын же алардын тиешелүү орун басарларынын көрсөтмөсүнүн негизинде.

Аскер бөлүгүнүн алуучусунун алынып жаткан материалдык каражаттарга (күйүүчү жана азык-түлүктөн башкасына) материалдык каражаттарды алууга ишенимкаты болушу керек.

Өткөрүп берүү төмөндөгүдөй таризделет: номерлери жана техникалык абалы боюнча эсепке алынган КААТты - техникалык абалынын актылары боюнча; бир бөлүкчөдөн башка бөлүкчөгө РАКты - накладной боюнча; башка бардык материалдык каражаттарды (өздүк курам менен берилгендерден башкасы) - накладной боюнча.

Аскер бөлүгүнөн (кампадан) КААТты жана табелдик материалдык каражаттарды башка аскер бөлүктөрүнө берүү (кошуундун ичинен материалдык каражаттарды берүүдөн башкасы), ошондой эле аларды кампага өткөрүү кабыл алуучу материалдык каражаттарды кабыл алууга ишенимкатты көрсөткөндөн кийин, камсыздоочу орган берген наряддын негизинде жүргүзүлөт. Түздөн-түз кампада материалдык каражаттарды өткөрүүдө жооптуу тапшыруучу ишенимкатты көрсөтпөйт. Бул учурда наряддын бардык нускаларында жооптуу кабыл алуучунун кол тамгасы Мамлекеттик гербдин сүрөтү бар кампанын мөөрү менен күбөлөндүрүлөт.

Өткөргөндөн кийин наряддардын биринчи нускалары аскер бөлүгүндө (кампада), экинчиси - тапшыруучуда калат, үчүнчүсү жетекчисинин тескемесин аткаруу жөнүндө билдирме катары аскер бөлүгүнөн камсыздоочу органга жиберилет.

КААТ жана башка материалдык каражаттар оңдолгон, техникалык жана башка документтерге ылайык комплекттелген абалда, толтурулган формулярлары (паспорттору) менен жана техникалык абалынын актылары боюнча тапшырылат.

Бир наряд боюнча КААТты өткөрүп берүүдө (тапшырууда) материалдык жооптуу адамдар бир нече болгондо, аскер бөлүгүнөн жооптуу тапшыруучу дайындалат, ал бул нарядда көрсөтүлгөн бардык КААТты өткөрүп берүү (тапшыруу) боюнча баштапкы эсепке алуу документтерине кол коёт.

312. Аскер бөлүгүнүн жооптуу тапшыруучусуна аларды тапшыруу (өткөрүп берүү) үчүн берилген материалдык каражаттардын сакталышын контролдоо, ошондой эле анын аталган материалдык каражаттарга жоопкерчилигин аныктоо үчүн аскер бөлүгүнүн кызматы номерлери жана техникалык абалы боюнча эсепке алынуучу КААТка техникалык абалынын актыларынын кошумча нускаларын жазып берет.

Көрсөтүлгөн документтерге аскер бөлүгүнүн жооптуу тапшыруучусу аскер бөлүгүнүн кампасынан (бөлүкчөлөрдөн) материалдык каражаттарды кабыл алууда кол коёт. Материалдык каражаттарды өткөрүп берүүгө (кабыл алууга) наряд аткарылгандан кийин документтер анын биринчи нускасына тиркелет, ал жөнүндө нарядга белгиленет.

313. Аскер бөлүгүнүн кабыл алуучусу, башка аскер бөлүгүнө (кампага) материалдык каражаттарды кабыл алуу үчүн келгенде, тиешелүү кызматка (ЭАОБ) аларды эсепке алуу документтерин каттоо китебине киргизүү үчүн камсыздоочу орган берген наряддарды, материалдык каражаттарды алууга башка документтерди, ошондой эле материалдык каражаттарды алууга ишенимкатты көрсөтүүгө милдеттүү.

314. Сооттанктык базалык машиналарда жана автомобилдик шассиде жасалган КААТты аскер бөлүгүнөн берүүдө (тапшырууда), КААТ берилип (тапшырылып) жаткан аскер бөлүгүнүн тиешелүү кызматтарынын башчылары кийинки иш күнүнөн кечиктирбей сооттанктык (автомобилдик) кызматка МАУ, УО жана АКтын укуктук актыларында белгиленген форма боюнча КААТты көчүрүү жөнүндө билдирүүнү жөнөтөт.

Билдирүү аскер бөлүгүнүн тиешелүү кызматтарынан КААТтын курамына кирген сооттанктык базалык машиналарды жана автомобилдик шассилерди эсептен чыгаруу үчүн негиз болуп саналат.

315. Аларга орнотулган жабдыктарды демонтаждоодон кийин бошогон автомобилдик жана сооттанктык шассилер, аскер бөлүгүнүн тиешелүү кызматтарынан (РАК, инженердик ж.б.) аскер бөлүгүнүн автомобилдик же сооттанктык кызматына эсеп боюнча берилет. Өткөрүп берүү жабдууну демонтаждоого сапаттык абалын өзгөртүү актысына сооттанктык (автомобилдик) кызматтын башчысынын кол коюусу менен таризделет.

Мындай актынын эки нускасы аскер бөлүгүнүн сооттанктык (автомобилдик) кызматына берилет, алардын бири тиешелүү камсыздоочу органга КААТтын алдындагы автомобилди (сооттанктык базалык машинаны) эсепке коюу үчүн берилет.

Аскер бөлүгүнүн сооттанктык (автомобилдик) кызматына КААТтын алдындагы сооттанктык базалык машиналарды жана автомобилдик шассилерди эсепке алууга берүү үчүн буга чейин алар эсебинде турган аскер бөлүгүнүн кызматтарынын башчылары жооптуу болушат.

Аскер бөлүгүндө сооттанктык жана (же) автомобилдик кызматтар штатта каралбаган учурда, аскер бөлүгүнүн командири тиешелүү камсыздоочу органга бошогон сооттанктык же автомобилдик шассилерди кириштөө жана аларды кийин пайдалануу жөнүндө чечим кабыл алуу үчүн сапаттык абалын өзгөртүү актысын жиберет.

316. Кошуундун курамына кирген аскер бөлүгүнүн материалдык каражаттарына, ал башкага баш ийгенде (камсыздоого киргизилгенде) аскер бөлүгүнүн аттестаттары таризделет. Мында кошуундун тиешелүү кызматы материалдык каражаттардын ар бир түрүнө аскер бөлүгүнүн өзүнчө аттестатын жазат.

Кошуундун курамына кирбеген аскер бөлүгү башка бирикмеге кеткенде бул аскер бөлүгүн материалдык каражаттар менен камсыздаган аскердик башкаруу органында аттестаттар таризделет.

317. Аскер бөлүгүнүн аттестатына, баш ийүүсү өзгөргөн (кеткен) күнгө аскер бөлүгүнүн эсебинде турган материалдык каражаттар жазылат. Алардын бардыгы акыркы отчет берилген күндөн тартып камсыздоодон чыккан күнгө чейинки отчеттук документтер же билдирүүлөр менен тастыкталат. Жаңы түзүлгөн аскер бөлүктөрүнөн билдирүүлөр жана отчеттор көрсөтүлбөйт.

Аттестатта жоголгон материалдык каражаттар боюнча төлөнбөгөн кайра төлөнүүгө тийиш суммалары, ошондой эле текшерүүнүн акыркы датасы көрсөтүлөт.

318. Аскер бөлүгүнүн аттестаты, кошуундун командиринин буйругунун негизинде кошуундун кызматынын башчысына аскер бөлүгү менен кеткен материалдык каражаттарды эсептен чыгарууга жана камсыздоодон чыгарууга укук берген документ болуп саналат.

319. Аскер бөлүгүнөн жаңы аскердик кызмат өтөө ордуна кетүүнүн (МАУ, УО, жана АКдан бошонуунун) алдында куралды, ок-дарыларды, жана инвентардык материалдык каражаттарды тапшырышат:

- мөөнөттүү аскердик кызматтын аскер кызматчылары - куралды бекитүү ведомостторуна кол коюп бөлүкчөлөрдүн старшиналарына;

- генералдар, офицерлер, прапорщиктер жана катардагы жоокерлердин, сержанттардын аскердик кызматтарында контракт боюнча аскердик кызмат өтөгөн аскер кызматчылары - аскер бөлүгүнүн тиешелүү кызматы жазган накладнойлор же ведомосттор боюнча аскер бөлүгүнүн кампасына.

320. Аскер кызматчылары запаска бошонууда аскер кызматчыларынын аттестаттары жазылбайт.

321.Аскер бөлүгүнөн материалдык каражаттарды темир жол (ички суу, аба, автомобилдик) транспортунда жүктү алуучунун кабыл алуучусу (жүктү жөнөтүүчүнүн тапшыруучусу) жок жөнөтүү наряддын же аскердик башкаруу органынын жетекчисинин жазуу түрүндөгү көрсөтмөсүнүн негизинде жүргүзүлөт.

Керек учурда ар бир орунга таңгактоо барактары түзүлөт. Таңгактоо барактарынын бир нускасы таранын ичине материалдык каражаттар менен кошо салынат, экинчиси аскер бөлүгүнүн кызматында калат жана наряддын биринчи нускасына тиркелет. Номерлери боюнча эсепке алынган куралдарды, материалдык каражаттарды таңгактоодо, таңгактоо барактарында алардын номерлери жана сериялары көрсөтүлөт.

Ар бир вагонго (контейнерге) вагондук ведомосттор эки нускада түзүлөт, аларга жүктөөгө жооптуу адамдар кол коюшат. Ведомосттун экинчи нускасы вагондун (контейнердин) ички дубалына эшиктин оң жагына чапталат, биринчиси аскер бөлүгүнүн кызматында калат.

Материалдык каражаттар жөнөтүлгөндүгү жөнүндө аскер бөлүгүнүн кызматында түзүлгөн материалдык каражаттарды жүктөп жөнөтүү (берүү) тууралуу кабарлоо менен Нускаманын 5-тиркемесине ылайык жүктү алуучу кабарланат.

322. Камсыздоочу органда берилген наряд боюнча материалдык каражаттарды кампадан берүү (жүктөө, жөнөтүү) анда көрсөтүлгөн мөөнөттүн ичинде жүргүзүлөт. Нарядды колдонуу мөөнөтүн ал документке кол койгон башчысы гана узарта алат. Нарядды (разнарядканы) колдонуу мөөнөтүн узартуу, документке кол койгон. башчынын кол тамгасын күбөлөндүргөн телеграмма (жазуу түрүндөгү көрсөтмө) менен таризделип же наряддын (разнарядканын) өзүнө тиешелүү белги коюлушу керек.

323. Жетекчисине кампа баш ийген камсыздоочу органдан материалдык каражаттарды берүү (жүктөө, жөнөтүү) үчүн ал кампага наряд үч нускада, разнарядка болсо эки нускада жиберилет.

Аскердик башкаруу органы берген разнарядканын же башка тескеменин негизинде (наряддан башкасы), кампанын ЭАОБунан ар бир жүк алуучуга наряд төрт нускада жазылып берилет. Аскердик башкаруу органы берген же кампанын ЭАОБунда жазылып берилген наряддар кампанын бөлүкчөлөрүнө аткарууга жиберилет. Наряддар материалдык каражаттарды өз убагында берүүгө даярдоо үчүн сактоо бөлүмдөрүнө эрте берилиши мүмкүн.

324. Материалдык каражаттарды кампадан түздөн-түз кабыл алуучуга берүүнүн алдында ЭАОБ жүктү кабыл алуучунун өздүгүн тастыктаган документтерин, ошондой эле материалдык каражаттарды алууга ишенимкаттын туура таризделиши текшерилет,

Наряддын эки нускасы тең кабыл алуучуга тапшырылат, ал аларды сактоо бөлүмүнө аткарууга жиберет. Ошону менен бирге ага материалдык каражаттарды ташып кирүүгө (ташып чыгууга) өткөрмө берилет.

Кабыл алуучунун ишенимкаты наряддын биринчи нускасына тиркелет жана ошону менен бирге кампанын ЭАОБунда сакталат.

Материалдык каражаттар бир наряд боюнча бир нече сактоочу жайлардан берилсе, ар бир ошондой ЭАОБдун сактоочу жайына кабыл алуучуга накладной же наряд үч нускада жазылып берилет. Сактоо бөлүмүндө накладнойду тариздөө тартиби нарядды тариздөө тартибине окшош.

Материалдык каражаттарды сактоо бөлүмдөрүнөн берүү кабыл алуучунун наряддарга (накладнойлорго) кол коюусу менен жүргүзүлөт.

Аталган наряддар (накладнойлор) наряддын биринчи нускасына тиркелет, ал жөнүндө ага белги коюлат.

Берилген материалдык каражаттардын саны жана сапаты жөнүндө маалыматтарды кампанын башчысы өзүнүн колу менен күбөлөндүрөт. Аткарылган наряддын биринчи нускасы ЭАОБго берүү үчүн кабыл алуучуга тапшырылат. Кабыл алынган материалдык каражаттар үчүн кабыл алуучу наряддын жана накладнойдун бардык нускаларына кол коёт. Ок-дарыларды берүүгө наряддар (накладнойлор) сактоо бөлүмдөрүнүн башчыларынын катышуусу менен таризделет.

Жүктөп жөнөткөндөн кийин ЭАОБда наряддын экинчи нускасы таризделет жана материалдык каражаттарды ташып кирүүгө (ташып чыгууга) өткөрмө берилет, алар жүктү кабыл алуучуга тапшырылат. Материалдык каражаттар темир жол (ички суу, аба, автомобилдик) транспорту менен жүктү алуучусу жок жөнөтүү үчүн жүктөлгөндө наряд аткарууга сактоо бөлүмүнө берилет.

325. Сактоо бөлүмүндө наряддын негизинде жүктөлгөн материалдык каражаттарды жөнөтүүгө даярдоо (тандоо, комплекттүүлүгүн текшерүү, таразага тартуу, таңгактоо, ж.б.) жүргүзүлөт. Керектүү учурларда ар бир орунга таңгактоо барактары түзүлөт. Таңгактоо барагынын бир нускасы таранын ичине материалдык каражаттар менен кошо салынат, экинчиси сактоо бөлүмүндө калат жана наряддын биринчи нускасына тиркелет. Номерлери боюнча эсепке алынган куралдарды жана башка материалдык каражаттарды таңгактоодо, таңгактоо барактарында алардын номерлери жана сериялары көрсөтүлөт.

Жөнөтүүгө даяр материалдык каражаттар наряддардын нускалары жана тиркелген таңгактоо барактарынын экинчи нускалары менен ЭАОБга берилет.

326. Материалдык каражаттарды темир жол (ички суу, аба, автомобилдик) транспорту менен жөнөтүүдө бардык учурда кампада транспорттук документтер - темир жол накладнойлору (коносаменттер, жүк накладнойлору, коштоо барактары) таризделет. Андан тышкары жөнөтүүдө таризделет: КААТка формулярлар же паспорттор (заводдук паспорттору жок болсо).

327. Жүктөлгөн материалдык каражаттарды эсепке алуу, ошондой эле ЭАОБдо жүктөөнүн жүрүшүнө жана жүктү алуучуга жеткирүүнү контролдоо жүктөлгөн материалдык каражаттарды жөнөтүүнү (келип түшүүсүн) эсепке алуу китеби боюнча жүргүзүлөт.

328. Жүктөлгөн материалдык каражаттарды жөнөткөндөн кийин сактоо бөлүмүндө аткарылган наряддын үчүнчү нускасында жиберилген орундун саны, таңгактоонун мүнөзү, жүктүн салмагы, транспорттук документтердин номерлери жана жөнөтүүнүн датасы жөнүндө жазуулар жазылат, андан кийин ал ЭАОБ берилет, ал жерде ошол маалыматтар наряддын биринчи жана экинчи нускаларында көрсөтүлөт.

329. Аткарылган наряддын биринчи нускасы тиркемелери менен кампанын делолорунда калат. Экинчи нускасы формулярлар (паспорттор, сапаты жөнүндө күбөлүктөрү) менен жана башка коштоочу документтер менен бирге транспорттук документке тиркелет жана транспортту коштогон кароолдун башчысына берилет же жүктөлгөн күндүн эртеңки күнүнөн кечиктирбей жүктү алуучуга почта аркылуу жиберилет. Үчүнчүсү нарядды берген аскердик башкаруу органына, анын жетекчисинин буйругу аткарылгандыгы жөнүндө билдирүү катары, жүктөп жөнөтүү жөнүндө белгиси менен жиберилет.

Ыкчам эсепке алуу үчүн кампанын башчысына нарядды аткаргандыгы жөнүндө билдирүүнү телеграмма (радиограмма, телефонограмма, факсимилдик байланыш) аркылуу билдирүүгө уруксат берилет. Баяндамада көрсөтүлөт: толук аткарылганда - наряддын номери; толук эмес аткарылганда - наряддын номери, наряд боюнча аткарылбаган материалдык каражаттардын коддору жана "Берилди (жүктөлдү" реквизитинин көрсөткүчтөрү. Мындай баяндама кампанын башчысын аскердик башкаруу органына наряддын үчүнчү нускасын берүүдөн бошотпойт.

Жүктү кабыл алуучу материалдык каражаттар жөнөтүлгөндүгү жөнүндө кампанын ЭАОБде түзүлгөн материалдык каражаттарды жүктөп жөнөтүү (берүү) жөнүндө кабарлама менен Нускаманын 5-тиркемесине ылайык кабарландырылат.

330. Материалдык каражаттарды (ракеталык отун, күйүүчү майдан жана азык-түлүктөн тышкары) кампанын тапшыруучусу менен жөнөтүүдө ага ар бир жүктү алуучуга наряддын биринчи жана экинчи нускалары берилет. Тапшыруучу наряддын үчүнчү (сактоо бөлүмүндө кала турган) нускасына кол коюп, материалдык каражаттарды, ошондой эле наряддын биринчи жана экинчи нускасын алгандыгын тастыктайт.

Материалдык каражаттарды жүктү алуучуга өткөрүп берүү алуучу ишенимкатты көрсөткөндөн кийин наряддын биринчи нускасына кол коюу менен жүргүзүлөт. Жүктү алуучуга кампада таризделген наряддын экинчи нускасы тапшырылат.

Тапшыруучу кампага келгенде аткарылган наряддын биринчи нускасын жүктү алуучунун ишенимкаты менен кошо ЭАОБга тапшырат.

ЭАОБдо тапшыруучунун катышуусунда жүк алуучу менен аткарылган наряд боюнча материалдык каражаттар толук келгендиги текшерилет. Кабыл алынган жана иш жүзүндө жеткирилген материалдык каражаттардын ортосунда айырмачылык жок болсо, наряддын үчүнчү нускасына тапшыруучунун колу коюлуп наряд жабылат.

331. Берилген же жиберилген куралдарга (аскердик техникага, ракеталарга, ок-дарыларга) нарядды башкы инженер (сактоо башчысы) жана кампанын техникалык контролдоо бөлүмүнүн башчысы текшеришет жана кол коюшат.

332. Аскердик башкаруу органынан келген разнарядканын (буйруктун) эсебине кампада берилген наряддардын аткарылган биринчи нускалары разнарядканын (камсыздоочу органда берилген материалдык каражаттарды берүү жөнүндө буйрукту аныктаган наряддын) биринчи нускаларына тиркелет. Наряддын үчүнчү нускалары кампа анын жетекчисине караган аскердик башкаруу органына материалдык каражаттарды чыгаруу (жүктөө, жөнөтүү) тууралуу жетекчисинин буйругу аткарылгандыгы жөнүндө билдирүү катары көрсөтүлөт.

Разнарядканын экинчи нускасы аскердик башкаруу органына толугу менен аткарылгандан кийин же колдонуу мөөнөтү бүткөндө көрсөтүлөт.

333. Материалдык каражаттарды кайра иштетүүгө кампадан мамлекеттик уюмдарга берүү тиешелүү аскердик башкаруу органынын наряддары боюнча жүргүзүлөт. Берилген материалдык каражаттар кампанын эсебинен чыгарылат.

334. Кампадан ок-дарыларды контролдук сыноого жөнөтүү ЭАОБдун наряды боюнча, ага ведомость-мүнөздөмөнү тиркөө менен таризделет. Ок- дарылардын ар бир үлгүсү ярлык менен коштолот.

335. Акы төлөнүүчү жана бекер негизде ажыратууга тийиш болгон жана баштапкы баасы чет өлкөлүк валютада көрсөтүлгөн МАУ, УО жана АКнын КААТ жана бошотулган материалдык каражаттарын (аскердик дайындалыштагы продукцияны) баалоо үчүн, Кыргыз Республикасынын Улуттук банкы алардын баштапкы баасы жөнүндө болгон маалыматтардын датасына белгилеген расмий курс боюнча чет өлкөлүк валюта сомго которулат.

21. Материалдык каражаттарды оңдоого берүүнү жана оңдоодон алууну документтик тариздөө

336. Материалдык каражаттарды аскер бөлүгүнүн оңдоо бөлүкчөсүнө оңдоо үчүн тапшыруу аскер бөлүгүнүн тиешелүү командиринин орун басарынын (кызматтын башчысынын) буйругу боюнча жүзөгө ашырылат.

Тапшыруу оңдоо бөлүкчөлөрүнүн командиринин оңдоого кабыл алынган куралдар (техника ж.б. материалдык каражаттар) үчүн убактылуу пайдаланууга берилген материалдык каражаттарды эсепке алуу китебине кол коюусу менен таризделет.

Оңдоонун көлөмүн тиешелүү кызматтын башчысы бузулган КААТты эсепке алуу китебиндеги жазуулардын негизинде аныктайт.

337. Кошуундун оңдоочу аскер бөлүгүнө (бөлүкчөсүнө) материалдык каражаттар техникалык абалынын актыларынын негизинде тиешелүү кызмат жазып берген оңдоого наряд боюнча кабыл алынат. Тапшыруу оңдоочу аскер бөлүгүнүн (бөлүкчөнүн) алуучусунун оңдоого нарядга кол коюусу менен таризделет, бирден нускасы материалдык каражаттарды ондоодон кийин алуу үчүн тапшыруучуда жана кабыл алуучуда калат.

338. Куралдуу Күчтөрдүн түрүнүн оңдоочу аскер бөлүгүнө КААТ Куралдуу Күчтөрдүн түрүнүн тиешелүү кызматы жазып берген оңдоого наряд боюнча, ал эми оңдоочу уюмга камсыздоочу орган жазып берүүчү наряд боюнча (электргаздык камсыздоо техникасынан тышкары) тапшырылат.

Куралдуу Күчтөрдүн түрүнүн оңдоочу аскер бөлүгүнүн кабыл алуучусунун оңдоого наряддагы кол тамгасы оңдоочу аскер бөлүгүнүн Мамлекеттик гербдин сүрөтү бар мөөрү менен күбөлөндүрүлөт.

КААТты оңдоого кабыл алууда оңдоочу уюмдун кабыл алуучусу материалдык каражаттарды алууга ишенимкатты тариздейт. Оңдоочу уюмдун кабыл алуучусу ишенимкатты көрсөтпөстөн КААТты оңдоого өткөрүүгө жол берилет. Мындай учурда анын наряддагы кол тамгасы оңдоочу уюмдун Мамлекеттик гербдин сүрөтү бар мөөрү менен күбөлөндүрүлөт.

КААТ, формулярлар (паспорттор) каралган, орто жана капиталдык оңдоого формулярлары (паспорттору) жана техникалык абалынын актылары менен тапшырылат.

Куралдардын артиллериялык базасынын шарттарында оңдоону талап кылган бузулган РАК камсыздоочу орган жазып берген наряддар боюнча аскер бөлүктөрүнөн алынат.

Оңдоочу уюмга автомобилдик техниканы оңдоого тапшырууда, мындан тышкары МАУ, УО жана АКтын укуктук актыларда каралган кабыл алуу-өткөрүп берүү актылары түзүлөт.

339. Камсыздоочу орган жазып берген наряддар боюнча оңдоочу уюмга башка материалдык каражаттарды оңдоого тапшыруу жүргүзүлөт. Аталган материалдык каражаттарды тапшырууну документалдуу тариздөө ушул Нускамада каралган тартип боюнча жүзөгө ашырылат.

340. Кошуундун (бирикменин) оңдоочу органына күнүмдүк жана орто оңдоого, ошондой эле техникалык тейлөөгө тапшырылган КААТ аскер бөлүгүнүн эсебинен чыгарылбайт. Ал эми капиталдык оңдоого өткөрүлгөндөр (автомобилдик, инженердик техникадан, инженердик кызматтын электротехникалык каражаттарынан, электрогаз менен камсыздоо, азык-түлүк кызматынын техникасынан башкасы) эсептен чыгарылат.

Капиталдык (орто) оңдоого артиллериялык куралдануу базаларына берилген РАК аскер бөлүгүнүн эсебинен чыгарылат, ал эми өнөр жай ишканаларына берилгенде чыгарылбайт.

341. Камсыздоочу орган жазып берген наряд боюнча изилдөөгө, сыноого, модернизациялоого жана комплекстүү толуктап иштөөгө МАУ, УО жана АКтын оңдоо, илимий-изилдөө же сыноо уюмдарына жөнөтүлгөн материалдык каражаттар, СЗИден башкасы аскер бөлүгүнүн эсебинен чыгарылат.

342. Аскер бөлүгүнүн оңдоочу бөлүкчөлөрүнөн оңдолгон РАКтын материалдык каражаттарын кабыл алуу аскер бөлүктөрүнүн (кошуундардын) кабыл алуучуларынын оңдоого нарядына жана куралдарды оңдоону (тейлөөнү, иштеп чыгууну) эсепке алуу китебине кол коюусу менен таризделет.

Кошуундун (бирикменин) оңдоочу аскер бөлүгүндө КААТтын ар бир оңдолгон бирдигине аткарылган оңдоо ишинин көлөмүн, КААТтын үлгүсүнүн кепилдик иштетилгендигин толугу менен жана алмаштырылган агрегаттарын (түзүмдөрүн) көрсөтүү менен техникалык абалынын актысы түзүлөт. Актыга комиссиянын төрагасы жана мүчөлөрү, оңдолгон КААТты тапшырган адам жана аскер бөлүгүнүн кабыл алуучусу кол коюшат.

343. Аскер бөлүгүнүн кабыл алуучусу оңдолгон материалдык каражаттарды оңдоочу уюмдан ишенимкатты көрсөткөндөн кийин, камсыздоочу органда жазылып берилген наряддын негизинде кабыл алат.

22. Материалдык каражаттарды эсептен чыгарууну, сапаттык (техникалык) абалын өзгөртүүнү жана жаңылоону документ алдуу тариздөө

344. Төмөнкү материалдык каражаттар эсептен чыгарылууга тийиш:

- бөлүнгөн (ажыратылган);

- утилдештирилген;

- КААТты, башка материалдык каражаттарды эксплуатациялоого, өндүрүштүк жана башка керектөөлөргө белгиленген ченемдер боюнча чыгымдалгандар;

- жетишпеген (жоготулган);

- мөөнөтүнөн эрте жараксыз (чегине жеткен) абалга келтирилген;

- сатылган;

- комплекттен чыгарылган бирден жана тобу менен эксплуатацияланган жана запастык бөлүктөрдүн оңдоо комплекттери;

- акысыз берилген.

345. Бөлүнгөн (ажыратылган), комплекттен чыгарылган материалдык каражаттар сапаттык абалын өзгөртүү актылары боюнча эсептен чыгарылат. Аталган актылар боюнча бөлүүдөн (ажыратылгандан), комплекттен ажыратылгандан кийин алынган материалдык каражаттар да кириштелет.

Бөлүү (ажыратуу) төмөндөгүдөй жүргүзүлөт:

- МАУ, УО жана АКтын буйруктарына ылайык куралдануудан (жабдуудан) чыгарылган, мөөнөтүнөн эрте жараксыз абалга келтирилген бешинчи категориядагы материалдык каражаттар - оңдоого наряддар боюнча;

- КААТтын комплекстүү үлгүлөрү, аларды төмөнкү категорияга которгондон кийин - тиешелүү камсыздоочу органдар берген оңдоого наряддар боюнча;

- ок-дарылар, ракеталар жана алардын элементтери, ракеталарды жабдыктоонун күжүрмөн комплекттери - куралдануу башкармалыгында же МАУ, УО жана АКта берилген оңдоого наряддар боюнча.

Куралдануудан (жабдуудан) чыгарылган материалдык каражаттарды бөлүү (ажыратуу, утилдештирүү) куралдануудан (жабдуудан) чыгарылган датасында белгиленген техникалык абалы боюнча, төмөнкү категорияга которбостон жүргүзүлөт.

Материалдык каражаттардын жашыруун түрлөрүн же алардын комплекттөөчү элементтерин ажыратуу (бөлүү, жок кылуу) МАУ, УО жана АКтын укуктук актыларында белгиленген тартипте, курамына аткарылуучу жашыруун иштердин конкреттүү түрүнө тиешелүү уруксаты бар адамдар кирген комиссиянын мүчөлөрүнүн катышуусу менен жүргүзүлөт.

Запастык бөлүктөрдүн бирден жана тобу менен эксплуатацияланган жана оңдоочу комплекттерин ажыратуу оңдоого наряддар боюнча жүргүзүлөт.

346. Утилдештирилген материалдык каражаттар эсептен чыгаруу (калдыктарын чыгаруу) актылары же сапаттык абалын өзгөртүү актылары боюнча эсептен чыгарылат.

347. КААТты жана башка материалдык каражаттарды техникалык тейлөөгө жана оңдоого, ошондой эле өндүрүштүк жана башка керектөөлөргө чыгымдалган ЗБАЖ сапаттык абалын өзгөртүү актылары (запастык бөлүктөр жана жабдыктар) боюнча ченемдерге ылайык эсептен чыгарылат. Оңдоочу бөлүкчөдөн сапаттык абалын өзгөртүү актылары (запастык бөлүктөр жана жабдыктар) менен бирге ай сайын материалдык каражаттардын бардыгы жана кыймылы жөнүндө билдирүү көрсөтүлөт.

348. Оңдоочу бөлүкчөдөгү (цехтеги, устаканадагы жана ушу сыяктууда) материалдык каражаттардын бардыгы жана кыймылы жөнүндө билдирүү куралдарды, техниканы жана башка материалдык каражаттарды оңдоону эсепке алуу китебинде алмаштырылган комплекттөөчү элементтери, чыгымдалган материалдары жана ЗБАЖ жөнүндө жазуулардын негизинде түзүлөт. Жазуулардын маалыматтары техникалык контролдоо бөлүмүнүн өкүлүнүн кол тамгалары менен, ал эми аскердик оңдоочу органдар үчүн - оңдолгон КААТты, башка материалдык каражаттарды кабыл алуучулардын кол тамгалары менен тастыкталат.

349. Тиешелүү кызматтардын (ЭАОБ) эсебинен аскер бөлүгүнүн кампаларынан (кампадан) берилген накладнойлор жана таратуучу ведомосттор боюнча берилген төмөнкү материалдык каражаттар түз чыгымдоо менен эсептен чыгарылат:

- КААТты тазалоо, майлоо жана сактоо үчүн материалдар;

- кинорадиолампалар, предохранителдер (өзүнө баалуу металлдарды камтыбаган);

- электрдик-көмүр буюмдары, азыктандыруу элементтери (батареялар); сырлар (акварелдик, гуашь, тушь, ж.б.), кистилер, кылдар, дептерлер, жазуу кагаздары жана кеңсе буюмдары, оргтехникага чыгымдоо материалдары (картридждер, тонерлер жана башка);

- бет аарчылар, жакага тигилүүчү материалдар, погондор жана айырмачылык белгилери, пахтадан жана жарымы жүндөн байпактар;

- мончо үчүн, туалеттик жана санитардык-гигиеналык керектөөлөр үчүн самын, майда металл фурнитура;

- электр лампалары, өрт өчүргүчтөргө дүрмөттөр, чыгымдоо материалдары (клей, мыктар, шплинттер, зым, метизалар, изоляциялоо ленталары ж.б.) эсепке алуу документтеринин бланктары, ошондой эле баасы бирдик үчүн бир эсептик көрсөткүчкө чейинки баадагы, өзүндө баалуу металлдарды жана таштарды камтыбаган башка буюмдар, аскердик кийимдерди жасалгалоо буюмдары менен ашкана идиш-аяктарынан тышкары.

350. Башка аскер бөлүктөрүнө кеткен аскер кызматчылардын эсебинде турган материалдык каражаттар аскер бөлүгүнүн кызматында аскер кызматчысына берилген аскердик аттесттардын негизинде эсептен чыгарылат.

351. Кампадан кайтарылган тара, сактоо бөлүмүнүн башчыларынын табыштамалары боюнча ЭАОБ жазып берген наряддардын негизинде сактоо бөлүмүнүн жана кампанын эсебинен чыгарылат.

352. Кампада чыгымдалган таңгактоо материалдары жана тара, материалдык каражаттар берилген (жүктөлгөн, жөнөтүлгөн) наряддар (чектик талаптар) боюнча же таңгактоо барактарынын негизинде ЭАОБ жазып берген накладнойлор боюнча эсептен чыгарылат.

353. Дайындалышына, алынып келген булактарына жана алып келүү ыкмаларына карабастан, кем чыгуунун (табигый кемүүнүн чегинде пайда болгон кем чыгуулардан тышкары), ашыкча чыгымдоонун, уурдоонун, мыйзамсыз же ченемден ашык чыгымдоонун (эсептен чыгаруунун), өлүмдүн, жок кылуунун, бузулуунун жана жаратылыш кырсыктарынын натыйжасында жоголгон материалдык каражаттар эсеп китептеринен жана карточкаларынан эсептен чыгарылат. Алар аскер бөлүгүнүн тиешелүү кызматында аскер бөлүгүнүн командиринин (кампа башчысынын) буйругунун негизинде көрсөтүлгөн материалдык каражаттар карамагында турган кызматтын материалдык каражаттарды жоготууларды эсепке алуу китебинде жана кем чыгууларды эсепке алуу китебинде КР Өкмөтүнүн 2011-жылдын 16-майындагы № 224 токтому менен бекитилген Бюджеттик мекемелерде бухгалтердик эсепти уюштуруу боюнча жобого (мындан ары - Бухгалтердик эсепке алууну уюштуруу боюнча жобо) ылайык иштелип чыккан Кыргыз Республикасынын Коргоо министринин 2013-жылдын 8-майындагы № 203 буйругу менен бекитилген Кыргыз Республикасынын Коргоо министрлигинин балансынан материалдык жана акча каражаттарын эсептен чыгаруу боюнча колдонмодо (мындан ары - Эсептен чыгаруу боюнча колдонмо) белгиленген формаларга ылайык жазуулардан кийин гана эсептен чыгарылат.

