КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 5-январы №2

Кыргыз Республикасында дары-дармек каражаттарына рецепт жазуу жана аларды берүү тартибин бекитүү жөнүндө

(КР Өкмөтүнүн 2015-жылдын 22-апрелиндеги № 232, 2018-жылдын 22-майындагы № 242, КР Министрлер Кабинетинин 2023-жылдын 25-октябрындагы № 571 токтомдорунун редакцияларына ылайык)

"Кыргыз Республикасынын ченемдик укуктук актылары жөнүндө", "Дары-дармек каражаттары жөнүндө" жана "Баңги каражаттар, психотроптук заттар жана прекурсорлор жөнүндө" Кыргыз Республикасынын мыйзамдарына ылайык, калкка дары-дармек жактан жардам көрсөтүү сапатын жогорулатуу, рецепт жазуу жана дары-дармек каражаттарын берүү тартибин кынтыксыз аткаруу максатында Кыргыз Республикасынын Өкмөтү

ТОКТОМ КЫЛАТ:

1. Төмөнкү тиркелгендер бекитилсин:

- дары-дармек каражаттарына рецепт жазуу эрежелери;

- рецептердин бланктарынын формалары;

- саламаттык сактоо уюмдарда жана фармацевттик уюмдарда предметтик-сандык эсепке алына турган дары-дармектердин тизмеги;

- фармацевттик уюмдардан дары-дармек каражаттарын берүү эрежелери;

- саламаттык сактоо уюмдарында талаптарды жазып берүү эрежелери;

- рецепттик бланктарды сактоо тартиби жөнүндө нускама;

- фармацевттик уюмдардын дары-дармек каражаттарын берүүсүн контролдоо тартиби.

- Дарыкана уюмдары аркылуу сатылуучу медициналык багыттагы товарлардын жана буюмдардын тизмеги.

(КР Ѳкмѳтγнγн 2015-жылдын 22-апрели № 232 токтомдун редакциясына ылайык)

2. Кыргыз Республикасынын Саламаттык сактоо министрлиги жана Кыргыз Республикасынын Өкмөтүнө караштуу Милдеттүү медициналык камсыздандыруу фонду (мындан ары - ММКФ) бул токтомду менчигинин түрүнө жана ведомстволук таандыктыгына карабастан бардык саламаттык сактоо уюмдарына жана фармацевттик уюмдарга билдирсин.

3. Рецепт менен берилүүчү дары-дармек каражаттары эл аралык патенттелбеген аталышы менен бекитилген үлгүдөгү рецепттин бланктарында - электрондук форматта жана/же кагаз жүзүндө жазылат деп белгиленсин.

(КР Министрлер Кабинетинин 2023-жылдын 25-октябрындагы № 571 токтомунун редакциясына ылайык)

4. Саламаттык сактоо уюмдарынын жетекчилери ушул токтом менен бекитилген рецепттик бланктардын формасын көбөйтүп басып чыгарууну камсыз кылышсын.

5. Кыргыз Республикасынын Саламаттык сактоо министрлиги А жана Б тизмелериндеги дары-дармек каражаттарынын, ошондой эле дарыканалардан дарыгердин рецептисиз берүүгө уруксат берилген медициналык препараттардын, аларга зарылдыгына жараша өзгөртүүлөрдү жана толуктоолорду киргизүү менен тизмегин аныктасын.

6. Кыргыз Республикасынын Юстиция министрлигинде 2006-жылдын 16-февралында №18-16 менен катталган, Кыргыз Республикасынын Саламаттык сактоо министрлигинин 2006-жылдын 30-январындагы №48 "Дары-дармек каражаттарына рецепт жазып берүү жана аларды берүү эрежелери жөнүндө" буйругу күчүн жоготту деп табылсын.

7. Бул токтом расмий жарыяланган күндөн тартып күчүнө кирет.

РЕЦЕПТ

(КР Өкмөтүнүн 2018-жылдын 22-майындагы № 242 токтомуна ылайык КҮЧҮН ЖОГОТТУ)

Тиркеме

РЕЦЕПТ (чоңдордуку, балдардыкы - керектүүсүнүн астын сызгыла) 201___-ж. ___________________

(КР Өкмөтүнүн 2018-жылдын 22-майындагы № 242 токтомунун редакциясына ылайык)

Бейтаптын аты-жөнү: __________________________________________________________________

Курагы: ______________________________________________________________________________

Дарыгердин аты-жөнү: _________________________________________________________________

Рецепт 10 күнгө, 2 айга, 1 жылга жарактуу (кереги жогун чийип салгыла)

ДАРЫГЕРГЕ ЭСКЕРТМЕ ЛС-1 формадагы рецепттин арткы бетине

Саламаттык сактоо уюмунун коду басмаканалык ыкма менен басылат же штамп коюлат.

