КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 3-марты № 136

Кыргыз Республикасынын Өкмөтүнүн айрым чечимдерине өзгөртүүлөрдү жана толуктоо киргизүү жөнүндө

"Кыргыз Республикасында жарандардын саламаттыгын сактоо жөнүндө", "Кыргыз Республикасында жарандарды медициналык камсыздандыруу жөнүндө", "Кыргыз Республикасындагы лицензиялык-уруксат берүү тутуму жөнүндө" Кыргыз Республикасынын мыйзамдарын ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2012-жылдын 12-январындагы № 28 "Мамлекеттик кепилдиктер программасы жана Милдеттүү медициналык камсыздандыруунун кошумча программасы боюнча амбулатордук деңгээлде калкты жеңилдетилген дары-дармек менен камсыздоо жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

5-пунктундагы "камсыздоо, саламаттык сактоо, эмгек жана миграция" деген сөздөр "өнүктүрүү" деген сөз менен алмаштырылсын;

жогоруда аталган токтом менен бекитилген Мамлекеттик кепилдиктер программасы жана Милдеттүү медициналык камсыздандыруунун кошумча программасы боюнча амбулатордук деңгээлде калкты жеңилдетилген дары-дармек менен камсыздоо жөнүндө жободо:

- 10-пунктундагы ", Бишкек шаарынын жергиликтүү бюджетинин каражаттарынан," деген сөздөр "жана" деген сөз менен алмаштырылсын;

- 12-пунктунун биринчи абзацындагы ", Бишкек шаарынын жергиликтүү бюджетинин" деген сөздөр алып салынсын;

- 38-пунктунда:

1-пунктча төмөнкүдөй редакцияда баяндалсын:

"1) дары каражаттарын жана медициналык багыттагы буюмдарды өндүрүүгө, даярдоого жана сатууга лицензиянын болушу;";

2-пунктча күчүн жоготту деп таанылсын;

- 50-пунктундагы "үйүнүн дареги же" деген сөздөр алып салынсын.

2. Кыргыз Республикасынын Өкмөтүнүн 2012-жылдын 26-мартындагы № 205 "Калкты дары-дармек менен камсыз кылуунун жеткиликтүүлүгүн жакшыртуу боюнча чаралар жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Баштапкы деңгээлде дары-дармек менен камсыз кылуунун жеңилдетилген программалары боюнча дарыкана мекемелери тарабынан фармацевтикалык кызмат көрсөтүү жөнүндө келишимде:

- 14-пунктунун бешинчи абзацы төмөнкүдөй редакцияда баяндалсын:

"- дары-дармек каражаттарын жана медициналык багыттагы буюмдарды өндүрүүгө, даярдоого жана сатууга лицензиянын жарактуу мөөнөтү аяктаганда;";

- 18-пунктунун 2-пунктчасынын экинчи абзацы төмөнкүдөй редакцияда баяндалсын:

"- дары-дармек каражаттарын жана медициналык багыттагы буюмдарды өндүрүүгө, даярдоого жана сатууга лицензия (Төлөөчүнүн жооптуу кызматкери тарабынан түп нуска менен салыштырылып текшерилген көчүрмө);".

3. (КР Министрлер Кабинетинин 2023-жылдын 21-сентябрындагы № 493 токтомуна ылайык күчүн жоготту)

4. Ушул токтом расмий жарыяланган күндөн тартып он күн өткөндөн кийин күчүнө кирет.