Эсептен чыгарууну тариздөө төмөндөгүдөй жүргүзүлөт:

номерлери жана техникалык абалы боюнча эсепке алынган КААТ-техникалык абалынын актылары боюнча, ал эми калган материалдык каражаттар - эсептен чыгаруу (калдыктарды чыгаруу) актылары боюнча.

Актылар эки нускада түзүлөт. Актынын экинчи нускасы ушул Нускаманын 361-пунктунда белгиленген тизмекке ылайык документтерди тиркөө менен камсыздоочу органга көрсөтүлөт.

Кошуундун курамына кирген аскер бөлүгүндө актылар үч нускада таризделет. Актынын үчүнчү нускасы МАУ, УО жана АК укуктук актыларында аныкталган тизмекке ылайык документтерди тиркөө менен кошуундун тиешелүү кызматына жиберилет.

Куралдануу башкармалыгынын же МАУ, УО, жана АКтын дайындалышына, алып келүү булактарына жана алып келүү ыкмаларына карабастан, кем чыгуунун, уурдоонун, мыйзамсыз же ченемден ашык коротуунун (эсептен чыгаруунун), жок кылуунун, бузуу жана табигый кырсыкта жоголуунун, мөөнөтүнөн мурда жараксыз абалга келүүнүн натыйжасында жоголгон материалдык каражаттары материалдык каражаттарды жоготууну эсепке алуу китебине жана кем чыгууларды эсепке алуу китебине жазылат, ошондой эле аларды эсептен чыгаруу жана зыянга кошуу боюнча чечим чыкканга чейин эсептен чыгарылбайт. Чечим кабыл алынганга чейин материалдык каражаттар жоголгон бөлүкчөдө эсепте турат. Көрсөтүлгөн материалдык каражаттарды аскер бөлүгүнүн эсепке алуу китебинен эсептен чыгаруу инспектордук күбөлүк боюнча же жоголгон материалдык каражаттарды эсептен чыгаруу актылары боюнча жүргүзүлөт.

354. Мөөнөтүнөн мурда жараксыз абалга келген материалдык каражаттар, техникалык абалынын жана сапатын өзгөртүү актыларынын негизинде төмөнкү категорияга которулат, аларды материалдык каражаттарды категориялоо боюнча берилген укуктарын эсепке алуу менен тиешелүү кызмат адамдары тиешелүү кызматтын кем чыгууларды эсепке алуу китебине жана материалдык каражаттарды жоготууларды эсепке алуу китебине жазгандан кийин гана бекитет. Аскер бөлүгүнүн командиринин материалдык каражаттарды категориялоого укугу жок болгон учурда, ал аларды категориялоого укугу бар жогору турган кызмат адамына мөөнөтүнөн эрте жараксыз (акыркы) абалга келген материалдык каражаттарды төмөнкү категорияга которуу актыларын бекитүү жөнүндө өтүнүчтү жөнөтөт. Өтүнүчкө ушул Нускаманын 361-пунктунда белгиленген тизмекке ылайык документтер тиркелет.

355. Жоготулган жана мөөнөтүнөн эрте жараксыз (акыркы) абалга келген материалдык каражаттарды (мындан ары - жоготулган материалдык каражаттар) жоготууларды эсепке алуу китебинен - тиешелүү кызматта, ал эми зыян келтирүүлөрдү - кем чыгууларды эсепке алуу китебинен эсептен чыгаруу үчүн негиз болуп инспектордук күбөлүк же жоготулган материалдык каражаттарды эсептен чыгаруу актысы саналат.

Инспектордук күбөлүктөрдү баш ийүүсү боюнча түздөн-түз башчылар, ошондой эле МАУ, УО жана АКтын башчыларынын орун басарлары тиешелүү материалдык каражаттар боюнча кем чыгуулардын жагдайларын кызматтык териштирүү жүргүзгөндөн кийин, мамлекетке келтирилген зыяндын себептерин, анын өлчөмүн аныктап, күнөөлүү адамдар бар болсо - Кыргыз Республикасынын мыйзамдары менен каралган жоопкерчиликке тарткандан кийин гана берет.

Эгерде командирлердин (башчылардын) мыйзамсыз аракеттеринин жана аракетсиздигинин натыйжасында мамлекетке зыян келтирилген болсо, аларга инспектордук күбөлүктү берүүгө тыюу салынат.

Мындай учурларда инспектордук күбөлүктөрдү жогору турган командирлер (башчылар) мамлекетке зыян келтирген күнөөлүү адамдарды материалдык жоопкерчиликке тартуудан кийин беришет.

356. Материалдык жана акча каражаттарынын кем чыгуулары, ошондой эле МАУ, УО жана АКтын аскер кызматчыларынын, жарандык персоналынын күнөөсү боюнча материалдык каражаттарды мөөнөтүнөн мурда жараксыз (чектүү) абалга келтирүү менен мамлекетке келтирилген зыяндын, анын ичинде дебитордук бересенин орду, аларды кайтарууга ишеним жок болгон учурларда мөөнөтү өткөн доонун эскириши боюнча КР мыйзамдарына ылайык күнөөлүү адамдардын эсебинен толтурулууга тийиш. Күнөөлүү адамдардын эсебинен кайтарууга мүмкүн болбогон зыяндын суммасы толугу менен же жарым жартылай мамлекетке өтөт жана инспектордук күбөлүк боюнча эсептен чыгарылат.

Күнөөлүү адамдардын эсебинен мамлекетке келтирилген зыяндын орду толтурулгандан кийин мөөнөтү өткөн дебитордук карызынын калдыгы (бар болгон учурда) доону өндүрүп алуу өнбөй тургандыгынын себеби боюнча (мамлекеттин эсебине өткөрүү жана инспектордук күбөлүк боюнча эсептен чыгаруу) ушул Нускаманын 354-пунктуна ылайык, дебитордук бересени эсептен чыгаруу актысы боюнча эсептен чыгарылат.

Дебитордук карызды эсептен чыгаруу актысында төмөнкүлөр көрсөтүлөт:

- кабыл алынган милдеттеменин (түзүлгөн макулдашуунун (контракттын, макулдашуунун) мазмуну дебитордун аталышын жана реквизиттерин, номерин, датасын, предметин, милдеттеменин суммасын кошуу менен);

- дебитордук бересени түзгөн жагдайлар;

- дебитордук бересени өндүрүп алуу (жабуу) үчүн көрүлгөн чаралар;

- өндүрүп алуунун толук өнбөстүгүн белгилөө үчүн негиз;

- күнөөлүү адамдардын эсебинен дебитордук карыз менен мамлекетке келтирген зыянды өндүрүп алуу (мамлекеттин эсебине киргизүү жана инспектордук күбөлүгү боюнча эсептен чыгаруу) жөнүндө кабыл алынган чечимдер.

Дебитордук карызды эсептен чыгаруу актысы жана ага тиркелген документтер юридикалык экспертиза жасоо үчүн аскер бөлүгүнүн юридикалык кызматына берилет, анын мөөнөтү үч күндөн ашпашы керек, андан кийин аскер бөлүгүнүн командирине бекитүүгө жиберилет.

Дебитордук бересени эсептен чыгаруу актысы жана ага тиркелген документтер бекитилген учурдан тартып үч жылга чейин сакталат, андан кийин архивге өткөрүлөт.

357. Инспектордук күбөлүктөр төмөнкү учурларда берилет:

- материалдык жана акчалай каражаттар табигый кырсыктын же күжүрмөн аракеттердин, эпидемиянын, эпизоотиянын натыйжасында жоголсо;

- материалдык жана акчалай каражаттар өрт, кыйроо же авариянын натыйжасында жоголсо, күнөөлүү адамдар жок болгон учурда;

- материалдык жана акчалай каражаттар командачылыктын буйругу менен аларды душмандын басып алуусунун алдын алуу же жугуштуу оорулардын алдын алуу же жоюу максатында жок кылынганда же жараксыз (акыркы) абалга келтирилгенде;

- материалдык жана акчалай каражаттарды жоготуу менен мамлекетке келтирилген зыяндын суммасы, күнөөлүү адамдан сот тарабынан төлөтүп алууга аныкталган суммадан же Кыргыз Республикасынын мыйзамдарына ылайык кызматтык тартипте күнөөлүү адамдын мойнуна салууга мүмкүн болгон кайра төлөнүүгө тийиш болгон суммадан ашкан учурда;

- күнөөлүү адамдар жок болуп, сыноо же машыгуулардын жүрүшүндө материалдык каражаттарды жоготуу менен келтирилген зыян;

- мамлекетке зыян келтирүүгө кимдир бирөөнүн күнөөсү жок болгон учурда (ушул Нускаманын 197-пунктунун биринчи абзацында көрсөтүлгөн учурлардан тышкары);

- эгерде сот тиешелүү жоопкерге туура таризделген жана өз убагында берилген доодон баш тартса, ал эми доогер баш тартууга макул болбогон учурда - анын даттануусу жогору турган сотто каралып, соттун доодон баш тартуу жөнүндө чечими өзгөртүүсүз калтырылса;

- материалдык жана акчалай каражаттар уурдоодо же жок кылууда жоготулса, ага күнөөлүү адамдар аныкталбаса же тергөөдөн жана соттон жашырынса, алардын турган жери белгисиз болгондо жана башка себептер боюнча. Аталган учурларда инспектордук күбөлүктөрдү берүү алдын ала тергөөнү токтотуу жөнүндө токтом же кылмыш иши боюнча өндүрүштү токтотуу жөнүндө соттун токтому чыккандан кийин жүргүзүлөт.

Күнөөлүү адамдар аныкталгандан же табылгандан кийин жана аларды кылмыш-жаза жоопкерчилигине тарткандан кийин, аларга жарандык доо көрсөтүлөт.

- өндүрүп алуунун толук өнбөй тургандыгын белгилөө. Өндүрүп алуунун өнбөй тургандыгы төмөнкү учурларда таанылат:

доонун мөөнөтү өткөндө, эгерде сот бул негиз боюнча доодон баш тартуу жөнүндө чечим чыгарса. Көрсөтүлгөн учурда доону өз убагында бербегенге күнөөлүү кызмат адамдары Кыргыз Республикасынын мыйзамдарына ылайык материалдык жоопкерчиликке тартылышат;

карыз адам каза болгондо, каза болду деп жарыяланганда, дайынсыз жок болгону таанылганда, эгерде соттун токтомуна жана башка актыга ылайык белгиленген милдеттери укуктук мураскерине же дайынсыз жок болгон адамдын мүлкүн башкаруучуга берилбесе, ошондой эле, эгерде андан мыйзам боюнча ага доо менен кайрылууга болбой турган өндүрүп алууга мүлкү калбаса;

сот тарабынан карыз адамдын төлөөгө мүмкүнчүлүгү жоктугу, сот тарабынан аткаруу өндүрүшү токтотулгандыгына байланыштуу мындан ары өндүрүп алуу мүмкүн эмес деп таанылса.

358. Материалдык каражаттарды бир убакытта ар кандай түрдөгү жоготуу менен (өрт, кыйроо, жол кырсыгы, табигый кырсык, кем чыгуу, ж.б.) келтирилген зыянды эсептен чыгарууга инспектордук күбөлүктөрдү тариздөө жана берүү ар бир кызмат боюнча өзүнчө жүргүзүлөт.

359. Эгерде өткөрүлгөн кызматтык териштирүүнүн, текшерүүнүн, баштапкы текшерүүнүн, алдын-ала тергөөнүн же соттун жыйынтыктарында мамлекетке келтирилген зыяндын суммасы күнөөлүү адамдардын эсебинен төлөнүүгө тийиш болсо, анда аскер бөлүгүнүн командири күнөөлүү адамдарды жоопко тартуу жөнүндө буйрук чыгарат жана жоготулган материалдык каражаттарды эсептен чыгаруу актысын өзүнүн ыйгарым укуктарынын чегинде бекитет. Жоготулган материалдык каражаттарды эсептен чыгаруу актылары боюнча КААТ жана ок-дарылар эсептен чыгарылбайт.

Актынын бир нускасы жоготулган материалдык каражаттарды эсептен чыгаруу үчүн тиешелүү камсыздоочу органга жөнөтүлөт.

360. Кызмат адамдары мамлекетке келтирилген зыянды эсептен чыгарууга инспектордук күбөлүктөрдү өткөрүлгөн кызматтык териштирүүнүн, текшерүүнүн, баштапкы текшерүүнүн, алдын-ала тергөөнүн же соттун жыйынтыгы боюнча анын жүрүшүндө келтирилген зыяндын жарымын же толук суммасын мамлекеттин эсебине киргизүү зарылчылыгы белгиленген буйрук чыгарылгандан кийин берет.

РАКка кызмат адамдары өздөрүнүн ыйгарым укуктарынын чегинде материалдык каражаттарды эсептен чыгарууга баштапкы эсепке алуу документтерин күнөөлүү адамдар белгиленип жана алардын зыяндын ордун толтуруусу жөнүндө чечим кабыл алынган буйрук чыгарылып, жоготулган материалдык каражаттарды эсепке алуу китебине жана кем чыгууларды эсепке алуу китебине МАУ, УО жана АКтын укуктук актыларында белгиленген форма боюнча материалдык каражаттарды жоготуу менен мамлекетке келтирилген зыяндын суммасы жөнүндө жазуулар жазылгандан кийин бекитишет.

РАКты эсептен чыгарууга бекитилген баштапкы эсепке алуу документи аскер бөлүгүнүн материалдык каражаттарынын бардыгын жана кыймылын эсепке алуу китебинен, жоготулган материалдык каражаттарды эсепке алуу китебинен куралды эсептен чыгаруу үчүн негиз болуп саналат. Ракеталык-артиллериялык куралдарды эсептен чыгарууга баштапкы каттоо документтеринде материалдык каражаттардын санынын алдында милдеттүү түрдө анын категориясы көрсөтүлөт.

361. Материалдык жана акча каражаттарын жоготуунун себебинен зыянды, ошондой эле күйүүчү майдын ашыкча чыгымын мамлекеттин эсебинен чыгаруу үчүн инспектордук күбөлүктү алууга командирлер команда боюнча өтүнүчтөрдү тиешелүү документтердин көчүрмөлөрүн тиркеп жиберет, аларда төмөнкүлөрдү эсептен чыгаруу зарылчылыгы негизделет:

- кызматтык териштирүүнүн (текшерүүнүн, алгач текшерүүнүн) материалдарын, алардын жыйынтыгы жөнүндө аскер бөлүктөрүнүн командирлеринин буйруктарынан көчүрмөлөрдү;

- жугуштуу оорулар болгон учурда (МАУ, УО, АКтын ыйгарым укуктуу кызмат адамдарынын корутусундан кийин) же душмандардын басып алуусунун алдын алуу максатында материалдык каражаттарды жок кылуу, ошондой эле табигый кырсыктын, кыйроонун жана жол кырсыгынын натыйжасында алардын жоголушу жөнүндө буйруктарды жана тескемелерди;

- белгиленген тартипте бекитилген эсептен чыгаруу (калдыктарды чыгаруу) жана сапаттык абалын өзгөртүү актыларын;

- буюмдарга таризделген формулярларды же паспортторду, (алар жоготулса же жок кылынса өтүнүчкө дубликаттар тиркелет) учуучу аппараттардын жана авиациялык кыймылдаткычтардын формулярларынан башкасын;

- Кыргыз Республикасынын мыйзамдарына ылайык эсептен чыгарууга тийиш болгон материалдык каражаттардын баасы жөнүндө маалымкаттар.

Материалдык каражаттардын баасы жөнүндө маалымкат төмөнкүлөрдү өзүнө камтышы керек:

- аталышын, категориясын (сортун), санын, жоготулган материалдык каражаттардын бир бирдигинин баасын;

- маалымкат түзүү учуруна өндүрүп алууга тийиш болгон зыяндын өлчөмүн;

- эсептерди жана анын негизинде жоготулган материалдык каражаттардын баасы эсептөө жүргүзүлгөн Кыргыз Республикасынын мыйзамдарына негиздөөнү;

- ага аскер бөлүгүнүн командиринин орун басарларынын бири, материалдык каражаттар каттоодо турган кызматтын башчысы же башка кызмат адамы кол койгон маалымкатты түзүүнүн датасын;

- материалдык каражаттардын кем чыгуусу жөнүндө кем чыгууну эсепке алуу китебинен көчүрмөлөрдү;

- мамлекетке материалдык жана акчалай каражаттарды жоготуу менен келтирген зыяндын суммасы жөнүндө эсептерди төлөөчүгө аналитикалык эсепке алуу карточкасынан көчүрмөнү;

- сот жана кылмыш иликтөө органдары кабыл алган чечимдерди;

- башка документтерди.

362. Инспектордук күбөлүктөрдү алууга өтүнүчтөр жана аларга тиркелген документтер аскер бөлүгүнүн юридикалык кызматына юридикалык экспертиза жасоо үчүн берилет, анын өткөрүү мөөнөтү үч күндөн ашпашы керек, андан кийин аскер бөлүгүнүн командирине кол коюуга берилет.

Өтүнүчтөр жогору турган кызмат адамына кызматтык териштирүүнүн жыйынтыктары боюнча же аскер бөлүгүнө текшерүүнүн, алгач текшерүүнүн, тергөө материалдары же соттун чечимдери келип түшкөндө аскер бөлүгүнүн командири кол койгон күндөн 15 суткадан кечиктирилбей жиберилет.

Инспектордук күбөлүктөрдү алуу жөнүндө өтүнүчтөр керектүү документтери жок болсо каралбайт.

Жогору турган кызмат адамына өтүнүч келгенде келген күндөн тартып 15 суткадан кечиктирилбей каралышы керек.

Инспектордук күбөлүктөрдү берүү жөнүндө өтүнүчтөрдү кароонун жыйынтыгы боюнча жана юридикалык кызматка келген материалдарды юридикалык экспертиза өткөрүүдөн кийин жогору турган кызмат адамы, эгерде ал инспектордук күбөлүктөрдү берүүгө укугу жок болсо, төмөнкү чечимдердин бирин кабыл алат:

- инспектордук күбөлүктү берүүгө укугу бар жогору турган кызмат адамынын дарегине инспектордук күбөлүктү берүү жөнүндө өтүнүчтү жиберүү жөнүндө;

- инспектордук күбөлүктү берүү жөнүндө келип түшкөн өтүнүчтү материалдары менен кошумча кызматтык териштирүү (текшерүү) жүргүзүү үчүн кайтарып берүү жөнүндө;

- берилген материалдарды текшерүү жана мамлекетке келтирген зыяндын жагдайларын тактоо максатында кызматтык териштирүүнү дайындоо жөнүндө.

363. Инспектордук күбөлүктөрдү берүү жөнүндө өтүнүчтөрдү кароонун жыйынтыгы боюнча жана келип түшкөн материалдар аскердик башкаруу органынын юридикалык кызматында юридикалык экспертизадан өткөндөн кийин инспектордук күбөлүктөрдү берүүгө укугу бар кызмат адамы төмөнкү чечимдердин бирин кабыл алат:

- инспектордук күбөлүктү берүү жөнүндө;

- инспектордук күбөлүктү берүү жөнүндө өтүнүчтү келип түшкөн материалдары менен кошумча кызматтык териштирүү жүргүзүү үчүн кайтарып берүү жөнүндө;

- берилген материалдарды текшерүү боюнча кызматтык териштирүүнү дайындоо жөнүндө.

364. Инспектордук күбөлүктөрдү тариздөөнү жана берүүнү кызмат адамдары Эсептен чыгаруу боюнча колдонмого ылайык жүргүзүшөт.

Өзүнө баш ийген материалдык камсыздоо органы жок кошуундардын командирлери инспектордук күбөлүктөрдү тариздөөнү жана берүүнү аларга баш ийген аскер бөлүктөрү камсыздоодо турган (жабдууга бекитилген) материалдык камсыздоочу орган аркылуу жүзөгө ашырат.

Эсептен чыгаруу боюнча колдонмого ылайык инспектордук күбөлүктөрдү берүүгө укугу бар кызмат адамдары гана ага кол коюшат. Инспектордук күбөлүк Мамлекеттик гербдин сүрөтү бар мөөр менен күбөлөндүрүлөт.

Материалдык жана акчалай каражаттардын кем чыгуусу менен мамлекетке келтирген зыянды эсептен чыгаруу үчүн инспектордук күбөлүктөрдү берүүгө укук берилген МАУ, УО жана АКтын кызмат адамдарынын тизмеги Эсептен чыгаруу боюнча колдонмонун тиркемесинде көрсөтүлгөн.

365. Инспектордук күбөлүктөр инспектордук күбөлүктөрдү каттоо жана берүү журналында эсепке алынат.

366. Инспектордук күбөлүктү же жоготулган материалдык каражаттарды эсептен чыгаруу актысын алгандан кийин аскер бөлүгүндө эсептен чыгарылат:

- жоготулган материалдык каражаттарды эсепке алуу китеби боюнча-инспектордук күбөлүктө берилген же жоготулган материалдык каражаттарды эсептен чыгаруу актысында көрсөтүлгөн сандагы материалдык каражаттар;

- материалдык каражаттардын бардыгын жана кыймылын эсепке алуу китеби боюнча - куралдануу башкармалыгынын жана/же МАУ, УО жана АКтын башкаруу органдарынын материалдык каражаттары.

367. Материалдык каражаттарды жоготуу жөнүндө кызматтык териштирүүнүн материалдары менен инспектордук күбөлүктөр, алар боюнча чечим чыккан учурдан баштап үч жыл сакталат, аңдан кийин архивге тапшырылат.

368. Табигый кемүү нормасынын чегинде, аскер бөлүгүнүн (кампанын) кабыл алуучусунан кабыл алууда табылган материалдык каражаттардын кем чыгуусу, аскер бөлүгүнүн командири (кампанын башчысы) бекиткен кабыл алуу актысынын негизинде (кампанын ЭАОБ) аскер бөлүгүнүн кызматтары тарабынан эсептен чыгарылат. Актыларга тиешелүү кызматтардын (ЭАОБ) башчылары кол койгон табигый кемүүнүн эсептери тиркелет.

Көрсөтүлгөн ченемдерден ашкан кем чыгуулар, ошондой эле табигый кемүүлөр каралбаган материалдык каражаттар аскер бөлүгүнүн командиринин (кампа башчысынын) буйруктарына ылайык, кабыл алуу актылардын негизинде тиешелүү кызматтын кем чыгууларды эсепке алуу китебине жана жоготулган материалдык каражаттарды эсепке алуу китебине жазылат.

Кабыл алуу актыларына аскер бөлүгүнүн командиринин (кампанын башчысынын) буйруктарынын күбөлөндүрүлгөн көчүрмөлөрү, тиешелүү кызматтын кем чыгууларды эсепке алуу китебинен жана жоготулган материалдык каражаттарды эсепке алуу китебинен көчүрмөлөр тиркелет. Жоготулган материалдык каражаттар алар кем чыгууларды эсепке алуу китебине жазылгандан кийин эсептен чыгарылат.

Жүктү жөнөтүүчү-тапшыруучудан материалдык каражаттарды кабыл алууда табылган кем чыгуулар кем чыгууларды эсепке алуу китебине жазылбайт. Мындай учурда кызматтык териштирүүнү жүктү жөнөтүүчүнүн аскер бөлүгүнүн командири (кампанын башчысы) дайындайт.

369. Табигый кемүү ченеминин чегинде, текшерүүдө (инвентаризациялоодо) табылган материалдык каражаттардын кем чыгуусу, эсептен чыгаруу (калдыктарды алуу) актыларынын негизинде эсептен чыгарылат. Актыга аскер бөлүгүнүн тиешелүү кызматынын (ЭАОБ) башчысы кол койгон табигый кемүүнүн эсептери тиркелет.

Табигый көмүү Кыргыз Республикасынын мыйзамдарында белгиленген тартипте жана ченемдер боюнча аныкталат.

370. Аскер бөлүгүндө (кампада) материалдык каражаттардын жоготуулары, сактоодо жана ташууда табигый көмүүнүн ченемдеринен ашканда, ушул Нускаманын 353-пунктунда белгиленген тартипте эсептен чыгарылат.

371. Түйүндөрдүн, приборлордун, запастык бөлүктөрдүн жана бөлүштүрүүдөн, ажыратуудан кийин алынган ЗБАЖды кириштөөнүн толуктугун текшерүүдө табылган материалдык каражаттардын кем чыгуусу аскер бөлүгүнүн командиринин (кампа башчысынын) буйругунун негизинде кем чыгууларды эсепке алуу китебине жана тийиштүү кызматтын материалдык каражаттарды жоготууну эсепке алуу китебине жазылат, материалдык жоопкерчиликке тартуу боюнча чечим кабыл алынып, күнөөлүү адамдардан мамлекетке келтирилген зыяндын суммасы кармалгандан кийин жоголгон материалдык каражаттарды эсептен чыгаруу актысы боюнча же инспектордук күбөлүктүн негизинде эсептен чыгарылат.

372. Материалдык каражаттарды төмөнкү категорияга которуу Категориялоо боюнча жобого ылайык жүзөгө ашырылат.

23. Өзгөчө учурларда материалдык каражаттарды төмөнкү категорияга которуу жана эсептен чыгарууну документтик тариздөөнүн тартиби

373. Адабият Эсептен чыгаруу боюнча колдонмого ылайык эсептен чыгарылат.

374. Эксплуатациялоодо турган жабдууларды, приборлорду жана кымбат баалуу металлдарды камтыган башка буюмдарды эсептен чыгаруу Эсептен чыгаруу боюнча колдонмого ылайык жүргүзүлөт. Эсептен чыгаруу актыларында эсептен чыгарылууга тийиш болгон кымбат баалуу металлдардын жана кымбат баалуу таштардын массасы (камтылышы), ошондой эле лом жана калдык түрүндө кириштелүүгө тийиш болгон кымбат баалуу металлдардын жана кымбат баалуу таштардын массасы (камтылышы) көрсөтүлүшү керек.

Материалдык каражаттарды эсептен чыгаруу актысы бекитилгенден кийин баалуу металлдарды камтыган тетиктер, түйүндөр жана комплекттөөчү буюмдар алардан алынат. Алынган тетиктерге, түйүндөргө комплекттөөчү буюмдарга демонтаждоо (алуу) актысы түзүлөт жана анда төмөнкүлөр көрсөтүлөт: кымбат баалуу металлдардан жана алардын эритмелеринен жасалган тетиктерден алынган жез менен калайдын саны жана массасы, өзүнчө аталышы; кымбат баалуу металлдарды камтыган баалуулуктун өзүнчө аталышы, саны, анын ичинде дагы кымбат баалуу металл каптоосу менен жана паспортко же эсепке алуу документтерине ылайык кымбат баалуу металлды камтыган приборго же буюмга маалыматтар.

Демонтаждоо (алуу) актысында алынган түйүндөрдүн, тетиктердин жана комплекттөөчүлөрдүн (анын ичинде платада орнотулган) номенклатурасынын конструктивдүү аткарылышына дал келүүсү, ошондой эле паспортто же формулярда каралган колдонулган эритмелер жана каптоолор алардын номенклатурасына жана конструктивдүү аткарылышына (эритмелердин түрүнө жана каптоосуна) дал келүүсү көрсөтүлөт. Мындан тышкары, актыда буюмдардын жана түйүндөрдүн комплекттелиши, буюмдардын жана түйүндөрдүн комплектисиздигинин себептери, номенклатуранын жана буюмдардын, түйүндөрдүн жана сатып алынган буюмдардын номенклатурасынын конструктивдүү аткаруусуна (даярдоодо, ондоодо алмаштыруу ж.б. себептер) дал келбеген себептери көрсөтүлөт. Демонтаждоо (алуу) актысы жабдууну эсептен чыгаруу актысына тиркелет.

Номенклатурасы, конструктивдүү аткаруусу, эритменин түрү же каптоосу дал келбегенде, комплектисиздигинде, приборго же буюмга паспорттор, эсепке алуу документтери жок болгондо, иш жүзүндө колдонулган түйүндөргө, тетиктерге, комплекттөөчүлөргө жараша жана конструктивдүү аткарылышын эске алуу менен приборго же буюмга кымбат баалуу металлдардын камтылышы кайрадан эсептөө жүргүзүлөт.

Эгерде эсептен чыгарылган жабдууну келишимдик негизде кайра иштеп чыгуучу ажыратуу жүргүзсө, анда эсептен чыгарылган жабдууну кабыл алуу, ломду жана калдыктарды демонтаждоо жана алгачкы иштетүү актыларынын негизинде, ошол эле убакта кымбат баалуу металлдарды камтыган ломду жана калдыктарды эсепке коюу менен, аларды эсептен чыгаруу жүргүзүлөт.

Өзүнө кымбат баалуу металлдарды жана кымбат баалуу таштарды камтыган ломду жана калдыктарды эсептен чыгаруу ломду жана калдыктарды кабыл алуу актысынын негизинде ломду жана калдыктарды жыйноо жана кайра иштетүү уюмуна аларды тапшыргандан кийин жүргүзүлөт.

375. Өзүнүн курамында түстүү металлдарды камтыган гильзаларды аскер бөлүктөрүнөн эсептен чыгаруу куралдануу башкармалыгы жана/же МАУ, УО жана АКтын башкаруу органы берген аткарылган наряддар боюнча, салмагын контролдоо ведомостторун тиркөө менен жүргүзүлөт.

Порохтун тарасы жана анын элементтери, гильзалар жетишпеген учурда кем чыгуунун себептерин аныктоо үчүн аскер бөлүгүндө кызматтык териштирүү жүргүзүлөт.

Жетишпеген порохтун тарасы жана анын элементтери, гильзалар аскер бөлүгүнүн командиринин чечиминин негизинде, кызматтык териштирүүнүн жыйынтыгы боюнча жана МАУ, УО жана АКтын укуктук актыларына ылайык аскер бөлүгүнүн эсебинен чыгарылат.

376. Негизги каражаттарга кирген материалдык каражаттар аларды калыбына келтирүү экономикалык жактан максатка ылайык болбогон учурларда, ошондой эле аларды башка уюмдарга пайдаланууга же сатууга берүү мүмкүн болбогон учурларда гана алар эсептен чыгарылууга тийиш.

377. Негизги каражаттардын жараксыздыгын, натыйжасыздыгын же калыбына келтирүүгө оңдоо жүргүзүү мүмкүн эместигин аныктоо үчүн, ошондой эле негизги каражаттарды эсептен чыгарууга керектүү документтерди тариздөө үчүн уюмдарда алардын жетекчилеринин буйруктары боюнча туруктуу же убактылуу иштеген комиссия түзүлөт.

Комиссиянын персоналдуу курамын уюмдун жетекчиси бекитет.

378. Комиссиянын курамына төмөнкүлөр киргизилет:

- уюмдун жетекчисинин орун басары (комиссиянын төрагасы);

- башкы бухгалтер же анын орун басары (штат боюнча уюмда башкы бухгалтердин кызмат орду каралбаган учурда - бухгалтердик эсепти алып баруу жүктөлгөн кызмат адамы). Борбордук бухгалтерия тейлеген уюмдарда туруктуу иштеген комиссиянын курамына эсепке алуу топторунун жетекчилери же аталган бухгалтериянын башка жумушчулары киргизилет;

- негизги каражаттардын сакталышына жоопкерчилик жүктөлгөн адамдар.

Туруктуу иштеген комиссиянын курамына (жетекчинин кароосу боюнча) негизги каражаттарды техникалык тейлеген башка кызмат адамдары да кирет.

Уюмдун жетекчиси негизги каражаттардын техникалык абалын, аларды калыбына келтирүү мүмкүн эместигин жана экономикалык жактан максатка ылайыксыздыгын аныктоо үчүн, ошондой эле кымбат баалуу металлдарды, таштарды камтыган тетиктерди жана түйүндөрдү алуу үчүн башка уюмдардан квалификациялуу адистерди тартууга укуктуу.

Уюмдагы туруктуу же убактылуу иштеген комиссиялардын мүчөлөрү:

- эсептен чыгарууга тийиш болгон объектини керектүү техникалык документациясын, ошондой эле бухгалтердик эсептин маалыматтарын колдонуу менен түздөн-түз көрүп чыгышат жана аны мындан ары пайдаланууга жараксыздыгын же калыбына келтирүү мүмкүн эместигин же максатка ылайыксыздыгын белгилешет;

- объектти эсептен чыгаруунун конкреттүү себептерин (каражаттардын моралдык жешилиши, эксплуатациялоонун нормалдуу шарттарынын бузулушу, объектти жараксыз абалга келтирген кыйроо, бузулуу ж.б. себептер) белгилешет;

- негизги каражаттардын мөөнөтүнөн мурда эксплуатациялоодон чыгышына күнөөлүү адамдарды табышат, ал адамдарды Кыргыз Республикасынын мыйзамдарында белгиленген жоопкерчиликке тартуу боюнча сунуштарды киргизишет;

- эсептен чыгарылуучу объекттердин өзүнчө түйүндөрүн, тетиктерин, материалдарын пайдалануу мүмкүндүгүн аныктайт жана аларга Кыргыз Республикасынын укуктук актыларына ылайык баа берет;

- эсептен чыгарылуучу негизги каражаттардан жарактуу түйүндөрдү, тетиктерди, материалдарды, түстүү жана кымбат баалуу металлдарды алууну контролдоо жүргүзөт, алардын санын, салмагын аныктайт жана тиешелүү кампага тапшырууну контролдошот;

- негизги каражаттардын өзүнчө объекттерин эсептен чыгарууга актыларды түзүшөт.