Жеке практикадагы дарыгерлердин рецепттик бланктарынын жогорку бурчунда басмаканалык ыкма менен алардын дареги, лицензиясынын номери, берилген датасы, жарактуулук мөөнөтү жана аны берген уюмдун аталышы көрсөтүлүшү керек.

Рецепт латын тилинде, даана, так, сыя же шариктүү калемсап менен жазылат. Оңдоп-түзөөгө тыюу салынат.

Бир рецепттик бланкта предметтик-сандык эсепке алынууга тийиш болгон бир аталыштагы дары-дармек каражатын жана 2 аталышка чейинки рецепт боюнча берилген дары-дармекти жазууга уруксат берилет.

Белгилөөлөрдүн кабыл алынган кыскартууларына гана уруксат берилет, катуу жана чубурма заттар грамм жана миллиграмм, суюктуктар - миллилитр, грамм же тамчы менен жазылат.

Колдонуу ыкмасы кыргыз же орус тилинде көрсөтүлөт. "Ичүүгө", "белгилүү" ж.б. сыяктуу жалпы көрсөтмөлөр менен чектелүүгө тыюу салынат.

Бейтаптын аты-жөнү, анын курагы, дарыгердин аты-жөнү көрсөтүлөт.

Дарыгердин колу өзүнүн өздүк мөөрү, саламаттык сактоо уюмунун рецепт үчүн мөөрү менен күбөлөндүрүлөт.

Дарыгер жазылган рецепттин жарактуулук мөөнөтү жөнүндө бейтапка эскертүүгө милдеттүү.

Баңгизат кармаган дары-дармекти алууга РЕЦЕПТ

АВ N _____________ 75x120 мм

Эскертүү:

Бул бланк бекитилген үлгүдөгү кызгылт түстө суу белгиси бар кагазда бланкты кайталайт.

Сыя жана шариктүү калемсап менен толтурууга жол берилет.

Тариздөө ушул токтом менен бекитилген Дары-дармек каражаттарына рецепт жазуу эрежелеринин 13-пунктуна ылайык жүргүзүлөт.

Баңги препараттарынын жазылган өлчөмү жазуу жүзүндө жазылат.

Саламаттык сактоо уюмдарында жана фармацевттик уюмдарда предметтик-сан жагынан эсепке алына турган дары-дармек каражаттарынын ТИЗМЕГИ

1. Кыргыз Республикасынын Өкмөтүнүн 2007-жылдын 9-ноябрындагы N 543 "Кыргыз Республикасында контролдонууга тийиш болгон баңги каражаттары, психотроптук заттар жана прекурсорлор жөнүндө" токтому менен бекитилген баңги каражаттар, психотроптук заттар жана прекурсорлор.

2. Уулуу дары-дармек каражаттары.

2.1. Уулуу дары-дармек каражаттары:

1) атропин сульфаты;

2) сымап дийодиди;

3) дикаин;

4) күмүш нитраты (ляпис);

5) гоматропин гидробромиди;

6) апоморфин гидрохлориди;

7) пахикарпиндинг гидройодиди;

8) литий оксибутираты.

2.2. Өзгөчө уулуу дары-дармек каражаттары:

1) мышьяктуу ангидрид;

2) натрий арсенаты кристаллдык (мышьяктуу кислотанын динатрий тузу);

3) стрихнин нитраты;

4) сымап дихлориди (сулема);

5) сымап оксицианиди (оксицианиддүү сымап);

6) сымап цианиди.

3. Этил спирти - ангро.

4. Таасири күчтүү заттар:

1) клонидин (клофелин, гемитон, катапрессан) - порошок, көз тамчылары, саюу үчүн эритмелер;

2) тригексифенидил (циклодол).

Эскертүү:

Дары-дармек каражаттары катталганына жараша Предметтик-сан жагынан эсепке алына турган дары-дармек каражаттарынын тизмеги дайыма толукталып турууга тийиш.

Саламаттык сактоо уюмдарынын жана фармацевтик уюмдардын жетекчилери предметтик-сан жагынан эсепке алына турган дары-дармек каражаттарынын жана медициналык багыттагы буюмдардын кошумча тизмесин белгилеши мүмкүн.

Дарыкана уюмдары аркылуу сатылуучу медициналык багыттагы товарлардын жана буюмдардын ТИЗМЕГИ

(КР Өкмөтүнүн 2015-жылдын 22-апрелиндеги № 232 токтомунун редакциясына ылайык)

Эскертүү.

(*) Лицензиясы бар жеке практикадагы дарыгерлерге жана саламаттык сактоо уюмдарына сатуу үчүн арналган товарлар.

1. Дарыкана уюмдары аркылуу сатылуучу бардык товарларда алардын сапатын ырастоочу документи болушу керек.

2. Медициналык багыттагы товарлар жана буюмдар дары-дармек каражаттарынан өзүнчө жайгаштырылып, ушул Тизмекте көрсөтүлгөн топторго бөлүштүрүлүшү керек.