379. Эсептен чыгаруу актыларында негизги каражаттардын объекттерин мүнөздөгөн төмөнкүдөй маалыматтар көрсөтүлөт:

- объект жасалган же курулган жылы;

- анын аскер бөлүгүнө (уюмга) келген датасы;

- пайдаланууга берүү убактысы;

- объекттин баштапкы наркы (кайра баалангандар үчүн - калыбына келтирүү наркы);

- бухгалтердик эсептин маалыматтары боюнча кошулган жешилүүнүн суммасы;

- өткөрүлгөн капиталдык оңдоолордун саны.

Актыларда дагы негизги каражаттардын объекттери эксплуатациялоодон чыккан себептери, анын негизги бөлүктөрүнүн, тетиктеринин, түйүндөрүнүн, конструктивдик элементтеринин абалы көрсөтүлөт.

Мындан тышкары, автотранспорттук каражаттарды эсептен чыгарууда төмөнкүлөр көрсөтүлөт:

- автомобилдин жүргөнү;

- агрегаттардын, түйүндөрдүн, деталдардын техникалык мүнөздөмөсү жана аларды мындан ары пайдалануу мүмкүнчүлүгү;

- бөлгөндөн кийин кириштөөгө тийиш болгон түйүндөрдүн, тетиктердин тизмеги;

Негизги каражаттар кыйроонун кесепетинен эсептен чыгарылган учурда эсептен чыгаруу актысына кыйроо жөнүндө актынын көчүрмөсү тиркелет, ошондой эле кыйроого алып келген себептер аныкталат жана күнөөлүү адамдарга карата көрүлгөн чаралар көрсөтүлөт.

380. Ижарага алынган жана учурда ижарага берүү шарттарында ижарага берилген (сатып алуу укугу жок) негизги каражаттарды мүлктүн менчик ээси эсептен чыгарат, себеби материалдык каражаттарды ижарага берүү менен бул мүлккө менчик укугун берүү каралбайт.

Эгерде ижарага берилген негизги каражаттар келишимде каралган эксплуатациялоо мөөнөтүнөн мурда катардан чыкса, анда ижарачы ижарага берүүчүгө негизги каражаттардын калган наркын төлөп берет, эгерде келишимде башка каралбаса.

381. Негизги каражаттарды эсептен чыгаруу актыларын уюмдун жетекчиси бекитет.

382. Эсептен чыгарууга актыларды бекитүүгө (жогору турган уюмдан уруксат алууга) чейин негизги каражаттарды бөлүүгө жана демонтаждоого жол берилбейт, ал эми актылар бекитилгенден кийин алар бир айдын ичинде жүргүзүлөт. Кымбат баалуу металлды колдонуу менен жасалган тетиктер жана түйүндөр Кыргыз Республикасынын кымбат баалуу металлдар жана кымбат баалуу таштар мамлекеттик фондуна тапшырылууга тийиш, ал эми түстүү металлдардан жасалган жана башка машиналарды, аспаптарды жана жабдууларды оңдоого колдонулбаган тетиктер жана түйүндөр кайра пайдаланылуучу заттарды кайра иштетүү боюнча ишканаларга жиберилүүгө тийиш.

Эсептен чыгарылган адабият даярдоо уюмдарына тапшырылууга тийиш.

383. Материалдык каражаттарды техникалык абалынын жана сапаттык абалын өзгөртүү актылары боюнча төмөнкү категорияга которуу актылары эки нускада түзүлөт. Эки нусканы тең тиешелүү кызмат адамы бекитет, анын кол тамгасы Мамлекеттик гербдин сүрөтү бар мөөр менен күбөлөндүрүлөт.

384. Аскер бөлүгүнүн командири (кампа башчысы) бекитүүчү актыны тиешелүү орун басары бекитүүгө сунуштайт. Акт бекитилгенден кийин биринчи нускасы аскер бөлүгүндө (кампада) калат жана каттоо китептерине (карточкаларына) жазууга негиз болуп саналат, ал эми актынын экинчи нускасы камсыздоочу органга жиберилет.

385. Жогору турган командирине (башчысына) бекитүүгө сунушталуучу актыны аскер бөлүгүнүн командири (кампанын башчысы) баш ийүүсү боюнча бекитүүгө өтүнүчү менен бирге сунуштайт. Материалдык каражаттарды төмөнкү категорияга которуу жөнүндө өтүнүчтөрдү сунуштаганда, аларга формулярлар (паспорттор) толтурулса, актыга милдеттүү түрдө актыны түзүү күнүнө толугу менен таризделген толтурулган формулярлар (паспорттор) тиркелет.

Акт бекитилгенден кийин анын биринчи нускасы формулярлар (паспорттор) менен аскер бөлүгүнө (кампага) кайтарылат. Актынын экинчи нускасы сунушталган документтери менен бирге актыны бекиткен командирдин (башчынын) иш кагаздарды жүргүзүүсүндө сакталат.

386. Материалдык каражаттарды толуктап коюу (жаңылоо) актысы материалдык каражаттарды узак мөөнөткө сактоого толуктап коюуну, аларды жаңылоону тариздөө үчүн арналган жана эсепке алуу китептерине, карточкаларына өзгөртүүлөрдү киргизүү үчүн негиз болуп саналат.

387. Актыны түзүүдө анын аталышында материалдык каражаттарды эсепке алуу боюнча таризделген операциянын маанисин чагылдырган сөздөр гана калышы керек.

388. Актыны аскер бөлүгүнүн (кампанын) комиссиясынын төрагасы түзөт, аны аскер бөлүгүнүн командири (кампа башчысы) бекитет. Актыны бекиткен кызмат адамынын кол тамгасы Мамлекеттик гербдин сүрөтү бар мөөр менен күбөлөндүрүлөт.

389. Акт эки нускада түзүлөт, биринчи нускасы аскер бөлүгүнүн (кампанын) делосунда калат, экинчиси тиешелүү камсыздоочу органга жиберилет.

24. Материалдык каражаттардын жоготууларын эсепке алуунун жана алар боюнча отчеттуулуктун тартиби

390. Мамлекетке келтирилген зыяндын ордун өз убагында жана туура толтурууну контролдоо максатында МАУ, УО жана АКта материалдык жана акчалай каражаттарды жоготууларды эсепке алуу, ошондой эле алар боюнча отчеттуулук жүргүзүлөт.

391. Аскер бөлүгүндө материалдык каражаттардын жоготууларын эсепке алууну материалдык, техникалык жана башка камсыздоо кызматынын кызмат адамдары, алар жок болгон учурда - аскер бөлүгүнүн командиринин буйругу менен дайындалган кызмат адамдары аскер бөлүгүнүн тиешелүү кызматынын материалдык каражаттарды жоготууларды эсепке алуу китебинде Эсептен чыгаруу боюнча колдонмого ылайык накта көрсөткүчтө жана наркты көрсөтүү менен, ошондой эле кем чыгууларды эсепке алуу китебинде МАУ, УО жана АКтын укуктук актыларына ылайык белгиленген форма боюнча жүргүзүшөт.

392. Кем чыгуунун (табигый көмүү ченемдеринин чегинде түзүлгөн кем чыгуулардан тышкары), уурдоонун, мыйзамсыз же ченемден ашык чыгымдоонун (эсептен чыгаруунун), өлүмдүн, жок кылуунун, бузулуунун, табигый кырсыктардын натыйжасында жоголгон, ошондой эле мөөнөтүнөн эрте жешилген же катардан чыккан материалдык каражаттар (арналышына, алып келүү булактарына жана сатып алуу ыкмаларына карабастан) эсепке алынууга тийиш.

393. КААТтын, АТМдин жана ок-дарылардын же алардын үстүндө орнотулган агрегаттардын, түйүндөрдүн, приборлордун, тетиктердин жана башка комплекттөөчү буюмдардын жоготууларын эсепке алуу жоготуулар кем чыгуунун, уурдоонун, мыйзамсыз же ченемден ашык чыгымдоонун (эсептен чыгаруунун), атайын бузуунун жана жок кылуунун натыйжасында болгон учурларда, ал эми аларды кампада жана бөлүкчөлөрдө сактаганда - жоготуунун себептерине карабастан накталай көрсөткүчтөрдө жана наркын көрсөтүү боюнча эсепке алынат.

Башка себептер боюнча аталган материалдык каражаттардын жоготуулары накталай көрсөткүчтөр боюнча эсепке алынат. Мамлекетке материалдык зыян келтирүүгө күнөөлүү адамдарды материалдык жоопкерчиликке тартууда мындан тышкары, күнөөлүү адамдардан өндүрүлүүгө тийиш болгон материалдык зыяндын суммасы эсепке алынат.

394. Материалдык каражаттар кем чыкканда, уурдалганда, алынганда, атайын бузулганда жана жок кылынганда алардын баасы Кыргыз Республикасынын мыйзамдарына ылайык аныкталат.

395. Материалдык каражаттардын жоготууларын эсепке алуу китебине жана кем чыгууларды эсепке алуу китебине жазуулар аскер бөлүгүнүн командиринин буйругунун, жоготулган материалдык каражаттарды мамлекеттин эсебинен чыгаруу үчүн берилген инспектордук күбөлүктөрдүн, жогору турган командирлердин (башчылардын) буйруктарынын, көрсөтмөлөрүнүн негизинде жүргүзүлөт.

Жоготулган материалдык каражаттар эсептен чыгаруу китептери (карточкалары) боюнча көрсөтүлгөн жоготууларды материалдык каражаттарды жоготууларды эсепке алуу китебине жана кем чыгууларды эсепке алуу китебине белгиленген формада таризделген актылардын негизинде жазгандан кийин эсептен чыгарылат, электрогаз менен камсыздоонун техникасы жана электрогаздык материалдык каражаттар аларды эсептен чыгарууга документтерди алганга чейин эсепке алуу китептери (карточкалары) боюнча эсептен чыгарылбайт жана алар жоготулган бөлүкчөдө (аскер бөлүгүндө) эсепте турат.

Материалдык каражаттардын жоготууларын эсепке алуу китеби толук колдонгонго чейин жүргүзүлөт, китеп жабылган учурда бүтүрүлбөгөн иштер боюнча жазуулар жаңы китепке көчүрүлөт.

Камсыздоо ар кандай кызматтар аркылуу жүргүзүлгөн материалдык каражаттардын бир аталыштагы түрлөрүнүн жоготуулары ар бир тиешелүү кызматта өзүнчө эсепке алынат.

396. КААТтын, АТМдин жана ок-дарылардын кем чыгуу жана уурдоо учурлары аныкталса, ал жөнүндө тезинен жогору турган командирге (башчыга) билдирилет жана төмөнкүдөй маалыматтарды камтыган билдирүү сунушталат:

- материалдык каражаттардын кем чыгуусуна кайда, качан, ким тарабынан жол берилгендиги же уурдалгандыгы жана кандай сумманы;

- кандай ыкмалар менен жана кайсы мезгилдин аралыгында материалдык каражаттар уурдалган, кандай жол менен ал табылган;

- кем чыгуу же уурдоо жөнүндө аскер прокуратурасынын органдарына билдирилгендиги;

- кем чыгууга же уурдоого жол берген адам жөнүндө кыскача маалымат (туулган жылы, билими, ээлеген кызмат ордундагы иш стажы жана башка).

397. Материалдык каражаттардын аныкталган жоготуулары жөнүндө отчеттор Колдонмого ылайык форма боюнча квартал сайын, ал эми төртүнчү кварталдын жыйынтыгы боюнча - бир жылга, аскер бөлүгүнүн кызматы материалдык каражаттардын жоготууларын эсепке алуу китеби боюнча жазуулардын, текшерүүнүн жана инвентаризациялоо материалдарынын, аскер бөлүгүнүн командирлеринин жана жогору турган башчылардын буйруктарынын негизинде түзүлөт. МАУ, УО жана АКтын кошуунунда, түзүмдүк бөлүкчөлөрүндө аскер бөлүктөрүнүн, кошуундардын кызматтарынан келген маалыматтардын негизинде отчет түзүлөт.

Материалдык каражаттардын аныкталган жоготуулары жөнүндө отчеттор баш ийүүсү боюнча тиешелүү камсыздоочу органга жиберилет. Жоготуулар эсепке алынган жана отчеттор берилген материалдык каражаттардын түрлөрүнүн тизмеги Колдонмого ылайык белгиленет.

398. Отчеттогу маалыматтар жыл башынан баштап өсүүчү жыйынтык менен көрсөтүлөт.

Отчеттук мезгил башталганга чейин чечим кабыл алынбаган жоготулган материалдык каражаттардын суммасы (отчеттун 4-графасы), эгерде отчеттук мезгилде аскер бөлүктөрүнүн келүүсүнө же кетүүсүнө байланыштуу бул суммалардын кыймылы жок болсо, мурдагы мезгил үчүн отчеттун 18-графасында көрсөтүлгөн суммага теңделиши керек.

Эгерде суммалардын мындай кыймылы бар болсо, алар отчетко түшүндүрмө катта түшүндүрүлөт.

Отчеттук мезгилде кеткен аскер бөлүктөрүнөн келип түшкөн отчеттордун маалыматтары аскер бөлүгү камсыздоосуна келген кызматтын отчетуна кошулат,

Накталай көрсөткүчтөрдө эсепке алынган КААТтын жана ок-дарылардын жоготуулары боюнча табылган материалдык каражаттардын жоготуулары жөнүндө отчеттун жана бөлүмдүн тийиштүү графаларында эсеп бирдигинде маалыматтар көрсөтүлөт. Эгерде мамлекетке келтирилген зыяндын жарым-жартылайын төлөөгө күнөөлүү адамдардан жоготулган КААТтын жана ок-дарылардын баасынын бөлүгү өндүрүлсө, отчеттун тийиштүү графасынын алымында жоготулган материалдык каражаттардын бирдигинин саны, ал эми бөлүмүндө күнөөлүүдөн өндүрүп алынуучу сумма көрсөтүлөт.

МАУ, УО жана АКтын уюмдары өндүрүштүк, илимий-изилдөө жана операциялык иш үчүн арналган материалдык каражаттардын табылган жоготуулары жөнүндө отчетту МАУ, УО жана АКтын тийиштүү түзүмдүк бөлүкчөлөрүнө беришет.

Мында көрсөтүлгөн материалдык каражаттардын жоготулгандыгы отчетто материалдык каражаттардын түрлөрүнүн тизмегинде каралган бир жалпыланган аталыш менен көрсөтүлөт, ага ылайык жоготуулар эсепке алынат жана отчеттуулук берилет.

399. Материалдык каражаттардын табылган жоготуулары жөнүндө отчетко төмөнкүлөр кол коёт:

- аскер бөлүгүндө (кошуунда) - аскер бөлүгүнүн (кошуундун) командири жана командирдин тиешелүү орун басары (командирге түздөн-түз баш ийген кызматтын башчысы);

- бирикмеде - колбашчынын тиешелүү орун басарлары (колбашчыга түздөн-түз баш ийген кызмат башчылары).

400. Отчетто көрсөтүлгөн материалдык каражаттардын табылган жоготуулары жөнүндө маалыматтар аскер бөлүгүнүн (кошуундун) финансы органында, аскердик башкаруу органында болгон маалыматтар менен салыштырылат.

25. Эсепке алуу-операциялык бөлүмдө материалдык каражаттарды эсепке алуу

401. Кампанын эсепке алуу-операциялык бөлүмүнө материалдык каражаттарды эсепке алуу боюнча төмөнкүлөр жүктөлөт:

- кампадагы материалдык каражаттардын кыймылына жана сапаттык (техникалык) абалына байланышкан бардык операцияларды тариздөө боюнча эсептик документтерди түзүү, эсепке алуу жана сактоо;

- кампада материалдык каражаттардын бардыгын, кыймылын жана сапаттык абалын эсепке алуу китептерин жана карточкаларын жүргүзүү (эсепке алууну компьютердик техниканы колдонуу менен жүргүзүүдө -эсепке алуу документтерин иштеп чыгуу);

- кампага коюлган, ошондой эле кампа тарабынан жүктү жөнөтүүчүлөргө же транспорт органдарына (эгерде бул кампага жүктөлсө) коюлган талаптар боюнча иш жүргүзүү;

- кампанын бөлүкчөлөрүнүн кызмат адамдарынын операциялоо ишин пландоо жана контролдоо;

- кампанын бөлүкчөлөрүн эсепке алуу документтеринин керектүү бланктары менен камсыздоо;

- эсептөө пунктунда (борборунда) эсепке алуу документтерин иштеп чыгуу үчүн даярдоо жана андан чыккан документтерди кабыл алуу;

- кампанын бөлүкчөлөрүндө эсепке алуу маалыматтарын ЭАОБ эсебинин маалыматтары менен текшерүү;

- кампадагы материалдык каражаттардын бардыгы, кыймылы жана сапаттык (техникалык) абалы жөнүндө билдирүүлөрдү (отчетторду) мөөнөттүк билдирүүлөрдүн табелине ылайык даярдоо.

402. ЭАОБдо материалдык каражаттарды эсепке алуу ушул Нускаманын 25-тиркемесине ылайык эсептик документтердин формалары боюнча жүргүзүлөт.

403. ЭАОБ сакталган материалдык каражаттарды толугу менен кампада, ошондой эле ар бир сактоо бөлүмүндө, устаканада (цехте), лабораторияда жана кампанын башка бөлүкчөлөрүндө бардыгын, кыймылын жана сапаттык (техникалык) абалын эсепке алууну жүргүзөт.

404. Материалдык каражаттардын кол тийбес запастарын эсепке алуу үчүн офицерлер же эң жакшы даярдалган жарандык персонал дайындалат.

405. МАУ, УО жана АК боюнча РАКка эндей түрүндөгү ЗБАЖды эсепке алууну камсыздоочу органдын жетекчиси аныктаган куралдардын артиллериялык базасынын (кампасынын) ЭАОБ жүргүзөт. Аталган бөлүмдүн иштеп чыгуучу эсептик документтеринин көлөмүн дагы камсыздоочу органдын жетекчиси аныктайт.

26. Материалдык каражаттарды сактоо бөлүмүндө (сактоочу жайда) эсепке алуу

406. Кампанын сактоо бөлүмүндө (сактоочу жайда) материалдык каражаттарды эсепке алууну сактоо бөлүмүнүн (сактоочу жайдын) башчысы жүргүзөт. Сактоочу жайда (сактоочу жайларда) эсепке алуу жүргүзүүдө сактоо бөлүмү үчүн толугу менен эсепке алуу жүргүзүлбөйт.

407. Сактоо бөлүмүндө (сактоочу жайда) төмөнкүлөр жүргүзүлөт:

- сактоо бөлүмүндө (сактоочу жайда) аткарылууга тийиш болгон материалдык каражаттарды кабыл алууга, берүүгө (жөнөтүүгө) байланышкан операцияларды документалдык тариздөө;

- бөлүмдө (сактоочу жайда) сактоодо турган материалдык каражаттардын бардыгын, кыймылын жана сапаттык (техникалык) абалын эсепке алуу;

- тиешелүү эсептик документтерде (формулярларда, паспорттордо, техникалык абалын эсепке алуу китептеринде, стеллаждык ярлыктарда, штабелдик карточкаларда жана башкаларда) бөлүмдө сактоодо турган КААТка жана башка материалдык каражаттарга жүргүзүлгөн текшерүүлөрдүн (сыноолордун, лабораториялык анализдердин) жыйынтыктарын, техникалык тейлөөлөрдүн (регламенттик иштердин) көлөмүн көрсөтүү;

- аткарылган эсептик документтерди даярдоо жана аларды ЭАОБго берүү;

- белгиленген мөөнөткө сактоо бөлүмүндө жүргүзүлгөн эсеп китептерин (карточкаларын) ЭАОБдун эсептик маалыматтары менен текшерүү үчүн даярдоо.

408. Сактоо бөлүмүндө (сактоочу жайда) материалдык каражаттарды эсепке алуу ушул Нускаманын 25-тиркемесине ылайык эсептик документтердин формалары боюнча жүргүзүлөт.

409. Материалдык каражаттарды кабыл алууда жана берүүдө сактоочу жайдын башчысы наряддардын (накладнойлордун) бардык нускаларында иш жүзүндө кабыл алынган (жөнөтүлгөн) материалдык каражаттардын санын көрсөтөт жана тапшыруучу (кабыл алуучу) кол койгондон кийин бул документтерге кол коёт.

Кийинки күндөн кечиктирилбестен бардык аткарылган сактоо бөлүмүндөгү (сактоочу жайдагы) баштапкы эсептик документтер кампанын ЭАОБго эсептик документтерди каттоо китебинде кол койдуруу менен тапшырылат.

410. КААТтан сактоо шарттары боюнча алынган комплекттөөчү элементтерге сактоо бөлүмүндө комплекттөөчү элементтерин алуу акты түзүлөт.

411. Материалдык каражаттарды кампанын устаканасына (цехке) ондоо (тейлөө, регламенттик иштер) үчүн бир айдан ашык эмес мөөнөткө берүү оңдоого наряд же кампанын ЭАОБдо оңдоого наряддын ордуна берилген накладной боюнча жүргүзүлөт.

Көрсөтүлгөн материалдык каражаттар, РАКтан башкасы, сактоо бөлүмүнүн (сактоочу жайдын) эсебинен эсептен чыгарылбайт.

Материалдык каражаттарды кампанын бир сактоо бөлүмүнөн башкага, ошондой эле устаканага (цехке) бир айдан ашык мөөнөткө берүү ЭАОБ жазып берген накладной боюнча таризделет. Материалдык каражаттарды бергенден кийин накладнойлор ЭАОБго тапшырылат, ал жерде алардын негизинде кампанын эсеп китептерине (карточкаларына) тиешелүү өзгөртүүлөр киргизилет. Эсеп китептерине (карточкаларына) РАК боюнча өзгөртүүлөр ал канча мөөнөткө берилгендигине карабастан киргизилет.

27. Устаканада (цехте) материалдык каражаттарды эсепке алуу

412. Кампанын устаканасында (цехинде) төмөнкүлөрдү эсепке алуу жүргүзүлөт:

- жабдууну жана аспаптарды, ошондой эле агрегаттарды, запастык бөлүктөрдү, эндей түрүндөгү (комплектилердеги) ЗБАЖды жана чыгымдалуучу материалдарды - бөлүкчөдөгү материалдык каражаттардын бардыгын жана кыймылын эсепке алуу китебинде же эндей түрүндөгү запастык аспаптарды жана жабдыктарды, РАК кызматынын башка материалдык каражаттарын эсепке алуу китебинде;

- сактоо бөлүмдөрүнөн оңдоого (техникалык тейлөөгө, регламенттик иштерге, жасап чыгууга) келген КААТ жана башка материалдык каражаттар эсепке алуу китебине жазылбайт;

- оңдоого (техникалык тейлөөгө, регламенттик иштерге, тазалоого) кабыл алынган КААТ жана башка материалдык каражаттар, ошондой эле көрсөтүлгөн иштерди жүргүзүүдө жана ЗБАЖдын комплекттерин толуктоого чыгымдалган агрегаттар, ЗБАЖ жана чыгымдоочу материалдар куралдарды, техниканы жана башка материалдык каражаттарды оңдоону (тейлөөнү, жасап чыгууну) эсепке алуу китебинде;

- устакананын (цехтин) өздүк курамына бөлүнгөн иштерди аткаруу үчүн бир айдан ашык эмес мөөнөткө берилген аспаптар жана жабдыктар - убактылуу пайдаланууга берилген материалдык каражаттарды эсепке алуу китебинде, ал эми көбүрөөк мөөнөткө берилгендер - өздүк пайдалануудагы материалдык каражаттарды эсепке алуу карточкаларында. Бир күндүн ичинде аспаптарды жана жабдыктарды жетондор боюнча берүүгө уруксат берилет, алардын формасы кампанын башчысынын буйругуна ылайык белгиленет.

Устаканага (цехке) устаканада (цехте) чогултулган (оңдолгон) куралдарга (аскердик техникага, ракеталарга жана ок-дарыларга) формулярларды түзүү (жүргүзүү) дагы жүктөлөт.

413. Сактоо бөлүмдөрүнөн оңдоого (техникалык тейлөөгө, регламенттик иштерге, жасап чыгууга) бир айга чейинки мөөнөткө жөнөтүлгөн материалдык каражаттарды кабыл алуу бир айдан ашык мөөнөткө берилген оңдоого наряддар, мындан тышкары, кампанын ЭАОБдо жазылып берилген накладнойлор боюнча жүргүзүлөт. Устаканага (цехке) номерлери жана техникалык абалы боюнча эсепке алынган куралдарды (техниканы) кабыл алуу техникалык абалынын актысы боюнча дагы таризделет.

Оңдоого наряддын биринчи нускасы устаканада (цехте) калат, экинчи нускасы устакананын (цехтин) башчысынын материалдык каражаттарды кабыл алуу жөнүндө кол тамгасы менен сактоо бөлүмүнө берилет.

414. Устаканадан (цехтен) материалдык каражаттарды сактоо бөлүмүнө тапшыруу оңдоого наряддын эки нускасында жана куралдарды, техниканы жана башка материалдык каражаттарды оңдоону (тейлөөнү, жасап чыгууну) эсепке алуу китептеринде аны кабыл алуучуга кол койдуруу менен же накладной боюнча тапшыруу жүргүзүлөт. Номерлери жана техникалык абалы боюнча эсепке алынган КААТты тапшырууда нарядга техникалык абалынын актысы тиркелет.

Куралдарды, техниканы жана башка материалдык каражаттарды оңдоону (тейлөөнү, жасап чыгууну) эсепке алуу китептериндеги сактоо бөлүмдөрүнүн кабыл алуучуларынын кол тамгалары менен тастыкталган чыгымдалган агрегаттар (ЗБАЖ, чыгымдоочу материалдар) жөнүндө жазуулардын негизинде устакананын (цехтин) башчысы ар бир айдын аягында материалдык каражаттардын бардыгы жана кыймылы жөнүндө билдирүүнү аткарылган оңдоого наряддар жана таризделген техникалык абалынын актысы менен бирге кампанын ЭАОБуна көрсөтөт.

Билдирүү бөлүкчөдөгү, устаканадагы (цехтеги) материалдык каражаттардын бардыгын жана кыймылын эсепке алуу китебинен жана кампанын ЭАОБунан эсепке алуу китебинен (карточкасынан) чыгымдалган агрегаттарды (запастык бөлүктөрдү, ЗБАЖды, чыгымдалуучу материалдарды) эсептен чыгаруу үчүн негиз болуп саналат.

28. Аскердик башкаруу органдарында (бирикмеде) материалдык каражаттарды эсепке алуу

415. Аскердик башкаруу органдарында (бирикмеде) эсепке алуу төмөнкүлөрдү: баш ийген аскер бөлүктөрүндө, аскердик кампаларда, МАУ, УО жана АКтын оңдоочу жана башка уюмдарында материалдык каражаттардын бардыгын, кыймылын жана сапаттык (техникалык) абалын; фонддордун ишке ашырылышын жана чыгымдардын лимиттерин; алып келүүчүлөр менен, ошондой эле материалдык каражаттар төлөмгө берилген керектөөчүлөр менен эсептешүүлөрдүн абалын; талап коюу жана доо иштеринин абалын чагылдырышы керек.

416. Аскердик башкаруу органдарында (бирикмеде) материалдык каражаттарды ыкчам эсепке алуу (билдирүүлөрдүн жана отчеттордун негизинде) жана баштапкы эсептик документтер боюнча эсепке алуу жүргүзүлөт. Материалдык каражаттардын тизмегин жана аларды ыкчам эсепке алууну жүргүзүү тартибин, көрсөтүүнүн мезгилдүүлүгүн жана билдирүүлөрдүн жана отчеттордун формаларын бирикменин аскерлеринин колбашчысы камсыздоочу орган менен макулдашып белгилейт.

Бирикмеде материалдык каражаттарды ыкчам эсепке алуу ыкчам эсепке алуу китептериндеги (карточкаларындагы) отчеттордун жана билдирүүлөрдүн негизинде жүргүзүлөт. Материалдык каражаттарды ыкчам эсепке алуу китебин (карточкаларын) каттоо эсептик документтерди каттоонун жалпы эрежелерине ылайык жүргүзүлөт.

КААТ жана башка материалдык каражаттар баш ийген кампаларда, ошондой эле отчет берүүчү аскер бөлүктөрүндө (кошуундарда) турган негизги номенклатура жана баштапкы документтери боюнча эсепке алынууга тийиш. Баштапкы документтери боюнча эсепке алынууга тийиш болгон материалдык каражаттардын номенклатурасын БАБОнун тиешелүү түзүмдүк бөлүкчөлөрүнүн башчылары аныктайт.

417. Аскердик өкүлчүлүктөрдө мамлекеттик уюмдарда өндүрүлгөн жана МАУ, УО жана АКтын керектөөлөрү үчүн кабыл алынган даяр продукцияны эсепке алуу, ошондой эле КААТтын тажрыйбалуу үлгүлөрүн жана башка материалдык каражаттарды илимий-изилдөө уюмдарында эсепке алуу ушул Нускамага ылайык белгиленген эсептик документтердин формалары боюнча жүргүзүлөт. Көрсөтүлгөн документтердин формаларынын тизмегин жана эсепке алуу тартибин БАБОнун тиешелүү түзүмдүк бөлүкчөлөрүнүн башчылары аныктайт.

418. Аскер бөлүгүн (кампаны) материалдык каражаттар менен камсыздоого кошуу (камсыздоодон чыгаруу) бөлүктүн командиринин буйругу менен МАУ, УО жана АКтын директиваларынын жана аттестаттарды көрсөтүүнүн негизинде жүргүзүлөт. Камсыздоого киргизүү (камсыздоодон чыгаруу) тартиби МАУ, УО жана АКтын укуктук актыларында аныкталат.

Жаңы түзүлгөн (кайра түзүлгөн) аскер бөлүктөрүн (кампаларды) материалдык каражаттар менен (РАКтан тышкары) камсыздоого кошуу МАУ, УО жана АКтын уюштуруу иш-чараларын жүргүзүү жөнүндө директиваларынын негизинде жүргүзүлөт.

Жоюлган (кайра түзүлгөн) аскер бөлүктөрүн (кампаларды) камсыздоодон чыгаруу МАУ, УО жана АКтын уюштуруу иш-чараларын жүргүзүү жөнүндө директиваларынын негизинде көрсөтүлгөн аскер бөлүктөрү (кампалар) аларда эсепте турган материалдык каражаттарды тапшыргандан кийин жана жыйынтыктоочу отчетторду көрсөткөндөн кийин жүргүзүлөт.

419. Куралдуу Күчтөргө материалдык каражаттар менен камсыздоо жүктөлгөн аскер бөлүктөрүн, аскер прокуратураларын, Кыргыз Республикасынын Улуттук коопсуздук мамлекеттик комитетинин аскердик контрчалгындоо башкармалыктарын жана бөлүмдөрүн, башка уюмдарды РАК менен камсыздоого кошуу же аларды камсыздоодон чыгарууну, аскер бөлүктөрүн жана камсыздалуучу органдарды камсыздоо тартибин камсыздоочу орган аныктайт, ал эми РАК кызматында - куралды (ок-дарыларды) эсепке алуу жүргүзүүдө КИМК, УГ, МЧАКтын жетекчисинин буйругунун негизинде аныкталат.

Материалдык каражаттар сакталган куралдардын (ок-дарылардын) артиллериялык базасы (кампасы) үчүн куралдануу башкармалыгында жана/же МАУ, УО жана АКтын башкаруу органдарында материалдык каражаттардын запасын эсепке алуу жана куралдардын (ок-дарылардын) артиллериялык базасынын өзүнүн бөлүкчөлөрүн камсыздоо үчүн керектүү материалдык каражаттарды эсепке алуу үчүн эки өз-өзүнчө өздүк эсеп ачылат.

Куралдардын (ок-дарылардын) артиллериялык базасында сакталган материалдык каражаттардын запасын эсепке алуу ЭАОБ жана куралдардын (ок-дарылардын) артиллериялык базасынын куралдарды сактоо бөлүмүндө жүргүзүлөт.

Куралдардын (ок-дарылардын) артиллериялык базасынын өзүнүн бөлүкчөлөрүн камсыздоо үчүн керек болгон материалдык каражаттарды эсепке алууну куралдардын (ок-дарылардын) артиллериялык базасынын МТКБ жүргүзөт. Куралдардын (ок-дарылардын) артиллериялык базасынын МТКБ материалдык каражаттарды эсепке алууну аскер бөлүгүнүн кызматы үчүн белгиленген көлөмдө жүргүзөт.

Куралдардын (ок-дарылардын) артиллериялык базасында өзүнчө өздүк эсептерди ачууда куралдардын (ок-дарылардын) артиллериялык базасынын бөлүкчөлөрүнүн куралды, ага запастык бөлүктөрдү жана комплекттөөчүлөрдү комплектиде же эндей түрүндө эсепке алуу үчүн арналган өздүк эсеп үчүн шарттуу (чыныгы) аталышынан кийин "МТКБ" көрсөтүлөт, ал эми МАУ, УО, АКтын куралынын, ага запастык бөлүктөрдүн жана комплекттөөчүлөрдүн комплектидеги же эндей түрүндөгү запастарын эсепке алуу үчүн "ЭАОБ" көрсөтүлөт. Мисалы: "63755 аскер бөлүгү МТКБ" жана "63755 аскер бөлүгү ЭАОБ".

420. Аскердик башкаруу органдарынын жана аскер бөлүктөрүнүн (кампалардын) камсыздоосунда тургандардын эсепке алуу маалыматтарын текшерүү жүргүзүлбөйт. Аскердик башкаруу органдарында отчет берүүчү аскер бөлүктөрүндө (кампаларда) эсептик маалыматтарды жүргүзүүнүн тууралыгын контролдоо көрсөтүлгөн аскер бөлүктөрү (аскердик кампалар) МАУ, УО жана АКтын укуктук актыларында белгиленген мөөнөттө көрсөткөн билдирүүлөр жана отчеттор боюнча жүргүзүлөт.

Эсептик маалыматтарды эсепке алуу китептери боюнча текшерүү жүргүзүү жөнүндө чечим кабыл алынган учурда (аны камсыздоочу органдын жетекчиси гана кабыл алат) текшерүү жөнүндө белгилер аскер бөлүктөрү үчүн белгиленген тартипте жасалат, материалдык каражаттардын текшерилген номенклатурасы боюнча билдирүүлөр жана отчеттор камсыздоочу органдын жетекчисинин билдирүүсүнүн негизинде аскер бөлүктөрүнөн көрсөтүлбөшү мүмкүн.

421. Атайын дайындалыштагы материалдык каражаттар МАУ, УО жана АКтын укуктук актыларына ылайык эсепке алынат.

422. Аскердик башкаруу органдарынын жетекчилеринин КААТты, ракеталарды, ок-дарыларды, отунду, күйүүчү жана башка материалдык каражаттарды берүүгө (жүктөөгө, жөнөтүүгө) буйруктары наряддар, разнарядкалар же эсеп-наряддары, телеграмма (радиограмма, телефонограмма, факсимилдик байланыштын каражаттарын колдонуу менен) менен таризделет.

423. Наряд менен аскердик башкаруу органынын жетекчисинин бир жүктү алуучуга материалдык каражаттарды бир жолку берүүгө (жүктөөгө, жөнөтүүгө) буйругу таризделет.

Аскердик башкаруу органында эсеп китептериндеги (карточкаларындагы), маалыматты магниттик же башка алып жүрүүчүлөрдөгү жазуулар аткарылган наряддын үчүнчү нускасынын же кабыл алуу актысынын негизинде жазылат. Жүктү алуучудан кабыл алуу актысын же материалдык каражаттарды кабыл алуу жөнүндө тастыктаманы алууда материалдык каражаттарды эсепке алууну жүргүзгөн кызмат адамы үчүнчү нускада: "Материалдык каражаттарды (жүктү алуучу көрсөтүлөт) кабыл алуу жөнүндө 20__-ж. "___" _____________ № _______________ тастыктама алынды" деп белгилейт. Аталган белги материалдык каражаттарды эсепке алууну жүргүзгөн адамдын кол тамгасы менен күбөлөндүрүлөт.

Нарядда жана кабыл алуу актысында берилген материалдык каражаттардын саны менен сапатында айырмачылыктар болгондо, материалдык каражаттарды эсепке алууну жүргүзгөн кызмат адамы айырмачылыктардын себептерин аныктайт жана эсепке алуу китебине (карточкаларына), маалыматты магниттик жана башка алып жүрүүчүлөргө жазууларды жазат.

424. Разнарядка менен аскердик башкаруу органынын жетекчисинин бир эле материалдык каражаттарды бир нече жүктү алуучуга берүүгө (жүктөөгө, жөнөтүүгө) буйругу таризделет. Мында материалдык каражаттарды берүү (жүктөө, жөнөтүү) кампада жазылып берилген наряд боюнча жүргүзүлөт.

Разнарядка үч нускада түзүлөт. Анын биринчи эки нускасы кампага аткарууга жөнөтүлөт.

Разнарядка кампада аткарылгандан кийин анын экинчи нускасы аскердик башкаруу органынын жетекчисине анын буйругу аткарылгандыгы жөнүндө билдирүү катары көрсөтүлөт.

Аскердик башкаруу органында берилген разнарядка боюнча пландаштырылган кампадан материалдык каражаттарды берүү (жүктөө, жөнөтүү) жөнүндө анын өкүлү ар бир жүктү алуучуга материалдык каражаттарды жүктөп жөнөтүү (жөнөтүү) жөнүндө билдирүү менен кабарлайт. Жүктү жүктөп жөнөтүү (берүү) жөнүндө билдирүү эки нускада түзүлөт, аларды биринчиси жүктү алуучуга жөнөтүлөт, ал эми экинчи нускасы өкүлүндө (базанын, кампанын) калат жана разнарядканын экинчи нускасына тиркелет.

425. Эсеп-наряд менен аскердик башкаруу органынын жетекчисинин кампанын башчысына материалдык каражаттарды акыга берүүгө (жүктөөгө, жөнөтүүгө) буйругу таризделет.

426. Материалдык каражаттарды берүү (жүктөө, жөнөтүү) жөнүндө кампага телеграмма (радиограмма) эки нускада түзүлөт, анын биринчи нускасы байланыш түйүнүнүн экспедициясына берилет, ал эми экинчи нускасы аскердик башкаруу органында калат.

Факсимилдик байланыш аркылуу берилген буйрук бир нускада таризделет жана аны бергенден кийин аны берген убактысы жана датасы жөнүндө белгилөө менен аскердик башкаруу органында калтырылат.

Факсимилдик байланыш аркылуу берилүүгө тийиш болгон наряд эки нускада таризделет.

Наряддын биринчи нускасы аны факсимилдик байланыш аркылуу бергенден кийин кампага почта менен жөнөтүлөт, ал эми экинчи нускасы аскердик башкаруу органыңда калат. Наряддын эки нускасында тең берүүнүн убактысы жана датасы жөнүндө белгиленет.

Наряддын экинчи нускасы кийин ушул наряддын биринчи нускасынын негизинде кампада жазылып берилген аткарылган наряддын үчүнчү нускасына тиркелет.

Телефонограмма аскердик башкаруу органынын телефонограмма китебинде жазылат.

427. КААТ жана башка материалдык каражаттар БАБОнун тиешелүү түзүмдүк бөлүкчөлөрүндө (камсыздоочу органда) берилген наряддар боюнча берилет.

Көрсөтүлгөн материалдык каражаттарды берүүгө аскер бөлүктөрүнүн командирлеринин табыштамалары, ыйгарым укуктуу кызмат адамдары бекиткен аскерлерди материалдык каражаттар менен камсыздоо (жабдуу) пландары, оңдоо пландары, машыгууларды, жыйындарды, уюштуруучу жана башка иш-чараларды өткөрүү пландары негиз болуп саналат.

Аскердик жана атайын жыйындарды (окууларды жана башка иш-чараларды) камсыздоо үчүн РАК жана башка материалдык каражаттар көрсөтүлгөн документтердин негизинде убактылуу берилиши мүмкүн, мында аларды аскер бөлүгүнүн эсебинен чыгаруу жүргүзүлбөйт, ал эми берүү аскер бөлүгүндө жазылган накладной боюнча жүргүзүлөт.

428. Аскер бөлүгүндө (кошуунда, бирикмеде) табелдик керектөөдөн ашык кармалган материалдык каражаттарды борбордун кампасына берүү БАБОнун тиешелүү түзүмдүк бөлүкчөлөрүнүн (камсыздоочу органдын жетекчисинин) чечими менен жүргүзүлөт.

КААТ, ракеталар, ок-дарылар жана башка материалдык каражаттар таризделген формулярлар (паспорттор) менен, ал эми керек болгон учурларда техникалык абалынын актылары менен берилет. Материалдык каражаттарды берүү бардык учурларда тиешелүү камсыздоочу органдарда жазылган наряддар менен таризделет.

429. Аскер бөлүгүнө тиешелүү материалдык каражаттарды башканын карамагына которууда ага аскер бөлүгүнүн аттестаттары ушул Нускаманын 5-тиркемесине ылайык таризделет. Алар кетип жаткан аскер бөлүгүн материалдык каражаттар менен камсыздоо жүктөлгөн аскердик башкаруу органдарында таризделет.

430. Бир нече аскер бөлүктөрүн кошуу жолу менен аскер бөлүгү түзүлгөндө көрсөтүлгөн аскер бөлүктөрүнүн бардык материалдык каражаттарына тиешелүү камсыздоочу органдарда наряддар жазылып берилет.

Жүктү алуучу бул наряддарда бир нече аскер бөлүктөрүн кошуу жолу менен түзүлгөн аскер бөлүгүн жазат.

431. Аттестат материалдык каражаттардын ар бир түрүнө жазылат. Ага аскер бөлүгүнүн карамагына которулган күнү эсепте турган материалдык каражаттар жазылат. Алардын бардыгы акыркы отчеттон тартып камсыздоодон чыгарылган күнгө чейинки мезгил үчүн отчеттук документтер же билдирүүлөр менен тастыкталат.

Аттестатта материалдык каражаттарды жоготуу боюнча төлөнбөгөн эсептердин суммасы, ошондой эле акыркы текшерүүнүн түрү жана датасы көрсөтүлөт.

432. Аскер бөлүгүнүн аттестаты кеткен (келген) аскер бөлүгүнүн эсебинен материалдык каражаттарды эсептен чыгарууга жана анын камсыздоосунан чыгарууга (камсыздоого киргизүүгө) негиз болуп саналат,

433. Аскер бөлүктөрүнүн командирлерине КААТты, ракеталарды, ок-дарыларды, башка материалдык каражаттарды оңдоого же жасап чыгууга тапшырууга, ал эми баш ийген оңдоочу бөлүктөрдүн командирлерине кабыл алууга буйруктар аскердик башкаруу органында оңдоого наряддар менен таризделет.

Сооттанктык кызматтын капиталдык оңдоону талап кылган материалдык каражаттары, ошондой эле куралдануу базаларындагы орто жана капиталдык оңдоолорго тийиш болгон РАК аскер бөлүктөрүнөн наряд боюнча алынат.

Материалдык каражаттарды модернизациялоо үчүн берүү дагы наряд менен эсептен чыгарылып таризделет. Модернизацияланган буюмду өндүрүштүн ишканасынан алуу наряд менен таризделет. РАКты учурдагы оңдоого тапшыруу оңдоого наряд менен таризделет.

434. Оңдоого нарядды аткаргандан кийин анын биринчи нускасы оңдоочу аскер бөлүгүндө (уюмда) калат, экинчи нускасы - материалдык каражаттарды оңдоого тапшыргандарда, ал эми үчүнчү нускасын оңдоочу аскер бөлүгүнүн командири (уюмдун жетекчиси) наряд берилген аскердик башкаруу органына анын буйругун аткаргандыгы жөнүндө билдирүү катары көрсөтөт. Аткарылган наряддын үчүнчү нускасын алганда, анын төртүнчү нускасы жок кылынат.

435. Тапшыруучуга кайтарылууга тийиш болбогон материалдык каражаттарды оңдоого буйрукту тариздөөдө наряддын алдынкы бетинде оңдоодон (резервге киргизгенден, кампага бергенден) кийин аларды колдонуу тартиби көрсөтүлөт.

29. Материалдык каражаттарды куралдуу күчтөрдүн түрүнүн командачылыгында эсепке алуу

436. Аскерлерди материалдык каражаттар менен камсыздоону жана аларды бөлүштүрүүнү, ошондой эле эксплуатациялоону, ондоону жана эсептен чыгарууну тескеген Куралдуу Күчтөрдүн түрүнүн командачылыгынын түзүмдүк бөлүкчөсүндө материалдык каражаттарды эсепке алууну ушул түзүмдүк бөлүкчөнүн жетекчиси уюштурат. Ал тиешелүү материалдык каражаттардын түрүн камсыздалуучу кошуундарда, баш ийген кампаларда, оңдоочу жана башка аскер бөлүктөрүндө (уюмдарда) эсепке алууну жетектейт; материалдык каражаттарды эсептен чыгарууга (сапаттык (техникалык) абалын өзгөртүүгө) келген актыларды, ошондой эле жоготулган материалдык каражаттарды мамлекеттин эсебинен эсептен чыгарууга документтерди карайт, алар боюнча корутундуларды чыгарат жана улук башчыга бекитүүгө көрсөтөт; эсептеги табылган кем чыгууларды жоюу боюнча чараларды көрөт; жогору турган аскердик башкаруу органынын жетекчисине Куралдуу Күчтөрдүн түрүндө материалдык каражаттардын бардыгы, кыймылы жана сапаттык (техникалык) абалы жөнүндө билдирүүлөрдү (отчетторду) МАУ, УО жана АКтын укуктук актыларына ылайык, ошондой эле бул маселелер боюнча керектүү маалыматтарды өзүнүн түздөн-түз башчысына өз убагында даярдоону жана көрсөтүүнү камсыздайт; жогору турган аскердик башкаруу органынын жетекчисине эсептик документтердин бланктарынын керектүү санына табыштамаларды көрсөтөт жана алар менен баш ийген аскер бөлүктөрүн (кампаны), оңдоочу жана башка МАУ, УО жана АКты камсыздоону уюштурат.

437. Материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген МАУ, УО жана АКтын түзүмдүк бөлүкчөсүнө төмөнкүлөр жүктөлөт:

- ал үчүн белгиленген эсептик документтерди түзүү, эсепке алуу жана сактоо;

- Куралдуу Күчтөрдүн түрүндө материалдык каражаттардын бардыгын, кыймылын жана сапаттык (техникалык) абалын эсепке алуу китептерин жана карточкаларын жүргүзүү;

- Куралдуу Күчтөрдүн түрүндө материалдык каражаттардын децентралдаштырылган алып келүүлөрүн эсепке алуу;

- МАУ, УО жана АК үчүн бөлүнгөн жана камсыздалуучу кошуундар жана аскер бөлүктөрү үчүн дайындалган фонддорду жана материалдык каражаттардын чыгымдоо лимитин эсепке алуу;

- талаптарды жана алар бокжча кабыл алынган чечимдерди эсепке алуу;

- МАУ, УО жана АКтын кошуундарында тиешелүү материалдык каражаттарды эсепке алууну контролдоо;

- эсептик документтерди эсептөө борборунда иштеп чыгуу үчүн эсептик документтерди даярдоо жана аларды иштеп чыгууну контролдоо;

- МАУ, УО жана АКта материалдык каражаттардын бардыгы, кыймылы жана сапаттык (техникалык) абалы женүндө билдирүүлөрдү жана отчетторду МАУ, УО жана АКтын укуктук актыларына ылайык даярдоо;

- МАУ, УО жана АКта кызмат боюнча эсептик документтердин бланктарына керектөөлөрдү аныктоо жана аларга табыштамаларды түзүү.

438. Материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген МАУ, УО жана АКтын командачылыгынын түзүмдүк бөлүкчөсүндө материалдык каражаттарды ар бир камсыздалуучу кошуун, баш ийген кампа, ондоочу жана башка аскер бөлүктөрү боюнча эсепке алуу жүргүзүлөт.

439. Материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген МАУ, УО жана АКтын түзүмдүк бөлүкчөсүндө ушул Нускаманын 26-тиркемесине ылайык эсептик документтердин формалары боюнча жүргүзүлөт.

30. Борбордук аскердик башкаруу органдарында материалдык каражаттарды эсепке алуу

440. Аскерлерди материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген БАБОнун түзүмдүк бөлүкчөлөрүндө материалдык каражаттарды эсепке алууну түзүмдүк бөлүкчөлөрдүн башчылары уюштурат. Алар материалдык каражаттардын тийиштүү түрлөрүн эсепке алууну жетектейт; материалдык каражаттарды төмөнкү категорияларга которууга (эсептен чыгарууга) келип түшкөн актыларды карайт; берилген укуктардын чегинде аларды бекитет же алар боюнча корутунду жасайт жана улук башчыларга бекитүүгө берет; материалдык каражаттардын жоголушун мамлекеттин эсебинен эсептен чыгарууга келип түшкөн документтерди карайт, көрсөтүлгөн документтер боюнча корутунду кылат жана чечим кабыл алуу үчүн улук башчыларга билдирет, эсепке алууда табылган кемчиликтерди жоюу боюнча чараларды көрөт; материалдык каражаттардын бардыгы, кыймылы жана сапаттык (техникалык) абалы жөнүндө отчетторду, ошондой эле ушул маселе боюнча керектүү маалыматтарды өздөрүнүн түздөн-түз башчыларына өз убагында даярдоону уюштурат; кызмат боюнча эсепке алуу документтеринин бланктарын даярдоону жана алар менен кошуундарды, аскердик бөлүктөрдү, МАУ, УО жана АКтын уюмдарын камсыздоону уюштурат.

441. Аскерлерди материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген БАБО түзүмдүк бөлүкчөлөрүнө төмөнкүлөр жүктөлөт:

- эсепке алуу документтерин түзүү, эсепке алуу жана сактоо;

- материалдык каражаттардын бардыгын, кыймылын жана сапаттык (техникалык) абалын эсепке алуу китептерин жана карточкаларын жүргүзүү;

- МАУ, УО жана АКтын материалдык каражаттарды алып келүүлөрүн жана алып келүүчүлөр менен эсептешүүлөрдү эсепке алуу;

- доолорду жана алар боюнча кабыл алынган чечимдерди эсепке алуу;

- жүктү алып келүүчүлөрдөн жана бирикменин кампаларынан (БАБО) жүктү алуучулардын материалдык каражаттарды кабыл алуусу боюнча нускамаларды иштеп чыгуу;

- материалдык каражаттардын сапаттык (техникалык) абалын, алардын категориясын (жарамдуулук даражасын) аныктоо тартиби жөнүндө нускамаларды иштеп чыгуу;

- МАУ, УО жана АКта ыкчам эсепке алууга жана баштапкы документтер боюнча эсепке алынууга тийиш болгон материалдык каражаттардын тизмегин иштеп чыгуу;

- МАУ, УО жана АКта тийиштүү материалдык каражаттарды эсепке алууга контролдоо жүргүзүү;

- кызмат боюнча эсептик документтердин бланктарына муктаждыкты аныктоо.

442. Аскерлерди материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген БАБОнун түзүмдүк бөлүкчөсүндө, аскерлерди материалдык каражаттар менен камсыздоону, аларды бөлүштүрүүнү, ошондой эле пайдаланууну, оңдоону жана эсептен чыгарууну тескеген МАУ, УО жана АК, ар бир камсыздалуучу кошуун (аскердик бөлүк), ар бир баш ийген кампа (оңдоо жана башка аскердик бөлүк, уюм) үчүн материалдык каражаттарды эсепке алуу жүргүзүлөт.

443. Аскерлерди материалдык каражаттар менен камсыздоону, аларды бөлүштүрүүнү, ошондой эле пайдаланууну, оңдоону жана эсептен чыгарууну тескеген БАБОнун түзүмдүк бөлүкчөлөрүндө материалдык каражаттарды эсепке алуу ушул Нускаманын 26-тиркемесине ылайык эсепке алуу документтеринин формалары боюнча жүргүзүлөт.

31. Рак жана техникаларды эсепке алуунун өзгөчөлүктөрү

444. Куралдануу башкармалыгында жана/же МАУ, УО жана АКтын башкаруу органында материалдык каражаттарды сандык эсепке алуу, ошондой эле материалдык каражаттарды өндүрүштүк маалыматтары боюнча эсепке алуу жүргүзүлөт.

Сандык жана өндүрүштүк маалыматтар боюнча эсепке алууга тийиш болгон материалдык каражаттардын номенклатурасын куралдануу башкармалыгынын башчысы жана/же МАУ, УО жана АК башкаруу органы аныктайт.

Камсыздоочу болуп эсептелбеген аскердик башкаруу органдарында, кошуундардын жана аскер бөлүктөрүнүн билдирүүлөрүнүн негизинде РАКты, ага ЗБАЖдын комплекттерин, ракеталарды жана ок-дарыларды ыкчам эсепке алуу (эсепке алуу китептерин жана карточкаларын жүргүзбөстөн) жүргүзүлөт. Билдирүүлөрдү берүүнүн мезгилдүүлүгүн жана тартибин аскердик башкаруу органынын жетекчиси аныктайт.

Бөлүкчөлөрдө, аскер бөлүктөрүндө жана кошуундарда РАКты, ага ЗБАЖжын комплекттерин, ракеталарды жана ок-дарыларды сандык эсепке алуу, ошондой эле РАКты өндүрүштүк маалыматтар боюнча эсепке алуу жүргүзүлөт. Ок-дарыларды өндүрүштүк маалыматтары боюнча эсепке алуу аскер бөлүгүнүн кампасында (кампанын сактоо бөлүмүндө) жүргүзүлөт.

445. РАКтын штаттык кызматы жок аскер бөлүктөрүндө материалдык каражаттарды эсепке алууну аскер бөлүгүнүн командиринин буйругу менен дайындалган кызмат адамдары жүргүзөт. Аскер бөлүгүндөгү материалдык каражаттардын же штаттык бөлүкчөлөрдүн санына карабастан материалдык каражаттарды эсепке алууга жалпы аскер бөлүгү жана ар бир бөлүкчө үчүн кызмат адамдары дайындалат.

446. РАКтын жана техниканын бардыгын, кыймылын жана сапаттык (техникалык) абалын эсепке алуу төмөнкүдөй тартипте жүргүзүлөт:

- ракеталык жана танкка каршы реактивдик комплекстердин жер үстүндөгү жабдуулары, артиллериялык куралда, куралдар, радиотехникалык каражаттар жана радиоэлектрондук техника, фотолабораториялар, байкоо жана чалгындоо приборлору, секундомерлер, күзгү стереоскоптор, НИХ номограммалары жана ок атууну башкаруу приборлору аталыштары, үлгүлөрү жана маркалары боюнча, куралдануунун же приборлордун үлгүсүн түзүүчү агрегаттарды жана түйүндөрдү кошуу менен, аларга коюлган ЗБАЖдын комплекттери жана документтери менен бирге эсепке алынат;

- ок атуучу куралдын курамындагы оптикалык жана оптикалык-электрондук мээлегичтер, запастык кайлар, ага ЗБАЖдын топтук жана оңдоо комплекттери куралдан же комплекттерден өзүнчө эсепке алынат;

- РАКка ЗБАЖдын топтук жана оңдоо комплекттери категориясыз материалдык каражаттарды эсепке алуу үчүн белгиленген тартипте комплект менен эсепке алынат.

ЗБАЖдын комплекттеринин аталыштарында ал арналган куралдын үлгүсүнүн кыскартылган аталышы жана ЗБАЖдын комплектин колдонуунун эселиги көрсөтүлөт. Мисалы: 122 мм СГ 2С1ге ЗБАЖ-Г комплекти:

- РАКты жана техниканы оңдоо үчүн атайын көчмө устаканалар комплектке кирүүчү машиналардын жана устаканалардын үлгүлөрү жана маркалары боюнча комплект менен эсепке алынат;

- комплекттөөчү элементтери менен бирге бардык типтеги ракеталар, артиллериялык жана ок атуучу ок-дарылар, пиротехникалык жана имитациялык каражаттар аскер бөлүгүнүн кампасында номенклатура (тиби, калибри, түзүмү, аракетинин түрү жана маркасы), аларды чогултуу партиялары (жабдыктоо, жасоо) жылдары жана жасаган заводу боюнча, ал эми аскер бөлүгүнүн кызматында номенклатура боюнча гана эсепке алынат;

- РАКтын жана техникалардын, приборлордун жана жабдыктардын бардык түрлөрүнө эндей түрүндөгү ЗБАЖ, көчмө устаканалардын комплектисине кирбеген жалпы дайындалыштагы аспаптар, артиллериялык ок атууну башкаруунун кошумча приборлору, ошондой эле куралдарды жана ок-дарыларды тейлөө, сактоо жана оңдоо үчүн чыгымдалуучу материалдар, окуу приборлору, куралдарга, ракеталарга жана ок-дарыларга атайын бош тыгындар, эксплуатациялоо документтери, кызматтык адабияттар жана плакаттар номенклатура боюнча эсепке алынат.

447. Аскер бөлүгүнүн кампасындагы ракеталардын жана ок-дарылардын ар бир партиясына өзүнчө категориясыз материалдык каражаттарды эсепке алуу карточкасы ачылат (1-барак "Буюмдарды эсепке алуу үчүн" жана "Ок-дарыларды жана башкарылбай турган ракеталарды эсепке алуу үчүн" экинчи бети менен). Алар ар дайым ушул партиядагы ракеталар (ок-дарылар) толук чыгымдалганга чейин партиясы менен болушу керек. Эгерде РАКты, ага запастык (комплекттөөчү) бөлүктөрдү эсепке алуу кармоонун түрлөрү боюнча өзүнчө материалдык каражаттардын бардыгын жана кыймылын эсепке алуу китептеринде жүргүзүлсө, кошумча ошол эле форма боюнча аскер бөлүгү үчүн жалпы маалыматтар көрсөтүлгөн эсепке алуу китеби жүргүзүлөт.

Эндей түрүндөгү ЗБАЖ, бардык чыгымдалуучу материалдар, тыгындар, аспаптар, адабияттар жана башка материалдык каражаттар кампада жана аскер бөлүгүнүн кызматында эндей түрүндөгү запастык аспаптарды жана жабдыктарды, РАК кызматынын башка материалдык каражаттарын эсепке алуу китеби боюнча эсепке алынат.

РАКты, ага запастык (комплекттөөчү) бөлүктөрдү кошуунга чейин эсепке алуу кармоонун түрлөрү боюнча, кармоонун ар бир түрү үчүн өзүнчө эсепке алуу китептеринде (карточкаларда) же ар башка өздүк эсептер боюнча бир каттоо китебинде жүргүзүлөт.

Эгерде РАКты, ага запастык (комплекттөөчү) бөлүктөрдү эсепке алуу кармоонун түрү боюнча материалдык каражаттардын бардыгын жана кыймылын эсепке алуунун бир китебинде жүргүзүлсө, анда РАК кампасына (куралдардын жана ок-дарылардын артиллериялык базасынын сактоо бөлүмүнө) жалпысынан РАК кампасы (куралдардын артиллериялык базасынын куралды сактоо бөлүмү) үчүн жана аны кармоонун түрлөрү боюнча өз-өзүнчө ушул куралдын аталышы боюнча маалыматтарды чагылдыруу менен бир нече графадагы өздүк эсеби берилет. Эгерде РАКты, ага запастык (комплекттөөчү) бөлүктөрдү эсепке алуу кармоонун түрлөрү боюнча материалдык каражаттардын бардыгын жана кыймылын эсепке алуунун өзүнчө китептеринде жүргүзүлсө, анда аскер бөлүгү үчүн жалпы маалыматтар көрсөтүлгөн ошондой эле форма боюнча эсепке алуу китеби кошумча жүргүзүлөт.

РАКты жана ага запастык (комплекттөөчү) бөлүктөрдү, ракеталарды жана ок-дарыларды аскер бөлүгүнүн РАК кызматында аларды кармоонун түрлөрү боюнча, категориялуу материалдык каражаттарды эсепке алуу Карточкалары боюнча эсепке алууда жалпы аскер бөлүгү үчүн куралдардын бардыгы жана техникалык абалы жөнүндө маалыматтар категориялуу материалдык каражаттарды эсепке алуу карточкасында (1-барак), ал эми бөлүкчөлөрдөгү жана РАК кампасындагы куралдардын бардыгы жана техникалык абалы жөнүндө маалыматтар категориялуу материалдык каражаттарды эсепке алуу карточкасында (2-барак) чагылдырылат. РАК кампасына жалпы РАК кампасы (куралдардын артиллериялык базасынын куралды сактоо бөлүмү) үчүн ушул аталыштагы курал боюнча жана өз-өзүнчө аны тейлөө түрлөрү боюнча маалыматтарды чагылдыруу менен бир нече графадагы өздүк эсеби берилет.

Куралдардын артиллериялык базасынын ЭАОБдо тейлөө түрлөрү боюнча РАКтын запастарын, запастык (комплекттөөчү) бөлүктөрдү, ракеталарды жана ок-дарыларды категориялуу материалдык каражаттарды эсепке алуу карточкалары боюнча эсепке алууда куралдардын артиллериялык базасы үчүн жалпысынан куралдардын бардыгы жана техникалык абалы жөнүндө маалыматтар категориялуу материалдык каражаттарды эсепке алуу карточкасында (1-барак) чагылдырылат, ал эми куралдарды сактоонун түрлөрү боюнча анын бардыгы жана техникалык абалы жөнүндө маалыматтар ар бир сактоочу жайдын башчысы үчүн өз-өзүнчө, категориялуу материалдык каражаттарды эсепке алуу карточкасында (2-барак) өзүнчө өздүк эсеби менен көрсөтүлөт. Куралды тейлөө түрлөрү боюнча аны эсепке алуу үчүн, сактоочу жайдын ар бир башчысына куралдын ушул аталышы боюнча жалпысынан жана аны тейлөө түрлөрү боюнча өз-өзүнчө маалыматтарды чагылдыруу менен бир нече графада өздүк эсеби берилет.

448. Практикалык (күжүрмөн) ок атууларда бөлүкчөлөрдө коротулган, артиллериялык, ок атуучу ок-дарылар, жакынкы аралыкка аракеттенген зениттик ракеталар аскер бөлүгүнүн кампасындагы ок-дарыларга (ракеталарга) аткарылган таратуу-тапшыруу ведомосттору боюнча аскер бөлүгүнүн кампасынын эсебинен чыгарылат.

Ок атуу убагында жоголгон артиллериялык жана ок атуучу ок-дарылар, жакынкы аралыкка аракет кылуучу ракеталар, аларга элементтер жана атылган гильзалар эсептен чыгаруу (калдыктарды алуу) актысы боюнча, эгерде анда бөлүкчөнүн командиринин, ок-дарынын кампадан алган адамдын жана ок атуунун жетекчисинин кол тамгасы болсо, эсептен чыгарылат. Акт калган ок-дарылар, аларга элементтер жана атылган гильзалар менен бирге кампага тапшырылат. Актынын жана аскер бөлүгүнүн командиринин буйругунун негизинде жоготулган ок-дарылар, аларга элементтер жетишсиздиктерди эсепке алуу китебине жазылат жана андан кийин аскер бөлүгүнүн эсебинен эсептен чыгарылат. Ошол эле убакта аскер бөлүгүнүн командири жоготуулардын себебин аныктоо үчүн кызматтык иликтөө дайындайт. Кызматтык иликтөөнүн жыйынтыктары боюнча аскер бөлүгүнүн командиринин чечими менен жоголгон ок-дарылар жана ага элементтер жетишсиздиктерди эсепке алуу китебинен эсептен чыгарылат же аларга инспектордук күбөлүк алуу жөнүндө өтүнүч жазылат. Жоголгон атылган гильзалар аскер бөлүгүнүн командиринин чечиминин негизинде эсептен чыгарылат.

449. Ок атууларда чыгымдалбаган артиллериялык жана ок атуучу ок-дарылар, жакынкы аралыкка аракеттенген зениттик ракеталар жана аларга калып калган элементтер, ошондой эле тыгын кабыл алынат жана таратып берүү-тапшыруу ведомосту боюнча аскер бөлүгүнүн кампасына кириштелет.

450. Генералдарга, офицерлерге, прапорщиктерге, жоокерлердин жана сержанттардын кызматтарында контракт боюнча аскердик кызмат өтөп жаткан аскер кызматчыларына кампадан берилүүчү куралга ок-дарыларды, артиллериялык приборлорду жана РАК кызматынын башка материалдык каражаттарын эсепке алуу аскер бөлүгүнүн РАК кызматында (кошуундун административдик-чарбалык бөлүгүндө) убактылуу колдонууга берилген материалдык каражаттарды эсепке алуу китеби боюнча жүргүзүлөт. Аскер кызматчысы жаңы аскердик кызмат өтөөчү жерге кеткенде же запаска (отставкага) бошотулганда ага убактылуу колдонууга берилген артиллериялык приборлор аскер бөлүгүнүн кампасына же бөлүкчөгө тапшырылат.

426. Материалдык каражаттарды берүү (жүктөө, жөнөтүү) жөнүндө кампага телеграмма (радиограмма) эки нускада түзүлөт, анын биринчи нускасы байланыш түйүнүнүн экспедициясына берилет, ал эми экинчи нускасы аскердик башкаруу органында калат.

Факсимилдик байланыш аркылуу берилген буйрук бир нускада таризделет жана аны бергенден кийин аны берген убактысы жана датасы жөнүндө белгилөө менен аскердик башкаруу органында калтырылат.

Факсимилдик байланыш аркылуу берилүүгө тийиш болгон наряд эки нускада таризделет.

Наряддын биринчи нускасы аны факсимилдик байланыш аркылуу бергенден кийин кампага почта менен жөнөтүлөт, ал эми экинчи нускасы аскердик башкаруу органында калат. Наряддын эки нускасында тең берүүнүн убактысы жана датасы жөнүндө белгиленет.

Наряддын экинчи нускасы кийин ушул наряддын биринчи нускасынын негизинде кампада жазылып берилген аткарылган наряддын үчүнчү нускасына тиркелет.

Телефонограмма аскердик башкаруу органынын телефонограмма китебинде жазылат.

427. КААТ жана башка материалдык каражаттар БАБОнун тиешелүү түзүмдүк бөлүкчөлөрүндө (камсыздоочу органда) берилген наряддар боюнча берилет.

Көрсөтүлгөн материалдык каражаттарды берүүгө аскер бөлүктөрүнүн командирлеринин табыштамалары, ыйгарым укуктуу кызмат адамдары бекиткен аскерлерди материалдык каражаттар менен камсыздоо (жабдуу) пландары, оңдоо пландары, машыгууларды, жыйындарды, уюштуруучу жана башка иш-чараларды өткөрүү пландары негиз болуп саналат.

Аскердик жана атайын жыйындарды (окууларды жана башка иш-чараларды) камсыздоо үчүн РАК жана башка материалдык каражаттар көрсөтүлгөн документтердин негизинде убактылуу берилиши мүмкүн, мында аларды аскер бөлүгүнүн эсебинен чыгаруу жүргүзүлбөйт, ал эми берүү аскер бөлүгүндө жазылган накладной боюнча жүргүзүлөт.

428. Аскер бөлүгүндө (кошуунда, бирикмеде) табелдик керектөөдөн ашык кармалган материалдык каражаттарды борбордун кампасына берүү БАБОнун тиешелүү түзүмдүк бөлүкчөлөрүнүн (камсыздоочу органдын жетекчисинин) чечими менен жүргүзүлөт.

КААТ, ракеталар, ок-дарылар жана башка материалдык каражаттар таризделген формулярлар (паспорттор) менен, ал эми керек болгон учурларда техникалык абалынын актылары менен берилет. Материалдык каражаттарды берүү бардык учурларда тиешелүү камсыздоочу органдарда жазылган наряддар менен таризделет.

429. Аскер бөлүгүнө тиешелүү материалдык каражаттарды башканын карамагына которууда ага аскер бөлүгүнүн аттестаттары ушул Нускаманын 5-тиркемесине ылайык таризделет. Алар кетип жаткан аскер бөлүгүн материалдык каражаттар менен камсыздоо жүктөлгөн аскердик башкаруу органдарында таризделет.

430. Бир нече аскер бөлүктөрүн кошуу жолу менен аскер бөлүгү түзүлгөндө көрсөтүлгөн аскер бөлүктөрүнүн бардык материалдык каражаттарына тиешелүү камсыздоочу органдарда наряддар жазылып берилет.

Жүктү алуучу бул наряддарда бир нече аскер бөлүктөрүн кошуу жолу менен түзүлгөн аскер бөлүгүн жазат.

431. Аттестат материалдык каражаттардын ар бир түрүнө жазылат. Ага аскер бөлүгүнүн карамагына которулган күнү эсепте турган материалдык каражаттар жазылат. Алардын бардыгы акыркы отчеттон тартып камсыздоодон чыгарылган күнгө чейинки мезгил үчүн отчеттук документтер же билдирүүлөр менен тастыкталат.

Аттестатта материалдык каражаттарды жоготуу боюнча төлөнбөгөн эсептердин суммасы, ошондой эле акыркы текшерүүнүн түрү жана датасы көрсөтүлөт.

432. Аскер бөлүгүнүн аттестаты кеткен (келген) аскер бөлүгүнүн эсебинен материалдык каражаттарды эсептен чыгарууга жана анын камсыздоосунан чыгарууга (камсыздоого киргизүүгө) негиз болуп саналат.

433. Аскер бөлүктөрүнүн командирлерине КААТты, ракеталарды, ок-дарыларды, башка материалдык каражаттарды оңдоого же жасап чыгууга тапшырууга, ал эми баш ийген оңдоочу бөлүктөрдүн командирлерине кабыл алууга буйруктар аскердик башкаруу органында оңдоого наряддар менен таризделет.

Сооттанктык кызматтын капиталдык оңдоону талап кылган материалдык каражаттары, ошондой эле куралдануу базаларындагы орто жана капиталдык оңдоолорго тийиш болгон РАК аскер бөлүктөрүнөн наряд боюнча алынат.

Материалдык каражаттарды модернизациялоо үчүн берүү дагы наряд менен эсептен чыгарылып таризделет. Модернизацияланган буюмду өндүрүштүн ишканасынан алуу наряд менен таризделет. РАКты учурдагы оңдоого тапшыруу оңдоого наряд менен таризделет.

434. Оңдоого нарядды аткаргандан кийин анын биринчи нускасы оңдоочу аскер бөлүгүндө (уюмда) калат, экинчи нускасы - материалдык каражаттарды оңдоого тапшыргандарда, ал эми үчүнчү нускасын оңдоочу аскер бөлүгүнүн командири (уюмдун жетекчиси) наряд берилген аскердик башкаруу органына анын буйругун аткаргандыгы жөнүндө билдирүү катары көрсөтөт. Аткарылган наряддын үчүнчү нускасын алганда, анын төртүнчү нускасы жок кылынат.

435. Тапшыруучуга кайтарылууга тийиш болбогон материалдык каражаттарды ондоого буйрукту тариздөөдө наряддын алдынкы бетинде оңдоодон (резервге киргизгенден, кампага бергенден) кийин аларды колдонуу тартиби көрсөтүлөт.

29. Материалдык каражаттарды куралдуу күчтөрдүн түрүнүн командачылыгында эсепке алуу

436. Аскерлерди материалдык каражаттар менен камсыздоону жана аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген Куралдуу Күчтөрдүн түрүнүн командачылыгынын түзүмдүк бөлүкчөсүндө материалдык каражаттарды эсепке алууну ушул түзүмдүк бөлүкчөнүн жетекчиси уюштурат. Ал тиешелүү материалдык каражаттардын түрүн камсыздалуучу кошуундарда, баш ийген кампаларда, оңдоочу жана башка аскер бөлүктөрүндө (уюмдарда) эсепке алууну жетектейт; материалдык каражаттарды эсептен чыгарууга (сапаттык (техникалык) абалын өзгөртүүгө) келген актыларды, ошондой эле жоготулган материалдык каражаттарды мамлекеттин эсебинен эсептен чыгарууга документтерди карайт, алар боюнча корутундуларды чыгарат жана улук башчыга бекитүүгө көрсөтөт; эсептеги табылган кем чыгууларды жоюу боюнча чараларды көрөт; жогору турган аскердик башкаруу органынын жетекчисине Куралдуу Күчтөрдүн түрүндө материалдык каражаттардын бардыгы, кыймылы жана сапаттык (техникалык) абалы жөнүндө билдирүүлөрдү (отчетторду) МАУ, УО жана АКтын укуктук актыларына ылайык, ошондой эле бул маселелер боюнча керектүү маалыматтарды өзүнүн түздөн-түз башчысына өз убагында даярдоону жана көрсөтүүнү камсыздайт; жогору турган аскердик башкаруу органынын жетекчисине эсептик документтердин бланктарынын керектүү санына табыштамаларды көрсөтөт жана алар менен баш ийген аскер бөлүктөрүн (кампаны), оңдоочу жана башка МАУ, УО жана АКты камсыздоону уюштурат.

437. Материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген МАУ, УО жана АКтын түзүмдүк бөлүкчөсүнө төмөнкүлөр жүктөлөт:

- ал үчүн белгиленген эсептик документтерди түзүү, эсепке алуу жана сактоо;

- Куралдуу Күчтөрдүн түрүндө материалдык каражаттардын бардыгын, кыймылын жана сапаттык (техникалык) абалын эсепке алуу китептерин жана карточкаларын жүргүзүү;

- Куралдуу Күчтөрдүн түрүндө материалдык каражаттардын децентралдаштырылган алып келүүлөрүн эсепке алуу;

- МАУ, УО жана АК үчүн бөлүнгөн жана камсыздалуучу кошуундар жана аскер бөлүктөрү үчүн дайындалган фонддорду жана материалдык каражаттардын чыгымдоо лимитин эсепке алуу;

- талаптарды жана алар боюнча кабыл алынган чечимдерди эсепке алуу;

- МАУ, УО жана АКтын кошуундарында тиешелүү материалдык каражаттарды эсепке алууну контролдоо;

- эсептик документтерди эсептөө борборунда иштеп чыгуу үчүн эсептик документтерди даярдоо жана аларды иштеп чыгууну контролдоо;

- МАУ, УО жана АКта материалдык каражаттардын бардыгы, кыймылы жана сапаттык (техникалык) абалы жөнүндө билдирүүлөрдү жана отчетторду МАУ, УО жана АКтын укуктук актыларына ылайык даярдоо;

- МАУ, УО жана АКта кызмат боюнча эсептик документтердин бланктарына керектөөлөрдү аныктоо жана аларга табыштамаларды түзүү.

438. Материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген МАУ, УО жана АКтын командачылыгынын түзүмдүк бөлүкчөсүндө материалдык каражаттарды ар бир камсыздалуучу кошуун, баш ийген кампа, оңдоочу жана башка аскер бөлүктөрү боюнча эсепке алуу жүргүзүлөт.

439. Материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген МАУ, УО жана АКтын түзүмдүк бөлүкчөсүндө ушул Нускаманын 26-тиркемесине ылайык эсептик документтердин формалары боюнча жүргүзүлөт.

30. Борбордук аскердик башкаруу органдарында материалдык каражаттарды эсепке алуу

440. Аскерлерди материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген БАБОнун түзүмдүк бөлүкчөлөрүндө материалдык каражаттарды эсепке алууну түзүмдүк бөлүкчөлөрдүн башчылары уюштурат. Алар материалдык каражаттардын тийиштүү түрлөрүн эсепке алууну жетектейт; материалдык каражаттарды төмөнкү категорияларга которууга (эсептен чыгарууга) келип түшкөн актыларды карайт; берилген укуктардын чегинде аларды бекитет же алар боюнча корутунду жасайт жана улук башчыларга бекитүүгө берет; материалдык каражаттардын жоголушун мамлекеттин эсебинен эсептен чыгарууга келип түшкөн документтерди карайт, көрсөтүлгөн документтер боюнча корутунду кылат жана чечим кабыл алуу үчүн улук башчыларга билдирет, эсепке алууда табылган кемчиликтерди жоюу боюнча чараларды көрөт; материалдык каражаттардын бардыгы, кыймылы жана сапаттык (техникалык) абалы жөнүндө отчетторду, ошондой эле ушул маселе боюнча керектүү маалыматтарды өздөрүнүн түздөн-түз башчыларына өз убагында даярдоону уюштурат; кызмат боюнча эсепке алуу документтеринин бланктарын даярдоону жана алар менен кошуундарды, аскердик бөлүктөрдү, МАУ, УО жана АКтын уюмдарын камсыздоону уюштурат.

441. Аскерлерди материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген БАБО түзүмдүк бөлүкчөлөрүнө төмөнкүлөр жүктөлөт:

- эсепке алуу документтерин түзүү, эсепке алуу жана сактоо;

- материалдык каражаттардын бардыгын, кыймылын жана сапаттык (техникалык) абалын эсепке алуу китептерин жана карточкаларын жүргүзүү;

- МАУ, УО жана АКтын материалдык каражаттарды алып келүүлөрүн жана алып келүүчүлөр менен эсептешүүлөрдү эсепке алуу;

- доолорду жана алар боюнча кабыл алынган чечимдерди эсепке алуу;

- жүктү алып келүүчүлөрдөн жана бирикменин кампаларынан (БАБО) жүктү алуучулардын материалдык каражаттарды кабыл алуусу боюнча нускамаларды иштеп чыгуу;

- материалдык каражаттардын сапаттык (техникалык) абалын, алардын категориясын (жарамдуулук даражасын) аныктоо тартиби жөнүндө нускамаларды иштеп чыгуу;

- МАУ, УО жана АКта ыкчам эсепке алууга жана баштапкы документтер боюнча эсепке алынууга тийиш болгон материалдык каражаттардын тизмегин иштеп чыгуу;

- МАУ, УО жана АКта тийиштүү материалдык каражаттарды эсепке алууга контролдоо жүргүзүү;

- кызмат боюнча эсептик документтердин бланктарына муктаждыкты аныктоо.

442. Аскерлерди материалдык каражаттар менен камсыздоону, аларды бөлүштүрүүнү, ошондой эле эксплуатациялоону, оңдоону жана эсептен чыгарууну тескеген БАБОнун түзүмдүк бөлүкчөсүндө, аскерлерди материалдык каражаттар менен камсыздоону, аларды бөлүштүрүүнү, ошондой эле пайдаланууну, оңдоону жана эсептен чыгарууну тескеген МАУ, УО жана АК, ар бир камсыздалуучу кошуун (аскердик бөлүк), ар бир баш ийген кампа (ондоо жана башка аскердик бөлүк, уюм) үчүн материалдык каражаттарды эсепке алуу жүргүзүлөт.

443. Аскерлерди материалдык каражаттар менен камсыздоону, аларды бөлүштүрүүнү, ошондой эле пайдаланууну, оңдоону жана эсептен чыгарууну тескеген БАБОнун түзүмдүк бөлүкчөлөрүндө материалдык каражаттарды эсепке алуу ушул Нускаманын 26-тиркемесине ылайык эсепке алуу документтеринин формалары боюнча жүргүзүлөт.

31. Рак жана техникаларды эсепке алуунун өзгөчөлүктөрү

444. Куралдануу башкармалыгында жана/же МАУ, УО жана АКтын башкаруу органында материалдык каражаттарды сандык эсепке алуу, ошондой эле материалдык каражаттарды өндүрүштүк маалыматтары боюнча эсепке алуу жүргүзүлөт.

Сандык жана өндүрүштүк маалыматтар боюнча эсепке алууга тийиш болгон материалдык каражаттардын номенклатурасын куралдануу башкармалыгынын башчысы жана/же МАУ, УО жана АК башкаруу органы аныктайт.

Камсыздоочу болуп эсептелбеген аскердик башкаруу органдарында, кошуундардын жана аскер бөлүктөрүнүн билдирүүлөрүнүн негизинде РАКты, ага ЗБАЖдын комплекттерин, ракеталарды жана ок-дарыларды ыкчам эсепке алуу (эсепке алуу китептерин жана карточкаларын жүргүзбөстөн) жүргүзүлөт. Билдирүүлөрдү берүүнүн мезгилдүүлүгүн жана тартибин аскердик башкаруу органынын жетекчиси аныктайт.

Бөлүкчөлөрдө, аскер бөлүктөрүндө жана кошуундарда РАКты, ага ЗБАЖжын комплекттерин, ракеталарды жана ок-дарыларды сандык эсепке алуу, ошондой эле РАКты өндүрүштүк маалыматтар боюнча эсепке алуу жүргүзүлөт. Ок-дарыларды өндүрүштүк маалыматтары боюнча эсепке алуу аскер бөлүгүнүн кампасында (кампанын сактоо бөлүмүндө) жүргүзүлөт.

445. РАКтын штаттык кызматы жок аскер бөлүктөрүндө материалдык каражаттарды эсепке алууну аскер бөлүгүнүн командиринин буйругу менен дайындалган кызмат адамдары жүргүзөт. Аскер бөлүгүндөгү материалдык каражаттардын же штаттык бөлүкчөлөрдүн санына карабастан материалдык каражаттарды эсепке алууга жалпы аскер бөлүгү жана ар бир бөлүкчө үчүн кызмат адамдары дайындалат.

446. РАКтын жана техниканын бардыгын, кыймылын жана сапаттык (техникалык) абалын эсепке алуу төмөнкүдөй тартипте жүргүзүлөт:

- ракеталык жана танкка каршы реактивдик комплекстердин жер үстүндөгү жабдуулары, артиллериялык куралда, куралдар, радиотехникалык каражаттар жана радиоэлектрондук техника, фотолабораториялар, байкоо жана чалгындоо приборлору, секундомерлер, күзгү стереоскоптор, НИХ номограммалары жана ок атууну башкаруу приборлору аталыштары, үлгүлөрү жана маркалары боюнча, куралдануунун же приборлордун үлгүсүн түзүүчү агрегаттарды жана түйүндөрдү кошуу менен, аларга коюлган ЗБАЖдын комплекттери жана документтери менен бирге эсепке алынат;

- ок атуучу куралдын курамындагы оптикалык жана оптикалык-электрондук мээлегичтер, запастык найлар, ага ЗБАЖдын топтук жана ондоо комплекттери куралдан же комплекттерден өзүнчө эсепке алынат;

- РАКка ЗБАЖдын топтук жана оңдоо комплекттери категориясыз материалдык каражаттарды эсепке алуу үчүн белгиленген тартипте комплект менен эсепке алынат.

ЗБАЖдын комплекттеринин аталыштарында ал арналган куралдын үлгүсүнүн кыскартылган аталышы жана ЗБАЖдын комплектин колдонуунун эселиги көрсөтүлөт. Мисалы: 122 мм СГ 2С1ге ЗБАЖ-Г комплекти:

- РАКты жана техниканы ондоо үчүн атайын көчмө устаканалар комплектке кирүүчү машиналардын жана устаканалардын үлгүлөрү жана маркалары боюнча комплект менен эсепке алынат;

- комплекттөөчү элементтери менен бирге бардык типтеги ракеталар, артиллериялык жана ок атуучу ок-дарылар, пиротехникалык жана имитациялык каражаттар аскер бөлүгүнүн кампасында номенклатура (тиби, калибри, түзүмү, аракетинин түрү жана маркасы), аларды чогултуу партиялары (жабдыктоо, жасоо) жылдары жана жасаган заводу боюнча, ал эми аскер бөлүгүнүн кызматында номенклатура боюнча гана эсепке алынат;

- РАКтын жана техникалардын, приборлордун жана жабдыктардын бардык түрлөрүнө эндей түрүндөгү ЗБАЖ, көчмө устаканалардын комплектисине кирбеген жалпы дайындалыштагы аспаптар, артиллериялык ок атууну башкаруунун кошумча приборлору, ошондой эле куралдарды жана ок-дарыларды тейлөө, сактоо жана оңдоо үчүн чыгымдалуучу материалдар, окуу приборлору, куралдарга, ракеталарга жана ок-дарыларга атайын бош тыгындар, эксплуатациялоо документтери, кызматтык адабияттар жана плакатгар номенклатура боюнча эсепке алынат.

447. Аскер бөлүгүнүн кампасындагы ракеталардын жана ок-дарылардын ар бир партиясына өзүнчө категориясыз материалдык каражаттарды эсепке алуу карточкасы ачылат (1-барак "Буюмдарды эсепке алуу үчүн" жана "Ок-дарыларды жана башкарылбай турган ракеталарды эсепке алуу үчүн" экинчи бети менен). Алар ар дайым ушул партиядагы ракеталар (ок-дарылар) толук чыгымдалганга чейин партиясы менен болушу керек. Эгерде РАКты, ага запастык (комплекттөөчү) бөлүктөрдү эсепке алуу кармоонун түрлөрү боюнча өзүнчө материалдык каражаттардын бардыгын жана кыймылын эсепке алуу китептеринде жүргүзүлсө, кошумча ошол эле форма боюнча аскер бөлүгү үчүн жалпы маалыматтар көрсөтүлгөн эсепке алуу китеби жүргүзүлөт.

Эндей түрүндөгү ЗБАЖ, бардык чыгымдалуучу материалдар, тыгындар, аспаптар, адабияттар жана башка материалдык каражаттар кампада жана аскер бөлүгүнүн кызматында эндей түрүндөгү запастык аспаптарды жана жабдыктарды, РАК кызматынын башка материалдык каражаттарын эсепке алуу китеби боюнча эсепке алынат.

РАКты, ага запастык (комплекттөөчү) бөлүктөрдү кошуунга чейин эсепке алуу кармоонун түрлөрү боюнча, кармоонун ар бир түрү үчүн өзүнчө эсепке алуу китептеринде (карточкаларда) же ар башка өздүк эсептер боюнча бир каттоо китебинде жүргүзүлөт.

Эгерде РАКты, ага запастык (комплекттөөчү) бөлүктөрдү эсепке алуу кармоонун түрү боюнча материалдык каражаттардын бардыгын жана кыймылын эсепке алуунун бир китебинде жүргүзүлсө, анда РАК кампасына (куралдардын жана ок-дарылардын артиллериялык базасынын сактоо бөлүмүнө) жалпысынан РАК кампасы (куралдардын артиллериялык базасынын куралды сактоо бөлүмү) үчүн жана аны кармоонун түрлөрү боюнча өз-өзүнчө ушул куралдын аталышы боюнча маалыматтарды чагылдыруу менен бир нече графадагы өздүк эсеби берилет. Эгерде РАКты, ага запастык (комплекттөөчү) бөлүктөрдү эсепке алуу кармоонун түрлөрү боюнча материалдык каражаттардын бардыгын жана кыймылын эсепке алуунун өзүнчө китептеринде жүргүзүлсө, анда аскер бөлүгү үчүн жалпы маалыматтар көрсөтүлгөн ошондой эле форма боюнча эсепке алуу китеби кошумча жүргүзүлөт.

РАКты жана ага запастык (комплекттөөчү) бөлүктөрдү, ракеталарды жана ок-дарыларды аскер бөлүгүнүн РАК кызматында аларды кармоонун түрлөрү боюнча, категориялуу материалдык каражаттарды эсепке алуу карточкалары боюнча эсепке алууда жалпы аскер бөлүгү үчүн куралдардын бардыгы жана техникалык абалы жөнүндө маалыматтар категориялуу материалдык каражаттарды эсепке алуу карточкасында (1-барак), ал эми бөлүкчөлөрдөгү жана РАК кампасындагы куралдардын бардыгы жана техникалык абалы жөнүндө маалыматтар категориялуу материалдык каражаттарды эсепке алуу карточкасында (2-барак) чагылдырылат. РАК кампасына жалпы РАК кампасы (куралдардын артиллериялык базасынын куралды сактоо бөлүмү) үчүн ушул аталыштагы курал боюнча жана өз-өзүнчө аны тейлөө түрлөрү боюнча маалыматтарды чагылдыруу менен бир нече графадагы өздүк эсеби берилет.

Куралдардын артиллериялык базасынын ЭАОБдо тейлөө түрлөрү боюнча РАКтын запастарын, запастык (комплекттөөчү) бөлүктөрдү, ракеталарды жана ок-дарыларды категориялуу материалдык каражаттарды эсепке алуу карточкалары боюнча эсепке алууда куралдардын артиллериялык базасы үчүн жалпысынан куралдардын бардыгы жана техникалык абалы жөнүндө маалыматтар категориялуу материалдык каражаттарды эсепке алуу карточкасында (1-барак) чагылдырылат, ал эми куралдарды сактоонун түрлөрү боюнча анын бардыгы жана техникалык абалы жөнүндө маалыматтар ар бир сактоочу жайдын башчысы үчүн өз-өзүнчө, категориялуу материалдык каражаттарды эсепке алуу карточкасында (2-барак) өзүнчө өздүк эсеби менен көрсөтүлөт. Куралды тейлөө түрлөрү боюнча аны эсепке алуу үчүн, сактоочу жайдын ар бир башчысына куралдын ушул аталышы боюнча жалпысынан жана аны тейлөө түрлөрү боюнча өз-өзүнчө маалыматтарды чагылдыруу менен бир нече графада өздүк эсеби берилет.

448. Практикалык (күжүрмөн) ок атууларда бөлүкчөлөрдө коротулган, артиллериялык, ок атуучу ок-дарылар, жакынкы аралыкка аракеттенген зениттик ракеталар аскер бөлүгүнүн кампасындагы ок-дарыларга (ракеталарга) аткарылган таратуу-тапшыруу ведомосттору боюнча аскер бөлүгүнүн кампасынын эсебинен чыгарылат.

Ок атуу убагында жоголгон артиллериялык жана ок атуучу ок-дарылар, жакынкы аралыкка аракет кылуучу ракеталар, аларга элементтер жана атылган гильзалар эсептен чыгаруу (калдыктарды алуу) актысы боюнча, эгерде анда бөлүкчөнүн командиринин, ок-дарынын кампадан алган адамдын жана ок атуунун жетекчисинин кол тамгасы болсо, эсептен чыгарылат. Акт калган ок-дарылар, аларга элементтер жана атылган гильзалар менен бирге кампага тапшырылат. Актынын жана аскер бөлүгүнүн командиринин буйругунун негизинде жоготулган ок-дарылар, аларга элементтер жетишсиздиктерди эсепке алуу китебине жазылат жана андан кийин аскер бөлүгүнүн эсебинен эсептен чыгарылат. Ошол эле убакта аскер бөлүгүнүн командири жоготуулардын себебин аныктоо үчүн кызматтык иликтөө дайындайт. Кызматтык иликтөөнүн жыйынтыктары боюнча аскер бөлүгүнүн командиринин чечими менен жоголгон ок-дарылар жана ага элементгер жетишсиздиктерди эсепке алуу китебинен эсептен чыгарылат же аларга инспектордук күбөлүк алуу жөнүндө өтүнүч жазылат. Жоголгон атылган гильзалар аскер бөлүгүнүн командиринин чечиминин негизинде эсептен чыгарылат.

449. Ок атууларда чыгымдалбаган артиллериялык жана ок атуучу ок-дарылар, жакынкы аралыкка аракеттенген зениттик ракеталар жана аларга калып калган элементтер, ошондой эле тыгын кабыл алынат жана таратып берүү-тапшыруу ведомосту боюнча аскер бөлүгүнүн кампасына кириштелет.

450. Генералдарга, офицерлерге, прапорщиктерге, жоокерлердин жана сержанттардын кызматтарында контракт боюнча аскердик кызмат өтөп жаткан аскер кызматчыларына кампадан берилүүчү куралга ок-дарыларды, артиллериялык приборлорду жана РАК кызматынын башка материалдык каражаттарын эсепке алуу аскер бөлүгүнүн РАК кызматында (кошуундун административдик-чарбалык бөлүгүндө) убактылуу колдонууга берилген материалдык каражаттарды эсепке алуу китеби боюнча жүргүзүлөт. Аскер кызматчысы жаңы аскердик кызмат өтөөчү жерге кеткенде же запаска (отставкага) бошотулганда ага убактылуу колдонууга берилген артиллериялык приборлор аскер бөлүгүнүн кампасына же бөлүкчөгө тапшырылат.

33. Материалдык каражаттарды эсептөө техникасын колдонуу менен эсепке алууну уюштуруу

Материалдык каражаттарды эсептөө техникаларын колдонуу менен эсепке алууну маалыматтык-эсептөө бөлүкчөлөрү (мындан ары - МЭБ) жана аскер бөлүгүнүн (кошуундун, бирикменин) кызматы, кампанын ЭАОБу, аскердик башкаруу органы жүргүзүшөт.

МЭБ (кызмат, аскердик башкаруу органы) эсептөө техникасынын техникалык каражаттары, системалык программалык камсыздоо жана төмөнкүлөрдү камсыздаган колдонмо программалар менен жабдылат:

- эсептик маалыматтарды иштеп чыгуунун үзгүлтүксүздүгүн жана ырааттуулугун;

- эсептөө ишинин өз убагында аткарылышын;

- жыйынтыктоочу маалыматтын тактыгын;

- материалдык каражаттарды эсепке алууну автоматташтыруунун ишенимдүүлүгү жана натыйжалуулугу;

- керек маалда эсепке алуу жүргүзүүнү кароо жана текшерүү мүмкүнчүлүгүн.

Программалык камсыздоону МЭБде иштеп чыгууга же сатып алууга уруксат берилет.

МЭБ (кызматта, аскердик башкаруу органында) маалыматты иштеп чыгууну жана материалдык каражаттарды эсепке алуу боюнча төмөнкү негизги тапшырмаларды чечүүнү жүзөгө ашырат:

- МЭБ келип түшкөн алгачкы эсепке алуу документтерин иштеп чыгуунун негизинде аскер бөлүгүндө (кошуунда), кампада материалдык каражаттардын бардыгын, кыймылын, сапаттык (техникалык) абалын эсепке алууну;

- МЭБ келип түшкөн билдирүүлөрдү жана отчетторду иштеп чыгуунун негизинде бөлүкчөлөрдүн (аскер бөлүктөрүнүн, кошуундардын) материалдык каражаттар менен камсыздалгандыгын эсепке алууну;

- тиешелүү кызмат адамдарынын тескемелеринин, камсыздоонун белгиленген ченемдеринин, кампалардагы материалдык каражаттардын анык бардыгын жана абалын эсепке алуунун жана бөлүкчөлөрдөгү (аскер бөлүктөрүндөгү, кошуундардагы) алардын калдыктарынын негизинде наряддарды (накладнойлорду) тариздөө менен камсыздалуучу бөлүкчөлөрдүн (аскер бөлүктөрүнүн, кошуундардын) ортосунда кампалардан чыгууга тийиш болгон материалдык каражаттарды бөлүштүрүүнү;

- бөлүкчөлөрдү (аскер бөлүктөрүн жана кошуундарды) материалдык каражаттар менен камсыздоо пландарынын жана КААТты жана башка материалдык каражаттарды оңдоо пландарынын аткарылышын эсепке алууну;

- аскердик башкаруунун жогору турган органына аскер бөлүгү (кошуун, кампа) үчүн материалдык каражаттардын бардыгы, кыймылы жана сапаттык (техникалык) абалын өзгөртүү жөнүндө билдирүүнү түзүүнү;

- бөлүкчөлөрдүн (аскер бөлүктөрүнүн, кошуундардын) камсыздалгандыгын, ошондой эле аскер бөлүгүндө (кошуунда), кампада болгон материалдык каражаттардын бардыгын, кыймылын жана сапаттык (техникалык) абалын, белгилүү убакыт үчүн эсепке алуунун башка көрсөткүчтөрүн мүнөздөгөн жалпыланган маалыматтарды түзүүнү.

МЭБде материалдык каражаттарды эсепке алуу боюнча тапшырмаларды чечүүнүн жыйынтыктарын берүү ушул Нускама менен белгиленген документтердин формалары жана башка формалар боюнча жүзөгө ашырылат. Жыйынтыктарды берүү мөөнөттөрү табелдерде, тизмелерде жана МАУ, УО жана АКтын укуктук актыларында белгиленген.

Аскер бөлүгүнүн кызматынын башчысы (кампанын ЭАОБ башчысы, аскердик башкаруу органынын материалдык каражаттарды эсепке алуу үчүн жооптуу кызмат адамы) МЭБ өкүлү менен бирдикте баштапкы ченемдик-маалымдама маалыматтардын тизмесин тактайт, конкреттүү шарттарды эске алуу менен документ айлантуу схемасын иштеп чыгат жана анда төмөнкүлөрдү көрсөтөт:

- эсепке алуу документтеринин алгачкы формаларын;

- эсепке алуу маалыматтарын иштеп чыгуу методикасын;

- документтердин келип түшүүсүнүн (жөнөтүү, берүү) мезгилдүүлүгүн жана мөөнөттөрүн;

- бөлүкчөлөрдүн, (аскер бөлүктөрүнүн, кошуундардын) кампалардын коддорун жана реквизиттерин;

- техникалык маалыматты алып жүрүүчүлөрдүн типтерин жана алардагы эсепке алуу маалыматтарын сунуштоонун түрлөрүн;

- бул тапшырманы чечүүнүн жыйынтыктарын берүү формаларын.

Макулдашып жана аскердик башкаруу органынын башчысына (аскер бөлүгүнүн командирине, кампа башчысына) бекиттиргенден кийин документ айлантуу схемасы материалдык каражаттарды эсепке алуу боюнча маалыматтарды иштетүүнүн технологиялык процесстерин иштеп чыгуу үчүн негиз болот.

Материалдык каражаттарды эсепке алуу боюнча тапшырмалар МЭБде иштелип чыгуучу план боюнча чечилет. План кызыкдар кызматтардын башчылары (кампанын ЭАОБунун башчысы, аскердик башкаруу органынын башчысы) менен макулдашылат, аны МЭБ баш ийген башчы бекитет. Планда эсепке алуу маалыматтарын кызматтардан МЭБге сунуштоонун, ошондой эле МЭБде тапшырмаларды чечүүнүн жыйынтыктарын берүүнүн мезгилдүүлүгү жана мөөнөттөрү аныкталат.

Белгиленген мезгилдүүлүгү менен материалдык каражаттарды эсепке алуу тапшырмаларын аткаруудан тышкары, МЭБ эсепке алуу маалыматтары боюнча керектүү маалымдама маалыматтарын алуу максатында, кызматтардын башчыларынын (кампанын ЭАОБ башчысынын, аскердик башкаруу органынын жетекчисинин) мөөнөттүү суроо-талаптары боюнча тапшырмаларды аткаруу каралат. Мөөнөттүү суроо-талаптар боюнча тапшырмаларды аткаруу, карамагында МЭБ бар башчы белгилөөчү артыкчылыкка ылайык, кызыкдар кызматтардын башчылары (кампанын ЭАОБ башчылары, аскердик башкаруу органынын жетекчиси) менен макулдашуу боюнча жүзөгө ашырылат.

МЭБ алынган эсепке алуу маалыматтары менен чыгуучу маалыматтар тийиштүү кызматтарда (кампанын ЭАОБунда, аскердик башкаруу органында) эсепке алуу документтерин катгоо китебине катталат.

Кызматтын башчысы (кампанын ЭАОБ башчысы, аскердик башкаруу органынын материалдык каражаттарды эсепке алуу үчүн жооптуу кызмат адамы) ар бир чечилүүчү тапшырма боюнча документ айлантуу схемасында каралган эсепке алуу документтерин тариздөө, даярдоо жана МЭБге өз убагында берүү, ошондой эле кызматтагы (ЭАОБ, аскердик башкаруу органында) эсептөө техникаларын колдонуу менен эсепке алууну туура жүргүзүү үчүн жоопкерчилик тартат.

МЭБ иштөө планына ылайык белгиленген тапшырмаларды чечүү башталган убакытка кызматтын башчысы (кампанын ЭАОБ башчысы, аскердик башкаруу органынын материалдык каражаттарды эсепке алуу үчүн жооптуу кызмат адамы) документ айлантуу схемасында көрсөтүлгөн бардык аткарылган эсепке алуу документтерин жана техникалык маалыматты алып жүрүүчүлөрдү жыйноону, текшерүүнү жана ылгоону камсыздайт, аларга виза коёт жана МЭБге иштетүүгө жиберет.

Эсепке алуу документтери, аткарылуучу тапшырмалардын таандыктыгы жана иштетүү мөөнөттөрү боюнча бир аталыштагы документтердин (накладнойлор, актылар, билдирүүлөр) пачкасына комплектелип МЭБге тапшырылат. Пачканын көлөмү МЭБ башчысы менен макулдашуу боюнча аныкталат.

Кемтиги менен эсепке алуу документтери (реквизиттин кандайдыр бир коду жок, белгиленген форма сакталбаган, жазуулары так эмес, айтылбаган оңдоолор, кызматтын башчысынын (ЭАОБ башчысынын, аскердик башкаруу органынын кызмат адамынын визасы жок) иштеп чыгууга МЭБге кабыл алынбайт. Алар пачкадан чыгарылат жана тийиштүү кызматка (кампанын ЭАОБ, аскердик башкаруу органына) кайтарылат, бул жөнүндө МЭБдин эсепке алуу документтерин каттоо китебине белги коюлат.

МЭБге иштетүү үчүн берилүүчү эсепке алуу документтерине киргизилүүчү бардык оңдоолорду документке кол койгон адам күбөлөндүрөт. МЭБдин кызмат адамдарына эсепке алуу документтерин оңдогонго тыюу салынат.

Эсепке алуу документтерин жана техникалык эсепке алуу маалыматтарын алып жүрүүчүлөрдү кызматтан (кампанын ЭАОБ, аскердик башкаруу органынан) МЭБге өткөрүп берүү жана аларды кайтаруу эсепке апуу документтерин каттоо китебинде жүргүзүлөт.

Жашыруун документтерди иштетүүгө тапшыруу, кабыл алуу жана иштетилгенден кийин берүү МАУ, УО жана АКтын мамлекеттик сырларды сактоону камсыздоо боюнча укуктук актыларында жазылган талаптарды сактоо менен жүзөгө ашырылышы керек.

Отчеттук мезгилде өзгөрүүлөр болгон гана материалдык каражаттардын аталыштары жана алардын эсепке алуу көрсөткүчтөрү боюнча отчеттук документтерден маалыматтар МЭБге берилет.

МЭБ бар аскер бөлүгүндө (кампада, аскердик башкаруу органында) материалдык каражаттарды эсепке алуу боюнча тапшырмаларды сапаттуу чечүү жана чыгуучу документтерди тариздөө, эсепке алуу документтеринин толуктугу жана кызматка (ЭАОБ, аскердик башкаруу органына) өз убагында кайтарылышы үчүн, ошондой эле эсепке алуу маалыматтарынын сакталышы жана коопсуздугу үчүн МЭБдин башчысы жоопкерчилик тартат.

Материалдык каражаттарды эсепке алуу боюнча тапшырмалардын сапаттуу чечилиши үчүн жооп берген адам материалдык каражаттарды эсепке алуу боюнча маалыматтарды иштетүүнүн технологиялык процессинин бардык этаптарында жетектөөнү жана төмөнкүлөрдү уюштурууну камсыздашы керек:

- МЭБге келип түшүүчү эсепке алуу документтерин жана техникалык эсепке алуу маалыматтарын алып жүрүүчүлөрдү эсепке алууну;

- маалыматтарды техникалык алып жүрүүчүлөргө көчүрүүнү;

- материалдык каражаттарды эсепке алуу тапшырмаларын чечүүнү;

- тапшырмаларды чечүүнүн жыйынтыктарынын жана чыгуучу документтердин сапатын контролдоону;

- чыгуучу документтерди каттоону жана тийиштүүлүгү боюнча берүүнү;

- иштетилген эсепке алуу документтерин өз убагында кайтарууну;

- аскердик башкаруунун жогору турган органынын МЭБ колдонуу үчүн эсепке алуу маалыматтарын техникалык алып жүрүүчүлөргө берүүнү.

Эсептөө техникаларын колдонуу менен материалдык каражаттарды эсепке алууну жүргүзүү кызматтарында (ЭАОБ, аскердик башкаруу органында) тийиштүү китептер жана карточкалар жүргүзүлбөйт. Маалыматтардын сактыгын камсыздоо үчүн эсепке алуу маалыматтарынын резервдик көчүрмөлөрү түзүлөт жана ай сайын жаңыланып турат.

34. Материалдык эмес активдерди эсепке алуунун өзгөчөлүктөрү

467. Материалдык эмес активдерге төмөнкү документтик таризделгендер кирет:

- интеллектуалдык иштин жыйынтыктары (ойлоп табуулар, өндүрүштүк үлгүлөр, пайдалуу моделдер, интегралдык микросхемалардын топологиялары, селекциялык жетишкендиктер;

- илимий, адабий жана искусство чыгармалары, ачылбаган маалымат, анын ичинде өндүрүштүк сырлар, компьютердик программалар жана башкалар);

- интеллектуалдык менчиктин объекттерин, программалык камсыздоолорду, жаратылыш ресурстарын, мүлктөрдү, ишмердиктин түрлөрүн жана өзүнчө операцияларды жүргүзүү мүмкүнчүлүктөрүн колдонууга алган лицензиялар, сертификаттар же келишимдер менен тастыкталган укуктар жана артыкчылыктар;

- уюмду мамлекеттик каттоо (кайра каттоо) менен байланышкан уюштуруу чыгымдары жана Кыргыз Республикасынын мыйзамдарына ылайык уюштуруу чыгымдары болуп эсептелген башка чыгымдар;

- фирманын ишкер аброюнун баасы (гуд-вилл);

- Кыргыз Республикасынын мыйзамдарына ылайык материалдык эмес активдердин курамына киргизилүүчү уюмдун башка активдери.

468. Материалдык эмес активдерди эсепке алуу бирдиги болуп инвентардык акт эсептелет, ал бир патенттен, күбөлүктөн, лицензиядан, сертификаттан, келишимден жана башкалардан келип чыккан укуктардын жыйындысы катары аныкталат.

Бир объектти башкасынан айырмалаган негизги белги болуп уюмдун чарбалык ишинде ар бири өз алдынча функция аткаргандыгы эсептелет.

469. Материалдык эмес активдер Кыргыз Республикасынын бюджетинин чыгымдарын экономикалык (буюмдук) классификациялоонун тийиштүү коддору боюнча чыгымдарды чагылдыруу менен баштапкы баасы боюнча эсепке алынат.

470. Төмөнкүлөрдү ишке ашыруу материалдык эмес активдерди эсепке алуунун негизги тапшырмалары болуп эсептелет:

- уюмдагы материалдык эмес активдердин объекттеринин кыймылын (келип түшүүсүн, чыгуусун, лицензиялык же автордук келишимдер боюнча укуктарды алууну (өткөрүп берүү) чагылдырган маалыматтарды түзүү;

- баштапкы бааны эсепке алууну түзүү;

- эсепке алууда материалдык эмес активдерди амортизациялоону көрсөтүү;

- материалдык эмес активдерди ишке ашыруунун жана башка чыгуунун жыйынтыктарын аныктоо.

471. Материалдык эмес активдерди эсепке алууну жана кыймылын контролдоону камсыздоо үчүн материалдык эмес активдин ар бир инвентардык объектисине инвентардык номер ыйгарылат.

Инвентардык номер уюмда инвентардык объекттерди материалдык эмес активдердин курамына эсепке кабыл алуу учурунда ыйгарылат.

Материалдык эмес активдерди эсепке алуу уюмда материалдык эмес активдерди эсепке алуунун инвентардык карточкасында, ар бир инвентардык объект боюнча мыйзамдар менен белгиленген формада жүргүзүлөт.

Инвентардык карточка бир нускада материалдык эмес активдерди кабыл алуу актысынын негизинде, мыйзамдар жана башка документтер менен белгиленген форма боюнча толтурулат.

472. Материалдык эмес активдердин кыймылына байланышкан чарбалык операцияларды эсепке алуу аларды жүргүзүүгө негизди камтыган баштапкы эсепке алуу документтеринин, аларды жүргүзүү үчүн негиздерди (укук ээсинин укугун тастыктаган документтерди (кайтарылуучу документтерди кошуу менен), укуктарды өткөрүп берүү жөнүндө келишимдерди, лицензиялык же автордук келишимдерди, илимий изилдөө, конструктордук-тажрыйба жана технологиялык иштерди аткарууга келишимдерди) өзүнө камтыган документтердин негизинде жүргүзүлөт.

473. Материалдык эмес активдер баштапкы баасы боюнча эсепке алынат.

474. Сатып алуу-сатуу (өткөрүп берүү) келишимдери боюнча уюмдардан жана жеке адамдардан материалдык эмес активдердин объекттерин сатып алууга байланышкан иш жүзүндөгү чыгымдар төмөнкүлөрдү өзүнө камтыйт:

- материалдык эмес активдин баасын келишимге ылайык материалдык эмес активдерди сатып алууга жана баалоого байланышкан маалыматтык жана кеңеш берүү кызматтары үчүн уюмдарга төлөнүүчү сумманы;

- уюмдарга материалдык активдерди сатып алууга жана баалоого байланышкан маалыматтык жана кеңеш берүү кызматтары үчүн макулдашууга ылайык төлөнгөн суммалар;

- алар аркылуу материалдык эмес активдердин объекттери алынган ортомчу уюмга төлөнүүчү сыйлык сумманы;

- каттоо жыйымдарынын, мамлекеттик алымдардын, материалдык эмес активдердин объектине укук алууга (алуу менен) байланыштуу башка окшош төлөмдөрдүн суммасын;

- материалдык эмес активдерди алууга жана аларды колдонууга жарактуу абалга келтирүүгө түздөн-түз байланышкан башка төлөмдөрдү жана чыгымдарды.

Акы төлөнүп алынган материалдык эмес активдерди эсепке алуу материалдык эмес активдерди кабыл алуу актысынын негизинде жүргүзүлөт.

475. Материалдык эмес активдердин инвентардык объекттеринин кетүүсү (эсептен чыгаруу) чыгаруу төмөнкү учурларда жүргүзүлөт:

- сатууда;

- акысыз бергенде;

- ченемдик иштөө мөөнөтү же аны пайдалуу колдонуу мөөнөтү аяктаганда эсептен чыгарганда;

- мүлктүк укуктарды толук берүү (өткөрүп берүү) менен башка уюмдун уставдык фондуна салым катары кошкондо;

- ошондой эле Кыргыз Республикасынын мыйзамдарында каралган башка учурларда.

476. Уюмда материалдык эмес активдердин объекттерин инвентаризациялоо Кыргыз Республикасынын мыйзамдарынын негизинде жыл сайын жүргүзүлүшү керек. Материалдык эмес активдерди инвентаризациялоонун тартибин жана мөөнөтүн мыйзамдарга ылайык, инвентаризациялоону өткөрүү милдеттүү болгон учурлардан тышкары, уюмдун жетекчиси аныктайт.

35. Согуш мезгилинде аскер бөлүктөрүндөгү, кошуундардагы жана бирикмелердеги материалдык каражаттарды эсепке алуунун өзгөчөлүктөрү

477. Согуш мезгилинде аскер бөлүктөрүндөгү, аскердик кампалардагы, ошондой эле аскердик башкаруу органдарындагы (бирикмелердеги) материалдык каражаттарды эсепке алуу кадимки тартипте, ушул бөлүктө жазылган талаптарды сактоо менен жүргүзүлөт.

478. Аскер бөлүгүнөн (кампадан) Согуш мезгилиндеги табелдерге жана күтүү ченемдерине салыштыруу боюнча ашыкча материалдык каражаттар (эгерде жетишпесе - толукталып алынат) согуш убагына которуу менен тапшырылат (дайындалышы боюнча берилет). Материалдык каражаттарды тапшыруу (берүү, алуу) камсыздоочу орган берген наряддар боюнча жүргүзүлөт.

Өзүнчө учурларда тиешелүү камсыздоочу органдын жетекчисинин уруксаты менен ашыкча материалдык каражаттарды кампаларга тапшырууну наряддарды алдын-ала тариздебестен жүргүзүүгө уруксат берилет. Мындай учурларда материалдык каражаттардын иш жүзүндө бардыгы жана техникалык (сапаттык) абалы боюнча кабыл алуу актыларын тариздөө менен кабыл алынат.

479. Материалдык каражаттарды тапшыруу (өткөрүп берүү, кабыл алуу) аяктаганда аскер бөлүгүнүн (кошуундун) кызматынын башчысы жыйынтык чыгарат жана эсепке алуу китептеринде (карточкаларында) калдыктарды чыгарат, уюштуруу иш чаралары бүткөн күнгө карата абалы боюнча материалдык каражаттардын бардыгы жана кыймылы жөнүндө билдирүүлөрдү түзөт, аны камсыздоочу органга көрсөтөт.

480. Аскер бөлүгү берген отчеттордун негизинде камсыздоочу органдар материалдык каражаттардын ар бир түрү боюнча ал үчүн аскер бөлүгүнүн аттестаттарын берет.

481. Согуш мезгилинде аскер бөлүгүн (кампаларды) камсыздоого коюу аскер бөлүгү курамына кирген (келген) бирикменин аскерлеринин командачысынын буйругунун негизинде камсыздоочу органдан алынган аттестаттарды көрсөтүү менен жүргүзүлөт.

Бирикменин курамына кирген кошуундарда жана аскер бөлүктөрүндө материалдык каражаттардын бардыгы жөнүндө аскер бөлүктөрүнүн аттестаттарынын маалыматтары эсепке алуу үчүн баштапкы негиз болуп эсептелет.

Аскердик башкаруу органдарында (бирикмеде) Согуш мезгилинде материалдык каражаттарды ыкчам эсепке алуу (билдирүүлөрдүн жана отчеттордун негизинде) жана алгачкы эсепке алуу документтери боюнча эсепке алуу жүргүзүлөт. Материалдык каражаттарды ыкчам эсепке алуунун тартибин, билдирүүлөрдү жана отчетторду көрсөтүүнүн мезгилдүүлүгүн бирикменин аскерлер командачысы белгилейт.

Материалдык каражаттарды ыкчам эсепке алууда эсепке алуу китептерине жана карточкаларына жазуу баш ийген аскер бөлүктөрүнөн, кампалардан жана башкаруу органдарынан берилген билдирүүлөрдө жана отчеттордо камтылган маалыматтардын негизинде жазылат, алардын формалары МАУ, УО жана АКтын укуктук актыларында белгиленген.

Кошуундун курамына келген аскер бөлүгүн камсыздоого коюу аскер бөлүгү курамына келген кошуундун командиринин буйругунун негизинде, аттестаттарды көрсөтүү менен жүргүзүлөт.

Аттестаттары жок болгондо аскер бөлүгүн (кампаны) камсыздоого коюу ушул аскер бөлүгүнөн келип түшкөн КААТтын жана башка материалдык каражаттардын бардыгы жөнүндө билдирүүлөр боюнча, кийин аттестаттарды берүү менен жүргүзүлөт.

482. Согуш мезгилине которуу учурунда бүтө элек эсепке алуу китептери жана карточкалары толук аяктаганга чейин пайдаланылат, ал эми аяктагандары аскер бөлүгүнүн штабынын башчысынын (кампа баш ийген аскердик башкаруу органынын жетекчисинин) көрсөтмөсү боюнча архивге тапшырылат. Жаңы түзүлгөн аскер бөлүгүнүн (кампанын) базасында түзүлгөн аскер бөлүгү (кампа) аркылуу же бирикменин тийиштүү кампалары (БАБО) аркылуу эсепке алуу документтеринин бланктары менен камсыздалат.

Аскер бөлүгү (кампа) жоюлганда эсепке алуу документтери аскер бөлүгүнүн штаб башчысынын же кампа баш ийген башчынын көрсөтмөсү боюнча тапшырылат.

483. Согуш мезгилинде баштапкы эсепке алуу документтери, билдирүүлөр жана отчеттор менен делолор, ошондой эле эсепке алуу китептери жана карточкалары бүткөндөн кийин МАУ, УО жана АКтын ченемдик укуктук актыларында белгиленген мөөнөттөрдүн ичинде аскер бөлүгүндө (кампада, аскердик башкаруу органында) сакталат.

Сактоо мөөнөтү бүткөндө эсепке алуу документтери аларды текшергенден кийин жок кылынат.

484. Согуш мезгилинде материалдык каражаттардын сапаттык (техникалык) абалы төмөнкүдөй жарамдуулук даражалары боюнча эсепке алынат:

- куралдар (аскердик техника, башка оңдолуучу материалдык каражаттар) - жарактуу;

- оңдоону талап кылган;

- жараксыз;

- башка материалдык каражаттар - жарактуу, жараксыз.

485. Ооруктун жогору турган звеносунун автомобиль транспортунда жеткирилген материалдык каражаттар тапшыруучудан (колоннанын башчысынан, айдоочудан) аскер бөлүгүнүн кампасына (кампага) жүк жөнөтүүчү кол коюп тариздеген наряд же накладной боюнча кабыл алынат.

Кампанын башчысы кабыл алынган материалдык каражаттар үчүн наряддын жана коштоо баракчасынын биринчи, экинчи нускаларына кол коёт. Жүктү кабыл алуучунун колу менен наряддын биринчи нускасы -тапшыруучуда, экинчиси кампада калат жана кампанын, аскер бөлүгүнүн (кошуундун) кызматынын эсепке алуу документтери боюнча материалдык каражаттарды кириштөө үчүн негиз болуп эсептелет.

486. Бөлүкчөгө (аскер бөлүгүнө) материалдык каражаттар аскер бөлүгүнүн (кошуундун) кампасынын тапшыруучусу менен жеткирилгенде тийиштүү кызматта үч нускада накладной жазылат жана таризделет. Материалдык каражаттарды берүү менен бирге тапшыруучуга накладнойдун эки нускасы тапшырылат. Материалдык каражаттарды жана накладнойдун эки нускасын алгандыгы тууралуу накладнойдун үчүнчү нускасына тапшыруучу кол коёт. Жүктү алуучунун колу менен (кошуунда, мындан тышкары, ишенимкат менен) накладнойдун биринчи нускасы аскер бөлүгүнүн (кошуундун) кампасына кайтарылат жана накладнойдун үчүнчү нускасына тиркелет. Кампанын башчысы тапшыруучунун катышуусунда накладнойдун үчүнчү нускасына алардын материалдык каражаттарды жана накладнойдун эки нускасын алгандыгын тастыктаган анын распискасын жабат.

487. Аба унаасында жеткирилген материалдык каражаттарды аскер бөлүгүндө кабыл алуу төмөнкүчө жүргүзүлөт:

- конуу ыкмасын колдонуу менен жеткирүүдө - жүктү жөнөтүүчү жазган наряд жана накладной боюнча. Наряддын экинчи нускасы алуучуда калат жана аскер бөлүгүнүн (кошуундун) кампасында жана кызматында материалдык каражаттарды кириштөө үчүн негиз болуп эсептелет;

- парашюттук жана парашюту жок түшүрүү ыкмасын колдонуу менен жеткирүүдө - аскер бөлүгүнүн комиссиясынын мүчөлөрүнүн катышуусунда материалдык каражаттардын ар бир түрүнө түзүлүүчү кабыл алуу актысы боюнча. Ар бир түккө, үкөккө жана таңгактоонун башка түрүнө жүктү жөнөтүүчү салган таңгактоо барактарындагы маалыматка жеткирилген материалдык каражаттардын иш жүзүндө бардыгы жана абалы дал келгендигин комиссиянын мүчөлөрү текшергенден кийин актылар түзүлөт. Актыларда ар бир жеткирилген жүктүн таңгагына милдеттүү түрдө маркировкалар (трафарет) көрсөтүлөт. Аталган маалымат актыларга материалдык каражаттардын жыйналган таңгактарынын тизмесинде болгон маалыматтардын негизинде жазылат. Тизмелерди жүктөрдү жыйноо жүргүзгөн бөлүкчөлөрдүн командири (командалардын башчылары) эркин формада түзөт. Актылардын биринчи нускалары жүктү жөнөтүүчүлөргө жөнөтүлөт, ал эми экинчи нускалары аскер бөлүгүнүн тийиштүү кызматтарында калат.

488. Жергиликтүү ресурстардан даярдалган материалдык каражаттар комиссиялардын эсептен чыгаруу (калдыктарды алуу) актыларынын негизинде аскер бөлүгүндө кириштелет.

489. Жергиликтүү ресурстардан алардын баасын төлөө менен даярдалган материалдык каражаттар (азык-түлүк жана жемден тышкары) төлөнгөн эсептердин жана товардык чектердин негизинде аскер бөлүгүнүн тийиштүү кызматтарына берилген накладнойлордун негизинде кириштелет.

490. Согуш талаасында жыйналган жана медициналык пункттарда жарадарлардан (оорулуулардан) түшкөн материалдык каражаттарга эсептен чыгаруу (калдыктарды алуу) актысы таризделет. Көрсөтүлгөн материалдык каражаттар аскер бөлүгүнүн тийиштүү кампаларына тапшырылат же кабыл алуучу аларды ордуларында кабыл алат. Акты эки нускада түзүлөт жана материалдык каражаттарды кириштөөгө негиз болуп эсептелет.

Анын бир нускасы камсыздоочу органга берилет.

491. Жүрүш бөлүкчөсү тарабынан аскер бөлүгүнө келип түшкөн материалдык каражаттарды кабыл алуу аскер кызматчысынын аттестаттарынын жана алар менен бирге жеринде көрсөткөн аскер кызматчылардын аты жазылган тизмелердин негизинде жүргүзүлөт. Аскер бөлүгүнүн кызматтарынын башчылары жүрүш бөлүкчөсүнүн командиринин катышуусунда материалдык каражаттардын бардыгын текшерет. Кем чыгуу табылса эсептен чыгаруу (калдыктарды алуу) актысы түзүлөт. Актыга келген жүрүш бөлүкчөсүнүн командири, толуктоо жиберилген бөлүкчөнүн командири жана тийиштүү кызматтын башчысы кол коёт.

492. Материалдык каражаттардын кем чыгуусу жөнүндө жүрүш бөлүкчөсүнүн командири жүрүш бөлүкчөсүнүн командири келген аскер бөлүгүнүн командирине жазуу түрүндө билдирүүгө милдеттүү. Кем чыгуулардын себебин белгилөө үчүн аскер бөлүгүнүн командири кызматтык иликтөө дайындайт.

Жүрүш бөлүкчөсү менен келип түшкөн материалдык каражаттар аттестаттардын негизинде эсепке алуу китебинде (карточкасында) кириштелет, ал эми кем чыгуулар эсептен чыгаруу (калдыктарды алуу) актысынын негизинде кем чыгууларды эсепке алуу китебине жазылат, андан кийин эсепке алуу китебинен (карточкасынан) эсептен чыгарылат.

493. Күжүрмөн аракеттер районунда чогулган олжо материалдык каражаттар эсептен чыгаруу (калдыктарды алуу) актыларынын негизинде кириштелет. Материалдык каражаттардын ар бир түрү боюнча эки нускада өзүнчө акты түзүлөт: актынын биринчи нускасы аскер бөлүгүндө (кошуунда) калат жана материалдык каражаттарды кириштөө үчүн негиз болуп эсептелет, экинчи нускасы аскердик башкаруунун камсыздоочу органына берилет.

494. Номерлери жана техникалык абалы боюнча эсепке алынуучу КААТты күжүрмөн жоготуулар жана башка жоготуулар техникалык абалынын актысы менен, ал эми башка материалдык каражаттар материалдык каражаттардын комплекттөөчү элементтерин толуктап коюу, алуу (жаңылоо) актылары менен таризделет.

Ар бир актыны аскер бөлүгүнүн командиринин буйругу менен дайындалган комиссиянын төрагасы эки нускада түзөт. Актыда материалдык каражаттарды жоготуу жагдайлары милдеттүү түрдө көрсөтүлөт. Актылардын экинчи нускалары аскердик башкаруунун камсыздоочу органына берилет.

Душмандын басып алуусун болтурбоо максатында, материалдык каражаттарды жок кылуу актысында жок кылууну өткөрүүгө негиз (буйрук, тескеме) көрсөтүлөт.

Жугуштуу оорулардын алдын алуу жана жоюу максатында материалдык каражаттарды жок кылууда актыга аскер бөлүгүнүн командиринин жок кылууга буйрук берүүсүнө негиз болгон тийиштүү адистердин жазуу түрүндөгү корутундусу тиркелет.

Кем чыгуу актысынын негизинде кем чыгууларды эсепке алуу китебине жана тийиштүү кызматтардын материалдык каражаттарынын жоголушун эсепке алуу китебине жазылат, андан кийин жетишпеген материалдык каражаттар аскер бөлүгүнүн эсебинен эсептен чыгарылат. '

Актылар башка документтер менен бирге, материалдык каражаттардын кем чыгуусу менен мамлекетке келтирилген зыяндын суммасын аскер бөлүгүнүн кем чыгууларды эсепке алуу китебинен жана тийиштүү кызматтардын материалдык каражаттарынын жоголуусун эсепке алуу китебинен эсептен чыгарууга инспектордук күбөлүк берүү жөнүндө' өтүнүч үчүн негиз болуп эсептелет.

Жүрүү каражаттарына орнотулган куралдардын күжүрмөн жоголуусу алар орнотулган жүрүү каражаттарын эсептен чыгарууга таризделген документтердин негизинде аскер бөлүгүнүн эсебинен чыгарылат. Курал жараксыз абалга келип, ал эми жүрүү каражаты эсептен чыгарылбаган учурда (сынган, жарылган, ж.б.) аны эсептен чыгарууга документтерди ушул куралдар эсепте турган кызматтын башчысы тариздейт.

495. Өлтүрүлгөн жана дайынсыз жоголгон аскер кызматчысында турган материалдык каражаттар ушул Нускаманын 5-тиркемесине ылайык материалдык каражаттардын бардыгы жана кыймылы жөнүндө бөлүкчөлөрдүн командирлери берген билдирүүлөрдүн негизинде аскер бөлүгүнүн эсебинен чыгарылат. Билдирүүлөргө аскер кызматчыларында эсепке алуу документтери боюнча эсепте турган материалдык каражаттардын аталыштарын жана санын көрсөтүү менен өлтүрүлгөн жана дайынсыз жоголгон аскер кызматчыларынын аты жазылган тизмеси тиркелет. Аталган учурларда эсептен чыгарылган материалдык каражаттар кем чыгууларды эсепке алуу китебине жана тийиштүү кызматтардын материалдык каражаттардын жоготулушун эсепке алуу китебине жазылбайт.

496. Аскер бөлүгүнүн кызматынын (кампасынын) күжүрмөн шарттарда жоголгон эсепке алуу документтери актынын негизинде эсептен чыгарылат. Актыны аскер бөлүгүнүн командиринин буйругу боюнча түзүлгөн комиссиянын төрагасы (кампа башчысы же кампа баш ийген башчы) түзөт. Актыда документтердин аталышы, алар жүргүзүлгөн мезгил жана жоготуунун себеби көрсөтүлөт. Актынын бир нускасы тийиштүү кызматтын жогору турган башчысына (кампа баш ийген башчыга) берилет. Эсепке алуу маалыматтары баштапкы документтери боюнча эсепке алуунун жаңы китептеринде (карточкаларында), алар жок болгондо аскер бөлүгүнүн командиринин (кампа баш ийген башчынын) буйругу боюнча түзүлгөн комиссиянын мүчөлөрүнүн катышуусунда аныкталган материалдык каражаттардын бардыгы боюнча калыбына келтирилет.

Комиссиянын төрагасы эки нускада калдыктарды алуу актысын түзөт.

Актынын биринчи нускасы аскер бөлүгүнүн кызматында (кампада) калат жана жаңы эсепке алуу китебин (карточкасын) жүргүзүүгө негиз болуп эсептелет.

Экинчи нуска тийиштүү кызматтын жогору турган башчысына (комиссияны дайындаган башчыга) берилет.

Эсептен чыгаруу (калдыктарды алуу) актысындагы маалыматтар жогору турган кызматтын (башкармалыктын) эсепке алуу маалыматтары менен шайкеш келбеген учурда, жогору турган кызматтын (башкармалыктын) ыйгарым укуктуу кызмат адамынын корутундусунун негизинде жетишпеген материалдык каражаттар аскер бөлүгүнүн кем чыгууларды эсепке алуу китебине жана тийиштүү кызматтын материалдык каражаттарынын жоголуусун эсепке алуу китебине жазылгандан кийин эсептен чыгарылат.

497. Жарадар жана оорулуу аскер кызматчыларындагы материалдык каражаттар материалдык каражаттардын бардыгы жана кыймылы жөнүндө бөлүкчөлөрдүн командирлери көрсөткөн билдирүүлөрдүн негизинде аскер бөлүгүнүн эсебинен эсептен чыгарылат. Билдирүү эки нускада түзүлөт, бири аскер бөлүгүнүн тийиштүү кызматына көрсөтүлөт, экинчи нускасы бөлүкчөдө калат. Билдирүүгө аскер бөлүгүнөн кеткен жарадарлардын жана оорулуулардын аты жазылган тизме, аларда турган материалдык каражаттардын аталыштарын жана санын көрсөтүү менен тиркелет.

Дарылоо мекемелерине жарадарлар жана оорулуулар менен материалдык каражаттардын келип түшүүсү дарылоо мекемесинин башчысынын буйругу боюнча түзүлгөн комиссиянын төрагасы түзгөн эсептен чыгаруу (калдыктарды алуу) актысы менен таризделет.

Актыда жарадарлар (оорулуулар) менен келип түшкөн материалдык каражаттардын аталышы жана саны көрсөтүлөт. Акт дарылоо мекемесинде материалдык каражаттарды кириштөө үчүн негиз болуп эсептелет.

Дарылоо мекемесинен чыгарылып жаткан аскер кызматчыларга анын эсебиндеги материалдык каражаттарга аскер кызматчынын аттестаты берилет.

498. Бөлүкчөдө материалдык каражаттардын бардыгын жана кыймылын эсепке алуу (артиллериялык, ок атуучу ок-дарылардан жана ракеталардан тышкары) бөлүкчөдө материалдык каражаттардын бардыгын жана кыймылын эсепке алуу китеби боюнча жүргүзүлөт.

Артиллериялык, ок атуучу ок-дарылардын жана ракеталардын бардыгын, кыймылын жана муктаждыкты эсепке алуу, күн сайын аскер бөлүгүнүн тийиштүү кызматына бөлүкчөлөрдүн командирлери берүүчү материалдык каражаттардын бардыгы жана кыймылы жөнүндө жеткирүүлөрдө жүргүзүлөт.

499. Батальондо бөлүкчөлөргө артиллериялык, ок атуучу ок-дарыларды жана ракеталарды берүүнү күжүрмөн толуктоо пунктунун башчысы күжүрмөн толуктоо пунктундагы ок-дарыларга таратуу-тапшыруу ведомостунда эсепке алуу жүргүзөт. Батальондун күжүрмөн толуктоо пунктунда көрсөтүлгөн материалдык каражаттардын бардыгы жана кыймылы материалдык каражаттардын бардыгы жана кыймылы жөнүндө билдирүүдө чагылдырылат.

500. РАКтын бардыгын жана кыймылын эсепке алуу төмөнкү номенклатура боюнча жүргүзүлөт: аскер бөлүгүнүн кызматында материалдык каражаттардын бардыгын жана кыймылын эсепке алуу китептери же категориялуу материалдык каражаттарды эсепке алуу карточкалары боюнча - аскер бөлүгү боюнча толугу менен; кошуундун кызматында материалдык каражаттардын бардыгын жана кыймылын эсепке алуу китептери же категориялуу материалдык каражаттарды эсепке алуу карточкалары боюнча - кошуундун кампасы боюнча, ар бир камсыздалуучу аскер бөлүгү жана кошуун үчүн толугу менен.

501. Аскер бөлүгүнүн (кошуундун) кызматында ракеталардын, артиллериялык жана ок атуучу ок-дарылардын, ЗБАЖ жана чыгымдалуучу материалдардын бардыгын жана кыймылын эсепке алуу бөлүкчөлөрдүн (аскер бөлүктөрүнүн) билдирүүлөрүнүн негизинде жүргүзүлөт.

502. Аскер бөлүгүнүн кампасында аталган материалдык каражаттарды эсепке алуу бөлүкчөдөгү материалдык каражаттардын бардыгын жана кыймылын эсепке алуу, эндей түрүндөгү запастык аспаптарды жана жабдыктарды, РАК кызматынын башка материалдык каражаттарын жана таңгактоо барактарын эсепке алуу китептери боюнча гана жүргүзүлөт. Ракеталар жана ок-дарылар бөлүкчөдөгү материалдык каражаттардын бардыгын жана кыймылын эсепке алуу китебинде номенклатура боюнча эсепке алынат.

РАКтын, ошондой эле ракеталардын техникалык абалы формулярларда (паспорттордо) гана эсепке алынат.

503. КААТ, артиллериялык жана ок атуучу ок-дарыларды, жакынкы аралыкка аракеттенген зениттик ракеталарды жана РАК кызматынын материалдык каражаттарын аскер бөлүгүнүн (кошуундун) кампасынан чыгаруу накладной же таратуу-тапшыруу ведомосту боюнча жүргүзүлөт. Башка типтеги ракеталарды чыгарууну тариздөө тартибин БАБОнун тиешелүү түзүмдүк бөлүкчөлөрүнүн башчылары аныктайт.

504. Бузулган машиналарды топтоо пунктунда КААТты (автомобилдиктен тышкары) эсепке алуу куралдарды, техникаларды жана башка материалдык каражаттарды оңдоону (тейлөөнү, иштеп чыгууну) эсепке алуу китебинде жүргүзүлөт.

505. Бирикменин оңдоочу аскер бөлүгүнө тапшырылган сооттанктык (автомобилдик, инженердик) КААТ аскер бөлүгүнүн тизмесинен чыгарылбайт, ал эми борбордун оңдоочу аскер бөлүгүнө жана оңдоо уюмуна тапшырылгандар - чыгарылат.

Оңдоочу (эвакуациялык) аскер бөлүгүнө тапшырылган ар бир машинага аскер бөлүгүнүн жана оңдоочу (эвакуациялык) аскер бөлүгүнүн өкүлдөрү техникалык абалынын актысын түзөт. Аскер бөлүгүнүн өкүлү жок болгондо, оңдоочу (эвакуациялык) аскер бөлүгүндө бир тараптуу тартипте акт түзүлөт.

Оңдоочу аскер бөлүгүнүн командири КААТты оңдоого кабыл алуу жөнүндө аскер бөлүгүнүн командирине техникалык абалынын актысын жөнөтүү жолу менен кабарлайт.

36. Согуш мезгилинде кампалардагы материалдык каражаттарды эсепке алуунун өзгөчөлүктөрү

Ашыкча материалдык каражаттарды берүү бүткөндө, аларды кампадан эсептен чыгаргандан кийин, ЭАОБунун эсепке алуу китептеринде (карточкаларында) калдыктар чыгарылат жана уюштуруу иш-чаралары бүткөн күнгө карата абалы боюнча материалдык каражаттардын бардыгы жана кыймылы жөнүндө отчет түзүлөт. Отчет уюштуруу иш-чаралары башталганга чейин кампа баш ийген аскердик башкаруу органынын жетекчисине көрсөтүлөт.

Кампадан берилген отчеттун негизинде аскердик башкаруу органынын жетекчиси ушул Нускаманын 5-тиркемесине ылайык аскер бөлүгүнүн аттестатын берет.

Бирикмеге киргизилген кампанын материалдык каражаттарын кабыл алуу кампа курамына келген бирикменин аскерлеринин командачысынын буйругунун негизинде, аскер бөлүгүнүн аттестатын көрсөтүү менен жүргүзүлөт.

Аскер бөлүгүнүн аттестаты жок болгондо, бирикменин комиссиясынын мүчөлөрүнүн катышуусунда материалдык каражаттар иш жүзүндө бардыгы жана сапаты боюнча кабыл алынат. Кабыл алуу эсептен чыгаруу (калдыктарды чыгаруу) актысы менен, кампадан кийин аскер бөлүгүнүн аттестатын көрсөтүү менен, таризделет.

Ооруктун жогору турган звеносунун автомобилдик транспортунда жеткирилген материалдык каражаттар кампада тапшыруучудан (колоннанын башчысынан) жүктү жөнөтүүчү жазып, тариздеген наряд жана коштоо барактары боюнча кабыл алынат. Сактоо бөлүмүнүн (сактоочу жайдын) башчысы кабыл алынган материалдык каражаттар үчүн наряддын жана коштоо барагынын биринчи жана экинчи нускаларына кол коёт. Наряддын биринчи нускасы тапшыруучуда, экинчиси кампада калат жана материалдык каражаттарды сактоо бөлүмүнө, ЭАОБунун кампасына кириштөө үчүн негиз болуп эсептелет.

Аба транспортунда жеткирилген материалдык каражаттарды кампада кабыл алуу төмөнкүчө жүргүзүлөт:

- конуу ыкмасын колдонуу менен жеткирүүдө - жүктү жөнөтүүчү жазган наряд жана коштоо барагы боюнча. Наряддын экинчи нускасы кампада калат жана материалдык каражаттарды кириштөө үчүн негиз болуп эсептелет;

- парашюттук (парашюту жок) түшүрүү ыкмасын колдонуу менен жеткирүүдө - кампанын комиссиясынын төрагасы түзгөн кабыл алуу актысы боюнча. Ар бир түккө, үкөккө жана таңгактоонун башка түрүнө жүктү жөнөтүүчү салган таңгактоо барактарындагы маалыматка жеткирилген материалдык каражаттардын иш жүзүндө бардыгы жана абалы дал келгендигин комиссиянын мүчөлөрү текшергенден кийин актылар түзүлөт. Актыда ар бир жеткирилген жүктүн таңгагына милдеттүү түрдө маркировкалар (трафарет) көрсөтүлөт. Аталган маалымат актыга жүктөрдүн топтолгон таңгактарынын тизмесинде болгон маалыматтардын негизинде жазылат. Тизмелерди жүктөрдү топтогон командалардын башчылары эркин формада түзөт. Актынын биринчи нускасы жүктү жөнөтүүчүгө салынат, ал эми экинчи нускасы кампанын ЭАОБунда калат.

Аба транспортунда конуу ыкмасын колдонуу менен жеткирүү үчүн кампадан материалдык каражаттарды чыгаруу наряддар менен таризделет. Наряд кампанын ЭАОБунда ар бир учакка (тик учакка) үч нускада жазылат. Наряддын мазмундуу бөлүгүндөгү бардык графалар, анын ичинде 7-графа дагы толтурулат. Анын таризделген бөлүгүндө таралардын (таңгактардын) түрү боюнча орундардын саны жана бардык жүктүн брутто-салмагы көрсөтүлөт.

Мындан тышкары, ар бир учакка (тик учакка) таралардын жана таңгактардын ар бир түрү боюнча андагы орундардын санын көрсөтүү менен эки нускада коштоо барагы жазылат.

Сактоо бөлүмүнөн кампанын тапшыруучусуна материалдык каражаттарды учакка (тик учакка) жеткирүү үчүн чыгарууда ага таризделген наряддардын жана коштомо барактардын биринчи жана экинчи нускалары берилет. Тапшыруучу наряддардын үчүнчү нускаларына колун коюу менен (сактоо бөлүмүндө калат) материалдык каражаттарды алгандыгын жана наряддардын, коштоо барактарынын биринчи жана экинчи нускаларына алгандыгын тастыктайт,

Кампанын тапшыруучусу материалдык каражаттарды экипаждын ар бир командирине берүүнү орундардын саны боюнча жүргүзөт, Экипаждын командири жүктү текшергенден кийин аны кабыл алуу документине, коштоо барагынын экинчи нускасына кол коёт, андан кийин тапшыруучудан наряддын жана коштоо барагынын биринчи жана экинчи нускаларын кабыл алат.

Тапшыруучу кампага кайтып келгенде ЭАОБго коштоо барактарынын экинчи нускаларын берет, алар наряддардын үчүнчү нускаларына тиркелет. Ошол эле убакта наряддарда тапшыруучунун катышуусунда материалдык каражаттарды жана коштоо документтерин алууга анын распискалары жабылат.

Дайындалган жерине келген жүктү кабыл алуучу материалдык каражаттарды алууга ишенимкатты көрсөткөндө учакта (тик учакта) жеткирилген жүктү экипаждын командири ага тапшырат. Кабыл алуучу наряддын жана коштомо барактын биринчи нускасына кол коёт. Кабыл алуучуга жүк менен бирге наряддын экинчи нускасы тапшырылат. Жүктү кабыл алуучунун распискалары менен наряддын жана коштоо барагынын биринчи нускасын жана анын ишенимкатын экипаждын командири өзүнүн аскер бөлүгүнүн штабы аркылуу материалдык каражаттар жөнөтүлгөн кампага кайтарып берет. Көрсөтүлгөн документтер алынгандан кийин кампанын ЭАОБуна коштоо барагынын экинчи нускасында экипаждын командиринин жүктү жана документтерди кабыл алууга распискасы жабылат.

Парашюттук (парашюту жок) түшүрүү ыкмасын колдонуу менен аба транспортунда жеткирүү үчүн материалдык каражаттарды кампадан чыгарууда, кампанын ЭАОБунда ар бир учакка нарядды бир нускада, коштоо барагын эки нускада жазып берет.

Аталган ыкманы колдонуу менен жеткирүүгө дайындалган жүктөрдүн ар бир таңгагына жүктү жөнөтүүчү бөлчөк сан түрүндө шарттуу белгилерди жазат, алымына учактын заводдук же борттук номери, бөлүмүнө жүктөлгөн учактагы орундардын саны жазылат.

Материалдык каражаттарды кампанын тапшыруучусуна учактарга жеткирүү үчүн сактоо бөлүмүнөн чыгарууда ага бардык коштоо барактарынын эки нускасы тең тапшырылат. Тапшыруучу наряддарга кол коюп (сактоо бөлүмүндө калат), материалдык каражаттарды жана коштоо барактарынын биринчи жана экинчи нускаларында алгандыгын тастыктайт.

Материалдык каражаттар орундардын саны боюнча экипаждын ар бир командирине коштоо барагы боюнча берилет. Экипаждын командири жүктү кабыл алгандыгы үчүн коштоо барагынын экинчи нускасына кол коёт жана анын биринчи нускасын алат.

Кампага кайтып келгенде тапшыруучу ЭАОБго коштоо барактарынын экинчи нускаларын берет, алар тиешелүү наряддарга тиркелет. Ошол эле убакта тапшыруучунун катышуусунда наряддарда материалдык каражаттарды жана коштоо барактарын алууга анын распискасы жабылат.

Жүктү жеткиргенден кийин учактын штурманы коштоо барагынын 9-графасына пункттун координаттарын жана жүктү түшүрүү убактысын жазат. Жазуу экипаждын командиринин жана учактын штурманынын колдору менен күбөлөндүрүлөт. Экипаждын командири коштоо барагын өзүнүн аскер бөлүгүнүн штабы аркылуу материалдык каражаттар жөнөтүлгөн кампага кайтарып берет. Коштоо барактары кампага келип түшкөндөн кийин анын биринчи нускасында экипаждын командиринин жүктү кабыл алууга распискасы жабылат, андан кийин коштоо барагынын эки нускасы тең аткарылган нарядга тиркелет.

Аба транспортунда конуу ыкмасын колдонуу менен жүктү алуучуга жөнөтүлгөн материалдык каражаттарды кампанын эсебинен чыгаруу, жүктү алуучунун кабыл алуучусунун распискасы бар наряддардын жана коштомо барактардын негизинде, ал эми парашюттук (парашюту жок) түшүрүү ыкмасын колдонуу менен жөнөтүлгөндөрдү аткарылган наряддардын негизинде жана пункттардын координаттары жана жүктү түшүрүү убактысы жазылган коштоо барактарынын негизинде жүргүзүлөт.

Учуучу аппарат кыйраганда жоголгон материалдык каражаттарды эсептен чыгаруу наряддын жана ага тиркелген учуучу аппараттын кыйрагандыгы жөнүндө аскердик-транспорт авиациясынын аскер бөлүгүнүн (кошуундун) штабында берилген нарядга тиркелген маалымкаттын негизинде жүргүзүлөт.

Жергиликтүү ресурстардан даярдалган материалдык каражаттар кампада эсептен чыгаруу (калдыктарды алуу) актысынын негизинде эсепке алуу китептеринде (карточкаларында) кириштелет.

Жергиликтүү ресурстардан алардын баасын төлөө менен кампа үчүн даярдалган материалдык каражаттар (азык-түлүк жана жемден тышкары) төлөнгөн эсептердин жана товардык чектердин негизинде кампанын ЭАОБунда жазылуучу наряддар же накладнойлор боюнча кириштелет.

Олжо материалдык каражаттар кампанын башчысынын буйругу боюнча түзүлгөн комиссиянын төрагасы түзгөн кабыл алуу актысы боюнча, тапшыруучунун катышуусунда же кампа баш ийген аскердик башкаруу органында жазылган наряд боюнча кампага кабыл алынат. Сактоо бөлүмдөрүндө жана кампанын ЭАОБ аталган материалдык каражаттар өзүнчө эсепке алуу китептеринде (карточкаларында) эсепке алынат. Аларды кампа баш ийген аскердик башкаруу органынын жетекчисинин тескемелеринин негизинде таризделген өзүнчө наряддар боюнча жүктү алуучуларга кампадан чыгаруу (жүктөө, жөнөтүү) жүргүзүлөт.

Номерлери жана техникалык абалы боюнча кампада эсепке алынуучу КААТты күжүрмөн жана башка жоготуу техникалык абалынын актысы менен, ал эми башка материалдык каражаттар эсептен чыгаруу (калдыктарды алуу) актылары менен таризделет. Ар бир актыны кампанын башчысынын же улук башчынын буйругу менен түзүлгөн комиссиянын төрагасы эки нускада түзөт. Актыда материалдык каражаттарды жоготуу жагдайлары милдеттүү түрдө көрсөтүлөт.

Душмандын басып алуусунун алдын алуу максатында материалдык каражаттарды жок кылуу жөнүндө актыда аларды жок кылуунун негизи (буйрук, тескеме) көрсөтүлөт. Жугуштуу оорулардын алдын алуу жана жоюу максатында материалдык каражаттарды жок кылууда актыга кампанын башчысынын жок кылууга берген буйругуна негиз болгон саламаттыкты сактоо чөйрөсүндөгү тийиштүү адистердин жазуу түрүндөгү корутундусу тиркелет.

Кампанын башчысы (улук башчы) бекиткен актынын негизинде жоготуулар жетишсиздиктерди эсепке алуу китебине жазылат, андан кийин жоголгон материалдык каражаттар кампанын эсебинен эсептен чыгарылат. Акты башка документтер менен бирге, материалдык каражаттарды жоготуу менен мамлекетке келтирилген зыянды кампанын жетишсиздиктерди эсепке алуу китебинен эсептен чыгарууга инспектордук күбөлүктү берүү жөнүндө өтүнүч үчүн негиз болуп эсептелет.

Кампада убактылуу сакталган жугуштуу оорулар менен булганган материалдык каражаттар өзүнчө эсепке алуу китептери (карточкалары) боюнча эсепке алынат. Аларды эсепке алуунун өзгөчөлүгүн БАБОнун тийиштүү түзүмдүк бөлүкчөлөрүнүн башчылары белгилейт.

Кампанын бөлүмчөсүндө материалдык каражаттарды эсепке алуунун абалына бөлүмчөнүн башчысы жооптуу. Бөлүмчөнүн эсептик документтеринин тизмеси ар бир конкреттүү учурда кампанын башчысынын буйругунда белгиленет.

Кампанын бөлүмчөсүндө материалдык каражаттарды эсепке алуу китептери жана карточкалары ЭАОБдо ачылат жана катталат. Ошол эле учурда, кампанын бөлүмчөсү башка эсептик документтердин керектүү саны менен камсыздалат.

Кампанын бөлүмчөлөрүнөн материалдык каражаттарды берүү (жүктөө, жөнөтүү) жетекчисине кампа баш ийген аскердик башкаруу органында жазылган наряддар боюнча, ошондой эле аталган аскердик башкаруу органынын жетекчисинин тескемелеринин негизинде жүргүзүлөт.

Кампанын бөлүмчөсүнүн эсепке алуу китептери (карточкалары) боюнча өткөрүлгөн жана таризделген баштапкы эсепке алуу документтери кампа башчысы белгиленген тартипте жана мөөнөттө кампанын ЭАОБуна тапшырылат.

Кампанын бөлүмчөсү өз алдынча өндүрүштүк жана операциялык ишти токтоткондон кийин анын эсепке алуу китептери жана карточкалары кампанын ЭАОБ тапшырылат жана кампанын бөлүмчөсү кийинки ачылганга чейин сакталат.

Согуш мезгилинде кампанын ЭАОБунун эсепке алуу маалыматтарын сактоо бөлүкчөлөрүнүн, бөлүмчөлөрүнүн маалыматтары менен салыштырып текшерүү айына бир жолудан ашпаш керек.

Кампалар курамына кирген базалардын башкармалыктарында кампалардан келип түшүүчү билдирүүлөр боюнча материалдык каражаттарды эсепке алуу жүргүзүлөт.

Жалпы база (базанын бөлүмчөсү) үчүн жалпы жана ар бир кампа (кампанын бөлүмчөсү) үчүн материалдык каражаттардын бардыгы жана кыймылы бөлүкчөдө категориялык материалдык каражаттарды эсепке алуу карточкаларында же материалдык каражаттардын бардыгын жана кыймылын эсепке алуу китептеринде эсепке алынат.

Материалдык каражаттары менен жөнөтүлгөн жана келип түшкөн транспортторду эсепке алуу материалдык каражаттары менен транспортторду жөнөтүүнү эсепке алуу китебинде жана материалдык каражаттары менен транспорттордун келүүсүн эсепке алуу китебинде жүргүзүлөт.

Кампа (анын бөлүмчөсүнүн) башчысынын материалдык каражаттарды чыгарууга (жүктөөгө, жөнөтүүгө) тескемеси жүктү алуучу үчүн кампада (кампанын бөлүмчөсүндө) жазылуучу наряд менен таризделет. Кампа (анын бөлүмчөсүнүн) башчысы мындай тескемелердин аткарылгандыгы жөнүндө кампа баш ийген аскердик башкаруу органынын жетекчисине тезинен билдирет.

37. Согуш мезгилинде аскердик башкаруу органында материалдык каражаттарды эсепке алуу өзгөчөлүгү

506. Согуш мезгилинде аскердик башкаруу органында материалдык каражаттарды эсепке алуу ушул бөлүктө жазылган талаптарды сактоо менен кадимки тартипте жүргүзүлөт.

507. Аскердик башкаруу органдарында уюштуруу иш-чаралары аяктаган күнгө карата абалы боюнча материалдык каражаттардын тиешелүү түрлөрүнүн бардыгы жана кыймылы жөнүндө ушул кошуундардан (аскер бөлүктөрүнөн, кампалардан) берилген билдирүүлөрдүн (отчеттордун) негизинде аскердик бөлүктө турган КААТ жана башка материалдык каражаттар үчүн аскер бөлүгүнүн аттестаттары таризделет жана кошуундарга (аскер бөлүктөрүнө, кампаларга) берилет. Күйүүчү майга аттестатта лимиттин колдонулбаган калдыктары жана пландалган билдирүүлөр көрсөтүлбөйт.

508. Кошуунда (аскер бөлүгүндө, кампада) аскер бөлүгүнүн аттестаттары жок болгон учурда жаңы жайгашкан жерине келгенде аны камсыздоого киргизүү кийин аттестаттарды көрсөтүү менен КААТтын жана башка материалдык каражаттардын бардыгы жөнүндө билдирүүлөр боюнча (учактардын жана тик учактардын бардыгы жана техникалык абалы жөнүндө билдирүүлөрдө алардын заводдук номерлери көрсөтүлөт) жүргүзүлөт.

509. Кошуун кетип жаткан убакта аскердик башкаруу органынын аяктай элек эсепке алуу китептери жана карточкалары толук аяктаганга чейин пайдаланылат, ал эми аяктагандары бирикменин штабынын (Куралдуу Күчтөрдүн түрүнүн штабынын) башчысынын, МАО, УО жана АКтын көрсөтмөсү боюнча архивге тапшырылат.

510. Жаңы түзүлгөн аскердик башкаруу органы, базасында түзүлгөн аскердик башкаруу органы аркылуу же бирикменин (борбордун) тийиштүү кампасы аркылуу эсепке алуу документтеринин бланктары менен камсыздалат.

Аскердик башкаруу органы жоюлганда эсепке алуу документтери аскер бөлүгүнүн штабынын башчысынын же кампа баш ийген башчынын көрсөтмөсү боюнча тапшырылат.

511. Аскердик башкаруу органында баштапкы эсепке алуу документтери жана отчеттору менен делолор, ошондой эле эсепке алуу китептери жана карточкалары алар бүткөндөн кийин МАУ, УО жана АК укуктук актыларында белгиленген мөөнөттөрдүн ичинде сакталат.

512. Эсепке алуу документтери алардын сактоо мөөнөттөрү аяктаганда аларды текшергенден кийин архивге тапшырылат же комиссиянын мүчөлөрүнүн катышуусунда акты боюнча жок кылынат.

513. Аскердик башкаруу органынын күжүрмөн шарттарда жоголгон эсепке алуу документтери актынын негизинде эсептен чыгарылат. Актыны улук башчынын буйругу менен түзүлгөн комиссиянын төрагасы түзөт. Актыда документтердин аталышы, алар жүргүзүлгөн мезгил жана жоготуу себептери көрсөтүлөт. Актынын бир нускасы комиссияны түзгөн башчыга берилет. Эсепке алуу маалыматтары эсепке алуунун жаңы. китептеринде (карточкаларында), аскерлерден жана баш ийген кампалардан (оңдоо жана башка аскер бөлүктөрүнөн, уюмдардан, ишканалардан) келип түшкөн билдирүүлөр боюнча, ошондой эле аскердик башкаруунун жогору турган органынын эсепке алуу маалыматтары боюнча калыбына келтирилет.

514. Бөлүкчөлөр базанын (кампанын) курамынан чыгарылганда аскердик башкаруу органында материалдык каражаттарды эсепке алуу база (кампа) үчүн жана анын бөлүмчөсү үчүн өзүнчө жүргүзүлөт. Мында аскердик башкаруу органынын жетекчисинин базадан (анын курамына кирген кампадан) же базанын (кампанын) бөлүкчөсүнөн материалдык каражаттарды чыгарууга (жүктөөгө, жөнөтүүгө) тескемеси ушул базанын башчысы аркылуу аткарууга берилет.

515. Олжо материалдык каражаттар аскердик башкаруу органында өзүнчө эсепке алуу китептеринде (карточкаларында) эсепке алынат.

Олжо материалдык каражаттарды кабыл алуу жана чыгаруу (жүктөө, жөнөтүү) аскердик башкаруу органында өзүнчө таризделген наряддардын негизинде жүзөгө ашырылат.

516. КААТты жана башка материалдык каражаттарды күжүрмөн жоготуу жана башка жоготуулар аскер бөлүктөрүнүн командирлери жана баш ийген кампалардын (оңдоо жана башка уюмдардын) башчылары берген билдирүүлөрдүн жана эсептен чыгаруу актыларынын негизинде аскердик башкаруу органында эсептен чыгарылат.

517. Булганган материалдык каражаттарды эсепке алуу аскердик башкаруу органында өзүнчө каттоо китептеринде (карточкаларында) билдирүүлөрдүн негизинде жүргүзүлөт. Булгануунун мүнөзү, турган жери, мындай материалдык каражаттарды тазалоо жана андан ары колдонуу боюнча көрүлгөн чаралар булганган материалдык каражаттарды эсепке алуу китептеринде эсепке алынат.

38. Материалдык каражаттарды эсепке алуу жүргүзүүнү контролдоо

518. Материалдык каражаттарды эсепке алуу жүргүзүүнү контролдоо анын өз убагында болуусун, толуктугун, ишенимдүүлүгүн жана тактыгын, ошондой эле материалдык каражаттарды чыгымдоонун мыйзамдуулугун жана сактыгын камсыздоо максатында жүргүзүлөт. Контролдоо жүргүзүүдө аскер бөлүгүнүн кызмат адамдарына материалдык каражаттарды эсепке алуу боюнча милдеттерин аткаруусуна жардам көрсөтүлөт.

519. Эсепке алуу жүргүзүүгө контролдоо аскер бөлүгүнүн (кампанын, аскердик башкаруу органынын) кызмат адамдары, улук башчылар, атайын дайындалган адамдар жана комиссиялардын мүчөлөрү тарабынан ишке ашырылат.

520. Сактоо бөлүмүнүн башчысы ага бекитилип берилген сактоочу жайлардагы материалдык каражаттарды эсепке алуунун абалын жана сактыгын ай сайын өзү текшерип турат.

521. Транспорт бөлүмүнүн (кабыл алуу жана жөнөтүү бөлүмүнүн) башчысы айына бир жолудан кем эмес ташып кирүүчү жана ташып чыгаруучу сактоочу жайлардагы материалдык каражаттарды эсепке алуунун абалын жана сактыгын өзү текшерип турат.

522. Кампанын ЭАОБ башчысы кампанын сактоо бөлүмдөрүндө жана башка бөлүкчөлөрүндө материалдык каражаттарды эсепке алуунун абалын системалык түрдө контролдоп турат: кварталына бир жолу (ракеталык отун, күйүүчү май жана азык-түлүк кампаларында - ай сайын) сактоо бөлүмдөрүндөгү (сактоочу жайдагы) жана кампанын транспорт бөлүмүндөгү материалдык каражаттарды эсепке алуу маалыматтарын ЭАОБдун эсепке алуу маалыматтары менен салыштырып текшерүүнү уюштурат. Куралдарды оңдоо боюнча цехтерде салыштырып текшерүү ай сайын, ал эми бардык кампалардын башка бөлүкчөлөрүндө - тиешелүү кампалардын башчылары белгилеген мөөнөттөрдө жүргүзүлөт.

523. Кампанын башчысы материалдык каражаттардын бардыгын, сапаттык (техникалык) абалын жана эсепке алууну пландуу жана күтүүсүз текшерүүнү өзү, ошондой эле дайындалган кызмат адамдары жана ички текшерүү комиссияларынын мүчөлөрү аркылуу алар кампанын бөлүкчөлөрүндө өндүрүштүк жана операциялык ишти текшергенде, ошондой эле материалдык каражаттарды инвентаризациялоо өткөргөндө жүргүзөт.

524. Бөлүкчөнүн командири (батальондун (дивизиондун) командири үч айда бир жолудан кем эмес) баш ийген бөлүкчөдө материалдык каражаттарды эсепке алуунун тууралыгын, алардын иш жүзүндө бардыгын жана абалын өзү текшерет.

525. Аскер бөлүгүнүн кызматынын башчысы бөлүкчөлөрдө, ошондой эле кампада жана аскердик чарбанын баш ийген объекттеринде материалдык каражаттарды эсепке алуунун тууралыгын, иш жүзүндө бардыгын жана абалын МАУ, УО жана АКтын укуктук актыларында белгиленген мөөнөттөрдө өзү текшерет.

526. Аскер бөлүгүнүн командиринин оорук (куралдануу) боюнча орун басары үч айда бир жолудан кем эмес аскер бөлүгүнүн бөлүкчөлөрүндөгү, ошондой эле аскердик кампалардагы, устаканалардагы жана башка баш ийген объекттердеги материалдык каражаттардын абалын, бардыгын жана эсепке алынышын текшерет.

527. Аскер бөлүгүнүн командиринин өздүк курам менен иштөө боюнча орун басары үч айда бир жолудан кем эмес бөлүкчөлөрдөгү, кампадагы, клубдагы, кампадагы жана кызматтагы маалыматтын техникалык каражаттарын эсепке алуунун абалын текшерет. Аскер бөлүгүнүн командири өзүнүн чечими менен өзүнүн кампаларындагы маалыматтын техникалык каражаттарын эсепке алууну жана сактоону уюштуруу үчүн кайсы кызмат жооп берээрин өзүнүн чечими менен аныктайт.

528. Аскер бөлүгүнүн командири кызматтар боюнча материалдык каражаттардын бардыгын, абалын жана эсепке алынышын пландуу жана күтүүсүз текшерүүнү өзү, ошондой эле кызмат адамдары жана материалдык каражаттарды инвентаризациялоо үчүн дайындалган ички текшерүү комиссияларынын мүчөлөрү аркылуу жүргүзөт.

529. Кошуундун кызматынын башчысы кошуундун аскер бөлүктөрүндө жана баш ийген кампаларда материалдык каражаттарды эсепке алуунун тууралыгын, иш жүзүндө бардыгын, комплекттүүлүгүн жана абалын МАУ, УО жана АКтын укуктук актыларына ылайык контролдойт.

Кошуундун командиринин оорук жана куралдануу боюнча орун басарлары жылына эки жолудан кем эмес баш ийген кызматтарда материалдык каражаттардын кол тийбес запастарын эсепке алуунун, кармоонун жана жаңылоонун абалын текшерет.

Орун басары жылына эки жолудан кем эмес аскер бөлүктөрүндө, аскер бөлүгүнүн клубунда, гезиттин басмаканасында, ошондой эле кошуундун кампасында жана кызматында маалыматтын техникалык каражаттарын эсепке алуунун абалын текшерет.

Кошуундун командири өзүнүн чечими менен өзүнүн кампаларында маалыматтын техникалык каражаттарын эсепке алууну жана сактоону уюштуруу үчүн кайсы кызмат жооп берээрин өзүнүн чечими менен аныктайт.

530. Кошуундун штабынын башчысы үч айда бир жолудан кем эмес ага түздөн-түз баш ийген бөлүкчөлөрдө материалдык каражаттарды эсепке алуунун абалын, бардыгын жана материалдык каражаттардын абалын, ошондой эле ага түздөн-түз баш ийген кызматтарда материалдык каражаттарды эсепке алуунун абалын өзү текшерет.

531. Кошуундун командири кошуунда материалдык каражаттарды эсепке алуунун абалын мезгили менен дайындалган кызмат адамдары жана комиссиялардын мүчөлөрү аркылуу алар кошуундун аскер бөлүктөрүндө жана мекемелеринде материалдык каражаттарга инвентаризациялоо жүргүзгөндө текшерет.

532. Материалдык каражаттарды эсепке алууну кызмат адамдары жана аскер бөлүгүнүн (кошуундун) ички текшерүү комиссияларынын мүчөлөрү контролдоо жүргүзүшөт жана МАУ, УО жана АКтын укуктук актыларында белгиленген тартипте документтик тариздешет.

533. Улук башчылар эсепке алуунун жүргүзүлүшүн Кыргыз Республикасынын мыйзамдарында каралган тартипте контролдошот.

534. Материалдык каражаттардын бардыгын жана абалын ар бир текшерүү текшерилүүчү объекттин (бөлүкчөнүн, аскер бөлүгүнүн, кампанын) эсепке алуу маалыматтарын аскер бөлүгүнүн (кошуундун), кампанын ЭАОБу, аскердик башкаруу органынын тиешелүү кызматтарынын эсепке алуу маалыматтары менен салыштырып текшерүүнү милдеттүү түрдө өзүнө камтышы керек.

Материалдык каражаттарды эсепке алуунун абалын, эсепке алуу документтеринин отчеттуулугун жана сакталышын текшерүүдө төмөнкүлөр аныкталат:

- ушул Нускамада каралган эсепке алуу китептеринин жана карточкаларынын бардыгы, аларды тариздөөнүн жана жүргүзүүнүн тууралыгы;

- кириштөө жана чыгыштоо операциялары боюнча жазуулардын жана эсепке алуу китептеринде, карточкаларында жыйынтыктарды (калдыктарды) чыгаруунун ишенимдүүлүгү жана өз убагында болуусу;

- КААТка, ракеталарга, ок-дарыларга жана башка материалдык каражаттарга формулярлардын (паспорттордун) бардыгы жана жүргүзүү тартиби, аларда кароолор, техникалык тейлөөлөр (регламенттик иштер), оңдоолор, иштетилиши, консервациялоолор жөнүндө маалыматтарды жана башка маалыматтарды аларга жазуунун толуктугу жана өз убагында болуусу;

- материалдык каражаттардын жетишсиздиктерин эсепке алуу китебине материалдык каражаттардын жоголушун жазуунун ишенимдүүлүгү жана өз убагында болуусу жана материалдык каражаттарды эсептен чыгаруунун негиздүүлүгү;

- мөөнөттүү билдирүүлөрдүн табелинде белгиленген отчеттуулукту түзүүнүн тууралыгы жана көрсөтүүнүн өз убагында болуусу, отчеттук көрсөткүчтөрдүн эсепке алуу маалыматтары менен дал келүүсү;

- эсепке алуу документтерин каттоонун, сактоонун жана аларды архивге өткөрүүнүн тууралыгы;

- так отчеттуулук бланктарын эсепке алуунун тууралыгы жана бардыгы, ошондой эле аларды колдонуу жана сактоо тартиби;

- ушул Нускамада, ошондой эле МАУ, УО жана АК укуктук актыларында жазылган отчеттуулук маселелери боюнча талаптарды (аларга тиешелүүлөрүн) кызмат адамдарынын билүүсү жана аткаруусу.

535. Эсепке алуу китептериндеги жана карточкаларындагы жазуулардын өз убагында болуусу жана ишенимдүүлүгү жана алардын түп нускадагы баштапкы эсепке алуу документтери менен салыштыруу жолу менен текшерилет. Материалдык каражаттардын кыймылы жана сапаттык (техникалык) абалынын өзгөрүүсү менен байланышкан таризделген операциялардын тууралыгын тастыктоо үчүн толук таризделген жана катталган баштапкы документтер гана кабыл алынат.

Чек талаптарынын талондору алардын дүмүрчөктөрү менен салыштырылат. Таратуу (тапшыруу) ведомостторунда жыйынтыктар, ошондой эле материалдык каражаттарды чыгаруу (кабыл алуу) үчүн тиешелүү адамдардын кол тамгаларынын бардыгы текшерилет.

536. Өндүрүштүк жана операциялык ишти текшерүү өткөрүүдө базанын бөлүкчөсүндө (кампасында) төмөнкүлөр аныкталат: каралган эсепке алуу китептеринин жана карточкаларынын бардыгы, аларга эсепке алуу документтерин жазуунун өз убагында болуусу жана тууралыгы; бөлүкчөнүн эсепке алуу маалыматтарынын кампанын ЭАОБунун эсепке алуу маалыматтары менен дап келүүсү, өткөн текшерүүлөрдүн жана инвентаризациялоонун актыларында көрсөтүлгөн кемчиликтерди жоюу; ушул Нускамага тиешелүү башка талаптарды аткаруу.

537. Кампа башчысынын (аскер бөлүгүнүн, кошуундун командиринин) же улук башчынын чечими боюнча кампадагы (аскер бөлүгүндөгү, кошуундагы) материалдык каражаттарды эсепке алуунун абалын, бардыгын жана сапаттык (техникалык) абалын күтүүсүз текшерүүгө уруксат берилет.

538. Материалдык каражаттарды эсепке алуунун абалын, анын бардыгын жана сапатын текшерүүнүн жыйынтыктарын бардык учурда аны жүргүзгөн кызмат адамдары (комиссия мүчөлөрү) эсепке алуу китептерине жана карточкаларына жазуунун белгиленген эрежелерине ылайык аталган документтерде көрсөтүшөт.

539. Эсептөө техникаларын колдонуу менен эсепке алууда анын абалын контролдоо, кызматта машиналык алып жүрүүчүлөрдө жазылган эсепке алуу маалыматтарын бөлүкчөлөрдүн, кампалардын жана аскердик чарбанын башка объекттеринин, аскер бөлүктөрүнүн (кошуундардын, кампалардын) эсепке алуу маалыматтары, ошондой эле кызматта (кампанын ЭАОБ, аскердик башкаруу органында) турган баштапкы эсепке алуу документтери менен салыштырып текшерүү жолу менен жүргүзүлөт.

Кызматтагы (кампанын ЭАОБ, аскердик башкаруу органында) эсепке алуу маалыматтары боюнча текшерүү жүргүзүүчү кызмат адамына (комиссиянын мүчөлөрүнө) ар бир объект боюнча жүгүртүү ведомосттору берилет, анда эсепке алуу ар бир материалдык каражаттын аталышы боюнча кол менен жазылат.

Жүгүртүү ведомосту текшерилүүчү мезгил үчүн, кызматта (кампанын ЭАОБ, аскердик башкаруу органында) иштетилген ар бир эсепке алуу документи боюнча төмөнкү маалыматтарды чагылдырышы керек: иштетүүнүн датасын, каттоо номерин, документтин датасын жана номерин; документтин кодун; операциянын кодун жана анын датасын; документ берилген аскердик башкаруу органынын кодун; жүктү жөнөтүүчүнүн (жүктү алуучунун) кодун; материалдык каражаттардын санын жана алардын сапатын (категория, сорт, жарактуулук даражасы).

Жүгүртүү ведомостунун аягында төмөнкүлөр көрсөтүлөт: текшерилүүчү мезгилдин башына материалдык каражаттардын калдыгы, текшерилүүчү мезгил үчүн алынган (берилген, эсептен чыгарылган, сапаттын башка категориясына которулган) материалдык каражаттардын жалпы саны, текшерүүнүн башында алардын калдыгы.

540. Материалдык каражаттарды эсепке алуу документтерин эсепке алууну жүргүзүү, сактоо боюнча бардык табылган кемчиликтер тийиштүү башчынын (командирдин) тескемеси боюнча кечиктирилбестен жоюлат.

39. Эсепке алуу документтеринин бланктарын даярдоо жана алар менен аскер бөлүктөрүн жана кошуундарды камсыздоо тартиби

541. Эсепке алуу китептеринин, карточкаларынын жана башка эсепке алуу документтеринин тийиштүү бланктарын жасоо тийиштүү камсыздоочу органдарга жүктөлөт.

Керектүү эсепке алуу документтеринин (так отчеттуулук бланктарынан тышкары) бланктарын жасоого БАБОнун тийиштүү түзүмдүк бөлүкчөлөрүндө (камсыздоочу органдарда) иштелип чыгуучу пландар боюнча аскердик башкаруунун башка органдарынын жетекчилеринин чечими менен аларга бөлүнгөн акча каражаттарынын жана кагаз фонддорунун эсебинен уруксат берилет.

542. Эсепке алуу документтеринин бланктары ушул Нускама менен белгиленген формаларга ылайык ушул документтин түрлөрү үчүн мамлекеттик стандарттарга жооп берген кагазда жасалат. Китептердин жана башка эсепке алуу документтеринин бланктары 50 жана 100 барактан брошюрага бекитилиши мүмкүн.

543. БАБОнун түзүмдүк бөлүкчөсүнүн (камсыздоочу органдардын) жетекчисинин чечими боюнча айрым эсепке алуу документтеринин бланктары кошумча туруктуу реквизиттер менен (материалдык каражаттардын аталышы ж.б.) жана документтин формаларына ушул Нускамада каралган түшүндүрмөлөр менен жасалышы мүмкүн.

Бирдейлештирилген эсепке алуу документтеринин бланктарын даярдоодо алардын формаларынын мазмундуу бөлүгүнө өзүнчө өзгөртүүлөрдү (бөлүктөрдүн керексиз аталышын алып салууга жана жаңысын киргизүүгө) киргизүүгө уруксат берилет. Мындай өзгөртүүлөр ушул Нускаманын талаптарына ылайык киргизилиши керек. Документтерди эсепке алуу формасына башка өзгөртүүлөрдү киргизүүгө тыюу салынат.

544. Аскер бөлүгүн, кошуунду, кампаны, аскердик башкаруу органын эсепке алуу документтеринин бланктары менен камсыздоо камсыздоочу органдардын жетекчилери берген жылдык табыштамалар боюнча жүргүзүлөт. Табыштамалардын мазмуну жана берүү мөөнөттөрү камсыздоочу органдар тарабынан белгиленет.

545. Бирикмелерди, кошуундарды, аскер бөлүктөрүн, уюмдарды эсепке алуу документтеринин бланктары менен камсыздоо белгиленген мөөнөттөрдө берилүүчү табыштамалардын негизинде материалдык каражаттардын тийиштүү түрлөрү менен камсыздоочу БАБОнун түзүмдүк бөлүкчөлөрү (камсыздоочу орган) аркылуу жүргүзүлөт.

546. Эсепке алуу документтеринин бланктарына табыштамаларды түзүүдө аскер бөлүгүндө материалдык каражаттарды күнүмдүк эсепке алуу үчүн жана уюштуруу иш чараларын камсыздоо үчүн аларга муктаждыгын эсепке алуу керек.

Бирикменин табыштамасында анын ар бир форма боюнча эсепке алуу документтеринин бланктарына муктаждыгы жана жүк жүктөлүүчү (жөнөтүлүүчү) кампанын дареги көрсөтүлөт.

Аскер бөлүгүндө (кампада) эсепке алуу документтеринин бланктарынын ашыкча запастарын топтоого, ошондой эле түз дайындалышынан тышкары колдонууга тыюу салынат.

547. Эсепке алуу документтерине жалпы жылдык муктаждыкты төмөнкүлөр аныктайт:

- бирикменин аскердик башкаруу органынын жетекчиси - камсыздалуучу аскер бөлүктөрүнөн (МАУ, УО жана АК, аскер окуу жайы) жана баш ийген бөлүктөрдөн (оңдоочу аскер бөлүктөрүнөн жана башка уюмдардан) келип түшкөн табыштамалардын, ошондой эле уюштуруу иш чараларын камсыздоонун жана белгиленген өлчөмдөрдүн деңгээлинде өтмө запастарды кармоо үчүн муктаждыктардын эсептеринин негизинде;

- БАБОнун (камсыздоочу органдын) түзүмдүк бөлүкчөсүнүн жетекчиси - Куралдуу Күчтөрдүн түрлөрүнөн, баш ийген кампалардан (оңдоочу жана башка аскер бөлүктөрүнөн жана уюмдардан) келип түшкөн табыштамалардын, ошондой эле резервдердин өлчөмдөрүнүн белгиленген деңгээлинде өтмө запастарды кармап туруу үчүн муктаждыктардын эсептеринин негизинде.

548. Камсыздоо үчүн кампада кармоого тийиш болгон эсепке алуу документтеринин бланктарынын запастарынын өлчөмдөрү жетекчисине кампа баш ийген аскердик башкаруу органында аныкталат.

549. Кампалардын башчыларына эсепке алуу документтеринин бланктарын керектөөчүлөргө чыгарууга (жүктөөгө, жөнөтүүгө) тескемелер БАБОнун аскердик башкаруу органдарынын кампалардын башчыларынын тескемелери же наряддар боюнча таризделет.

550. Кампаларга алардын ички муктаждыктарын канааттандыруу жана аскер бөлүктөрүн камсыздоо үчүн эсепке алуу документтеринин бланктарын чыгаруу (жүктөө, жөнөтүү) тиешелүү аскердик башкаруу органдарында жазылып берилүүчү разнарядкалардын (наряддардын) формалары боюнча таризделет.

40. Инспекциялоодо жана текшерүүдө аскердик башкаруу органынын, кошуундун, аскер бөлүгүнүн материалдык каражаттарынын эсепке алынышын баалоо

551. Аскердик башкаруу органынын, кошуундун, аскер бөлүгүнүн материалдык каражаттарынын эсепке алынышын баалоо кызматтар боюнча материалдык каражаттарды эсепке алууну уюштуруу жана абалы үчүн баалардан түзүлөт.

552. Эгерде аскердик башкаруу органынын жетекчисинин чечими боюнча төмөнкүлөр аныкталып жана уюштурулса (жүргүзүлсө), аскердик башкаруу органынын кызматында материалдык каражаттарды эсепке алууну уюштуруу "канааттандыраарлык" деп бааланат:

- материалдык каражаттардын номенклатурасы (номенклатурадан көчүрмө);

- кошуундардын, аскер бөлүктөрүнүн жана уюмдардын өздүк эсептерин эсепке алуу;

- номерлери (автомобилдик техника жана мүлктөрдөн тышкары) жана техникалык абалы боюнча эсепке алынуучу материалдык каражаттардын тизмеси;

- баштапкы эсепке алуу документтери боюнча эсепке алуу жана ыкчам эсепке алуу жүргүзүү үчүн материалдык каражаттардын тизмеси;

- наряддарга жана кызматтык документтерге кол коюуга укугу бар кызмат адамдарынын тизмеси, ошондой эле алардын кол тамгаларынын үлгүлөрү;

- негизги фонддорду, Мамлекеттик резервдин материалдык каражаттарын жана ЗБАЖды өзүнчө эсепке алуу үчүн жооптуу адамдар, алардын милдеттери;

- бузулган куралдарды жана техникаларды, жоголгон материалдык каражаттарды эсепке алуу;

- материалдык каражаттардын номенклатураларын жүргүзүү үчүн жооптуу адамдар;

- каттоолорду (мамлекеттик сырды камтыган эсепке алуу маалыматтарын алып жүрүүчүлөрдү), так отчеттуулук бланктарын эсепке алуу, аларды берүү жана сактоо талаптарга ылайык жүргүзүлөт;

- алгачкы эсепке алуу документтери жана ыкчам эсепке алуу боюнча эсепке алынуучу материалдык каражаттар үчүн мөөнөттүү билдирүүлөр табелине ылайык мезгилдүү отчеттуулук (салыштырып текшерүү);

- аттестаттарды көрсөтүү жана буйруктарды чыгаруу менен камсыздоого кошуу (камсыздоодон алуу);

- материалдык каражаттарды эксплуатациялоо: жабдуунун ченемдери жана тартиби, оңдоолордун ортосундагы жана эксплуатациялоонун акыркы мөөнөттөрү;

- эсепке алуу жүргүзгөн кызмат адамдарынын функциялык милдеттерин билүүсүн жана аткаруусунун сапатын контролдоо;

- арыз берүү, талап коюу жана доо иштери;

- материалдык каражаттарды (чыгымдардын лимитин) пландоо жана бөлүштүрүү, аскерлерге жана уюмдарга жыйынтыктар жеткирилди;

- штаттык куралдардын, техниканын жана табелдик материалдык каражаттардын муктаждыктарын жана бардыгын жыйынтыктап эсепке алуу;

- ушул пункттун биринчи бөлүгүнүн экинчи-алтынчы, он биринчи-он алтынчы абзацтарында жазылган талаптардын ичинен бири аткарылбаса же үч же андан көп көрсөткүчтөр боюнча талаптар аткарылбаса "канааттандыраарлык эмес" деген баа коюлат.

553. Эгерде командирдин (башчынын) чечими боюнча жооптуу кызмат адамдары кызматтарда (кампаларда) материалдык каражаттарды эсепке алууну уюштуруу боюнча алардын милдеттери аныкталса жана төмөнкүлөр жүргүзүлсө, кошуундун (аскер бөлүгүнүн, уюмдун) кызматында материалдык каражаттарды эсепке алууну уюштуруу "канааттандыраарлык" деп бааланат.

553. Эгерде командирдин (башчынын) чечими менен жооптуу кызмат адамдары, алардын кызматтардын (кампалардын) материалдык каражаттарды эсепке алуу жүргүзүү боюнча милдеттери аныкталса жана төмөнкүлөр жүргүзүлсө, кошуундун кызматынын материалдык каражаттарын эсепке алууну уюштуруу "канааттандырарлык" деп бааланат:

- кызматтар боюнча бузулган куралдарды жана техникаларды, материалдык каражаттарды жоготууну эсепке алуу;

- каттоолор, так отчеттуулук бланктарын эсепке алуу, аларды берүү жана сактоо ушул Нускамада белгиленген талаптарга ылайык жүргүзүлөт;

- куралдарга жана техникаларга, алардын курамдык түзүмдөрүнө жана агрегаттарына формулярларды (паспортторду) жүргүзүү, кароолорду, техникалык тейлөөлөрдү, регламенттик иштерди, оңдоолорду жана иштетүүлөрдү эсепке алуу;

- баштапкы эсепке алуу документтери жана ыкчам эсепке алуу боюнча эсепке алынуучу мөөнөттүү билдирүүлөрдүн табелине ылайык мезгилдүү отчеттуулук;

- аскер бөлүгүнүн камсыздоосуна кошулган бөлүкчөлөрдүн эсепке алуусу менен салыштырып текшерүү;

- аттестаттарды көрсөтүү жана буйруктарды чыгаруу менен камсыздоого коюу (камсыздоодон алуу);

- эсепке алуу жүргүзгөн кызмат адамдарынын функциялык милдеттерин билүүсүн жана аткаруусунун сапатын контролдоо;

- материалдык каражаттардын сактыгын, аларды чыгымдоонун мыйзамдуулугун, максатка ылайыктыгын жана натыйжалуулугун контролдоо түзүмү;

- арыз берүү, талап коюу жана доо иштери;

- камсыздоочу органдын төмөнкүлөрдүн тизмелеринен көчүрмөлөрү;

- номерлери жана техникалык абалы боюнча эсепке алынуучу материалдык каражаттардын;

- ыкчам эсепке алуу үчүн жана алгачкы эсепке алуу документтери боюнча аныкталган материалдык каражаттардын;

- наряддарга кол коюуга укуктуу кызмат адамдарынын, алардын кол тамгаларынын үлгүлөрү, мөөрлөрүнүн оттисктери (баш ийген арсеналдар, базалар жана кампалар үчүн);

- кызматта эсепке алынууга тийиш болгон материалдык каражаттардын номенклатурасынан;

- эгерде ушул берененин биринчи бөлүгүндө жазылган талаптардын бири аткарылбаса "канааттандыраарлык эмес" деген коюлат.

554. Аскердик башкаруу органынын (кошуундун, аскер бөлүгүнүн) кызматында материалдык каражаттарды эсепке алуунун абалы үчүн баа "канааттандырарлык" коюлат, эгерде:

- кириш-чыгыш операциялары боюнча жазуулардын толуктугу, ишенимдүүлүгү жана тактыгы, материалдык каражаттарды эсепке алуунун каттоолорунда жыйынтыктарды (калдыктарды) чыгаруу камсыздалса;

- алгачкы эсепке алуу документтерин, каттоолорду жана көмөкчү мүнөздөгү документтерди тариздөөдө жана жүргүзүүдө белгиленген эрежелер аткарылса;

- отчеттук көрсөткүчтөрдүн эсепке алуу маалыматтары менен дал келүүсү камсыздалса;

- эсепке алууну жүргүзүүдө жол берилген каталардын жыйынтыгында пайда болгон материалдык каражаттардын кем чыгуусу болбосо.

"Канааттандыраарлык" баасына талаптар аткарылбаса "канааттандырарлык эмес" деген баа коюлат.

555. Эгерде эсепке алууну уюштуруу жана абалы үчүн жакшы баа берилсе, аскердик башкаруу органынын (кошуундун, аскер бөлүгүнүн) кызматында материалдык каражаттарды эсепке алуу "канааттандыраарлык" деп бааланат.

556. Эгерде бардык текшерилген кызматтар жакшы бааланса, аскердик башкаруу органынын (кошуундун, аскер бөлүгүнүн) кызматында материалдык каражаттарды эсепке алуу "канааттандыраарлык" деп бааланат.

41. Ракеталык-артиллериялык куралдарды сактоо жайларын жабдуу

557. РАК жылытылуучу жана жылытылбаган сактоочу жайларда, бастырмалардын астында же ачык аянттарда сактоого коюлат.

МАУ, УО жана АК укуктук актыларынын талаптарына жана ушул Нускамага ылайык, сактоо жерлери өрткө каршы жана чагылганга каршы МАУ, УО жана АКтын укуктук актыларында жана ушул Нускамада белгиленген талаптарга ылайык жабдылат.

Сактоочу жайларда мындан тышкары, биологиялык зыянкечтерден РАКты коргоо боюнча иш чаралар өткөрүлөт.

Сактоо жери үчүн участокко төмөнкү талаптар коюлат:

- абадан жана жерден байкоодон табигый чүмбөттөө жана ар тараптан желдетүү;

- шүдүрүмдүн минималдуу санынын түшүүсү;

- сел жана катуу жаандан суу каптоонун болбошу;

- куралдардын коррозиясын жана эскирүүсүн тездеткен газдарды, бууларды жана механикалык аралашмаларды атмосферага бөлүп чыгаруучу өнөр жай ишканаларынын аймагынан жана саздардан алыс болуусу;

- кирүүчү жолдорго, электр энергиясы жана суу менен камсыздоо булактарына жакын жайгашуусу.

558. Сактоо жерлерине төмөнкү жалпы талаптар коюлат:

- куралдардын сактыгын камсыздоо;

- өт коопсуздугун камсыздоо;

- түнкү убакта ишти уюштуруу мүмкүнчүлүгү;

- механизация каражаттарын колдонуу мүмкүнчүлүгү.

559. Сактоочу жайларга төмөнкү талаптар коюлат:

- куралдын сакталуучу түрүнө белгиленген сактоо шарттарынын ылайыктыгы;

- куралдарды ыңгайлуу жайгаштыруу, аларды байкоо жана оң абалда күтүү мүмкүнчүлүгү;

- куралдарды тез алууну, берүүнү жана эвакуациялоону камсыздоо;

- тышка ачылуучу жана тышынан гана жабылуучу дарбаза;

- куралдардын жана механизация каражаттарынын оордугун көтөрүүгө жөндөмдүү, чаңдын жана күкүмдөрдүн пайда болуусуна туруктуу полдордун катуу каптоосу;

- куралдары менен сүйрөткүчтөрдүн кирүү мүмкүнчүлүгүн камсыздаган кирүү жолдорунун жабдылышы;

- табигый же жасалма желдетүү;

- 5тен 40° С чейинки туруктуу температура, 70% жогору эмес абанын салыштырма нымдуулугу менен борбордук жылытуу (жылытылуучу сактоочу жайлар үчүн), суткалык түшүүсү 5° С жогору болбошу керек.

560. Кирүүчү дарбазаларда (эшиктерде) КИРҮҮ жазуусу жазылат. Бул дарбазаларга, эшиктерге бут тазалоо үчүн торлор орнотулат.

561. Дөңгөлөктүү куралдарды түртүп кирүү жана чыгаруу (үкөктөгү жүктөрдү киргизүү жана чыгаруу) үчүн дарбазалардын алдына төшөлгөн жолдор (аппарелдер) жана аянтчалар салынат.

562. Сактоочу жайлардын дубалдары тышынан айланта, суулар агыш үчүн жантайыңкы асфальт же бетон куюлуп жабдылат.

563. Сактоочу жайларга кирүүчү жолдор куралдары менен сүйрөгүчтөрдүн кирүүсүн камсыздагыдай болуп жабдылат.

564. Сактоочу жайлардын тышкы дарбазаларынын (эшиктеринин) босоголоруна суунун агып кирүүсүн алдын алуу үчүн куюлган бетондун деңгээлинен жогору жана кемирүүчүлөрдүн кирүүсүнөн коргогон жеңил алынуучу калканч орнотулат.

565. Сактоочу жайлардын терезелери айнектелет жана металл торлор менен корголот. Терезелердин айнектери талап кылынган шарттарга жараша ичинен ак түскө боёлот же куралдарды күндүн радиациясынан коргоо үчүн тосмолор менен жабылат.

566. Сактоочу жайларда төмөнкүлөр болот:

- документтери менен стенд;

- өрт өчүрүү каражаттары;

- жазуу керек-жарактары менен жумушчу стол жана отургуч;

- авариялык жарык берүү;

- түнкү убакта иштөө үчүн кол электр чырактары;

- атайын жабдуу (сактоочу жайдын дайындалышына жараша;

- өрт эсеби менен стенд;

- сактоочу жайда турган куралдарды майлоо таблицалары (карталары), техникалык тейлөө боюнча нускамалар жана плакаттар.

567. Документтери менен стендде төмөнкүлөр жайгаштырылат:

- ушул Нускаманын 27-тиркемесине ылайык үлгү боюнча сактоо жеринин паспорту;

- сактоочу жайдагы ички жабдуулардын жана инвентарлардын тизмеси;

- коопсуздук талаптары жана өрт коопсуздугунун талаптары боюнча нускама;

- сактоочу жайга жооптуу адамга сактоочу жайды жана андагы РАКты кармоо жана желдетүү тартиби, сактоочу жайды кабыл алуу жана өткөрүп берүү тартиби жөнүндө нускамалар;

- куралдарды, ракеталарды, ок-дарыларды жана мүлктү жайгаштыруу, айгай боюнча чыгаруу (ташуу, көчүрүү) планы, ага жазылган стеллаждарды же штабелдерди жайгаштыруу схемасы;

- коргоо жана өрт белги берүүлөрүн колдонуу боюнча нускама (аны текшерүүнүн жана алдын алуу иш чараларынын мезгилдүүлүгү).

568. Сактоочу жайлардын атайын жабдуулары төмөнкүлөрдү камтыйт:

- куралдардын дөңгөлөктүү жүрүүсүн түшүрүү үчүн алдына койгучтар;

- алдына койгучтардан куралдардын үлгүлөрүн алуу үчүн жабдыктар;

- каз тамандын жүрүшүнө орнотулган куралдын каз таманына төшөгүчтөр (төшөмдөр);

- температураны жана абанын нымдуулугун өлчөө үчүн приборлор (жылытылуучу сактоочу жайларда жана желдетилген абасы менен сактоочу жайларда);

- техникалык тейлөө боюнча жумуштарды жүргүзүүнүн ыңгайлуулугу үчүн верстактар;

- куралдарды көчүрүү үчүн буксирлер;

- оптикалык приборлорду, жарык берүү приборлорун, ЗБАЖ, жабдууларды жана башка мүлктөрдү жыйноо үчүн стеллаждар (шкафтар);

- техникалык тейлөө жүргүзүүгө керектүү көтөрүп жүрүүчү металл тепкичтер, арабалар, килемдер жана башка жабдуулар;

- сактоочу жайды тазалоо үчүн аспаптарга жана шаймандарга (шыпыргы, щеткалар, калактар, чаң соргуч ж.б.) шкаф (пирамида).

569. Бастырмаларга жана ачык аянттарга төмөнкү талаптар коюлат:

- табигый рельефтин бир аз жантайыңкы (2-3º) жер участогу;

- аянттын жер астындагы суулардан 0,5 метрден кем эмес жогору деңгээлде туруусу;

- аянттагы жер 5 кгс/ см² кем эмес басымга туруштук бериши керек;

- асфальт-бетондон же бетондон каптоосунун болушу (жабдылбаган аянттар үчүн - сактоо жайларында жана ага кирүү жолдорунда шагыл-кум аралашмасынын тыгыз катмар түрүндөгү каптоосу);

- өлчөмдөрү жана өз ара жайгаштыруу типтүү сактоочу жайларга көрсөтүлгөн талаптарга ылайык келиши;

- катарларга чиркегичтери менен сакталган техникалардын бурулбастан чыгуу мүмкүнчүлүгү;

- ачык аянт жана анын айланасындагы жер 20 метрден кем эмес аралыкта бадалдардан тазалоо.

570. Аянтка кире бериште белги орнотулат, ага анын номери, куралды сактоо жана аянтты кармоого жооптуу адамдын аты-жөнү жазылат. Белгини даярдоо жана орнотуу тартиби МАУ, УО жана АКтын укуктук актыларынын МАУ, УО жана АКтын аскер бөлүктөрүнүн парктарын жабдуу тартибин регламенттеген талаптары менен аныкталган.

571. Ар бир сактоочу жай ушул Нускаманын 27-тиркемесине ылайык үлгү боюнча паспортко ээ болушу керек, аны сактоого жооптуу адам толтурат.

42. Кампаларды жабдуу

572. РАК кампалары (артиллериялык кампалар) туруктуу жана талаа кампалары болуп бөлүнөт.

573. Туруктуу кампалар алар туруктуу жайгашкан жерде жабдылат. Алар узак сактоого эсептелген капиталдык курулуштардын жана курулмалардан турат.

574. Талаа кампалары талаа шарттарында аскер бөлүгү убактылуу жайгашканда уюштурулат жана жабдылат. Алар куралдарды жана ок-дарыларды жашыруун жайгаштырууга жана берүүгө жарактуу табигый жана жасалма чүмбөттөлгөн аймактан турат.

575. Артиллериялык кампанын бардык сактоо жерлери чагылгандан коргоого жана өрткө абалына каршы, ошондой эле ушул Нускаманын 29-тиркемесине ылайык атайын көрсөткүчтөр жана белгилер менен жабдылат. Белгилерди жана көрсөткүчтөрдү даярдоо жана орнотуу тартиби МАУ, УО жана АКтын укуктук актыларынын МАУ, УО жана АКтын аскер бөлүктөрүнүн парктарын жабдуу тартибин регламенттеген талаптары менен аныкталган.

576. Ок-дарыларды сактоо үчүн ачык аянттар артиллериялык кампанын аймагында ушул Нускаманын талаптарына ылайык жабдылат. Ар бир өзүнчө учурларга аларды жайгаштыруу жер боюнча башка курулмалар менен жана кампанын жол тармагына байланыштырылып, коопсуз аралыктарды сактоо менен жүргүзүлөт.

577. Аянттардын оптималдуу өлчөмдөрү ок-дарыларды аларга рационалдуу жайгаштырууну (штабелдердин максималдуу жол берилген бийиктиги, штабелдердин ортосундагы жумушчу жана кароо жолдорунун өлчөмдөрү жана жайгашуусу) жана жардыргыч заттар боюнча жүктөөнү эске алып, алардын көлөмү менен аныкталат.

578. Ракеталары, реактивдүү снаряддары, гранатометтук атуулары, пиротехникалык каражаттары жана бардык типтеги ок-дарылары менен жердеги бардык сактоочу жайлар (ок атуучу куралган ок-дарылары, кол гранаталары жана аларга запалдар, белги берүүчү куралган октор, ошондой эле жакын аралыкка пиротехникалык жарык бергичтер жана сигналдык каражаттар менен сактоочу жайлардан тышкары), ошондой эле ок-дарылары менен бастырмалар жана ачык аянттар суу кирүүгө каршы үймөк менен тосулат. Периметри боюнча жайгаштырылган башка сактоочу жайлардын терезелери жана желдетүүчү люктары коргоочу экрандар (сооткалканчтар) менен жабдылат.

579. Сактоочу жайларды автожол (темир жол) кирген тараптарынан тосуу жана жүктү жүктөө-түшүрүү иштерин жүргүзүү траверс түрүндө, ал эми сактоо жерине өтө жакын башка тараптарынан тосуу тосмо түрүндө жүзөгө ашырылат. Ок-дарылары менен сактоочу жайларды тосуу схемасы ушул Нускаманын 28-тиркемесине ылайык көрсөтүлгөн.

580. Катары менен жайгаштырылган сактоочу жайлар жана аянттар үчүн эгерде сактоо жерлерин кыйроодон коргоо камсыздалса жана иштин көлөмү жана баасы кыскартылса катарлардын арасында ортосунан узатасынан кеткен үймөк тосмону көтөрүүгө жол берилет.

581. Тосмо (траверс) менен сактоо жеринин ортосундагы мейкиндиктен сууну агызуу үчүн суу агызуучу кюветтер салынат.

582. Тосмонун негизги параметрлери болуп төмөнкүлөр эсептелет:

Н - тосмонун (траверстин) бийиктиги;

ДН - тосмонун (траверстин) штабелден жогору болуусу;

L - тосмонун (траверстин) кыр боюнча узундугу;

Ү - кырдын туурасы;

В - негиздин туурасы;

А - сактоо объектисинен тосмонун (траверстин) негизине чейинки аралык;

в - тосмонун (траверстин) сактоо объектисинен жогору бурчу;

г - негизги тосмонун жантаюу кырынын бурчу.

583. Тосмонун параметрлерин эсептөө үчүн төмөнкүлөрдү кабыл алуу керек:

в = 3º30'; г = 45º; Y > 1 м; ДН > 1 м; А > 3 м (унаа үчүн кирүү жолдору жок жана жүктү жүктөө-түшүрүү иштерин жүргүзүү үчүн каралбаган тарабынан).

584. Тосмонун (траверстин) негизинин туурасы төмөнкүдөй формула менен эсептелет: В = 2хН + Ү (м).

585. Тосмонун (траверстин) ок-дарылар менен штабелден жогору туруусу төмөнкүдөй формула менен эсептелет:

ДН = 0,064х(А + h), бул жерде h - ок-дарылар менен штабелдин бийиктиги, м.

586. Тосмонун жана траверстин узундугу сактоо объектисинин кыйроо зонасын горизонталдык учкан бытырандылардан жана кайтарылуучу периметр тараптан ок атуудан тосууну камсыздагыдай болушу керек.

587. Ок-дарылардын кампасы бардык унаалардын тоскоолдуксуз кирип чыгуусун камсыздагыдай болуп жабдылат. Кампанын аймагынан 50 м жакын эмес аралыкта жүктү жүктөөнү (түшүрүүнү) күтүүчү жана жүк жүктөлгөн транспорттордун колоннасын түзүү үчүн аянт жабдылат.

588. Аскер бөлүгүнөн тышкары жайгашкан объекттердин айланасы мамлекеттик бийликтин жана жергиликтүү өз алдынча башкаруу органдары менен макулдашуу боюнча Кыргыз Республикасынын мыйзамдарына ылайык тыюу салынган зоналар жана тыюу салынган райондор болуп аныкталат.

589. Тыюу салынган зоналар жана тыюу салынган райондор КААТтын жана башка аскердик мүлктүн коопсуздугун, калкты жана өндүрүштүк, социалдык-тиричилик жана башка дайындалыштагы объекттерди, ошондой эле техногендик жана табигый мүнөздөгү өзгөчө кырдаалдарда айлана-чөйрөнү коргоону камсыздоо максатында белгиленет. Тыюу салынган аймактардын жана тыюу салынган райондордун чек арасы "Тыюу салынган аймак, өтүүгө (машина менен өтүүгө) тыюу салынган (жабык)" жазуусу бар көрсөткүчтөр менен жерлерде белгиленет. Тыюу салынган аймактын (райондун) чектерин белгилөө жөнүндө гарнизондун башчысы өз убагында мамлекеттик бийликтин жергиликтүү органдары жана башкармалык аркылуу жакынкы калк жайгашкан пункттардын калкына кабарлашы керек.

Тыюу салынган аймактардын (райондордун) чектерине жалпы пайдалануудагы жолдор, турак жай жана кызматтык курулуштар, иштетилүүчү талаалар жана башкалар кирбеши керек. Тыюу салынган аймак аскердик кампанын аймагына түздөн-түз жакын жайгашкан аймакты камтыйт. Тыюу салынган аймактын туурасы кампанын аймагынын тышкы тосмосунан тартып белгиленет:

- ракеталар, ок-дарылар жана ВВ үчүн - 400 метрге чейин;

- куралдардын жана аскердик техниканын кампалары үчүн - 100 метрге чейин.

590. Тыюу салынган аймакты мамлекеттик бийлик органдары жана жергиликтүү өз алдынча башкаруу органдары менен белгилөөдө сөзсүз түрдө кампанын тышкы тосмосуна түздөн-түз жакын жайгашкан өрткө каршы тилкени жабдуу (минералдашкан аймак) макулдашылып, анын чектеринде бактарды жана бадалдарды кыюу жана анын туурасы боюнча айдоо керек.

Ок-дарылардын жана куралдардын кампалары үчүн өрткө каршы тилкенин туурасы белгиленген тартипте бекитилген улуттук стандарттарга ылайык аныкталат.

591. Ок-дарылардын артиллериялык кампасын кайтаруу жана коргоо ГК уставынын талаптарына ылайык уюштурулат.

Форма

Уурдалган (жоготулган) куралды эсепке алуу КАРТОЧКАСЫ

1. Куралдын түрү _____________________________________________________________________

(тапанча, револьвер, винтовка, карабин, автомат,

______________________________________________________________________________________

пулемет, кесилген найы менен аңчылык мылтыгы ж.б.)

2. Номери ___________________________________________________________________________

3. Үлгүсү (модели) ____________________________________________________________________

(Макаров, браунинг, наган жана башка)

4. Сериясы __________________________________________________________________________

5. Чыгарылган жылы __________________________________________________________________

6. Калибри __________________________________________________________________________

7. Заводу-чыгаруучу __________________________________________________________________

8. Өзгөчө белгилери __________________________________________________________________

____________________________________________________________________________________

(заводдо жасалган гравировкасы, жазуусу, шарттуу белгилери ж.б.)

9. Куралды издеп жаткан же тапкан орган ________________________________________________

____________________________________________________________________________________

(республикасы, крайы, облусу, органдын, аскер бөлүгүнүн аталышы көрсөтүлөт)

10. Кылмыш ишинин номери ___________________________________________________________

11. Козгоо жылы (кылмыш ишин ачуу) ___________________________________________________

13. Кандай жагдайда __________________________________________________________________

____________________________________________________________________________________

(уурдалды, жоготулду, алынды, табылды

____________________________________________________________________________________

тапшырылды, качан, кайда, ким тарабынан (кимден), уюмдун аталышы, аскер бөлүгү

____________________________________________________________________________________

адамдын аты-жөнү, кызматы, иштеген орду)

14. Текшерүүгө (изилдөөгө) жөнөтүлдү ___________________________________________________

____________________________________________________________________________________

(КР ИИМ кайсы органына жана датасы көрсөтүлөт)

15. Карточка толтурулду _______________________________________________________________

(датасы, органдын толук аталышы, адамдын кызматы,

____________________________________________________________________________________

фамилиясы жана инициалдары көрсөтүлөт)

Форма

Ок-дарыларды ________________________ эсепке алуу КАРТОЧКАСЫ

1. Ок-дарылардын номенклатурасы _____________________________________________________

2. Саны ____________________________________________________________________________

3. Партиясы, жылы, заводу-чыгаруучу ___________________________________________________

4. Уурдоонун (табуунун) жагдайы _______________________________________________________

(аскер бөлүгүнүн номерин көрсөтүү менен)

5. Таңгактын абалы ___________________________________________________________________

6. Жүктү жөнөтүүчү ___________________________________________________________________

7. Мүлктү алуу датасы ________________________________________________________________

8. Карточка толтурулду ________________________________________________________________

(датасы, органдын аталышы, кызматы, колу, фамилиясы

_____________________________________________________________________________________

жана инициалдары)

Форма

Кампага (сактоочу жайга) келгендерди жана иштерди эсепке алуу КИТЕБИ № _______

___________________________________________________________ (кызмат (башкаруу органы),

___________________________________________________________ аскер бөлүгү (кошуун, бирикме, кампа, база)

Башталды 20___-ж. "____" _______________

Аяктады 20___-ж. "____" _______________

Форма

Материалдык каражаттарды эсепке алууда колдонулган стандарттык ченөө бирдиктеринин БЕЛГИЛЕНИШИ

Стандарт 297x210 мм

Форма

РАЗНАРЯДКА № ____________

(КР Министрлер Кабинетинин 2023-жылдын 10-февралындагы № 68 токтомунун редакциясына ылайык)

20___-ж. "___" ____________ чейин жарайт

(Алдыңкы бети)

___________________________________________________________________

(аскердик кызматы жана наамы, колу, инициалдары, фамилиясы)

___________________________________________________________________

(аскердик кызматы жана наамы, колу, инициалдары, фамилиясы)

М.П.

20___-ж. "___" ____________

(Арткы бети)

Стандарт 210x297

Форма

НАКЛАДНОЙ № ____________

20___-ж. "___" ____________ чейин жарайт

(Алдыңкы бети)

(Арткы бети)

Жалпы аталыштар: ___________________________________________________________________

(сан жана жазуу түрүндө)

____________________________________________________________________________________

(аскердик кызматы жана наамы, колу, инициалдары, фамилиясы)

М.О.

20___-ж. "___" ____________

Стандарт 297x210 мм

Форма

ЭСЕП-НАКЛАДНОЙ № __________

20___-ж. "___" ____________ чейин жарайт

(Алдыңкы бети)

 (Арткы бети)

Форма

КАБЫЛ АЛУУ АКТЫ № ______

___________________________________________________________________________ (куралдануунун, техниканын жана башка материалдык каражаттардын аталыштары)

(Алдыңкы бети)

Документтер менен таанышууда, кароодо (текшерүүдө) аныкталды:

I. ИШ ЖҮЗҮНДӨ КАБЫЛ АЛУУДА САНЫ ЖАНА САПАТТЫК АБАЛЫ

(Арткы бети)